1.6 - Santva Sinchami Yajusha - Krishna Yajurveda Taittiriya Samhita Pathah

ॐ

1.6 - 𑌸𑌨𑍍𑌤𑍍𑌵𑌾 𑌸𑌿𑌞𑍍𑌚𑌾𑌮𑌿 𑌯𑌜𑍁𑌷𑌾 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 - 𑌯𑌾𑌜𑌮𑌾𑌨𑌕𑌾𑌣𑍍𑌡𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌸-𑌨𑍍𑌤𑍍𑌵𑌾॑ 𑌸𑌿𑌞𑍍𑌚𑌾𑌮𑌿॒ 𑌯𑌜𑍁॑𑌷𑌾 𑌪𑍍𑌰॒𑌜𑌾𑌮𑌾𑌯𑍁॒𑌰𑍍𑌧𑌨॑-𑌞𑍍𑌚 । 𑌬𑍃𑌹॒𑌸𑍍𑌪𑌤𑌿॑𑌪𑍍𑌰𑌸𑍂𑌤𑍋॒ 𑌯𑌜॑𑌮𑌾𑌨 𑌇॒𑌹 𑌮𑌾 𑌰𑌿॑𑌷𑌤𑍍 ॥ 𑌆𑌜𑍍𑌯॑𑌮𑌸𑌿 𑌸॒𑌤𑍍𑌯𑌮॑𑌸𑌿 𑌸॒𑌤𑍍𑌯𑌸𑍍𑌯𑌾𑌦𑍍𑌧𑍍𑌯॑𑌕𑍍𑌷𑌮𑌸𑌿 𑌹॒𑌵𑌿𑌰॑𑌸𑌿 𑌵𑍈𑌶𑍍𑌵𑌾𑌨॒𑌰𑌂-𑌵𑍈𑌁᳚𑌶𑍍𑌵𑌦𑍇॒𑌵-𑌮𑍁𑌤𑍍𑌪𑍂॑𑌤𑌶𑍁𑌷𑍍𑌮𑌗𑍍𑌂 𑌸॒𑌤𑍍𑌯𑍗𑌜𑌾॒-𑌸𑍍𑌸𑌹𑍋॑-𑌽𑌸𑌿॒ 𑌸𑌹॑𑌮𑌾𑌨𑌮𑌸𑌿॒ 𑌸𑌹॒𑌸𑍍𑌵𑌾𑌰𑌾॑𑌤𑍀॒-𑌸𑍍𑌸𑌹॑𑌸𑍍𑌵𑌾𑌰𑌾𑌤𑍀𑌯॒𑌤-𑌸𑍍𑌸𑌹॑𑌸𑍍𑌵॒ 𑌪𑍃𑌤॑𑌨𑌾॒-𑌸𑍍𑌸𑌹॑𑌸𑍍𑌵 𑌪𑍃𑌤𑌨𑍍𑌯॒𑌤𑌃 । 𑌸॒𑌹𑌸𑍍𑌰॑𑌵𑍀𑌰𑍍𑌯𑌮𑌸𑌿॒ 𑌤𑌨𑍍𑌮𑌾॑ 𑌜𑌿॒𑌨𑍍𑌵𑌾𑌜𑍍𑌯॒𑌸𑍍𑌯𑌾𑌜𑍍𑌯॑𑌮𑌸𑌿 𑌸॒𑌤𑍍𑌯𑌸𑍍𑌯॑ 𑌸॒𑌤𑍍𑌯𑌮॑𑌸𑌿 𑌸॒𑌤𑍍𑌯𑌾𑌯𑍁॑- [𑌸॒𑌤𑍍𑌯𑌾𑌯𑍁𑌃॑, 𑌅॒𑌸𑌿॒ 𑌸॒𑌤𑍍𑌯𑌶𑍁॑𑌷𑍍𑌮𑌮𑌸𑌿] 1

-𑌰𑌸𑌿 𑌸॒𑌤𑍍𑌯𑌶𑍁॑𑌷𑍍𑌮𑌮𑌸𑌿 𑌸॒𑌤𑍍𑌯𑍇𑌨॑ 𑌤𑍍𑌵𑌾॒-𑌽𑌭𑌿 𑌘𑌾॑𑌰𑌯𑌾𑌮𑌿॒ 𑌤𑌸𑍍𑌯॑ 𑌤𑍇 𑌭𑌕𑍍𑌷𑍀𑌯 𑌪𑌞𑍍𑌚𑌾॒𑌨𑌾-𑌨𑍍𑌤𑍍𑌵𑌾॒ 𑌵𑌾𑌤𑌾॑𑌨𑌾𑌂-𑌯𑌁॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌪𑌞𑍍𑌚𑌾॒𑌨𑌾-𑌨𑍍𑌤𑍍𑌵॑𑌰𑍍𑌤𑍂॒𑌨𑌾𑌂-𑌯𑌁॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌪𑌞𑍍𑌚𑌾॒𑌨𑌾-𑌨𑍍𑌤𑍍𑌵𑌾॑ 𑌦𑌿॒𑌶𑌾𑌂-𑌯𑌁॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌪𑌞𑍍𑌚𑌾॒𑌨𑌾-𑌨𑍍𑌤𑍍𑌵𑌾॑ 𑌪𑌞𑍍𑌚𑌜॒𑌨𑌾𑌨𑌾𑌂᳚-𑌯𑌁॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌚॒𑌰𑍋𑌸𑍍𑌤𑍍𑌵𑌾॒ 𑌪𑌞𑍍𑌚॑𑌬𑌿𑌲𑌸𑍍𑌯 𑌯॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿॒ 𑌬𑍍𑌰𑌹𑍍𑌮॑𑌣𑌸𑍍𑌤𑍍𑌵𑌾॒ 𑌤𑍇𑌜॑𑌸𑍇 𑌯॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌕𑍍𑌷॒𑌤𑍍𑌰𑌸𑍍𑌯॒ 𑌤𑍍𑌵𑍗𑌜॑𑌸𑍇 𑌯॒𑌨𑍍𑌤𑍍𑌰𑌾𑌯॑ [ ] 2

𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌵𑌿॒𑌶𑍇 𑌤𑍍𑌵𑌾॑ 𑌯॒𑌨𑍍𑌤𑍍𑌰𑌾𑌯॑ 𑌧॒𑌰𑍍𑌤𑍍𑌰𑌾𑌯॑ 𑌗𑍃𑌹𑍍𑌣𑌾𑌮𑌿 𑌸𑍁॒𑌵𑍀𑌰𑍍𑌯𑌾॑𑌯 𑌤𑍍𑌵𑌾 𑌗𑍃𑌹𑍍𑌣𑌾𑌮𑌿 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌤𑍍𑌵𑌾 𑌗𑍃𑌹𑍍𑌣𑌾𑌮𑌿 𑌰𑌾॒𑌯𑌸𑍍𑌪𑍋𑌷𑌾॑𑌯 𑌤𑍍𑌵𑌾 𑌗𑍃𑌹𑍍𑌣𑌾𑌮𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯॑ 𑌤𑍍𑌵𑌾 𑌗𑍃𑌹𑍍𑌣𑌾𑌮𑌿॒ 𑌭𑍂𑌰॒𑌸𑍍𑌮𑌾𑌕𑌗𑍍𑌂॑ 𑌹॒𑌵𑌿𑌰𑍍𑌦𑍇॒𑌵𑌾𑌨𑌾॑-𑌮𑌾॒𑌶𑌿𑌷𑍋॒ 𑌯𑌜॑𑌮𑌾𑌨𑌸𑍍𑌯 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾 𑌦𑍇॒𑌵𑌤𑌾᳚𑌭𑍍𑌯𑍋 𑌗𑍃𑌹𑍍𑌣𑌾𑌮𑌿॒ 𑌕𑌾𑌮𑌾॑𑌯 𑌤𑍍𑌵𑌾 𑌗𑍃𑌹𑍍𑌣𑌾𑌮𑌿 ॥ 3 ॥

(𑌸॒𑌤𑍍𑌯𑌾𑌯𑍁॒-𑌰𑍋𑌜॑𑌸𑍇 𑌯॒𑌨𑍍𑌤𑍍𑌰𑌾𑌯॒-𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 1)

𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒-𑌨𑍍𑌧𑍀𑌰॒𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿𑌦𑍁॒𑌗𑍍𑌰𑍋᳚-𑌽𑌸𑍍𑌯𑍁॒𑌗𑍍𑌰𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸-𑌮𑍁॒𑌗𑍍𑌰𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿𑌦॑𑌭𑌿॒-𑌭𑍂𑌰॑𑌸𑍍𑌯𑌭𑌿॒𑌭𑍂𑌰॒𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸𑌮𑌭𑌿॒𑌭𑍂𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑍍𑌯𑍁॒𑌨𑌜𑍍𑌮𑌿॑ 𑌤𑍍𑌵𑌾॒ 𑌬𑍍𑌰𑌹𑍍𑌮॑𑌣𑌾॒ 𑌦𑍈𑌵𑍍𑌯𑍇॑𑌨 𑌹॒𑌵𑍍𑌯𑌾𑌯𑌾॒𑌸𑍍𑌮𑍈 𑌵𑍋𑌢॒𑌵𑍇 𑌜𑌾॑𑌤𑌵𑍇𑌦𑌃 ॥ 𑌇𑌨𑍍𑌧𑌾॑𑌨𑌾𑌸𑍍𑌤𑍍𑌵𑌾 𑌸𑍁𑌪𑍍𑌰॒𑌜𑌸𑌃॑ 𑌸𑍁॒𑌵𑍀𑌰𑌾॒ 𑌜𑍍𑌯𑍋𑌗𑍍𑌜𑍀॑𑌵𑍇𑌮 𑌬𑌲𑌿॒𑌹𑍃𑌤𑍋॑ 𑌵॒𑌯-𑌨𑍍𑌤𑍇᳚ ॥ 𑌯𑌨𑍍𑌮𑍇॑ 𑌅𑌗𑍍𑌨𑍇 𑌅॒𑌸𑍍𑌯 𑌯॒𑌜𑍍𑌞𑌸𑍍𑌯॒ 𑌰𑌿𑌷𑍍𑌯𑌾॒- [𑌰𑌿𑌷𑍍𑌯𑌾᳚𑌤𑍍, 𑌦𑍍𑌯𑌦𑍍𑌵𑌾॒] 4

-𑌦𑍍𑌯𑌦𑍍𑌵𑌾॒ 𑌸𑍍𑌕𑌨𑍍𑌦𑌾॒-𑌦𑌾𑌜𑍍𑌯॑𑌸𑍍𑌯𑍋॒𑌤 𑌵𑌿॑𑌷𑍍𑌣𑍋 । 𑌤𑍇𑌨॑ 𑌹𑌨𑍍𑌮𑌿 𑌸॒𑌪𑌤𑍍𑌨॑-𑌨𑍍𑌦𑍁𑌰𑍍𑌮𑌰𑌾॒𑌯𑍁𑌮𑍈𑌨॑-𑌨𑍍𑌦𑌧𑌾𑌮𑌿॒ 𑌨𑌿𑌰𑍍-𑌋॑𑌤𑍍𑌯𑌾 𑌉॒𑌪𑌸𑍍𑌥𑍇᳚ । 𑌭𑍂-𑌰𑍍𑌭𑍁𑌵॒-𑌸𑍍𑌸𑍁𑌵॒𑌰𑍁𑌚𑍍𑌛𑍁॑𑌷𑍍𑌮𑍋 𑌅𑌗𑍍𑌨𑍇॒ 𑌯𑌜॑𑌮𑌾𑌨𑌾𑌯𑍈𑌧𑌿॒ 𑌨𑌿𑌶𑍁॑𑌷𑍍𑌮𑍋 𑌅𑌭𑌿॒𑌦𑌾𑌸॑𑌤𑍇 । 𑌅𑌗𑍍𑌨𑍇॒ 𑌦𑍇𑌵𑍇᳚𑌦𑍍𑌧॒ 𑌮𑌨𑍍𑌵𑌿॑𑌦𑍍𑌧॒ 𑌮𑌨𑍍𑌦𑍍𑌰॑𑌜𑌿॒𑌹𑍍𑌵𑌾-𑌮॑𑌰𑍍𑌤𑍍𑌯𑌸𑍍𑌯 𑌤𑍇 𑌹𑍋𑌤𑌰𑍍𑌮𑍂॒𑌰𑍍𑌧𑌨𑍍𑌨𑌾 𑌜𑌿॑𑌘𑌰𑍍𑌮𑌿 𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯॒ 𑌮𑌨𑍋॑-𑌽𑌸𑌿 𑌪𑍍𑌰𑌾𑌜𑌾𑌪॒𑌤𑍍𑌯-𑌮𑍍𑌮𑌨॑𑌸𑌾 𑌮𑌾 𑌭𑍂॒𑌤𑍇𑌨𑌾 𑌵𑌿॑𑌶॒ 𑌵𑌾𑌗॑𑌸𑍍𑌯𑍈॒𑌨𑍍𑌦𑍍𑌰𑍀 𑌸॑𑌪𑌤𑍍𑌨॒𑌕𑍍𑌷𑌯॑𑌣𑍀 [ ] 5

𑌵𑌾॒𑌚𑌾 𑌮𑍇᳚𑌨𑍍𑌦𑍍𑌰𑌿॒𑌯𑍇𑌣𑌾 𑌵𑌿॑𑌶 𑌵𑌸॒𑌨𑍍𑌤𑌮𑍃॑𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾𑌮𑌿॒ 𑌸 𑌮𑌾᳚ 𑌪𑍍𑌰𑍀॒𑌤𑌃 𑌪𑍍𑌰𑍀॑𑌣𑌾𑌤𑍁 𑌗𑍍𑌰𑍀॒𑌷𑍍𑌮𑌮𑍃॑𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾𑌮𑌿॒ 𑌸 𑌮𑌾᳚ 𑌪𑍍𑌰𑍀॒𑌤𑌃 𑌪𑍍𑌰𑍀॑𑌣𑌾𑌤𑍁 𑌵॒𑌰𑍍॒𑌷𑌾 𑌋॑𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾𑌮𑌿॒ 𑌤𑌾 𑌮𑌾᳚ 𑌪𑍍𑌰𑍀॒𑌤𑌾𑌃 𑌪𑍍𑌰𑍀॑𑌣𑌨𑍍𑌤𑍁 𑌶॒𑌰𑌦॑𑌮𑍃𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾𑌮𑌿॒ 𑌸𑌾 𑌮𑌾᳚ 𑌪𑍍𑌰𑍀॒𑌤𑌾 𑌪𑍍𑌰𑍀॑𑌣𑌾𑌤𑍁 𑌹𑍇𑌮𑌨𑍍𑌤𑌶𑌿𑌶𑌿॒𑌰𑌾𑌵𑍃॑𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾𑌮𑌿॒ 𑌤𑍗 𑌮𑌾᳚ 𑌪𑍍𑌰𑍀॒𑌤𑍗 𑌪𑍍𑌰𑍀॑𑌣𑍀𑌤𑌾-𑌮॒𑌗𑍍𑌨𑍀𑌷𑍋𑌮॑𑌯𑍋-𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॒ 𑌚𑌕𑍍𑌷𑍁॑𑌷𑍍𑌮𑌾-𑌨𑍍𑌭𑍂𑌯𑌾𑌸𑌮॒𑌗𑍍𑌨𑍇𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾᳚-𑌽𑌨𑍍𑌨𑌾॒𑌦𑍋 𑌭𑍂॑𑌯𑌾𑌸॒- [𑌭𑍂॑𑌯𑌾𑌸𑌮𑍍, 𑌦𑌬𑍍𑌧𑌿॑𑌰॒𑌸𑍍𑌯𑌦॑𑌬𑍍𑌧𑍋] 6

-𑌨𑍍𑌦𑌬𑍍𑌧𑌿॑𑌰॒𑌸𑍍𑌯𑌦॑𑌬𑍍𑌧𑍋 𑌭𑍂𑌯𑌾𑌸𑌮॒𑌮𑍁-𑌨𑍍𑌦॑𑌭𑍇𑌯-𑌮॒𑌗𑍍𑌨𑍀𑌷𑍋𑌮॑𑌯𑍋-𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌵𑍃𑌤𑍍𑌰॒𑌹𑌾 𑌭𑍂॑𑌯𑌾𑌸𑌮𑌿𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑍇᳚𑌨𑍍𑌦𑍍𑌰𑌿𑌯𑌾॒𑌵𑍍𑌯॑𑌨𑍍𑌨𑌾॒𑌦𑍋 𑌭𑍂॑𑌯𑌾𑌸॒𑌮𑌿𑌨𑍍𑌦𑍍𑌰॑𑌸𑍍𑌯𑌾॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑍇᳚𑌨𑍍𑌦𑍍𑌰𑌿𑌯𑌾॒𑌵𑍀 𑌭𑍂॑𑌯𑌾𑌸-𑌮𑍍𑌮𑌹𑍇॒𑌨𑍍𑌦𑍍𑌰𑌸𑍍𑌯𑌾॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌜𑍇॒𑌮𑌾𑌨॑-𑌮𑍍𑌮𑌹𑌿॒𑌮𑌾𑌨॑-𑌙𑍍𑌗𑌮𑍇𑌯𑌮॒𑌗𑍍𑌨𑍇-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾 𑌽𑌽𑌯𑍁॑𑌷𑍍𑌮𑌾𑌨𑍍. 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯𑌮𑍍 ॥ 7 ॥

(𑌰𑌿𑌷𑍍𑌯𑌾᳚-𑌥𑍍𑌸𑌪𑌤𑍍𑌨॒𑌕𑍍𑌷𑌯॑𑌣𑍍𑌯-𑌨𑍍𑌨𑌾॒𑌦𑍋 𑌭𑍂॑𑌯𑌾𑌸॒𑌗𑍍𑌂॒-𑌷𑌟𑍍𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 2)

𑌅॒𑌗𑍍𑌨𑌿𑌰𑍍𑌮𑌾॒ 𑌦𑍁𑌰𑌿॑𑌷𑍍𑌟𑌾-𑌤𑍍𑌪𑌾𑌤𑍁 𑌸𑌵𑌿॒𑌤𑌾-𑌽𑌘𑌶𑌗𑍍𑌂॑𑌸𑌾॒𑌦𑍍𑌯𑍋 𑌮𑍇-𑌽𑌨𑍍𑌤𑌿॑ 𑌦𑍂॒𑌰𑍇॑-𑌽𑌰𑌾𑌤𑍀॒𑌯𑌤𑌿॒ 𑌤𑌮𑍇॒𑌤𑍇𑌨॑ 𑌜𑍇𑌷॒𑌗𑍍𑌂॒ 𑌸𑍁𑌰𑍂॑𑌪𑌵𑌰𑍍𑌷𑌵𑌰𑍍𑌣॒ 𑌏𑌹𑍀॒𑌮𑌾-𑌨𑍍𑌭॒𑌦𑍍𑌰𑌾-𑌨𑍍𑌦𑍁𑌰𑍍𑌯𑌾𑌗𑍍𑌂॑ 𑌅॒𑌭𑍍𑌯𑍇𑌹𑌿॒ 𑌮𑌾𑌮𑌨𑍁॑𑌵𑍍𑌰𑌤𑌾॒ 𑌨𑍍𑌯𑍁॑ 𑌶𑍀॒𑌰𑍍॒𑌷𑌾𑌣𑌿॑ 𑌮𑍃𑌢𑍍𑌵॒𑌮𑌿𑌡॒ 𑌏𑌹𑍍𑌯𑌦𑌿॑𑌤॒ 𑌏𑌹𑌿॒ 𑌸𑌰॑𑌸𑍍𑌵॒𑌤𑍍𑌯𑍇𑌹𑌿॒ 𑌰𑌨𑍍𑌤𑌿॑𑌰𑌸𑌿॒ 𑌰𑌮॑𑌤𑌿𑌰𑌸𑌿 𑌸𑍂॒𑌨𑌰𑍍𑌯॑𑌸𑌿॒ 𑌜𑍁𑌷𑍍𑌟𑍇॒ 𑌜𑍁𑌷𑍍𑌟𑌿॑-𑌨𑍍𑌤𑍇-𑌽𑌶𑍀॒𑌯𑍋𑌪॑𑌹𑍂𑌤 𑌉𑌪𑌹॒𑌵- [𑌉𑌪𑌹॒𑌵𑌮𑍍, 𑌤𑍇॒-𑌽𑌶𑍀॒𑌯॒ 𑌸𑌾 ] 8

-𑌨𑍍𑌤𑍇॑-𑌽𑌶𑍀𑌯॒ 𑌸𑌾 𑌮𑍇॑ 𑌸॒𑌤𑍍𑌯𑌾-𑌽𑌽𑌶𑍀𑌰॒𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌭𑍂𑌯𑌾॒𑌦𑌰𑍇॑𑌡𑌤𑌾॒ 𑌮𑌨॑𑌸𑌾॒ 𑌤𑌚𑍍𑌛॑𑌕𑍇𑌯𑌂-𑌯𑌁॒𑌜𑍍𑌞𑍋 𑌦𑌿𑌵𑌗𑍍𑌂॑ 𑌰𑍋𑌹𑌤𑍁 𑌯॒𑌜𑍍𑌞𑍋 𑌦𑌿𑌵॑-𑌙𑍍𑌗𑌚𑍍𑌛𑌤𑍁॒ 𑌯𑍋 𑌦𑍇॑𑌵॒𑌯𑌾𑌨𑌃॒ 𑌪𑌨𑍍𑌥𑌾॒𑌸𑍍𑌤𑍇𑌨॑ 𑌯॒𑌜𑍍𑌞𑍋 𑌦𑍇॒𑌵𑌾𑌗𑍍𑌂 𑌅𑌪𑍍𑌯𑍇᳚𑌤𑍍𑌵॒𑌸𑍍𑌮𑌾𑌸𑍍𑌵𑌿𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍍𑌵॒𑌸𑍍𑌮𑌾𑌨𑍍𑌰𑌾𑌯॑ 𑌉॒𑌤 𑌯॒𑌜𑍍𑌞𑌾-𑌸𑍍𑌸॑𑌚𑌨𑍍𑌤𑌾𑌮॒𑌸𑍍𑌮𑌾𑌸𑍁॑ 𑌸𑌨𑍍𑌤𑍍𑌵𑌾॒𑌶𑌿𑌷॒-𑌸𑍍𑌸𑌾 𑌨𑌃॑ 𑌪𑍍𑌰𑌿॒𑌯𑌾 𑌸𑍁॒𑌪𑍍𑌰𑌤𑍂᳚𑌰𑍍𑌤𑌿𑌰𑍍𑌮॒𑌘𑍋𑌨𑍀॒ 𑌜𑍁𑌷𑍍𑌟𑌿॑𑌰𑌸𑌿 𑌜𑍁॒𑌷𑌸𑍍𑌵॑ 𑌨𑍋॒ 𑌜𑍁𑌷𑍍𑌟𑌾॑ 𑌨𑍋- [𑌜𑍁𑌷𑍍𑌟𑌾॑ 𑌨𑌃, 𑌅॒𑌸𑌿॒ 𑌜𑍁𑌷𑍍𑌟𑌿॑-𑌨𑍍𑌤𑍇] 9

-𑌽𑌸𑌿॒ 𑌜𑍁𑌷𑍍𑌟𑌿॑-𑌨𑍍𑌤𑍇 𑌗𑌮𑍇𑌯॒-𑌮𑍍𑌮𑌨𑍋॒ 𑌜𑍍𑌯𑍋𑌤𑌿॑-𑌰𑍍𑌜𑍁𑌷𑌤𑌾॒𑌮𑌾𑌜𑍍𑌯𑌂॒-𑌵𑌿𑌁𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍𑌂 𑌸𑌮𑌿॒𑌮-𑌨𑍍𑌦॑𑌧𑌾𑌤𑍁 । 𑌬𑍃𑌹॒𑌸𑍍𑌪𑌤𑌿॑-𑌸𑍍𑌤𑌨𑍁𑌤𑌾𑌮𑌿॒𑌮𑌨𑍍𑌨𑍋॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥ 𑌬𑍍𑌰𑌦𑍍𑌧𑍍𑌨॒ 𑌪𑌿𑌨𑍍𑌵॑𑌸𑍍𑌵॒ 𑌦𑌦॑𑌤𑍋 𑌮𑍇॒ 𑌮𑌾 𑌕𑍍𑌷𑌾॑𑌯𑌿 𑌕𑍁𑌰𑍍𑌵॒𑌤𑍋 𑌮𑍇॒ 𑌮𑍋𑌪॑ 𑌦𑌸-𑌤𑍍𑌪𑍍𑌰॒𑌜𑌾𑌪॑𑌤𑍇-𑌰𑍍𑌭𑌾॒𑌗𑍋᳚-𑌽𑌸𑍍𑌯𑍂𑌰𑍍𑌜॑𑌸𑍍𑌵𑌾॒-𑌨𑍍𑌪𑌯॑𑌸𑍍𑌵𑌾-𑌨𑍍𑌪𑍍𑌰𑌾𑌣𑌾𑌪𑌾॒𑌨𑍗 𑌮𑍇॑ 𑌪𑌾𑌹𑌿 𑌸𑌮𑌾𑌨𑌵𑍍𑌯𑌾॒𑌨𑍗 𑌮𑍇॑ 𑌪𑌾𑌹𑍍𑌯𑍁𑌦𑌾𑌨𑌵𑍍𑌯𑌾॒𑌨𑍗 𑌮𑍇॑ 𑌪𑌾॒𑌹𑍍𑌯𑌕𑍍𑌷𑌿॑𑌤𑍋॒-𑌽𑌸𑍍𑌯𑌕𑍍𑌷𑌿॑𑌤𑍍𑌯𑍈 𑌤𑍍𑌵𑌾॒ 𑌮𑌾 𑌮𑍇᳚ 𑌕𑍍𑌷𑍇𑌷𑍍𑌠𑌾 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 ॥ 10 ॥

