5.6 - Hiranyavarnah Shuchayah - Krishna Yajurveda Taittiriya Samhita Pathah

ॐ

5.6 - 𑌹𑌿𑌰𑌣𑍍𑌯𑌵𑌰𑍍𑌣𑌾𑌃 𑌶𑍁𑌚𑌯𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 - 𑌉𑌪𑌾𑌨𑍁𑌵𑌾𑌕𑍍𑌯𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌹𑌿𑌰॑𑌣𑍍𑌯𑌵𑌰𑍍𑌣𑌾॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾 𑌯𑌾𑌸𑍁॑ 𑌜𑌾॒𑌤𑌃 𑌕॒𑌶𑍍𑌯𑌪𑍋॒ 𑌯𑌾𑌸𑍍𑌵𑌿𑌨𑍍𑌦𑍍𑌰𑌃॑ । 𑌅॒𑌗𑍍𑌨𑌿𑌂-𑌯𑌾𑌁 𑌗𑌰𑍍𑌭॑-𑌨𑍍𑌦𑌧𑌿॒𑌰𑍇 𑌵𑌿𑌰𑍂॑𑌪𑌾॒𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌯𑌾𑌸𑌾॒𑌗𑍍𑌂॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌯𑌾𑌤𑌿॒ 𑌮𑌦𑍍𑌧𑍍𑌯𑍇॑ 𑌸𑌤𑍍𑌯𑌾𑌨𑍃॒𑌤𑍇 𑌅॑𑌵॒𑌪𑌶𑍍𑌯॒𑌨𑍍 𑌜𑌨𑌾॑𑌨𑌾𑌮𑍍 । 𑌮॒𑌧𑍁॒𑌶𑍍𑌚𑍁𑌤॒-𑌶𑍍𑌶𑍁𑌚॑𑌯𑍋॒ 𑌯𑌾𑌃 𑌪𑌾॑𑌵॒𑌕𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌯𑌾𑌸𑌾᳚-𑌨𑍍𑌦𑍇॒𑌵𑌾 𑌦𑌿॒𑌵𑌿 𑌕𑍃॒𑌣𑍍𑌵𑌨𑍍𑌤𑌿॑ 𑌭॒𑌕𑍍𑌷𑌂-𑌯𑌾𑌁 𑌅॒𑌨𑍍𑌤𑌰𑌿॑𑌕𑍍𑌷𑍇 𑌬𑌹𑍁॒𑌧𑌾 𑌭𑌵॑𑌨𑍍𑌤𑌿 । 𑌯𑌾𑌃 𑌪𑍃॑𑌥𑌿॒𑌵𑍀-𑌮𑍍𑌪𑌯॑𑌸𑍋॒𑌨𑍍𑌦𑌨𑍍𑌤𑌿॑ - [ ] 1

𑌶𑍁॒𑌕𑍍𑌰𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌶𑌿॒𑌵𑍇𑌨॑ 𑌮𑌾॒ 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌾-𑌽𑌽𑌪-𑌶𑍍𑌶𑌿॒𑌵𑌯𑌾॑ 𑌤॒𑌨𑍁𑌵𑍋𑌪॑ 𑌸𑍍𑌪𑍃𑌶𑌤॒ 𑌤𑍍𑌵𑌚॑-𑌮𑍍𑌮𑍇 । 𑌸𑌰𑍍𑌵𑌾𑌗𑍍𑌂॑ 𑌅॒𑌗𑍍𑌨𑍀𑌗𑍍𑌂 𑌰॑𑌫𑍍𑌸𑍁॒𑌷𑌦𑍋॑ 𑌹𑍁𑌵𑍇 𑌵𑍋॒ 𑌮𑌯𑌿॒ 𑌵𑌰𑍍𑌚𑍋॒ 𑌬𑌲॒𑌮𑍋𑌜𑍋॒ 𑌨𑌿 𑌧॑𑌤𑍍𑌤 ॥ 𑌯𑌦॒𑌦-𑌸𑍍𑌸॑-𑌮𑍍𑌪𑍍𑌰𑌯॒𑌤𑍀𑌰𑌹𑌾॒ 𑌵𑌨॑𑌦𑌤𑌾𑌹॒𑌤𑍇 । 𑌤𑌸𑍍𑌮𑌾॒𑌦𑌾 𑌨॒𑌦𑍍𑌯𑍋॑ 𑌨𑌾𑌮॑ 𑌸𑍍𑌥॒ 𑌤𑌾 𑌵𑍋॒ 𑌨𑌾𑌮𑌾॑𑌨𑌿 𑌸𑌿𑌨𑍍𑌧𑌵𑌃 ॥ 𑌯-𑌤𑍍𑌪𑍍𑌰𑍇𑌷𑌿॑𑌤𑌾॒ 𑌵𑌰𑍁॑𑌣𑍇𑌨॒ 𑌤𑌾-𑌶𑍍𑌶𑍀𑌭𑌗𑍍𑌂॑ 𑌸॒𑌮𑌵॑𑌲𑍍𑌗𑌤 । 2

𑌤𑌦𑌾᳚𑌪𑍍𑌨𑍋॒-𑌦𑌿𑌨𑍍𑌦𑍍𑌰𑍋॑ 𑌵𑍋 𑌯॒𑌤𑍀-𑌸𑍍𑌤𑌸𑍍𑌮𑌾॒-𑌦𑌾𑌪𑍋॒ 𑌅𑌨𑍁॑ 𑌸𑍍𑌥𑌨 ॥ 𑌅॒𑌪॒𑌕𑌾॒𑌮𑌗𑍍𑌗𑍍 𑌸𑍍𑌯𑌨𑍍𑌦॑𑌮𑌾𑌨𑌾॒ 𑌅𑌵𑍀॑𑌵𑌰𑌤 𑌵𑍋॒ 𑌹𑌿𑌕᳚𑌮𑍍 । 𑌇𑌨𑍍𑌦𑍍𑌰𑍋॑ 𑌵॒-𑌶𑍍𑌶𑌕𑍍𑌤𑌿॑𑌭𑌿 𑌰𑍍𑌦𑍇𑌵𑍀॒-𑌸𑍍𑌤𑌸𑍍𑌮𑌾॒-𑌦𑍍𑌵𑌾𑌰𑍍𑌣𑌾𑌮॑ 𑌵𑍋 𑌹𑌿॒𑌤𑌮𑍍 ॥ 𑌏𑌕𑍋॑ 𑌦𑍇॒𑌵𑍋 𑌅𑌪𑍍𑌯॑𑌤𑌿𑌷𑍍𑌠॒-𑌥𑍍𑌸𑍍𑌯𑌨𑍍𑌦॑𑌮𑌾𑌨𑌾 𑌯𑌥𑌾 𑌵॒𑌶𑌮𑍍 । 𑌉𑌦𑌾॑𑌨𑌿𑌷𑍁-𑌰𑍍𑌮॒𑌹𑍀𑌰𑌿𑌤𑌿॒ 𑌤𑌸𑍍𑌮𑌾॑-𑌦𑍁𑌦॒𑌕-𑌮𑍁॑𑌚𑍍𑌯𑌤𑍇 ॥ 𑌆𑌪𑍋॑ 𑌭॒𑌦𑍍𑌰𑌾 𑌘𑍃॒𑌤𑌮𑌿𑌦𑌾𑌪॑ 𑌆𑌸𑍁𑌰॒𑌗𑍍𑌨𑍀-𑌷𑍋𑌮𑍗॑ 𑌬𑌿𑌭𑍍𑌰॒𑌤𑍍𑌯𑌾𑌪॒ 𑌇-𑌤𑍍𑌤𑌾𑌃 । 𑌤𑍀॒𑌵𑍍𑌰𑍋 𑌰𑌸𑍋॑ 𑌮𑌧𑍁॒𑌪𑍃𑌚𑌾॑- [𑌮𑌧𑍁॒𑌪𑍃𑌚𑌾᳚𑌮𑍍, 𑌅॒𑌰॒𑌙𑍍𑌗॒𑌮 𑌆 𑌮𑌾᳚] 3

-𑌮𑌰𑌙𑍍𑌗॒𑌮 𑌆 𑌮𑌾᳚ 𑌪𑍍𑌰𑌾॒𑌣𑍇𑌨॑ 𑌸॒𑌹 𑌵𑌰𑍍𑌚॑𑌸𑌾 𑌗𑌨𑍍𑌨𑍍 ॥ 𑌆𑌦𑌿-𑌤𑍍𑌪॑𑌶𑍍𑌯𑌾𑌮𑍍𑌯𑍁॒𑌤 𑌵𑌾॑ 𑌶𑍃𑌣𑍋॒𑌮𑍍𑌯𑌾 𑌮𑌾॒ 𑌘𑍋𑌷𑍋॑ 𑌗𑌚𑍍𑌛𑌤𑌿॒ 𑌵𑌾𑌨𑍍𑌨॑ 𑌆𑌸𑌾𑌮𑍍 । 𑌮𑌨𑍍𑌯𑍇॑ 𑌭𑍇𑌜𑌾॒𑌨𑍋 𑌅॒𑌮𑍃𑌤॑𑌸𑍍𑌯॒ 𑌤𑌰𑍍𑌹𑌿॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ 𑌅𑌤𑍃॑𑌪𑌂-𑌯𑌁॒𑌦𑌾 𑌵𑌃॑ ॥ 𑌆𑌪𑍋॒ 𑌹𑌿 𑌷𑍍𑌠𑌾 𑌮॑𑌯𑍋॒ 𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 । 𑌮॒𑌹𑍇 𑌰𑌣𑌾॑𑌯॒ 𑌚𑌕𑍍𑌷॑𑌸𑍇 ॥ 𑌯𑍋 𑌵𑌃॑ 𑌶𑌿॒𑌵𑌤॑𑌮𑍋॒ 𑌰𑌸॒𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒𑌹 𑌨𑌃॑ । 𑌉॒𑌶॒𑌤𑍀𑌰𑌿॑𑌵 𑌮𑌾॒𑌤𑌰𑌃॑ ॥ 𑌤𑌸𑍍𑌮𑌾॒ 𑌅𑌰॑-𑌙𑍍𑌗𑌮𑌾𑌮 𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 । 𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥ 𑌦𑌿॒𑌵𑌿 𑌶𑍍𑌰॑𑌯 𑌸𑍍𑌵𑌾॒𑌨𑍍𑌤𑌰𑌿॑𑌕𑍍𑌷𑍇 𑌯𑌤𑌸𑍍𑌵 𑌪𑍃𑌥𑌿॒𑌵𑍍𑌯𑌾 𑌸-𑌮𑍍𑌭॑𑌵 𑌬𑍍𑌰𑌹𑍍𑌮𑌵𑌰𑍍𑌚॒-𑌸𑌮॑𑌸𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯॑ 𑌤𑍍𑌵𑌾 ॥ 4

(𑌉॒𑌦𑌨𑍍𑌤𑌿॑ - 𑌸॒𑌮𑌵॑𑌲𑍍𑌗𑌤 - 𑌮𑌧𑍁॒𑌪𑍃𑌚𑌾𑌂᳚ - 𑌮𑌾॒𑌤𑌰𑍋॒ - 𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 1)

𑌅॒𑌪𑌾-𑌙𑍍𑌗𑍍𑌰𑌹𑌾᳚-𑌨𑍍𑌗𑍃𑌹𑍍𑌣𑌾𑌤𑍍𑌯𑍇॒𑌤𑌦𑍍𑌵𑌾𑌵 𑌰𑌾॑𑌜॒𑌸𑍂𑌯𑌂॒-𑌯𑌁𑌦𑍇॒𑌤𑍇 𑌗𑍍𑌰𑌹𑌾᳚-𑌸𑍍𑌸॒𑌵𑍋᳚ 𑌽𑌗𑍍𑌨𑌿𑌰𑍍𑌵॑𑌰𑍁𑌣𑌸॒𑌵𑍋 𑌰𑌾॑𑌜॒𑌸𑍂𑌯॑-𑌮𑌗𑍍𑌨𑌿𑌸॒𑌵-𑌶𑍍𑌚𑌿𑌤𑍍𑌯॒𑌸𑍍𑌤𑌾𑌭𑍍𑌯𑌾॑-𑌮𑍇॒𑌵 𑌸𑍂॑𑌯॒𑌤𑍇-𑌽𑌥𑍋॑ 𑌉॒𑌭𑌾𑌵𑍇॒𑌵 𑌲𑍋॒𑌕𑌾𑌵॒𑌭𑌿 𑌜॑𑌯𑌤𑌿॒ 𑌯𑌶𑍍𑌚॑ 𑌰𑌾𑌜॒𑌸𑍂𑌯𑍇॑𑌨𑍇𑌜𑌾॒𑌨𑌸𑍍𑌯॒ 𑌯𑌶𑍍𑌚𑌾᳚-𑌽𑌗𑍍𑌨𑌿॒𑌚𑌿𑌤॒ 𑌆𑌪𑍋॑ 𑌭𑌵॒𑌨𑍍𑌤𑍍𑌯𑌾𑌪𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌭𑍍𑌰𑌾𑌤𑍃॑𑌵𑍍𑌯𑌾॒ 𑌯𑌦॒𑌪𑍋᳚ 𑌽𑌗𑍍𑌨𑍇𑌰॒𑌧𑌸𑍍𑌤𑌾॑𑌦𑍁𑌪॒ 𑌦𑌧𑌾॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯॒𑌮𑍃𑌤𑌂॒- [𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯॒𑌮𑍃𑌤᳚𑌮𑍍, 𑌵𑌾 𑌆𑌪॒𑌸𑍍𑌤𑌸𑍍𑌮𑌾॑-] 5

-𑌁𑌵𑌾 𑌆𑌪॒𑌸𑍍𑌤𑌸𑍍𑌮𑌾॑-𑌦॒𑌦𑍍𑌭𑌿𑌰𑌵॑𑌤𑌾𑌨𑍍𑌤-𑌮॒𑌭𑌿 𑌷𑌿॑𑌞𑍍𑌚𑌨𑍍𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦𑌾𑌨𑍍𑌨𑌂॒-𑌵𑌾𑌁 𑌆𑌪𑌃॑ 𑌪॒𑌶𑌵॒ 𑌆𑌪𑍋-𑌽𑌨𑍍𑌨॑-𑌮𑍍𑌪॒𑌶𑌵𑍋᳚-𑌽𑌨𑍍𑌨𑌾॒𑌦𑌃 𑌪॑𑌶𑍁॒𑌮𑌾-𑌨𑍍𑌭॑𑌵𑌤𑌿॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒ 𑌦𑍍𑌵𑌾𑌦॑𑌶 𑌭𑌵𑌨𑍍𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾॒ [-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾᳚, 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒] 6

𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌪𑌾𑌤𑍍𑌰𑌾॑𑌣𑌿 𑌭𑌵𑌨𑍍𑌤𑌿॒ 𑌪𑌾𑌤𑍍𑌰𑍇॒ 𑌵𑌾 𑌅𑌨𑍍𑌨॑𑌮𑌦𑍍𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧॒ 𑌆 𑌦𑍍𑌵𑌾॑𑌦॒𑌶𑌾-𑌤𑍍𑌪𑍁𑌰𑍁॑𑌷𑌾॒𑌦𑌨𑍍𑌨॑-𑌮॒𑌤𑍍𑌤𑍍𑌯𑌥𑍋॒ 𑌪𑌾𑌤𑍍𑌰𑌾॒𑌨𑍍𑌨 𑌛𑌿॑𑌦𑍍𑌯𑌤𑍇॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॑ 𑌕𑍁॒𑌮𑍍𑌭𑌾𑌶𑍍𑌚॑ 𑌕𑍁॒𑌮𑍍𑌭𑍀𑌶𑍍𑌚॑ 𑌮𑌿𑌥𑍁॒𑌨𑌾𑌨𑌿॑ 𑌭𑌵𑌨𑍍𑌤𑌿 𑌮𑌿𑌥𑍁॒𑌨𑌸𑍍𑌯॒ 𑌪𑍍𑌰𑌜𑌾᳚𑌤𑍍𑌯𑍈॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ [𑌯 𑌉॑, 𑌚𑍈॒𑌨𑌾॒ 𑌏॒𑌵𑌂-𑌵𑍇𑌁𑌦॒] 7

𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒ 𑌶𑍁𑌗𑍍𑌵𑌾 𑌅॒𑌗𑍍𑌨𑌿-𑌸𑍍𑌸𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌂-𑌯𑌁𑌜॑𑌮𑌾𑌨-𑌮𑍍𑌪𑍍𑌰॒𑌜𑌾-𑌶𑍍𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌯𑌦॒𑌪 𑌉॑𑌪॒𑌦𑌧𑌾॑𑌤𑌿॒ 𑌶𑍁𑌚॑𑌮𑍇॒𑌵𑌾𑌸𑍍𑌯॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨॒-𑌶𑍍𑌶𑌾𑌮𑍍𑌯॑𑌨𑍍𑌤𑌿 𑌪𑍍𑌰॒𑌜𑌾 𑌯𑌤𑍍𑌰𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌽𑌪𑌾𑌂-𑌵𑌾𑌁 𑌏॒𑌤𑌾𑌨𑌿॒ 𑌹𑍃𑌦॑𑌯𑌾𑌨𑌿॒ 𑌯𑌦𑍇॒𑌤𑌾 𑌆𑌪𑍋॒ 𑌯𑌦𑍇॒𑌤𑌾 𑌅॒𑌪 𑌉॑𑌪॒𑌦𑌧𑌾॑𑌤𑌿 𑌦𑌿॒𑌵𑍍𑌯𑌾𑌭𑌿॑𑌰𑍇॒𑌵𑍈𑌨𑌾॒-𑌸𑍍𑌸𑌗𑍍𑌂 𑌸𑍃॑𑌜𑌤𑌿॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ [𑌪॒𑌰𑍍𑌜𑌨𑍍𑌯𑌃॑, 𑌭॒𑌵॒𑌤𑌿॒ 𑌯𑍋 𑌵𑌾] 8

𑌭𑌵𑌤𑌿॒ 𑌯𑍋 𑌵𑌾 𑌏॒𑌤𑌾𑌸𑌾॑𑌮𑌾॒𑌯𑌤॑𑌨॒-𑌙𑍍𑌕𑍢𑌪𑍍𑌤𑌿𑌂॒-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌕𑌲𑍍𑌪॑𑌤𑍇 𑌽𑌸𑍍𑌮𑌾 𑌅𑌨𑍁𑌸𑍀॒𑌤𑌮𑍁𑌪॑ 𑌦𑌧𑌾𑌤𑍍𑌯𑍇॒𑌤𑌦𑍍𑌵𑌾 𑌆॑𑌸𑌾𑌮𑌾॒𑌯𑌤॑𑌨𑌮𑍇॒𑌷𑌾 𑌕𑍢𑌪𑍍𑌤𑌿॒𑌰𑍍𑌯 𑌏॒𑌵𑌂-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌕𑌲𑍍𑌪॑𑌤𑍇-𑌽𑌸𑍍𑌮𑍈 𑌦𑍍𑌵॒𑌦𑍍𑌵𑌮𑍍𑌮॒𑌨𑍍𑌯𑌾 𑌉𑌪॑ 𑌦𑌧𑌾𑌤𑌿॒ 𑌚𑌤॑𑌸𑍍𑌰𑍋॒ 𑌮𑌦𑍍𑌧𑍍𑌯𑍇॒ 𑌧𑍃𑌤𑍍𑌯𑌾॒ 𑌅𑌨𑍍𑌨𑌂॒-𑌵𑌾𑌁 𑌇𑌷𑍍𑌟॑𑌕𑌾 𑌏॒𑌤-𑌤𑍍𑌖𑌲𑍁॒ 𑌵𑍈 𑌸𑌾॒𑌕𑍍𑌷𑌾𑌦𑌨𑍍𑌨𑌂॒-𑌯𑌁𑌦𑍇॒𑌷 𑌚॒𑌰𑍁𑌰𑍍𑌯𑌦𑍇॒𑌤-𑌞𑍍𑌚॒𑌰𑍁𑌮𑍁॑𑌪॒ 𑌦𑌧𑌾॑𑌤𑌿 𑌸𑌾॒𑌕𑍍𑌷𑌾- [𑌸𑌾॒𑌕𑍍𑌷𑌾𑌤𑍍, 𑌏॒𑌵𑌾-𑌽𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇] 9

-𑌦𑍇॒𑌵𑌾-𑌽𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤 𑌉𑌪॑ 𑌦𑌧𑌾𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤𑍋-𑌽𑌨𑍍𑌨॑𑌮𑌦𑍍𑌯𑌤𑍇 𑌬𑌾𑌰𑍍𑌹𑌸𑍍𑌪॒𑌤𑍍𑌯𑍋 𑌭॑𑌵𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮॑𑌸𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯॒ 𑌤𑍍𑌵𑍇𑌤𑍍𑌯𑌾॑𑌹 𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭॑𑌵𑌤𑌿॒ 𑌯𑌸𑍍𑌯𑍈॒𑌷 𑌉॑𑌪𑌧𑍀॒𑌯𑌤𑍇॒ 𑌯 𑌉॑ 𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 10 ॥

(𑌅॒𑌮𑍃𑌤॑ - 𑌮𑌸𑍍𑌮𑍈 - 𑌜𑌾𑌯𑌤𑍇॒ 𑌯𑌸𑍍𑌯𑍈॒𑌤𑌾 - 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ - 𑌪॒𑌰𑍍𑌜𑌨𑍍𑌯॑ - 𑌉𑌪॒𑌦𑌧𑌾॑𑌤𑌿 𑌸𑌾॒𑌕𑍍𑌷𑌾𑌥𑍍 - 𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 2)

