1.5 - Nakshatreshtikandam - Krishna Yajurveda Taittiriya Brahmana Pathah - Agneh Krittikah

ॐ

1.5 - 𑌨𑌕𑍍𑌷𑌤𑍍𑌰𑍇𑌷𑍍𑌟𑌿𑌕𑌾𑌣𑍍𑌡𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌅𑌗𑍍𑌨𑍇𑌃 𑌕𑍃𑌤𑍍𑌤𑌿𑌕𑌾𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌪𑌞𑍍𑌚𑌮𑌃 𑌪𑍍𑌰𑌪𑌾𑌠𑌕𑌃 - 𑌨𑌕𑍍𑌷𑌤𑍍𑌰𑍇𑌷𑍍𑌟𑌿𑌕𑌾𑌣𑍍𑌡𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌨𑌕𑍍𑌷𑌤𑍍𑌰𑍇𑌷𑍍𑌟𑌕𑌾𑌮𑌨𑍍𑌤𑍍𑌰𑌾𑌃, 𑌵𑌿𑌕𑍃𑌤𑌿𑌰𑍂𑌪𑌚𑌯𑌨𑌗𑌤𑌾𑌃

𑌅॒𑌗𑍍𑌨𑍇𑌃 𑌕𑍃𑌤𑍍𑌤𑌿॑𑌕𑌾𑌃 । 𑌶𑍁॒𑌕𑍍𑌰-𑌮𑍍𑌪॒𑌰𑌸𑍍𑌤𑌾॒-𑌜𑍍𑌜𑍍𑌯𑍋𑌤𑌿॑-𑌰॒𑌵𑌸𑍍𑌤𑌾᳚𑌤𑍍 ॥ 𑌪𑍍𑌰॒𑌜𑌾𑌪॑𑌤𑍇 𑌰𑍋𑌹𑌿॒𑌣𑍀 । 𑌆𑌪𑌃॑ 𑌪॒𑌰𑌸𑍍𑌤𑌾॒𑌦𑍋𑌷॑𑌧𑌯𑍋॒ 𑌽𑌵𑌸𑍍𑌤𑌾᳚𑌤𑍍 ॥ 𑌸𑍋𑌮॑𑌸𑍍𑌯𑍇𑌨𑍍𑌵॒𑌕𑌾 𑌵𑌿𑌤॑𑌤𑌾𑌨𑌿 । 𑌪॒𑌰𑌸𑍍𑌤𑌾॒𑌦𑍍𑌵𑌯॑𑌨𑍍𑌤𑍋॒ 𑌽𑌵𑌸𑍍𑌤𑌾᳚𑌤𑍍 ॥ 𑌰𑍁॒𑌦𑍍𑌰𑌸𑍍𑌯॑ 𑌬𑌾॒𑌹𑍂 । 𑌮𑍃॒𑌗॒𑌯𑌵𑌃॑ 𑌪॒𑌰𑌸𑍍𑌤𑌾᳚𑌦𑍍𑌵𑌿𑌕𑍍𑌷𑌾॒𑌰𑍋॑-𑌽𑌵𑌸𑍍𑌤𑌾᳚𑌤𑍍 ॥ 𑌅𑌦𑌿॑𑌤𑍍𑌯𑍈॒ 𑌪𑍁𑌨॑𑌰𑍍𑌵𑌸𑍂 । 𑌵𑌾𑌤𑌃॑ 𑌪॒𑌰𑌸𑍍𑌤𑌾॑𑌦𑌾॒𑌰𑍍𑌦𑍍𑌰-𑌮॒𑌵𑌸𑍍𑌤𑌾᳚𑌤𑍍 ॥ 1 ॥

𑌬𑍃𑌹॒𑌸𑍍𑌪𑌤𑍇᳚𑌸𑍍𑌤𑌿॒𑌷𑍍𑌯𑌃॑ । 𑌜𑍁𑌹𑍍𑌵॑𑌤𑌃 𑌪॒𑌰𑌸𑍍𑌤𑌾॒-𑌦𑍍𑌯𑌜॑𑌮𑌾𑌨𑌾 𑌅॒𑌵𑌸𑍍𑌤𑌾᳚𑌤𑍍 ॥ 𑌸॒𑌰𑍍𑌪𑌾𑌣𑌾॑-𑌮𑌾𑌶𑍍𑌰𑍇॒𑌷𑌾𑌃 । 𑌅॒𑌭𑍍𑌯𑌾॒𑌗𑌚𑍍𑌛॑𑌨𑍍𑌤𑌃 𑌪॒𑌰𑌸𑍍𑌤𑌾॑𑌦𑌭𑍍𑌯𑌾॒𑌨𑍃𑌤𑍍𑌯॑𑌨𑍍𑌤𑍋॒-𑌽𑌵𑌸𑍍𑌤𑌾᳚𑌤𑍍 ॥ 𑌪𑌿॒𑌤𑍃॒𑌣𑌾-𑌮𑍍𑌮॒𑌘𑌾𑌃 । 𑌰𑍁॒𑌦𑌨𑍍𑌤𑌃॑ 𑌪॒𑌰𑌸𑍍𑌤𑌾॑𑌦𑌪𑌭𑍍𑌰॒𑌗𑍍𑌂॒𑌶𑍋॑-𑌽𑌵𑌸𑍍𑌤𑌾᳚𑌤𑍍 ॥ 𑌅॒𑌰𑍍𑌯॒𑌮𑍍𑌣𑌃 𑌪𑍂𑌰𑍍𑌵𑍇॒ 𑌫𑌲𑍍𑌗𑍁॑𑌨𑍀 । 𑌜𑌾॒𑌯𑌾 𑌪॒𑌰𑌸𑍍𑌤𑌾॑𑌦𑍃𑌷॒𑌭𑍋॑-𑌽𑌵𑌸𑍍𑌤𑌾᳚𑌤𑍍 ॥ 𑌭𑌗॒𑌸𑍍𑌯𑍋𑌤𑍍𑌤॑𑌰𑍇 । 𑌵॒𑌹॒𑌤𑌵𑌃॑ 𑌪॒𑌰𑌸𑍍𑌤𑌾॒𑌦𑍍𑌵𑌹॑𑌮𑌾𑌨𑌾 𑌅॒𑌵𑌸𑍍𑌤𑌾᳚𑌤𑍍 ॥ 2 ॥

𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌰𑍍-𑌹𑌸𑍍𑌤𑌃॑ । 𑌪𑍍𑌰॒𑌸॒𑌵𑌃 𑌪॒𑌰𑌸𑍍𑌤𑌾᳚-𑌥𑍍𑌸॒𑌨𑌿𑌰॒𑌵𑌸𑍍𑌤𑌾᳚𑌤𑍍 ॥ 𑌇𑌨𑍍𑌦𑍍𑌰॑𑌸𑍍𑌯 𑌚𑌿॒𑌤𑍍𑌰𑌾 । 𑌋॒𑌤-𑌮𑍍𑌪॒𑌰𑌸𑍍𑌤𑌾᳚-𑌥𑍍𑌸॒𑌤𑍍𑌯-𑌮॒𑌵𑌸𑍍𑌤𑌾᳚𑌤𑍍 ॥ 𑌵𑌾॒𑌯𑍋-𑌰𑍍𑌨𑌿𑌷𑍍𑌟𑍍𑌯𑌾᳚ 𑌵𑍍𑌰॒𑌤𑌤𑌿𑌃॑ । 𑌪॒𑌰𑌸𑍍𑌤𑌾॒-𑌦𑌸𑌿॑𑌦𑍍𑌧𑌿-𑌰॒𑌵𑌸𑍍𑌤𑌾᳚𑌤𑍍 ॥ 𑌇॒𑌨𑍍𑌦𑍍𑌰𑌾॒𑌗𑍍𑌨𑌿॒𑌯𑍋-𑌰𑍍𑌵𑌿𑌶𑌾॑𑌖𑍇 । 𑌯𑍁॒𑌗𑌾𑌨𑌿॑ 𑌪॒𑌰𑌸𑍍𑌤𑌾᳚𑌤𑍍-𑌕𑍃॒𑌷𑌮𑌾॑𑌣𑌾 𑌅॒𑌵𑌸𑍍𑌤𑌾᳚𑌤𑍍 ॥ 𑌮𑌿॒𑌤𑍍𑌰𑌸𑍍𑌯𑌾॑-𑌨𑍂𑌰𑌾॒𑌧𑌾𑌃 । 𑌅॒𑌭𑍍𑌯𑌾॒𑌰𑍋𑌹॑𑌤𑍍-𑌪॒𑌰𑌸𑍍𑌤𑌾॑-𑌦॒𑌭𑍍𑌯𑌾𑌰𑍂॑𑌢-𑌮॒𑌵𑌸𑍍𑌤𑌾᳚𑌤𑍍 ॥ 3 ॥

𑌇𑌨𑍍𑌦𑍍𑌰॑𑌸𑍍𑌯 𑌰𑍋𑌹𑌿॒𑌣𑍀 । 𑌶𑍃॒𑌣𑌤𑍍-𑌪॒𑌰𑌸𑍍𑌤𑌾᳚𑌤𑍍-𑌪𑍍𑌰𑌤𑌿𑌶𑍃॒𑌣-𑌦॒𑌵𑌸𑍍𑌤𑌾᳚𑌤𑍍 ॥ 𑌨𑌿𑌰𑍍-𑌋॑𑌤𑍍𑌯𑍈-𑌮𑍂𑌲॒𑌵𑌰𑍍𑌹॑𑌣𑍀 । 𑌪𑍍𑌰॒𑌤𑌿॒𑌭॒𑌞𑍍𑌜𑌨𑍍𑌤𑌃॑ 𑌪॒𑌰𑌸𑍍𑌤𑌾᳚𑌤𑍍-𑌪𑍍𑌰𑌤𑌿𑌶𑍃॒𑌣𑌨𑍍𑌤𑍋॒-𑌽𑌵𑌸𑍍𑌤𑌾᳚𑌤𑍍 ॥ 𑌅॒𑌪𑌾-𑌮𑍍𑌪𑍂𑌰𑍍𑌵𑌾॑ 𑌅𑌷𑌾॒𑌢𑌾𑌃 । 𑌵𑌰𑍍𑌚𑌃॑ 𑌪॒𑌰𑌸𑍍𑌤𑌾॒-𑌥𑍍𑌸𑌮𑌿॑𑌤𑌿-𑌰॒𑌵𑌸𑍍𑌤𑌾᳚𑌤𑍍 ॥ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॒-𑌮𑍁𑌤𑍍𑌤॑𑌰𑌾𑌃 । 𑌅॒𑌭𑌿॒𑌜𑌯॑𑌤𑍍-𑌪॒𑌰𑌸𑍍𑌤𑌾॑-𑌦॒𑌭𑌿𑌜𑌿॑𑌤-𑌮॒𑌵𑌸𑍍𑌤𑌾᳚𑌤𑍍 ॥ 𑌵𑌿॒𑌷𑍍𑌣𑍋᳚-𑌶𑍍𑌶𑍍𑌰𑍋॒𑌣𑌾 𑌪𑍃॒𑌚𑍍𑌛𑌮𑌾॑𑌨𑌾𑌃 । 𑌪॒𑌰𑌸𑍍𑌤𑌾॒𑌤𑍍-𑌪𑌨𑍍𑌥𑌾॑ 𑌅॒𑌵𑌸𑍍𑌤𑌾᳚𑌤𑍍 ॥ 4 ॥