(𑌉॒𑌪॒𑌹॒𑌵𑌂-𑌜𑍁𑌷𑍍𑌟𑌾॑𑌨-𑌸𑍍𑌤𑍍𑌵𑌾॒ 𑌷𑌟𑍍 𑌚॑) (𑌅. 3)

𑌬॒𑌰𑍍॒𑌹𑌿𑌷𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾᳚ 𑌪𑍍𑌰॒𑌜𑌾𑌵𑌾᳚-𑌨𑍍𑌭𑍂𑌯𑌾𑌸॒-𑌨𑍍𑌨𑌰𑌾॒𑌶𑌗𑍍𑌂𑌸॑𑌸𑍍𑌯𑌾॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌪𑌶𑍁॒𑌮𑌾-𑌨𑍍𑌭𑍂॑𑌯𑌾𑌸𑌮॒𑌗𑍍𑌨𑍇-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾-𑌽𑌽𑌯𑍁॑𑌷𑍍𑌮𑌾𑌨𑍍. 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯𑌮॒𑌗𑍍𑌨𑍇𑌰॒𑌹-𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷॒𑌗𑍍𑌂॒ 𑌸𑍋𑌮॑𑌸𑍍𑌯𑌾॒𑌹 - 𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷𑌮॒𑌗𑍍𑌨𑍇𑌰॒𑌹-𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷-𑌮॒𑌗𑍍𑌨𑍀𑌷𑍋𑌮॑𑌯𑍋𑌰॒𑌹-𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷-𑌮𑌿𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋𑌰॒𑌹-𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷॒-𑌮𑌿𑌨𑍍𑌦𑍍𑌰॑𑌸𑍍𑌯𑌾॒-𑌽𑌹- [-𑌮𑌿𑌨𑍍𑌦𑍍𑌰॑𑌸𑍍𑌯𑌾॒-𑌽𑌹𑌮𑍍, 𑌉𑌜𑍍𑌜𑌿॑𑌤𑌿॒𑌮𑌨𑍂𑌜𑍍𑌜𑍇॑𑌷𑌂] 11

-𑌮𑍁𑌜𑍍𑌜𑌿॑𑌤𑌿॒𑌮𑌨𑍂𑌜𑍍𑌜𑍇॑𑌷-𑌮𑍍𑌮𑌹𑍇॒𑌨𑍍𑌦𑍍𑌰𑌸𑍍𑌯𑌾॒𑌹𑌮𑍁𑌜𑍍𑌜𑌿॑𑌤𑌿॒- 𑌮𑌨𑍂𑌜𑍍𑌜𑍇॑𑌷𑌮॒𑌗𑍍𑌨𑍇-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍋॒-𑌽𑌹 𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷𑌂॒-𑌵𑌾𑌁𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚-𑌦𑍍𑌗𑍍𑌰𑌾॒𑌭𑍇𑌣𑍋𑌦॑𑌗𑍍𑌰𑌭𑍀𑌤𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॒𑌗𑍍𑌂॒ 𑌇𑌨𑍍𑌦𑍍𑌰𑍋॑ 𑌮𑍇 𑌨𑌿𑌗𑍍𑌰𑌾॒𑌭𑍇𑌣𑌾𑌧॑𑌰𑌾𑌗𑍍𑌂 𑌅𑌕𑌃 ॥ 𑌉॒𑌦𑍍𑌗𑍍𑌰𑌾॒𑌭-𑌞𑍍𑌚॑ 𑌨𑌿𑌗𑍍𑌰𑌾॒𑌭-𑌞𑍍𑌚॒ 𑌬𑍍𑌰𑌹𑍍𑌮॑ 𑌦𑍇॒𑌵𑌾 𑌅॑𑌵𑍀𑌵𑍃𑌧𑌨𑍍𑌨𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॑𑌨𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌮𑍇॑ 𑌵𑌿𑌷𑍂॒𑌚𑍀𑌨𑌾॒𑌨𑍍 𑌵𑍍𑌯॑𑌸𑍍𑌯𑌤𑌾𑌮𑍍 ॥ 𑌏𑌮𑌾 𑌅॑𑌗𑍍𑌮𑌨𑍍𑌨𑌾॒𑌶𑌿𑌷𑍋॒ 𑌦𑍋𑌹॑𑌕𑌾𑌮𑌾॒ 𑌇𑌨𑍍𑌦𑍍𑌰॑𑌵𑌨𑍍𑌤𑍋 [𑌇𑌨𑍍𑌦𑍍𑌰॑𑌵𑌨𑍍𑌤𑌃, 𑌵॒𑌨𑌾॒𑌮॒𑌹𑍇॒ 𑌧𑍁॒𑌕𑍍𑌷𑍀॒𑌮𑌹𑌿॑] 12

𑌵𑌨𑌾𑌮𑌹𑍇 𑌧𑍁𑌕𑍍𑌷𑍀॒𑌮𑌹𑌿॑ 𑌪𑍍𑌰॒𑌜𑌾𑌮𑌿𑌷᳚𑌮𑍍 ॥ 𑌰𑍋𑌹𑌿॑𑌤𑍇𑌨 𑌤𑍍𑌵𑌾॒-𑌽𑌗𑍍𑌨𑌿-𑌰𑍍𑌦𑍇॒𑌵𑌤𑌾᳚-𑌙𑍍𑌗𑌮𑌯𑌤𑍁॒ 𑌹𑌰𑌿॑𑌭𑍍𑌯𑌾॒-𑌨𑍍𑌤𑍍𑌵𑍇𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚-𑌙𑍍𑌗𑌮𑌯॒𑌤𑍍𑌵𑍇𑌤॑𑌶𑍇𑌨 𑌤𑍍𑌵𑌾॒ 𑌸𑍂𑌰𑍍𑌯𑍋॑ 𑌦𑍇॒𑌵𑌤𑌾᳚-𑌙𑍍𑌗𑌮𑌯𑌤𑍁॒ 𑌵𑌿 𑌤𑍇॑ 𑌮𑍁𑌞𑍍𑌚𑌾𑌮𑌿 𑌰𑌶॒𑌨𑌾 𑌵𑌿 𑌰॒𑌶𑍍𑌮𑍀𑌨𑍍 𑌵𑌿 𑌯𑍋𑌕𑍍𑌤𑍍𑌰𑌾॒ 𑌯𑌾𑌨𑌿॑ 𑌪𑌰𑌿॒𑌚𑌰𑍍𑌤॑𑌨𑌾𑌨𑌿 𑌧॒𑌤𑍍𑌤𑌾𑌦॒𑌸𑍍𑌮𑌾𑌸𑍁॒ 𑌦𑍍𑌰𑌵𑌿॑𑌣𑌂॒-𑌯𑌁𑌚𑍍𑌚॑ 𑌭॒𑌦𑍍𑌰-𑌮𑍍𑌪𑍍𑌰 𑌣𑍋᳚ 𑌬𑍍𑌰𑍂𑌤𑌾-𑌦𑍍𑌭𑌾𑌗॒𑌧𑌾-𑌨𑍍𑌦𑍇॒𑌵𑌤𑌾॑𑌸𑍁 ॥ 𑌵𑌿𑌷𑍍𑌣𑍋᳚-𑌶𑍍𑌶𑌂॒𑌯𑍋𑌁𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯॒𑌗𑍍𑌂॒ 𑌸𑍋𑌮॑𑌸𑍍𑌯𑌾॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ [𑌦𑍇॑𑌵𑌯॒𑌜𑍍𑌯𑌯𑌾᳚, 𑌸𑍁॒𑌰𑍇𑌤𑌾॒] 13

𑌸𑍁॒𑌰𑍇𑌤𑌾॒ 𑌰𑍇𑌤𑍋॑ 𑌧𑌿𑌷𑍀𑌯॒ 𑌤𑍍𑌵𑌷𑍍𑌟𑍁॑𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌪𑌶𑍂॒𑌨𑌾𑌗𑍍𑌂 𑌰𑍂॒𑌪-𑌮𑍍𑌪𑍁॑𑌷𑍇𑌯-𑌨𑍍𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨𑍀॑𑌰॒𑌗𑍍𑌨𑌿-𑌰𑍍𑌗𑍃॒𑌹𑌪॑𑌤𑌿-𑌰𑍍𑌯॒𑌜𑍍𑌞𑌸𑍍𑌯॑ 𑌮𑌿𑌥𑍁॒𑌨-𑌨𑍍𑌤𑌯𑍋॑𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌮𑌿𑌥𑍁॒𑌨𑍇𑌨॒ 𑌪𑍍𑌰𑌭𑍂॑𑌯𑌾𑌸𑌂-𑌵𑍇𑌁॒𑌦𑍋॑-𑌽𑌸𑌿॒ 𑌵𑌿𑌤𑍍𑌤𑌿॑𑌰𑌸𑌿 𑌵𑌿॒𑌦𑍇𑌯॒ 𑌕𑌰𑍍𑌮𑌾॑-𑌽𑌸𑌿 𑌕॒𑌰𑍁𑌣॑𑌮𑌸𑌿 𑌕𑍍𑌰𑌿॒𑌯𑌾𑌸𑌗𑍍𑌂॑ 𑌸॒𑌨𑌿𑌰॑𑌸𑌿 𑌸𑌨𑌿॒𑌤𑌾-𑌽𑌸𑌿॑ 𑌸॒𑌨𑍇𑌯॑-𑌙𑍍𑌘𑍃॒𑌤𑌵॑𑌨𑍍𑌤-𑌙𑍍𑌕𑍁𑌲𑌾॒𑌯𑌿𑌨𑌗𑍍𑌂॑ 𑌰𑌾॒𑌯𑌸𑍍𑌪𑍋𑌷𑌗𑍍𑌂॑ 𑌸𑌹॒𑌸𑍍𑌰𑌿𑌣𑌂॑-𑌵𑍇𑌁॒𑌦𑍋 𑌦॑𑌦𑌾𑌤𑍁 𑌵𑌾॒𑌜𑌿𑌨᳚𑌮𑍍 ॥ 14 ॥

(𑌇𑌨𑍍𑌦𑍍𑌰॑𑌸𑍍𑌯𑌾॒𑌹-𑌮𑌿𑌨𑍍𑌦𑍍𑌰॑𑌵𑌨𑍍𑌤𑌃॒-𑌸𑍋𑌮॑𑌸𑍍𑌯𑌾॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॒-𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 4)

𑌆 𑌪𑍍𑌯𑌾॑𑌯𑌤𑌾-𑌨𑍍𑌧𑍍𑌰𑍁॒𑌵𑌾 𑌘𑍃॒𑌤𑍇𑌨॑ 𑌯॒𑌜𑍍𑌞𑌂𑌯𑌁॑𑌜𑍍𑌞॒-𑌮𑍍𑌪𑍍𑌰𑌤𑌿॑ 𑌦𑍇𑌵॒𑌯𑌦𑍍𑌭𑍍𑌯𑌃॑ । 𑌸𑍂॒𑌰𑍍𑌯𑌾𑌯𑌾॒ 𑌊𑌧𑍋-𑌽𑌦𑌿॑𑌤𑍍𑌯𑌾 𑌉॒𑌪𑌸𑍍𑌥॑ 𑌉॒𑌰𑍁𑌧𑌾॑𑌰𑌾 𑌪𑍃𑌥𑌿॒𑌵𑍀 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 ॥ 𑌪𑍍𑌰॒𑌜𑌾𑌪॑𑌤𑍇-𑌰𑍍𑌵𑌿॒𑌭𑌾𑌨𑍍𑌨𑌾𑌮॑ 𑌲𑍋॒𑌕𑌸𑍍𑌤𑌸𑍍𑌮𑌿𑌗𑍍𑌗𑍍॑𑌸𑍍𑌤𑍍𑌵𑌾 𑌦𑌧𑌾𑌮𑌿 𑌸॒𑌹 𑌯𑌜॑𑌮𑌾𑌨𑍇𑌨॒ 𑌸𑌦॑𑌸𑌿॒ 𑌸𑌨𑍍𑌮𑍇॑ 𑌭𑍂𑌯𑌾॒-𑌸𑍍𑌸𑌰𑍍𑌵॑𑌮𑌸𑌿॒ 𑌸𑌰𑍍𑌵॑-𑌮𑍍𑌮𑍇 𑌭𑍂𑌯𑌾𑌃 𑌪𑍂॒𑌰𑍍𑌣𑌮॑𑌸𑌿 𑌪𑍂॒𑌰𑍍𑌣-𑌮𑍍𑌮𑍇॑ 𑌭𑍂𑌯𑌾॒ 𑌅𑌕𑍍𑌷𑌿॑𑌤𑌮𑌸𑌿॒ 𑌮𑌾 𑌮𑍇᳚ 𑌕𑍍𑌷𑍇𑌷𑍍𑌠𑌾𑌃॒ 𑌪𑍍𑌰𑌾𑌚𑍍𑌯𑌾᳚-𑌨𑍍𑌦𑌿॒𑌶𑌿 𑌦𑍇॒𑌵𑌾 𑌋॒𑌤𑍍𑌵𑌿𑌜𑍋॑ 𑌮𑌾𑌰𑍍𑌜𑌯𑌨𑍍𑌤𑌾॒-𑌨𑍍𑌦𑌕𑍍𑌷𑌿॑𑌣𑌾𑌯𑌾- [𑌦𑌕𑍍𑌷𑌿॑𑌣𑌾𑌯𑌾𑌮𑍍, 𑌦𑌿॒𑌶𑌿] 15

𑌨𑍍𑌦𑌿॒𑌶𑌿 𑌮𑌾𑌸𑌾𑌃᳚ 𑌪𑌿॒𑌤𑌰𑍋॑ 𑌮𑌾𑌰𑍍𑌜𑌯𑌨𑍍𑌤𑌾-𑌮𑍍𑌪𑍍𑌰॒𑌤𑍀𑌚𑍍𑌯𑌾᳚-𑌨𑍍𑌦𑌿॒𑌶𑌿 𑌗𑍃॒𑌹𑌾𑌃 𑌪॒𑌶𑌵𑍋॑ 𑌮𑌾𑌰𑍍𑌜𑌯𑌨𑍍𑌤𑌾॒𑌮𑍁𑌦𑍀᳚𑌚𑍍𑌯𑌾-𑌨𑍍𑌦𑌿॒𑌶𑍍𑌯𑌾𑌪॒ 𑌓𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯𑍋 𑌮𑌾𑌰𑍍𑌜𑌯𑌨𑍍𑌤𑌾𑌮𑍂॒𑌰𑍍𑌧𑍍𑌵𑌾𑌯𑌾᳚-𑌨𑍍𑌦𑌿॒𑌶𑌿 𑌯॒𑌜𑍍𑌞-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌯॒𑌜𑍍𑌞𑌪॑𑌤𑌿-𑌰𑍍𑌮𑌾𑌰𑍍𑌜𑌯𑌨𑍍𑌤𑌾𑌂॒-𑌵𑌿𑌁𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌭𑌿𑌮𑌾𑌤𑌿॒𑌹𑌾 𑌗𑌾॑𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 𑌪𑍃𑌥𑌿॒𑌵𑍀𑌮𑌨𑍁॒ 𑌵𑌿 𑌕𑍍𑌰॑𑌮𑍇॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌭𑌿𑌶𑌸𑍍𑌤𑌿॒𑌹𑌾 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾॒ 𑌽𑌨𑍍𑌤𑌰𑌿॑𑌕𑍍𑌷॒𑌮𑌨𑍁॒ 𑌵𑌿 𑌕𑍍𑌰॑𑌮𑍇॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌰𑌾𑌤𑍀𑌯॒𑌤𑍋 𑌹॒𑌨𑍍𑌤𑌾 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾॒ 𑌦𑌿𑌵॒𑌮𑌨𑍁॒ 𑌵𑌿 𑌕𑍍𑌰॑𑌮𑍇॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿 𑌶𑌤𑍍𑌰𑍂𑌯॒𑌤𑍋 𑌹॒𑌨𑍍𑌤𑌾-𑌽𑌽𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾॒ 𑌦𑌿𑌶𑍋-𑌽𑌨𑍁॒ 𑌵𑌿 𑌕𑍍𑌰॑𑌮𑍇॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 16 ॥

(𑌦𑌕𑍍𑌷𑌿॑𑌣𑌾𑌯𑌾 - 𑌮॒𑌨𑍍𑌤𑌰𑌿॑𑌕𑍍𑌷॒𑌮𑌨𑍁॒ 𑌵𑌿 𑌕𑍍𑌰॑𑌮𑍇॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌵𑌿𑌷𑍍𑌣𑍋॒- 𑌰𑍇𑌕𑌾॒𑌨𑍍𑌨𑌤𑍍𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 5)

𑌅𑌗॑𑌨𑍍𑌮॒ 𑌸𑍁𑌵॒-𑌸𑍍𑌸𑍁𑌵॑𑌰𑌗𑌨𑍍𑌮 𑌸॒𑌨𑍍𑌦𑍃𑌶॑𑌸𑍍𑌤𑍇॒ 𑌮𑌾 𑌛𑌿॑𑌥𑍍𑌸𑌿॒ 𑌯𑌤𑍍𑌤𑍇॒ 𑌤𑌪॒𑌸𑍍𑌤𑌸𑍍𑌮𑍈॑ 𑌤𑍇॒ 𑌮𑌾-𑌽𑌽 𑌵𑍃॑𑌕𑍍𑌷𑌿 𑌸𑍁॒𑌭𑍂𑌰॑𑌸𑌿॒ 𑌶𑍍𑌰𑍇𑌷𑍍𑌠𑍋॑ 𑌰𑌶𑍍𑌮𑍀॒𑌨𑌾𑌮𑌾॑𑌯𑍁॒𑌰𑍍𑌧𑌾 𑌅॒𑌸𑍍𑌯𑌾𑌯𑍁॑𑌰𑍍𑌮𑍇 𑌧𑍇𑌹𑌿 𑌵𑌰𑍍𑌚𑍋॒𑌧𑌾 𑌅॑𑌸𑌿॒ 𑌵𑌰𑍍𑌚𑍋॒ 𑌮𑌯𑌿॑ 𑌧𑍇𑌹𑍀॒𑌦𑌮॒𑌹𑌮॒𑌮𑍁-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌮𑌾॒𑌭𑍍𑌯𑍋 𑌦𑌿॒𑌗𑍍𑌭𑍍𑌯𑍋᳚-𑌽𑌸𑍍𑌯𑍈 𑌦𑌿॒𑌵𑍋᳚-𑌽𑌸𑍍𑌮𑌾𑌦॒𑌨𑍍𑌤𑌰𑌿॑𑌕𑍍𑌷𑌾𑌦॒𑌸𑍍𑌯𑍈 𑌪𑍃॑𑌥𑌿॒𑌵𑍍𑌯𑌾 𑌅॒𑌸𑍍𑌮𑌾𑌦॒𑌨𑍍𑌨𑌾𑌦𑍍𑌯𑌾॒𑌨𑍍𑌨𑌿𑌰𑍍𑌭॑𑌜𑌾𑌮𑌿॒ 𑌨𑌿𑌰𑍍𑌭॑𑌕𑍍𑌤॒-𑌸𑍍𑌸 𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 17 ॥

𑌸-𑌞𑍍𑌜𑍍𑌯𑍋𑌤𑌿॑𑌷𑌾-𑌽𑌭𑍂𑌵𑌮𑍈॒𑌨𑍍𑌦𑍍𑌰𑍀-𑌮𑌾॒𑌵𑍃𑌤॑-𑌮॒𑌨𑍍𑌵𑌾𑌵॑𑌰𑍍𑌤𑍇॒ 𑌸𑌮॒𑌹-𑌮𑍍𑌪𑍍𑌰॒𑌜𑌯𑌾॒ 𑌸-𑌮𑍍𑌮𑌯𑌾᳚ 𑌪𑍍𑌰॒𑌜𑌾 𑌸𑌮॒𑌹𑌗𑍍𑌂 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸-𑌮𑍍𑌮𑌯𑌾॑ 𑌰𑌾॒𑌯𑌸𑍍𑌪𑍋𑌷॒-𑌸𑍍𑌸𑌮𑌿॑𑌦𑍍𑌧𑍋 𑌅𑌗𑍍𑌨𑍇 𑌮𑍇 𑌦𑍀𑌦𑌿𑌹𑌿 𑌸𑌮𑍇॒𑌦𑍍𑌧𑌾 𑌤𑍇॑ 𑌅𑌗𑍍𑌨𑍇 𑌦𑍀𑌦𑍍𑌯𑌾𑌸𑌂॒-𑌵𑌁𑌸𑍁॑𑌮𑌾𑌨𑍍. 𑌯॒𑌜𑍍𑌞𑍋 𑌵𑌸𑍀॑𑌯𑌾-𑌨𑍍𑌭𑍂𑌯𑌾𑌸॒𑌮𑌗𑍍𑌨॒ 𑌆𑌯𑍂𑌗𑍍𑌂॑𑌷𑌿 𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚𑌃॑ 𑌸𑍁॒𑌵𑍀𑌰𑍍𑌯᳚𑌮𑍍 ॥ 18 ॥

𑌦𑌧॒𑌤𑍍𑌪𑍋𑌷𑌗𑍍𑌂॑ 𑌰॒𑌯𑌿-𑌮𑍍𑌮𑌯𑌿॑ । 𑌅𑌗𑍍𑌨𑍇॑ 𑌗𑍃𑌹𑌪𑌤𑍇 𑌸𑍁𑌗𑍃𑌹𑌪॒𑌤𑌿𑌰॒𑌹-𑌨𑍍𑌤𑍍𑌵𑌯𑌾॑ 𑌗𑍃॒𑌹𑌪॑𑌤𑌿𑌨𑌾 𑌭𑍂𑌯𑌾𑌸𑌗𑍍𑌂 𑌸𑍁𑌗𑍃𑌹𑌪॒𑌤𑌿𑌰𑍍𑌮𑌯𑌾॒ 𑌤𑍍𑌵-𑌙𑍍𑌗𑍃॒𑌹𑌪॑𑌤𑌿𑌨𑌾 𑌭𑍂𑌯𑌾-𑌶𑍍𑌶॒𑌤𑌗𑍍𑌂 𑌹𑌿𑌮𑌾॒𑌸𑍍𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒ 𑌤𑌨𑍍𑌤॑𑌵𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌨𑍍𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒-𑌽𑌮𑍁𑌷𑍍𑌮𑍈॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌙𑍍𑌕𑌸𑍍𑌤𑍍𑌵𑌾॑ 𑌯𑍁𑌨𑌕𑍍𑌤𑌿॒ 𑌸 𑌤𑍍𑌵𑌾॒ 𑌵𑌿𑌮𑍁॑𑌞𑍍𑌚॒𑌤𑍍𑌵𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌮॑𑌚𑌾𑌰𑌿𑌷॒-𑌨𑍍𑌤𑌦॑𑌶𑌕॒-𑌨𑍍𑌤𑌨𑍍𑌮𑍇॑-𑌽𑌰𑌾𑌧𑌿 𑌯॒𑌜𑍍𑌞𑍋 𑌬॑𑌭𑍂𑌵॒ 𑌸 𑌆 [𑌸 𑌆, 𑌬॒𑌭𑍂॒𑌵॒ 𑌸] 19