𑌭𑍂॒𑌤𑍇॒𑌷𑍍𑌟॒𑌕𑌾 𑌉𑌪॑ 𑌦𑌧𑌾॒𑌤𑍍𑌯𑌤𑍍𑌰𑌾᳚𑌤𑍍𑌰॒ 𑌵𑍈 𑌮𑍃॒𑌤𑍍𑌯𑍁𑌰𑍍𑌜𑌾॑𑌯𑌤𑍇॒ 𑌯𑌤𑍍𑌰॑𑌯𑌤𑍍𑌰𑍈॒𑌵 𑌮𑍃॒𑌤𑍍𑌯𑍁𑌰𑍍𑌜𑌾𑌯॑𑌤𑍇॒ 𑌤𑌤॑ 𑌏॒𑌵𑍈𑌨॒𑌮𑌵॑ 𑌯𑌜𑌤𑍇॒ 𑌤𑌸𑍍𑌮𑌾॑𑌦𑌗𑍍𑌨𑌿॒𑌚𑌿-𑌥𑍍𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌸𑌰𑍍𑌵𑍇॒ 𑌹𑍍𑌯॑𑌸𑍍𑌯 𑌮𑍃॒𑌤𑍍𑌯𑌵𑍋 𑌽𑌵𑍇᳚𑌷𑍍𑌟𑌾॒𑌸𑍍𑌤𑌸𑍍𑌮𑌾॑-𑌦𑌗𑍍𑌨𑌿॒𑌚𑌿𑌨𑍍𑌨𑌾-𑌭𑌿𑌚॑𑌰𑌿𑌤॒𑌵𑍈 𑌪𑍍𑌰॒𑌤𑍍𑌯𑌗𑍇॑𑌨-𑌮𑌭𑌿𑌚𑌾॒𑌰-𑌸𑍍𑌸𑍍𑌤𑍃॑𑌣𑍁𑌤𑍇 𑌸𑍂॒𑌯𑌤𑍇॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌦𑍇॑𑌵𑌸𑍁॒𑌵𑌾𑌮𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌭𑌵𑌨𑍍𑌤𑍍𑌯𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌗𑍍𑌂॑ 𑌸॒𑌵𑌾𑌸𑍍𑌤 𑌏॒𑌵𑌾- [𑌸॒𑌵𑌾𑌸𑍍𑌤 𑌏॒𑌵, 𑌅॒𑌸𑍍𑌮𑍈॒ 𑌸॒𑌵𑌾-𑌨𑍍𑌪𑍍𑌰] 11

-𑌽𑌸𑍍𑌮𑍈॑ 𑌸॒𑌵𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿॒ 𑌤 𑌏॑𑌨𑌗𑍍𑌂 𑌸𑍁𑌵𑌨𑍍𑌤𑍇 𑌸॒𑌵𑍋᳚-𑌽𑌗𑍍𑌨𑌿𑌰𑍍𑌵॑𑌰𑍁𑌣𑌸॒𑌵𑍋 𑌰𑌾॑𑌜॒𑌸𑍂𑌯॑-𑌮𑍍𑌬𑍍𑌰𑌹𑍍𑌮𑌸॒𑌵𑌶𑍍𑌚𑌿𑌤𑍍𑌯𑍋॑ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿𑌰॒𑌭𑌿 𑌷𑌿॑𑌞𑍍𑌚॒𑌤𑍍𑌯𑌨𑍍𑌨॑-𑌸𑍍𑌯𑌾𑌨𑍍𑌨𑌸𑍍𑌯𑌾॒𑌭𑌿 𑌷𑌿॑𑌞𑍍𑌚॒𑌤𑍍𑌯𑌨𑍍𑌨॑-𑌸𑍍𑌯𑌾𑌨𑍍𑌨॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॑𑌮॒𑌭𑌿 𑌷𑌿॑𑌞𑍍𑌚𑌤𑌿 𑌪𑍁॒𑌰𑌸𑍍𑌤𑌾॒𑌦𑍍𑌧𑌿 𑌪𑍍𑌰॑𑌤𑍀॒𑌚𑍀-𑌨॒𑌮𑌨𑍍𑌨॑𑌮॒𑌦𑍍𑌯𑌤𑍇॑ 𑌶𑍀𑌰𑍍𑌷॒𑌤𑍋॑-𑌽𑌭𑌿 𑌷𑌿॑𑌞𑍍𑌚𑌤𑌿 𑌶𑍀𑌰𑍍𑌷॒𑌤𑍋 𑌹𑍍𑌯𑌨𑍍𑌨॑𑌮॒𑌦𑍍𑌯𑌤॒ 𑌆 𑌮𑍁𑌖𑌾॑-𑌦॒𑌨𑍍𑌵𑌵॑𑌸𑍍𑌰𑌾𑌵𑌯𑌤𑌿 [𑌮𑍁𑌖𑌾॑-𑌦॒𑌨𑍍𑌵𑌵॑𑌸𑍍𑌰𑌾𑌵𑌯𑌤𑌿, 𑌮𑍁॒𑌖॒𑌤 𑌏॒𑌵𑌾-𑌽𑌸𑍍𑌮𑌾॑] 12

𑌮𑍁𑌖॒𑌤 𑌏॒𑌵𑌾-𑌽𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯॑-𑌨𑍍𑌦𑌧𑌾𑌤𑍍𑌯॒𑌗𑍍𑌨𑍇𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿 𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇-𑌸𑍍𑌸॒𑌵𑌸𑍍𑌤𑍇𑌨𑍈॒𑌵𑍈𑌨॑𑌮॒𑌭𑌿 𑌷𑌿॑𑌞𑍍𑌚𑌤𑌿॒ 𑌬𑍃𑌹॒𑌸𑍍𑌪𑌤𑍇᳚𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑍈𑌨॑𑌮॒𑌭𑌿 𑌷𑌿॑𑌞𑍍𑌚॒𑌤𑍀𑌨𑍍𑌦𑍍𑌰॑𑌸𑍍𑌯 𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿 𑌷𑌿॑𑌞𑍍𑌚𑌾॒-𑌮𑍀𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍁॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑍍𑌯𑍇॒𑌤- [-𑌦𑍍𑌦𑌧𑌾𑌤𑍍𑌯𑍇॒𑌤𑌤𑍍, 𑌵𑍈 𑌰𑌾॑𑌜॒𑌸𑍂𑌯॑𑌸𑍍𑌯] 13

-𑌦𑍍𑌵𑍈 𑌰𑌾॑𑌜॒𑌸𑍂𑌯॑𑌸𑍍𑌯 𑌰𑍂॒𑌪𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌉॒𑌭𑌾𑌵𑍇॒𑌵 𑌲𑍋॒𑌕𑌾𑌵॒𑌭𑌿 𑌜॑𑌯𑌤𑌿॒ 𑌯𑌶𑍍𑌚॑ 𑌰𑌾𑌜॒𑌸𑍂𑌯𑍇॑𑌨𑍇𑌜𑌾॒𑌨𑌸𑍍𑌯॒ 𑌯𑌶𑍍𑌚𑌾᳚𑌗𑍍𑌨𑌿॒𑌚𑌿𑌤॒ 𑌇𑌨𑍍𑌦𑍍𑌰॑𑌸𑍍𑌯 𑌸𑍁𑌷𑍁𑌵𑌾॒𑌣𑌸𑍍𑌯॑ 𑌦𑌶॒𑌧𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑌰𑌾॑-𑌽𑌪𑌤॒-𑌤𑍍𑌤𑌦𑍍𑌦𑍇॒𑌵𑌾-𑌸𑍍𑌸𑍗᳚𑌤𑍍𑌰𑌾𑌮॒𑌣𑍍𑌯𑌾 𑌸𑌮॑𑌭𑌰𑌨𑍍-𑌥𑍍𑌸𑍂॒𑌯𑌤𑍇॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌸𑍗᳚𑌤𑍍𑌰𑌾𑌮॒𑌣𑍍𑌯𑌾 𑌯॑𑌜𑍇𑌤𑍇𑌨𑍍𑌦𑍍𑌰𑌿॒𑌯𑌮𑍇॒𑌵 𑌵𑍀॒𑌰𑍍𑌯𑌗𑍍𑌂॑ 𑌸॒𑌭𑍃𑌨𑍍𑌤𑍍𑌯𑌾॒-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 ॥ 14 ॥

(𑌤 𑌏॒𑌵𑌾 - 𑌨𑍍𑌵𑌵॑𑌸𑍍𑌰𑌾𑌵𑌯𑌤𑍍𑌯𑍇॒ - 𑌤 - 𑌦॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 3)

𑌸॒𑌜𑍂𑌰𑌬𑍍𑌦𑍋-𑌽𑌯𑌾॑𑌵𑌭𑌿-𑌸𑍍𑌸॒𑌜𑍂𑌰𑍁॒𑌷𑌾 𑌅𑌰𑍁॑𑌣𑍀𑌭𑌿-𑌸𑍍𑌸॒𑌜𑍂-𑌸𑍍𑌸𑍂𑌰𑍍𑌯॒ 𑌏𑌤॑𑌶𑍇𑌨 𑌸॒𑌜𑍋𑌷𑌾॑𑌵॒𑌶𑍍𑌵𑌿𑌨𑌾॒ 𑌦𑌗𑍍𑌂𑌸𑍋॑𑌭𑌿-𑌸𑍍𑌸॒𑌜𑍂𑌰॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰 𑌇𑌡𑌾॑𑌭𑌿𑌰𑍍𑌘𑍃॒𑌤𑍇𑌨॒ 𑌸𑍍𑌵𑌾𑌹𑌾॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅𑌬𑍍𑌦𑍋॒ 𑌮𑌾𑌸𑌾॒ 𑌅𑌯𑌾॑𑌵𑌾 𑌉॒𑌷𑌾 𑌅𑌰𑍁॑𑌣𑍀॒ 𑌸𑍂𑌰𑍍𑌯॒ 𑌏𑌤॑𑌶 𑌇॒𑌮𑍇 𑌅॒𑌶𑍍𑌵𑌿𑌨𑌾॑ 𑌸𑌂𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪॒𑌶𑌵॒ 𑌇𑌡𑌾॑ 𑌪॒𑌶𑌵𑍋॑ 𑌘𑍃॒𑌤𑌗𑍍𑌂 𑌸𑌂॑𑌵𑌁𑌥𑍍𑌸॒𑌰-𑌮𑍍𑌪॒𑌶𑌵𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌨𑍍𑌤𑍇 𑌸𑌂𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑌿 𑌦𑌰𑍍𑌭𑌸𑍍𑌤॒𑌮𑍍𑌬𑍇 𑌜𑍁॑𑌹𑍋𑌤𑌿॒ 𑌯 - [ ] 15

-𑌦𑍍𑌵𑌾 𑌅॒𑌸𑍍𑌯𑌾 𑌅॒𑌮𑍃𑌤𑌂॒-𑌯𑌁-𑌦𑍍𑌵𑍀॒𑌰𑍍𑌯॑-𑌨𑍍𑌤-𑌦𑍍𑌦॒𑌰𑍍𑌭𑌾𑌸𑍍𑌤𑌸𑍍𑌮𑌿॑𑌨𑍍 𑌜𑍁𑌹𑍋𑌤𑌿॒ 𑌪𑍍𑌰𑍈𑌵 𑌜𑌾॑𑌯𑌤𑍇 𑌽𑌨𑍍𑌨𑌾॒𑌦𑍋 𑌭॑𑌵𑌤𑌿॒ 𑌯𑌸𑍍𑌯𑍈॒𑌵-𑌞𑍍𑌜𑍁𑌹𑍍𑌵॑𑌤𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾॑ 𑌅॒𑌗𑍍𑌨𑍇𑌃 𑌪𑍁॒𑌰𑌸𑍍𑌤𑌾᳚𑌦𑍍𑌭𑌾𑌗𑌾॒𑌸𑍍𑌤𑌾 𑌏॒𑌵 𑌪𑍍𑌰𑍀॑𑌣𑌾॒𑌤𑍍𑌯𑌥𑍋॒ 𑌚𑌕𑍍𑌷𑍁॑𑌰𑍇॒𑌵𑌾𑌗𑍍𑌨𑍇𑌃 𑌪𑍁॒𑌰𑌸𑍍𑌤𑌾॒-𑌤𑍍𑌪𑍍𑌰𑌤𑌿॑ 𑌦𑌧𑌾॒𑌤𑍍𑌯𑌨॑𑌨𑍍𑌧𑍋 𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑌾-𑌽𑌽𑌪𑍋॒ 𑌵𑌾 𑌇॒𑌦𑌮𑌗𑍍𑌰𑍇॑ 𑌸𑌲𑌿॒𑌲𑌮𑌾॑𑌸𑍀॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿𑌃 𑌪𑍁𑌷𑍍𑌕𑌰𑌪॒𑌰𑍍𑌣𑍇 𑌵𑌾𑌤𑍋॑ 𑌭𑍂॒𑌤𑍋॑-𑌽𑌲𑍇𑌲𑌾𑌯॒-𑌥𑍍𑌸 [𑌭𑍂॒𑌤𑍋॑-𑌽𑌲𑍇𑌲𑌾𑌯॒-𑌥𑍍𑌸𑌃, 𑌪𑍍𑌰॒𑌤𑌿॒𑌷𑍍𑌠𑌾-𑌨𑍍𑌨𑌾-𑌽𑌵𑌿॑𑌨𑍍𑌦𑌤॒] 16

𑌪𑍍𑌰॑𑌤𑌿॒𑌷𑍍𑌠𑌾-𑌨𑍍𑌨𑌾-𑌽𑌵𑌿॑𑌨𑍍𑌦𑌤॒ 𑌸 𑌏॒𑌤𑌦॒𑌪𑌾-𑌙𑍍𑌕𑍁॒𑌲𑌾𑌯॑𑌮𑌪𑌶𑍍𑌯॒-𑌤𑍍𑌤𑌸𑍍𑌮𑌿॑𑌨𑍍𑌨॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌤𑌦𑌿॒𑌯𑌮॑𑌭𑌵॒-𑌤𑍍𑌤𑌤𑍋॒ 𑌵𑍈 𑌸 𑌪𑍍𑌰𑌤𑍍𑌯॑𑌤𑌿𑌷𑍍𑌠॒𑌦𑍍𑌯𑌾-𑌮𑍍𑌪𑍁॒𑌰𑌸𑍍𑌤𑌾॑𑌦𑍁॒𑌪𑌾-𑌦॑𑌧𑌾॒-𑌤𑍍𑌤𑌚𑍍𑌛𑌿𑌰𑍋॑ 𑌽𑌭𑌵॒-𑌥𑍍𑌸𑌾 𑌪𑍍𑌰𑌾𑌚𑍀॒ 𑌦𑌿𑌗𑍍𑌯𑌾-𑌨𑍍𑌦॑𑌕𑍍𑌷𑌿𑌣॒𑌤 𑌉॒𑌪𑌾𑌦॑𑌧𑌾॒-𑌥𑍍𑌸 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑍋॑-𑌽𑌭𑌵॒-𑌥𑍍𑌸𑌾 𑌦॑𑌕𑍍𑌷𑌿॒𑌣𑌾 𑌦𑌿𑌗𑍍𑌯𑌾-𑌮𑍍𑌪॒𑌶𑍍𑌚𑌾-𑌦𑍁॒𑌪𑌾𑌦॑𑌧𑌾॒-𑌤𑍍𑌤-𑌤𑍍𑌪𑍁𑌚𑍍𑌛॑𑌮𑌭𑌵॒-𑌥𑍍𑌸𑌾 𑌪𑍍𑌰॒𑌤𑍀𑌚𑍀॒ 𑌦𑌿𑌗𑍍𑌯𑌾𑌮𑍁॑𑌤𑍍𑌤𑌰॒𑌤 𑌉॒𑌪𑌾𑌦॑𑌧𑌾॒- [𑌉॒𑌪𑌾𑌦॑𑌧𑌾𑌤𑍍, 𑌸 𑌉𑌤𑍍𑌤॑𑌰𑌃] 17

-𑌥𑍍𑌸 𑌉𑌤𑍍𑌤॑𑌰𑌃 𑌪॒𑌕𑍍𑌷𑍋॑-𑌽𑌭𑌵॒-𑌥𑍍𑌸𑍋𑌦𑍀॑𑌚𑍀॒ 𑌦𑌿𑌗𑍍𑌯𑌾𑌮𑍁॒𑌪𑌰𑌿॑𑌷𑍍𑌟𑌾-𑌦𑍁॒𑌪𑌾𑌦॑𑌧𑌾॒-𑌤𑍍𑌤-𑌤𑍍𑌪𑍃॒𑌷𑍍𑌠𑌮॑𑌭𑌵॒-𑌥𑍍𑌸𑍋𑌰𑍍𑌧𑍍𑌵𑌾 𑌦𑌿𑌗𑌿॒𑌯𑌂-𑌵𑌾𑌁 𑌅॒𑌗𑍍𑌨𑌿𑌃 𑌪𑌞𑍍𑌚𑍇᳚𑌷𑍍𑌟𑌕॒-𑌸𑍍𑌤𑌸𑍍𑌮𑌾॒-𑌦𑍍𑌯𑌦॒𑌸𑍍𑌯𑌾-𑌙𑍍𑌖𑌨॑𑌨𑍍𑌤𑍍𑌯॒𑌭𑍀𑌷𑍍𑌟॑𑌕𑌾-𑌨𑍍𑌤𑍃॒𑌨𑍍𑌦𑌨𑍍𑌤𑍍𑌯॒𑌭𑌿 𑌶𑌰𑍍𑌕॑𑌰𑌾॒𑌗𑍍𑌂॒ 𑌸𑌰𑍍𑌵𑌾॒ 𑌵𑌾 𑌇॒𑌯𑌂-𑌵𑌁𑌯𑍋᳚𑌭𑍍𑌯𑍋॒ 𑌨𑌕𑍍𑌤॑-𑌨𑍍𑌦𑍃॒𑌶𑍇 𑌦𑍀᳚𑌪𑍍𑌯𑌤𑍇॒ 𑌤𑌸𑍍𑌮𑌾॑𑌦𑌿॒𑌮𑌾𑌂-𑌵𑌁𑌯𑌾𑌗𑍍𑌂॑𑌸𑌿॒ 𑌨𑌕𑍍𑌤॒-𑌨𑍍𑌨𑌾𑌦𑍍𑌧𑍍𑌯𑌾॑𑌸𑌤𑍇॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌪𑍍𑌰𑌤𑍍𑌯𑍇॒𑌵 [𑌪𑍍𑌰𑌤𑍍𑌯𑍇॒𑌵, 𑌤𑌿॒𑌷𑍍𑌠॒𑌤𑍍𑌯॒𑌭𑌿 𑌦𑌿𑌶𑍋॑] 18

𑌤𑌿॑𑌷𑍍𑌠𑌤𑍍𑌯॒𑌭𑌿 𑌦𑌿𑌶𑍋॑ 𑌜𑌯𑌤𑍍𑌯𑌾𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑌾𑌯॒ 𑌸𑌰𑍍𑌵𑌾॑𑌸𑍁 𑌦𑌿॒𑌕𑍍𑌷𑍍𑌵𑌰𑍍𑌧𑍁॑𑌕॒𑌗𑍍𑌗𑍍॒ 𑌸𑍍𑌵𑌾𑌮𑍇॒𑌵 𑌤-𑌦𑍍𑌦𑌿𑌶॒𑌮𑌨𑍍𑌵𑍇᳚𑌤𑍍𑌯॒𑌪𑌾𑌂-𑌵𑌾𑌁 𑌅॒𑌗𑍍𑌨𑌿𑌃 𑌕𑍁॒𑌲𑌾𑌯॒-𑌨𑍍𑌤𑌸𑍍𑌮𑌾॒𑌦𑌾𑌪𑍋॒-𑌽𑌗𑍍𑌨𑌿𑌗𑍍𑌂 𑌹𑌾𑌰𑍁॑𑌕𑌾॒-𑌸𑍍𑌸𑍍𑌵𑌾𑌮𑍇॒𑌵 𑌤-𑌦𑍍𑌯𑍋𑌨𑌿॒-𑌮𑍍𑌪𑍍𑌰𑌵𑌿॑𑌶𑌨𑍍𑌤𑌿 ॥ 19 ॥

(𑌯𑌦॑- 𑌲𑍇𑌲𑌾𑌯॒-𑌥𑍍𑌸-𑌉॑𑌤𑍍𑌤𑌰॒𑌤 𑌉॒𑌪𑌾𑌦॑𑌧𑌾-𑌦𑍇॒𑌵 - 𑌦𑍍𑌵𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 4)

𑌸𑌂॒𑌵𑌁॒𑌥𑍍𑌸॒𑌰𑌮𑍁𑌖𑍍𑌯॑-𑌮𑍍𑌭𑍃॒𑌤𑍍𑌵𑌾 𑌦𑍍𑌵𑌿॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰 𑌆᳚𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌦𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌂-𑌵𑍈𑌁𑌶𑍍𑌵𑌦𑍇॒𑌵-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑍍𑌬𑌾𑌰𑍍𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁𑌂-𑌵𑍈𑌁᳚𑌷𑍍𑌣॒𑌵-𑌨𑍍𑌤𑍍𑌰𑌿॑𑌕𑌪𑌾॒𑌲-𑌨𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇॑-𑌽𑌭𑌿॒𑌜𑌿𑌤𑌾॑ 𑌯𑌜𑍇𑌤॒ 𑌯𑌦॒𑌷𑍍𑌟𑌾𑌕॑𑌪𑌾𑌲𑍋॒ 𑌭𑌵॑𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍍𑌯𑌾᳚𑌗𑍍𑌨𑍇॒𑌯-𑌙𑍍𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰 𑌗𑌾𑌯॒𑌤𑍍𑌰𑍀-𑌞𑍍𑌛𑌨𑍍𑌦𑍋॒ 𑌯𑌦𑍇𑌕𑌾॑𑌦𑌶𑌕𑌪𑌾𑌲𑍋॒ 𑌭𑌵॒𑌤𑍍𑌯𑍇𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁𑌗𑍈॒𑌨𑍍𑌦𑍍𑌰-𑌨𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌂॒ 𑌸𑌵॑𑌨॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌮𑍇॒𑌵 𑌸𑌵॑𑌨॒-𑌨𑍍𑌤𑍇𑌨॑ 𑌦𑌾𑌧𑌾𑌰 𑌤𑍍𑌰𑌿॒𑌷𑍍𑌟𑍁𑌭॒- [𑌤𑍍𑌰𑌿॒𑌷𑍍𑌟𑍁𑌭᳚𑌮𑍍, 𑌛𑌨𑍍𑌦𑍋॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿॒] 20