𑌵𑌸𑍂॑𑌨𑌾॒𑌗𑍍॒ 𑌶𑍍𑌰𑌵𑌿॑𑌷𑍍𑌠𑌾𑌃 । 𑌭𑍂॒𑌤-𑌮𑍍𑌪॒𑌰𑌸𑍍𑌤𑌾॒-𑌦𑍍𑌭𑍂𑌤𑌿॑𑌰॒𑌵𑌸𑍍𑌤𑌾᳚𑌤𑍍 ॥ 𑌇𑌨𑍍𑌦𑍍𑌰॑𑌸𑍍𑌯-𑌶॒𑌤𑌭𑌿॑𑌷𑌕𑍍 । 𑌵𑌿॒𑌶𑍍𑌵𑌵𑍍𑌯॑𑌚𑌾𑌃 𑌪॒𑌰𑌸𑍍𑌤𑌾᳚-𑌦𑍍𑌵𑌿॒𑌶𑍍𑌵𑌕𑍍𑌷𑌿॑𑌤𑌿-𑌰॒𑌵𑌸𑍍𑌤𑌾᳚𑌤𑍍 ॥ 𑌅॒𑌜𑌸𑍍𑌯𑍈𑌕॑𑌪𑌦𑌃॒ 𑌪𑍂𑌰𑍍𑌵𑍇᳚ 𑌪𑍍𑌰𑍋𑌷𑍍𑌠𑌪॒𑌦𑌾𑌃 । 𑌵𑍈॒𑌶𑍍𑌵𑌾॒𑌨॒𑌰-𑌮𑍍𑌪॒𑌰𑌸𑍍𑌤𑌾᳚-𑌦𑍍𑌵𑍈𑌶𑍍𑌵𑌾𑌵𑌸॒𑌵-𑌮॒𑌵𑌸𑍍𑌤𑌾᳚𑌤𑍍 ॥ 𑌅𑌹𑍇᳚𑌰𑍍𑌬𑍁॒𑌧𑍍𑌨𑌿𑌯॒-𑌸𑍍𑌯𑍋𑌤𑍍𑌤॑𑌰𑍇 । 𑌅॒𑌭𑌿॒𑌷𑌿॒𑌞𑍍𑌚𑌨𑍍𑌤𑌃॑ 𑌪॒𑌰𑌸𑍍𑌤𑌾॑-𑌦𑌭𑌿𑌷𑍁॒𑌣𑍍𑌵𑌨𑍍𑌤𑍋॒-𑌽𑌵𑌸𑍍𑌤𑌾᳚𑌤𑍍 ॥ 𑌪𑍂॒𑌷𑍍𑌣𑍋 𑌰𑍇॒𑌵𑌤𑍀᳚ । 𑌗𑌾𑌵𑌃॑ 𑌪॒𑌰𑌸𑍍𑌤𑌾᳚-𑌦𑍍𑌵॒𑌥𑍍𑌸𑌾 𑌅॒𑌵𑌸𑍍𑌤𑌾᳚𑌤𑍍 ॥ 𑌅॒𑌶𑍍𑌵𑌿𑌨𑍋॑𑌰𑌶𑍍𑌵॒𑌯𑍁𑌜𑍗᳚ । 𑌗𑍍𑌰𑌾𑌮𑌃॑ 𑌪॒𑌰𑌸𑍍𑌤𑌾॒𑌥𑍍𑌸𑍇𑌨𑌾॒ 𑌽𑌵𑌸𑍍𑌤𑌾᳚𑌤𑍍 ॥ 𑌯॒𑌮𑌸𑍍𑌯𑌾॑𑌪॒𑌭𑌰॑𑌣𑍀𑌃 । 𑌅॒𑌪॒𑌕𑌰𑍍𑌷॑𑌨𑍍𑌤𑌃 𑌪॒𑌰𑌸𑍍𑌤𑌾॑-𑌦𑌪॒𑌵𑌹॑𑌨𑍍𑌤𑍋॒-𑌽𑌵𑌸𑍍𑌤𑌾᳚𑌤𑍍 ॥ 𑌪𑍂॒𑌰𑍍𑌣𑌾 𑌪॒𑌶𑍍𑌚𑌾𑌦𑍁॒𑌤 𑌪𑍂॒𑌰𑍍𑌣𑌾 𑌪𑍁॒𑌰𑌸𑍍𑌤𑌾॒𑌦𑍁𑌨𑍍𑌮॑𑌧𑍍𑌯॒𑌤𑌃 𑌪𑍗᳚𑌰𑍍𑌣𑌮𑌾॒𑌸𑍀 𑌜𑌿॑𑌗𑌾𑌯 । 𑌤𑌸𑍍𑌯𑌾᳚-𑌨𑍍𑌦𑍇॒𑌵𑌾 𑌅𑌧𑌿॑ 𑌸𑌂॒𑌵𑌁𑌸॑𑌨𑍍𑌤 𑌉𑌤𑍍𑌤॒𑌮𑍇 𑌨𑌾𑌕॑ 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥, 𑌯𑌤𑍍𑌤𑍇॑ 𑌦𑍇॒𑌵𑌾 𑌅𑌦॑𑌧𑍁 𑌰𑍍𑌭𑌾𑌗॒𑌧𑍇𑌯॒𑌮𑌮𑌾॑𑌵𑌾𑌸𑍍𑌯𑍇 𑌸𑌂॒𑌵𑌁𑌸॑𑌨𑍍𑌤𑍋 𑌮𑌹𑌿॒𑌤𑍍𑌵𑌾 । 𑌸𑌾𑌨𑍋॑ 𑌯॒𑌜𑍍𑌞-𑌮𑍍𑌪𑌿॑𑌪𑍃𑌹𑌿 𑌵𑌿𑌶𑍍𑌵𑌵𑌾𑌰𑍇 𑌰॒𑌯𑌿-𑌨𑍍𑌨𑍋॑ 𑌧𑍇𑌹𑌿 𑌸𑍁𑌭𑌗𑍇 𑌸𑍁॒𑌵𑍀𑌰᳚𑌮𑍍 ॥ ॥ 5 ॥

(𑌆॒𑌰𑍍𑌦𑍍𑌰𑌮॒𑌵𑌸𑍍𑌤𑌾॒-𑌦𑍍- 𑌵𑌹॑𑌮𑌾𑌨𑌾 𑌅॒𑌵𑌸𑍍𑌤𑌾॑ - 𑌦॒𑌭𑍍𑌯𑌾𑌰𑍂॑𑌢𑌮॒𑌵𑌸𑍍𑌤𑌾॒𑌤𑍍 - 𑌪𑌨𑍍𑌥𑌾॑ 𑌅॒𑌵𑌸𑍍𑌤𑌾᳚-𑌦𑍍- 𑌵॒𑌥𑍍𑌸𑌾 𑌅॒𑌵𑌸𑍍𑌤𑌾॒-𑌤𑍍𑌪𑌞𑍍𑌚॑ 𑌚) (𑌅. 1)

𑌅𑌨𑍁𑌵𑌾𑌕𑌂 2 - 𑌕𑌰𑍍𑌮𑌾𑌨𑍁𑌷𑍍𑌠𑌾𑌨𑌾𑌰𑍍𑌹𑌃 𑌨𑌕𑍍𑌷𑌤𑍍𑌰𑌰𑍂𑌪𑌃 𑌪𑍁𑌣𑍍𑌯𑌕𑌾𑌲𑌃

𑌯-𑌤𑍍𑌪𑍁𑌣𑍍𑌯॒-𑌨𑍍𑌨𑌕𑍍𑌷॑𑌤𑍍𑌰𑌮𑍍 । 𑌤-𑌦𑍍𑌬-𑌟𑍍𑌕𑍁॑𑌰𑍍𑌵𑍀𑌤𑍋𑌪𑌵𑍍𑌯𑍁॒𑌷𑌮𑍍 । 𑌯॒𑌦𑌾 𑌵𑍈 𑌸𑍂𑌰𑍍𑌯॑ 𑌉॒𑌦𑍇𑌤𑌿॑ । 𑌅𑌥॒ 𑌨𑌕𑍍𑌷॑𑌤𑍍𑌰॒-𑌨𑍍𑌨𑍈𑌤𑌿॑ । 𑌯𑌾𑌵॑𑌤𑌿॒ 𑌤𑌤𑍍𑌰॒ 𑌸𑍂𑌰𑍍𑌯𑍋॒ 𑌗𑌚𑍍𑌛𑍇᳚𑌤𑍍 । 𑌯𑌤𑍍𑌰॑ 𑌜𑌘॒𑌨𑍍𑌯॑-𑌮𑍍𑌪𑌶𑍍𑌯𑍇᳚𑌤𑍍 । 𑌤𑌾𑌵॑𑌤𑌿 𑌕𑍁𑌰𑍍𑌵𑍀𑌤 𑌯-𑌤𑍍𑌕𑌾॒𑌰𑍀 𑌸𑍍𑌯𑌾𑌤𑍍 । 𑌪𑍁॒𑌣𑍍𑌯𑌾॒𑌹 𑌏॒𑌵 𑌕𑍁॑𑌰𑍁𑌤𑍇 । 𑌏॒𑌵𑌗𑍍𑌂 𑌹॒ 𑌵𑍈 𑌯॒𑌜𑍍𑌞𑍇𑌷𑍁॑-𑌞𑍍𑌚 𑌶॒𑌤𑌦𑍍𑌯𑍁॑𑌮𑍍𑌨-𑌞𑍍𑌚 𑌮𑌾॒𑌥𑍍𑌸𑍍𑌯𑍋 𑌨𑌿॑𑌰𑌵𑌸𑌾𑌯॒𑌯𑌾-𑌞𑍍𑌚॑𑌕𑌾𑌰 ॥ 6 ॥

𑌯𑍋 𑌵𑍈 𑌨॑𑌕𑍍𑌷॒𑌤𑍍𑌰𑌿𑌯॑-𑌮𑍍𑌪𑍍𑌰॒𑌜𑌾𑌪॑𑌤𑌿𑌂॒-𑌵𑍇𑌁𑌦॑ । 𑌉॒𑌭𑌯𑍋॑𑌰𑍇𑌨𑌂-𑌲𑍋𑌁॒𑌕𑌯𑍋᳚𑌰𑍍𑌵𑌿𑌦𑍁𑌃 । 𑌹𑌸𑍍𑌤॑ 𑌏॒𑌵𑌾𑌸𑍍𑌯॒ 𑌹𑌸𑍍𑌤𑌃॑ । 𑌚𑌿॒𑌤𑍍𑌰𑌾 𑌶𑌿𑌰𑌃॑ । 𑌨𑌿𑌷𑍍𑌟𑍍𑌯𑌾॒ 𑌹𑍃𑌦॑𑌯𑌮𑍍 । 𑌊॒𑌰𑍂 𑌵𑌿𑌶𑌾॑𑌖𑍇 । 𑌪𑍍𑌰॒𑌤𑌿॒𑌷𑍍𑌠𑌾 𑌽𑌨𑍂॑𑌰𑌾॒𑌧𑌾𑌃 । 𑌏॒𑌷 𑌵𑍈 𑌨॑𑌕𑍍𑌷॒𑌤𑍍𑌰𑌿𑌯𑌃॑ 𑌪𑍍𑌰॒𑌜𑌾𑌪॑𑌤𑌿𑌃 । 𑌯 𑌏॒𑌵𑌂-𑌵𑍇𑌁𑌦॑ । 𑌉॒𑌭𑌯𑍋॑𑌰𑍇𑌨𑌂-𑌲𑍋𑌁॒𑌕𑌯𑍋᳚𑌰𑍍𑌵𑌿𑌦𑍁𑌃 ॥ 7 ॥

𑌅॒𑌸𑍍𑌮𑌿𑌗𑍍𑌗𑍍𑌶𑍍𑌚𑌾॒-𑌮𑍁𑌷𑍍𑌮𑌿𑌗𑍍𑌗𑍍॑𑌶𑍍𑌚 ॥ 𑌯𑌾-𑌙𑍍𑌕𑌾॒𑌮𑌯𑍇॑𑌤 𑌦𑍁𑌹𑌿॒𑌤𑌰॑-𑌮𑍍𑌪𑍍𑌰𑌿॒𑌯𑌾 𑌸𑍍𑌯𑌾॒𑌦𑌿𑌤𑌿॑ । 𑌤𑌾-𑌨𑍍𑌨𑌿𑌷𑍍𑌟𑍍𑌯𑌾॑𑌯𑌾-𑌨𑍍𑌦𑌦𑍍𑌯𑌾𑌤𑍍 । 𑌪𑍍𑌰𑌿॒𑌯𑍈𑌵 𑌭॑𑌵𑌤𑌿 । 𑌨𑍇𑌵॒ 𑌤𑍁 𑌪𑍁𑌨॒𑌰𑌾𑌗॑𑌚𑍍𑌛𑌤𑌿 ॥ 𑌅॒𑌭𑌿॒𑌜𑌿𑌨𑍍𑌨𑌾𑌮॒ 𑌨𑌕𑍍𑌷॑𑌤𑍍𑌰𑌮𑍍 । 𑌉॒𑌪𑌰𑌿॑𑌷𑍍𑌟𑌾-𑌦𑌷𑌾॒𑌢𑌾𑌨𑌾᳚𑌮𑍍 । 𑌅॒𑌵𑌸𑍍𑌤𑌾᳚𑌚𑍍𑌛𑍍𑌰𑍋॒𑌣𑌾𑌯𑍈᳚ । 𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤𑍇 𑌦𑍇॒𑌵𑌾𑌸𑍍𑌤𑌸𑍍𑌮𑌿॒-𑌨𑍍𑌨𑌕𑍍𑌷॑𑌤𑍍𑌰𑍇॒-𑌽𑌭𑍍𑌯॑𑌜𑌯𑌨𑍍𑌨𑍍 ॥ 8 ॥

𑌯𑌦॒𑌭𑍍𑌯𑌜॑𑌯𑌨𑍍𑌨𑍍 । 𑌤𑌦॑𑌭𑌿॒𑌜𑌿𑌤𑍋॑-𑌽𑌭𑌿𑌜𑌿॒𑌤𑍍𑌤𑍍𑌵𑌮𑍍 । 𑌯-𑌙𑍍𑌕𑌾॒𑌮𑌯𑍇॑𑌤𑌾-𑌨𑌪𑌜॒𑌯𑍍𑌯-𑌞𑍍𑌜॑𑌯𑍇॒𑌦𑌿𑌤𑌿॑ । 𑌤𑌮𑍇॒𑌤𑌸𑍍𑌮𑌿॒-𑌨𑍍𑌨𑌕𑍍𑌷॑𑌤𑍍𑌰𑍇 𑌯𑌾𑌤𑌯𑍇𑌤𑍍 । 𑌅॒𑌨॒𑌪॒𑌜॒𑌯𑍍𑌯𑌮𑍇॒𑌵 𑌜॑𑌯𑌤𑌿 । 𑌪𑌾॒𑌪𑌪॑𑌰𑌾𑌜𑌿𑌤𑌮𑌿𑌵॒ 𑌤𑍁 ॥ 𑌪𑍍𑌰॒𑌜𑌾𑌪॑𑌤𑌿𑌃 𑌪॒𑌶𑍂𑌨॑𑌸𑍃𑌜𑌤 । 𑌤𑍇 𑌨𑌕𑍍𑌷॑𑌤𑍍𑌰-𑌨𑍍𑌨𑌕𑍍𑌷𑌤𑍍𑌰॒-𑌮𑍁𑌪𑌾॑𑌤𑌿𑌷𑍍𑌠𑌨𑍍𑌤 । 𑌤𑍇 𑌸॒𑌮𑌾𑌵॑𑌨𑍍𑌤 𑌏॒𑌵𑌾𑌭॑𑌵𑌨𑍍𑌨𑍍 । 𑌤𑍇 𑌰𑍇॒𑌵𑌤𑍀॒-𑌮𑍁𑌪𑌾॑𑌤𑌿𑌷𑍍𑌠𑌨𑍍𑌤 ॥ 9 ॥