𑌬॑𑌭𑍂𑌵॒ 𑌸 𑌪𑍍𑌰𑌜॑𑌜𑍍𑌞𑍇॒ 𑌸 𑌵𑌾॑𑌵𑍃𑌧𑍇 । 𑌸 𑌦𑍇॒𑌵𑌾𑌨𑌾॒𑌮𑌧𑌿॑𑌪𑌤𑌿-𑌰𑍍𑌬𑌭𑍂𑌵॒ 𑌸𑍋 𑌅॒𑌸𑍍𑌮𑌾𑌗𑍍𑌂 𑌅𑌧𑌿॑𑌪𑌤𑍀𑌨𑍍 𑌕𑌰𑍋𑌤𑍁 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌗𑍋𑌮𑌾𑌗𑍍𑌂॑ 𑌅॒𑌗𑍍𑌨𑍇-𑌽𑌵𑌿॑𑌮𑌾𑌗𑍍𑌂 𑌅॒𑌶𑍍𑌵𑍀 𑌯॒𑌜𑍍𑌞𑍋 𑌨𑍃॒𑌵𑌥𑍍𑌸॑𑌖𑌾॒ 𑌸𑌦॒𑌮𑌿𑌦॑𑌪𑍍𑌰𑌮𑍃॒𑌷𑍍𑌯𑌃 ।𑌇𑌡𑌾॑𑌵𑌾𑌗𑍍𑌂 𑌏॒𑌷𑍋 𑌅॑𑌸𑍁𑌰 𑌪𑍍𑌰॒𑌜𑌾𑌵𑌾᳚-𑌨𑍍𑌦𑍀॒𑌰𑍍𑌘𑍋 𑌰॒𑌯𑌿𑌃 𑌪𑍃॑𑌥𑍁𑌬𑍁॒𑌦𑍍𑌧𑍍𑌨-𑌸𑍍𑌸॒𑌭𑌾𑌵𑌾𑌨𑍍॑ ॥ 20 ॥

(𑌦𑍍𑌵𑌿॒𑌷𑍍𑌮𑌃-𑌸𑍁॒𑌵𑍀𑌰𑍍𑌯॒𑌗𑍍𑌂॒-𑌸 𑌆-𑌪𑌞𑍍𑌚॑𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 6)

𑌯𑌥𑌾॒ 𑌵𑍈 𑌸॑𑌮𑍃𑌤𑌸𑍋॒𑌮𑌾 𑌏॒𑌵𑌂-𑌵𑌾𑌁 𑌏॒𑌤𑍇 𑌸॑𑌮𑍃𑌤𑌯॒𑌜𑍍𑌞𑌾 𑌯𑌦𑍍𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗 𑌕𑌸𑍍𑌯॒ 𑌵𑌾-𑌽𑌹॑ 𑌦𑍇॒𑌵𑌾 𑌯॒𑌜𑍍𑌞𑌮𑌾॒𑌗𑌚𑍍𑌛॑𑌨𑍍𑌤𑌿॒ 𑌕𑌸𑍍𑌯॑ 𑌵𑌾॒ 𑌨 𑌬॑𑌹𑍂॒𑌨𑌾𑌂-𑌯𑌁𑌜॑𑌮𑌾𑌨𑌾𑌨𑌾𑌂॒-𑌯𑍋𑌁 𑌵𑍈 𑌦𑍇॒𑌵𑌤𑌾𑌃॒ 𑌪𑍂𑌰𑍍𑌵𑌃॑ 𑌪𑌰𑌿𑌗𑍃॒𑌹𑍍𑌣𑌾𑌤𑌿॒ 𑌸 𑌏॑𑌨𑌾॒-𑌶𑍍𑌶𑍍𑌵𑍋 𑌭𑍂॒𑌤𑍇 𑌯॑𑌜𑌤 𑌏॒𑌤𑌦𑍍𑌵𑍈 𑌦𑍇॒𑌵𑌾𑌨𑌾॑-𑌮𑌾॒𑌯𑌤॑𑌨𑌂॒-𑌯𑌁𑌦𑌾॑𑌹𑌵॒𑌨𑍀𑌯𑍋᳚-𑌽𑌨𑍍𑌤॒𑌰𑌾-𑌽𑌗𑍍𑌨𑍀 𑌪॑𑌶𑍂॒𑌨𑌾-𑌙𑍍𑌗𑌾𑌰𑍍𑌹॑𑌪𑌤𑍍𑌯𑍋 𑌮𑌨𑍁॒𑌷𑍍𑌯𑌾॑𑌣𑌾-𑌮𑌨𑍍𑌵𑌾𑌹𑌾𑌰𑍍𑌯॒𑌪𑌚॑𑌨𑌃 𑌪𑌿𑌤𑍃॒𑌣𑌾𑌮॒𑌗𑍍𑌨𑌿-𑌙𑍍𑌗𑍃॑𑌹𑍍𑌣𑌾𑌤𑌿॒ 𑌸𑍍𑌵 𑌏॒𑌵𑌾𑌯𑌤॑𑌨𑍇 𑌦𑍇॒𑌵𑌤𑌾𑌃॒ 𑌪𑌰𑌿॑ [𑌦𑍇॒𑌵𑌤𑌾𑌃॒ 𑌪𑌰𑌿॑, 𑌗𑍃॒𑌹𑍍𑌣𑌾॒𑌤𑌿॒ 𑌤𑌾-𑌶𑍍𑌶𑍍𑌵𑍋] 21

𑌗𑍃𑌹𑍍𑌣𑌾𑌤𑌿॒ 𑌤𑌾-𑌶𑍍𑌶𑍍𑌵𑍋 𑌭𑍂॒𑌤𑍇 𑌯॑𑌜𑌤𑍇 𑌵𑍍𑌰॒𑌤𑍇𑌨॒ 𑌵𑍈 𑌮𑍇𑌦𑍍𑌧𑍍𑌯𑍋॒ -𑌽𑌗𑍍𑌨𑌿-𑌰𑍍𑌵𑍍𑌰॒𑌤𑌪॑𑌤𑌿-𑌰𑍍𑌬𑍍𑌰𑌾𑌹𑍍𑌮॒𑌣𑍋 𑌵𑍍𑌰॑𑌤॒𑌭𑍃-𑌦𑍍𑌵𑍍𑌰॒𑌤-𑌮𑍁॑𑌪𑍈॒𑌷𑍍𑌯-𑌨𑍍𑌬𑍍𑌰𑍂॑𑌯𑌾॒𑌦𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤-𑌞𑍍𑌚॑𑌰𑌿𑌷𑍍𑌯𑌾॒𑌮𑍀𑌤𑍍𑌯॒𑌗𑍍𑌨𑌿-𑌰𑍍𑌵𑍈 𑌦𑍇॒𑌵𑌾𑌨𑌾𑌂᳚-𑌵𑍍𑌰𑌁॒𑌤𑌪॑𑌤𑌿॒𑌸𑍍𑌤𑌸𑍍𑌮𑌾॑ 𑌏॒𑌵 𑌪𑍍𑌰॑𑌤𑌿॒𑌪𑍍𑌰𑍋𑌚𑍍𑌯॑ 𑌵𑍍𑌰॒𑌤𑌮𑌾 𑌲॑𑌭𑌤𑍇 𑌬॒𑌰𑍍॒𑌹𑌿𑌷𑌾॑ 𑌪𑍂॒𑌰𑍍𑌣𑌮𑌾॑𑌸𑍇 𑌵𑍍𑌰॒𑌤𑌮𑍁𑌪𑍈॑𑌤𑌿 𑌵॒𑌥𑍍𑌸𑍈𑌰॑𑌮𑌾𑌵𑌾॒𑌸𑍍𑌯𑌾॑𑌯𑌾𑌮𑍇॒𑌤𑌦𑍍𑌧𑍍𑌯𑍇॑𑌤𑌯𑍋॑-𑌰𑌾॒𑌯𑌤॑𑌨𑌮𑍁𑌪॒𑌸𑍍𑌤𑍀𑌰𑍍𑌯𑌃॒ 𑌪𑍂𑌰𑍍𑌵॑𑌶𑍍𑌚𑌾॒𑌗𑍍𑌨𑌿𑌰𑌪॑𑌰॒𑌶𑍍𑌚𑍇𑌤𑍍𑌯𑌾॑𑌹𑍁-𑌰𑍍𑌮𑌨𑍁॒𑌷𑍍𑌯𑌾॑ [-𑌰𑍍𑌮𑌨𑍁॒𑌷𑍍𑌯𑌾𑌃᳚, 𑌇𑌨𑍍𑌨𑍍𑌵𑌾] 22

𑌇𑌨𑍍𑌨𑍍𑌵𑌾 𑌉𑌪॑𑌸𑍍𑌤𑍀𑌰𑍍𑌣-𑌮𑌿॒𑌚𑍍𑌛𑌨𑍍𑌤𑌿॒ 𑌕𑌿𑌮𑍁॑ 𑌦𑍇॒𑌵𑌾 𑌯𑍇𑌷𑌾॒-𑌨𑍍𑌨𑌵𑌾॑𑌵𑌸𑌾𑌨॒-𑌮𑍁𑌪𑌾᳚𑌸𑍍𑌮𑌿॒𑌞𑍍𑌛𑍍𑌵𑍋 𑌯॒𑌕𑍍𑌷𑍍𑌯𑌮𑌾॑𑌣𑍇 𑌦𑍇॒𑌵𑌤𑌾॑ 𑌵𑌸𑌨𑍍𑌤𑌿॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌮𑍁॑𑌪𑌸𑍍𑌤𑍃॒𑌣𑌾𑌤𑌿॒ 𑌯𑌜॑𑌮𑌾𑌨𑍇𑌨 𑌗𑍍𑌰𑌾॒𑌮𑍍𑌯𑌾𑌶𑍍𑌚॑ 𑌪॒𑌶𑌵𑍋॑-𑌽𑌵॒𑌰𑍁𑌦𑍍𑌧𑍍𑌯𑌾॑ 𑌆𑌰॒𑌣𑍍𑌯𑌾𑌶𑍍𑌚𑍇𑌤𑍍𑌯𑌾॑𑌹𑍁॒-𑌰𑍍𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌨𑍁॑𑌪॒𑌵𑌸॑𑌤𑌿॒ 𑌤𑍇𑌨॑ 𑌗𑍍𑌰𑌾॒𑌮𑍍𑌯𑌾𑌨𑌵॑ 𑌰𑍁𑌨𑍍𑌧𑍇॒ 𑌯𑌦𑌾॑𑌰॒𑌣𑍍𑌯𑌸𑍍𑌯𑌾॒-𑌽𑌶𑍍𑌞𑌾𑌤𑌿॒ 𑌤𑍇𑌨𑌾॑𑌰॒𑌣𑍍𑌯𑌾𑌨𑍍. 𑌯𑌦𑌨𑌾᳚𑌶𑍍𑌵𑌾-𑌨𑍁𑌪॒𑌵𑌸𑍇᳚-𑌤𑍍𑌪𑌿𑌤𑍃𑌦𑍇𑌵॒𑌤𑍍𑌯𑌃॑ 𑌸𑍍𑌯𑌾𑌦𑌾𑌰॒𑌣𑍍𑌯𑌸𑍍𑌯𑌾᳚-𑌶𑍍𑌞𑌾𑌤𑍀𑌨𑍍𑌦𑍍𑌰𑌿॒𑌯𑌂- [𑌶𑍍𑌞𑌾𑌤𑍀𑌨𑍍𑌦𑍍𑌰𑌿॒𑌯𑌮𑍍, 𑌵𑌾 𑌆॑𑌰॒𑌣𑍍𑌯𑌂-] 23

-𑌁𑌵𑌾 𑌆॑𑌰॒𑌣𑍍𑌯-𑌮𑌿॑𑌨𑍍𑌦𑍍𑌰𑌿॒𑌯-𑌮𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌯𑌦𑌨𑌾᳚𑌶𑍍𑌵𑌾-𑌨𑍁𑌪॒𑌵𑌸𑍇॒-𑌤𑍍𑌕𑍍𑌷𑍋𑌧𑍁॑𑌕-𑌸𑍍𑌸𑍍𑌯𑌾॒𑌦𑍍𑌯-𑌦॑𑌶𑍍𑌞𑍀॒𑌯𑌾𑌦𑍍𑌰𑍁॒-𑌦𑍍𑌰𑍋᳚-𑌽𑌸𑍍𑌯 𑌪॒𑌶𑍂𑌨॒𑌭𑌿 𑌮॑𑌨𑍍𑌯𑍇𑌤𑌾॒-𑌽𑌪𑍋᳚-𑌽𑌶𑍍𑌞𑌾𑌤𑌿॒ 𑌤𑌨𑍍𑌨𑍇𑌵𑌾॑𑌶𑌿॒𑌤-𑌨𑍍𑌨𑍇𑌵𑌾-𑌽𑌨॑𑌶𑌿𑌤॒-𑌨𑍍𑌨 𑌕𑍍𑌷𑍋𑌧𑍁॑𑌕𑍋॒ 𑌭𑌵॑𑌤𑌿॒ 𑌨𑌾𑌸𑍍𑌯॑ 𑌰𑍁॒𑌦𑍍𑌰𑌃 𑌪॒𑌶𑍂𑌨॒𑌭𑌿 𑌮॑𑌨𑍍𑌯𑌤𑍇॒ 𑌵𑌜𑍍𑌰𑍋॒ 𑌵𑍈 𑌯॒𑌜𑍍𑌞𑌃, 𑌕𑍍𑌷𑍁-𑌤𑍍𑌖𑌲𑍁॒ 𑌵𑍈 𑌮॑𑌨𑍁॒𑌷𑍍𑌯॑𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌯𑌦𑌨𑌾᳚-𑌽𑌶𑍍𑌵𑌾𑌨𑍁𑌪॒𑌵𑌸॑𑌤𑌿॒ 𑌵𑌜𑍍𑌰𑍇॑𑌣𑍈॒𑌵 𑌸𑌾॒𑌕𑍍𑌷𑌾-𑌤𑍍𑌕𑍍𑌷𑍁𑌧॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌗𑍍𑌂 𑌹𑌨𑍍𑌤𑌿 ॥ 24 ॥

(𑌪𑌰𑌿॑-𑌮𑌨𑍁॒𑌷𑍍𑌯𑌾॑-𑌇𑌨𑍍𑌦𑍍𑌰𑌿॒𑌯𑌗𑍍𑌂-𑌸𑌾॒𑌕𑍍𑌷𑌾𑌤𑍍-𑌤𑍍𑌰𑍀𑌣𑌿॑ 𑌚) (𑌅. 7)

𑌯𑍋 𑌵𑍈 𑌶𑍍𑌰॒𑌦𑍍𑌧𑌾𑌮𑌨𑌾॑𑌰𑌭𑍍𑌯 𑌯॒𑌜𑍍𑌞𑍇𑌨॒ 𑌯𑌜॑𑌤𑍇॒ 𑌨𑌾𑌸𑍍𑌯𑍇॒𑌷𑍍𑌟𑌾𑌯॒ 𑌶𑍍𑌰𑌦𑍍𑌦॑𑌧𑌤𑍇॒-𑌽𑌪𑌃 𑌪𑍍𑌰 𑌣॑𑌯𑌤𑌿 𑌶𑍍𑌰॒𑌦𑍍𑌧𑌾 𑌵𑌾 𑌆𑌪𑌃॑ 𑌶𑍍𑌰॒𑌦𑍍𑌧𑌾𑌮𑍇॒𑌵𑌾-𑌽𑌽𑌰𑌭𑍍𑌯॑ 𑌯॒𑌜𑍍𑌞𑍇𑌨॑ 𑌯𑌜𑌤 𑌉॒𑌭𑌯𑍇᳚-𑌽𑌸𑍍𑌯 𑌦𑍇𑌵𑌮𑌨𑍁॒𑌷𑍍𑌯𑌾 𑌇॒𑌷𑍍𑌟𑌾𑌯॒ 𑌶𑍍𑌰𑌦𑍍𑌦॑𑌧𑌤𑍇॒ 𑌤𑌦𑌾॑𑌹𑍁॒𑌰𑌤𑌿॒ 𑌵𑌾 𑌏॒𑌤𑌾 𑌵𑌰𑍍𑌤𑍍𑌰॑-𑌨𑍍𑌨𑍇𑌦॒𑌨𑍍𑌤𑍍𑌯𑌤𑌿॒ 𑌵𑌾𑌚॒-𑌮𑍍𑌮𑌨𑍋॒ 𑌵𑌾𑌵𑍈𑌤𑌾 𑌨𑌾𑌤𑌿॑ 𑌨𑍇𑌦॒𑌨𑍍𑌤𑍀𑌤𑌿॒ 𑌮𑌨॑𑌸𑌾॒ 𑌪𑍍𑌰 𑌣॑𑌯𑌤𑍀॒𑌯𑌂-𑌵𑍈𑌁 𑌮𑌨𑍋॒- [𑌮𑌨𑌃॑, 𑌅॒𑌨𑌯𑍈॒𑌵𑍈𑌨𑌾𑌃॒] 25

-𑌽𑌨𑌯𑍈॒𑌵𑍈𑌨𑌾𑌃॒ 𑌪𑍍𑌰 𑌣॑𑌯॒𑌤𑍍𑌯-𑌸𑍍𑌕॑𑌨𑍍𑌨𑌹𑌵𑌿-𑌰𑍍𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌯𑌜𑍍𑌞𑌾𑌯𑍁॒𑌧𑌾𑌨𑌿॒ 𑌸-𑌮𑍍𑌭॑𑌰𑌤𑌿 𑌯॒𑌜𑍍𑌞𑍋 𑌵𑍈 𑌯॑𑌜𑍍𑌞𑌾𑌯𑍁॒𑌧𑌾𑌨𑌿॑ 𑌯॒𑌜𑍍𑌞𑌮𑍇॒𑌵 𑌤𑌥𑍍𑌸-𑌮𑍍𑌭॑𑌰𑌤𑌿॒ 𑌯𑌦𑍇𑌕॑𑌮𑍇𑌕𑌗𑍍𑌂 𑌸॒𑌮𑍍𑌭𑌰𑍇᳚𑌤𑍍-𑌪𑌿𑌤𑍃𑌦𑍇𑌵॒𑌤𑍍𑌯𑌾॑𑌨𑌿 𑌸𑍍𑌯𑍁॒𑌰𑍍𑌯-𑌥𑍍𑌸॒𑌹 𑌸𑌰𑍍𑌵𑌾॑𑌣𑌿 𑌮𑌾𑌨𑍁॒𑌷𑌾𑌣𑌿॒ 𑌦𑍍𑌵𑍇𑌦𑍍𑌵𑍇॒ 𑌸𑌮𑍍𑌭॑𑌰𑌤𑌿 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯॑𑌯𑍋𑌰𑍇॒𑌵 𑌰𑍂॒𑌪-𑌙𑍍𑌕॑𑌰𑍋॒𑌤𑍍𑌯𑌥𑍋॑ 𑌮𑌿𑌥𑍁॒𑌨𑌮𑍇॒𑌵𑌯𑍋 𑌵𑍈 𑌦𑌶॑ 𑌯𑌜𑍍𑌞𑌾𑌯𑍁॒𑌧𑌾𑌨𑌿॒ 𑌵𑍇𑌦॑ 𑌮𑍁𑌖॒𑌤𑍋᳚-𑌽𑌸𑍍𑌯 𑌯॒𑌜𑍍𑌞𑌃 𑌕॑𑌲𑍍𑌪𑌤𑍇॒ 𑌸𑍍𑌫𑍍𑌯- [𑌕॑𑌲𑍍𑌪𑌤𑍇॒ 𑌸𑍍𑌫𑍍𑌯𑌃, 𑌚॒ 𑌕॒𑌪𑌾𑌲𑌾॑𑌨𑌿] 26

-𑌶𑍍𑌚॑ 𑌕॒𑌪𑌾𑌲𑌾॑𑌨𑌿 𑌚𑌾𑌗𑍍𑌨𑌿𑌹𑍋𑌤𑍍𑌰॒𑌹𑌵॑𑌣𑍀 𑌚॒ 𑌶𑍂𑌰𑍍𑌪॑-𑌞𑍍𑌚 𑌕𑍃𑌷𑍍𑌣𑌾𑌜𑌿॒𑌨-𑌞𑍍𑌚॒ 𑌶𑌮𑍍𑌯𑌾॑ 𑌚𑍋॒𑌲𑍂𑌖॑𑌲-𑌞𑍍𑌚॒ 𑌮𑍁𑌸॑𑌲-𑌞𑍍𑌚 𑌦𑍃॒𑌷𑌚𑍍𑌚𑍋𑌪॑𑌲𑌾 𑌚𑍈॒𑌤𑌾𑌨𑌿॒ 𑌵𑍈 𑌦𑌶॑ 𑌯𑌜𑍍𑌞𑌾𑌯𑍁॒𑌧𑌾𑌨𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌮𑍁𑌖॒𑌤𑍋᳚-𑌽𑌸𑍍𑌯 𑌯॒𑌜𑍍𑌞𑌃 𑌕॑𑌲𑍍𑌪𑌤𑍇॒ 𑌯𑍋 𑌵𑍈 𑌦𑍇॒𑌵𑍇𑌭𑍍𑌯𑌃॑ 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯॑ 𑌯॒𑌜𑍍𑌞𑍇𑌨॒ 𑌯𑌜॑𑌤𑍇 𑌜𑍁॒𑌷𑌨𑍍𑌤𑍇᳚-𑌽𑌸𑍍𑌯 𑌦𑍇॒𑌵𑌾 𑌹॒𑌵𑍍𑌯𑌗𑍍𑌂 𑌹॒𑌵𑌿-𑌰𑍍𑌨𑌿॑𑌰𑍁॒𑌪𑍍𑌯𑌮𑌾॑𑌣𑌮॒𑌭𑌿 𑌮॑𑌨𑍍𑌤𑍍𑌰𑌯𑍇𑌤𑌾॒-𑌽𑌗𑍍𑌨𑌿𑌗𑍍𑌂 𑌹𑍋𑌤𑌾॑𑌰𑌮𑌿॒𑌹 𑌤𑌗𑍍𑌂 𑌹𑍁॑𑌵॒ 𑌇𑌤𑌿॑ [ ] 27

𑌦𑍇॒𑌵𑍇𑌭𑍍𑌯॑ 𑌏॒𑌵 𑌪𑍍𑌰॑𑌤𑌿॒𑌪𑍍𑌰𑍋𑌚𑍍𑌯॑ 𑌯॒𑌜𑍍𑌞𑍇𑌨॑ 𑌯𑌜𑌤𑍇 𑌜𑍁॒𑌷𑌨𑍍𑌤𑍇᳚-𑌽𑌸𑍍𑌯 𑌦𑍇॒𑌵𑌾 𑌹॒𑌵𑍍𑌯𑌮𑍇॒𑌷 𑌵𑍈 𑌯॒𑌜𑍍𑌞𑌸𑍍𑌯॒ 𑌗𑍍𑌰𑌹𑍋॑ 𑌗𑍃𑌹𑍀॒𑌤𑍍𑌵𑍈𑌵 𑌯॒𑌜𑍍𑌞𑍇𑌨॑ 𑌯𑌜𑌤𑍇॒ 𑌤𑌦𑍁॑𑌦𑌿॒𑌤𑍍𑌵𑌾 𑌵𑌾𑌚𑌂॑-𑌯𑌁𑌚𑍍𑌛𑌤𑌿 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑌾॒ 𑌅𑌥𑍋॒ 𑌮𑌨॑𑌸𑌾॒ 𑌵𑍈 𑌪𑍍𑌰॒𑌜𑌾𑌪॑𑌤𑌿-𑌰𑍍𑌯॒𑌜𑍍𑌞𑌮॑𑌤𑌨𑍁𑌤॒ 𑌮𑌨॑𑌸𑍈॒𑌵 𑌤-𑌦𑍍𑌯॒𑌜𑍍𑌞-𑌨𑍍𑌤॑𑌨𑍁𑌤𑍇॒ 𑌰𑌕𑍍𑌷॑𑌸𑌾॒-𑌮𑌨॑𑌨𑍍𑌵𑌵𑌚𑌾𑌰𑌾𑌯॒ 𑌯𑍋 𑌵𑍈 𑌯॒𑌜𑍍𑌞𑌂-𑌯𑍋𑌁𑌗॒ 𑌆𑌗॑𑌤𑍇 𑌯𑍁॒𑌨𑌕𑍍𑌤𑌿॑ 𑌯𑍁॒𑌙𑍍𑌕𑍍𑌤𑍇 𑌯𑍁॑𑌞𑍍𑌜𑌾॒𑌨𑍇𑌷𑍁॒ 𑌕𑌸𑍍𑌤𑍍𑌵𑌾॑ 𑌯𑍁𑌨𑌕𑍍𑌤𑌿॒ 𑌸 𑌤𑍍𑌵𑌾॑ 𑌯𑍁𑌨॒𑌕𑍍𑌤𑍍𑌵𑌿-( ) -𑌤𑍍𑌯𑌾॑𑌹 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌵𑍈 𑌕𑌃 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑍈𑌨𑌂॑-𑌯𑍁𑌁𑌨𑌕𑍍𑌤𑌿 𑌯𑍁॒𑌙𑍍𑌕𑍍𑌤𑍇 𑌯𑍁॑𑌞𑍍𑌜𑌾॒𑌨𑍇𑌷𑍁॑ ॥ 28 ॥