-𑌞𑍍𑌛𑌨𑍍𑌦𑍋॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿॒ 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀 𑌵𑍈𑌶𑍍𑌵𑌦𑍇॒𑌵-𑌞𑍍𑌜𑌾𑌗॑𑌤-𑌨𑍍𑌤𑍃𑌤𑍀𑌯𑌸𑌵॒𑌨-𑌨𑍍𑌤𑍃॑𑌤𑍀𑌯𑌸𑌵॒𑌨𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌜𑌗॑𑌤𑍀॒-𑌞𑍍𑌛𑌨𑍍𑌦𑍋॒ 𑌯-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌶𑍍𑌚॒𑌰𑍁𑌰𑍍𑌭𑌵॑𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮𑍈॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌯-𑌦𑍍𑌵𑍈᳚𑌷𑍍𑌣॒𑌵𑌸𑍍𑌤𑍍𑌰𑌿॑𑌕𑌪𑌾॒𑌲𑍋 𑌭𑌵॑𑌤𑌿 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌯-𑌤𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇॑-𑌽𑌭𑌿॒𑌜𑌿𑌤𑌾॒ 𑌯𑌜॑𑌤𑍇॒-𑌽𑌭𑌿𑌜𑌿॑𑌤𑍍𑌯𑍈॒ 𑌯-𑌥𑍍𑌸𑌂॑𑌵𑌁𑌥𑍍𑌸॒𑌰𑌮𑍁𑌖𑍍𑌯॑-𑌮𑍍𑌬𑌿॒𑌭𑌰𑍍𑌤𑍀॒𑌮𑌮𑍇॒𑌵 [ ] 21

𑌤𑍇𑌨॑ 𑌲𑍋॒𑌕𑌗𑍍𑌗𑍍 𑌸𑍍𑌪𑍃॑𑌣𑍋𑌤𑌿॒ 𑌯-𑌦𑍍𑌦𑍍𑌵𑌿॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇᳚ 𑌽𑌨𑍍𑌤𑌰𑌿॑𑌕𑍍𑌷𑌮𑍇॒𑌵 𑌤𑍇𑌨॑ 𑌸𑍍𑌪𑍃𑌣𑍋𑌤𑌿॒ 𑌯-𑌤𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇 𑌯𑌜॑𑌤𑍇॒-𑌽𑌮𑍁𑌮𑍇॒𑌵 𑌤𑍇𑌨॑ 𑌲𑍋॒𑌕𑌗𑍍𑌗𑍍 𑌸𑍍𑌪𑍃॑𑌣𑍋𑌤𑍍𑌯𑍇॒𑌤𑌂-𑌵𑍈𑌁 𑌪𑌰॑ 𑌆𑌟𑍍𑌣𑌾॒𑌰𑌃 𑌕॒𑌕𑍍𑌷𑍀𑌵𑌾𑌗𑍍𑌂॑ 𑌔𑌶𑌿॒𑌜𑍋 𑌵𑍀॒𑌤𑌹॑𑌵𑍍𑌯-𑌶𑍍𑌶𑍍𑌰𑌾𑌯॒𑌸𑌸𑍍𑌤𑍍𑌰॒𑌸𑌦॑𑌸𑍍𑌯𑍁𑌃 𑌪𑍗𑌰𑍁𑌕𑍁॒𑌥𑍍𑌸𑍍𑌯𑌃 𑌪𑍍𑌰॒𑌜𑌾𑌕𑌾॑𑌮𑌾 𑌅𑌚𑌿𑌨𑍍𑌵𑌤॒ 𑌤𑌤𑍋॒ 𑌵𑍈 𑌤𑍇 𑌸॒𑌹𑌸𑍍𑌰𑌗𑍍𑌂॑ 𑌸𑌹𑌸𑍍𑌰-𑌮𑍍𑌪𑍁॒𑌤𑍍𑌰𑌾𑌨॑𑌵𑌿𑌨𑍍𑌦𑌨𑍍𑌤॒ 𑌪𑍍𑌰𑌥॑𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌸𑍍𑌤𑌾-𑌮𑍍𑌮𑌾𑌤𑍍𑌰𑌾॑𑌮𑌾𑌪𑍍𑌨𑍋𑌤𑌿॒ 𑌯𑌾-𑌨𑍍𑌤𑍇-𑌽𑌗॑𑌚𑍍𑌛॒𑌨𑍍॒ 𑌯 𑌏॒𑌵𑌂 𑌁𑌵𑌿॒𑌦𑍍𑌵𑌾𑌨𑍇॒𑌤𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 ॥ 22 ॥

(𑌦𑌾॒𑌧𑌾॒𑌰॒ 𑌤𑍍𑌰𑌿॒𑌷𑍍𑌟𑍁𑌭॑ - 𑌮𑌿॒𑌮𑌮𑍇॒𑌵𑍈 - 𑌵𑌂 - 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌸 𑌕𑍍𑌷𑍁॒𑌰𑌪॑𑌵𑌿𑌰𑍍𑌭𑍂॒𑌤𑍍𑌵𑌾-𑌽𑌤𑌿॑𑌷𑍍𑌠॒-𑌤𑍍𑌤-𑌨𑍍𑌦𑍇॒𑌵𑌾 𑌬𑌿𑌭𑍍𑌯॑𑌤𑍋॒ 𑌨𑍋𑌪𑌾॑-𑌽𑌽𑌯॒-𑌨𑍍𑌤𑍇 𑌛𑌨𑍍𑌦𑍋॑𑌭𑌿𑌰𑌾॒𑌤𑍍𑌮𑌾𑌨॑-𑌞𑍍𑌛𑌾𑌦𑌯𑌿॒𑌤𑍍𑌵𑍋𑌪𑌾॑-𑌽𑌽𑌯॒-𑌨𑍍𑌤𑌚𑍍𑌛𑌨𑍍𑌦॑𑌸𑌾-𑌞𑍍𑌛𑌨𑍍𑌦॒𑌸𑍍𑌤𑍍𑌵-𑌮𑍍𑌬𑍍𑌰𑌹𑍍𑌮॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌬𑍍𑌰𑌹𑍍𑌮॑𑌣 𑌏॒𑌤-𑌦𑍍𑌰𑍂॒𑌪𑌂-𑌯𑌁-𑌤𑍍𑌕𑍃॑𑌷𑍍𑌣𑌾𑌜𑌿॒𑌨-𑌙𑍍𑌕𑌾𑌰𑍍𑌷𑍍𑌣𑍀॑ 𑌉𑌪𑌾॒𑌨𑌹𑌾॒𑌵𑍁𑌪॑ 𑌮𑍁𑌞𑍍𑌚𑌤𑍇॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑌾-𑌽𑌽𑌤𑍍𑌮𑌾𑌨॑-𑌞𑍍𑌛𑌾𑌦𑌯𑌿॒𑌤𑍍𑌵𑌾-𑌽𑌗𑍍𑌨𑌿𑌮𑍁𑌪॑ 𑌚𑌰𑌤𑍍𑌯𑌾॒𑌤𑍍𑌮𑌨𑍋-𑌽𑌹𑌿𑌗𑍍𑌂॑𑌸𑌾𑌯𑍈 𑌦𑍇𑌵𑌨𑌿॒𑌧𑌿𑌰𑍍𑌵𑌾 𑌏॒𑌷 𑌨𑌿 𑌧𑍀॑𑌯𑌤𑍇॒ 𑌯𑌦॒𑌗𑍍𑌨𑌿- [𑌯𑌦॒𑌗𑍍𑌨𑌿𑌃, 𑌅॒𑌨𑍍𑌯𑍇 𑌵𑌾॒ 𑌵𑍈] 23

-𑌰॒𑌨𑍍𑌯𑍇 𑌵𑌾॒ 𑌵𑍈 𑌨𑌿॒𑌧𑌿𑌮𑌗𑍁॑𑌪𑍍𑌤𑌂-𑌵𑌿𑌁॒𑌨𑍍𑌦𑌨𑍍𑌤𑌿॒ 𑌨 𑌵𑌾॒ 𑌪𑍍𑌰𑌤𑌿॒ 𑌪𑍍𑌰 𑌜𑌾॑𑌨𑌾𑌤𑍍𑌯𑍁॒𑌖𑌾𑌮𑌾 𑌕𑍍𑌰𑌾॑𑌮𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵𑌾𑌧𑌿॒𑌪𑌾-𑌙𑍍𑌕𑍁॑𑌰𑍁𑌤𑍇॒ 𑌗𑍁𑌪𑍍𑌤𑍍𑌯𑌾॒ 𑌅𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑍍𑌨𑌾-𑌽𑌽𑌕𑍍𑌰𑌮𑍍𑌯𑍇𑌤𑌿॑ 𑌨𑍈𑌰𑍍-𑌋॒𑌤𑍍𑌯𑍁॑𑌖𑌾 𑌯𑌦𑌾॒𑌕𑍍𑌰𑌾𑌮𑍇॒𑌨𑍍𑌨𑌿𑌰𑍍-𑌋॑𑌤𑍍𑌯𑌾 𑌆॒𑌤𑍍𑌮𑌾𑌨॒𑌮𑌪𑌿॑ 𑌦𑌦𑍍𑌧𑍍𑌯𑌾॒-𑌤𑍍𑌤𑌸𑍍𑌮𑌾॒𑌨𑍍𑌨𑌾-𑌽𑌽𑌕𑍍𑌰𑌮𑍍𑌯𑌾॑ 𑌪𑍁𑌰𑍁𑌷𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿॒ 𑌗𑍁𑌪𑍍𑌤𑍍𑌯𑌾॒ 𑌅𑌥𑍋॒ 𑌯𑌥𑌾᳚ 𑌬𑍍𑌰𑍂॒𑌯𑌾𑌦𑍇॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ 𑌤𑌾॒𑌦𑍃𑌗𑍇॒𑌵 𑌤- [𑌤𑌤𑍍, 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾] 24

-𑌤𑍍𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌅𑌥॑𑌰𑍍𑌵𑌾॒ 𑌽𑌗𑍍𑌨𑌿𑌰𑍇॒𑌵 𑌦॒𑌦𑍍𑌧𑍍𑌯𑌙𑍍𑌙𑌾॑𑌥𑌰𑍍𑌵॒𑌣𑌸𑍍𑌤𑌸𑍍𑌯𑍇𑌷𑍍𑌟॑𑌕𑌾 𑌅॒𑌸𑍍𑌥𑌾𑌨𑍍𑌯𑍇॒𑌤𑌗𑍍𑌂 𑌹॒ 𑌵𑌾𑌵 𑌤𑌦𑍍-𑌋𑌷𑌿॑𑌰॒𑌭𑍍𑌯𑌨𑍂॑𑌵𑌾॒𑌚𑍇𑌨𑍍𑌦𑍍𑌰𑍋॑ 𑌦𑌧𑍀॒𑌚𑍋 𑌅॒𑌸𑍍𑌥𑌭𑌿॒𑌰𑌿𑌤𑌿॒ 𑌯𑌦𑌿𑌷𑍍𑌟॑𑌕𑌾𑌭𑌿𑌰॒𑌗𑍍𑌨𑌿-𑌞𑍍𑌚𑌿॒𑌨𑍋𑌤𑌿॒ 𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌸𑌾𑌤𑍍𑌮𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌶𑌰𑍀॑𑌰𑌂॒-𑌵𑌾𑌁 𑌏॒𑌤𑌦॒𑌗𑍍𑌨𑍇𑌰𑍍𑌯𑌚𑍍𑌚𑌿𑌤𑍍𑌯॑ 𑌆॒𑌤𑍍𑌮𑌾 𑌵𑍈᳚𑌶𑍍𑌵𑌾𑌨॒𑌰𑍋 𑌯𑌚𑍍𑌚𑌿॒𑌤𑍇 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌜𑍁॒𑌹𑍋𑌤𑌿॒ 𑌶𑌰𑍀॑𑌰𑌮𑍇॒𑌵 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒- [𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॑, 𑌅॒𑌭𑍍𑌯𑌾𑌰𑍋॑𑌹𑌤𑌿॒] 25

-𑌽𑌭𑍍𑌯𑌾𑌰𑍋॑𑌹𑌤𑌿॒ 𑌶𑌰𑍀॑𑌰𑌂॒-𑌵𑌾𑌁 𑌏॒𑌤-𑌦𑍍𑌯𑌜॑𑌮𑌾𑌨॒-𑌸𑍍𑌸𑌗𑍍𑌗𑍍 𑌸𑍍𑌕𑍁॑𑌰𑍁𑌤𑍇॒ 𑌯𑌦॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌚𑍍𑌚𑌿॒𑌤𑍇 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌜𑍁॒𑌹𑍋𑌤𑌿॒ 𑌶𑌰𑍀॑𑌰𑌮𑍇॒𑌵 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒ 𑌽𑌽𑌤𑍍𑌮𑌨𑌾॒-𑌽𑌭𑍍𑌯𑌾𑌰𑍋॑𑌹𑌤𑌿॒ 𑌤𑌸𑍍𑌮𑌾॒-𑌤𑍍𑌤𑌸𑍍𑌯॒ 𑌨𑌾𑌵॑ 𑌦𑍍𑌯𑌨𑍍𑌤𑌿॒ 𑌜𑍀𑌵॑𑌨𑍍𑌨𑍇॒𑌵 𑌦𑍇॒𑌵𑌾𑌨𑌪𑍍𑌯𑍇॑𑌤𑌿 𑌵𑍈𑌶𑍍𑌵𑌾𑌨॒𑌰𑍍𑌯𑌰𑍍𑌚𑌾 𑌪𑍁𑌰𑍀॑𑌷॒𑌮𑍁𑌪॑ 𑌦𑌧𑌾𑌤𑍀॒𑌯𑌂-𑌵𑌾𑌁 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌤𑌸𑍍𑌯𑍈॒𑌷𑌾 𑌚𑌿𑌤𑌿॒𑌰𑍍𑌯-𑌤𑍍𑌪𑍁𑌰𑍀॑𑌷𑌮॒𑌗𑍍𑌨𑌿𑌮𑍇॒𑌵 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌚𑌿॑𑌨𑍁𑌤 𑌏॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪𑍍𑌰𑌿॒𑌯𑌾𑌮𑍇॒𑌵𑌾𑌸𑍍𑌯॑ 𑌤॒𑌨𑍁𑌵॒𑌮𑌵॑ 𑌰𑍁𑌨𑍍𑌧𑍇 ॥ 26 ॥

(𑌅॒𑌗𑍍𑌨𑌿 - 𑌸𑍍𑌤𑌥𑍍 - 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒ - 𑌗𑍍𑌨𑍇 - 𑌰𑍍𑌦𑌶॑ 𑌚) (𑌅. 6)

𑌅॒𑌗𑍍𑌨𑍇𑌰𑍍𑌵𑍈 𑌦𑍀॒𑌕𑍍𑌷𑌯𑌾॑ 𑌦𑍇॒𑌵𑌾 𑌵𑌿॒𑌰𑌾𑌜॑𑌮𑌾𑌪𑍍𑌨𑍁𑌵-𑌨𑍍𑌤𑌿॒𑌸𑍍𑌰𑍋 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚-𑌤𑍍𑌤𑍍𑌰𑌿॒𑌪𑌦𑌾॑ 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌷𑌡𑍍-𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌥𑍍𑌷-𑌡𑍍𑌵𑌾 𑌋॒𑌤𑌵𑌃॑ 𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌦𑍍𑌵𑌾𑌦॑𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌤𑍍𑌰𑌯𑍋॑𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌤𑍍𑌤𑍍𑌰𑌯𑍋॑𑌦𑌶॒ [𑌤𑍍𑌰𑌯𑍋॑𑌦𑌶, 𑌮𑌾𑌸𑌾᳚-] 27

𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌪𑌞𑍍𑌚॑𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌤𑍍𑌪𑌞𑍍𑌚॑𑌦𑌶॒ 𑌵𑌾 𑌅॑𑌰𑍍𑌧𑌮𑌾॒𑌸𑌸𑍍𑌯॒ 𑌰𑌾𑌤𑍍𑌰॑𑌯𑍋-𑌽𑌰𑍍𑌧𑌮𑌾𑌸॒𑌶-𑌸𑍍𑌸𑌂॑𑌵𑌁𑌥𑍍𑌸॒𑌰 𑌆᳚𑌪𑍍𑌯𑌤𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌸॒𑌪𑍍𑌤𑌦॑𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒-𑌸𑍍𑌸 𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌚𑍍𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌰𑌰𑍍𑌧𑌮𑌾॒𑌸𑌾-𑌸𑍍𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌤𑍍𑌰𑌿॒𑌗𑍍𑌂॒𑌶𑌤॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚- [𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚𑌤𑍍, 𑌤𑍍𑌰𑌿॒𑌗𑍍𑌂॒𑌶𑌦॑𑌕𑍍𑌷𑌰𑌾] 28

-𑌤𑍍𑌤𑍍𑌰𑌿॒𑌗𑍍𑌂॒𑌶𑌦॑𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌮𑌾𑌸॑-𑌨𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌯𑍋 𑌮𑌾𑌸॒-𑌸𑍍𑌸 𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌚॒𑌤𑍁𑌰𑍋॑ 𑌮𑌾॒𑌸𑍋 𑌦𑍀᳚𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚𑌚𑍍𑌚॒𑌤𑍁𑌰𑍋॒ 𑌵𑌾 𑌏॒𑌤-𑌮𑍍𑌮𑌾॒𑌸𑍋 𑌵𑌸॑𑌵𑍋-𑌽𑌬𑌿𑌭𑌰𑍁॒𑌸𑍍𑌤𑍇 𑌪𑍃॑𑌥𑌿॒𑌵𑍀𑌮𑌾-𑌽𑌜॑𑌯-𑌨𑍍𑌗𑌾𑌯॒𑌤𑍍𑌰𑍀-𑌞𑍍𑌛𑌨𑍍𑌦𑍋॒-𑌽𑌷𑍍𑌟𑍗 𑌰𑍁॒𑌦𑍍𑌰𑌾𑌸𑍍𑌤𑍇᳚-𑌽𑌨𑍍𑌤𑌰𑌿॑𑌕𑍍𑌷॒𑌮𑌾-𑌽𑌜॑𑌯-𑌨𑍍𑌤𑍍𑌰𑌿॒𑌷𑍍𑌟𑍁𑌭॒-𑌞𑍍𑌛𑌨𑍍𑌦𑍋॒ 𑌦𑍍𑌵𑌾𑌦॑𑌶𑌾-𑌽𑌽𑌦𑌿॒𑌤𑍍𑌯𑌾𑌸𑍍𑌤𑍇 𑌦𑌿𑌵॒𑌮𑌾-𑌽𑌜॑𑌯॒𑌨𑍍 𑌜𑌗॑𑌤𑍀॒-𑌞𑍍𑌛𑌨𑍍𑌦॒𑌸𑍍𑌤𑌤𑍋॒ 𑌵𑍈 𑌤𑍇 𑌵𑍍𑌯𑌾॒𑌵𑍃𑌤॑-𑌮𑌗𑌚𑍍𑌛॒𑌞𑍍𑌛𑍍𑌰𑍈𑌷𑍍𑌠𑍍𑌯॑-𑌨𑍍𑌦𑍇॒𑌵𑌾𑌨𑌾॒-𑌨𑍍𑌤𑌸𑍍𑌮𑌾॒-𑌦𑍍𑌦𑍍𑌵𑌾𑌦॑𑌶 𑌮𑌾॒𑌸𑍋 𑌭𑍃॒𑌤𑍍𑌵𑌾-𑌽𑌗𑍍𑌨𑌿-𑌞𑍍𑌚𑌿॑𑌨𑍍𑌵𑍀𑌤॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚ -𑌽𑌗𑍍𑌨𑌿𑌶𑍍𑌚𑌿𑌤𑍍𑌯॒𑌸𑍍𑌤𑌸𑍍𑌯𑌾॑-𑌹𑍋𑌰𑌾॒𑌤𑍍𑌰𑌾𑌣𑍀𑌷𑍍𑌟॑𑌕𑌾 𑌆॒𑌪𑍍𑌤𑍇𑌷𑍍𑌟॑𑌕𑌮𑍇𑌨-𑌞𑍍𑌚𑌿𑌨𑍁॒𑌤𑍇-𑌽𑌥𑍋᳚ 𑌵𑍍𑌯𑌾॒𑌵𑍃𑌤॑𑌮𑍇॒𑌵 𑌗॑𑌚𑍍𑌛𑌤𑌿॒ 𑌶𑍍𑌰𑍈𑌷𑍍𑌠𑍍𑌯𑌗𑍍𑌂॑ 𑌸𑌮𑌾॒𑌨𑌾𑌨𑌾᳚𑌮𑍍 ॥ 29 ॥

(𑌸𑍍𑌯𑌾॒-𑌤𑍍𑌤𑍍𑌰𑌯𑍋॑𑌦𑌶 - 𑌤𑍍𑌰𑌿॒𑌗𑍍𑌂॒𑌶𑌤॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍- 𑌵𑍈 𑌤𑍇᳚ - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 7)

𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ 𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌸𑍍𑌤𑌂-𑌯𑌁𑌨𑍍𑌨𑌾𑌨𑍍𑌵𑌾॒𑌰𑍋𑌹𑍇᳚-𑌥𑍍𑌸𑍁𑌵॒𑌰𑍍𑌗𑌾𑌲𑍍𑌲𑍋॒𑌕𑌾-𑌦𑍍𑌯𑌜॑𑌮𑌾𑌨𑍋 𑌹𑍀𑌯𑍇𑌤 𑌪𑍃𑌥𑌿॒𑌵𑍀𑌮𑌾-𑌽𑌕𑍍𑌰॑𑌮𑌿𑌷-𑌮𑍍𑌪𑍍𑌰𑌾॒𑌣𑍋 𑌮𑌾॒ 𑌮𑌾 𑌹𑌾॑𑌸𑍀𑌦॒𑌨𑍍𑌤𑌰𑌿॑𑌕𑍍𑌷॒𑌮𑌾-𑌽𑌕𑍍𑌰॑𑌮𑌿𑌷-𑌮𑍍𑌪𑍍𑌰॒𑌜𑌾 𑌮𑌾॒ 𑌮𑌾 𑌹𑌾॑𑌸𑍀॒-𑌦𑍍𑌦𑌿𑌵॒𑌮𑌾-𑌽𑌕𑍍𑌰॑𑌮𑌿𑌷॒𑌗𑍍𑌂॒ 𑌸𑍁𑌵॑𑌰𑌗॒𑌨𑍍𑌮𑍇𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰॑𑌨𑍍𑌵𑌾𑌰𑍋॒𑌹𑌸𑍍𑌤𑍇𑌨𑍈॒𑌵𑍈𑌨॑-𑌮॒𑌨𑍍𑌵𑌾𑌰𑍋॑𑌹𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈॒ 𑌯-𑌤𑍍𑌪॒𑌕𑍍𑌷𑌸॑𑌮𑍍𑌮𑌿𑌤𑌾-𑌮𑍍𑌮𑌿𑌨𑍁॒𑌯𑌾- [𑌮𑌿𑌨𑍁॒𑌯𑌾𑌤𑍍, 𑌕𑌨𑍀॑𑌯𑌾𑌗𑍍𑌂𑌸-] 30