𑌤𑍇 𑌰𑍇॒𑌵𑌤𑍍𑌯𑌾॒-𑌮𑍍𑌪𑍍𑌰𑌾𑌭॑𑌵𑌨𑍍𑌨𑍍 । 𑌤𑌸𑍍𑌮𑌾᳚-𑌦𑍍𑌰𑍇॒𑌵𑌤𑍍𑌯𑌾᳚-𑌮𑍍𑌪𑌶𑍂॒𑌨𑌾-𑌙𑍍𑌕𑍁॑𑌰𑍍𑌵𑍀𑌤 । 𑌯-𑌤𑍍𑌕𑌿𑌞𑍍𑌚𑌾᳚𑌰𑍍𑌵𑌾॒𑌚𑍀𑌨॒𑌗𑍍𑌂॒ 𑌸𑍋𑌮𑌾᳚𑌤𑍍 । 𑌪𑍍𑌰𑍈𑌵 𑌭॑𑌵𑌨𑍍𑌤𑌿 ॥ 𑌸॒𑌲𑌿॒𑌲𑌂-𑌵𑌾𑌁 𑌇॒𑌦𑌮॑𑌨𑍍𑌤॒𑌰𑌾𑌸𑍀᳚𑌤𑍍 । 𑌯𑌦𑌤॑𑌰𑌨𑍍𑌨𑍍 । 𑌤-𑌤𑍍𑌤𑌾𑌰॑𑌕𑌾𑌣𑌾-𑌨𑍍𑌤𑌾𑌰𑌕॒𑌤𑍍𑌵𑌮𑍍 । 𑌯𑍋 𑌵𑌾 𑌇॒𑌹 𑌯𑌜॑𑌤𑍇 । 𑌅॒𑌮𑍁𑌗𑍍𑌂 𑌸𑌲𑍋॒𑌕-𑌨𑍍𑌨॑𑌕𑍍𑌷𑌤𑍇 । 𑌤𑌨𑍍𑌨𑌕𑍍𑌷॑𑌤𑍍𑌰𑌾𑌣𑌾-𑌨𑍍𑌨𑌕𑍍𑌷𑌤𑍍𑌰॒𑌤𑍍𑌵𑌮𑍍 ॥ 10 ॥

𑌦𑍇॒𑌵॒𑌗𑍃॒𑌹𑌾 𑌵𑍈 𑌨𑌕𑍍𑌷॑𑌤𑍍𑌰𑌾𑌣𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌗𑍃॒𑌹𑍍𑌯𑍇॑𑌵 𑌭॑𑌵𑌤𑌿 ॥ 𑌯𑌾𑌨𑌿॒ 𑌵𑌾 𑌇॒𑌮𑌾𑌨𑌿॑ 𑌪𑍃𑌥𑌿॒𑌵𑍍𑌯𑌾𑌶𑍍𑌚𑌿॒𑌤𑍍𑌰𑌾𑌣𑌿॑ । 𑌤𑌾𑌨𑌿॒ 𑌨𑌕𑍍𑌷॑𑌤𑍍𑌰𑌾𑌣𑌿 । 𑌤𑌸𑍍𑌮𑌾॑-𑌦𑌶𑍍𑌲𑍀॒𑌲𑌨𑌾॑𑌮𑌗𑍍𑌗𑍍-𑌶𑍍𑌚𑌿॒𑌤𑍍𑌰𑍇 । 𑌨𑌾𑌵॑𑌸𑍍𑌯𑍇॒𑌨𑍍𑌨 𑌯॑𑌜𑍇𑌤 । 𑌯𑌥𑌾॑ 𑌪𑌾𑌪𑌾॒𑌹𑍇 𑌕𑍁॑𑌰𑍁॒𑌤𑍇 । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌦𑍇॒𑌵॒𑌨॒𑌕𑍍𑌷॒𑌤𑍍𑌰𑌾𑌣𑌿॒ 𑌵𑌾 𑌅॒𑌨𑍍𑌯𑌾𑌨𑌿॑ ॥ 11 ॥

𑌯॒𑌮॒𑌨॒𑌕𑍍𑌷॒𑌤𑍍𑌰𑌾𑌣𑍍𑌯॒𑌨𑍍𑌯𑌾𑌨𑌿॑ । 𑌕𑍃𑌤𑍍𑌤𑌿॑𑌕𑌾𑌃 𑌪𑍍𑌰𑌥॒𑌮𑌮𑍍 । 𑌵𑌿𑌶𑌾॑𑌖𑍇 𑌉𑌤𑍍𑌤॒𑌮𑌮𑍍 । 𑌤𑌾𑌨𑌿॑ 𑌦𑍇𑌵𑌨𑌕𑍍𑌷॒𑌤𑍍𑌰𑌾𑌣𑌿॑ । 𑌅॒𑌨𑍂॒𑌰𑌾॒𑌧𑌾𑌃 𑌪𑍍𑌰॑𑌥॒𑌮𑌮𑍍 । 𑌅॒𑌪॒𑌭𑌰॑𑌣𑍀-𑌰𑍁𑌤𑍍𑌤॒𑌮𑌮𑍍 । 𑌤𑌾𑌨𑌿॑ 𑌯𑌮𑌨𑌕𑍍𑌷॒𑌤𑍍𑌰𑌾𑌣𑌿॑ । 𑌯𑌾𑌨𑌿॑ 𑌦𑍇𑌵𑌨𑌕𑍍𑌷॒𑌤𑍍𑌰𑌾𑌣𑌿॑ । 𑌤𑌾𑌨𑌿॒ 𑌦𑌕𑍍𑌷𑌿॑𑌣𑍇𑌨॒ 𑌪𑌰𑌿॑𑌯𑌨𑍍𑌤𑌿 । 𑌯𑌾𑌨𑌿॑ 𑌯𑌮𑌨𑌕𑍍𑌷॒𑌤𑍍𑌰𑌾𑌣𑌿॑ ॥ 12 ॥

𑌤𑌾𑌨𑍍𑌯𑍁𑌤𑍍𑌤॑𑌰𑍇𑌣 ॥ 𑌅𑌨𑍍𑌵𑍇॑𑌷𑌾𑌮𑌰𑌾॒𑌥𑍍𑌸𑍍𑌮𑍇𑌤𑌿॑ । 𑌤𑌦॑𑌨𑍂𑌰𑌾॒𑌧𑌾𑌃 । 𑌜𑍍𑌯𑍇॒𑌷𑍍𑌠𑌮𑍇॑𑌷𑌾-𑌮𑌵𑌧𑌿॒𑌷𑍍𑌮𑍇𑌤𑌿॑ । 𑌤𑌜𑍍𑌜𑍍𑌯𑍇᳚𑌷𑍍𑌠॒𑌘𑍍𑌨𑍀 । 𑌮𑍂𑌲॑𑌮𑍇𑌷𑌾𑌮𑌵𑍃𑌕𑍍𑌷𑌾॒𑌮𑍇𑌤𑌿॑ । 𑌤-𑌨𑍍𑌮𑍂॑𑌲॒𑌵𑌰𑍍𑌹॑𑌣𑍀 । 𑌯𑌨𑍍𑌨𑌾𑌸॑𑌹𑌨𑍍𑌤 । 𑌤𑌦॑𑌷𑌾॒𑌢𑌾𑌃 । 𑌯𑌦𑌶𑍍𑌲𑍋॑𑌣𑌤𑍍 ॥ 13 ॥

𑌤𑌚𑍍𑌛𑍍𑌰𑍋॒𑌣𑌾 । 𑌯𑌦𑌶𑍃॑𑌣𑍋𑌤𑍍 । 𑌤𑌚𑍍𑌛𑍍𑌰𑌵𑌿॑𑌷𑍍𑌠𑌾𑌃 । 𑌯𑌚𑍍𑌛॒𑌤-𑌮𑌭𑌿॑𑌷𑌜𑍍𑌯𑌨𑍍𑌨𑍍 । 𑌤𑌚𑍍𑌛॒𑌤𑌭𑌿॑𑌷𑌕𑍍 । 𑌪𑍍𑌰𑍋॒𑌷𑍍𑌠॒𑌪॒𑌦𑍇𑌷𑍂𑌦॑𑌯𑌚𑍍𑌛𑌨𑍍𑌤 । 𑌰𑍇॒𑌵𑌤𑍍𑌯𑌾॑𑌮𑌰𑌵𑌨𑍍𑌤 । 𑌅॒𑌶𑍍𑌵॒𑌯𑍁𑌜𑍋॑𑌰𑌯𑍁𑌞𑍍𑌜𑌤 । 𑌅॒𑌪॒𑌭𑌰॑𑌣𑍀॒𑌷𑍍𑌵 𑌪𑌾॑𑌵𑌹𑌨𑍍𑌨𑍍 । 𑌤𑌾𑌨𑌿॒ 𑌵𑌾 𑌏॒𑌤𑌾𑌨𑌿॑ 𑌯𑌮𑌨𑌕𑍍𑌷॒𑌤𑍍𑌰𑌾𑌣𑌿॑ ॥ 𑌯𑌾𑌨𑍍𑌯𑍇॒𑌵 𑌦𑍇॑𑌵𑌨𑌕𑍍𑌷॒𑌤𑍍𑌰𑌾𑌣𑌿॑ । 𑌤𑍇𑌷𑍁॑ 𑌕𑍁𑌰𑍍𑌵𑍀𑌤 𑌯𑌤𑍍𑌕𑌾॒𑌰𑍀 𑌸𑍍𑌯𑌾𑌤𑍍 । 𑌪𑍁॒𑌣𑍍𑌯𑌾॒𑌹 𑌏॒𑌵 𑌕𑍁॑𑌰𑍁𑌤𑍇 ॥ 14 ॥

(𑌚॒𑌕𑌾॒ - 𑌰𑍈॒𑌵𑌂-𑌵𑍇𑌁𑌦𑍋॒𑌭𑌯𑍋॑ 𑌰𑍇𑌨𑌂-𑌲𑍋𑌁॒𑌕𑌯𑍋᳚𑌰𑍍𑌵𑌿𑌦𑍁 - 𑌰𑌜𑌯𑌨𑍍 - 𑌰𑍇॒𑌵𑌤𑍀॒𑌮𑍁𑌪𑌾॑𑌤𑌿𑌷𑍍𑌠𑌨𑍍𑌤 - 𑌨𑌕𑍍𑌷𑌤𑍍𑌰॒𑌤𑍍𑌵 - 𑌮॒𑌨𑍍𑌯𑌾𑌨𑌿॒ - 𑌯𑌾𑌨𑌿॑ 𑌯𑌮𑌨𑌕𑍍𑌷॒𑌤𑍍𑌰𑌾 - 𑌣𑍍𑌯𑌶𑍍𑌲𑍋॑𑌣--𑌦𑍍𑌯𑌮𑌨𑌕𑍍𑌷॒𑌤𑍍𑌰𑌾𑌣𑌿॒ 𑌤𑍍𑌰𑍀𑌣𑌿॑ 𑌚) (𑌅. 2)