(𑌵𑍈𑌮॒𑌨𑌃-𑌸𑍍𑌫𑍍𑌯-𑌇𑌤𑌿॑-𑌯𑍁𑌨॒𑌕𑍍𑌤𑍍𑌵𑍇-𑌕𑌾॑𑌦𑌶 𑌚) (𑌅. 8)

𑌪𑍍𑌰॒𑌜𑌾𑌪॑𑌤𑌿-𑌰𑍍𑌯॒𑌜𑍍𑌞𑌾𑌨॑𑌸𑍃𑌜𑌤𑌾-𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌚𑌾᳚𑌗𑍍𑌨𑌿𑌷𑍍𑌟𑍋॒𑌮-𑌞𑍍𑌚॑ 𑌪𑍗𑌰𑍍𑌣𑌮𑌾॒𑌸𑍀-𑌞𑍍𑌚𑍋॒𑌕𑍍𑌥𑍍𑌯॑-𑌞𑍍𑌚𑌾𑌮𑌾𑌵𑌾॒𑌸𑍍𑌯𑌾᳚-𑌞𑍍𑌚𑌾𑌤𑌿𑌰𑌾॒𑌤𑍍𑌰-𑌞𑍍𑌚॒ 𑌤𑌾𑌨𑍁𑌦॑𑌮𑌿𑌮𑍀𑌤॒ 𑌯𑌾𑌵॑𑌦𑌗𑍍𑌨𑌿𑌹𑍋॒𑌤𑍍𑌰-𑌮𑌾𑌸𑍀॒-𑌤𑍍𑌤𑌾𑌵𑌾॑𑌨𑌗𑍍𑌨𑌿𑌷𑍍𑌟𑍋॒𑌮𑍋 𑌯𑌾𑌵॑𑌤𑍀 𑌪𑍗𑌰𑍍𑌣𑌮𑌾॒𑌸𑍀 𑌤𑌾𑌵𑌾॑𑌨𑍁॒𑌕𑍍𑌥𑍍𑌯𑍋॑ 𑌯𑌾𑌵॑𑌤𑍍𑌯𑌮𑌾𑌵𑌾॒𑌸𑍍𑌯𑌾॑ 𑌤𑌾𑌵𑌾॑𑌨𑌤𑌿𑌰𑌾॒𑌤𑍍𑌰𑍋 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॑𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॒𑌹𑍋𑌤𑌿॒ 𑌯𑌾𑌵॑𑌦𑌗𑍍𑌨𑌿𑌷𑍍𑌟𑍋॒𑌮𑍇𑌨𑍋॑ 𑌪𑌾॒𑌪𑍍𑌨𑍋𑌤𑌿॒ 𑌤𑌾𑌵॒𑌦𑍁𑌪𑌾᳚-𑌽𑌽𑌪𑍍𑌨𑍋𑌤𑌿॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌪𑍗᳚𑌰𑍍𑌣𑌮𑌾॒𑌸𑍀𑌂-𑌯𑌁𑌜॑𑌤𑍇॒ 𑌯𑌾𑌵॑𑌦𑍁॒𑌕𑍍𑌥𑍍𑌯𑍇॑𑌨𑍋𑌪𑌾॒𑌪𑍍𑌨𑍋𑌤𑌿॒ [𑌯𑌾𑌵॑𑌦𑍁॒𑌕𑍍𑌥𑍍𑌯𑍇॑𑌨𑍋𑌪𑌾॒𑌪𑍍𑌨𑍋𑌤𑌿॑, 𑌤𑌾𑌵॒𑌦𑍁𑌪𑌾᳚-𑌽𑌽𑌪𑍍𑌨𑍋𑌤𑌿॒] 29

𑌤𑌾𑌵॒𑌦𑍁𑌪𑌾᳚-𑌽𑌽𑌪𑍍𑌨𑍋𑌤𑌿॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॑𑌮𑌾𑌵𑌾॒𑌸𑍍𑌯𑌾𑌂᳚-𑌯𑌁𑌜॑𑌤𑍇॒ 𑌯𑌾𑌵॑𑌦𑌤𑌿𑌰𑌾॒𑌤𑍍𑌰𑍇𑌣𑍋॑𑌪𑌾॒𑌪𑍍𑌨𑍋𑌤𑌿॒ 𑌤𑌾𑌵॒𑌦𑍁𑌪𑌾᳚-𑌽𑌽𑌪𑍍𑌨𑍋𑌤𑌿 𑌪𑌰𑌮𑍇॒𑌷𑍍𑌠𑌿𑌨𑍋॒ 𑌵𑌾 𑌏॒𑌷 𑌯॒𑌜𑍍𑌞𑍋-𑌽𑌗𑍍𑌰॑ 𑌆𑌸𑍀॒-𑌤𑍍𑌤𑍇𑌨॒ 𑌸 𑌪॑𑌰॒𑌮𑌾-𑌙𑍍𑌕𑌾𑌷𑍍𑌠𑌾॑𑌮𑌗𑌚𑍍𑌛॒-𑌤𑍍𑌤𑍇𑌨॑ 𑌪𑍍𑌰॒𑌜𑌾𑌪॑𑌤𑌿-𑌨𑍍𑌨𑌿॒𑌰𑌵𑌾॑𑌸𑌾𑌯𑌯॒-𑌤𑍍𑌤𑍇𑌨॑ 𑌪𑍍𑌰॒𑌜𑌾𑌪॑𑌤𑌿𑌃 𑌪𑌰॒𑌮𑌾-𑌙𑍍𑌕𑌾𑌷𑍍𑌠𑌾॑𑌮𑌗𑌚𑍍𑌛॒-𑌤𑍍𑌤𑍇𑌨𑍇𑌨𑍍𑌦𑍍𑌰॑-𑌨𑍍𑌨𑌿॒𑌰𑌵𑌾॑𑌸𑌾𑌯𑌯॒-𑌤𑍍𑌤𑍇𑌨𑍇𑌨𑍍𑌦𑍍𑌰𑌃॑ 𑌪𑌰॒𑌮𑌾-𑌙𑍍𑌕𑌾𑌷𑍍𑌠𑌾॑𑌮𑌗𑌚𑍍𑌛॒-𑌤𑍍𑌤𑍇𑌨𑌾॒-𑌽𑌗𑍍𑌨𑍀𑌷𑍋𑌮𑍗॑ 𑌨𑌿॒𑌰𑌵𑌾॑𑌸𑌾𑌯𑌯॒-𑌤𑍍𑌤𑍇𑌨𑌾॒𑌗𑍍𑌨𑍀𑌷𑍋𑌮𑍗॑ 𑌪॒𑌰𑌮𑌾-𑌙𑍍𑌕𑌾𑌷𑍍𑌠𑌾॑𑌮𑌗𑌚𑍍𑌛𑌤𑌾𑌂॒-𑌯𑌁 [𑌕𑌾𑌷𑍍𑌠𑌾॑𑌮𑌗𑌚𑍍𑌛𑌤𑌾𑌂॒-𑌯𑌃, 𑌁𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗] 30

𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗 𑌯𑌜॑𑌤𑍇 𑌪𑌰॒𑌮𑌾𑌮𑍇॒𑌵 𑌕𑌾𑌷𑍍𑌠𑌾᳚-𑌙𑍍𑌗𑌚𑍍𑌛𑌤𑌿॒ 𑌯𑍋 𑌵𑍈 𑌪𑍍𑌰𑌜𑌾॑𑌤𑍇𑌨 𑌯॒𑌜𑍍𑌞𑍇𑌨॒ 𑌯𑌜॑𑌤𑍇॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑍋 𑌦𑍍𑌵𑌾𑌦॑𑌶 𑌦𑍍𑌵॒𑌨𑍍𑌦𑍍𑌵𑌾𑌨𑌿॑ 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑌯𑍋॒𑌸𑍍𑌤𑌾𑌨𑌿॑ 𑌸॒𑌮𑍍𑌪𑌾𑌦𑍍𑌯𑌾॒𑌨𑍀𑌤𑍍𑌯𑌾॑𑌹𑍁-𑌰𑍍𑌵॒𑌥𑍍𑌸-𑌞𑍍𑌚𑍋॑𑌪𑌾𑌵𑌸𑍃॒𑌜𑌤𑍍𑌯𑍁॒𑌖𑌾-𑌞𑍍𑌚𑌾𑌧𑌿॑ 𑌶𑍍𑌰𑌯॒𑌤𑍍𑌯𑌵॑ 𑌚॒ 𑌹𑌨𑍍𑌤𑌿॑ 𑌦𑍃॒𑌷𑌦𑍗॑ 𑌚 𑌸॒𑌮𑌾𑌹॒𑌨𑍍𑌤𑍍𑌯𑌧𑌿॑ 𑌚॒ 𑌵𑌪॑𑌤𑍇 𑌕॒𑌪𑌾𑌲𑌾॑𑌨𑌿॒ 𑌚𑍋𑌪॑ 𑌦𑌧𑌾𑌤𑌿 𑌪𑍁𑌰𑍋॒𑌡𑌾𑌶॑-𑌞𑍍𑌚𑌾- [𑌪𑍁𑌰𑍋॒𑌡𑌾𑌶॑-𑌞𑍍𑌚, 𑌅॒𑌧𑌿॒𑌶𑍍𑌰𑌯॒𑌤𑍍𑌯𑌾𑌜𑍍𑌯॑-𑌞𑍍𑌚] 31

-𑌽𑌧𑌿॒𑌶𑍍𑌰𑌯॒𑌤𑍍𑌯𑌾𑌜𑍍𑌯॑-𑌞𑍍𑌚 𑌸𑍍𑌤𑌮𑍍𑌬𑌯॒𑌜𑍁𑌶𑍍𑌚॒ 𑌹𑌰॑𑌤𑍍𑌯॒𑌭𑌿 𑌚॑ 𑌗𑍃𑌹𑍍𑌣𑌾𑌤𑌿॒ 𑌵𑍇𑌦𑌿॑-𑌞𑍍𑌚 𑌪𑌰𑌿 𑌗𑍃॒𑌹𑍍𑌣𑌾𑌤𑌿॒ 𑌪𑌤𑍍𑌨𑍀᳚-𑌞𑍍𑌚॒ 𑌸𑌨𑍍𑌨॑𑌹𑍍𑌯𑌤𑌿॒ 𑌪𑍍𑌰𑍋𑌕𑍍𑌷॑𑌣𑍀𑌶𑍍𑌚𑌾 𑌽𑌽𑌸𑌾॒𑌦𑌯॒𑌤𑍍𑌯𑌾𑌜𑍍𑌯॑-𑌞𑍍𑌚𑍈॒𑌤𑌾𑌨𑌿॒ 𑌵𑍈 𑌦𑍍𑌵𑌾𑌦॑𑌶 𑌦𑍍𑌵॒𑌨𑍍𑌦𑍍𑌵𑌾𑌨𑌿॑ 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑌯𑍋॒𑌸𑍍𑌤𑌾𑌨𑌿॒ 𑌯 𑌏॒𑌵𑌗𑍍𑌂 𑌸॒𑌮𑍍𑌪𑌾𑌦𑍍𑌯॒ 𑌯𑌜॑𑌤𑍇॒ 𑌪𑍍𑌰𑌜𑌾॑𑌤𑍇𑌨𑍈॒𑌵 𑌯॒𑌜𑍍𑌞𑍇𑌨॑ 𑌯𑌜𑌤𑍇॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 ॥ 32 ॥

(𑌉॒𑌕𑍍𑌥𑍍𑌯𑍇॑𑌨𑍋𑌪𑌾॒𑌪𑍍𑌨𑍋𑌤𑍍𑌯॑-𑌗𑌚𑍍𑌛𑌤𑌾𑌂॒-𑌯𑌃 𑌁- 𑌪𑍁॑𑌰𑍋॒𑌡𑌾𑌶𑌂॑-𑌚𑌤𑍍𑌵𑌾𑌰𑌿॒𑌗𑍍𑌂॒𑌶𑌚𑍍𑌚॑) (𑌅. 9)

𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒𑌮𑌿𑌤𑍍𑌯𑌾॑𑌹 𑌧𑍍𑌰𑍁॒𑌵𑌾𑌨𑍇॒𑌵𑍈𑌨𑌾᳚𑌨𑍍 𑌕𑍁𑌰𑍁𑌤 𑌉॒𑌗𑍍𑌰𑍋᳚-𑌽𑌸𑍍𑌯𑍁॒𑌗𑍍𑌰𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒-𑌮𑌿𑌤𑍍𑌯𑌾॒𑌹𑌾𑌪𑍍𑌰॑𑌤𑌿𑌵𑌾𑌦𑌿𑌨 𑌏॒𑌵𑍈𑌨𑌾᳚𑌨𑍍 𑌕𑍁𑌰𑍁𑌤𑍇-𑌽𑌭𑌿॒𑌭𑍂𑌰॑𑌸𑍍𑌯𑌭𑌿॒𑌭𑍂𑌰॒𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒𑌮𑌿𑌤𑍍𑌯𑌾॑𑌹॒ 𑌯 𑌏॒𑌵𑍈𑌨॑-𑌮𑍍𑌪𑍍𑌰𑌤𑍍𑌯𑍁॒𑌤𑍍𑌪𑌿𑌪𑍀॑𑌤𑍇॒ 𑌤𑌮𑍁𑌪𑌾᳚𑌸𑍍𑌯𑌤𑍇 𑌯𑍁॒𑌨𑌜𑍍𑌮𑌿॑ 𑌤𑍍𑌵𑌾॒ 𑌬𑍍𑌰𑌹𑍍𑌮॑𑌣𑌾॒ 𑌦𑍈𑌵𑍍𑌯𑍇॒𑌨𑍇𑌤𑍍𑌯𑌾॑𑌹𑍈॒𑌷 𑌵𑌾𑌅॒𑌗𑍍𑌨𑍇𑌰𑍍𑌯𑍋𑌗॒𑌸𑍍𑌤𑍇𑌨𑍈॒ - [𑌵𑌾𑌅॒𑌗𑍍𑌨𑍇𑌰𑍍𑌯𑍋𑌗॒𑌸𑍍𑌤𑍇𑌨॑, 𑌏॒𑌵𑍈𑌨𑌂॑-𑌯𑍁𑌁𑌨𑌕𑍍𑌤𑌿] 33

𑌵𑍈𑌨𑌂॑-𑌯𑍁𑌁𑌨𑌕𑍍𑌤𑌿 𑌯॒𑌜𑍍𑌞𑌸𑍍𑌯॒ 𑌵𑍈 𑌸𑌮𑍃॑𑌦𑍍𑌧𑍇𑌨 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍. 𑌯॒𑌜𑍍𑌞𑌸𑍍𑌯॒ 𑌵𑍍𑌯𑍃॑𑌦𑍍𑌧𑍇॒𑌨𑌾𑌸𑍁॑𑌰𑌾॒-𑌨𑍍𑌪𑌰𑌾॑𑌭𑌾𑌵𑌯॒𑌨𑍍. 𑌯𑌨𑍍𑌮𑍇॑ 𑌅𑌗𑍍𑌨𑍇 𑌅॒𑌸𑍍𑌯 𑌯॒𑌜𑍍𑌞𑌸𑍍𑌯॒ 𑌰𑌿𑌷𑍍𑌯𑌾॒𑌦𑌿𑌤𑍍𑌯𑌾॑𑌹 𑌯॒𑌜𑍍𑌞𑌸𑍍𑌯𑍈॒𑌵 𑌤𑌥𑍍𑌸𑌮𑍃॑𑌦𑍍𑌧𑍇𑌨॒ 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 𑌯॒𑌜𑍍𑌞𑌸𑍍𑌯॒ 𑌵𑍍𑌯𑍃॑𑌦𑍍𑌧𑍇𑌨॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑌰𑌾॑ 𑌭𑌾𑌵𑌯𑌤𑍍𑌯𑌗𑍍𑌨𑌿𑌹𑍋॒𑌤𑍍𑌰-𑌮𑍇॒𑌤𑌾𑌭𑌿॒-𑌰𑍍𑌵𑍍𑌯𑌾𑌹𑍃॑𑌤𑍀𑌭𑌿॒𑌰𑍁𑌪॑ 𑌸𑌾𑌦𑌯𑍇𑌦𑍍𑌯𑌜𑍍𑌞𑌮𑍁॒𑌖𑌂-𑌵𑌾𑌁 𑌅॑𑌗𑍍𑌨𑌿𑌹𑍋॒𑌤𑍍𑌰-𑌮𑍍𑌬𑍍𑌰𑌹𑍍𑌮𑍈॒𑌤𑌾 𑌵𑍍𑌯𑌾𑌹𑍃॑𑌤𑌯𑍋 𑌯𑌜𑍍𑌞𑌮𑍁॒𑌖 𑌏॒𑌵 𑌬𑍍𑌰𑌹𑍍𑌮॑ - [𑌬𑍍𑌰𑌹𑍍𑌮॑, 𑌕𑍁॒𑌰𑍁॒𑌤𑍇॒ 𑌸𑌂॒𑌵𑌁॒𑌥𑍍𑌸॒𑌰𑍇] 34

𑌕𑍁𑌰𑍁𑌤𑍇 𑌸𑌂𑌵𑌁𑌥𑍍𑌸॒𑌰𑍇 𑌪॒𑌰𑍍𑌯𑌾𑌗॑𑌤 𑌏॒𑌤𑌾𑌭𑌿॑𑌰𑍇॒𑌵𑍋𑌪॑ 𑌸𑌾𑌦𑌯𑍇॒-𑌦𑍍𑌬𑍍𑌰𑌹𑍍𑌮॑𑌣𑍈॒𑌵𑍋𑌭॒𑌯𑌤𑌃॑ 𑌸𑌂𑌵𑌁𑌥𑍍𑌸॒𑌰-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑌿 𑌦𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑌾𑌨𑍍𑌯𑌾॒𑌲𑌭॑𑌮𑌾𑌨 𑌏॒𑌤𑌾𑌭𑌿॒-𑌰𑍍𑌵𑍍𑌯𑌾𑌹𑍃॑𑌤𑍀𑌭𑌿𑌰𑍍-𑌹॒𑌵𑍀𑌗𑍍𑌷𑍍𑌯𑌾𑌸𑌾॑𑌦𑌯𑍇-𑌦𑍍𑌯𑌜𑍍𑌞𑌮𑍁॒𑌖𑌂-𑌵𑍈𑌁 𑌦॑𑌰𑍍𑌶𑌪𑍂𑌰𑍍𑌣𑌮𑌾॒𑌸𑍗 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑌾𑌨𑌿॒ 𑌬𑍍𑌰𑌹𑍍𑌮𑍈॒𑌤𑌾 𑌵𑍍𑌯𑌾𑌹𑍃॑𑌤𑌯𑍋 𑌯𑌜𑍍𑌞𑌮𑍁॒𑌖 𑌏॒𑌵 𑌬𑍍𑌰𑌹𑍍𑌮॑ 𑌕𑍁𑌰𑍁𑌤𑍇 𑌸𑌂𑌵𑌁𑌥𑍍𑌸॒𑌰𑍇 𑌪॒𑌰𑍍𑌯𑌾𑌗॑𑌤 𑌏॒𑌤𑌾𑌭𑌿॑𑌰𑍇॒𑌵𑌾𑌸𑌾॑𑌦𑌯𑍇॒-𑌦𑍍𑌬𑍍𑌰𑌹𑍍𑌮॑𑌣𑍈॒𑌵𑍋𑌭॒𑌯𑌤𑌃॑ 𑌸𑌂𑌵𑌁𑌥𑍍𑌸॒𑌰-𑌮𑍍𑌪𑌰𑌿॑𑌗𑍃𑌹𑍍𑌣𑌾𑌤𑌿॒ 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌸𑌾𑌮𑍍𑌨𑌾᳚ 𑌕𑍍𑌰𑌿॒𑌯𑌤𑍇॑ 𑌰𑌾॒𑌷𑍍𑌟𑍍𑌰𑌂- [𑌰𑌾॒𑌷𑍍𑌟𑍍𑌰𑌮𑍍, 𑌯॒𑌜𑍍𑌞𑌸𑍍𑌯𑌾॒-𑌶𑍀𑌰𑍍𑌗॑𑌚𑍍𑌛𑌤𑌿॒] 35

-𑌁𑌯॒𑌜𑍍𑌞𑌸𑍍𑌯𑌾॒-𑌶𑍀𑌰𑍍𑌗॑𑌚𑍍𑌛𑌤𑌿॒ 𑌯𑌦𑍃॒𑌚𑌾 𑌵𑌿𑌶𑌂॑-𑌯𑌁॒𑌜𑍍𑌞𑌸𑍍𑌯𑌾॒- 𑌶𑍀𑌰𑍍𑌗॑𑌚𑍍𑌛॒𑌤𑍍𑌯𑌥॑ 𑌬𑍍𑌰𑌾𑌹𑍍𑌮॒𑌣𑍋॑-𑌽𑌨𑌾॒𑌶𑍀𑌰𑍍𑌕𑍇॑𑌣 𑌯॒𑌜𑍍𑌞𑍇𑌨॑ 𑌯𑌜𑌤𑍇 𑌸𑌾𑌮𑌿𑌧𑍇॒𑌨𑍀-𑌰॑𑌨𑍁𑌵॒𑌕𑍍𑌷𑍍𑌯𑌨𑍍𑌨𑍇॒𑌤𑌾 𑌵𑍍𑌯𑌾𑌹𑍃॑𑌤𑍀𑌃 𑌪𑍁॒𑌰𑌸𑍍𑌤𑌾᳚𑌦𑍍𑌦𑌦𑍍𑌧𑍍𑌯𑌾॒-𑌦𑍍𑌬𑍍𑌰𑌹𑍍𑌮𑍈॒𑌵 𑌪𑍍𑌰॑𑌤𑌿॒𑌪𑌦॑-𑌙𑍍𑌕𑍁𑌰𑍁𑌤𑍇॒ 𑌤𑌥𑌾᳚ 𑌬𑍍𑌰𑌾𑌹𑍍𑌮॒𑌣-𑌸𑍍𑌸𑌾𑌶𑍀᳚𑌰𑍍𑌕𑍇𑌣 𑌯॒𑌜𑍍𑌞𑍇𑌨॑ 𑌯𑌜𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌯𑌜॑𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌯 𑌯॒𑌜𑍍𑌞𑌸𑍍𑌯𑌾॒𑌶𑍀𑌰𑍍𑌗॑𑌚𑍍𑌛𑍇॒𑌦𑌿𑌤𑌿॒ 𑌤𑌸𑍍𑌯𑍈॒𑌤𑌾 𑌵𑍍𑌯𑌾𑌹𑍃॑𑌤𑍀𑌃 𑌪𑍁𑌰𑍋𑌨𑍁𑌵𑌾॒𑌕𑍍𑌯𑌾॑𑌯𑌾-𑌨𑍍𑌦𑌦𑍍𑌧𑍍𑌯𑌾-𑌦𑍍𑌭𑍍𑌰𑌾𑌤𑍃𑌵𑍍𑌯𑌦𑍇𑌵॒𑌤𑍍𑌯𑌾॑ 𑌵𑍈 𑌪𑍁॑𑌰𑍋𑌨𑍁𑌵𑌾॒𑌕𑍍𑌯𑌾᳚ 𑌭𑍍𑌰𑌾𑌤𑍃॑𑌵𑍍𑌯𑌮𑍇॒𑌵𑌾𑌸𑍍𑌯॑ 𑌯॒𑌜𑍍𑌞𑌸𑍍𑌯𑌾॒-[𑌯॒𑌜𑍍𑌞𑌸𑍍𑌯𑌾॑, 𑌆॒𑌶𑍀𑌰𑍍𑌗॑𑌚𑍍𑌛𑌤𑌿॒] 36