-𑌤𑍍𑌕𑌨𑍀॑𑌯𑌾𑌗𑍍𑌂𑌸𑌂-𑌯𑌁𑌜𑍍𑌞𑌕𑍍𑌰॒𑌤𑍁𑌮𑍁𑌪𑍇॑𑌯𑌾॒-𑌤𑍍𑌪𑌾𑌪𑍀॑𑌯𑌸𑍍𑌯𑌸𑍍𑌯𑌾॒ 𑌽𑌽𑌤𑍍𑌮𑌨𑌃॑ 𑌪𑍍𑌰॒𑌜𑌾 𑌸𑍍𑌯𑌾॒-𑌦𑍍𑌵𑍇𑌦𑌿॑𑌸𑌮𑍍𑌮𑌿𑌤𑌾-𑌮𑍍𑌮𑌿𑌨𑍋𑌤𑌿॒ 𑌜𑍍𑌯𑌾𑌯𑌾𑌗𑍍𑌂॑𑌸𑌮𑍇॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌮𑍁𑌪𑍈॑𑌤𑌿॒ 𑌨𑌾𑌸𑍍𑌯𑌾॒-𑌽𑌽𑌤𑍍𑌮𑌨𑌃॒ 𑌪𑌾𑌪𑍀॑𑌯𑌸𑍀 𑌪𑍍𑌰॒𑌜𑌾 𑌭॑𑌵𑌤𑌿 𑌸𑌾𑌹॒𑌸𑍍𑌰-𑌞𑍍𑌚𑌿॑𑌨𑍍𑌵𑍀𑌤 𑌪𑍍𑌰𑌥॒𑌮-𑌞𑍍𑌚𑌿॑𑌨𑍍𑌵𑌾॒𑌨-𑌸𑍍𑌸॒𑌹𑌸𑍍𑌰॑𑌸𑌮𑍍𑌮𑌿𑌤𑍋॒ 𑌵𑌾 𑌅॒𑌯𑌂-𑌲𑍋𑌁॒𑌕 𑌇॒𑌮𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌦𑍍𑌵𑌿𑌷𑌾॑𑌹𑌸𑍍𑌰-𑌞𑍍𑌚𑌿𑌨𑍍𑌵𑍀𑌤 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑍋 𑌦𑍍𑌵𑌿𑌷𑌾॑𑌹𑌸𑍍𑌰𑌂॒-𑌵𑌾𑌁 𑌅॒𑌨𑍍𑌤𑌰𑌿॑𑌕𑍍𑌷-𑌮॒𑌨𑍍𑌤𑌰𑌿॑𑌕𑍍𑌷𑌮𑍇॒𑌵𑌾𑌭𑌿 𑌜॑𑌯𑌤𑌿॒ 𑌤𑍍𑌰𑌿𑌷𑌾॑𑌹𑌸𑍍𑌰-𑌞𑍍𑌚𑌿𑌨𑍍𑌵𑍀𑌤 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨- [𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌃, 𑌤𑍍𑌰𑌿𑌷𑌾॑𑌹𑌸𑍍𑌰𑍋॒ 𑌵𑌾 𑌅॒𑌸𑍗] 31

-𑌸𑍍𑌤𑍍𑌰𑌿𑌷𑌾॑𑌹𑌸𑍍𑌰𑍋॒ 𑌵𑌾 𑌅॒𑌸𑍗 𑌲𑍋॒𑌕𑍋॑ 𑌽𑌮𑍁𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑌿 𑌜𑌾𑌨𑍁𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌪𑍍𑌰𑌥॒𑌮-𑌞𑍍𑌚𑌿॑𑌨𑍍𑌵𑌾॒𑌨𑍋 𑌗𑌾॑𑌯𑌤𑍍𑌰𑌿॒𑌯𑍈𑌵𑍇𑌮𑌂-𑌲𑍋𑌁॒𑌕𑌮॒𑌭𑍍𑌯𑌾𑌰𑍋॑𑌹𑌤𑌿 𑌨𑌾𑌭𑌿𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌸𑍍𑌤𑍍𑌰𑌿॒𑌷𑍍𑌟𑍁𑌭𑍈॒𑌵𑌾-𑌨𑍍𑌤𑌰𑌿॑𑌕𑍍𑌷-𑌮॒𑌭𑍍𑌯𑌾𑌰𑍋॑𑌹𑌤𑌿 𑌗𑍍𑌰𑍀𑌵𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑍋 𑌜𑌗॑𑌤𑍍𑌯𑍈॒𑌵𑌾𑌮𑍁𑌨𑍍 𑌁𑌲𑍋॒𑌕𑌮॒𑌭𑍍𑌯𑌾𑌰𑍋॑𑌹𑌤𑌿॒ 𑌨𑌾𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌰𑌾॒𑌮𑌾𑌮𑍁𑌪𑍇॑𑌯𑌾𑌦𑌯𑍋॒𑌨𑍗 𑌰𑍇𑌤𑍋॑ 𑌧𑌾𑌸𑍍𑌯𑌾॒𑌮𑍀𑌤𑌿॒ 𑌨 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿॒𑌤𑍍𑌵𑌾-𑌽𑌨𑍍𑌯𑌸𑍍𑌯॒ 𑌸𑍍𑌤𑍍𑌰𑌿𑌯॒- [𑌸𑍍𑌤𑍍𑌰𑌿𑌯᳚𑌮𑍍, 𑌉𑌪𑍇॑𑌯𑌾॒𑌨𑍍𑌨] 32

-𑌮𑍁𑌪𑍇॑𑌯𑌾॒𑌨𑍍𑌨 𑌤𑍃॒𑌤𑍀𑌯॑-𑌞𑍍𑌚𑌿॒𑌤𑍍𑌵𑌾 𑌕𑌾-𑌞𑍍𑌚॒𑌨𑍋𑌪𑍇॑𑌯𑌾॒-𑌦𑍍𑌰𑍇𑌤𑍋॒ 𑌵𑌾 𑌏॒𑌤𑌨𑍍𑌨𑌿 𑌧॑𑌤𑍍𑌤𑍇॒ 𑌯𑌦॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌦𑍁॑𑌪𑍇॒𑌯𑌾-𑌦𑍍𑌰𑍇𑌤॑𑌸𑌾॒ 𑌵𑍍𑌯𑍃॑𑌦𑍍𑌧𑍍𑌯𑍇॒𑌤𑌾-𑌽𑌥𑍋॒ 𑌖𑌲𑍍𑌵𑌾॑𑌹𑍁𑌰 𑌪𑍍𑌰𑌜॒𑌸𑍍𑌯-𑌨𑍍𑌤-𑌦𑍍𑌯𑌨𑍍𑌨𑍋𑌪𑍇॒𑌯𑌾𑌦𑌿𑌤𑌿॒ 𑌯-𑌦𑍍𑌰𑍇॑𑌤॒𑌸𑍍𑌸𑌿𑌚𑌾॑𑌵𑍁𑌪॒𑌦𑌧𑌾॑𑌤𑌿॒ 𑌤𑍇 𑌏॒𑌵 𑌯𑌜॑𑌮𑌾𑌨𑌸𑍍𑌯॒ 𑌰𑍇𑌤𑍋॑ 𑌬𑌿𑌭𑍃𑌤॒𑌸𑍍𑌤𑌸𑍍𑌮𑌾॒-𑌦𑍁𑌪𑍇॑𑌯𑌾॒-𑌦𑍍𑌰𑍇𑌤॒𑌸𑍋-𑌽𑌸𑍍𑌕॑𑌨𑍍𑌦𑌾𑌯॒ 𑌤𑍍𑌰𑍀𑌣𑌿॒ 𑌵𑌾𑌵 𑌰𑍇𑌤𑌾𑌗𑍍𑌂॑𑌸𑌿 𑌪𑌿॒𑌤𑌾 𑌪𑍁॒𑌤𑍍𑌰𑌃 𑌪𑍗𑌤𑍍𑌰𑍋॒ [𑌪𑍗𑌤𑍍𑌰𑌃॑, 𑌯-𑌦𑍍𑌦𑍍𑌵𑍇 𑌰𑍇॑𑌤॒𑌸𑍍𑌸𑌿𑌚𑌾॑] 33

𑌯-𑌦𑍍𑌦𑍍𑌵𑍇 𑌰𑍇॑𑌤॒𑌸𑍍𑌸𑌿𑌚𑌾॑-𑌵𑍁𑌪𑌦॒𑌦𑍍𑌧𑍍𑌯𑌾-𑌦𑍍𑌰𑍇𑌤𑍋᳚-𑌽𑌸𑍍𑌯॒ 𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾-𑌤𑍍𑌤𑌿॒𑌸𑍍𑌰 𑌉𑌪॑ 𑌦𑌧𑌾𑌤𑌿॒ 𑌰𑍇𑌤॑𑌸॒-𑌸𑍍𑌸𑌨𑍍𑌤॑𑌤𑍍𑌯𑌾 𑌇॒𑌯𑌂-𑌵𑌾𑌁𑌵 𑌪𑍍𑌰॑𑌥॒𑌮𑌾 𑌰𑍇॑𑌤॒𑌸𑍍𑌸𑌿𑌗𑍍 𑌵𑌾𑌗𑍍𑌵𑌾 𑌇॒𑌯-𑌨𑍍𑌤𑌸𑍍𑌮𑌾॒-𑌤𑍍𑌪𑌶𑍍𑌯॑𑌨𑍍𑌤𑍀॒𑌮𑌾-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌵𑌾𑌚𑌂॒-𑌵𑌁𑌦॑𑌨𑍍𑌤𑍀𑌮॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍍𑌵𑌿॒𑌤𑍀𑌯𑌾᳚ 𑌪𑍍𑌰𑌾॒𑌣𑍋 𑌵𑌾 𑌅॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌤𑌸𑍍𑌮𑌾॒𑌨𑍍𑌨𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌨 𑌪𑍍𑌰𑌾॒𑌣𑌮॒𑌸𑍗 𑌤𑍃॒𑌤𑍀𑌯𑌾॒ 𑌚𑌕𑍍𑌷𑍁॒𑌰𑍍𑌵𑌾 𑌅॒𑌸𑍗 𑌤𑌸𑍍𑌮𑌾॒-𑌤𑍍𑌪𑌶𑍍𑌯॑𑌨𑍍𑌤𑍍𑌯॒𑌮𑍂-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌚𑌕𑍍𑌷𑍁॒-𑌰𑍍𑌯𑌜𑍁॑𑌷𑍇॒𑌮𑌾-𑌞𑍍𑌚𑌾॒- [𑌚𑌕𑍍𑌷𑍁॒-𑌰𑍍𑌯𑌜𑍁॑𑌷𑍇॒𑌮𑌾-𑌞𑍍𑌚𑌾॑, 𑌅॒𑌮𑍂-𑌞𑍍𑌚𑍋𑌪॑] 34

-𑌽𑌮𑍂-𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌮𑌨॑𑌸𑌾 𑌮𑌦𑍍𑌧𑍍𑌯॒𑌮𑌾𑌮𑍇॒𑌷𑌾𑌂-𑌲𑍋𑌁॒𑌕𑌾𑌨𑌾॒-𑌙𑍍𑌕𑍢𑌪𑍍𑌤𑍍𑌯𑌾॒ 𑌅𑌥𑍋᳚ 𑌪𑍍𑌰𑌾॒𑌣𑌾𑌨𑌾॑𑌮𑌿॒𑌷𑍍𑌟𑍋 𑌯॒𑌜𑍍𑌞𑍋 𑌭𑍃𑌗𑍁॑𑌭𑌿𑌰𑌾𑌶𑍀॒𑌰𑍍𑌦𑌾 𑌵𑌸𑍁॑𑌭𑌿॒𑌸𑍍𑌤𑌸𑍍𑌯॑ 𑌤 𑌇॒𑌷𑍍𑌟𑌸𑍍𑌯॑ 𑌵𑍀॒𑌤𑌸𑍍𑌯॒ 𑌦𑍍𑌰𑌵𑌿॑𑌣𑍇॒𑌹 𑌭॑𑌕𑍍𑌷𑍀॒𑌯𑍇𑌤𑍍𑌯𑌾॑𑌹 𑌸𑍍𑌤𑍁𑌤𑌶॒𑌸𑍍𑌤𑍍𑌰𑍇 𑌏॒𑌵𑍈𑌤𑍇𑌨॑ 𑌦𑍁𑌹𑍇 𑌪𑌿॒𑌤𑌾 𑌮𑌾॑𑌤॒𑌰𑌿𑌶𑍍𑌵𑌾-𑌽𑌚𑍍𑌛𑌿॑𑌦𑍍𑌰𑌾 𑌪॒𑌦𑌾 𑌧𑌾॒ 𑌅𑌚𑍍𑌛𑌿॑𑌦𑍍𑌰𑌾 𑌉॒𑌶𑌿𑌜𑌃॑ 𑌪॒𑌦𑌾-𑌽𑌨𑍁॑ 𑌤𑌕𑍍𑌷𑍁॒-𑌸𑍍𑌸𑍋𑌮𑍋॑ 𑌵𑌿𑌶𑍍𑌵॒𑌵𑌿𑌨𑍍𑌨𑍇॒𑌤𑌾 𑌨𑍇॑𑌷॒-𑌦𑍍𑌬𑍃𑌹॒𑌸𑍍𑌪𑌤𑌿॑𑌰𑍁𑌕𑍍𑌥𑌾𑌮॒𑌦𑌾𑌨𑌿॑ 𑌶𑌗𑍍𑌂𑌸𑌿𑌷॒𑌦𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅॒𑌗𑍍𑌨𑍇𑌰𑍁॒𑌕𑍍𑌥-𑌨𑍍𑌤𑍇𑌨𑍈॒𑌵𑍈𑌨॒𑌮𑌨𑍁॑ 𑌶𑌗𑍍𑌂𑌸𑌤𑌿 ॥ 35 ॥

(𑌮𑌿॒𑌨𑍁॒𑌯𑌾𑌤𑍍 - 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌃 - 𑌸𑍍𑌤𑍍𑌰𑌿𑌯𑌂॒ - 𑌪𑍗𑌤𑍍𑌰॑ - 𑌶𑍍𑌚॒ - 𑌵𑍈 - 𑌸॒𑌪𑍍𑌤 𑌚॑) (𑌅. 8)

𑌸𑍂॒𑌯𑌤𑍇॒ 𑌵𑌾 𑌏॒𑌷𑍋᳚-𑌽𑌗𑍍𑌨𑍀॒𑌨𑌾𑌂-𑌯𑌁 𑌉॒𑌖𑌾𑌯𑌾᳚-𑌮𑍍𑌭𑍍𑌰𑌿॒𑌯𑌤𑍇॒ 𑌯𑌦॒𑌧-𑌸𑍍𑌸𑌾॒𑌦𑌯𑍇॒-𑌦𑍍𑌗𑌰𑍍𑌭𑌾𑌃᳚ 𑌪𑍍𑌰॒𑌪𑌾𑌦𑍁॑𑌕𑌾-𑌸𑍍𑌸𑍍𑌯𑍁॒𑌰𑌥𑍋॒ 𑌯𑌥𑌾॑ 𑌸॒𑌵𑌾-𑌤𑍍𑌪𑍍𑌰॑𑌤𑍍𑌯𑌵॒𑌰𑍋𑌹॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑌾॑𑌸॒𑌨𑍍𑌦𑍀 𑌸𑌾॑𑌦𑌯𑌤𑌿॒ 𑌗𑌰𑍍𑌭𑌾॑𑌣𑌾॒-𑌨𑍍𑌧𑍃𑌤𑍍𑌯𑌾॒ 𑌅𑌪𑍍𑌰॑𑌪𑌾𑌦𑌾॒𑌯𑌾𑌥𑍋॑ 𑌸॒𑌵𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿॒ 𑌗𑌰𑍍𑌭𑍋॒ 𑌵𑌾 𑌏॒𑌷 𑌯𑌦𑍁𑌖𑍍𑌯𑍋॒ 𑌯𑍋𑌨𑌿𑌃॑ 𑌶𑌿॒𑌕𑍍𑌯𑌂॑-𑌯𑌁𑌚𑍍𑌛𑌿॒𑌕𑍍𑌯𑌾॑𑌦𑍁॒𑌖𑌾-𑌨𑍍𑌨𑌿॒𑌰𑍂𑌹𑍇॒-𑌦𑍍𑌯𑍋𑌨𑍇॒𑌰𑍍𑌗𑌰𑍍𑌭॒-𑌨𑍍𑌨𑌿𑌰𑍍𑌹॑𑌣𑍍𑌯𑌾॒-𑌥𑍍𑌷𑌡𑍁॑𑌦𑍍𑌯𑌾𑌮𑌗𑍍𑌂 𑌶𑌿॒𑌕𑍍𑌯॑-𑌮𑍍𑌭𑌵𑌤𑌿 𑌷𑍋𑌢𑌾 𑌵𑌿𑌹𑌿॒𑌤𑍋 𑌵𑍈 [ ] 36

𑌪𑍁𑌰𑍁॑𑌷 𑌆॒𑌤𑍍𑌮𑌾 𑌚॒ 𑌶𑌿𑌰॑𑌶𑍍𑌚 𑌚॒𑌤𑍍𑌵𑌾𑌰𑍍𑌯𑌙𑍍𑌗𑌾᳚𑌨𑍍𑌯𑌾॒𑌤𑍍𑌮𑌨𑍍𑌨𑍇॒𑌵𑍈𑌨॑-𑌮𑍍𑌬𑌿𑌭𑌰𑍍𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯𑍋॒𑌖𑌾 𑌚𑍋॒𑌲𑍂𑌖॑𑌲-𑌞𑍍𑌚॒ 𑌸𑍍𑌤𑌨𑍗॒ 𑌤𑌾𑌵॑𑌸𑍍𑌯 𑌪𑍍𑌰॒𑌜𑌾 𑌉𑌪॑ 𑌜𑍀𑌵𑌨𑍍𑌤𑌿॒ 𑌯𑌦𑍁॒𑌖𑌾-𑌞𑍍𑌚𑍋॒𑌲𑍂𑌖॑𑌲-𑌞𑍍𑌚𑍋𑌪॒𑌦𑌧𑌾॑𑌤𑌿॒ 𑌤𑌾𑌭𑍍𑌯𑌾॑𑌮𑍇॒𑌵 𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇᳚-𑌽𑌗𑍍𑌨𑌿-𑌨𑍍𑌦𑍁॑𑌹𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯॑ 𑌤𑍍𑌰𑍇𑌧𑌾𑌵𑌿𑌹𑌿॒𑌤𑌾 𑌇𑌷𑍍𑌟॑𑌕𑌾𑌃 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌵𑍈᳚𑌷𑍍𑌣॒𑌵𑍀- [𑌵𑍈᳚𑌷𑍍𑌣॒𑌵𑍀𑌃, 𑌵𑍈॒𑌶𑍍𑌵॒𑌕॒𑌰𑍍𑌮॒𑌣𑍀-] 37

-𑌰𑍍𑌵𑍈᳚𑌶𑍍𑌵𑌕𑌰𑍍𑌮॒𑌣𑍀-𑌰॑𑌹𑍋𑌰𑌾॒𑌤𑍍𑌰𑌾𑌣𑍍𑌯𑍇॒𑌵𑌾-𑌽𑌸𑍍𑌯॑ 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌯𑌦𑍁𑌖𑍍𑌯॑-𑌮𑍍𑌬𑌿॒𑌭𑌰𑍍𑌤𑌿॑ 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌏॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌯-𑌥𑍍𑌸॒𑌮𑌿𑌧॑ 𑌆॒𑌦𑌧𑌾॑𑌤𑌿 𑌵𑍈𑌷𑍍𑌣॒𑌵𑌾 𑌵𑍈 𑌵𑌨॒𑌸𑍍𑌪𑌤॑𑌯𑍋 𑌵𑍈𑌷𑍍𑌣॒𑌵𑍀𑌰𑍇॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌯𑌦𑌿𑌷𑍍𑌟॑𑌕𑌾𑌭𑌿𑌰॒𑌗𑍍𑌨𑌿-𑌞𑍍𑌚𑌿॒𑌨𑍋𑌤𑍀॒𑌯𑌂-𑌵𑍈𑌁 𑌵𑌿॒𑌶𑍍𑌵𑌕॑𑌰𑍍𑌮𑌾 𑌵𑍈𑌶𑍍𑌵𑌕𑌰𑍍𑌮॒𑌣𑍀𑌰𑍇॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌤𑌸𑍍𑌮𑌾॑-𑌦𑌾𑌹𑍁-𑌸𑍍𑌤𑍍𑌰𑌿॒𑌵𑍃𑌦॒𑌗𑍍𑌨𑌿𑌰𑌿𑌤𑌿॒ 𑌤𑌂-𑌵𑌾𑌁 𑌏॒𑌤𑌂-𑌯𑌁𑌜॑𑌮𑌾𑌨 𑌏॒𑌵 𑌚𑌿॑𑌨𑍍𑌵𑍀𑌤॒ 𑌯𑌦॑𑌸𑍍𑌯𑌾॒𑌨𑍍𑌯 𑌶𑍍𑌚𑌿॑𑌨𑍁॒𑌯𑌾𑌦𑍍𑌯-𑌤𑍍𑌤-𑌨𑍍𑌦𑌕𑍍𑌷𑌿॑𑌣𑌾𑌭𑌿॒𑌰𑍍𑌨 𑌰𑌾॒𑌧𑌯𑍇॑𑌦॒𑌗𑍍𑌨𑌿𑌮॑𑌸𑍍𑌯 𑌵𑍃𑌞𑍍𑌜𑍀𑌤॒ 𑌯𑍋᳚-𑌽𑌸𑍍𑌯𑌾॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌯𑌾-𑌤𑍍𑌤-𑌨𑍍𑌦𑌕𑍍𑌷𑌿॑𑌣𑌾𑌭𑍀 𑌰𑌾𑌧𑌯𑍇𑌦॒𑌗𑍍𑌨𑌿𑌮𑍇॒𑌵 𑌤-𑌥𑍍𑌸𑍍𑌪𑍃॑𑌣𑍋𑌤𑌿 ॥ 38 ॥