𑌅𑌨𑍁𑌵𑌾𑌕𑌂 3 - 𑌕𑌰𑍍𑌮𑌾𑌨𑍁𑌷𑍍𑌠𑌾𑌨𑌾𑌰𑍍𑌹𑌃 𑌦𑌿𑌵𑌸𑌭𑌾𑌗𑌰𑍂𑌪𑌃 𑌹𑍇𑌯𑍋𑌪𑌾𑌦𑍇𑌯𑌕𑌾𑌲 𑌵𑌿𑌭𑌾𑌗𑌃

𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 𑌪𑍍𑌰𑌾॒𑌤𑌃 𑌪𑍍𑌰॑𑌸॒𑌵𑌃 𑌪𑍍𑌰𑌾॒𑌣𑌃 । 𑌵𑌰𑍁॑𑌣𑌸𑍍𑌯 𑌸𑌾॒𑌯𑌮𑌾॑𑌸॒𑌵𑍋॑-𑌽𑌪𑌾॒𑌨𑌃 ॥ 𑌯-𑌤𑍍𑌪𑍍𑌰॑𑌤𑍀॒𑌚𑍀𑌨॑-𑌮𑍍𑌪𑍍𑌰𑌾𑌤॒𑌸𑍍𑌤𑌨𑌾᳚𑌤𑍍 । 𑌪𑍍𑌰𑌾॒𑌚𑍀𑌨𑌗𑍍𑌂॑ 𑌸𑌙𑍍𑌗॒𑌵𑌾𑌤𑍍 । 𑌤𑌤𑍋॑ 𑌦𑍇॒𑌵𑌾 𑌅॑𑌗𑍍𑌨𑌿𑌷𑍍𑌟𑍋॒𑌮-𑌨𑍍𑌨𑌿𑌰॑𑌮𑌿𑌮𑌤 । 𑌤𑌤𑍍-𑌤𑌦𑌾𑌤𑍍𑌤॑𑌵𑍀𑌰𑍍𑌯-𑌨𑍍𑌨𑌿𑌰𑍍𑌮𑌾॒𑌰𑍍𑌗𑌃 ॥ 𑌮𑌿॒𑌤𑍍𑌰𑌸𑍍𑌯॑ 𑌸𑌙𑍍𑌗॒𑌵𑌃 । 𑌤𑌤𑍍-𑌪𑍁𑌣𑍍𑌯॑-𑌨𑍍𑌤𑍇𑌜॒𑌸𑍍𑌵𑍍𑌯𑌹𑌃॑ ।

𑌤𑌸𑍍𑌮𑌾॒𑌤𑍍𑌤𑌰𑍍𑌹𑌿॑ 𑌪॒𑌶𑌵𑌃॑ 𑌸॒𑌮𑌾𑌯॑𑌨𑍍𑌤𑌿 ॥ 𑌯-𑌤𑍍𑌪𑍍𑌰॑𑌤𑍀॒𑌚𑍀𑌨𑌗𑍍𑌂॑ 𑌸𑌙𑍍𑌗॒𑌵𑌾𑌤𑍍 ॥ 15 ॥

𑌪𑍍𑌰𑌾॒𑌚𑍀𑌨॑-𑌮𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑌾𑌤𑍍 । 𑌤𑌤𑍋॑ 𑌦𑍇॒𑌵𑌾 𑌉॒𑌕𑍍𑌥𑍍𑌯॑-𑌨𑍍𑌨𑌿𑌰॑𑌮𑌿𑌮𑌤 । 𑌤𑌤𑍍-𑌤𑌦𑌾𑌤𑍍𑌤॑𑌵𑍀𑌰𑍍𑌯-𑌨𑍍𑌨𑌿𑌰𑍍𑌮𑌾॒𑌰𑍍𑌗𑌃 ॥ 𑌬𑍃𑌹॒𑌸𑍍𑌪𑌤𑍇᳚-𑌰𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑌃 । 𑌤𑌤𑍍-𑌪𑍁𑌣𑍍𑌯॑-𑌨𑍍𑌤𑍇𑌜॒𑌸𑍍𑌵𑍍𑌯𑌹𑌃॑ । 𑌤𑌸𑍍𑌮𑌾॒𑌤𑍍𑌤𑌰𑍍𑌹𑌿॒ 𑌤𑍇𑌕𑍍𑌷𑍍𑌣𑌿॑𑌷𑍍𑌠-𑌨𑍍𑌤𑌪𑌤𑌿 ॥ 𑌯𑌤𑍍-𑌪𑍍𑌰॑𑌤𑍀॒𑌚𑍀𑌨॑-𑌮𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑌾𑌤𑍍 । 𑌪𑍍𑌰𑌾॒𑌚𑍀𑌨॑-𑌮𑌪𑌰𑌾॒𑌹𑍍𑌣𑌾𑌤𑍍 । 𑌤𑌤𑍋॑ 𑌦𑍇॒𑌵𑌾-𑌷𑍍𑌷𑍋॑𑌡॒𑌶𑌿𑌨॒-𑌨𑍍𑌨𑌿𑌰॑𑌮𑌿𑌮𑌤 । 𑌤𑌤𑍍𑌤𑌦𑌾𑌤𑍍𑌤॑𑌵𑍀𑌰𑍍𑌯-𑌨𑍍𑌨𑌿𑌰𑍍𑌮𑌾॒𑌰𑍍𑌗𑌃 ॥ 16 ॥

𑌭𑌗॑𑌸𑍍𑌯𑌾𑌪𑌰𑌾॒𑌹𑍍𑌣𑌃 । 𑌤𑌤𑍍-𑌪𑍁𑌣𑍍𑌯॑-𑌨𑍍𑌤𑍇𑌜॒𑌸𑍍𑌵𑍍𑌯𑌹𑌃॑ । 𑌤𑌸𑍍𑌮𑌾॑𑌦𑌪𑌰𑌾॒𑌹𑍍𑌣𑍇 𑌕𑍁॑𑌮𑌾॒𑌰𑍍𑌯𑍋॑ 𑌭𑌗॑𑌮𑌿॒𑌚𑍍𑌛𑌮𑌾॑𑌨𑌾-𑌶𑍍𑌚𑌰𑌨𑍍𑌤𑌿 ॥ 𑌯𑌤𑍍-𑌪𑍍𑌰॑𑌤𑍀॒𑌚𑍀𑌨॑𑌮𑌪𑌰𑌾॒𑌹𑍍𑌣𑌾𑌤𑍍 । 𑌪𑍍𑌰𑌾॒𑌚𑍀𑌨𑌗𑍍𑌂॑ 𑌸𑌾॒𑌯𑌾𑌤𑍍 । 𑌤𑌤𑍋॑ 𑌦𑍇॒𑌵𑌾 𑌅॑𑌤𑌿𑌰𑌾॒𑌤𑍍𑌰-𑌨𑍍𑌨𑌿𑌰॑𑌮𑌿𑌮𑌤 । 𑌤𑌤𑍍𑌤𑌦𑌾𑌤𑍍𑌤॑𑌵𑍀𑌰𑍍𑌯-𑌨𑍍𑌨𑌿𑌰𑍍𑌮𑌾॒𑌰𑍍𑌗𑌃 ॥ 𑌵𑌰𑍁॑𑌣𑌸𑍍𑌯 𑌸𑌾॒𑌯𑌮𑍍 । 𑌤𑌤𑍍-𑌪𑍁𑌣𑍍𑌯॑-𑌨𑍍𑌤𑍇𑌜॒𑌸𑍍𑌵𑍍𑌯𑌹𑌃॑ । 𑌤𑌸𑍍𑌮𑌾॒𑌤𑍍𑌤𑌰𑍍𑌹𑌿॒ 𑌨𑌾𑌨𑍃॑𑌤𑌂-𑌵𑌁𑌦𑍇𑌤𑍍 ॥ 17 ॥

𑌬𑍍𑌰𑌾॒𑌹𑍍𑌮॒𑌣𑍋 𑌵𑌾 𑌅॑𑌷𑍍𑌟𑌾𑌵𑌿॒𑌗𑍍𑌂॒𑌶𑍋 𑌨𑌕𑍍𑌷॑𑌤𑍍𑌰𑌾𑌣𑌾𑌮𑍍 । 𑌸॒𑌮𑌾॒𑌨𑌸𑍍𑌯𑌾𑌹𑍍𑌨𑌃॒ 𑌪𑌞𑍍𑌚॒ 𑌪𑍁𑌣𑍍𑌯𑌾॑𑌨𑌿॒ 𑌨𑌕𑍍𑌷॑𑌤𑍍𑌰𑌾𑌣𑌿 । 𑌚॒𑌤𑍍𑌵𑌾𑌰𑍍𑌯॑𑌶𑍍𑌲𑍀॒𑌲𑌾𑌨𑌿॑ । 𑌤𑌾𑌨𑌿॒ 𑌨𑌵॑ । 𑌯𑌚𑍍𑌚॑ 𑌪॒𑌰𑌸𑍍𑌤𑌾॒𑌨𑍍𑌨𑌕𑍍𑌷॑𑌤𑍍𑌰𑌾𑌣𑌾𑌂॒-𑌯𑌁𑌚𑍍𑌚𑌾॒𑌵𑌸𑍍𑌤𑌾᳚𑌤𑍍 । 𑌤𑌾𑌨𑍍𑌯𑍇𑌕𑌾॑𑌦𑌶 । 𑌬𑍍𑌰𑌾॒𑌹𑍍𑌮॒𑌣𑍋 𑌦𑍍𑌵𑌾॑𑌦॒𑌶𑌃 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑌂॑𑌵𑌁𑌥𑍍𑌸॒𑌰𑌂-𑌵𑍍𑌰𑌁॒𑌤-𑌞𑍍𑌚𑌰॑𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌯॑ 𑌵𑍍𑌰॒𑌤-𑌙𑍍𑌗𑍁॒𑌪𑍍𑌤-𑌮𑍍𑌭॑𑌵𑌤𑌿 ॥ 𑌸॒𑌮𑌾॒𑌨𑌸𑍍𑌯𑌾𑌹𑍍𑌨𑌃॒ 𑌪𑌞𑍍𑌚॒ 𑌪𑍁𑌣𑍍𑌯𑌾॑𑌨𑌿॒ 𑌨𑌕𑍍𑌷॑𑌤𑍍𑌰𑌾𑌣𑌿 । 𑌚॒𑌤𑍍𑌵𑌾𑌰𑍍𑌯॑𑌶𑍍𑌲𑍀॒𑌲𑌾𑌨𑌿॑ । 𑌤𑌾𑌨𑌿॒ 𑌨𑌵॑ । 𑌆॒𑌗𑍍𑌨𑍇॒𑌯𑍀 𑌰𑌾𑌤𑍍𑌰𑌿𑌃॑ । 𑌐॒𑌨𑍍𑌦𑍍𑌰𑌮𑌹𑌃॑ । 𑌤𑌾𑌨𑍍𑌯𑍇𑌕𑌾॑𑌦𑌶 । 𑌆॒𑌦𑌿॒𑌤𑍍𑌯𑍋 𑌦𑍍𑌵𑌾॑𑌦॒𑌶𑌃 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑌂॑𑌵𑌁𑌥𑍍𑌸॒𑌰𑌂-𑌵𑍍𑌰𑌁॒𑌤-𑌞𑍍𑌚𑌰॑𑌤𑌿 । 𑌸𑌂॒𑌵𑌁॒𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌯॑ 𑌵𑍍𑌰॒𑌤-𑌙𑍍𑌗𑍁॒𑌪𑍍𑌤-𑌮𑍍𑌭॑𑌵𑌤𑌿 ॥ 18 ॥

(𑌸॒𑌙𑍍𑌗॒𑌵𑌾𑌥𑍍 - 𑌷𑍋॑𑌡॒𑌶𑌿𑌨॒-𑌨𑍍𑌨𑌿𑌰॑𑌮𑌿𑌮𑌤॒ 𑌤𑌤𑍍𑌤𑌦𑌾𑌤𑍍𑌤॑𑌵𑍀𑌰𑍍𑌯-𑌨𑍍𑌨𑌿𑌰𑍍𑌮𑌾॒𑌗𑍋 - 𑌵॑𑌦𑍇-𑌦𑍍- 𑌭𑌵𑌤𑌿 𑌸𑌮𑌾॒𑌨𑌸𑍍𑌯𑌾𑌹𑍍𑌨𑌃॒ 𑌪𑌞𑍍𑌚॒ 𑌪𑍁𑌣𑍍𑌯𑌾॑𑌨𑌿॒ 𑌨𑌕𑍍𑌷॑𑌤𑍍𑌰𑌾𑌣𑍍𑌯॒𑌷𑍍𑌟𑍗 𑌚॑) (𑌅. 3)

𑌅𑌨𑍁𑌵𑌾𑌕𑌂 4 - 𑌸𑍋𑌮𑌶𑍇𑌷𑌭𑍂𑌤𑌾 𑌪𑌾𑌤𑍍𑌰𑌸𑍍𑌤𑍁𑌤𑌿𑌃.(𑌆𑌧𑍍𑌵𑌰𑌬𑍍𑌰𑌾𑌹𑍍𑌮𑌣𑌶𑍇𑌷𑌃)

𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑌤𑌿॒ 𑌪𑌾𑌤𑍍𑌰𑌾॑𑌣𑌿 𑌯॒𑌜𑍍𑌞𑌂-𑌵𑌁॑𑌹॒𑌨𑍍𑌤𑍀𑌤𑌿॑ । 𑌤𑍍𑌰𑌯𑍋॑𑌦॒𑌶𑍇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌸 𑌯𑌦𑍍𑌬𑍍𑌰𑍂॒𑌯𑌾𑌤𑍍 । 𑌕𑌸𑍍𑌤𑌾𑌨𑌿॒ 𑌨𑌿𑌰॑𑌮𑌿𑌮𑍀॒𑌤𑍇𑌤𑌿॑ । 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌸 𑌯𑌦𑍍𑌬𑍍𑌰𑍂॒𑌯𑌾𑌤𑍍 । 𑌕𑍁𑌤॒𑌸𑍍𑌤𑌾𑌨𑌿॒ 𑌨𑌿𑌰॑𑌮𑌿𑌮𑍀॒𑌤𑍇𑌤𑌿॑ । 𑌆॒𑌤𑍍𑌮𑌨॒ 𑌇𑌤𑌿॑ । 𑌪𑍍𑌰𑌾॒𑌣𑌾॒𑌪𑌾॒𑌨𑌾𑌭𑍍𑌯𑌾॑-𑌮𑍇॒𑌵𑍋𑌪𑌾𑌗𑍍॑-𑌶𑍍𑌵𑌨𑍍𑌤𑌰𑍍𑌯𑌾॒𑌮𑍗 𑌨𑌿𑌰॑𑌮𑌿𑌮𑍀𑌤 ॥ 19 ॥