-𑌽𑌽𑌶𑍀𑌰𑍍𑌗॑𑌚𑍍𑌛𑌤𑌿॒ 𑌯𑌾𑌨𑍍 𑌕𑌾॒𑌮𑌯𑍇॑𑌤॒ 𑌯𑌜॑𑌮𑌾𑌨𑌾𑌨𑍍-𑌥𑍍𑌸॒𑌮𑌾𑌵॑𑌤𑍍𑌯𑍇𑌨𑌾𑌨𑍍 𑌯॒𑌜𑍍𑌞𑌸𑍍𑌯𑌾॒ 𑌽𑌽𑌶𑍀𑌰𑍍𑌗॑𑌚𑍍𑌛𑍇॒𑌦𑌿𑌤𑌿॒ 𑌤𑍇𑌷𑌾॑𑌮𑍇॒𑌤𑌾 𑌵𑍍𑌯𑌾𑌹𑍃॑𑌤𑍀𑌃 𑌪𑍁𑌰𑍋𑌨𑍁𑌵𑌾॒𑌕𑍍𑌯𑌾॑𑌯𑌾 𑌅𑌰𑍍𑌧॒𑌰𑍍𑌚 𑌏𑌕𑌾᳚-𑌨𑍍𑌦𑌦𑍍𑌧𑍍𑌯𑌾-𑌦𑍍𑌯𑌾॒𑌜𑍍𑌯𑌾॑𑌯𑍈 𑌪𑍁॒𑌰𑌸𑍍𑌤𑌾॒𑌦𑍇𑌕𑌾𑌂᳚-𑌯𑌾𑌁॒𑌜𑍍𑌯𑌾॑𑌯𑌾 𑌅𑌰𑍍𑌧॒𑌰𑍍𑌚 𑌏𑌕𑌾॒-𑌨𑍍𑌤𑌥𑍈॑𑌨𑌾𑌨𑍍-𑌥𑍍𑌸॒𑌮𑌾𑌵॑𑌤𑍀 𑌯॒𑌜𑍍𑌞𑌸𑍍𑌯𑌾॒ 𑌽𑌽𑌶𑍀𑌰𑍍𑌗॑𑌚𑍍𑌛𑌤𑌿॒ 𑌯𑌥𑌾॒ 𑌵𑍈 𑌪॒𑌰𑍍𑌜𑌨𑍍𑌯॒-𑌸𑍍𑌸𑍁𑌵𑍃॑𑌷𑍍𑌟𑌂॒-𑌵𑌁𑌰𑍍𑌷॑𑌤𑍍𑌯𑍇॒𑌵𑌂-𑌯𑌁॒𑌜𑍍𑌞𑍋 𑌯𑌜॑𑌮𑌾𑌨𑌾𑌯 𑌵𑌰𑍍𑌷𑌤𑌿॒ 𑌸𑍍𑌥𑌲॑𑌯𑍋𑌦॒𑌕-𑌮𑍍𑌪॑𑌰𑌿𑌗𑍃॒𑌹𑍍𑌣𑌨𑍍𑌤𑍍𑌯𑌾॒𑌶𑌿𑌷𑌾॑ 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑌿॒ 𑌮𑌨𑍋॑-𑌽𑌸𑌿 𑌪𑍍𑌰𑌾𑌜𑌾𑌪॒𑌤𑍍𑌯𑌂- [𑌪𑍍𑌰𑌾𑌜𑌾𑌪॒𑌤𑍍𑌯𑌮𑍍, 𑌮𑌨॑𑌸𑌾] 37

-𑌮𑌨॑𑌸𑌾 𑌮𑌾 𑌭𑍂॒𑌤𑍇𑌨𑌾-𑌽𑌽𑌵𑌿॒𑌶𑍇𑌤𑍍𑌯𑌾॑𑌹॒ 𑌮𑌨𑍋॒ 𑌵𑍈 𑌪𑍍𑌰𑌾॑𑌜𑌾𑌪॒𑌤𑍍𑌯-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑍋 𑌯॒𑌜𑍍𑌞𑍋 𑌮𑌨॑ 𑌏॒𑌵 𑌯॒𑌜𑍍𑌞𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌵𑌾𑌗॑𑌸𑍍𑌯𑍈॒𑌨𑍍𑌦𑍍𑌰𑍀 𑌸॑𑌪𑌤𑍍𑌨॒𑌕𑍍𑌷𑌯॑𑌣𑍀 𑌵𑌾॒𑌚𑌾 𑌮𑍇᳚𑌨𑍍𑌦𑍍𑌰𑌿॒𑌯𑍇𑌣𑌾-𑌽𑌽𑌵𑌿॒𑌶𑍇𑌤𑍍𑌯𑌾॑𑌹𑍈॒𑌨𑍍𑌦𑍍𑌰𑍀 𑌵𑍈 𑌵𑌾𑌗𑍍𑌵𑌾𑌚॑-𑌮𑍇॒𑌵𑍈𑌨𑍍𑌦𑍍𑌰𑍀- 𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇 ॥ 38 ॥

(𑌤𑍇𑌨𑍈॒-𑌵 𑌬𑍍𑌰𑌹𑍍𑌮॑- 𑌰𑌾॒𑌷𑍍𑌟𑍍𑌰𑌮𑍇॒-𑌵𑌾𑌸𑍍𑌯॑ 𑌯॒𑌜𑍍𑌞𑌸𑍍𑌯॑-𑌪𑍍𑌰𑌾𑌜𑌾𑌪॒𑌤𑍍𑌯𑌗𑍍𑌂-𑌷𑌟𑍍𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 10)

𑌯𑍋 𑌵𑍈 𑌸॑𑌪𑍍𑌤𑌦॒𑌶-𑌮𑍍𑌪𑍍𑌰॒𑌜𑌾𑌪॑𑌤𑌿𑌂-𑌯𑌁॒𑌜𑍍𑌞𑌮॒𑌨𑍍𑌵𑌾𑌯॑𑌤𑍍𑌤𑌂॒-𑌵𑍇𑌁𑌦॒ 𑌪𑍍𑌰𑌤𑌿॑ 𑌯॒𑌜𑍍𑌞𑍇𑌨॑ 𑌤𑌿𑌷𑍍𑌠𑌤𑌿॒ 𑌨 𑌯॒𑌜𑍍𑌞𑌾-𑌦𑍍𑌭𑍍𑌰𑌗𑍍𑌂॑𑌶𑌤॒ 𑌆 𑌶𑍍𑌰𑌾॑𑌵॒𑌯𑍇𑌤𑌿॒ 𑌚𑌤𑍁॑𑌰𑌕𑍍𑌷𑌰॒𑌮𑌸𑍍𑌤𑍁॒ 𑌶𑍍𑌰𑍗𑌷॒𑌡𑌿𑌤𑌿॒ 𑌚𑌤𑍁॑𑌰𑌕𑍍𑌷𑌰𑌂॒-𑌯𑌁𑌜𑍇𑌤𑌿॒ 𑌦𑍍𑌵𑍍𑌯॑𑌕𑍍𑌷𑌰𑌂॒-𑌯𑍇𑌁 𑌯𑌜𑌾॑𑌮𑌹॒ 𑌇𑌤𑌿॒ 𑌪𑌞𑍍𑌚𑌾᳚𑌕𑍍𑌷𑌰-𑌨𑍍𑌦𑍍𑌵𑍍𑌯𑌕𑍍𑌷॒𑌰𑍋 𑌵॑𑌷𑌟𑍍𑌕𑌾॒𑌰 𑌏॒𑌷 𑌵𑍈 𑌸॑𑌪𑍍𑌤𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿-𑌰𑍍𑌯॒𑌜𑍍𑌞𑌮॒𑌨𑍍𑌵𑌾𑌯॑𑌤𑍍𑌤𑍋॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑌿॑ 𑌯॒𑌜𑍍𑌞𑍇𑌨॑ 𑌤𑌿𑌷𑍍𑌠𑌤𑌿॒ 𑌨 𑌯॒𑌜𑍍𑌞𑌾𑌦𑍍- 𑌭𑍍𑌰𑌗𑍍𑌂॑𑌶𑌤𑍇॒ 𑌯𑍋 𑌵𑍈 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌾𑌯॑𑌣-𑌮𑍍𑌪𑍍𑌰𑌤𑌿॒𑌷𑍍𑌠𑌾- [𑌪𑍍𑌰𑌤𑌿॒𑌷𑍍𑌠𑌾𑌮𑍍, 𑌉॒𑌦𑌯॑𑌨𑌂॒-𑌵𑍇𑌁𑌦॒] 39

𑌮𑍁॒𑌦𑌯॑𑌨𑌂॒-𑌵𑍇𑌁𑌦॒ 𑌪𑍍𑌰𑌤𑌿॑𑌷𑍍𑌠𑌿𑌤𑍇॒𑌨𑌾𑌰𑌿॑𑌷𑍍𑌟𑍇𑌨 𑌯॒𑌜𑍍𑌞𑍇𑌨॑ 𑌸॒𑌗𑍍𑌗𑍍॒𑌸𑍍𑌥𑌾-𑌙𑍍𑌗॑𑌚𑍍𑌛॒𑌤𑍍𑌯𑌾𑌶𑍍𑌰𑌾॑𑌵॒𑌯𑌾𑌸𑍍𑌤𑍁॒ 𑌶𑍍𑌰𑍗𑌷॒𑌡𑍍𑌯𑌜॒ 𑌯𑍇 𑌯𑌜𑌾॑𑌮𑌹𑍇 𑌵𑌷𑌟𑍍𑌕𑌾॒𑌰 𑌏॒𑌤𑌦𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌾𑌯॑𑌣𑌮𑍇॒𑌷𑌾 𑌪𑍍𑌰॑𑌤𑌿॒𑌷𑍍𑌠𑍈𑌤𑌦𑍁॒𑌦𑌯॑𑌨𑌂॒-𑌯𑌁 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑌿॑𑌷𑍍𑌠𑌿𑌤𑍇॒𑌨𑌾-𑌽𑌰𑌿॑𑌷𑍍𑌟𑍇𑌨 𑌯॒𑌜𑍍𑌞𑍇𑌨॑ 𑌸॒𑌗𑍍𑌗𑍍॒𑌸𑍍𑌥𑌾-𑌙𑍍𑌗॑𑌚𑍍𑌛𑌤𑌿॒ 𑌯𑍋 𑌵𑍈 𑌸𑍂॒𑌨𑍃𑌤𑌾॑𑌯𑍈॒ 𑌦𑍋𑌹𑌂॒-𑌵𑍇𑌁𑌦॑ 𑌦𑍁॒𑌹 𑌏॒𑌵𑍈𑌨𑌾𑌂᳚-𑌯𑌁॒𑌜𑍍𑌞𑍋 𑌵𑍈 𑌸𑍂॒𑌨𑍃𑌤𑌾 𑌽𑌽 𑌶𑍍𑌰𑌾॑𑌵॒𑌯𑍇𑌤𑍍𑌯𑍈𑌵𑍈𑌨𑌾॑-𑌮𑌹𑍍𑌵॒𑌦𑌸𑍍𑌤𑍁॒ [-𑌮𑌹𑍍𑌵॒𑌦𑌸𑍍𑌤𑍁॑, 𑌶𑍍𑌰𑍗𑌷॒𑌡𑌿𑌤𑍍𑌯𑍁॒𑌪𑌾𑌵𑌾᳚𑌸𑍍𑌰𑌾॒-] 40

𑌶𑍍𑌰𑍗𑌷॒𑌡𑌿𑌤𑍍𑌯𑍁॒𑌪𑌾𑌵𑌾᳚𑌸𑍍𑌰𑌾॒-𑌗𑍍𑌯𑌜𑍇𑌤𑍍𑌯𑍁𑌦॑𑌨𑍈𑌷𑍀॒𑌦𑍍𑌯𑍇 𑌯𑌜𑌾॑𑌮𑌹॒ 𑌇𑌤𑍍𑌯𑍁𑌪𑌾॑-𑌽𑌸𑌦-𑌦𑍍𑌵𑌷𑌟𑍍𑌕𑌾॒𑌰𑍇𑌣॑ 𑌦𑍋𑌗𑍍𑌦𑍍𑌧𑍍𑌯𑍇॒𑌷 𑌵𑍈 𑌸𑍂॒𑌨𑍃𑌤𑌾॑𑌯𑍈॒ 𑌦𑍋𑌹𑍋॒ 𑌯 𑌏॒𑌵𑌂-𑌵𑍇𑌁𑌦॑ 𑌦𑍁॒𑌹 𑌏॒𑌵𑍈𑌨𑌾᳚-𑌨𑍍𑌦𑍇॒𑌵𑌾 𑌵𑍈 𑌸॒𑌤𑍍𑌰𑌮𑌾॑𑌸𑌤॒ 𑌤𑍇𑌷𑌾॒-𑌨𑍍𑌦𑌿𑌶𑍋॑-𑌽𑌦𑌸𑍍𑌯॒𑌨𑍍𑌤 𑌏॒𑌤𑌾𑌮𑌾॒𑌰𑍍𑌦𑍍𑌰𑌾-𑌮𑍍𑌪॒𑌙𑍍𑌕𑍍𑌤𑌿𑌮॑𑌪𑌶𑍍𑌯॒𑌨𑍍𑌨𑌾 𑌶𑍍𑌰𑌾॑𑌵॒𑌯𑍇𑌤𑌿॑ 𑌪𑍁𑌰𑍋𑌵𑌾॒𑌤-𑌮॑𑌜𑌨𑌯॒𑌨𑍍𑌨𑌸𑍍𑌤𑍁॒ 𑌶𑍍𑌰𑍗𑌷॒𑌡𑌿𑌤𑍍𑌯॒𑌭𑍍𑌰𑌗𑍍𑌂 𑌸𑌮॑𑌪𑍍𑌲𑌾𑌵𑌯॒𑌨𑍍॒. 𑌯𑌜𑍇𑌤𑌿॑ 𑌵𑌿॒𑌦𑍍𑌯𑍁𑌤॑- [𑌵𑌿॒𑌦𑍍𑌯𑍁𑌤॑𑌮𑍍, 𑌅॒𑌜॒𑌨॒𑌯॒𑌨𑍍॒ 𑌯𑍇] 41

𑌮𑌜𑌨𑌯॒𑌨𑍍॒ 𑌯𑍇 𑌯𑌜𑌾॑𑌮𑌹॒ 𑌇𑌤𑌿॒ 𑌪𑍍𑌰𑌾𑌵॑𑌰𑍍𑌷𑌯𑌨𑍍𑌨॒𑌭𑍍𑌯॑𑌸𑍍𑌤𑌨𑌯𑌨𑍍 𑌵𑌷𑌟𑍍𑌕𑌾॒𑌰𑍇𑌣॒ 𑌤𑌤𑍋॒ 𑌵𑍈 𑌤𑍇𑌭𑍍𑌯𑍋॒ 𑌦𑌿𑌶𑌃॒ 𑌪𑍍𑌰𑌾𑌪𑍍𑌯𑌾॑𑌯𑌨𑍍𑌤॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌾𑌸𑍍𑌮𑍈॒ 𑌦𑌿𑌶𑌃॑ 𑌪𑍍𑌯𑌾𑌯𑌨𑍍𑌤𑍇 𑌪𑍍𑌰॒𑌜𑌾𑌪॑𑌤𑌿-𑌨𑍍𑌤𑍍𑌵𑍋॒𑌵𑍇𑌦॑ 𑌪𑍍𑌰॒𑌜𑌾𑌪॑𑌤𑌿 𑌸𑍍𑌤𑍍𑌵𑌂𑌵𑍇𑌁𑌦॒ 𑌯-𑌮𑍍𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌵𑍇𑌦॒ 𑌸 𑌪𑍁𑌣𑍍𑌯𑍋॑ 𑌭𑌵𑌤𑍍𑌯𑍇॒𑌷 𑌵𑍈 𑌛॑𑌨𑍍𑌦॒𑌸𑍍𑌯𑌃॑ 𑌪𑍍𑌰॒𑌜𑌾𑌪॑𑌤𑌿॒𑌰𑌾 𑌶𑍍𑌰𑌾॑𑌵॒𑌯𑌾-𑌽𑌸𑍍𑌤𑍁॒ 𑌶𑍍𑌰𑍗𑌷॒𑌡𑍍𑌯𑌜॒ 𑌯𑍇 𑌯𑌜𑌾॑𑌮𑌹𑍇 𑌵𑌷𑌟𑍍𑌕𑌾॒𑌰𑍋 𑌯 𑌏॒𑌵𑌂-𑌵𑍇𑌁𑌦॒ 𑌪𑍁𑌣𑍍𑌯𑍋॑ 𑌭𑌵𑌤𑌿 𑌵𑌸॒𑌨𑍍𑌤- [𑌵𑌸॒𑌨𑍍𑌤𑌮𑍍, 𑌋॒𑌤𑍂॒𑌨𑌾𑌂] 42

-𑌮𑍃॑𑌤𑍂॒𑌨𑌾-𑌮𑍍𑌪𑍍𑌰𑍀॑𑌣𑌾॒𑌮𑍀𑌤𑍍𑌯𑌾॑𑌹॒𑌰𑍍𑌤𑌵𑍋॒ 𑌵𑍈 𑌪𑍍𑌰॑𑌯𑌾॒𑌜𑌾 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿॒ 𑌤𑍇᳚-𑌽𑌸𑍍𑌮𑍈 𑌪𑍍𑌰𑍀॒𑌤𑌾 𑌯॑𑌥𑌾𑌪𑍂॒𑌰𑍍𑌵-𑌙𑍍𑌕॑𑌲𑍍𑌪𑌨𑍍𑌤𑍇॒ 𑌕𑌲𑍍𑌪॑𑌨𑍍𑌤𑍇-𑌽𑌸𑍍𑌮𑌾 𑌋॒𑌤𑌵𑍋॒ 𑌯 𑌏॒𑌵𑌂-𑌵𑍇𑌁𑌦𑌾॒𑌗𑍍𑌨𑍀𑌷𑍋𑌮॑𑌯𑍋𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॒ 𑌚𑌕𑍍𑌷𑍁॑𑌷𑍍𑌮𑌾-𑌨𑍍𑌭𑍂𑌯𑌾𑌸॒𑌮𑌿𑌤𑍍𑌯𑌾॑-𑌹𑌾॒𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾𑌂॒-𑌵𑍈𑌁 𑌯॒𑌜𑍍𑌞𑌶𑍍𑌚𑌕𑍍𑌷𑍁॑𑌷𑍍𑌮𑌾॒-𑌨𑍍𑌤𑌾𑌭𑍍𑌯𑌾॑𑌮𑍇॒𑌵 𑌚𑌕𑍍𑌷𑍁॑𑌰𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌽𑌗𑍍𑌨𑍇𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾᳚-𑌽𑌨𑍍𑌨𑌾॒𑌦𑍋 𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹𑌾॒𑌗𑍍𑌨𑌿𑌰𑍍𑌵𑍈 𑌦𑍇॒𑌵𑌾𑌨𑌾॑-𑌮𑌨𑍍𑌨𑌾॒𑌦𑌸𑍍𑌤𑍇 𑌨𑍈॒𑌵𑌾- [𑌮𑌨𑍍𑌨𑌾॒𑌦𑌸𑍍𑌤𑍇 𑌨𑍈॒𑌵𑌾, 𑌅॒𑌨𑍍𑌨𑌾𑌦𑍍𑌯॑𑌮𑌾॒𑌤𑍍𑌮𑌨𑍍] 43

-𑌽𑌨𑍍𑌨𑌾𑌦𑍍𑌯॑𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌦𑌬𑍍𑌧𑌿॑𑌰॒𑌸𑍍𑌯𑌦॑𑌬𑍍𑌧𑍋 𑌭𑍂𑌯𑌾𑌸𑌮॒𑌮𑍁-𑌨𑍍𑌦॑𑌭𑍇𑌯॒𑌮𑌿𑌤𑍍𑌯𑌾॑𑌹𑍈॒𑌤𑌯𑌾॒ 𑌵𑍈 𑌦𑌬𑍍𑌦𑍍𑌧𑍍𑌯𑌾॑ 𑌦𑍇॒𑌵𑌾 𑌅𑌸𑍁॑𑌰𑌾𑌨𑌦𑌭𑍍𑌨𑍁𑌵॒𑌨𑍍𑌤𑌯𑍈॒𑌵 𑌭𑍍𑌰𑌾𑌤𑍃॑𑌵𑍍𑌯-𑌨𑍍𑌦𑌭𑍍𑌨𑍋𑌤𑍍𑌯॒𑌗𑍍𑌨𑍀𑌷𑍋𑌮॑𑌯𑍋𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌵𑍃𑌤𑍍𑌰॒𑌹𑌾 𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹𑌾॒-𑌽𑌗𑍍𑌨𑍀𑌷𑍋𑌮𑌾᳚𑌭𑍍𑌯𑌾𑌂॒-𑌵𑌾𑌁 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌹॒𑌨𑍍𑌤𑌾𑌭𑍍𑌯𑌾॑𑌮𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑌗𑍍𑌗𑍍 𑌸𑍍𑌤𑍃𑌣𑍁𑌤 𑌇𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑍇᳚𑌨𑍍𑌦𑍍𑌰𑌿𑌯𑌾॒𑌵𑍍𑌯॑𑌨𑍍𑌨𑌾॒𑌦𑍋 𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵𑌾𑌨𑍍𑌨𑌾॒𑌦𑍋 𑌭॑𑌵॒𑌤𑍀𑌨𑍍𑌦𑍍𑌰॑𑌸𑍍𑌯𑌾॒- [𑌭॑𑌵॒𑌤𑍀𑌨𑍍𑌦𑍍𑌰॑𑌸𑍍𑌯, 𑌅॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑍇᳚𑌨𑍍𑌦𑍍𑌰𑌿𑌯𑌾॒𑌵𑍀] 44

-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑍇᳚𑌨𑍍𑌦𑍍𑌰𑌿𑌯𑌾॒𑌵𑍀 𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿 𑌮𑌹𑍇॒𑌨𑍍𑌦𑍍𑌰𑌸𑍍𑌯𑌾॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌜𑍇॒𑌮𑌾𑌨॑-𑌮𑍍𑌮𑌹𑌿॒𑌮𑌾𑌨॑-𑌙𑍍𑌗𑌮𑍇𑌯॒𑌮𑌿𑌤𑍍𑌯𑌾॑𑌹 𑌜𑍇॒𑌮𑌾𑌨॑𑌮𑍇॒𑌵 𑌮॑𑌹𑌿॒𑌮𑌾𑌨॑-𑌙𑍍𑌗𑌚𑍍𑌛𑌤𑍍𑌯॒𑌗𑍍𑌨𑍇-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾 𑌽𑌽𑌯𑍁॑𑌷𑍍𑌮𑌾𑌨𑍍. 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯॒𑌮𑌿𑌤𑍍𑌯𑌾॒-𑌹𑌾𑌯𑍁॑𑌰𑍇॒𑌵𑌾𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌪𑍍𑌰𑌤𑌿॑ 𑌯॒𑌜𑍍𑌞𑍇𑌨॑ -𑌤𑌿𑌷𑍍𑌠𑌤𑌿 ॥ 45 ॥

( 𑌪𑍍𑌰॒𑌤𑌿॒𑌷𑍍𑌠𑌾-𑌮॑𑌹𑍍𑌵॒𑌦𑌸𑍍𑌤𑍁॑-𑌵𑌿॒𑌦𑍍𑌯𑍁𑌤𑌂॑𑌵𑌁𑌸॒𑌨𑍍𑌤𑌨𑍍-𑌤𑍇𑌨𑍈॒𑌵𑍇-𑌨𑍍𑌦𑍍𑌰॑𑌸𑍍𑌯𑌾॒-𑌽𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 11)