(𑌷𑍋॒𑌢𑌾॒𑌵𑌿॒𑌹𑌿॒𑌤𑍋 𑌵𑍈 - 𑌵𑍈᳚𑌷𑍍𑌣॒𑌵𑍀 - 𑌰॒𑌨𑍍𑌯𑍋 - 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 9)

𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌚𑌿𑌨𑍁𑌤॒𑌰𑍍𑌤𑍁𑌭𑌿𑌃॑ 𑌸𑌂𑌵𑌁𑌥𑍍𑌸॒𑌰𑌂-𑌵𑌁॑𑌸॒𑌨𑍍𑌤𑍇𑌨𑍈॒𑌵𑌾𑌸𑍍𑌯॑ 𑌪𑍂𑌰𑍍𑌵𑌾॒𑌰𑍍𑌧𑌮॑𑌚𑌿𑌨𑍁𑌤 𑌗𑍍𑌰𑍀॒𑌷𑍍𑌮𑍇𑌣॒ 𑌦𑌕𑍍𑌷𑌿॑𑌣-𑌮𑍍𑌪॒𑌕𑍍𑌷𑌂-𑌵𑌁॒𑌰𑍍॒𑌷𑌾𑌭𑌿𑌃॒ 𑌪𑍁𑌚𑍍𑌛𑌗𑍍𑌂॑ 𑌶॒𑌰𑌦𑍋𑌤𑍍𑌤॑𑌰-𑌮𑍍𑌪॒𑌕𑍍𑌷𑌗𑍍𑌂 𑌹𑍇॑𑌮॒𑌨𑍍𑌤𑍇𑌨॒ 𑌮𑌦𑍍𑌧𑍍𑌯॒-𑌮𑍍𑌬𑍍𑌰𑌹𑍍𑌮॑𑌣𑌾॒ 𑌵𑌾 𑌅॑𑌸𑍍𑌯॒ 𑌤-𑌤𑍍𑌪𑍂᳚𑌰𑍍𑌵𑌾॒𑌰𑍍𑌧𑌮॑𑌚𑌿𑌨𑍁𑌤 𑌕𑍍𑌷॒𑌤𑍍𑌰𑍇𑌣॒ 𑌦𑌕𑍍𑌷𑌿॑𑌣-𑌮𑍍𑌪॒𑌕𑍍𑌷-𑌮𑍍𑌪॒𑌶𑍁𑌭𑌿𑌃॒ 𑌪𑍁𑌚𑍍𑌛𑌂॑-𑌵𑌿𑌁॒𑌶𑍋𑌤𑍍𑌤॑𑌰-𑌮𑍍𑌪॒𑌕𑍍𑌷𑌮𑌾॒𑌶𑌯𑌾॒ 𑌮𑌦𑍍𑌧𑍍𑌯𑌂॒-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌞𑍍𑌚𑌿𑌨𑍁॒𑌤𑍇-𑌽𑌥𑍋॑ 𑌏॒𑌤𑌦𑍇॒𑌵 𑌸𑌰𑍍𑌵॒𑌮𑌵॑ - [𑌸𑌰𑍍𑌵॒𑌮𑌵॑, 𑌰𑍁॒𑌨𑍍𑌧𑍇॒ 𑌶𑍃॒𑌣𑍍𑌵𑌨𑍍𑌤𑍍𑌯𑍇॑𑌨] 39

𑌰𑍁𑌨𑍍𑌧𑍇 𑌶𑍃॒𑌣𑍍𑌵𑌨𑍍𑌤𑍍𑌯𑍇॑𑌨-𑌮॒𑌗𑍍𑌨𑌿-𑌞𑍍𑌚𑌿॑𑌕𑍍𑌯𑌾॒𑌨𑌮𑌤𑍍𑌤𑍍𑌯𑌨𑍍𑌨॒𑌗𑍍𑌂॒ 𑌰𑍋𑌚॑𑌤 𑌇॒𑌯𑌂-𑌵𑌾𑌁𑌵 𑌪𑍍𑌰॑𑌥॒𑌮𑌾 𑌚𑌿𑌤𑌿॒𑌰𑍋𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯𑌃॒ 𑌪𑍁𑌰𑍀॑𑌷𑌮॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍍𑌵𑌿॒𑌤𑍀𑌯𑌾॒ 𑌵𑌯𑌾𑌗𑍍𑌂॑𑌸𑌿॒ 𑌪𑍁𑌰𑍀॑𑌷𑌮॒𑌸𑍗 𑌤𑍃॒𑌤𑍀𑌯𑌾॒ 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌪𑍁𑌰𑍀॑𑌷𑌂-𑌯𑌁॒𑌜𑍍𑌞𑌶𑍍𑌚॑𑌤𑍁॒𑌰𑍍𑌥𑍀 𑌦𑌕𑍍𑌷𑌿॑𑌣𑌾॒ 𑌪𑍁𑌰𑍀॑𑌷𑌂॒-𑌯𑌁𑌜॑𑌮𑌾𑌨𑌃 𑌪𑌞𑍍𑌚॒𑌮𑍀 𑌪𑍍𑌰॒𑌜𑌾 𑌪𑍁𑌰𑍀॑𑌷𑌂॒-𑌯𑌁-𑌤𑍍𑌤𑍍𑌰𑌿𑌚𑌿॑𑌤𑍀𑌕-𑌞𑍍𑌚𑌿𑌨𑍍𑌵𑍀॒𑌤 𑌯॒𑌜𑍍𑌞-𑌨𑍍𑌦𑌕𑍍𑌷𑌿॑𑌣𑌾𑌮𑌾॒𑌤𑍍𑌮𑌾𑌨॑-𑌮𑍍𑌪𑍍𑌰॒𑌜𑌾𑌮॒𑌨𑍍𑌤𑌰𑌿॑𑌯𑌾॒-𑌤𑍍𑌤𑌸𑍍𑌮𑌾॒-𑌤𑍍𑌪𑌞𑍍𑌚॑𑌚𑌿𑌤𑍀𑌕𑌶𑍍𑌚𑍇𑌤॒𑌵𑍍𑌯॑ 𑌏॒𑌤𑌦𑍇॒𑌵 𑌸𑌰𑍍𑌵𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑌿॒ 𑌯-𑌤𑍍𑌤𑌿॒𑌸𑍍𑌰𑌶𑍍𑌚𑌿𑌤॑𑌯- [𑌯-𑌤𑍍𑌤𑌿॒𑌸𑍍𑌰𑌶𑍍𑌚𑌿𑌤॑𑌯𑌃, 𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿𑌰𑍍𑌯-𑌦𑍍𑌦𑍍𑌵𑍇] 40

-𑌸𑍍𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿𑌰𑍍𑌯-𑌦𑍍𑌦𑍍𑌵𑍇 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑌞𑍍𑌚॒ 𑌚𑌿𑌤॑𑌯𑍋 𑌭𑌵𑌨𑍍𑌤𑌿॒ 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷 𑌆॒𑌤𑍍𑌮𑌾𑌨॑𑌮𑍇॒𑌵 𑌸𑍍𑌪𑍃॑𑌣𑍋𑌤𑌿॒ 𑌪𑌞𑍍𑌚॒ 𑌚𑌿𑌤॑𑌯𑍋 𑌭𑌵𑌨𑍍𑌤𑌿 𑌪॒𑌞𑍍𑌚𑌭𑌿𑌃॒ 𑌪𑍁𑌰𑍀॑𑌷𑍈𑌰॒𑌭𑍍𑌯𑍂॑𑌹𑌤𑌿॒ 𑌦𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑍋॒ 𑌵𑍈 𑌪𑍁𑌰𑍁॑𑌷𑍋॒ 𑌯𑌾𑌵𑌾॑𑌨𑍇॒𑌵 𑌪𑍁𑌰𑍁॑𑌷॒𑌸𑍍𑌤𑌗𑍍𑌗𑍍 𑌸𑍍𑌪𑍃॑𑌣𑍋॒𑌤𑍍𑌯𑌥𑍋॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌷॒𑌷𑍍𑌠𑍀 𑌚𑌿𑌤𑌿॑𑌰𑍍-𑌋॒𑌤𑌵𑌃॒ 𑌪𑍁𑌰𑍀॑𑌷॒𑌗𑍍𑌂॒ 𑌷𑌟𑍍 𑌚𑌿𑌤॑𑌯𑍋 𑌭𑌵𑌨𑍍𑌤𑌿॒ 𑌷𑌟𑍍 𑌪𑍁𑌰𑍀॑𑌷𑌾𑌣𑌿॒ 𑌦𑍍𑌵𑌾𑌦॑𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 41 ॥

(𑌅𑌵॒ - 𑌚𑌿𑌤॑𑌯𑌃॒ - 𑌪𑍁𑌰𑍀॑𑌷𑌂॒ - 𑌪𑌞𑍍𑌚॑𑌦𑌶 𑌚) (𑌅. 10)

𑌰𑍋𑌹𑌿॑𑌤𑍋 𑌧𑍂॒𑌮𑍍𑌰𑌰𑍋॑𑌹𑌿𑌤𑌃 𑌕॒𑌰𑍍𑌕𑌨𑍍𑌧𑍁॑𑌰𑍋𑌹𑌿𑌤॒𑌸𑍍𑌤𑍇 𑌪𑍍𑌰𑌾॑𑌜𑌾𑌪॒𑌤𑍍𑌯𑌾 𑌬॒𑌭𑍍𑌰𑍁𑌰॑𑌰𑍁॒𑌣𑌬॑𑌭𑍍𑌰𑍁॒-𑌶𑍍𑌶𑍁𑌕॑𑌬𑌭𑍍𑌰𑍁॒𑌸𑍍𑌤𑍇 𑌰𑍗॒𑌦𑍍𑌰𑌾-𑌶𑍍𑌶𑍍𑌯𑍇𑌤𑌃॑ 𑌶𑍍𑌯𑍇𑌤𑌾॒𑌕𑍍𑌷-𑌶𑍍𑌶𑍍𑌯𑍇𑌤॑𑌗𑍍𑌰𑍀𑌵॒𑌸𑍍𑌤𑍇 𑌪𑌿॑𑌤𑍃𑌦𑍇𑌵॒𑌤𑍍𑌯𑌾᳚𑌸𑍍𑌤𑌿॒𑌸𑍍𑌰𑌃 𑌕𑍃॒𑌷𑍍𑌣𑌾 𑌵॒𑌶𑌾 𑌵𑌾॑𑌰𑍁॒𑌣𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌵𑍇॒𑌤𑌾 𑌵॒𑌶𑌾-𑌸𑍍𑌸𑍗॒𑌰𑍍𑌯𑍋॑ 𑌮𑍈𑌤𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾 𑌧𑍂॒𑌮𑍍𑌰𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 42 ॥

(𑌰𑍋𑌹𑌿॑𑌤𑌃॒-𑌷𑌡𑍍𑌵𑌗𑍍𑌂॑𑌶𑌤𑌿𑌃) (𑌅. 11)

𑌪𑍃𑌶𑍍𑌞𑌿॑-𑌸𑍍𑌤𑌿𑌰॒𑌶𑍍𑌚𑍀𑌨॑-𑌪𑍃𑌶𑍍𑌞𑌿𑌰𑍂॒𑌰𑍍𑌧𑍍𑌵-𑌪𑍃॑𑌶𑍍𑌞𑌿॒𑌸𑍍𑌤𑍇 𑌮𑌾॑𑌰𑍁॒𑌤𑌾𑌃 𑌫॒𑌲𑍍𑌗𑍂𑌰𑍍𑌲𑍋॑𑌹𑌿𑌤𑍋॒𑌰𑍍𑌣𑍀 𑌬॑𑌲॒𑌕𑍍𑌷𑍀 𑌤𑌾-𑌸𑍍𑌸𑌾॑𑌰𑌸𑍍𑌵॒𑌤𑍍𑌯𑌃॑ 𑌪𑍃𑌷॑𑌤𑍀 𑌸𑍍𑌥𑍂॒𑌲𑌪𑍃॑𑌷𑌤𑍀 𑌕𑍍𑌷𑍁॒𑌦𑍍𑌰𑌪𑍃॑𑌷𑌤𑍀॒ 𑌤𑌾 𑌵𑍈᳚𑌶𑍍𑌵𑌦𑍇॒𑌵𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌯𑌾॒𑌮𑌾 𑌵॒𑌶𑌾𑌃 𑌪𑍗॒𑌷𑍍𑌣𑌿𑌯॑𑌸𑍍𑌤𑌿॒𑌸𑍍𑌰𑍋 𑌰𑍋𑌹𑌿॑𑌣𑍀𑌰𑍍𑌵॒𑌶𑌾 𑌮𑍈॒𑌤𑍍𑌰𑌿𑌯॑ 𑌐𑌨𑍍𑌦𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾 𑌅॑𑌰𑍁॒𑌣𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 43 ॥

(𑌪𑍃𑌶𑍍𑌞𑌿𑌃॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌃) (𑌅. 12)

𑌶𑌿॒𑌤𑌿॒𑌬𑌾॒𑌹𑍁-𑌰॒𑌨𑍍𑌯𑌤॑𑌶𑍍𑌶𑌿𑌤𑌿𑌬𑌾𑌹𑍁-𑌸𑍍𑌸𑌮॒𑌨𑍍𑌤 𑌶𑌿॑𑌤𑌿𑌬𑌾𑌹𑍁॒𑌸𑍍𑌤 𑌐᳚𑌨𑍍𑌦𑍍𑌰𑌵𑌾𑌯॒𑌵𑌾-𑌶𑍍𑌶𑌿॑𑌤𑌿॒𑌰𑌨𑍍𑌧𑍍𑌰𑍋॒ 𑌽𑌨𑍍𑌯𑌤॑𑌶𑍍𑌶𑌿𑌤𑌿𑌰𑌨𑍍𑌧𑍍𑌰-𑌸𑍍𑌸𑌮॒𑌨𑍍𑌤𑌶𑌿॑𑌤𑌿𑌰𑌨𑍍𑌧𑍍𑌰॒𑌸𑍍𑌤𑍇 𑌮𑍈᳚𑌤𑍍𑌰𑌾𑌵𑌰𑍁॒𑌣𑌾-𑌶𑍍𑌶𑍁॒𑌦𑍍𑌧𑌵𑌾॑𑌲-𑌸𑍍𑌸॒𑌰𑍍𑌵𑌶𑍁॑𑌦𑍍𑌧𑌵𑌾𑌲𑍋 𑌮॒𑌣𑌿𑌵𑌾॑𑌲॒𑌸𑍍𑌤 𑌆᳚𑌶𑍍𑌵𑌿॒𑌨𑌾𑌸𑍍𑌤𑌿॒𑌸𑍍𑌰-𑌶𑍍𑌶𑌿॒𑌲𑍍𑌪𑌾 𑌵॒𑌶𑌾 𑌵𑍈᳚𑌶𑍍𑌵𑌦𑍇॒𑌵𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌯𑍇𑌨𑍀𑌃᳚ 𑌪𑌰𑌮𑍇॒𑌷𑍍𑌠𑌿𑌨𑍇॑ 𑌸𑍋𑌮𑌾𑌪𑍗॒𑌷𑍍𑌣𑌾-𑌶𑍍𑌶𑍍𑌯𑌾॒𑌮𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 44 ॥

(𑌶𑌿॒𑌤𑌿॒𑌬𑌾॒𑌹𑍁𑌃 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 13)

𑌉॒𑌨𑍍𑌨॒𑌤 𑌋॑𑌷॒𑌭𑍋 𑌵𑌾॑𑌮॒𑌨𑌸𑍍𑌤 𑌐᳚𑌨𑍍𑌦𑍍𑌰𑌾𑌵𑌰𑍁॒𑌣𑌾-𑌶𑍍𑌶𑌿𑌤𑌿॑𑌕𑌕𑍁𑌚𑍍𑌛𑌿𑌤𑌿𑌪𑍃॒𑌷𑍍𑌠-𑌶𑍍𑌶𑌿𑌤𑌿॑𑌭𑌸॒-𑌤𑍍𑌤 𑌐᳚𑌨𑍍𑌦𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾-𑌶𑍍𑌶𑌿॑𑌤𑌿॒𑌪𑌾𑌚𑍍𑌛𑌿॒𑌤𑍍𑌯𑍋𑌷𑍍𑌠𑌃॑ 𑌶𑌿𑌤𑌿॒𑌭𑍍𑌰𑍁𑌸𑍍𑌤 𑌐᳚𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵𑌾𑌸𑍍𑌤𑌿॒𑌸𑍍𑌰-𑌸𑍍𑌸𑌿॒𑌦𑍍𑌧𑍍𑌮𑌾 𑌵॒𑌶𑌾 𑌵𑍈᳚𑌶𑍍𑌵𑌕𑌰𑍍𑌮॒𑌣𑍍𑌯॑𑌸𑍍𑌤𑌿॒𑌸𑍍𑌰𑍋 𑌧𑌾॒𑌤𑍍𑌰𑍇 𑌪𑍃॑𑌷𑍋𑌦॒𑌰𑌾 𑌐᳚𑌨𑍍𑌦𑍍𑌰𑌾𑌪𑍗॒𑌷𑍍𑌣𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 45 ॥

(𑌉॒𑌨𑍍𑌨॒𑌤𑌃 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 14)

𑌕॒𑌰𑍍𑌣𑌾𑌸𑍍𑌤𑍍𑌰𑌯𑍋॑ 𑌯𑌾॒𑌮𑌾-𑌸𑍍𑌸𑍗॒𑌮𑍍𑌯𑌾𑌸𑍍𑌤𑍍𑌰𑌯𑌃॑ 𑌶𑍍𑌵𑌿𑌤𑌿॒𑌙𑍍𑌗𑌾 𑌅॒𑌗𑍍𑌨𑌯𑍇॒ 𑌯𑌵𑌿॑𑌷𑍍𑌠𑌾𑌯॒ 𑌤𑍍𑌰𑌯𑍋॑ 𑌨𑌕𑍁॒𑌲𑌾𑌸𑍍𑌤𑌿॒𑌸𑍍𑌰𑍋 𑌰𑍋𑌹𑌿॑𑌣𑍀॒𑌸𑍍𑌤𑍍𑌰𑍍𑌯𑌵𑍍𑌯॒𑌸𑍍𑌤𑌾 𑌵𑌸𑍂॑𑌨𑌾-𑌨𑍍𑌤𑌿॒𑌸𑍍𑌰𑍋॑-𑌽𑌰𑍁॒𑌣𑌾 𑌦𑌿॑𑌤𑍍𑌯𑍗॒𑌹𑍍𑌯॑𑌸𑍍𑌤𑌾 𑌰𑍁॒𑌦𑍍𑌰𑌾𑌣𑌾𑌗𑍍𑌂॑ 𑌸𑍋𑌮𑍈॒𑌨𑍍𑌦𑍍𑌰𑌾 𑌬॒𑌭𑍍𑌰𑍁𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 46 ॥

(𑌕॒𑌰𑍍𑌣𑌾𑌸𑍍𑌤𑍍𑌰𑌯𑍋॑ - 𑌵𑌿𑌗𑍍𑌂𑌶𑌤𑌿𑌃) (𑌅. 15)

𑌶𑍁॒𑌣𑍍𑌠𑌾𑌸𑍍𑌤𑍍𑌰𑌯𑍋॑ 𑌵𑍈𑌷𑍍𑌣॒𑌵𑌾 𑌅॑𑌧𑍀𑌲𑍋𑌧॒𑌕𑌰𑍍𑌣𑌾॒𑌸𑍍𑌤𑍍𑌰𑌯𑍋॒ 𑌵𑌿𑌷𑍍𑌣॑𑌵 𑌉𑌰𑍁𑌕𑍍𑌰॒𑌮𑌾𑌯॑ 𑌲𑌫𑍍𑌸𑍁॒𑌦𑌿𑌨॒𑌸𑍍𑌤𑍍𑌰𑌯𑍋॒ 𑌵𑌿𑌷𑍍𑌣॑𑌵 𑌉𑌰𑍁𑌗𑌾॒𑌯𑌾𑌯॒ 𑌪𑌞𑍍𑌚𑌾॑𑌵𑍀𑌸𑍍𑌤𑌿॒𑌸𑍍𑌰 𑌆॑𑌦𑌿॒𑌤𑍍𑌯𑌾𑌨𑌾᳚-𑌨𑍍𑌤𑍍𑌰𑌿𑌵॒𑌥𑍍𑌸𑌾-𑌸𑍍𑌤𑌿॒𑌸𑍍𑌰𑍋-𑌽𑌙𑍍𑌗𑌿॑𑌰𑌸𑌾𑌮𑍈𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵𑌾 𑌗𑍗॒𑌰𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 47 ॥

(𑌶𑍁॒𑌣𑍍𑌠𑌾 - 𑌵𑌿𑌗𑍍𑌂॑𑌶॒𑌤𑌿𑌃) (𑌅. 16)

𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑌃॑ 𑌶𑌿𑌤𑌿𑌪𑍃॒𑌷𑍍𑌠𑌾 𑌇𑌨𑍍𑌦𑍍𑌰𑌾॑𑌯𑌾-𑌧𑌿𑌰𑌾॒𑌜𑌾𑌯॒ 𑌤𑍍𑌰𑌯॒-𑌶𑍍𑌶𑌿𑌤𑌿॑𑌕𑌕𑍁𑌦॒ 𑌇𑌨𑍍𑌦𑍍𑌰𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒ 𑌤𑍍𑌰𑌯॒-𑌶𑍍𑌶𑌿𑌤𑌿॑𑌭𑌸-𑌦𑌸𑍍𑌤𑌿॒𑌸𑍍𑌰𑌸𑍍𑌤𑍁॑𑌰𑍍𑌯𑍗॒𑌹𑍍𑌯𑌃॑ 𑌸𑌾॒𑌦𑍍𑌧𑍍𑌯𑌾𑌨𑌾᳚-𑌨𑍍𑌤𑌿॒𑌸𑍍𑌰𑌃 𑌪॑𑌷𑍍𑌠𑍗॒𑌹𑍍𑌯𑍋॑ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॑𑌮𑌾𑌗𑍍𑌨𑍇॒𑌨𑍍𑌦𑍍𑌰𑌾𑌃 𑌕𑍃॒𑌷𑍍𑌣𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 48 ॥

(𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॒ - 𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌃) (𑌅. 17)

𑌅𑌦𑌿॑𑌤𑍍𑌯𑍈॒ 𑌤𑍍𑌰𑌯𑍋॑ 𑌰𑍋𑌹𑌿𑌤𑍈॒𑌤𑌾 𑌇॑𑌨𑍍𑌦𑍍𑌰𑌾॒𑌣𑍍𑌯𑍈 𑌤𑍍𑌰𑌯𑌃॑ 𑌕𑍃𑌷𑍍𑌣𑍈॒𑌤𑌾𑌃 𑌕𑍁॒𑌹𑍍𑌵𑍈᳚ 𑌤𑍍𑌰𑌯𑍋॑-𑌽𑌰𑍁𑌣𑍈॒𑌤𑌾𑌸𑍍𑌤𑌿॒𑌸𑍍𑌰𑍋 𑌧𑍇॒𑌨𑌵𑍋॑ 𑌰𑌾॒𑌕𑌾𑌯𑍈॒ 𑌤𑍍𑌰𑌯𑍋॑-𑌽𑌨॒𑌡𑍍𑌵𑌾𑌹𑌃॑ 𑌸𑌿𑌨𑍀𑌵𑌾॒𑌲𑍍𑌯𑌾 𑌆᳚𑌗𑍍𑌨𑌾𑌵𑍈𑌷𑍍𑌣॒𑌵𑌾 𑌰𑍋𑌹𑌿॑𑌤𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 49 ॥

(𑌅𑌦𑌿॑𑌤𑍍𑌯𑌾-𑌅॒𑌷𑍍𑌟𑌾𑌦॑𑌶) (𑌅. 18)

𑌸𑍗॒𑌮𑍍𑌯𑌾𑌸𑍍𑌤𑍍𑌰𑌯𑌃॑ 𑌪𑌿॒𑌶𑌙𑍍𑌗𑌾॒-𑌸𑍍𑌸𑍋𑌮𑌾॑𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑌃॑ 𑌸𑌾॒𑌰𑌙𑍍𑌗𑌾𑌃᳚ 𑌪𑌾𑌰𑍍𑌜॒𑌨𑍍𑌯𑌾 𑌨𑌭𑍋॑𑌰𑍂𑌪𑌾𑌸𑍍𑌤𑌿॒𑌸𑍍𑌰𑍋॑-𑌽𑌜𑌾 𑌮॒𑌲𑍍॒𑌹𑌾 𑌇॑𑌨𑍍𑌦𑍍𑌰𑌾॒𑌣𑍍𑌯𑍈 𑌤𑌿॒𑌸𑍍𑌰𑍋 𑌮𑍇॒𑌷𑍍𑌯॑ 𑌆𑌦𑌿॒𑌤𑍍𑌯𑌾 𑌦𑍍𑌯𑌾॑𑌵𑌾𑌪𑍃𑌥𑌿॒𑌵𑍍𑌯𑌾॑ 𑌮𑌾॒𑌲𑌙𑍍𑌗𑌾᳚𑌸𑍍𑌤𑍂𑌪॒𑌰𑌾𑌃 ॥ 50 ॥

(𑌸𑍗॒𑌮𑍍𑌯𑌾 - 𑌏𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌃) (𑌅. 19)

𑌵𑌾॒𑌰𑍁॒𑌣𑌾𑌸𑍍𑌤𑍍𑌰𑌯𑌃॑ 𑌕𑍃॒𑌷𑍍𑌣𑌲॑𑌲𑌾𑌮𑌾॒ 𑌵𑌰𑍁॑𑌣𑌾𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑍋॒ 𑌰𑍋𑌹𑌿॑𑌤𑌲𑌲𑌾𑌮𑌾॒ 𑌵𑌰𑍁॑𑌣𑌾𑌯 𑌰𑌿॒𑌶𑌾𑌦॑𑌸𑍇॒ 𑌤𑍍𑌰𑌯𑍋॑-𑌽𑌰𑍁॒𑌣𑌲॑𑌲𑌾𑌮𑌾-𑌶𑍍𑌶𑌿॒𑌲𑍍𑌪𑌾𑌸𑍍𑌤𑍍𑌰𑌯𑍋॑ 𑌵𑍈𑌶𑍍𑌵𑌦𑍇॒𑌵𑌾𑌸𑍍𑌤𑍍𑌰𑌯𑌃॒ 𑌪𑍃𑌶𑍍𑌞॑𑌯-𑌸𑍍𑌸𑌰𑍍𑌵𑌦𑍇𑌵॒𑌤𑍍𑌯𑌾॑ 𑌐𑌨𑍍𑌦𑍍𑌰𑌾𑌸𑍂॒𑌰𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 51 ॥

(𑌵𑌾॒𑌰𑍁॒𑌣𑌾 - 𑌵𑌿𑌗𑍍𑌂॑𑌶॒𑌤𑌿𑌃) (𑌅. 20)

𑌸𑍋𑌮𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॑-𑌽𑌨𑍋𑌵𑌾॒𑌹𑌾𑌵॑𑌨॒𑌡𑍍𑌵𑌾𑌹𑌾॑-𑌵𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॑-𑌮𑍋𑌜𑍋॒𑌦𑌾𑌭𑍍𑌯𑌾॒𑌮𑍁𑌷𑍍𑌟𑌾॑𑌰𑌾-𑌵𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌮𑍍𑌬𑌲॒𑌦𑌾𑌭𑍍𑌯𑌾𑌗𑍍𑌂॑ 𑌸𑍀𑌰𑌵𑌾॒𑌹𑌾𑌵𑌵𑍀॒ 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌦𑌿॒𑌗𑍍𑌭𑍍𑌯𑍋 𑌵𑌡॑𑌬𑍇॒ 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌵𑍈॑𑌰𑌾॒𑌜𑍀 𑌪𑍁॑𑌰𑍁॒𑌷𑍀 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌵𑌾॒𑌯𑌵॑ 𑌆𑌰𑍋𑌹𑌣𑌵𑌾॒𑌹𑌾𑌵॑𑌨॒𑌡𑍍𑌵𑌾𑌹𑍗॑ 𑌵𑌾𑌰𑍁॒𑌣𑍀 𑌕𑍃॒𑌷𑍍𑌣𑍇 𑌵॒𑌶𑍇 𑌅॑𑌰𑌾॒𑌡𑍍𑌯𑍗॑ 𑌦𑌿॒𑌵𑍍𑌯𑌾𑌵𑍃॑𑌷॒𑌭𑍗 𑌪॑𑌰𑌿𑌮॒𑌰𑍗 ॥ 52 ॥

(𑌸𑍋𑌮𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒ - 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍) (𑌅. 21)

𑌏𑌕𑌾॑𑌦𑌶 𑌪𑍍𑌰𑌾॒𑌤𑌰𑍍𑌗॒𑌵𑍍𑌯𑌾𑌃 𑌪॒𑌶𑌵॒ 𑌆 𑌲॑𑌭𑍍𑌯𑌨𑍍𑌤𑍇 𑌛𑌗॒𑌲𑌃 𑌕॒𑌲𑍍𑌮𑌾𑌷𑌃॑ 𑌕𑌿𑌕𑌿𑌦𑍀॒𑌵𑌿𑌰𑍍𑌵𑌿॑𑌦𑍀॒𑌗𑌯॒𑌸𑍍𑌤𑍇 𑌤𑍍𑌵𑌾॒𑌷𑍍𑌟𑍍𑌰𑌾-𑌸𑍍𑌸𑍗॒𑌰𑍀𑌰𑍍𑌨𑌵॑ 𑌶𑍍𑌵𑍇॒𑌤𑌾 𑌵॒𑌶𑌾 𑌅॑𑌨𑍂𑌬॒𑌨𑍍𑌧𑍍𑌯𑌾॑ 𑌭𑌵𑌨𑍍𑌤𑍍𑌯𑌾𑌗𑍍𑌨𑍇॒𑌯 𑌐᳚𑌨𑍍𑌦𑍍𑌰𑌾॒𑌗𑍍𑌨 𑌆᳚𑌶𑍍𑌵𑌿॒𑌨𑌸𑍍𑌤𑍇 𑌵𑌿॑𑌶𑌾𑌲𑌯𑍂॒𑌪 𑌆 𑌲॑𑌭𑍍𑌯𑌨𑍍𑌤𑍇 ॥ 53 ॥

(𑌐𑌕𑌾॑𑌦𑌶 𑌪𑍍𑌰𑌾॒𑌤𑌃 - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 22)

𑌪𑌿॒𑌶𑌙𑍍𑌗𑌾॒𑌸𑍍𑌤𑍍𑌰𑌯𑍋॑ 𑌵𑌾𑌸॒𑌨𑍍𑌤𑌾-𑌸𑍍𑌸𑌾॒𑌰𑌙𑍍𑌗𑌾॒𑌸𑍍𑌤𑍍𑌰𑌯𑍋॒ 𑌗𑍍𑌰𑍈𑌷𑍍𑌮𑌾𑌃॒ 𑌪𑍃𑌷॑𑌨𑍍𑌤॒𑌸𑍍𑌤𑍍𑌰𑌯𑍋॒ 𑌵𑌾𑌰𑍍𑌷𑌿॑𑌕𑌾𑌃॒ 𑌪𑍃𑌶𑍍𑌞॑𑌯॒𑌸𑍍𑌤𑍍𑌰𑌯𑌃॑ 𑌶𑌾𑌰॒𑌦𑌾𑌃 𑌪𑍃॑𑌶𑍍𑌞𑌿𑌸॒𑌕𑍍𑌥𑌾-𑌸𑍍𑌤𑍍𑌰𑌯𑍋॒ 𑌹𑍈𑌮॑𑌨𑍍𑌤𑌿𑌕𑌾 𑌅𑌵𑌲𑌿॒𑌪𑍍𑌤𑌾𑌸𑍍𑌤𑍍𑌰𑌯𑌃॑ 𑌶𑍈𑌶𑌿॒𑌰𑌾-𑌸𑍍𑌸𑌂॑𑌵𑌁𑌥𑍍𑌸॒𑌰𑌾𑌯॒ 𑌨𑌿𑌵॑𑌕𑍍𑌷𑌸𑌃 ॥ 54 ॥

(𑌪𑌿॒𑌶𑌙𑍍𑌗𑌾॑ - 𑌵𑌿𑌗𑍍𑌂𑌶॒𑌤𑌿𑌃) (𑌅. 23)

(𑌰𑍋𑌹𑌿॑𑌤𑌃 𑌕𑍃॒𑌷𑍍𑌣𑌾 𑌧𑍂॒𑌮𑍍𑌰𑌲॑𑌲𑌾𑌮𑌾𑌃॒ - 𑌪𑍃𑌶𑍍𑌞𑌿𑌃॑ 𑌶𑍍𑌯𑌾॒𑌮𑌾 𑌅॑𑌰𑍁॒𑌣𑌲॑𑌲𑌾𑌮𑌾𑌃 -𑌶𑌿𑌤𑌿𑌬𑌾॒𑌹𑍁-𑌶𑍍𑌶𑌿॒𑌲𑍍𑌪𑌾-𑌶𑍍𑌶𑍍𑌯𑍇𑌨𑍀᳚-𑌶𑍍𑌶𑍍𑌯𑌾॒𑌮𑌲॑𑌲𑌾𑌮𑌾 - 𑌉𑌨𑍍𑌨॒𑌤-𑌸𑍍𑌸𑌿॒𑌦𑍍𑌧𑍍𑌮𑌾 𑌧𑌾॒𑌤𑍍𑌰𑍇 𑌪𑍗॒𑌷𑍍𑌣𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌃 - 𑌕॒𑌰𑍍𑌣𑌾 𑌬॒𑌭𑍍𑌰𑍁𑌲॑𑌲𑌾𑌮𑌾𑌃 - 𑌶𑍁॒𑌣𑍍𑌠𑌾 𑌗𑍗॒𑌰𑌲॑𑌲𑌾𑌮𑌾॒ - 𑌇𑌨𑍍𑌦𑍍𑌰𑌾॑𑌯 𑌕𑍃॒𑌷𑍍𑌣𑌾𑌲॑𑌲𑌾𑌮𑌾॒ - 𑌅𑌦𑌿॑𑌤𑍍𑌯𑍈॒ 𑌰𑍋𑌹𑌿॑𑌤 𑌲𑌲𑌾𑌮𑌃 -𑌸𑍗॒𑌮𑍍𑌯𑌾 𑌮𑌾॒𑌲𑌙𑍍𑌗𑌾॑ - 𑌵𑌾𑌰𑍁॒𑌣𑌾-𑌸𑍍𑌸𑍂॒𑌰𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾॒ - 𑌦𑌶॑ ।)

(𑌹𑌿𑌰॑𑌣𑍍𑌯𑌵𑌰𑍍𑌣𑌾 - 𑌅॒𑌪𑌾-𑌙𑍍𑌗𑍍𑌰𑌹𑌾᳚𑌨𑍍 - 𑌭𑍂𑌤𑍇𑌷𑍍𑌟॒𑌕𑌾𑌃 - 𑌸॒𑌜𑍂𑌃 - 𑌸𑌂॑𑌵𑌁𑌥𑍍𑌸॒𑌰𑌂 - 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸 𑌕𑍍𑌷𑍁॒𑌰𑌪॑𑌵𑌿 - 𑌰॒𑌵𑌗𑍍𑌨𑍇𑌰𑍍𑌵𑍈 𑌦𑍀॒𑌕𑍍𑌷𑌯𑌾॑ - 𑌸𑍁𑌵॒𑌰𑍍𑌗𑌾𑌯॒ 𑌤𑌂-𑌯𑌁𑌨𑍍𑌨 - 𑌸𑍂॒𑌯𑌤𑍇᳚ - 𑌪𑍍𑌰॒𑌜𑌾𑌪॑𑌤𑌿𑌰𑍍-𑌋॒𑌤𑍁𑌭𑍀॒ - 𑌰𑍋𑌹𑌿॑𑌤𑌃॒ - 𑌪𑍃𑌞𑌿𑌃॑ - 𑌶𑌿𑌤𑌿𑌬𑌾॒𑌹𑍁 - 𑌰𑍁॑𑌨𑍍𑌨॒𑌤𑌃 - 𑌕॒𑌰𑍍𑌣𑌾𑌃 - 𑌶𑍁॒𑌣𑍍𑌠𑌾 - 𑌇𑌨𑍍𑌦𑍍𑌰𑌾॒𑌯𑌾- 𑌦𑌿॑𑌤𑍍𑌯𑍈 - 𑌸𑍗॒𑌮𑍍𑌯𑌾 - 𑌵𑌾॑𑌰𑍁॒𑌣𑌾𑌃 - 𑌸𑍋𑌮𑌾॒𑌯𑍈 - 𑌕𑌾॑𑌦𑌶 - 𑌪𑌿॒𑌶𑌙𑍍𑌗𑌾॒ - 𑌸𑍍𑌤𑍍𑌰𑌯𑍋॑𑌵𑌿𑌗𑍍𑌂𑌶𑌤𑌿𑌃)

(𑌹𑌿𑌰॑𑌣𑍍𑌯𑌵𑌰𑍍𑌣𑌾 - 𑌭𑍂𑌤𑍇𑌷𑍍𑌟॒𑌕𑌾𑌃 - 𑌛𑌨𑍍𑌦𑍋॒ 𑌯𑌤𑍍 - 𑌕𑌨𑍀॑𑌯𑌾𑌗𑍍𑌂𑌸𑌨𑍍-𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿 - 𑌰𑍍𑌵𑌾॑𑌰𑍁॒𑌣𑌾 - 𑌶𑍍𑌚𑌤𑍁॑𑌷𑍍𑌪𑌞𑍍𑌚𑌾॒𑌶𑌤𑍍 )

(𑌹𑌿𑌰॑𑌣𑍍𑌯𑌵𑌰𑍍𑌣𑌾॒, 𑌨𑌿𑌵॑𑌕𑍍𑌷𑌸𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśnaḥ - upānuvākyābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu || yāsā॒gṃ॒ rājā॒ varṷṇo॒ yāti॒ maddhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭ - [ ] 1

śu॒krāstā na॒ āpa॒-śśagg syo॒nā bha̭vantu || śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || yada॒da-ssa̭-mpraya॒tīrahā॒ vana̭datāha॒te | tasmā॒dā na॒dyo̭ nāma̭ stha॒ tā vo॒ nāmā̭ni sindhavaḥ || ya-tpreṣi̭tā॒ varṷṇena॒ tā-śśībhagṃ̭ sa॒mava̭lgata | 2

tadā᳚pno॒-dindro̭ vo ya॒tī-stasmā॒-dāpo॒ anṷ sthana || a॒pa॒kā॒magg syanda̭mānā॒ avī̭varata vo॒ hika᳚m | indro̭ va॒-śśakti̭bhi rdevī॒-stasmā॒-dvārṇāma̭ vo hi॒tam || eko̭ de॒vo apya̭tiṣṭha॒-thsyanda̭mānā yathā va॒śam | udā̭niṣu-rma॒hīriti॒ tasmā̭-duda॒ka-mṷcyate || āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭- [madhu॒pṛcā᳚m, a॒ra॒ṅga॒ma ā mā᳚] 3

-maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || āpo॒ hi ṣṭhā ma̭yo॒ bhuva॒stā na̭ ū॒rje da̭dhātana | ma॒he raṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || di॒vi śra̭ya svā॒ntari̭kṣe yatasva pṛthi॒vyā sa-mbha̭va brahmavarca॒-sama̭si brahmavarca॒sāya̭ tvā || 4

(u॒danti̭ - sa॒mava̭lgata - madhu॒pṛcāṃ᳚ - mā॒taro॒ - dvāvigṃ̭śatiśca) (a. 1)

a॒pā-ṅgrahā᳚-ngṛhṇātye॒tadvāva rā̭ja॒sūyaṃ॒-ya~de॒te grahā᳚-ssa॒vo᳚ 'gnirva̭ruṇasa॒vo rā̭ja॒sūya̭-magnisa॒va-ścitya॒stābhyā̭-me॒va sṷ̄ya॒te-'tho̭ u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚-'gni॒cita॒ āpo̭ bhava॒ntyāpo॒ vā a॒gnerbhrātṛ̭vyā॒ yada॒po᳚ 'gnera॒dhastā̭dupa॒ dadhā̭ti॒ bhrātṛ̭vyābhibhūtyai॒ bhava̭tyā॒tmanā॒ parā᳚-'sya॒ bhrātṛ̭vyo bhavatya॒mṛtaṃ॒- [bhrātṛ̭vyo bhavatya॒mṛta᳚m, vā āpa॒stasmā̭-] 5

-~vā āpa॒stasmā̭-da॒dbhirava̭tānta-ma॒bhi ṣi̭ñcanti॒ nā-''rti॒mārccha̭ti॒ sarva॒māyṷreti॒ yasyai॒tā ṷpadhī॒yante॒ ya ṷ cainā e॒vaṃ-ve~dānnaṃ॒-vā~ āpaḥ̭ pa॒śava॒ āpo-'nna̭-mpa॒śavo᳚-'nnā॒daḥ pa̭śu॒mā-nbha̭vati॒ yasyai॒tā ṷpadhī॒yante॒ ya ṷ cainā e॒vaṃ-ve~da॒ dvāda̭śa bhavanti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒reṇai॒vāsmā॒ [-ssaṃ̭va~thsa॒reṇai॒vāsmā᳚, anna॒mava̭ rundhe॒] 6

anna॒mava̭ rundhe॒ pātrā̭ṇi bhavanti॒ pātre॒ vā anna̭madyate॒ sayo᳚nye॒vānna॒mava̭ rundha॒ ā dvā̭da॒śā-tpurṷṣā॒danna̭-ma॒ttyatho॒ pātrā॒nna chi̭dyate॒ yasyai॒tā ṷpadhī॒yante॒ ya ṷ cainā e॒vaṃ-ve~da̭ ku॒mbhāśca̭ ku॒mbhīśca̭ mithu॒nāni̭ bhavanti mithu॒nasya॒ prajā᳚tyai॒ pra pra॒jayā̭ pa॒śubhi̭-rmithu॒nai-rjā̭yate॒ yasyai॒tā ṷpadhī॒yante॒ ya ṷ [ya ṷ, cai॒nā॒ e॒vaṃ-ve~da॒] 7

cainā e॒vaṃ-ve~da॒ śugvā a॒gni-sso᳚-'ddhva॒ryuṃ-ya~ja̭māna-mpra॒jā-śśu॒cā-'rpa̭yati॒ yada॒pa ṷpa॒dadhā̭ti॒ śuca̭me॒vāsya̭ śamayati॒ nā-''rti॒mārccha̭tyaddhva॒ryurna yaja̭māna॒-śśāmya̭nti pra॒jā yatrai॒tā ṷpadhī॒yante॒ 'pāṃ-vā~ e॒tāni॒ hṛda̭yāni॒ yade॒tā āpo॒ yade॒tā a॒pa ṷpa॒dadhā̭ti di॒vyābhi̭re॒vainā॒-ssagṃ sṛ̭jati॒ varṣṷkaḥ pa॒rjanyo̭ [pa॒rjanyaḥ̭, bha॒va॒ti॒ yo vā] 8

bhavati॒ yo vā e॒tāsā̭mā॒yata̭na॒-ṅkḷptiṃ॒-ve~dā॒-''yata̭navā-nbhavati॒ kalpa̭te 'smā anusī॒tamupa̭ dadhātye॒tadvā ā̭sāmā॒yata̭name॒ṣā kḷpti॒rya e॒vaṃ-ve~dā॒-''yata̭navā-nbhavati॒ kalpa̭te-'smai dva॒dvamma॒nyā upa̭ dadhāti॒ cata̭sro॒ maddhye॒ dhṛtyā॒ annaṃ॒-vā~ iṣṭa̭kā e॒ta-tkhalu॒ vai sā॒kṣādannaṃ॒-ya~de॒ṣa ca॒ruryade॒ta-ñca॒rumṷpa॒ dadhā̭ti sā॒kṣā- [sā॒kṣāt, e॒vā-'smā॒ anna॒mava̭ rundhe] 9