𑌵𑍍𑌯𑌾॒𑌨𑌾𑌦𑍁॑𑌪𑌾𑌗𑍍𑌂𑌶𑍁॒ 𑌸𑌵॑𑌨𑌮𑍍 । 𑌵𑌾॒𑌚 𑌐᳚𑌨𑍍𑌦𑍍𑌰𑌵𑌾𑌯॒𑌵𑌮𑍍 । 𑌦॒𑌕𑍍𑌷॒𑌕𑍍𑌰॒𑌤𑍁𑌭𑍍𑌯𑌾᳚-𑌮𑍍𑌮𑍈𑌤𑍍𑌰𑌾𑌵𑌰𑍁॒𑌣𑌮𑍍 । 𑌶𑍍𑌰𑍋𑌤𑍍𑌰𑌾॑𑌦𑌾𑌶𑍍𑌵𑌿॒𑌨𑌮𑍍 । 𑌚𑌕𑍍𑌷𑍁॑𑌷-𑌶𑍍𑌶𑍁॒𑌕𑍍𑌰𑌾 𑌮॒𑌨𑍍𑌥𑌿𑌨𑍗᳚ । 𑌆॒𑌤𑍍𑌮𑌨॑ 𑌆𑌗𑍍𑌰𑌯॒𑌣𑌮𑍍 । 𑌅𑌙𑍍𑌗𑍇᳚𑌭𑍍𑌯 𑌉॒𑌕𑍍𑌥𑍍𑌯᳚𑌮𑍍 । 𑌆𑌯𑍁॑𑌷𑍋 𑌧𑍍𑌰𑍁॒𑌵𑌮𑍍 । 𑌪𑍍𑌰॒𑌤𑌿॒𑌷𑍍𑌠𑌾𑌯𑌾॑ 𑌋𑌤𑍁𑌪𑌾॒𑌤𑍍𑌰𑍇 ॥ 𑌯॒𑌜𑍍𑌞𑌂-𑌵𑌾𑌁𑌵 𑌤-𑌮𑍍𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌨𑌿𑌰॑𑌮𑌿𑌮𑍀𑌤 । 𑌸 𑌨𑌿𑌰𑍍𑌮𑌿॑𑌤𑍋॒ 𑌨𑌾𑌦𑍍𑌧𑍍𑌰𑌿॑𑌯𑌤॒ 𑌸𑌮॑𑌵𑍍𑌲𑍀𑌯𑌤 । 𑌸 𑌏॒𑌤𑌾-𑌨𑍍𑌪𑍍𑌰॒𑌜𑌾𑌪॑𑌤𑌿-𑌰𑌪𑌿𑌵𑌾॒𑌪𑌾𑌨॑-𑌪𑌶𑍍𑌯𑌤𑍍 । 𑌤𑌾𑌨𑍍𑌨𑌿𑌰॑𑌵𑌪𑌤𑍍 । 𑌤𑍈𑌰𑍍𑌵𑍈 𑌸 𑌯॒𑌜𑍍𑌞𑌮𑌪𑍍𑌯॑𑌵𑌪𑌤𑍍 । 𑌯𑌦॑𑌪𑌿𑌵𑌾॒𑌪𑌾 𑌭𑌵॑𑌨𑍍𑌤𑌿 । 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑌾॒ 𑌅𑌸𑌂॑𑌵𑍍𑌲𑌁𑌯𑌾𑌯 ॥ 20 ॥

(𑌉॒𑌪𑌾॒𑌗𑍍॒𑌶𑍍𑌵॒𑌨𑍍𑌤॒𑌰𑍍𑌯𑌾॒𑌮𑍗 𑌨𑌿𑌰॑𑌮𑌿𑌮𑍀𑌤𑌾- 𑌮𑌿𑌮𑍀𑌤॒ 𑌷𑌟𑍍 𑌚॑) (𑌅. 4)

𑌅𑌨𑍁𑌵𑌾𑌕𑌂 5 - 𑌚𑌾𑌤𑍁𑌰𑍍𑌮𑌾𑌸𑍍𑌯𑌶𑍇𑌷𑌾 𑌵𑌪𑌨𑌮𑌨𑍍𑌤𑍍𑌰𑌾𑌃, (𑌰𑌾𑌜𑌸𑍂𑌯𑌬𑍍𑌰𑌾𑌹𑍍𑌮𑌣𑌮𑍍)

𑌋॒𑌤𑌮𑍇॒𑌵 𑌪॑𑌰𑌮𑍇॒𑌷𑍍𑌠𑌿 । 𑌋॒𑌤-𑌨𑍍𑌨𑌾𑌤𑍍𑌯𑍇॑𑌤𑌿॒ 𑌕𑌿-𑌞𑍍𑌚॒𑌨 । 𑌋॒𑌤𑍇 𑌸॑𑌮𑍁॒𑌦𑍍𑌰 𑌆𑌹𑌿॑𑌤𑌃 । 𑌋॒𑌤𑍇 𑌭𑍂𑌮𑌿॑𑌰𑌿॒𑌯𑌗𑍍𑌗𑍍 𑌶𑍍𑌰𑌿॒𑌤𑌾 । 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾᳚ । 𑌤𑌪॒ 𑌆𑌕𑍍𑌰𑌾᳚𑌨𑍍𑌤-𑌮𑍁॒𑌷𑍍𑌣𑌿𑌹𑌾᳚ । 𑌶𑌿𑌰॒𑌸𑍍𑌤𑌪॒𑌸𑍍𑌯𑌾𑌹𑌿॑𑌤𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॒ 𑌤𑍇𑌜॑𑌸𑌾 । 𑌋॒𑌤𑍇𑌨𑌾᳚𑌸𑍍𑌯॒ 𑌨𑌿𑌵॑𑌰𑍍𑌤𑌯𑍇 । 𑌸॒𑌤𑍍𑌯𑍇𑌨॒ 𑌪𑌰𑌿॑𑌵𑌰𑍍𑌤𑌯𑍇 ॥ 21 ॥

𑌤𑌪॑𑌸𑌾॒-𑌽𑌸𑍍𑌯𑌾𑌨𑍁॑𑌵𑌰𑍍𑌤𑌯𑍇 । 𑌶𑌿॒𑌵𑍇𑌨𑌾॒𑌸𑍍𑌯𑍋𑌪॑𑌵𑌰𑍍𑌤𑌯𑍇 । 𑌶॒𑌗𑍍𑌮𑍇𑌨𑌾᳚𑌸𑍍𑌯𑌾॒-𑌭𑌿𑌵॑𑌰𑍍𑌤𑌯𑍇 । 𑌤𑌦𑍃॒𑌤-𑌨𑍍𑌤-𑌥𑍍𑌸॒𑌤𑍍𑌯𑌮𑍍 । 𑌤-𑌦𑍍𑌵𑍍𑌰॒𑌤-𑌨𑍍𑌤𑌚𑍍𑌛॑𑌕𑍇𑌯𑌮𑍍 । 𑌤𑍇𑌨॑ 𑌶𑌕𑍇𑌯॒-𑌨𑍍𑌤𑍇𑌨॑ 𑌰𑌾𑌦𑍍𑌧𑍍𑌯𑌾𑌸𑌮𑍍 ॥ 𑌯-𑌦𑍍𑌘॒𑌰𑍍𑌮𑌃 𑌪॒𑌰𑍍𑌯𑌵॑𑌰𑍍𑌤𑌯𑌤𑍍 । 𑌅𑌨𑍍𑌤𑌾᳚-𑌨𑍍𑌪𑍃𑌥𑌿॒𑌵𑍍𑌯𑌾 𑌦𑌿॒𑌵𑌃 । 𑌅॒𑌗𑍍𑌨𑌿𑌰𑍀𑌶𑌾॑𑌨॒ 𑌓𑌜॑𑌸𑌾 । 𑌵𑌰𑍁॑𑌣𑍋 𑌧𑍀॒𑌤𑌿𑌭𑌿𑌃॑ 𑌸॒𑌹 ॥ 22 ॥

𑌇𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒-𑌸𑍍𑌸𑌖𑌿॑𑌭𑌿-𑌸𑍍𑌸॒𑌹 ॥ 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾᳚ । 𑌤𑌪॒ 𑌆𑌕𑍍𑌰𑌾᳚𑌨𑍍𑌤-𑌮𑍁॒𑌷𑍍𑌣𑌿𑌹𑌾᳚ । 𑌶𑌿𑌰॒𑌸𑍍𑌤𑌪॒𑌸𑍍𑌯𑌾𑌹𑌿॑𑌤𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॒ 𑌤𑍇𑌜॑𑌸𑌾 । 𑌋॒𑌤𑍇𑌨𑌾᳚𑌸𑍍𑌯॒ 𑌨𑌿𑌵॑𑌰𑍍𑌤𑌯𑍇 । 𑌸॒𑌤𑍍𑌯𑍇𑌨॒ 𑌪𑌰𑌿॑𑌵𑌰𑍍𑌤𑌯𑍇 । 𑌤𑌪॑𑌸𑌾॒ 𑌽𑌸𑍍𑌯𑌾𑌨𑍁॑𑌵𑌰𑍍𑌤𑌯𑍇 । 𑌶𑌿॒𑌵𑍇𑌨𑌾॒𑌸𑍍𑌯𑍋𑌪॑𑌵𑌰𑍍𑌤𑌯𑍇 । 𑌶॒𑌗𑍍𑌮𑍇𑌨𑌾᳚𑌸𑍍𑌯𑌾॒𑌭𑌿𑌵॑𑌰𑍍𑌤𑌯𑍇 ॥ 23 ॥

𑌤𑌦𑍃॒𑌤-𑌨𑍍𑌤-𑌥𑍍𑌸॒𑌤𑍍𑌯𑌮𑍍 । 𑌤-𑌦𑍍𑌵𑍍𑌰॒𑌤-𑌨𑍍𑌤𑌚𑍍𑌛॑𑌕𑍇𑌯𑌮𑍍 । 𑌤𑍇𑌨॑ 𑌶𑌕𑍇𑌯॒-𑌨𑍍𑌤𑍇𑌨॑ 𑌰𑌾𑌦𑍍𑌧𑍍𑌯𑌾𑌸𑌮𑍍 ॥ 𑌯𑍋 𑌅॒𑌸𑍍𑌯𑌾𑌃 𑌪𑍃॑𑌥𑌿॒𑌵𑍍𑌯𑌾𑌸𑍍𑌤𑍍𑌵॒𑌚𑌿 । 𑌨𑌿॒𑌵॒𑌰𑍍𑌤𑌯॒𑌤𑍍𑌯𑍋𑌷॑𑌧𑍀𑌃 । 𑌅॒𑌗𑍍𑌨𑌿𑌰𑍀𑌶𑌾॑𑌨॒ 𑌓𑌜॑𑌸𑌾 । 𑌵𑌰𑍁॑𑌣𑍋 𑌧𑍀॒𑌤𑌿𑌭𑌿𑌃॑ 𑌸॒𑌹 । 𑌇𑌨𑍍𑌦𑍍𑌰𑍋॑ 𑌮॒𑌰𑍁𑌦𑍍𑌭𑌿॒-𑌸𑍍𑌸𑌖𑌿॑𑌭𑌿-𑌸𑍍𑌸॒𑌹 ॥ 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾᳚ । 𑌤𑌪॒ 𑌆𑌕𑍍𑌰𑌾᳚𑌨𑍍𑌤-𑌮𑍁॒𑌷𑍍𑌣𑌿𑌹𑌾᳚ ॥ 24 ॥

𑌶𑌿𑌰॒𑌸𑍍𑌤𑌪॒𑌸𑍍𑌯𑌾𑌹𑌿॑𑌤𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॒ 𑌤𑍇𑌜॑𑌸𑌾 । 𑌋॒𑌤𑍇𑌨𑌾᳚𑌸𑍍𑌯॒ 𑌨𑌿𑌵॑𑌰𑍍𑌤𑌯𑍇 । 𑌸॒𑌤𑍍𑌯𑍇𑌨॒ 𑌪𑌰𑌿॑𑌵𑌰𑍍𑌤𑌯𑍇 । 𑌤𑌪॑𑌸𑌾॒ 𑌽𑌸𑍍𑌯𑌾𑌨𑍁॑𑌵𑌰𑍍𑌤𑌯𑍇 । 𑌶𑌿॒𑌵𑍇𑌨𑌾॒𑌸𑍍𑌯𑍋𑌪॑𑌵𑌰𑍍𑌤𑌯𑍇 । 𑌶॒𑌗𑍍𑌮𑍇𑌨𑌾᳚𑌸𑍍𑌯𑌾॒-𑌭𑌿𑌵॑𑌰𑍍𑌤𑌯𑍇 । 𑌤𑌦𑍃॒𑌤-𑌨𑍍𑌤-𑌥𑍍𑌸॒𑌤𑍍𑌯𑌮𑍍 । 𑌤-𑌦𑍍𑌵॒𑌤-𑌨𑍍𑌤𑌚𑍍𑌛॑𑌕𑍇𑌯𑌮𑍍 । 𑌤𑍇𑌨॑ 𑌶𑌕𑍇𑌯॒-𑌨𑍍𑌤𑍇𑌨॑ 𑌰𑌾𑌦𑍍𑌧𑍍𑌯𑌾𑌸𑌮𑍍 ॥ 25 ॥