𑌇𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒𑌸𑍍𑌪𑌰𑌿॒ 𑌹𑌵𑌾॑𑌮𑌹𑍇॒ 𑌜𑌨𑍇᳚𑌭𑍍𑌯𑌃 । 𑌅॒𑌸𑍍𑌮𑌾𑌕॑𑌮𑌸𑍍𑌤𑍁॒ 𑌕𑍇𑌵॑𑌲𑌃 ॥ 𑌇𑌨𑍍𑌦𑍍𑌰॒-𑌨𑍍𑌨𑌰𑍋॑ 𑌨𑍇॒𑌮𑌧𑌿॑𑌤𑌾 𑌹𑌵𑌨𑍍𑌤𑍇॒ 𑌯𑌤𑍍𑌪𑌾𑌰𑍍𑌯𑌾॑ 𑌯𑍁॒𑌨𑌜॑𑌤𑍇॒ 𑌧𑌿𑌯॒𑌸𑍍𑌤𑌾𑌃 । 𑌶𑍂𑌰𑍋॒ 𑌨𑍃𑌷𑌾॑𑌤𑌾॒ 𑌶𑌵॑𑌸𑌶𑍍𑌚𑌕𑌾॒𑌨 𑌆 𑌗𑍋𑌮॑𑌤𑌿 𑌵𑍍𑌰॒𑌜𑍇 𑌭॑𑌜𑌾॒ 𑌤𑍍𑌵𑌨𑍍𑌨𑌃॑ ॥ 𑌇॒𑌨𑍍𑌦𑍍𑌰𑌿॒𑌯𑌾𑌣𑌿॑ 𑌶𑌤𑌕𑍍𑌰𑌤𑍋॒ 𑌯𑌾 𑌤𑍇॒ 𑌜𑌨𑍇॑𑌷𑍁 𑌪॒𑌞𑍍𑌚𑌸𑍁॑ ॥ 𑌇𑌨𑍍𑌦𑍍𑌰॒ 𑌤𑌾𑌨𑌿॑ 𑌤॒ 𑌆 𑌵𑍃॑𑌣𑍇 ॥ 𑌅𑌨𑍁॑ 𑌤𑍇 𑌦𑌾𑌯𑌿 𑌮॒𑌹 𑌇॑𑌨𑍍𑌦𑍍𑌰𑌿॒𑌯𑌾𑌯॑ 𑌸॒𑌤𑍍𑌰𑌾 𑌤𑍇॒ 𑌵𑌿𑌶𑍍𑌵॒𑌮𑌨𑍁॑ 𑌵𑍃𑌤𑍍𑌰॒𑌹𑌤𑍍𑌯𑍇᳚ । 𑌅𑌨𑍁॑ [ ] 46

𑌕𑍍𑌷॒𑌤𑍍𑌰𑌮𑌨𑍁॒ 𑌸𑌹𑍋॑ 𑌯𑌜॒𑌤𑍍𑌰𑍇𑌨𑍍𑌦𑍍𑌰॑ 𑌦𑍇॒𑌵𑍇𑌭𑌿॒𑌰𑌨𑍁॑ 𑌤𑍇 𑌨𑍃॒𑌷𑌹𑍍𑌯𑍇᳚ ॥ 𑌆𑌯𑌸𑍍𑌮𑌿᳚𑌨𑍍-𑌥𑍍𑌸॒𑌪𑍍𑌤𑌵𑌾॑𑌸॒𑌵𑌾 𑌸𑍍𑌤𑌿𑌷𑍍𑌠॑𑌨𑍍𑌤𑌿 𑌸𑍍𑌵𑌾॒𑌰𑍁𑌹𑍋॑ 𑌯𑌥𑌾 । 𑌋𑌷𑌿॑𑌰𑍍𑌹 𑌦𑍀𑌰𑍍𑌘॒𑌶𑍍𑌰𑍁𑌤𑍍𑌤॑𑌮॒ 𑌇𑌨𑍍𑌦𑍍𑌰॑𑌸𑍍𑌯 𑌘॒𑌰𑍍𑌮𑍋 𑌅𑌤𑌿॑𑌥𑌿𑌃 ॥ 𑌆॒𑌮𑌾𑌸𑍁॑ 𑌪॒𑌕𑍍𑌵𑌮𑍈𑌰॑𑌯॒ 𑌆 𑌸𑍂𑌰𑍍𑌯𑌗𑍍𑌂॑ 𑌰𑍋𑌹𑌯𑍋 𑌦𑌿॒𑌵𑌿 । 𑌘॒𑌰𑍍𑌮-𑌨𑍍𑌨 𑌸𑌾𑌮॑-𑌨𑍍𑌤𑌪𑌤𑌾 𑌸𑍁𑌵𑍃॒𑌕𑍍𑌤𑌿𑌭𑌿॒-𑌰𑍍𑌜𑍁𑌷𑍍𑌟॒-𑌙𑍍𑌗𑌿𑌰𑍍𑌵॑𑌣𑌸𑍇॒ 𑌗𑌿𑌰𑌃॑ ॥ 𑌇𑌨𑍍𑌦𑍍𑌰॒𑌮𑌿-𑌦𑍍𑌗𑌾॒𑌥𑌿𑌨𑍋॑ 𑌬𑍃॒𑌹𑌦𑌿𑌨𑍍𑌦𑍍𑌰॑-𑌮॒𑌰𑍍𑌕𑍇𑌭𑌿॑-𑌰॒𑌰𑍍𑌕𑌿𑌣𑌃॑ । 𑌇𑌨𑍍𑌦𑍍𑌰𑌂॒-𑌵𑌾𑌁𑌣𑍀॑𑌰𑌨𑍂𑌷𑌤 ॥ 𑌗𑌾𑌯॑𑌨𑍍𑌤𑌿 𑌤𑍍𑌵𑌾 𑌗𑌾𑌯॒𑌤𑍍𑌰𑌿𑌣𑍋- [𑌗𑌾𑌯॒𑌤𑍍𑌰𑌿𑌣𑌃॑, 𑌅𑌰𑍍𑌚॑𑌨𑍍𑌤𑍍𑌯॒𑌰𑍍𑌕-𑌮॒𑌰𑍍𑌕𑌿𑌣𑌃॑ ।] 47

-𑌽𑌰𑍍𑌚॑𑌨𑍍𑌤𑍍𑌯॒𑌰𑍍𑌕-𑌮॒𑌰𑍍𑌕𑌿𑌣𑌃॑ । 𑌬𑍍𑌰॒𑌹𑍍𑌮𑌾𑌣॑𑌸𑍍𑌤𑍍𑌵𑌾 𑌶𑌤𑌕𑍍𑌰𑌤॒𑌵𑍁-𑌦𑍍𑌵॒𑌗𑍍𑌂॒𑌶-𑌮𑌿॑𑌵 𑌯𑍇𑌮𑌿𑌰𑍇 ॥ 𑌅॒𑌗𑍍𑌂॒𑌹𑍋॒𑌮𑍁𑌚𑍇॒ 𑌪𑍍𑌰 𑌭॑𑌰𑍇𑌮𑌾 𑌮𑌨𑍀॒𑌷𑌾𑌮𑍋॑𑌷𑌿𑌷𑍍𑌠॒𑌦𑌾𑌵𑌂𑌨𑍇॑ 𑌸𑍁𑌮॒𑌤𑌿-𑌙𑍍𑌗𑍃॑𑌣𑌾॒𑌨𑌾𑌃 । 𑌇॒𑌦𑌮𑌿॑𑌨𑍍𑌦𑍍𑌰॒ 𑌪𑍍𑌰𑌤𑌿॑ 𑌹॒𑌵𑍍𑌯-𑌙𑍍𑌗𑍃॑𑌭𑌾𑌯 𑌸॒𑌤𑍍𑌯𑌾-𑌸𑍍𑌸॑𑌨𑍍𑌤𑍁॒ 𑌯𑌜॑𑌮𑌾𑌨𑌸𑍍𑌯॒ 𑌕𑌾𑌮𑌾𑌃᳚ ॥ 𑌵𑌿॒𑌵𑍇𑌷॒ 𑌯𑌨𑍍𑌮𑌾॑ 𑌧𑌿॒𑌷𑌣𑌾॑ 𑌜॒𑌜𑌾𑌨॒ 𑌸𑍍𑌤𑌵𑍈॑ 𑌪𑍁॒𑌰𑌾 𑌪𑌾𑌰𑍍𑌯𑌾॒𑌦𑌿𑌨𑍍𑌦𑍍𑌰॒-𑌮𑌹𑍍𑌨𑌃॑ । 𑌅𑌗𑍍𑌂𑌹॑𑌸𑍋॒ 𑌯𑌤𑍍𑌰॑ 𑌪𑍀॒𑌪𑌰॒𑌦𑍍𑌯𑌥𑌾॑ 𑌨𑍋 𑌨𑌾॒𑌵𑍇𑌵॒ 𑌯𑌾𑌨𑍍𑌤॑ 𑌮𑍁॒𑌭𑌯𑍇॑ 𑌹𑌵𑌨𑍍𑌤𑍇 ॥ 𑌪𑍍𑌰 𑌸॒𑌮𑍍𑌰𑌾𑌜॑-𑌮𑍍𑌪𑍍𑌰𑌥॒𑌮-𑌮॑𑌦𑍍𑌧𑍍𑌵॒𑌰𑌾𑌣𑌾॑- [𑌮॑𑌦𑍍𑌧𑍍𑌵॒𑌰𑌾𑌣𑌾᳚𑌮𑍍, 𑌅॒𑌗𑍍𑌂॒𑌹𑍋॒𑌮𑍁𑌚𑌂॑] 48

-𑌮𑌗𑍍𑌂𑌹𑍋॒𑌮𑍁𑌚𑌂॑-𑌵𑍃𑌁𑌷॒𑌭𑌂-𑌯𑌁॒𑌜𑍍𑌞𑌿𑌯𑌾॑𑌨𑌾𑌮𑍍 । 𑌅॒𑌪𑌾-𑌨𑍍𑌨𑌪𑌾॑𑌤𑌮𑌶𑍍𑌵𑌿𑌨𑌾॒ 𑌹𑌯॑𑌨𑍍𑌤-𑌮॒𑌸𑍍𑌮𑌿𑌨𑍍𑌨॑𑌰 𑌇𑌨𑍍𑌦𑍍𑌰𑌿॒𑌯-𑌨𑍍𑌧॑𑌤𑍍𑌤॒𑌮𑍋𑌜𑌃॑ ॥ 𑌵𑌿 𑌨॑ 𑌇𑌨𑍍𑌦𑍍𑌰॒ 𑌮𑍃𑌧𑍋॑ 𑌜𑌹𑌿 𑌨𑍀॒𑌚𑌾 𑌯॑𑌚𑍍𑌛 𑌪𑍃𑌤𑌨𑍍𑌯॒𑌤𑌃 । 𑌅॒𑌧॒𑌸𑍍𑌪॒𑌦-𑌨𑍍𑌤𑌮𑍀᳚-𑌙𑍍𑌕𑍃𑌧𑌿॒ 𑌯𑍋 𑌅॒𑌸𑍍𑌮𑌾𑌗𑍍𑌂 𑌅॑𑌭𑌿॒𑌦𑌾𑌸॑𑌤𑌿 ॥ 𑌇𑌨𑍍𑌦𑍍𑌰॑ 𑌕𑍍𑌷॒𑌤𑍍𑌰𑌮॒𑌭𑌿 𑌵𑌾॒𑌮𑌮𑍋𑌜𑍋 𑌽𑌜𑌾॑𑌯𑌥𑌾 𑌵𑍃𑌷𑌭 𑌚𑌰𑍍𑌷𑌣𑍀॒𑌨𑌾𑌮𑍍 । 𑌅𑌪𑌾॑𑌨𑍁𑌦𑍋॒ 𑌜𑌨॑-𑌮𑌮𑌿𑌤𑍍𑌰॒𑌯𑌨𑍍𑌤॑-𑌮𑍁॒𑌰𑍁-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌅𑌕𑍃𑌣𑍋-𑌰𑍁 𑌲𑍋॒𑌕𑌮𑍍 ॥ 𑌮𑍃॒𑌗𑍋 𑌨 𑌭𑍀॒𑌮𑌃 𑌕𑍁॑𑌚॒𑌰𑍋 𑌗𑌿॑𑌰𑌿॒𑌷𑍍𑌠𑌾𑌃 𑌪॑𑌰𑌾॒𑌵𑌤 [𑌪॑𑌰𑌾॒𑌵𑌤𑌃॑, 𑌆 𑌜॑𑌗𑌾𑌮𑌾॒ 𑌪𑌰॑𑌸𑍍𑌯𑌾𑌃 ।] 49

𑌆 𑌜॑𑌗𑌾𑌮𑌾॒ 𑌪𑌰॑𑌸𑍍𑌯𑌾𑌃 । 𑌸𑍃॒𑌕𑌗𑍍𑌂 𑌸॒𑌗𑍍𑌂॒𑌶𑌾𑌯॑ 𑌪॒𑌵𑌿𑌮𑌿॑𑌨𑍍𑌦𑍍𑌰 𑌤𑌿॒𑌗𑍍𑌮𑌂-𑌵𑌿𑌁 𑌶𑌤𑍍𑌰𑍂᳚-𑌨𑍍𑌤𑌾𑌢𑌿॒ 𑌵𑌿𑌮𑍃𑌧𑍋॑ 𑌨𑍁𑌦𑌸𑍍𑌵 ॥ 𑌵𑌿 𑌶𑌤𑍍𑌰𑍂॒𑌨𑍍॒. 𑌵𑌿 𑌮𑍃𑌧𑍋॑ 𑌨𑍁𑌦॒ 𑌵𑌿𑌵𑍃॒𑌤𑍍𑌰𑌸𑍍𑌯॒ 𑌹𑌨𑍂॑ 𑌰𑍁𑌜 । 𑌵𑌿 𑌮॒𑌨𑍍𑌯𑍁𑌮𑌿॑𑌨𑍍𑌦𑍍𑌰 𑌭𑌾𑌮𑌿॒𑌤𑍋॑-𑌽𑌮𑌿𑌤𑍍𑌰॑𑌸𑍍𑌯𑌾-𑌽𑌭𑌿॒𑌦𑌾𑌸॑𑌤𑌃 ॥ 𑌤𑍍𑌰𑌾॒𑌤𑌾𑌰॒-𑌮𑌿𑌨𑍍𑌦𑍍𑌰॑-𑌮𑌵𑌿॒𑌤𑌾𑌰॒-𑌮𑌿𑌨𑍍𑌦𑍍𑌰॒𑌗𑍍𑌂॒ 𑌹𑌵𑍇॑𑌹𑌵𑍇 𑌸𑍁॒𑌹𑌵॒𑌗𑍍𑌂॒ 𑌶𑍂𑌰॒𑌮𑌿𑌨𑍍𑌦𑍍𑌰᳚𑌮𑍍 । 𑌹𑍁॒𑌵𑍇 𑌨𑍁 𑌶॒𑌕𑍍𑌰-𑌮𑍍𑌪𑍁॑𑌰𑍁𑌹𑍂॒𑌤𑌮𑌿𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌵॒𑌸𑍍𑌤𑌿 𑌨𑍋॑ 𑌮॒𑌘𑌵𑌾॑ 𑌧𑌾॒𑌤𑍍𑌵𑌿𑌨𑍍𑌦𑍍𑌰𑌃॑ ॥ 𑌮𑌾 𑌤𑍇॑ 𑌅॒𑌸𑍍𑌯𑌾𑌗𑍍𑌂 [𑌅॒𑌸𑍍𑌯𑌾𑌗𑍍𑌂, 𑌸॒𑌹॒𑌸𑌾॒𑌵॒-𑌨𑍍𑌪𑌰𑌿॑𑌷𑍍𑌟𑌾𑌵॒𑌘𑌾𑌯॑] 50

𑌸॑𑌹𑌸𑌾𑌵॒-𑌨𑍍𑌪𑌰𑌿॑𑌷𑍍𑌟𑌾𑌵॒𑌘𑌾𑌯॑ 𑌭𑍂𑌮 𑌹𑌰𑌿𑌵𑌃 𑌪𑌰𑌾॒𑌦𑍈 । 𑌤𑍍𑌰𑌾𑌯॑𑌸𑍍𑌵 𑌨𑍋 𑌽𑌵𑍃॒𑌕𑍇𑌭𑌿॒-𑌰𑍍𑌵𑌰𑍂॑𑌥𑍈॒-𑌸𑍍𑌤𑌵॑ 𑌪𑍍𑌰𑌿॒𑌯𑌾𑌸𑌃॑ 𑌸𑍂॒𑌰𑌿𑌷𑍁॑ 𑌸𑍍𑌯𑌾𑌮 ॥ 𑌅𑌨॑𑌵𑌸𑍍𑌤𑍇॒ 𑌰𑌥॒𑌮𑌶𑍍𑌵𑌾॑𑌯 𑌤𑌕𑍍𑌷॒-𑌨𑍍𑌤𑍍𑌵𑌷𑍍𑌟𑌾॒ 𑌵𑌜𑍍𑌰॑-𑌮𑍍𑌪𑍁𑌰𑍁𑌹𑍂𑌤 𑌦𑍍𑌯𑍁॒𑌮𑌨𑍍𑌤᳚𑌮𑍍 । 𑌬𑍍𑌰॒𑌹𑍍𑌮𑌾𑌣॒ 𑌇𑌨𑍍𑌦𑍍𑌰॑-𑌮𑍍𑌮॒𑌹𑌯॑𑌨𑍍𑌤𑍋 𑌅॒𑌰𑍍𑌕𑍈𑌰𑌵॑𑌰𑍍𑌧𑌯॒𑌨𑍍𑌨𑌹॑𑌯𑍇॒ 𑌹𑌨𑍍𑌤॒𑌵𑌾 𑌉॑ ॥ 𑌵𑍃𑌷𑍍𑌣𑍇॒ 𑌯-𑌤𑍍𑌤𑍇॒ 𑌵𑍃𑌷॑𑌣𑍋 𑌅॒𑌰𑍍𑌕𑌮𑌰𑍍𑌚𑌾॒𑌨𑌿𑌨𑍍𑌦𑍍𑌰॒ 𑌗𑍍𑌰𑌾𑌵𑌾॑𑌣𑍋॒ 𑌅𑌦𑌿॑𑌤𑌿-𑌸𑍍𑌸॒𑌜𑍋𑌷𑌾𑌃᳚ । 𑌅॒𑌨॒𑌶𑍍𑌵𑌾𑌸𑍋॒ 𑌯𑍇 𑌪॒𑌵𑌯𑍋॑-𑌽𑌰॒𑌥𑌾 𑌇𑌨𑍍𑌦𑍍𑌰𑍇॑𑌷𑌿𑌤𑌾 𑌅॒𑌭𑍍𑌯𑌵॑𑌰𑍍𑌤 𑌨𑍍𑌤॒ 𑌦𑌸𑍍𑌯𑍂𑌨𑍍॑ ॥ 51 ॥

(𑌵𑍃॒𑌤𑍍𑌰॒𑌹𑌤𑍍𑌯𑍇-𑌽𑌨𑍁॑-𑌗𑌾𑌯॒𑌤𑍍𑌰𑌿𑌣𑍋᳚-𑌽𑌦𑍍𑌧॒𑌰𑌾𑌣𑌾𑌂᳚-𑌪𑌰𑌾॒𑌵𑌤𑍋॒-𑌽𑌸𑍍𑌯𑌾-𑌮॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 12)

(𑌸𑌨𑍍𑌤𑍍𑌵𑌾॑ 𑌸𑌿𑌞𑍍𑌚𑌾𑌮𑌿-𑌧𑍍𑌰𑍁॒𑌵𑍋᳚-𑌽𑌸𑍍𑌯॒𑌗𑍍𑌨𑌿𑌰𑍍𑌮𑌾॑-𑌬॒𑌰𑍍॒𑌹𑌿𑌷𑍋॒-𑌽𑌹-𑌮𑌾 𑌪𑍍𑌯𑌾॑𑌯𑌤𑌾॒-𑌮𑌗॑𑌨𑍍𑌮॒-𑌯𑌥𑌾॒ 𑌵𑍈-𑌯𑍋 𑌵𑍈 𑌶𑍍𑌰॒𑌦𑍍𑌧𑌾𑌂- 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌯𑌜𑍍𑌞𑌾𑌨𑍍-𑌧𑍍𑌰𑍁॒𑌵𑍋॑-𑌽𑌸𑍀𑌤𑍍𑌯𑌾॑𑌹॒-𑌯𑍋 𑌵𑍈 𑌸॑𑌪𑍍𑌤𑌦॒𑌶-𑌮𑌿𑌨𑍍𑌦𑍍𑌰𑌂॑-𑌵𑍋𑌁॒-𑌦𑍍𑌵𑌾𑌦॑𑌶 । )

(𑌸𑌨𑍍𑌤𑍍𑌵𑌾॑-𑌬॒𑌰𑍍॒𑌹𑌿𑌷𑍋॒-𑌽𑌹𑌂𑌯𑌁𑌥𑌾॒ 𑌵𑌾-𑌏॒𑌵𑌂-𑌵𑌿𑌁॒𑌦𑍍𑌵𑌾-𑌞𑍍𑌛𑍍𑌰𑍗𑌷॑𑌟𑍍-𑌥𑍍𑌸𑌾𑌹𑌸𑌾𑌵॒-𑌨𑍍𑌨𑍇𑌕॑𑌪𑌞𑍍𑌚𑌾॒𑌶𑌤𑍍 ।)

(𑌸𑌨𑍍𑌤𑍍𑌵𑌾॑, 𑌸𑌿𑌞𑍍𑌚𑌾𑌮𑌿॒ 𑌦𑌸𑍍𑌯𑍂𑌨𑍍॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mprathamakāṇḍe ṣaṣṭhaḥ praśnaḥ - yājamānakāṇḍaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

sa-ntvā̭ siñcāmi॒ yajṷṣā pra॒jāmāyu॒rdhana̭-ñca | bṛha॒spati̭prasūto॒ yaja̭māna i॒ha mā ri̭ṣat || ājya̭masi sa॒tyama̭si sa॒tyasyāddhya̭kṣamasi ha॒vira̭si vaiśvāna॒raṃ-vai~᳚śvade॒va-mutpṷ̄taśuṣmagṃ sa॒tyaujā॒-ssaho̭-'si॒ saha̭mānamasi॒ saha॒svārā̭tī॒-ssaha̭svārātīya॒ta-ssaha̭sva॒ pṛta̭nā॒-ssaha̭sva pṛtanya॒taḥ | sa॒hasra̭vīryamasi॒ tanmā̭ ji॒nvājya॒syājya̭masi sa॒tyasya̭ sa॒tyama̭si sa॒tyāyṷ- [sa॒tyāyuḥ̭, a॒si॒ sa॒tyaśṷṣmamasi] 1

-rasi sa॒tyaśṷṣmamasi sa॒tyena̭ tvā॒-'bhi ghā̭rayāmi॒ tasya̭ te bhakṣīya pañcā॒nā-ntvā॒ vātā̭nāṃ-ya~॒ntrāya̭ dha॒rtrāya̭ gṛhṇāmi pañcā॒nā-ntva̭rtū॒nāṃ-ya~॒ntrāya̭ dha॒rtrāya̭ gṛhṇāmi pañcā॒nā-ntvā̭ di॒śāṃ-ya~॒ntrāya̭ dha॒rtrāya̭ gṛhṇāmi pañcā॒nā-ntvā̭ pañcaja॒nānāṃ᳚-ya~॒ntrāya̭ dha॒rtrāya̭ gṛhṇāmi ca॒rostvā॒ pañca̭bilasya ya॒ntrāya̭ dha॒rtrāya̭ gṛhṇāmi॒ brahma̭ṇastvā॒ teja̭se ya॒ntrāya̭ dha॒rtrāya̭ gṛhṇāmi kṣa॒trasya॒ tvauja̭se ya॒ntrāya̭ [ ] 2

dha॒rtrāya̭ gṛhṇāmi vi॒śe tvā̭ ya॒ntrāya̭ dha॒rtrāya̭ gṛhṇāmi su॒vīryā̭ya tvā gṛhṇāmi suprajā॒stvāya̭ tvā gṛhṇāmi rā॒yaspoṣā̭ya tvā gṛhṇāmi brahmavarca॒sāya̭ tvā gṛhṇāmi॒ bhūra॒smākagṃ̭ ha॒virde॒vānā̭-mā॒śiṣo॒ yaja̭mānasya de॒vānā᳚-ntvā de॒vatā᳚bhyo gṛhṇāmi॒ kāmā̭ya tvā gṛhṇāmi || 3 ||

(sa॒tyāyu॒-roja̭se ya॒ntrāya॒-traya̭strigṃśacca) (a. 1)

dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒-ndhīra॒ścettā̭ vasu॒vidu॒gro᳚-'syu॒gro̭-'hagṃ sa̭jā॒teṣṷ bhūyāsa-mu॒graścettā̭ vasu॒vida̭bhi॒-bhūra̭syabhi॒bhūra॒hagṃ sa̭jā॒teṣṷ bhūyāsamabhi॒bhūścettā̭ vasu॒vi-dyu॒najmi̭ tvā॒ brahma̭ṇā॒ daivyḙna ha॒vyāyā॒smai voḍha॒ve jā̭tavedaḥ || indhā̭nāstvā supra॒jasaḥ̭ su॒vīrā॒ jyogjī̭vema bali॒hṛto̭ va॒ya-nte᳚ || yanmḙ agne a॒sya ya॒jñasya॒ riṣyā॒- [riṣyā᳚t, dyadvā॒] 4