-de॒vā-'smā॒ anna॒mava̭ rundhe maddhya॒ta upa̭ dadhāti maddhya॒ta e॒vāsmā॒ anna̭-ndadhāti॒ tasmā᳚-nmaddhya॒to-'nna̭madyate bārhaspa॒tyo bha̭vati॒ brahma॒ vai de॒vānā॒-mbṛha॒spati॒-rbrahma̭ṇai॒vāsmā॒ anna॒mava̭ rundhe brahmavarca॒sama̭si brahmavarca॒sāya॒ tvetyā̭ha teja॒svī bra̭hmavarca॒sī bha̭vati॒ yasyai॒ṣa ṷpadhī॒yate॒ ya ṷ cainame॒vaṃ-ve~da̭ || 10 ||

(a॒mṛta̭ - masmai - jāyate॒ yasyai॒tā - ṷpadhī॒yante॒ ya ṷ - pa॒rjanya̭ - upa॒dadhā̭ti sā॒kṣāth - sa॒ptaca̭tvārigṃśacca) (a. 2)

bhū॒te॒ṣṭa॒kā upa̭ dadhā॒tyatrā᳚tra॒ vai mṛ॒tyurjā̭yate॒ yatra̭yatrai॒va mṛ॒tyurjāya̭te॒ tata̭ e॒vaina॒mava̭ yajate॒ tasmā̭dagni॒ci-thsarva॒māyṷreti॒ sarve॒ hya̭sya mṛ॒tyavo 've᳚ṣṭā॒stasmā̭-dagni॒cinnā-bhica̭rita॒vai pra॒tyagḙna-mabhicā॒ra-sstṛ̭ṇute sū॒yate॒ vā e॒ṣa yo᳚-'gni-ñci̭nu॒te dḙvasu॒vāme॒tāni̭ ha॒vīgṃṣi̭ bhavantye॒tāva̭nto॒ vai de॒vānāgṃ̭ sa॒vāsta e॒vā- [sa॒vāsta e॒va, a॒smai॒ sa॒vā-npra] 11

-'smai̭ sa॒vā-npra ya̭cchanti॒ ta ḙnagṃ suvante sa॒vo᳚-'gnirva̭ruṇasa॒vo rā̭ja॒sūya̭-mbrahmasa॒vaścityo̭ de॒vasya̭ tvā savi॒tuḥ pra̭sa॒va ityā̭ha savi॒tṛpra̭sūta e॒vaina॒-mbrahma̭ṇā de॒vatā̭bhira॒bhi ṣi̭ñca॒tyanna̭-syānnasyā॒bhi ṣi̭ñca॒tyanna̭-syānna॒syā-va̭ruddhyai pu॒rastā᳚-tpra॒tyañca̭ma॒bhi ṣi̭ñcati pu॒rastā॒ddhi pra̭tī॒cī-na॒manna̭ma॒dyatḙ śīrṣa॒to̭-'bhi ṣi̭ñcati śīrṣa॒to hyanna̭ma॒dyata॒ ā mukhā̭-da॒nvava̭srāvayati [mukhā̭-da॒nvava̭srāvayati, mu॒kha॒ta e॒vā-'smā̭] 12

mukha॒ta e॒vā-'smā̭ a॒nnādya̭-ndadhātya॒gnestvā॒ sāmrā᳚jyenā॒bhi ṣi̭ñcā॒mītyā̭hai॒ṣa vā a॒gne-ssa॒vastenai॒vaina̭ma॒bhi ṣi̭ñcati॒ bṛha॒spate᳚stvā॒ sāmrā᳚jyenā॒bhiṣi̭ñcā॒mītyā̭ha॒ brahma॒ vai de॒vānā॒-mbṛha॒spati॒rbrahma̭ṇai॒vaina̭ma॒bhi ṣi̭ñca॒tīndra̭sya tvā॒ sāmrā᳚jyenā॒bhi ṣi̭ñcā॒-mītyā̭hendri॒yame॒vāsmi̭-nnu॒pari̭ṣṭā-ddadhātye॒ta- [-ddadhātye॒tat, vai rā̭ja॒sūya̭sya] 13

-dvai rā̭ja॒sūya̭sya rū॒paṃ-ya~ e॒vaṃ-vi~॒dvāna॒gni-ñci̭nu॒ta u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚gni॒cita॒ indra̭sya suṣuvā॒ṇasya̭ daśa॒dhendri॒yaṃ-vī~॒rya̭-mparā̭-'pata॒-ttadde॒vā-ssau᳚trāma॒ṇyā sama̭bharan-thsū॒yate॒ vā e॒ṣa yo᳚-'gni-ñci̭nu॒te᳚-'gni-ñci॒tvā sau᳚trāma॒ṇyā ya̭jetendri॒yame॒va vī॒ryagṃ̭ sa॒bhṛntyā॒-''tma-ndha̭tte || 14 ||

(ta e॒vā - nvava̭srāvayatye॒ - ta - da॒ṣṭāca̭tvārigṃśacca) (a. 3)

sa॒jūrabdo-'yā̭vabhi-ssa॒jūru॒ṣā arṷṇībhi-ssa॒jū-ssūrya॒ eta̭śena sa॒joṣā̭va॒śvinā॒ dagṃso̭bhi-ssa॒jūra॒gnirvai᳚śvāna॒ra iḍā̭bhirghṛ॒tena॒ svāhā̭ saṃva~thsa॒ro vā abdo॒ māsā॒ ayā̭vā u॒ṣā arṷṇī॒ sūrya॒ eta̭śa i॒me a॒śvinā̭ saṃva~thsa॒ro᳚-'gnirvai᳚śvāna॒raḥ pa॒śava॒ iḍā̭ pa॒śavo̭ ghṛ॒tagṃ saṃ̭va~thsa॒ra-mpa॒śavo-'nu॒ pra jā̭yante saṃva~thsa॒reṇai॒vāsmai̭ pa॒śū-npraja̭nayati darbhasta॒mbe jṷhoti॒ ya - [ ] 15

-dvā a॒syā a॒mṛtaṃ॒-ya~-dvī॒rya̭-nta-dda॒rbhāstasmi̭n juhoti॒ praiva jā̭yate 'nnā॒do bha̭vati॒ yasyai॒va-ñjuhva̭tye॒tā vai de॒vatā̭ a॒gneḥ pu॒rastā᳚dbhāgā॒stā e॒va prī̭ṇā॒tyatho॒ cakṣṷre॒vāgneḥ pu॒rastā॒-tprati̭ dadhā॒tyana̭ndho bhavati॒ ya e॒vaṃ-ve~dā-''po॒ vā i॒damagrḙ sali॒lamā̭sī॒-thsa pra॒jāpa̭tiḥ puṣkarapa॒rṇe vāto̭ bhū॒to̭-'lelāya॒-thsa [bhū॒to̭-'lelāya॒-thsaḥ, pra॒ti॒ṣṭhā-nnā-'vi̭ndata॒] 16

pra̭ti॒ṣṭhā-nnā-'vi̭ndata॒ sa e॒tada॒pā-ṅku॒lāya̭mapaśya॒-ttasmi̭nna॒gnima̭cinuta॒ tadi॒yama̭bhava॒-ttato॒ vai sa pratya̭tiṣṭha॒dyā-mpu॒rastā̭du॒pā-da̭dhā॒-ttacchiro̭ 'bhava॒-thsā prācī॒ digyā-nda̭kṣiṇa॒ta u॒pāda̭dhā॒-thsa dakṣi̭ṇaḥ pa॒kṣo̭-'bhava॒-thsā da̭kṣi॒ṇā digyā-mpa॒ścā-du॒pāda̭dhā॒-tta-tpuccha̭mabhava॒-thsā pra॒tīcī॒ digyāmṷttara॒ta u॒pāda̭dhā॒- [u॒pāda̭dhāt, sa utta̭raḥ] 17

-thsa utta̭raḥ pa॒kṣo̭-'bhava॒-thsodī̭cī॒ digyāmu॒pari̭ṣṭā-du॒pāda̭dhā॒-tta-tpṛ॒ṣṭhama̭bhava॒-thsordhvā digi॒yaṃ-vā~ a॒gniḥ pañce᳚ṣṭaka॒-stasmā॒-dyada॒syā-ṅkhana̭ntya॒bhīṣṭa̭kā-ntṛ॒ndantya॒bhi śarka̭rā॒gṃ॒ sarvā॒ vā i॒yaṃ-va~yo᳚bhyo॒ nakta̭-ndṛ॒śe dī᳚pyate॒ tasmā̭di॒māṃ-va~yāgṃ̭si॒ nakta॒-nnāddhyā̭sate॒ ya e॒vaṃ-vi~॒dvāna॒gni-ñci̭nu॒te pratye॒va [pratye॒va, ti॒ṣṭha॒tya॒bhi diśo̭] 18

ti̭ṣṭhatya॒bhi diśo̭ jayatyāgne॒yo vai brā᳚hma॒ṇastasmā᳚-dbrāhma॒ṇāya॒ sarvā̭su di॒kṣvardhṷka॒gg॒ svāme॒va ta-ddiśa॒manve᳚tya॒pāṃ-vā~ a॒gniḥ ku॒lāya॒-ntasmā॒dāpo॒-'gnigṃ hārṷkā॒-ssvāme॒va ta-dyoni॒-mpravi̭śanti || 19 ||

(yada̭- lelāya॒-thsa-ṷttara॒ta u॒pāda̭dhā-de॒va - dvātrigṃ̭śacca) (a. 4)

saṃ॒va~॒thsa॒ramukhya̭-mbhṛ॒tvā dvi॒tīyḙ saṃva~thsa॒ra ā᳚gne॒yama॒ṣṭāka̭pāla॒-nnirva̭pedai॒ndra-mekā̭daśakapālaṃ-vai~śvade॒va-ndvāda̭śakapāla-mbārhaspa॒tya-ñca॒ruṃ-vai~᳚ṣṇa॒va-ntri̭kapā॒la-ntṛ॒tīyḙ saṃva~thsa॒rḙ-'bhi॒jitā̭ yajeta॒ yada॒ṣṭāka̭pālo॒ bhava̭tya॒ṣṭākṣa̭rā gāya॒tryā᳚gne॒ya-ṅgā̭ya॒tra-mprā̭tassava॒na-mprā̭tassava॒name॒va tena̭ dādhāra gāya॒trī-ñchando॒ yadekā̭daśakapālo॒ bhava॒tyekā̭daśākṣarā tri॒ṣṭugai॒ndra-ntraiṣṭṷbha॒-mmāddhya̭ndina॒gṃ॒ sava̭na॒-mmāddhya̭ndiname॒va sava̭na॒-ntena̭ dādhāra tri॒ṣṭubha॒- [tri॒ṣṭubha᳚m, chando॒ ya-ddvāda̭śakapālo॒ bhava̭ti॒] 20

-ñchando॒ ya-ddvāda̭śakapālo॒ bhava̭ti॒ dvāda̭śākṣarā॒ jaga̭tī vaiśvade॒va-ñjāga̭ta-ntṛtīyasava॒na-ntṛ̭tīyasava॒name॒va tena̭ dādhāra॒ jaga̭tī॒-ñchando॒ ya-dbā̭rhaspa॒tyaśca॒rurbhava̭ti॒ brahma॒ vai de॒vānā॒-mbṛha॒spati॒rbrahmai॒va tena̭ dādhāra॒ ya-dvai᳚ṣṇa॒vastri̭kapā॒lo bhava̭ti ya॒jño vai viṣṇṷrya॒jñame॒va tena̭ dādhāra॒ ya-ttṛ॒tīyḙ saṃva~thsa॒rḙ-'bhi॒jitā॒ yaja̭te॒-'bhiji̭tyai॒ ya-thsaṃ̭va~thsa॒ramukhya̭-mbi॒bhartī॒mame॒va [ ] 21

tena̭ lo॒kagg spṛ̭ṇoti॒ ya-ddvi॒tīyḙ saṃva~thsa॒re᳚-'gni-ñci̭nu॒te᳚ 'ntari̭kṣame॒va tena̭ spṛṇoti॒ ya-ttṛ॒tīyḙ saṃva~thsa॒re yaja̭te॒-'mume॒va tena̭ lo॒kagg spṛ̭ṇotye॒taṃ-vai~ para̭ āṭṇā॒raḥ ka॒kṣīvāgṃ̭ auśi॒jo vī॒taha̭vya-śśrāya॒sastra॒sada̭syuḥ pauruku॒thsyaḥ pra॒jākā̭mā acinvata॒ tato॒ vai te sa॒hasragṃ̭ sahasra-mpu॒trāna̭vindanta॒ pratha̭te pra॒jayā̭ pa॒śubhi॒stā-mmātrā̭māpnoti॒ yā-nte-'ga̭ccha॒n॒ ya e॒vaṃ ~vi॒dvāne॒tama॒gni-ñci̭nu॒te || 22 ||

(dā॒dhā॒ra॒ tri॒ṣṭubha̭ - mi॒mame॒vai - vaṃ - ca॒tvāri̭ ca) (a. 5)

pra॒jāpa̭tira॒gnima̭cinuta॒ sa kṣu॒rapa̭virbhū॒tvā-'ti̭ṣṭha॒-tta-nde॒vā bibhya̭to॒ nopā̭-''ya॒-nte chando̭bhirā॒tmāna̭-ñchādayi॒tvopā̭-''ya॒-ntacchanda̭sā-ñchanda॒stva-mbrahma॒ vai chandāgṃ̭si॒ brahma̭ṇa e॒ta-drū॒paṃ-ya~-tkṛ̭ṣṇāji॒na-ṅkārṣṇī̭ upā॒nahā॒vupa̭ muñcate॒ chando̭bhire॒vā-''tmāna̭-ñchādayi॒tvā-'gnimupa̭ caratyā॒tmano-'higṃ̭sāyai devani॒dhirvā e॒ṣa ni dhī̭yate॒ yada॒gni- [yada॒gniḥ, a॒nye vā॒ vai] 23

-ra॒nye vā॒ vai ni॒dhimagṷptaṃ-vi~॒ndanti॒ na vā॒ prati॒ pra jā̭nātyu॒khāmā krā̭matyā॒tmāna̭me॒vādhi॒pā-ṅkṷrute॒ guptyā॒ atho॒ khalvā̭hu॒rnā-''kramyeti̭ nair-ṛ॒tyṷkhā yadā॒krāme॒nnir-ṛ̭tyā ā॒tmāna॒mapi̭ daddhyā॒-ttasmā॒nnā-''kramyā̭ puruṣaśī॒r॒ṣamupa̭ dadhāti॒ guptyā॒ atho॒ yathā᳚ brū॒yāde॒tanmḙ gopā॒yeti̭ tā॒dṛge॒va ta- [tat, pra॒jāpa̭ti॒rvā] 24

-tpra॒jāpa̭ti॒rvā atha̭rvā॒ 'gnire॒va da॒ddhyaṅṅā̭tharva॒ṇastasyeṣṭa̭kā a॒sthānye॒tagṃ ha॒ vāva tad-ṛṣi̭ra॒bhyanṷ̄vā॒cendro̭ dadhī॒co a॒sthabhi॒riti॒ yadiṣṭa̭kābhira॒gni-ñci॒noti॒ sātmā̭name॒vāgni-ñci̭nute॒ sātmā॒muṣmi̭n ~lo॒ke bha̭vati॒ ya e॒vaṃ-ve~da॒ śarī̭raṃ॒-vā~ e॒tada॒gneryaccitya̭ ā॒tmā vai᳚śvāna॒ro yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒- [sa॒gg॒skṛtyā̭, a॒bhyāro̭hati॒] 25

-'bhyāro̭hati॒ śarī̭raṃ॒-vā~ e॒ta-dyaja̭māna॒-ssagg skṷrute॒ yada॒gni-ñci̭nu॒te yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒ ''tmanā॒-'bhyāro̭hati॒ tasmā॒-ttasya॒ nāva̭ dyanti॒ jīva̭nne॒va de॒vānapyḙti vaiśvāna॒ryarcā purī̭ṣa॒mupa̭ dadhātī॒yaṃ-vā~ a॒gnirvai᳚śvāna॒rastasyai॒ṣā citi॒rya-tpurī̭ṣama॒gnime॒va vai᳚śvāna॒ra-ñci̭nuta e॒ṣā vā a॒gneḥ pri॒yā ta॒nūrya-dvai᳚śvāna॒raḥ pri॒yāme॒vāsya̭ ta॒nuva॒mava̭ rundhe || 26 ||

(a॒gni - stath - sa॒gg॒skṛtyā॒ - gne - rdaśa̭ ca) (a. 6)

a॒gnervai dī॒kṣayā̭ de॒vā vi॒rāja̭māpnuva-nti॒sro rātrī᳚rdīkṣi॒ta-ssyā᳚-ttri॒padā̭ vi॒rā-ḍvi॒rāja̭māpnoti॒ ṣaḍ-rātrī᳚rdīkṣi॒ta-ssyā॒-thṣa-ḍvā ṛ॒tavaḥ̭ saṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ daśa॒ rātrī᳚rdīkṣi॒ta-ssyā॒-ddaśā᳚kṣarā vi॒rā-ḍvi॒rāja̭māpnoti॒ dvāda̭śa॒ rātrī᳚rdīkṣi॒ta-ssyā॒-ddvāda̭śa॒ māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ trayo̭daśa॒ rātrī᳚rdīkṣi॒ta-ssyā॒-ttrayo̭daśa॒ [trayo̭daśa, māsā᳚-] 27

māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ pañca̭daśa॒ rātrī᳚rdīkṣi॒ta-ssyā॒-tpañca̭daśa॒ vā a̭rdhamā॒sasya॒ rātra̭yo-'rdhamāsa॒śa-ssaṃ̭va~thsa॒ra ā᳚pyate saṃva~thsa॒ro vi॒rā-ḍvi॒rāja̭māpnoti sa॒ptada̭śa॒ rātrī᳚rdīkṣi॒ta-ssyā॒-ddvāda̭śa॒ māsāḥ॒ pañca॒rtava॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ catṷrvigṃśati॒gṃ॒ rātrī᳚rdīkṣi॒ta-ssyā॒-ccatṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti tri॒gṃ॒śata॒gṃ॒ rātrī᳚rdīkṣi॒ta-ssyā᳚- [rātrī᳚rdīkṣi॒ta-ssyā᳚t, tri॒gṃ॒śada̭kṣarā] 28

-ttri॒gṃ॒śada̭kṣarā vi॒rā-ḍvi॒rāja̭māpnoti॒ māsa̭-ndīkṣi॒ta-ssyā॒-dyo māsa॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti ca॒turo̭ mā॒so dī᳚kṣi॒ta-ssyā᳚cca॒turo॒ vā e॒ta-mmā॒so vasa̭vo-'bibharu॒ste pṛ̭thi॒vīmā-'ja̭ya-ngāya॒trī-ñchando॒-'ṣṭau ru॒drāste᳚-'ntari̭kṣa॒mā-'ja̭ya-ntri॒ṣṭubha॒-ñchando॒ dvāda̭śā-''di॒tyāste diva॒mā-'ja̭ya॒n jaga̭tī॒-ñchanda॒stato॒ vai te vyā॒vṛta̭-magaccha॒ñchraiṣṭhya̭-nde॒vānā॒-ntasmā॒-ddvāda̭śa mā॒so bhṛ॒tvā-'gni-ñci̭nvīta॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ro᳚ -'gniścitya॒stasyā̭-horā॒trāṇīṣṭa̭kā ā॒pteṣṭa̭kamena-ñcinu॒te-'tho᳚ vyā॒vṛta̭me॒va ga̭cchati॒ śraiṣṭhyagṃ̭ samā॒nānā᳚m || 29 ||

(syā॒-ttrayo̭daśa - tri॒gṃ॒śata॒gṃ॒ rātrī᳚rdīkṣi॒ta-ssyā॒-d- vai te᳚ - 'ṣṭāvigṃ̭śatiśca) (a. 7)

su॒va॒rgāya॒ vā e॒ṣa lo॒kāya̭ cīyate॒ yada॒gnistaṃ-ya~nnānvā॒rohe᳚-thsuva॒rgāllo॒kā-dyaja̭māno hīyeta pṛthi॒vīmā-'kra̭miṣa-mprā॒ṇo mā॒ mā hā̭sīda॒ntari̭kṣa॒mā-'kra̭miṣa-mpra॒jā mā॒ mā hā̭sī॒-ddiva॒mā-'kra̭miṣa॒gṃ॒ suva̭raga॒nmetyā̭hai॒ṣa vā a॒gnera̭nvāro॒hastenai॒vaina̭-ma॒nvāro̭hati suva॒rgasya̭ lo॒kasya॒ sama̭ṣṭyai॒ ya-tpa॒kṣasa̭mmitā-mminu॒yā- [minu॒yāt, kanī̭yāgṃsa-] 30

-tkanī̭yāgṃsaṃ-ya~jñakra॒tumupḙyā॒-tpāpī̭yasyasyā॒ ''tmanaḥ̭ pra॒jā syā॒-dvedi̭sammitā-mminoti॒ jyāyāgṃ̭same॒va ya̭jñakra॒tumupai̭ti॒ nāsyā॒-''tmanaḥ॒ pāpī̭yasī pra॒jā bha̭vati sāha॒sra-ñci̭nvīta pratha॒ma-ñci̭nvā॒na-ssa॒hasra̭sammito॒ vā a॒yaṃ-lo~॒ka i॒mame॒va lo॒kama॒bhi ja̭yati॒ dviṣā̭hasra-ñcinvīta dvi॒tīya̭-ñcinvā॒no dviṣā̭hasraṃ॒-vā~ a॒ntari̭kṣa-ma॒ntari̭kṣame॒vābhi ja̭yati॒ triṣā̭hasra-ñcinvīta tṛ॒tīya̭-ñcinvā॒na- [tṛ॒tīya̭-ñcinvā॒naḥ, triṣā̭hasro॒ vā a॒sau] 31