𑌏𑌕॒-𑌮𑍍𑌮𑌾𑌸॒-𑌮𑍁𑌦॑𑌸𑍃𑌜𑌤𑍍 । 𑌪॒𑌰॒𑌮𑍇॒𑌷𑍍𑌠𑍀 𑌪𑍍𑌰॒𑌜𑌾𑌭𑍍𑌯𑌃॑ । 𑌤𑍇𑌨𑌾᳚𑌭𑍍𑌯𑍋॒ 𑌮𑌹॒ 𑌆𑌵॑𑌹𑌤𑍍 । 𑌅॒𑌮𑍃𑌤॒-𑌮𑍍𑌮𑌰𑍍𑌤𑍍𑌯𑌾᳚𑌭𑍍𑌯𑌃 । 𑌪𑍍𑌰॒𑌜𑌾𑌮𑌨𑍁॒ 𑌪𑍍𑌰𑌜𑌾॑𑌯𑌸𑍇 । 𑌤𑌦𑍁॑ 𑌤𑍇 𑌮𑌰𑍍𑌤𑍍𑌯𑌾॒𑌮𑍃𑌤᳚𑌮𑍍 । 𑌯𑍇𑌨॒ 𑌮𑌾𑌸𑌾॑ 𑌅𑌰𑍍𑌧𑌮𑌾॒𑌸𑌾𑌃 । 𑌋॒𑌤𑌵𑌃॑ 𑌪𑌰𑌿𑌵𑌥𑍍𑌸॒𑌰𑌾𑌃 । 𑌯𑍇𑌨॒ 𑌤𑍇 𑌤𑍇᳚ 𑌪𑍍𑌰𑌜𑌾𑌪𑌤𑍇 । 𑌈॒𑌜𑌾॒𑌨𑌸𑍍𑌯॒ 𑌨𑍍𑌯𑌵॑𑌰𑍍𑌤𑌯𑌨𑍍𑌨𑍍 ॥ 26 ॥

𑌤𑍇𑌨𑌾॒𑌹𑌮॒𑌸𑍍𑌯 𑌬𑍍𑌰𑌹𑍍𑌮॑𑌣𑌾 । 𑌨𑌿𑌵॑𑌰𑍍𑌤𑌯𑌾𑌮𑌿 𑌜𑍀॒𑌵𑌸𑍇᳚ ॥ 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾᳚ । 𑌤𑌪॒ 𑌆𑌕𑍍𑌰𑌾᳚𑌨𑍍𑌤-𑌮𑍁॒𑌷𑍍𑌣𑌿𑌹𑌾᳚ । 𑌶𑌿𑌰॒𑌸𑍍𑌤𑌪॒𑌸𑍍𑌯𑌾𑌹𑌿॑𑌤𑌮𑍍 । 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॒ 𑌤𑍇𑌜॑𑌸𑌾 । 𑌋॒𑌤𑍇𑌨𑌾᳚𑌸𑍍𑌯॒ 𑌨𑌿𑌵॑𑌰𑍍𑌤𑌯𑍇 । 𑌸॒𑌤𑍍𑌯𑍇𑌨॒ 𑌪𑌰𑌿॑𑌵𑌰𑍍𑌤𑌯𑍇 । 𑌤𑌪॑𑌸𑌾॒ 𑌽𑌸𑍍𑌯𑌾𑌨𑍁॑𑌵𑌰𑍍𑌤𑌯𑍇 । 𑌶𑌿॒𑌵𑍇𑌨𑌾॒𑌸𑍍𑌯𑍋𑌪॑𑌵𑌰𑍍𑌤𑌯𑍇 । 𑌶॒𑌗𑍍𑌮𑍇𑌨𑌾᳚𑌸𑍍𑌯𑌾॒𑌭𑌿𑌵॑𑌰𑍍𑌤𑌯𑍇 । 𑌤𑌦𑍃॒𑌤-𑌨𑍍𑌤-𑌥𑍍𑌸॒𑌤𑍍𑌯𑌮𑍍 । 𑌤-𑌦𑍍𑌵𑍍𑌰॒𑌤-𑌨𑍍𑌤𑌚𑍍𑌛॑𑌕𑍇𑌯𑌮𑍍 । 𑌤𑍇𑌨॑ 𑌶𑌕𑍇𑌯॒-𑌨𑍍𑌤𑍇𑌨॑ 𑌰𑌾𑌦𑍍𑌧𑍍𑌯𑌾𑌸𑌮𑍍 ॥ 27 ॥

(𑌪𑌰𑌿॑𑌵𑌰𑍍𑌤𑌯𑍇 - 𑌸॒𑌹𑌾 - 𑌭𑌿𑌵॑𑌰𑍍𑌤𑌯 - 𑌉॒𑌷𑍍𑌣𑌿𑌹𑌾॑ - 𑌰𑌾𑌦𑍍𑌧𑍍𑌯𑌾𑌸𑌂॒ - 𑌨𑍍𑌯𑌵॑𑌰𑍍𑌤𑌯॒𑌨𑍍 - 𑌨𑍁𑌪॑𑌵𑌰𑍍𑌤𑌯𑍇 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌚𑌾𑌤𑍁𑌰𑍍𑌮𑌾𑌸𑍍𑌯𑌶𑍇𑌷𑌾 𑌵𑌪𑌨𑌵𑌿𑌧𑌿𑌃 (𑌰𑌾𑌜𑌸𑍂𑌯𑌬𑍍𑌰𑌾𑌹𑍍𑌮𑌣𑌮𑍍)

𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇 𑌽𑌕𑍁॑𑌰𑍍𑌵𑌤 । 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤 । 𑌤𑍇-𑌽𑌸𑍁॑𑌰𑌾 𑌊॒𑌰𑍍𑌧𑍍𑌵-𑌮𑍍𑌪𑍃॒𑌷𑍍𑌠𑍇𑌭𑍍𑌯𑍋॒ 𑌨𑌾𑌪॑𑌶𑍍𑌯𑌨𑍍𑌨𑍍 । 𑌤𑍇 𑌕𑍇𑌶𑌾॒𑌨𑌗𑍍𑌰𑍇॑-𑌽𑌵𑌪𑌨𑍍𑌤 । 𑌅𑌥॒ 𑌶𑍍𑌮𑌶𑍍𑌰𑍂॑𑌣𑌿 । 𑌅𑌥𑍋॑𑌪𑌪॒𑌕𑍍𑌷𑍗 । 𑌤𑌤॒𑌸𑍍𑌤𑍇-𑌽𑌵𑌾᳚𑌞𑍍𑌚 𑌆𑌯𑌨𑍍𑌨𑍍 । 𑌪𑌰𑌾॑-𑌽𑌭𑌵𑌨𑍍𑌨𑍍 । 𑌯𑌸𑍍𑌯𑍈॒𑌵𑌂-𑌵𑌁𑌪॑𑌨𑍍𑌤𑌿 । 𑌅𑌵𑌾𑌂॑𑌏𑌤𑌿 ॥ 28 ॥

𑌅𑌥𑍋॒ 𑌪𑌰𑍈॒𑌵 𑌭॑𑌵𑌤𑌿 । 𑌅𑌥॑ 𑌦𑍇॒𑌵𑌾 𑌊॒𑌰𑍍𑌧𑍍𑌵-𑌮𑍍𑌪𑍃॒𑌷𑍍𑌠𑍇𑌭𑍍𑌯𑍋॑-𑌽𑌪𑌶𑍍𑌯𑌨𑍍𑌨𑍍 । 𑌤 𑌉॑𑌪𑌪॒𑌕𑍍𑌷𑌾𑌵𑌗𑍍𑌰𑍇॑-𑌽𑌵𑌪𑌨𑍍𑌤 । 𑌅𑌥॒ 𑌶𑍍𑌮𑌶𑍍𑌰𑍂॑𑌣𑌿 । 𑌅𑌥॒ 𑌕𑍇𑌶𑌾𑌨𑍍॑ । 𑌤𑌤॒𑌸𑍍𑌤𑍇॑-𑌽𑌭𑌵𑌨𑍍𑌨𑍍 । 𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌯𑌸𑍍𑌯𑍈॒𑌵𑌂-𑌵𑌁𑌪॑𑌨𑍍𑌤𑌿 । 𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚ । 𑌅𑌥𑍋॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 29 ॥

𑌅𑌥𑍈॒𑌤-𑌨𑍍𑌮𑌨𑍁॑-𑌰𑍍𑌵॒𑌪𑍍𑌤𑍍𑌰𑍇 𑌮𑌿॑𑌥𑍁॒𑌨-𑌮॑𑌪𑌶𑍍𑌯𑌤𑍍 । 𑌸 𑌶𑍍𑌮𑌶𑍍𑌰𑍂॒𑌣𑍍𑌯𑌗𑍍𑌰𑍇॑-𑌽𑌵𑌪𑌤 । 𑌅𑌥𑍋॑𑌪𑌪॒𑌕𑍍𑌷𑍗 । 𑌅𑌥॒ 𑌕𑍇𑌶𑌾𑌨𑍍॑ । 𑌤𑌤𑍋॒ 𑌵𑍈 𑌸 𑌪𑍍𑌰𑌾𑌜𑌾॑𑌯𑌤 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌯𑌸𑍍𑌯𑍈॒𑌵𑌂-𑌵𑌁𑌪॑𑌨𑍍𑌤𑌿 । 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 ॥ 𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤𑍇 𑌸𑌂॑𑌵𑌁𑌥𑍍𑌸॒𑌰𑍇 𑌵𑍍𑌯𑌾𑌯॑𑌚𑍍𑌛𑌨𑍍𑌤 । 𑌤𑌾-𑌨𑍍𑌦𑍇॒𑌵𑌾𑌶𑍍𑌚𑌾॑𑌤𑍁-𑌰𑍍𑌮𑌾॒𑌸𑍍𑌯𑍈𑌰𑍇॒𑌵𑌾𑌭𑌿 𑌪𑍍𑌰𑌾𑌯𑍁॑𑌞𑍍𑌜𑌤 ॥ 30 ॥

𑌵𑍈॒𑌶𑍍𑌵॒𑌦𑍇॒𑌵𑍇𑌨॑ 𑌚॒𑌤𑍁𑌰𑍋॑ 𑌮𑌾॒𑌸𑍋॑-𑌽𑌵𑍃𑌞𑍍𑌜॒𑌤𑍇𑌨𑍍𑌦𑍍𑌰॑𑌰𑌾𑌜𑌾𑌨𑌃 । 𑌤𑌾𑌞𑍍𑌛𑍀॒𑌰𑍍॒𑌷𑌨𑍍𑌨𑌿 𑌚𑌾𑌵॑𑌰𑍍𑌤𑌯𑌨𑍍𑌤॒ 𑌪𑌰𑌿॑ 𑌚 । 𑌵॒𑌰𑍁॒𑌣॒ 𑌪𑍍𑌰॒𑌘𑌾॒𑌸𑍈-𑌶𑍍𑌚॒𑌤𑍁𑌰𑍋॑ 𑌮𑌾॒𑌸𑍋॑-𑌽𑌵𑍃𑌞𑍍𑌜𑌤॒ 𑌵𑌰𑍁॑𑌣𑌰𑌾𑌜𑌾𑌨𑌃 । 𑌤𑌾𑌞𑍍𑌛𑍀॒𑌰𑍍॒𑌷𑌨𑍍𑌨𑌿 𑌚𑌾𑌵॑𑌰𑍍𑌤𑌯𑌨𑍍𑌤॒ 𑌪𑌰𑌿॑ 𑌚 । 𑌸𑌾॒𑌕॒𑌮𑍇॒𑌧𑍈𑌶𑍍𑌚॒𑌤𑍁𑌰𑍋॑ 𑌮𑌾॒𑌸𑍋॑-𑌽𑌵𑍃𑌞𑍍𑌜𑌤॒ 𑌸𑍋𑌮॑𑌰𑌾𑌜𑌾𑌨𑌃 । 𑌤𑌾𑌞𑍍𑌛𑍀॒𑌰॒.𑌷𑌨𑍍𑌨𑌿 𑌚𑌾𑌵॑𑌰𑍍𑌤𑌯𑌨𑍍𑌤॒ 𑌪𑌰𑌿॑ 𑌚 । 𑌯𑌾 𑌸𑌂॑𑌵𑌁𑌥𑍍𑌸॒𑌰 𑌉॑𑌪𑌜𑍀॒𑌵𑌾 𑌽𑌽𑌸𑍀᳚𑌤𑍍 । 𑌤𑌾𑌮𑍇॑𑌷𑌾-𑌮𑌵𑍃𑌞𑍍𑌜𑌤 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 ॥ 31 ॥

𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌗𑍍-𑌶𑍍𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑍈-𑌰𑍍𑌯𑌜॑𑌤𑍇 । 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑍈॒𑌵 𑌮𑌾॒𑌸𑍋 𑌵𑍃॒𑌕𑍍𑌤𑍍𑌵𑌾 । 𑌶𑍀॒𑌰𑍍॒𑌷𑌨𑍍𑌨𑌿 𑌚॑ 𑌵॒𑌰𑍍𑌤𑌯॑𑌤𑍇॒ 𑌪𑌰𑌿॑ 𑌚 । 𑌯𑍈𑌷𑌾 𑌸𑌂॑𑌵𑌁𑌥𑍍𑌸॒𑌰 𑌉॑𑌪𑌜𑍀॒𑌵𑌾 । 𑌵𑍃॒𑌙𑍍𑌕𑍍𑌤𑍇 𑌤𑌾-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 । 𑌕𑍍𑌷𑍁॒𑌧𑌾 𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌃॒ 𑌪𑌰𑌾॑ 𑌭𑌵𑌤𑌿 ॥ 𑌲𑍋॒𑌹𑌿॒𑌤𑌾॒𑌯॒𑌸𑍇𑌨॒ 𑌨𑌿𑌵॑𑌰𑍍𑌤𑌯𑌤𑍇 । 𑌯𑌦𑍍𑌵𑌾 𑌇॒𑌮𑌾𑌮॒𑌗𑍍𑌨𑌿𑌰𑍍-𑌋॒𑌤𑌾𑌵𑌾𑌗॑𑌤𑍇 𑌨𑌿𑌵॒𑌰𑍍𑌤𑌯॑𑌤𑌿 । 𑌏॒𑌤𑌦𑍇॒𑌵𑍈𑌨𑌾𑌗𑍍𑌂॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 𑌨𑌿𑌵॑𑌰𑍍𑌤𑌯𑌤𑌿 । 𑌸𑌾 𑌤𑌤॒-𑌶𑍍𑌶𑍍𑌵-𑌶𑍍𑌶𑍍𑌵𑍋॒ 𑌭𑍂𑌯॑𑌸𑍀॒ 𑌭𑌵॑𑌨𑍍𑌤𑍍𑌯𑍇𑌤𑌿 ॥ 32 ॥

𑌪𑍍𑌰𑌜𑌾॑𑌯𑌤𑍇 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌁𑌲𑍍𑌲𑍋॑𑌹𑌿𑌤𑌾𑌯॒𑌸𑍇𑌨॑ 𑌨𑌿𑌵॒𑌰𑍍𑌤𑌯॑𑌤𑍇 । 𑌏॒𑌤𑌦𑍇॒𑌵 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 𑌨𑌿𑌵॑𑌰𑍍𑌤𑌯𑌤𑍇 । 𑌸 𑌤𑌤॒-𑌶𑍍𑌶𑍍𑌵-𑌶𑍍𑌶𑍍𑌵𑍋॒ 𑌭𑍂𑌯𑌾॒𑌨𑍍-𑌭𑌵॑𑌨𑍍𑌨𑍇𑌤𑌿 । 𑌪𑍍𑌰𑍈𑌵 𑌜𑌾॑𑌯𑌤𑍇 ॥ 𑌤𑍍𑌰𑍇॒𑌣𑍍𑌯𑌾 𑌶॑𑌲॒𑌲𑍍𑌯𑌾 𑌨𑌿𑌵॑𑌰𑍍𑌤𑌯𑍇𑌤 । 𑌤𑍍𑌰𑍀𑌣𑌿॑ 𑌤𑍍𑌰𑍀𑌣𑌿॒ 𑌵𑍈 𑌦𑍇॒𑌵𑌾𑌨𑌾॑𑌮𑍃॒𑌦𑍍𑌧𑌾𑌨𑌿॑ । 𑌤𑍍𑌰𑍀𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 । 𑌤𑍍𑌰𑍀𑌣𑌿॒ 𑌸𑌵॑𑌨𑌾𑌨𑌿 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 ॥ 33 ॥

𑌋॒𑌦𑍍𑌧𑍍𑌯𑌾𑌮𑍇॒𑌵 𑌤-𑌦𑍍𑌵𑍀॒𑌰𑍍𑌯॑ 𑌏॒𑌷𑍁 𑌲𑍋॒𑌕𑍇𑌷𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 𑌯𑌚𑍍𑌚𑌾॑𑌤𑍁𑌰𑍍𑌮𑌾𑌸𑍍𑌯𑌯𑌾॒-𑌜𑍍𑌯𑌾᳚𑌤𑍍𑌮𑌨𑍋॒ 𑌨𑌾𑌵॒𑌦𑍍𑌯𑍇𑌤𑍍 । 𑌦𑍇॒𑌵𑍇𑌭𑍍𑌯॒ 𑌆𑌵𑍃॑𑌶𑍍𑌚𑍍𑌯𑍇𑌤 । 𑌚॒𑌤𑍃॒𑌷𑍁 𑌚॑𑌤𑍃𑌷𑍁॒ 𑌮𑌾𑌸𑍇॑𑌷𑍁॒ 𑌨𑌿𑌵॑𑌰𑍍𑌤𑌯𑍇𑌤 । 𑌪॒𑌰𑍋𑌕𑍍𑌷॑𑌮𑍇॒𑌵 𑌤-𑌦𑍍𑌦𑍇॒𑌵𑍇𑌭𑍍𑌯॑ 𑌆॒𑌤𑍍𑌮𑌨𑍋-𑌽𑌵॑𑌦𑍍𑌯॒𑌤𑍍𑌯𑌨𑌾᳚ 𑌵𑍍𑌰𑌸𑍍𑌕𑌾𑌯 ॥ 𑌦𑍇॒𑌵𑌾𑌨𑌾𑌂॒-𑌵𑌾𑌁 𑌏॒𑌷 𑌆𑌨𑍀॑𑌤𑌃 । 𑌯𑌶𑍍𑌚𑌾॑𑌤𑍁𑌰𑍍𑌮𑌾𑌸𑍍𑌯𑌯𑌾॒𑌜𑍀 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍𑌨𑌿 𑌚॑ 𑌵॒𑌰𑍍𑌤𑌯॑𑌤𑍇॒ 𑌪𑌰𑌿॑ 𑌚 । 𑌦𑍇॒𑌵𑌤𑌾॑ 𑌏॒𑌵𑌾𑌪𑍍𑌯𑍇॑𑌤𑌿 । 𑌨𑌾𑌸𑍍𑌯॑ 𑌰𑍁॒𑌦𑍍𑌰𑌃 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨॒𑌭𑌿𑌮॑𑌨𑍍𑌯𑌤𑍇 ॥ 34 ॥

(𑌏॒𑌤𑍍𑌯𑍇॒- 𑌤𑍍𑌯॒ - 𑌯𑍁॒𑌞𑍍𑌜॒𑌤𑌾 - 𑌸𑍁॑𑌰𑌾 - 𑌏𑌤𑌿 - 𑌲𑍋॒𑌕𑌾 - 𑌮॑𑌨𑍍𑌯𑌤𑍇) (𑌅. 6)

𑌅𑌨𑍁𑌵𑌾𑌕𑌂 7 - 𑌅𑌗𑍍𑌨𑌿𑌚𑌯𑌨𑌶𑍇𑌷𑌾 𑌇𑌷𑍍𑌟𑌕𑍋𑌪𑌧𑌾𑌨𑌮𑌨𑍍𑌤𑍍𑌰𑌾𑌃, 𑌤𑌤𑍍𑌰 𑌸𑌨𑍍𑌤𑌤𑍍𑌯𑌾𑌖𑍍𑌯𑍇𑌷𑍍𑌟𑌕𑌾𑌮𑌨𑍍𑌤𑍍𑌰𑌾𑌃

𑌆𑌯𑍁॑𑌷𑌃 𑌪𑍍𑌰𑌾॒𑌣𑌗𑍍𑌂 𑌸𑌨𑍍𑌤॑𑌨𑍁 । 𑌪𑍍𑌰𑌾॒𑌣𑌾𑌦॑𑌪𑌾॒𑌨𑌗𑍍𑌂 𑌸𑌨𑍍𑌤॑𑌨𑍁 । 𑌅॒𑌪𑌾॒𑌨𑌾-𑌦𑍍𑌵𑍍𑌯𑌾॒𑌨𑌗𑍍𑌂 𑌸𑌨𑍍𑌤॑𑌨𑍁 । 𑌵𑍍𑌯𑌾॒𑌨𑌾𑌚𑍍𑌚𑌕𑍍𑌷𑍁॒-𑌸𑍍𑌸𑌨𑍍𑌤॑𑌨𑍁 । 𑌚𑌕𑍍𑌷𑍁॑𑌷॒-𑌶𑍍𑌶𑍍𑌰𑍋𑌤𑍍𑌰॒𑌗𑍍𑌂॒ 𑌸𑌨𑍍𑌤॑𑌨𑍁 । 𑌶𑍍𑌰𑍋𑌤𑍍𑌰𑌾॒-𑌨𑍍𑌮𑌨॒-𑌸𑍍𑌸𑌨𑍍𑌤॑𑌨𑍁 । 𑌮𑌨॑𑌸𑍋॒ 𑌵𑌾𑌚॒𑌗𑍍𑌂॒ 𑌸𑌨𑍍𑌤॑𑌨𑍁 । 𑌵𑌾॒𑌚 𑌆॒𑌤𑍍𑌮𑌾𑌨॒𑌗𑍍𑌂॒ 𑌸𑌨𑍍𑌤॑𑌨𑍁 । 𑌆॒𑌤𑍍𑌮𑌨𑌃॑ 𑌪𑍃𑌥𑌿॒𑌵𑍀𑌗𑍍𑌂 𑌸𑌨𑍍𑌤॑𑌨𑍁 । 𑌪𑍃॒𑌥𑌿॒𑌵𑍍𑌯𑌾 𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍𑌂॒ 𑌸𑌨𑍍𑌤॑𑌨𑍁 । 𑌅॒𑌨𑍍𑌤𑌰𑌿॑𑌕𑍍𑌷𑌾॒-𑌦𑍍𑌦𑌿𑌵॒𑌗𑍍𑌂॒ 𑌸𑌨𑍍𑌤॑𑌨𑍁 ।𑌦𑌿𑌵॒-𑌸𑍍𑌸𑍁𑌵॒-𑌸𑍍𑌸𑌨𑍍𑌤॑𑌨𑍁 ॥ 35 ॥

(𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍𑌂॒ 𑌸𑌨𑍍𑌤॑𑌨𑍁॒ 𑌦𑍍𑌵𑍇 𑌚॑) (𑌅. 7)

𑌅𑌨𑍁𑌵𑌾𑌕𑌂 8 - 𑌅𑌗𑍍𑌨𑌿𑌚𑌯𑌨𑌶𑍇𑌷𑌾 𑌥𑌰𑍍𑌵𑌶𑌿𑌰𑍋-𑌽𑌭𑌿𑌧𑌾𑌨𑌾𑌨𑌾𑌮𑌿𑌷𑍍𑌟𑌕𑌾𑌨𑌾-𑌮𑍍𑌮𑌨𑍍𑌤𑍍𑌰𑌾𑌃

𑌇𑌨𑍍𑌦𑍍𑌰𑍋॑ 𑌦𑌧𑍀॒𑌚𑍋 𑌅॒𑌸𑍍𑌥𑌭𑌿𑌃॑ । 𑌵𑍃॒𑌤𑍍𑌰𑌾𑌣𑍍𑌯 𑌪𑍍𑌰॑𑌤𑌿𑌷𑍍𑌕𑍁𑌤𑌃 । 𑌜॒𑌘𑌾𑌨॑ 𑌨𑌵॒ 𑌤𑍀𑌰𑍍𑌨𑌵॑ ॥ 𑌇॒𑌚𑍍𑌛𑌨𑍍𑌨𑌶𑍍𑌵॑𑌸𑍍𑌯॒ 𑌯𑌚𑍍𑌛𑌿𑌰𑌃॑ । 𑌪𑌰𑍍𑌵॑𑌤𑍇॒𑌷𑍍𑌵𑌪॑ 𑌶𑍍𑌰𑌿𑌤𑌮𑍍 । 𑌤-𑌦𑍍𑌵𑌿॑𑌦𑌚𑍍𑌛𑌰𑍍𑌯॒𑌣𑌾𑌵॑𑌤𑌿 ॥ 𑌅𑌤𑍍𑌰𑌾 𑌹 ॒𑌗𑍋𑌰𑌮॑𑌨𑍍𑌵𑌤 । 𑌨𑌾𑌮॒ 𑌤𑍍𑌵𑌷𑍍𑌟𑍁॑𑌰𑌪𑍀॒𑌚𑍍𑌯᳚𑌮𑍍 । 𑌇॒𑌤𑍍𑌥𑌾 𑌚॒𑌨𑍍𑌦𑍍𑌰𑌮॑𑌸𑍋 𑌗𑍃॒𑌹𑍇 ॥ 𑌇𑌨𑍍𑌦𑍍𑌰॒𑌮𑌿𑌦𑍍𑌗𑌾॒𑌥𑌿𑌨𑍋॑ 𑌬𑍃॒𑌹𑌤𑍍 ॥ 36 ॥