-dyadvā॒ skandā॒-dājya̭syo॒ta vi̭ṣṇo | tena̭ hanmi sa॒patna̭-ndurmarā॒yumaina̭-ndadhāmi॒ nir-ṛ̭tyā u॒pasthe᳚ | bhū-rbhuva॒-ssuva॒rucchṷṣmo agne॒ yaja̭mānāyaidhi॒ niśṷṣmo abhi॒dāsa̭te | agne॒ deve᳚ddha॒ manvi̭ddha॒ mandra̭ji॒hvā-ma̭rtyasya te hotarmū॒rdhannā ji̭gharmi rā॒yaspoṣā̭ya suprajā॒stvāya̭ su॒vīryā̭ya॒ mano̭-'si prājāpa॒tya-mmana̭sā mā bhū॒tenā vi̭śa॒ vāga̭syai॒ndrī sa̭patna॒kṣaya̭ṇī [ ] 5

vā॒cā me᳚ndri॒yeṇā vi̭śa vasa॒ntamṛ̭tū॒nā-mprī̭ṇāmi॒ sa mā᳚ prī॒taḥ prī̭ṇātu grī॒ṣmamṛ̭tū॒nā-mprī̭ṇāmi॒ sa mā᳚ prī॒taḥ prī̭ṇātu va॒r॒ṣā ṛ̭tū॒nā-mprī̭ṇāmi॒ tā mā᳚ prī॒tāḥ prī̭ṇantu śa॒rada̭mṛtū॒nā-mprī̭ṇāmi॒ sā mā᳚ prī॒tā prī̭ṇātu hemantaśiśi॒rāvṛ̭tū॒nā-mprī̭ṇāmi॒ tau mā᳚ prī॒tau prī̭ṇītā-ma॒gnīṣoma̭yo-ra॒ha-ndḙvaya॒jyayā॒ cakṣṷṣmā-nbhūyāsama॒gnera॒ha-ndḙvaya॒jyayā᳚-'nnā॒do bhṷ̄yāsa॒- [bhṷ̄yāsam, dabdhi̭ra॒syada̭bdho] 6

-ndabdhi̭ra॒syada̭bdho bhūyāsama॒mu-nda̭bheya-ma॒gnīṣoma̭yo-ra॒ha-ndḙvaya॒jyayā̭ vṛtra॒hā bhṷ̄yāsamindrāgni॒yora॒ha-ndḙvaya॒jyaye᳚ndriyā॒vya̭nnā॒do bhṷ̄yāsa॒mindra̭syā॒-'ha-ndḙvaya॒jyaye᳚ndriyā॒vī bhṷ̄yāsa-mmahe॒ndrasyā॒-'ha-ndḙvaya॒jyayā̭ je॒māna̭-mmahi॒māna̭-ṅgameyama॒gne-ssvi̭ṣṭa॒kṛto॒-'ha-ndḙvaya॒jyayā ''yṷṣmān. ya॒jñena̭ prati॒ṣṭhā-ṅga̭meyam || 7 ||

(riṣyā᳚-thsapatna॒kṣaya̭ṇya-nnā॒do bhṷ̄yāsa॒gṃ॒-ṣaṭtrigṃ̭śacca) (a. 2)

a॒gnirmā॒ duri̭ṣṭā-tpātu savi॒tā-'ghaśagṃ̭sā॒dyo me-'nti̭ dū॒rḙ-'rātī॒yati॒ tame॒tena̭ jeṣa॒gṃ॒ surṷ̄pavarṣavarṇa॒ ehī॒mā-nbha॒drā-nduryāgṃ̭ a॒bhyehi॒ māmanṷvratā॒ nyṷ śī॒r॒ṣāṇi̭ mṛḍhva॒miḍa॒ ehyadi̭ta॒ ehi॒ sara̭sva॒tyehi॒ ranti̭rasi॒ rama̭tirasi sū॒narya̭si॒ juṣṭe॒ juṣṭi̭-nte-'śī॒yopa̭hūta upaha॒va- [upaha॒vam, te॒-'śī॒ya॒ sā ] 8

-ntḙ-'śīya॒ sā mḙ sa॒tyā-''śīra॒sya ya॒jñasya̭ bhūyā॒darḙḍatā॒ mana̭sā॒ taccha̭keyaṃ-ya~॒jño divagṃ̭ rohatu ya॒jño diva̭-ṅgacchatu॒ yo dḙva॒yānaḥ॒ panthā॒stena̭ ya॒jño de॒vāgṃ apye᳚tva॒smāsvindra̭ indri॒ya-nda̭dhātva॒smānrāya̭ u॒ta ya॒jñā-ssa̭cantāma॒smāsṷ santvā॒śiṣa॒-ssā naḥ̭ pri॒yā su॒pratū᳚rtirma॒ghonī॒ juṣṭi̭rasi ju॒ṣasva̭ no॒ juṣṭā̭ no- [juṣṭā̭ naḥ, a॒si॒ juṣṭi̭-nte] 9

-'si॒ juṣṭi̭-nte gameya॒-mmano॒ jyoti̭-rjuṣatā॒mājyaṃ॒-vi~cchi̭nnaṃ-ya~॒jñagṃ sami॒ma-nda̭dhātu | bṛha॒spati̭-stanutāmi॒manno॒ viśvḙ de॒vā i॒ha mā̭dayantām || braddhna॒ pinva̭sva॒ dada̭to me॒ mā kṣā̭yi kurva॒to me॒ mopa̭ dasa-tpra॒jāpa̭te-rbhā॒go᳚-'syūrja̭svā॒-npaya̭svā-nprāṇāpā॒nau mḙ pāhi samānavyā॒nau mḙ pāhyudānavyā॒nau mḙ pā॒hyakṣi̭to॒-'syakṣi̭tyai tvā॒ mā me᳚ kṣeṣṭhā a॒mutrā॒muṣmi̭n ~lo॒ke || 10 ||

(u॒pa॒ha॒vaṃ-juṣṭā̭na-stvā॒ ṣaṭ ca̭) (a. 3)

ba॒r॒hiṣo॒-'ha-ndḙvaya॒jyayā᳚ pra॒jāvā᳚-nbhūyāsa॒-nnarā॒śagṃsa̭syā॒ha-ndḙvaya॒jyayā̭ paśu॒mā-nbhṷ̄yāsama॒gne-ssvi̭ṣṭa॒kṛto॒-'ha-ndḙvaya॒jyayā-''yṷṣmān. ya॒jñena̭ prati॒ṣṭhā-ṅga̭meyama॒gnera॒ha-mujji̭ti॒-manūjjḙṣa॒gṃ॒ soma̭syā॒ha - mujji̭ti॒-manūjjḙṣama॒gnera॒ha-mujji̭ti॒-manūjjḙṣa-ma॒gnīṣoma̭yora॒ha-mujji̭ti॒-manūjjḙṣa-mindrāgni॒yora॒ha-mujji̭ti॒-manūjjḙṣa॒-mindra̭syā॒-'ha- [-mindra̭syā॒-'ham, ujji̭ti॒manūjjḙṣaṃ] 11

-mujji̭ti॒manūjjḙṣa-mmahe॒ndrasyā॒hamujji̭ti॒- manūjjḙṣama॒gne-ssvi̭ṣṭa॒kṛto॒-'ha mujji̭ti॒-manūjjḙṣaṃ॒-vā~ja̭sya mā prasa॒veno᳚-dgrā॒bheṇoda̭grabhīt | athā̭ sa॒patnā॒gṃ॒ indro̭ me nigrā॒bheṇādha̭rāgṃ akaḥ || u॒dgrā॒bha-ñca̭ nigrā॒bha-ñca॒ brahma̭ de॒vā a̭vīvṛdhann | athā̭ sa॒patnā̭nindrā॒gnī mḙ viṣū॒cīnā॒n vya̭syatām || emā a̭gmannā॒śiṣo॒ doha̭kāmā॒ indra̭vanto [indra̭vantaḥ, va॒nā॒ma॒he॒ dhu॒kṣī॒mahi̭] 12

vanāmahe dhukṣī॒mahi̭ pra॒jāmiṣa᳚m || rohi̭tena tvā॒-'gni-rde॒vatā᳚-ṅgamayatu॒ hari̭bhyā॒-ntvendro̭ de॒vatā᳚-ṅgamaya॒tveta̭śena tvā॒ sūryo̭ de॒vatā᳚-ṅgamayatu॒ vi tḙ muñcāmi raśa॒nā vi ra॒śmīn vi yoktrā॒ yāni̭ pari॒carta̭nāni dha॒ttāda॒smāsu॒ dravi̭ṇaṃ॒-ya~cca̭ bha॒dra-mpra ṇo᳚ brūtā-dbhāga॒dhā-nde॒vatā̭su || viṣṇo᳚-śśaṃ॒yo~ra॒ha-ndḙvaya॒jyayā̭ ya॒jñena̭ prati॒ṣṭhā-ṅga̭meya॒gṃ॒ soma̭syā॒ha-ndḙvaya॒jyayā̭ [dḙvaya॒jyayā᳚, su॒retā॒] 13

su॒retā॒ reto̭ dhiṣīya॒ tvaṣṭṷra॒ha-ndḙvaya॒jyayā̭ paśū॒nāgṃ rū॒pa-mpṷṣeya-nde॒vānā॒-mpatnī̭ra॒gni-rgṛ॒hapa̭ti-rya॒jñasya̭ mithu॒na-ntayo̭ra॒ha-ndḙvaya॒jyayā̭ mithu॒nena॒ prabhṷ̄yāsaṃ-ve~॒do̭-'si॒ vitti̭rasi vi॒deya॒ karmā̭-'si ka॒ruṇa̭masi kri॒yāsagṃ̭ sa॒nira̭si sani॒tā-'si̭ sa॒neya̭-ṅghṛ॒tava̭nta-ṅkulā॒yinagṃ̭ rā॒yaspoṣagṃ̭ saha॒sriṇaṃ̭-ve~॒do da̭dātu vā॒jina᳚m || 14 ||

(indra̭syā॒ha-mindra̭vantaḥ॒-soma̭syā॒ha-ndḙvaya॒jyayā॒-catṷścatvārigṃśacca) (a. 4)

ā pyā̭yatā-ndhru॒vā ghṛ॒tena̭ ya॒jñaṃya~̭jña॒-mprati̭ deva॒yadbhyaḥ̭ | sū॒ryāyā॒ ūdho-'di̭tyā u॒pastha̭ u॒rudhā̭rā pṛthi॒vī ya॒jñe a॒sminn || pra॒jāpa̭te-rvi॒bhānnāma̭ lo॒kastasmigg̭stvā dadhāmi sa॒ha yaja̭mānena॒ sada̭si॒ sanmḙ bhūyā॒-ssarva̭masi॒ sarva̭-mme bhūyāḥ pū॒rṇama̭si pū॒rṇa-mmḙ bhūyā॒ akṣi̭tamasi॒ mā me᳚ kṣeṣṭhāḥ॒ prācyā᳚-ndi॒śi de॒vā ṛ॒tvijo̭ mārjayantā॒-ndakṣi̭ṇāyā- [dakṣi̭ṇāyām, di॒śi] 15

ndi॒śi māsāḥ᳚ pi॒taro̭ mārjayantā-mpra॒tīcyā᳚-ndi॒śi gṛ॒hāḥ pa॒śavo̭ mārjayantā॒mudī᳚cyā-ndi॒śyāpa॒ oṣa̭dhayo॒ vana॒spata̭yo mārjayantāmū॒rdhvāyā᳚-ndi॒śi ya॒jña-ssaṃ̭va~thsa॒ro ya॒jñapa̭ti-rmārjayantāṃ॒-vi~ṣṇoḥ॒ kramo᳚-'syabhimāti॒hā gā̭ya॒treṇa॒ chanda̭sā pṛthi॒vīmanu॒ vi kra̭me॒ nirbha̭kta॒-ssa ya-ndvi॒ṣmo viṣṇoḥ॒ kramo᳚-'syabhiśasti॒hā traiṣṭṷbhena॒ chanda̭sā॒ 'ntari̭kṣa॒manu॒ vi kra̭me॒ nirbha̭kta॒-ssa ya-ndvi॒ṣmo viṣṇoḥ॒ kramo᳚-'syarātīya॒to ha॒ntā jāga̭tena॒ chanda̭sā॒ diva॒manu॒ vi kra̭me॒ nirbha̭kta॒-ssa ya-ndvi॒ṣmo viṣṇoḥ॒ kramo̭-'si śatrūya॒to ha॒ntā-''nṷṣṭubhena॒ chanda̭sā॒ diśo-'nu॒ vi kra̭me॒ nirbha̭kta॒-ssa ya-ndvi॒ṣmaḥ || 16 ||

(dakṣi̭ṇāyā - ma॒ntari̭kṣa॒manu॒ vi kra̭me॒ nirbha̭kta॒-ssa ya-ndvi॒ṣmo viṣṇo॒- rekā॒nnatri॒gṃ॒śacca̭) (a. 5)

aga̭nma॒ suva॒-ssuva̭raganma sa॒ndṛśa̭ste॒ mā chi̭thsi॒ yatte॒ tapa॒stasmai̭ te॒ mā-'' vṛ̭kṣi su॒bhūra̭si॒ śreṣṭho̭ raśmī॒nāmā̭yu॒rdhā a॒syāyṷrme dhehi varco॒dhā a̭si॒ varco॒ mayi̭ dhehī॒dama॒hama॒mu-mbhrātṛ̭vyamā॒bhyo di॒gbhyo᳚-'syai di॒vo᳚-'smāda॒ntari̭kṣāda॒syai pṛ̭thi॒vyā a॒smāda॒nnādyā॒nnirbha̭jāmi॒ nirbha̭kta॒-ssa ya-ndvi॒ṣmaḥ || 17 ||

sa-ñjyoti̭ṣā-'bhūvamai॒ndrī-mā॒vṛta̭-ma॒nvāva̭rte॒ sama॒ha-mpra॒jayā॒ sa-mmayā᳚ pra॒jā sama॒hagṃ rā॒yaspoṣḙṇa॒ sa-mmayā̭ rā॒yaspoṣa॒-ssami̭ddho agne me dīdihi same॒ddhā tḙ agne dīdyāsaṃ॒-va~sṷmān. ya॒jño vasī̭yā-nbhūyāsa॒magna॒ āyūgṃ̭ṣi pavasa॒ ā su॒vorja॒miṣa̭-ñca naḥ | ā॒re bā̭dhasva du॒cchunā᳚m || agne॒ pava̭sva॒ svapā̭ a॒sme varcaḥ̭ su॒vīrya᳚m || 18 ||

dadha॒tpoṣagṃ̭ ra॒yi-mmayi̭ | agnḙ gṛhapate sugṛhapa॒tira॒ha-ntvayā̭ gṛ॒hapa̭tinā bhūyāsagṃ sugṛhapa॒tirmayā॒ tva-ṅgṛ॒hapa̭tinā bhūyā-śśa॒tagṃ himā॒stāmā॒śiṣa॒mā śā̭se॒ tanta̭ve॒ jyoti̭ṣmatī॒-ntāmā॒śiṣa॒mā śā̭se॒-'muṣmai॒ jyoti̭ṣmatī॒-ṅkastvā̭ yunakti॒ sa tvā॒ vimṷñca॒tvagne᳚ vratapate vra॒tama̭cāriṣa॒-ntada̭śaka॒-ntanmḙ-'rādhi ya॒jño ba̭bhūva॒ sa ā [sa ā, ba॒bhū॒va॒ sa] 19

ba̭bhūva॒ sa praja̭jñe॒ sa vā̭vṛdhe | sa de॒vānā॒madhi̭pati-rbabhūva॒ so a॒smāgṃ adhi̭patīn karotu va॒yagg syā̭ma॒ pata̭yo rayī॒ṇām || gomāgṃ̭ a॒gne-'vi̭māgṃ a॒śvī ya॒jño nṛ॒vathsa̭khā॒ sada॒mida̭pramṛ॒ṣyaḥ |iḍā̭vāgṃ e॒ṣo a̭sura pra॒jāvā᳚-ndī॒rgho ra॒yiḥ pṛ̭thubu॒ddhna-ssa॒bhāvāṋ || 20 ||

(dvi॒ṣmaḥ-su॒vīrya॒gṃ॒-sa ā-pañca̭trigṃśacca) (a. 6)

yathā॒ vai sa̭mṛtaso॒mā e॒vaṃ-vā~ e॒te sa̭mṛtaya॒jñā yadda̭rśapūrṇamā॒sau kasya॒ vā-'ha̭ de॒vā ya॒jñamā॒gaccha̭nti॒ kasya̭ vā॒ na ba̭hū॒nāṃ-ya~ja̭mānānāṃ॒-yo~ vai de॒vatāḥ॒ pūrvaḥ̭ parigṛ॒hṇāti॒ sa ḙnā॒-śśvo bhū॒te ya̭jata e॒tadvai de॒vānā̭-mā॒yata̭naṃ॒-ya~dā̭hava॒nīyo᳚-'nta॒rā-'gnī pa̭śū॒nā-ṅgārha̭patyo manu॒ṣyā̭ṇā-manvāhārya॒paca̭naḥ pitṛ॒ṇāma॒gni-ṅgṛ̭hṇāti॒ sva e॒vāyata̭ne de॒vatāḥ॒ pari̭ [de॒vatāḥ॒ pari̭, gṛ॒hṇā॒ti॒ tā-śśvo] 21

gṛhṇāti॒ tā-śśvo bhū॒te ya̭jate vra॒tena॒ vai meddhyo॒ -'gni-rvra॒tapa̭ti-rbrāhma॒ṇo vra̭ta॒bhṛ-dvra॒ta-mṷpai॒ṣya-nbrṷ̄yā॒dagne᳚ vratapate vra॒ta-ñca̭riṣyā॒mītya॒gni-rvai de॒vānāṃ᳚-vra~॒tapa̭ti॒stasmā̭ e॒va pra̭ti॒procya̭ vra॒tamā la̭bhate ba॒r॒hiṣā̭ pū॒rṇamā̭se vra॒tamupai̭ti va॒thsaira̭māvā॒syā̭yāme॒taddhyḙtayo̭-rā॒yata̭namupa॒stīryaḥ॒ pūrva̭ścā॒gnirapa̭ra॒ścetyā̭hu-rmanu॒ṣyā̭ [-rmanu॒ṣyāḥ᳚, innvā] 22

innvā upa̭stīrṇa-mi॒cchanti॒ kimṷ de॒vā yeṣā॒-nnavā̭vasāna॒-mupā᳚smi॒ñchvo ya॒kṣyamā̭ṇe de॒vatā̭ vasanti॒ ya e॒vaṃ-vi~॒dvāna॒gni-mṷpastṛ॒ṇāti॒ yaja̭mānena grā॒myāśca̭ pa॒śavo̭-'va॒ruddhyā̭ āra॒ṇyāścetyā̭hu॒-rya-dgrā॒myānṷpa॒vasa̭ti॒ tena̭ grā॒myānava̭ rundhe॒ yadā̭ra॒ṇyasyā॒-'śñāti॒ tenā̭ra॒ṇyān. yadanā᳚śvā-nupa॒vase᳚-tpitṛdeva॒tyaḥ̭ syādāra॒ṇyasyā᳚-śñātīndri॒yaṃ- [śñātīndri॒yam, vā ā̭ra॒ṇyaṃ-] 23

-~vā ā̭ra॒ṇya-mi̭ndri॒ya-me॒vā-''tma-ndha̭tte॒ yadanā᳚śvā-nupa॒vase॒-tkṣodhṷka-ssyā॒dya-da̭śñī॒yādru॒-dro᳚-'sya pa॒śūna॒bhi ma̭nyetā॒-'po᳚-'śñāti॒ tannevā̭śi॒ta-nnevā-'na̭śita॒-nna kṣodhṷko॒ bhava̭ti॒ nāsya̭ ru॒draḥ pa॒śūna॒bhi ma̭nyate॒ vajro॒ vai ya॒jñaḥ, kṣu-tkhalu॒ vai ma̭nu॒ṣya̭sya॒ bhrātṛ̭vyo॒ yadanā᳚-'śvānupa॒vasa̭ti॒ vajrḙṇai॒va sā॒kṣā-tkṣudha॒-mbhrātṛ̭vyagṃ hanti || 24 ||

(pari̭-manu॒ṣyā̭-indri॒yagṃ-sā॒kṣāt-trīṇi̭ ca) (a. 7)

yo vai śra॒ddhāmanā̭rabhya ya॒jñena॒ yaja̭te॒ nāsye॒ṣṭāya॒ śradda̭dhate॒-'paḥ pra ṇa̭yati śra॒ddhā vā āpaḥ̭ śra॒ddhāme॒vā-''rabhya̭ ya॒jñena̭ yajata u॒bhaye᳚-'sya devamanu॒ṣyā i॒ṣṭāya॒ śradda̭dhate॒ tadā̭hu॒rati॒ vā e॒tā vartra̭-nneda॒ntyati॒ vāca॒-mmano॒ vāvaitā nāti̭ neda॒ntīti॒ mana̭sā॒ pra ṇa̭yatī॒yaṃ-vai~ mano॒- [manaḥ̭, a॒nayai॒vaināḥ॒] 25

-'nayai॒vaināḥ॒ pra ṇa̭ya॒tya-ska̭nnahavi-rbhavati॒ ya e॒vaṃ-ve~da̭ yajñāyu॒dhāni॒ sa-mbha̭rati ya॒jño vai ya̭jñāyu॒dhāni̭ ya॒jñame॒va tathsa-mbha̭rati॒ yadeka̭mekagṃ sa॒mbhare᳚t-pitṛdeva॒tyā̭ni syu॒rya-thsa॒ha sarvā̭ṇi mānu॒ṣāṇi॒ dvedve॒ sambha̭rati yājyānuvā॒kya̭yore॒va rū॒pa-ṅka̭ro॒tyatho̭ mithu॒name॒vayo vai daśa̭ yajñāyu॒dhāni॒ veda̭ mukha॒to᳚-'sya ya॒jñaḥ ka̭lpate॒ sphya- [ka̭lpate॒ sphyaḥ, ca॒ ka॒pālā̭ni] 26

-śca̭ ka॒pālā̭ni cāgnihotra॒hava̭ṇī ca॒ śūrpa̭-ñca kṛṣṇāji॒na-ñca॒ śamyā̭ co॒lūkha̭la-ñca॒ musa̭la-ñca dṛ॒ṣaccopa̭lā cai॒tāni॒ vai daśa̭ yajñāyu॒dhāni॒ ya e॒vaṃ-ve~da̭ mukha॒to᳚-'sya ya॒jñaḥ ka̭lpate॒ yo vai de॒vebhyaḥ̭ prati॒procya̭ ya॒jñena॒ yaja̭te ju॒ṣante᳚-'sya de॒vā ha॒vyagṃ ha॒vi-rni̭ru॒pyamā̭ṇama॒bhi ma̭ntrayetā॒-'gnigṃ hotā̭rami॒ha tagṃ hṷva॒ iti̭ [ ] 27

de॒vebhya̭ e॒va pra̭ti॒procya̭ ya॒jñena̭ yajate ju॒ṣante᳚-'sya de॒vā ha॒vyame॒ṣa vai ya॒jñasya॒ graho̭ gṛhī॒tvaiva ya॒jñena̭ yajate॒ tadṷdi॒tvā vācaṃ̭-ya~cchati ya॒jñasya॒ dhṛtyā॒ atho॒ mana̭sā॒ vai pra॒jāpa̭ti-rya॒jñama̭tanuta॒ mana̭sai॒va ta-dya॒jña-nta̭nute॒ rakṣa̭sā॒-mana̭nvavacārāya॒ yo vai ya॒jñaṃ-yo~ga॒ āga̭te yu॒nakti̭ yu॒ṅkte yṷñjā॒neṣu॒ kastvā̭ yunakti॒ sa tvā̭ yuna॒ktvi-( ) -tyā̭ha pra॒jāpa̭ti॒-rvai kaḥ pra॒jāpa̭tinai॒vainaṃ̭-yu~nakti yu॒ṅkte yṷñjā॒neṣṷ || 28 ||