-striṣā̭hasro॒ vā a॒sau lo॒ko̭ 'mume॒va lo॒kama॒bhi ja̭yati jānuda॒ghna-ñci̭nvīta pratha॒ma-ñci̭nvā॒no gā̭yatri॒yaivemaṃ-lo~॒kama॒bhyāro̭hati nābhida॒ghna-ñci̭nvīta dvi॒tīya̭-ñcinvā॒nastri॒ṣṭubhai॒vā-ntari̭kṣa-ma॒bhyāro̭hati grīvada॒ghna-ñci̭nvīta tṛ॒tīya̭-ñcinvā॒no jaga̭tyai॒vāmun ~lo॒kama॒bhyāro̭hati॒ nāgni-ñci॒tvā rā॒māmupḙyādayo॒nau reto̭ dhāsyā॒mīti॒ na dvi॒tīya̭-ñci॒tvā-'nyasya॒ striya॒- [striya᳚m, upḙyā॒nna] 32

-mupḙyā॒nna tṛ॒tīya̭-ñci॒tvā kā-ñca॒nopḙyā॒-dreto॒ vā e॒tanni dha̭tte॒ yada॒gni-ñci̭nu॒te yadṷpe॒yā-dreta̭sā॒ vyṛ̭ddhye॒tā-'tho॒ khalvā̭hura praja॒sya-nta-dyannope॒yāditi॒ ya-drḙta॒ssicā̭vupa॒dadhā̭ti॒ te e॒va yaja̭mānasya॒ reto̭ bibhṛta॒stasmā॒-dupḙyā॒-dreta॒so-'ska̭ndāya॒ trīṇi॒ vāva retāgṃ̭si pi॒tā pu॒traḥ pautro॒ [pautraḥ̭, ya-ddve rḙta॒ssicā̭] 33

ya-ddve rḙta॒ssicā̭-vupada॒ddhyā-dreto᳚-'sya॒ vicchi̭ndyā-tti॒sra upa̭ dadhāti॒ reta̭sa॒-ssanta̭tyā i॒yaṃ-vā~va pra̭tha॒mā rḙta॒ssig vāgvā i॒ya-ntasmā॒-tpaśya̭ntī॒mā-mpaśya̭nti॒ vācaṃ॒-va~da̭ntīma॒ntari̭kṣa-ndvi॒tīyā᳚ prā॒ṇo vā a॒ntari̭kṣa॒-ntasmā॒nnā-'ntari̭kṣa॒-mpaśya̭nti॒ na prā॒ṇama॒sau tṛ॒tīyā॒ cakṣu॒rvā a॒sau tasmā॒-tpaśya̭ntya॒mū-mpaśya̭nti॒ cakṣu॒-ryajṷṣe॒mā-ñcā॒- [cakṣu॒-ryajṷṣe॒mā-ñcā̭, a॒mū-ñcopa̭] 34

-'mū-ñcopa̭ dadhāti॒ mana̭sā maddhya॒māme॒ṣāṃ-lo~॒kānā॒-ṅkḷptyā॒ atho᳚ prā॒ṇānā̭mi॒ṣṭo ya॒jño bhṛgṷbhirāśī॒rdā vasṷbhi॒stasya̭ ta i॒ṣṭasya̭ vī॒tasya॒ dravi̭ṇe॒ha bha̭kṣī॒yetyā̭ha stutaśa॒stre e॒vaitena̭ duhe pi॒tā mā̭ta॒riśvā-'cchi̭drā pa॒dā dhā॒ acchi̭drā u॒śijaḥ̭ pa॒dā-'nṷ takṣu॒-ssomo̭ viśva॒vinne॒tā nḙṣa॒-dbṛha॒spati̭rukthāma॒dāni̭ śagṃsiṣa॒dityā̭hai॒tadvā a॒gneru॒ktha-ntenai॒vaina॒manṷ śagṃsati || 35 ||

(mi॒nu॒yāt - tṛ॒tīya̭-ñcinvā॒naḥ - striyaṃ॒ - pautra̭ - śca॒ - vai - sa॒pta ca̭) (a. 8)

sū॒yate॒ vā e॒ṣo᳚-'gnī॒nāṃ-ya~ u॒khāyā᳚-mbhri॒yate॒ yada॒dha-ssā॒daye॒-dgarbhāḥ᳚ pra॒pādṷkā-ssyu॒ratho॒ yathā̭ sa॒vā-tpra̭tyava॒roha̭ti tā॒dṛge॒va tadā̭sa॒ndī sā̭dayati॒ garbhā̭ṇā॒-ndhṛtyā॒ apra̭pādā॒yātho̭ sa॒vame॒vaina̭-ṅkaroti॒ garbho॒ vā e॒ṣa yadukhyo॒ yoniḥ̭ śi॒kyaṃ̭-ya~cchi॒kyā̭du॒khā-nni॒rūhe॒-dyone॒rgarbha॒-nnirha̭ṇyā॒-thṣaḍṷdyāmagṃ śi॒kya̭-mbhavati ṣoḍhā vihi॒to vai [ ] 36

purṷṣa ā॒tmā ca॒ śira̭śca ca॒tvāryaṅgā᳚nyā॒tmanne॒vaina̭-mbibharti pra॒jāpa̭ti॒rvā e॒ṣa yada॒gnistasyo॒khā co॒lūkha̭la-ñca॒ stanau॒ tāva̭sya pra॒jā upa̭ jīvanti॒ yadu॒khā-ñco॒lūkha̭la-ñcopa॒dadhā̭ti॒ tābhyā̭me॒va yaja̭māno॒-'muṣmi̭n ~lo॒ke᳚-'gni-ndṷhe saṃva~thsa॒ro vā e॒ṣa yada॒gnistasya̭ tredhāvihi॒tā iṣṭa̭kāḥ prājāpa॒tyā vai᳚ṣṇa॒vī- [vai᳚ṣṇa॒vīḥ, vai॒śva॒ka॒rma॒ṇī-] 37

-rvai᳚śvakarma॒ṇī-ra̭horā॒trāṇye॒vā-'sya̭ prājāpa॒tyā yadukhya̭-mbi॒bharti̭ prājāpa॒tyā e॒va tadupa̭ dhatte॒ ya-thsa॒midha̭ ā॒dadhā̭ti vaiṣṇa॒vā vai vana॒spata̭yo vaiṣṇa॒vīre॒va tadupa̭ dhatte॒ yadiṣṭa̭kābhira॒gni-ñci॒notī॒yaṃ-vai~ vi॒śvaka̭rmā vaiśvakarma॒ṇīre॒va tadupa̭ dhatte॒ tasmā̭-dāhu-stri॒vṛda॒gniriti॒ taṃ-vā~ e॒taṃ-ya~ja̭māna e॒va ci̭nvīta॒ yada̭syā॒nya ści̭nu॒yādya-tta-ndakṣi̭ṇābhi॒rna rā॒dhayḙda॒gnima̭sya vṛñjīta॒ yo᳚-'syā॒-'gni-ñci̭nu॒yā-tta-ndakṣi̭ṇābhī rādhayeda॒gnime॒va ta-thspṛ̭ṇoti || 38 ||

(ṣo॒ḍhā॒vi॒hi॒to vai - vai᳚ṣṇa॒vī - ra॒nyo - vigṃ̭śa॒tiśca̭) (a. 9)

pra॒jāpa̭ti-ra॒gni-ma̭cinuta॒rtubhiḥ̭ saṃva~thsa॒raṃ-va~̭sa॒ntenai॒vāsya̭ pūrvā॒rdhama̭cinuta grī॒ṣmeṇa॒ dakṣi̭ṇa-mpa॒kṣaṃ-va~॒r॒ṣābhiḥ॒ pucchagṃ̭ śa॒radotta̭ra-mpa॒kṣagṃ hḙma॒ntena॒ maddhya॒-mbrahma̭ṇā॒ vā a̭sya॒ ta-tpū᳚rvā॒rdhama̭cinuta kṣa॒treṇa॒ dakṣi̭ṇa-mpa॒kṣa-mpa॒śubhiḥ॒ pucchaṃ̭-vi~॒śotta̭ra-mpa॒kṣamā॒śayā॒ maddhyaṃ॒-ya~ e॒vaṃ-vi~॒dvāna॒gni-ñci̭nu॒ta ṛ॒tubhi̭re॒vaina̭-ñcinu॒te-'tho̭ e॒tade॒va sarva॒mava̭ - [sarva॒mava̭, ru॒ndhe॒ śṛ॒ṇvantyḙna] 39

rundhe śṛ॒ṇvantyḙna-ma॒gni-ñci̭kyā॒namattyanna॒gṃ॒ roca̭ta i॒yaṃ-vā~va pra̭tha॒mā citi॒roṣa̭dhayo॒ vana॒spata̭yaḥ॒ purī̭ṣama॒ntari̭kṣa-ndvi॒tīyā॒ vayāgṃ̭si॒ purī̭ṣama॒sau tṛ॒tīyā॒ nakṣa̭trāṇi॒ purī̭ṣaṃ-ya~॒jñaśca̭tu॒rthī dakṣi̭ṇā॒ purī̭ṣaṃ॒-ya~ja̭mānaḥ pañca॒mī pra॒jā purī̭ṣaṃ॒-ya~-ttrici̭tīka-ñcinvī॒ta ya॒jña-ndakṣi̭ṇāmā॒tmāna̭-mpra॒jāma॒ntari̭yā॒-ttasmā॒-tpañca̭citīkaśceta॒vya̭ e॒tade॒va sarvagg̭ spṛṇoti॒ ya-tti॒sraścita̭ya- [ya-tti॒sraścita̭yaḥ, tri॒vṛddhya̭gnirya-ddve] 40

-stri॒vṛddhya̭gnirya-ddve dvi॒pā-dyaja̭mānaḥ॒ prati̭ṣṭhityai॒ pañca॒ cita̭yo bhavanti॒ pāṅktaḥ॒ purṷṣa ā॒tmāna̭me॒va spṛ̭ṇoti॒ pañca॒ cita̭yo bhavanti pa॒ñcabhiḥ॒ purī̭ṣaira॒bhyṷ̄hati॒ daśa॒ sa-mpa̭dyante॒ daśā᳚kṣaro॒ vai purṷṣo॒ yāvā̭ne॒va purṷṣa॒stagg spṛ̭ṇo॒tyatho॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭ tiṣṭhati saṃva~thsa॒ro vai ṣa॒ṣṭhī citi̭r-ṛ॒tavaḥ॒ purī̭ṣa॒gṃ॒ ṣaṭ cita̭yo bhavanti॒ ṣaṭ purī̭ṣāṇi॒ dvāda̭śa॒ sa-mpa̭dyante॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ra e॒va prati̭ tiṣṭhati || 41 ||

(ava॒ - cita̭yaḥ॒ - purī̭ṣaṃ॒ - pañca̭daśa ca) (a. 10)

rohi̭to dhū॒mraro̭hitaḥ ka॒rkandhṷrohita॒ste prā̭jāpa॒tyā ba॒bhrura̭ru॒ṇaba̭bhru॒-śśuka̭babhru॒ste rau॒drā-śśyetaḥ̭ śyetā॒kṣa-śśyeta̭grīva॒ste pi̭tṛdeva॒tyā᳚sti॒sraḥ kṛ॒ṣṇā va॒śā vā̭ru॒ṇya̭sti॒sra-śśve॒tā va॒śā-ssau॒ryo̭ maitrābārhaspa॒tyā dhū॒mrala̭lāmāstūpa॒rāḥ || 42 ||

(rohi̭taḥ॒-ṣaḍvagṃ̭śatiḥ) (a. 11)

pṛśñi̭-stira॒ścīna̭-pṛśñirū॒rdhva-pṛ̭śñi॒ste mā̭ru॒tāḥ pha॒lgūrlo̭hito॒rṇī ba̭la॒kṣī tā-ssā̭rasva॒tyaḥ̭ pṛṣa̭tī sthū॒lapṛ̭ṣatī kṣu॒drapṛ̭ṣatī॒ tā vai᳚śvade॒vya̭sti॒sra-śśyā॒mā va॒śāḥ pau॒ṣṇiya̭sti॒sro rohi̭ṇīrva॒śā mai॒triya̭ aindrābārhaspa॒tyā a̭ru॒ṇala̭lāmāstūpa॒rāḥ || 43 ||

(pṛśñiḥ॒ - ṣaḍvigṃ̭śatiḥ) (a. 12)

śi॒ti॒bā॒hu-ra॒nyata̭śśitibāhu-ssama॒nta śi̭tibāhu॒sta ai᳚ndravāya॒vā-śśi̭ti॒randhro॒ 'nyata̭śśitirandhra-ssama॒ntaśi̭tirandhra॒ste mai᳚trāvaru॒ṇā-śśu॒ddhavā̭la-ssa॒rvaśṷddhavālo ma॒ṇivā̭la॒sta ā᳚śvi॒nāsti॒sra-śśi॒lpā va॒śā vai᳚śvade॒vya̭sti॒sra-śśyenīḥ᳚ parame॒ṣṭhinḙ somāpau॒ṣṇā-śśyā॒mala̭lāmāstūpa॒rāḥ || 44 ||

(śi॒ti॒bā॒huḥ pañca̭vigṃśatiḥ) (a. 13)

u॒nna॒ta ṛ̭ṣa॒bho vā̭ma॒nasta ai᳚ndrāvaru॒ṇā-śśiti̭kakucchitipṛ॒ṣṭha-śśiti̭bhasa॒-tta ai᳚ndrābārhaspa॒tyā-śśi̭ti॒pācchi॒tyoṣṭhaḥ̭ śiti॒bhrusta ai᳚ndrāvaiṣṇa॒vāsti॒sra-ssi॒ddhmā va॒śā vai᳚śvakarma॒ṇya̭sti॒sro dhā॒tre pṛ̭ṣoda॒rā ai᳚ndrāpau॒ṣṇā-śśyeta̭lalāmāstūpa॒rāḥ || 45 ||

(u॒nna॒taḥ pañca̭vigṃśatiḥ) (a. 14)

ka॒rṇāstrayo̭ yā॒mā-ssau॒myāstrayaḥ̭ śviti॒ṅgā a॒gnaye॒ yavi̭ṣṭhāya॒ trayo̭ naku॒lāsti॒sro rohi̭ṇī॒stryavya॒stā vasṷ̄nā-nti॒sro̭-'ru॒ṇā di̭tyau॒hya̭stā ru॒drāṇāgṃ̭ somai॒ndrā ba॒bhrula̭lāmāstūpa॒rāḥ || 46 ||

(ka॒rṇāstrayo̭ - vigṃśatiḥ) (a. 15)

śu॒ṇṭhāstrayo̭ vaiṣṇa॒vā a̭dhīlodha॒karṇā॒strayo॒ viṣṇa̭va urukra॒māya̭ laphsu॒dina॒strayo॒ viṣṇa̭va urugā॒yāya॒ pañcā̭vīsti॒sra ā̭di॒tyānā᳚-ntriva॒thsā-sti॒sro-'ṅgi̭rasāmaindrāvaiṣṇa॒vā gau॒rala̭lāmāstūpa॒rāḥ || 47 ||

(śu॒ṇṭhā - vigṃ̭śa॒tiḥ) (a. 16)

indrā̭ya॒ rājñe॒ trayaḥ̭ śitipṛ॒ṣṭhā indrā̭yā-dhirā॒jāya॒ traya॒-śśiti̭kakuda॒ indrā̭ya sva॒rājñe॒ traya॒-śśiti̭bhasa-dasti॒srastṷryau॒hyaḥ̭ sā॒ddhyānā᳚-nti॒sraḥ pa̭ṣṭhau॒hyo̭ viśvḙṣā-nde॒vānā̭māgne॒ndrāḥ kṛ॒ṣṇala̭lāmāstūpa॒rāḥ || 48 ||

(indrā̭ya॒ rājñe॒ - dvāvigṃ̭śatiḥ) (a. 17)

adi̭tyai॒ trayo̭ rohitai॒tā i̭ndrā॒ṇyai trayaḥ̭ kṛṣṇai॒tāḥ ku॒hvai᳚ trayo̭-'ruṇai॒tāsti॒sro dhe॒navo̭ rā॒kāyai॒ trayo̭-'na॒ḍvāhaḥ̭ sinīvā॒lyā ā᳚gnāvaiṣṇa॒vā rohi̭talalāmāstūpa॒rāḥ || 49 ||

(adi̭tyā-a॒ṣṭāda̭śa) (a. 18)

sau॒myāstrayaḥ̭ pi॒śaṅgā॒-ssomā̭ya॒ rājñe॒ trayaḥ̭ sā॒raṅgāḥ᳚ pārja॒nyā nabho̭rūpāsti॒sro̭-'jā ma॒l॒hā i̭ndrā॒ṇyai ti॒sro me॒ṣya̭ ādi॒tyā dyā̭vāpṛthi॒vyā̭ mā॒laṅgā᳚stūpa॒rāḥ || 50 ||

(sau॒myā - ekā॒nnavigṃ̭śa॒tiḥ) (a. 19)

vā॒ru॒ṇāstrayaḥ̭ kṛ॒ṣṇala̭lāmā॒ varṷṇāya॒ rājñe॒ trayo॒ rohi̭talalāmā॒ varṷṇāya ri॒śāda̭se॒ trayo̭-'ru॒ṇala̭lāmā-śśi॒lpāstrayo̭ vaiśvade॒vāstrayaḥ॒ pṛśña̭ya-ssarvadeva॒tyā̭ aindrāsū॒rā-śśyeta̭lalāmāstūpa॒rāḥ || 51 ||

(vā॒ru॒ṇā - vigṃ̭śa॒tiḥ) (a. 20)

somā̭ya sva॒rājñḙ-'novā॒hāva̭na॒ḍvāhā̭-vindrā॒gnibhyā̭-mojo॒dābhyā॒muṣṭā̭rā-vindrā॒gnibhyā᳚-mbala॒dābhyāgṃ̭ sīravā॒hāvavī॒ dve dhe॒nū bhau॒mī di॒gbhyo vaḍa̭be॒ dve dhe॒nū bhau॒mī vai̭rā॒jī pṷru॒ṣī dve dhe॒nū bhau॒mī vā॒yava̭ ārohaṇavā॒hāva̭na॒ḍvāhaṷ vāru॒ṇī kṛ॒ṣṇe va॒śe a̭rā॒ḍyaṷ di॒vyāvṛ̭ṣa॒bhau pa̭rima॒rau || 52 ||

(somā̭ya sva॒rājñe॒ - catṷstrigṃśat) (a. 21)

ekā̭daśa prā॒targa॒vyāḥ pa॒śava॒ ā la̭bhyante chaga॒laḥ ka॒lmāṣaḥ̭ kikidī॒virvi̭dī॒gaya॒ste tvā॒ṣṭrā-ssau॒rīrnava̭ śve॒tā va॒śā a̭nūba॒ndhyā̭ bhavantyāgne॒ya ai᳚ndrā॒gna ā᳚śvi॒naste vi̭śālayū॒pa ā la̭bhyante || 53 ||

(aikā̭daśa prā॒taḥ - pañca̭vigṃśatiḥ) (a. 22)

pi॒śaṅgā॒strayo̭ vāsa॒ntā-ssā॒raṅgā॒strayo॒ graiṣmāḥ॒ pṛṣa̭nta॒strayo॒ vārṣi̭kāḥ॒ pṛśña̭ya॒strayaḥ̭ śāra॒dāḥ pṛ̭śñisa॒kthā-strayo॒ haima̭ntikā avali॒ptāstrayaḥ̭ śaiśi॒rā-ssaṃ̭va~thsa॒rāya॒ niva̭kṣasaḥ || 54 ||

(pi॒śaṅgā̭ - vigṃśa॒tiḥ) (a. 23)

(rohi̭taḥ kṛ॒ṣṇā dhū॒mrala̭lāmāḥ॒ - pṛśñiḥ̭ śyā॒mā a̭ru॒ṇala̭lāmāḥ -śitibā॒hu-śśi॒lpā-śśyenī᳚-śśyā॒mala̭lāmā - unna॒ta-ssi॒ddhmā dhā॒tre pau॒ṣṇā-śśyeta̭lalāmāḥ - ka॒rṇā ba॒bhrula̭lāmāḥ - śu॒ṇṭhā gau॒rala̭lāmā॒ - indrā̭ya kṛ॒ṣṇāla̭lāmā॒ - adi̭tyai॒ rohi̭ta lalāmaḥ -sau॒myā mā॒laṅgā̭ - vāru॒ṇā-ssū॒rā-śśyeta̭lalāmā॒ - daśa̭ |)

(hira̭ṇyavarṇā - a॒pā-ṅgrahā᳚n - bhūteṣṭa॒kāḥ - sa॒jūḥ - saṃ̭va~thsa॒raṃ - pra॒jāpa̭ti॒-ssa kṣu॒rapa̭vi - ra॒vagnervai dī॒kṣayā̭ - suva॒rgāya॒ taṃ-ya~nna - sū॒yate᳚ - pra॒jāpa̭tir-ṛ॒tubhī॒ - rohi̭taḥ॒ - pṛñiḥ̭ - śitibā॒hu - rṷnna॒taḥ - ka॒rṇāḥ - śu॒ṇṭhā - indrā॒yā- di̭tyai - sau॒myā - vā̭ru॒ṇāḥ - somā॒yai - kā̭daśa - pi॒śaṅgā॒ - strayo̭vigṃśatiḥ)

(hira̭ṇyavarṇā - bhūteṣṭa॒kāḥ - chando॒ yat - kanī̭yāgṃsan-tri॒vṛddhya̭gni - rvā̭ru॒ṇā - ścatṷṣpañcā॒śat )

(hira̭ṇyavarṇā॒, niva̭kṣasaḥ)

|| hariḥ̭ om ||

|| kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśna-ssamāptaḥ ||