(vaima॒naḥ-sphya-iti̭-yuna॒ktve-kā̭daśa ca) (a. 8)

pra॒jāpa̭ti-rya॒jñāna̭sṛjatā-gniho॒tra-ñcā᳚gniṣṭo॒ma-ñca̭ paurṇamā॒sī-ñco॒kthya̭-ñcāmāvā॒syā᳚-ñcātirā॒tra-ñca॒ tānuda̭mimīta॒ yāva̭dagniho॒tra-māsī॒-ttāvā̭nagniṣṭo॒mo yāva̭tī paurṇamā॒sī tāvā̭nu॒kthyo̭ yāva̭tyamāvā॒syā̭ tāvā̭natirā॒tro ya e॒vaṃ-vi~॒dvāna̭gniho॒tra-ñju॒hoti॒ yāva̭dagniṣṭo॒meno̭ pā॒pnoti॒ tāva॒dupā᳚-''pnoti॒ ya e॒vaṃ-vi~॒dvā-npau᳚rṇamā॒sīṃ-ya~ja̭te॒ yāva̭du॒kthyḙnopā॒pnoti॒ [yāva̭du॒kthyḙnopā॒pnoti̭, tāva॒dupā᳚-''pnoti॒] 29

tāva॒dupā᳚-''pnoti॒ ya e॒vaṃ-vi~॒dvāna̭māvā॒syāṃ᳚-ya~ja̭te॒ yāva̭datirā॒treṇo̭pā॒pnoti॒ tāva॒dupā᳚-''pnoti parame॒ṣṭhino॒ vā e॒ṣa ya॒jño-'gra̭ āsī॒-ttena॒ sa pa̭ra॒mā-ṅkāṣṭhā̭magaccha॒-ttena̭ pra॒jāpa̭ti-nni॒ravā̭sāyaya॒-ttena̭ pra॒jāpa̭tiḥ para॒mā-ṅkāṣṭhā̭magaccha॒-ttenendra̭-nni॒ravā̭sāyaya॒-ttenendraḥ̭ para॒mā-ṅkāṣṭhā̭magaccha॒-ttenā॒-'gnīṣomaṷ ni॒ravā̭sāyaya॒-ttenā॒gnīṣomaṷ pa॒ramā-ṅkāṣṭhā̭magacchatāṃ॒-ya~ [kāṣṭhā̭magacchatāṃ॒-yaḥ, ~e॒vaṃ-vi~॒dvā-nda̭rśapūrṇamā॒sau] 30

e॒vaṃ-vi~॒dvā-nda̭rśapūrṇamā॒sau yaja̭te para॒māme॒va kāṣṭhā᳚-ṅgacchati॒ yo vai prajā̭tena ya॒jñena॒ yaja̭te॒ pra pra॒jayā̭ pa॒śubhi̭-rmithu॒nai-rjā̭yate॒ dvāda̭śa॒ māsā᳚-ssaṃva~thsa॒ro dvāda̭śa dva॒ndvāni̭ darśapūrṇamā॒sayo॒stāni̭ sa॒mpādyā॒nītyā̭hu-rva॒thsa-ñco̭pāvasṛ॒jatyu॒khā-ñcādhi̭ śraya॒tyava̭ ca॒ hanti̭ dṛ॒ṣadaṷ ca sa॒māha॒ntyadhi̭ ca॒ vapa̭te ka॒pālā̭ni॒ copa̭ dadhāti puro॒ḍāśa̭-ñcā- [puro॒ḍāśa̭-ñca, a॒dhi॒śraya॒tyājya̭-ñca] 31

-'dhi॒śraya॒tyājya̭-ñca stambaya॒juśca॒ hara̭tya॒bhi ca̭ gṛhṇāti॒ vedi̭-ñca pari gṛ॒hṇāti॒ patnī᳚-ñca॒ sanna̭hyati॒ prokṣa̭ṇīścā ''sā॒daya॒tyājya̭-ñcai॒tāni॒ vai dvāda̭śa dva॒ndvāni̭ darśapūrṇamā॒sayo॒stāni॒ ya e॒vagṃ sa॒mpādya॒ yaja̭te॒ prajā̭tenai॒va ya॒jñena̭ yajate॒ pra pra॒jayā̭ pa॒śubhi̭-rmithu॒nai-rjā̭yate || 32 ||

(u॒kthyḙnopā॒pnotya̭-gacchatāṃ॒-yaḥ ~- pṷro॒ḍāśaṃ̭-catvāri॒gṃ॒śacca̭) (a. 9)

dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒mityā̭ha dhru॒vāne॒vainā᳚n kuruta u॒gro᳚-'syu॒gro̭-'hagṃ sa̭jā॒teṣṷ bhūyāsa॒-mityā॒hāpra̭tivādina e॒vainā᳚n kurute-'bhi॒bhūra̭syabhi॒bhūra॒hagṃ sa̭jā॒teṣṷ bhūyāsa॒mityā̭ha॒ ya e॒vaina̭-mpratyu॒tpipī̭te॒ tamupā᳚syate yu॒najmi̭ tvā॒ brahma̭ṇā॒ daivye॒netyā̭hai॒ṣa vāa॒gneryoga॒stenai॒ - [vāa॒gneryoga॒stena̭, e॒vainaṃ̭-yu~nakti] 33

vainaṃ̭-yu~nakti ya॒jñasya॒ vai samṛ̭ddhena de॒vā-ssṷva॒rgaṃ-lo~॒kamā̭yan. ya॒jñasya॒ vyṛ̭ddhe॒nāsṷrā॒-nparā̭bhāvaya॒n. yanmḙ agne a॒sya ya॒jñasya॒ riṣyā॒dityā̭ha ya॒jñasyai॒va tathsamṛ̭ddhena॒ yaja̭māna-ssuva॒rgaṃ-lo~॒kamḙti ya॒jñasya॒ vyṛ̭ddhena॒ bhrātṛ̭vyā॒-nparā̭ bhāvayatyagniho॒tra-me॒tābhi॒-rvyāhṛ̭tībhi॒rupa̭ sādayedyajñamu॒khaṃ-vā~ a̭gniho॒tra-mbrahmai॒tā vyāhṛ̭tayo yajñamu॒kha e॒va brahma̭ - [brahma̭, ku॒ru॒te॒ saṃ॒va~॒thsa॒re] 34

kurute saṃva~thsa॒re pa॒ryāga̭ta e॒tābhi̭re॒vopa̭ sādaye॒-dbrahma̭ṇai॒vobha॒yataḥ̭ saṃva~thsa॒ra-mpari̭ gṛhṇāti darśapūrṇamā॒sau cā̭turmā॒syānyā॒labha̭māna e॒tābhi॒-rvyāhṛ̭tībhir-ha॒vīgṣyāsā̭daye-dyajñamu॒khaṃ-vai~ da̭rśapūrṇamā॒sau cā̭turmā॒syāni॒ brahmai॒tā vyāhṛ̭tayo yajñamu॒kha e॒va brahma̭ kurute saṃva~thsa॒re pa॒ryāga̭ta e॒tābhi̭re॒vāsā̭daye॒-dbrahma̭ṇai॒vobha॒yataḥ̭ saṃva~thsa॒ra-mpari̭gṛhṇāti॒ yadvai ya॒jñasya॒ sāmnā᳚ kri॒yatḙ rā॒ṣṭraṃ- [rā॒ṣṭram, ya॒jñasyā॒-śīrga̭cchati॒] 35

-~ya॒jñasyā॒-śīrga̭cchati॒ yadṛ॒cā viśaṃ̭-ya~॒jñasyā॒- śīrga̭ccha॒tyatha̭ brāhma॒ṇo̭-'nā॒śīrkḙṇa ya॒jñena̭ yajate sāmidhe॒nī-ra̭nuva॒kṣyanne॒tā vyāhṛ̭tīḥ pu॒rastā᳚ddaddhyā॒-dbrahmai॒va pra̭ti॒pada̭-ṅkurute॒ tathā᳚ brāhma॒ṇa-ssāśī᳚rkeṇa ya॒jñena̭ yajate॒ ya-ṅkā॒mayḙta॒ yaja̭māna॒-mbhrātṛ̭vyamasya ya॒jñasyā॒śīrga̭cche॒diti॒ tasyai॒tā vyāhṛ̭tīḥ puronuvā॒kyā̭yā-ndaddhyā-dbhrātṛvyadeva॒tyā̭ vai pṷronuvā॒kyā᳚ bhrātṛ̭vyame॒vāsya̭ ya॒jñasyā॒-[ya॒jñasyā̭, ā॒śīrga̭cchati॒] 36

-''śīrga̭cchati॒ yān kā॒mayḙta॒ yaja̭mānān-thsa॒māva̭tyenān ya॒jñasyā॒ ''śīrga̭cche॒diti॒ teṣā̭me॒tā vyāhṛ̭tīḥ puronuvā॒kyā̭yā ardha॒rca ekā᳚-ndaddhyā-dyā॒jyā̭yai pu॒rastā॒dekāṃ᳚-yā~॒jyā̭yā ardha॒rca ekā॒-ntathai̭nān-thsa॒māva̭tī ya॒jñasyā॒ ''śīrga̭cchati॒ yathā॒ vai pa॒rjanya॒-ssuvṛ̭ṣṭaṃ॒-va~rṣa̭tye॒vaṃ-ya~॒jño yaja̭mānāya varṣati॒ sthala̭yoda॒ka-mpa̭rigṛ॒hṇantyā॒śiṣā̭ ya॒jñaṃ-ya~ja̭mānaḥ॒ pari̭ gṛhṇāti॒ mano̭-'si prājāpa॒tyaṃ- [prājāpa॒tyam, mana̭sā] 37

-mana̭sā mā bhū॒tenā-''vi॒śetyā̭ha॒ mano॒ vai prā̭jāpa॒tya-mprā̭jāpa॒tyo ya॒jño mana̭ e॒va ya॒jñamā॒tma-ndha̭tte॒ vāga̭syai॒ndrī sa̭patna॒kṣaya̭ṇī vā॒cā me᳚ndri॒yeṇā-''vi॒śetyā̭hai॒ndrī vai vāgvāca̭-me॒vaindrī- mā॒tma-ndha̭tte || 38 ||

(tenai॒-va brahma̭- rā॒ṣṭrame॒-vāsya̭ ya॒jñasya̭-prājāpa॒tyagṃ-ṣaṭtrigṃ̭śacca) (a. 10)

yo vai sa̭ptada॒śa-mpra॒jāpa̭tiṃ-ya~॒jñama॒nvāya̭ttaṃ॒-ve~da॒ prati̭ ya॒jñena̭ tiṣṭhati॒ na ya॒jñā-dbhragṃ̭śata॒ ā śrā̭va॒yeti॒ catṷrakṣara॒mastu॒ śrauṣa॒ḍiti॒ catṷrakṣaraṃ॒-ya~jeti॒ dvya̭kṣaraṃ॒-ye~ yajā̭maha॒ iti॒ pañcā᳚kṣara-ndvyakṣa॒ro va̭ṣaṭkā॒ra e॒ṣa vai sa̭ptada॒śaḥ pra॒jāpa̭ti-rya॒jñama॒nvāya̭tto॒ ya e॒vaṃ-ve~da॒ prati̭ ya॒jñena̭ tiṣṭhati॒ na ya॒jñād- bhragṃ̭śate॒ yo vai ya॒jñasya॒ prāya̭ṇa-mprati॒ṣṭhā- [prati॒ṣṭhām, u॒daya̭naṃ॒-ve~da॒] 39

mu॒daya̭naṃ॒-ve~da॒ prati̭ṣṭhite॒nāri̭ṣṭena ya॒jñena̭ sa॒gg॒sthā-ṅga̭ccha॒tyāśrā̭va॒yāstu॒ śrauṣa॒ḍyaja॒ ye yajā̭mahe vaṣaṭkā॒ra e॒tadvai ya॒jñasya॒ prāya̭ṇame॒ṣā pra̭ti॒ṣṭhaitadu॒daya̭naṃ॒-ya~ e॒vaṃ-ve~da॒ prati̭ṣṭhite॒nā-'ri̭ṣṭena ya॒jñena̭ sa॒gg॒sthā-ṅga̭cchati॒ yo vai sū॒nṛtā̭yai॒ dohaṃ॒-ve~da̭ du॒ha e॒vaināṃ᳚-ya~॒jño vai sū॒nṛtā '' śrā̭va॒yetyaivainā̭-mahva॒dastu॒ [-mahva॒dastṷ, śrauṣa॒ḍityu॒pāvā᳚srā॒-] 40

śrauṣa॒ḍityu॒pāvā᳚srā॒-gyajetyuda̭naiṣī॒dye yajā̭maha॒ ityupā̭-'sada-dvaṣaṭkā॒reṇa̭ dogddhye॒ṣa vai sū॒nṛtā̭yai॒ doho॒ ya e॒vaṃ-ve~da̭ du॒ha e॒vainā᳚-nde॒vā vai sa॒tramā̭sata॒ teṣā॒-ndiśo̭-'dasya॒nta e॒tāmā॒rdrā-mpa॒ṅktima̭paśya॒nnā śrā̭va॒yeti̭ purovā॒ta-ma̭janaya॒nnastu॒ śrauṣa॒ḍitya॒bhragṃ sama̭plāvaya॒n॒. yajeti̭ vi॒dyuta̭- [vi॒dyuta̭m, a॒ja॒na॒ya॒n॒ ye] 41

majanaya॒n॒ ye yajā̭maha॒ iti॒ prāva̭rṣayanna॒bhya̭stanayan vaṣaṭkā॒reṇa॒ tato॒ vai tebhyo॒ diśaḥ॒ prāpyā̭yanta॒ ya e॒vaṃ-ve~da॒ prāsmai॒ diśaḥ̭ pyāyante pra॒jāpa̭ti-ntvo॒veda̭ pra॒jāpa̭ti stvaṃve~da॒ ya-mpra॒jāpa̭ti॒-rveda॒ sa puṇyo̭ bhavatye॒ṣa vai cha̭nda॒syaḥ̭ pra॒jāpa̭ti॒rā śrā̭va॒yā-'stu॒ śrauṣa॒ḍyaja॒ ye yajā̭mahe vaṣaṭkā॒ro ya e॒vaṃ-ve~da॒ puṇyo̭ bhavati vasa॒nta- [vasa॒ntam, ṛ॒tū॒nāṃ] 42

-mṛ̭tū॒nā-mprī̭ṇā॒mītyā̭ha॒rtavo॒ vai pra̭yā॒jā ṛ॒tūne॒va prī̭ṇāti॒ te᳚-'smai prī॒tā ya̭thāpū॒rva-ṅka̭lpante॒ kalpa̭nte-'smā ṛ॒tavo॒ ya e॒vaṃ-ve~dā॒gnīṣoma̭yora॒ha-ndḙvaya॒jyayā॒ cakṣṷṣmā-nbhūyāsa॒mityā̭-hā॒gnīṣomā᳚bhyāṃ॒-vai~ ya॒jñaścakṣṷṣmā॒-ntābhyā̭me॒va cakṣṷrā॒tma-ndha̭tte॒ 'gnera॒ha-ndḙvaya॒jyayā᳚-'nnā॒do bhṷ̄yāsa॒mityā̭hā॒gnirvai de॒vānā̭-mannā॒daste nai॒vā- [mannā॒daste nai॒vā, a॒nnādya̭mā॒tman] 43

-'nnādya̭mā॒tma-ndha̭tte॒ dabdhi̭ra॒syada̭bdho bhūyāsama॒mu-nda̭bheya॒mityā̭hai॒tayā॒ vai dabddhyā̭ de॒vā asṷrānadabhnuva॒ntayai॒va bhrātṛ̭vya-ndabhnotya॒gnīṣoma̭yora॒ha-ndḙvaya॒jyayā̭ vṛtra॒hā bhṷ̄yāsa॒mityā̭hā॒-'gnīṣomā᳚bhyāṃ॒-vā~ indro̭ vṛ॒trama̭ha॒ntābhyā̭me॒va bhrātṛ̭vyagg stṛṇuta indrāgni॒yora॒ha-ndḙvaya॒jyaye᳚ndriyā॒vya̭nnā॒do bhṷ̄yāsa॒mityā̭hendriyā॒vyḙvānnā॒do bha̭va॒tīndra̭syā॒- [bha̭va॒tīndra̭sya, a॒ha-ndḙvaya॒jyaye᳚ndriyā॒vī] 44

-'ha-ndḙvaya॒jyaye᳚ndriyā॒vī bhṷ̄yāsa॒mityā̭hendriyā॒vyḙva bha̭vati mahe॒ndrasyā॒-'ha-ndḙvaya॒jyayā̭ je॒māna̭-mmahi॒māna̭-ṅgameya॒mityā̭ha je॒māna̭me॒va ma̭hi॒māna̭-ṅgacchatya॒gne-ssvi̭ṣṭa॒kṛto॒-'ha-ndḙvaya॒jyayā ''yṷṣmān. ya॒jñena̭ prati॒ṣṭhā-ṅga̭meya॒mityā॒-hāyṷre॒vātma-ndha̭tte॒ prati̭ ya॒jñena̭ -tiṣṭhati || 45 ||

( pra॒ti॒ṣṭhā-ma̭hva॒dastṷ-vi॒dyutaṃ̭va~sa॒ntan-tenai॒ve-ndra̭syā॒-'ṣṭātrigṃ̭śacca) (a. 11)

indraṃ̭-vo~ vi॒śvata॒spari॒ havā̭mahe॒ jane᳚bhyaḥ | a॒smāka̭mastu॒ keva̭laḥ || indra॒-nnaro̭ ne॒madhi̭tā havante॒ yatpāryā̭ yu॒naja̭te॒ dhiya॒stāḥ | śūro॒ nṛṣā̭tā॒ śava̭saścakā॒na ā goma̭ti vra॒je bha̭jā॒ tvannaḥ̭ || i॒ndri॒yāṇi̭ śatakrato॒ yā te॒ janḙṣu pa॒ñcasṷ || indra॒ tāni̭ ta॒ ā vṛ̭ṇe || anṷ te dāyi ma॒ha i̭ndri॒yāya̭ sa॒trā te॒ viśva॒manṷ vṛtra॒hatye᳚ | anṷ [ ] 46

kṣa॒tramanu॒ saho̭ yaja॒trendra̭ de॒vebhi॒ranṷ te nṛ॒ṣahye᳚ || āyasmi᳚n-thsa॒ptavā̭sa॒vā stiṣṭha̭nti svā॒ruho̭ yathā | ṛṣi̭rha dīrgha॒śrutta̭ma॒ indra̭sya gha॒rmo ati̭thiḥ || ā॒māsṷ pa॒kvamaira̭ya॒ ā sūryagṃ̭ rohayo di॒vi | gha॒rma-nna sāma̭-ntapatā suvṛ॒ktibhi॒-rjuṣṭa॒-ṅgirva̭ṇase॒ giraḥ̭ || indra॒mi-dgā॒thino̭ bṛ॒hadindra̭-ma॒rkebhi̭-ra॒rkiṇaḥ̭ | indraṃ॒-vā~ṇī̭ranūṣata || gāya̭nti tvā gāya॒triṇo- [gāya॒triṇaḥ̭, arca̭ntya॒rka-ma॒rkiṇaḥ̭ |] 47

-'rca̭ntya॒rka-ma॒rkiṇaḥ̭ | bra॒hmāṇa̭stvā śatakrata॒vu-dva॒gṃ॒śa-mi̭va yemire || a॒gṃ॒ho॒muce॒ pra bha̭remā manī॒ṣāmo̭ṣiṣṭha॒dāvaṃnḙ suma॒ti-ṅgṛ̭ṇā॒nāḥ | i॒dami̭ndra॒ prati̭ ha॒vya-ṅgṛ̭bhāya sa॒tyā-ssa̭ntu॒ yaja̭mānasya॒ kāmāḥ᳚ || vi॒veṣa॒ yanmā̭ dhi॒ṣaṇā̭ ja॒jāna॒ stavai̭ pu॒rā pāryā॒dindra॒-mahnaḥ̭ | agṃha̭so॒ yatra̭ pī॒para॒dyathā̭ no nā॒veva॒ yānta̭ mu॒bhayḙ havante || pra sa॒mrāja̭-mpratha॒ma-ma̭ddhva॒rāṇā̭- [ma̭ddhva॒rāṇā᳚m, a॒gṃ॒ho॒mucaṃ̭] 48

-magṃho॒mucaṃ̭-vṛ~ṣa॒bhaṃ-ya~॒jñiyā̭nām | a॒pā-nnapā̭tamaśvinā॒ haya̭nta-ma॒sminna̭ra indri॒ya-ndha̭tta॒mojaḥ̭ || vi na̭ indra॒ mṛdho̭ jahi nī॒cā ya̭ccha pṛtanya॒taḥ | a॒dha॒spa॒da-ntamī᳚-ṅkṛdhi॒ yo a॒smāgṃ a̭bhi॒dāsa̭ti || indra̭ kṣa॒trama॒bhi vā॒mamojo 'jā̭yathā vṛṣabha carṣaṇī॒nām | apā̭nudo॒ jana̭-mamitra॒yanta̭-mu॒ru-nde॒vebhyo̭ akṛṇo-ru lo॒kam || mṛ॒go na bhī॒maḥ kṷca॒ro gi̭ri॒ṣṭhāḥ pa̭rā॒vata [pa̭rā॒vataḥ̭, ā ja̭gāmā॒ para̭syāḥ |] 49

ā ja̭gāmā॒ para̭syāḥ | sṛ॒kagṃ sa॒gṃ॒śāya̭ pa॒vimi̭ndra ti॒gmaṃ-vi~ śatrū᳚-ntāḍhi॒ vimṛdho̭ nudasva || vi śatrū॒n॒. vi mṛdho̭ nuda॒ vivṛ॒trasya॒ hanṷ̄ ruja | vi ma॒nyumi̭ndra bhāmi॒to̭-'mitra̭syā-'bhi॒dāsa̭taḥ || trā॒tāra॒-mindra̭-mavi॒tāra॒-mindra॒gṃ॒ havḙhave su॒hava॒gṃ॒ śūra॒mindra᳚m | hu॒ve nu śa॒kra-mpṷruhū॒tamindragg̭ sva॒sti no̭ ma॒ghavā̭ dhā॒tvindraḥ̭ || mā tḙ a॒syāgṃ [a॒syāgṃ, sa॒ha॒sā॒va॒-npari̭ṣṭāva॒ghāya̭] 50

sa̭hasāva॒-npari̭ṣṭāva॒ghāya̭ bhūma harivaḥ parā॒dai | trāya̭sva no 'vṛ॒kebhi॒-rvarṷ̄thai॒-stava̭ pri॒yāsaḥ̭ sū॒riṣṷ syāma || ana̭vaste॒ ratha॒maśvā̭ya takṣa॒-ntvaṣṭā॒ vajra̭-mpuruhūta dyu॒manta᳚m | bra॒hmāṇa॒ indra̭-mma॒haya̭nto a॒rkairava̭rdhaya॒nnaha̭ye॒ hanta॒vā ṷ || vṛṣṇe॒ ya-tte॒ vṛṣa̭ṇo a॒rkamarcā॒nindra॒ grāvā̭ṇo॒ adi̭ti-ssa॒joṣāḥ᳚ | a॒na॒śvāso॒ ye pa॒vayo̭-'ra॒thā indrḙṣitā a॒bhyava̭rta nta॒ dasyūṋ || 51 ||

(vṛ॒tra॒hatye-'nṷ-gāya॒triṇo᳚-'ddha॒rāṇāṃ᳚-parā॒vato॒-'syā-ma॒ṣṭāca̭tvārigṃśacca) (a. 12)

(santvā̭ siñcāmi-dhru॒vo᳚-'sya॒gnirmā̭-ba॒r॒hiṣo॒-'ha-mā pyā̭yatā॒-maga̭nma॒-yathā॒ vai-yo vai śra॒ddhāṃ- pra॒jāpa̭ti॒-ryajñān-dhru॒vo̭-'sītyā̭ha॒-yo vai sa̭ptada॒śa-mindraṃ̭-vo~॒-dvāda̭śa | )

(santvā̭-ba॒r॒hiṣo॒-'haṃya~thā॒ vā-e॒vaṃ-vi~॒dvā-ñchrauṣa̭ṭ-thsāhasāva॒-nneka̭pañcā॒śat |)

(santvā̭, siñcāmi॒ dasyūṋ)

|| hariḥ̭ om ||

|| kṛṣṇa yajurvedīya taittirīya saṃhitāyā-mprathamakāṇḍe ṣaṣṭhaḥ praśna-ssamāptaḥ ||