𑌇𑌨𑍍𑌦𑍍𑌰॑𑌮॒𑌰𑍍𑌕𑍇𑌭𑌿॑𑌰॒𑌰𑍍𑌕𑌿𑌣𑌃॑ । 𑌇𑌨𑍍𑌦𑍍𑌰𑌂॒-𑌵𑌾𑌁𑌣𑍀॑𑌰𑌨𑍂𑌷𑌤 ॥ 𑌇𑌨𑍍𑌦𑍍𑌰॒ 𑌇𑌦𑍍𑌧𑌰𑍍𑌯𑍋॒-𑌸𑍍𑌸𑌚𑌾᳚ । 𑌸𑌮𑍍𑌮𑌿॑𑌶𑍍𑌲॒ 𑌆𑌵॑𑌚𑍋॒ 𑌯𑍁𑌜𑌾᳚ । 𑌇𑌨𑍍𑌦𑍍𑌰𑍋॑ 𑌵॒𑌜𑍍𑌰𑍀 𑌹𑌿॑𑌰॒𑌣𑍍𑌯𑌯𑌃॑ ॥ 𑌇𑌨𑍍𑌦𑍍𑌰𑍋॑ 𑌦𑍀॒𑌰𑍍𑌘𑌾𑌯॒ 𑌚𑌕𑍍𑌷॑𑌸𑍇 । 𑌆 𑌸𑍂𑌰𑍍𑌯𑌗𑍍𑌂॑ 𑌰𑍋𑌹𑌯-𑌦𑍍𑌦𑌿॒𑌵𑌿 । 𑌵𑌿 𑌗𑍋𑌭𑌿॒𑌰𑌦𑍍𑌰𑌿॑𑌮𑍈𑌰𑌯𑌤𑍍 ॥ 𑌇𑌨𑍍𑌦𑍍𑌰॒ 𑌵𑌾𑌜𑍇॑𑌷𑍁 𑌨𑍋 𑌅𑌵 । 𑌸॒𑌹𑌸𑍍𑌰॑ 𑌪𑍍𑌰𑌧𑌨𑍇𑌷𑍁 𑌚 ॥ 37 ॥

𑌉॒𑌗𑍍𑌰 𑌉॒𑌗𑍍𑌰𑌾𑌭𑌿॑𑌰𑍂॒𑌤𑌿𑌭𑌿𑌃॑ ॥ 𑌤𑌮𑌿𑌨𑍍𑌦𑍍𑌰𑌂॑-𑌵𑌾𑌁𑌜𑌯𑌾𑌮𑌸𑌿 । 𑌮॒𑌹𑍇 𑌵𑍃॒𑌤𑍍𑌰𑌾𑌯॒ 𑌹𑌨𑍍𑌤॑𑌵𑍇 । 𑌸 𑌵𑍃𑌷𑌾॑ 𑌵𑍃𑌷॒𑌭𑍋 𑌭𑍁॑𑌵𑌤𑍍 ॥ 𑌇𑌨𑍍𑌦𑍍𑌰॒-𑌸𑍍𑌸𑌦𑌾𑌮॑𑌨𑍇 𑌕𑍃॒𑌤𑌃 । 𑌓𑌜𑌿॑𑌷𑍍𑌠॒-𑌸𑍍𑌸 𑌬𑌲𑍇॑ 𑌹𑌿॒𑌤𑌃 । 𑌦𑍍𑌯𑍁॒𑌮𑍍𑌨𑍀 𑌶𑍍𑌲𑍋॒𑌕𑍀 𑌸 𑌸𑍗॒𑌮𑍍𑌯𑌃॑ ॥ 𑌗𑌿॒𑌰𑌾 𑌵𑌜𑍍𑌰𑍋॒ 𑌨 𑌸𑌮𑍍𑌭𑍃॑𑌤𑌃 । 𑌸𑌬॑𑌲𑍋॒ 𑌅𑌨॑𑌪𑌚𑍍𑌯𑍁𑌤𑌃 । 𑌵॒𑌵॒𑌕𑍍𑌷𑍁-𑌰𑍁॒𑌗𑍍𑌰𑍋 𑌅𑌸𑍍𑌤𑍃॑𑌤𑌃 ॥ 38 ॥

(𑌬𑍃॒𑌹- 𑌚𑍍𑌚𑌾 - 𑌸𑍍𑌤𑍃॑𑌤𑌃) (𑌅. 8)

𑌅𑌨𑍁𑌵𑌾𑌕𑌂 9 - 𑌸𑍋𑌮𑌶𑍇𑌷𑌭𑍂𑌤𑌾 𑌇𑌷𑍍𑌟𑌯𑌃. (𑌆𑌧𑍍𑌵𑌰𑌬𑍍𑌰𑌾𑌹𑍍𑌮𑌣𑌮𑍍)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌸 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌨𑍍𑌦𑍍𑌰॑-𑌞𑍍𑌜𑍍𑌯𑍇॒𑌷𑍍𑌠-𑌮𑍍𑌪𑍁॒𑌤𑍍𑌰𑌮𑌪॒ 𑌨𑍍𑌯॑𑌧𑌤𑍍𑌤 । 𑌨𑍇𑌦𑍇॑𑌨॒𑌮𑌸𑍁॑𑌰𑌾॒ 𑌬𑌲𑍀॑𑌯𑌾𑌗𑍍𑌂 𑌸𑍋-𑌽𑌹𑌨॒𑌨𑍍𑌨𑌿𑌤𑌿॑ । 𑌪𑍍𑌰॒𑌹𑍍𑌰𑌾𑌦𑍋॑ 𑌹॒ 𑌵𑍈 𑌕𑌾॑𑌯𑌾𑌧॒𑌵𑌃 । 𑌵𑌿॒𑌰𑍋𑌚॑𑌨॒𑌗𑍍𑌗𑍍॒ 𑌸𑍍𑌵-𑌮𑍍𑌪𑍁॒𑌤𑍍𑌰𑌮𑌪॒ 𑌨𑍍𑌯॑𑌧𑌤𑍍𑌤 । 𑌨𑍇𑌦𑍇॑𑌨-𑌨𑍍𑌦𑍇॒𑌵𑌾 𑌅॑𑌹𑌨॒𑌨𑍍𑌨𑌿𑌤𑌿॑ । 𑌤𑍇 𑌦𑍇॒𑌵𑌾𑌃 𑌪𑍍𑌰॒𑌜𑌾𑌪॑𑌤𑌿-𑌮𑍁𑌪𑌸॒𑌮𑍇𑌤𑍍𑌯𑍋॑𑌚𑍁𑌃 । 𑌨𑌾𑌰𑌾॒𑌜𑌕॑𑌸𑍍𑌯 𑌯𑍁॒𑌦𑍍𑌧𑌮॑𑌸𑍍𑌤𑌿 । 𑌇𑌨𑍍𑌦𑍍𑌰॒𑌮𑌨𑍍𑌵𑌿॑𑌚𑍍𑌛𑌾॒𑌮𑍇𑌤𑌿॑ । 𑌤𑌂-𑌯𑌁॑𑌜𑍍𑌞𑌕𑍍𑌰॒𑌤𑍁𑌭𑌿॒-𑌰𑌨𑍍𑌵𑍈᳚𑌚𑍍𑌛𑌨𑍍𑌨𑍍 ॥ 39 ॥

𑌤𑌂-𑌯𑌁॑𑌜𑍍𑌞𑌕𑍍𑌰॒𑌤𑍁𑌭𑌿॒𑌰𑍍𑌨𑌾𑌨𑍍𑌵॑𑌵𑌿𑌨𑍍𑌦𑌨𑍍𑌨𑍍 । 𑌤𑌮𑌿𑌷𑍍𑌟𑌿॑𑌭𑌿॒-𑌰𑌨𑍍𑌵𑍈᳚𑌚𑍍𑌛𑌨𑍍𑌨𑍍 । 𑌤𑌮𑌿𑌷𑍍𑌟𑌿॑𑌭𑌿॒-𑌰𑌨𑍍𑌵॑𑌵𑌿𑌨𑍍𑌦𑌨𑍍𑌨𑍍 । 𑌤𑌦𑌿𑌷𑍍𑌟𑍀॑𑌨𑌾-𑌮𑌿𑌷𑍍𑌟𑌿॒𑌤𑍍𑌵𑌮𑍍 । 𑌏𑌷𑍍𑌟॑𑌯𑍋 𑌹॒ 𑌵𑍈 𑌨𑌾𑌮॑ । 𑌤𑌾 𑌇𑌷𑍍𑌟॑𑌯॒ 𑌇𑌤𑍍𑌯𑌾𑌚॑𑌕𑍍𑌷𑌤𑍇 𑌪॒𑌰𑍋𑌕𑍍𑌷𑍇॑𑌣 । 𑌪॒𑌰𑍋𑌕𑍍𑌷॑𑌪𑍍𑌰𑌿𑌯𑌾 𑌇𑌵॒ 𑌹𑌿 𑌦𑍇॒𑌵𑌾𑌃 ॥ 𑌤𑌸𑍍𑌮𑌾॑ 𑌏॒𑌤𑌮𑌾᳚𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲-𑌨𑍍𑌦𑍀𑌕𑍍𑌷॒𑌣𑍀𑌯॒-𑌨𑍍𑌨𑌿𑌰॑𑌵𑌪𑌨𑍍𑌨𑍍 । 𑌤𑌦॑𑌪॒𑌦𑍍𑌰𑍁𑌤𑍍𑌯𑌾॑𑌤𑌨𑍍𑌵𑌤 । 𑌤𑌾𑌨𑍍𑌪॑𑌤𑍍𑌨𑍀 𑌸𑌂𑌯𑌾𑌁॒𑌜𑌾𑌨𑍍𑌤॒ 𑌉𑌪𑌾॑𑌨𑌯𑌨𑍍𑌨𑍍 ॥ 40 ॥

𑌤𑍇 𑌤𑌦॑-𑌨𑍍𑌤𑌮𑍇॒𑌵 𑌕𑍃॒𑌤𑍍𑌵𑍋𑌦॑𑌦𑍍𑌰𑌵𑌨𑍍𑌨𑍍 ॥ 𑌤𑍇 𑌪𑍍𑌰𑌾॑𑌯॒𑌣𑍀𑌯॑𑌮॒𑌭𑌿 𑌸॒𑌮𑌾𑌰𑍋॑𑌹𑌨𑍍𑌨𑍍 । 𑌤𑌦॑𑌪॒𑌦𑍍𑌰𑍁𑌤𑍍𑌯𑌾॑𑌤𑌨𑍍𑌵𑌤 । 𑌤𑌾𑌞𑍍𑌛𑌂॒𑌯𑍍𑌵𑌁॑𑌨𑍍𑌤॒ 𑌉𑌪𑌾॑𑌨𑌯𑌨𑍍𑌨𑍍 । 𑌤𑍇 𑌤𑌦॑𑌤𑌮𑍍𑌮𑍇॒𑌵 𑌕𑍃॒𑌤𑍍𑌵𑍋𑌦॑𑌦𑍍𑌰𑌵𑌨𑍍𑌨𑍍 ॥ 𑌤 𑌆॑𑌤𑌿॒𑌥𑍍𑌯𑌮॒𑌭𑌿 𑌸॒𑌮𑌾𑌰𑍋॑𑌹𑌨𑍍𑌨𑍍 । 𑌤𑌦॑𑌪॒𑌦𑍍𑌰𑍁𑌤𑍍𑌯𑌾॑𑌤𑌨𑍍𑌵𑌤 । 𑌤𑌾𑌨𑌿𑌡𑌾᳚𑌨𑍍𑌤॒ 𑌉𑌪𑌾॑𑌨𑌯𑌨𑍍𑌨𑍍 । 𑌤𑍇 𑌤𑌦॑𑌤𑌮𑍍𑌮𑍇॒𑌵 𑌕𑍃॒𑌤𑍍𑌵𑍋𑌦॑𑌦𑍍𑌰𑌵𑌨𑍍𑌨𑍍 । 𑌤𑌸𑍍𑌮𑌾॑ 𑌦𑍇॒𑌤𑌾 𑌏॒𑌤𑌦॑𑌨𑍍𑌤𑌾॒ 𑌇𑌷𑍍𑌟॑𑌯॒-𑌸𑍍𑌸𑌨𑍍𑌤𑌿॑𑌷𑍍𑌠𑌨𑍍𑌤𑍇 ॥ 41 ॥

𑌏॒𑌵𑌗𑍍𑌂 𑌹𑌿 𑌦𑍇॒𑌵𑌾 𑌅𑌕𑍁॑𑌰𑍍𑌵𑌤 । 𑌇𑌤𑌿॑ 𑌦𑍇॒𑌵𑌾 𑌅॑𑌕𑍁𑌰𑍍𑌵𑌤 । 𑌇𑌤𑍍𑌯𑍁॒ 𑌵𑍈 𑌮॑𑌨𑍁॒𑌷𑍍𑌯𑌾𑌃᳚ 𑌕𑍁𑌰𑍍𑌵𑌤𑍇 ॥ 𑌤𑍇 𑌦𑍇॒𑌵𑌾 𑌊॑𑌚𑍁𑌃 । 𑌯𑌦𑍍𑌵𑌾 𑌇॒𑌦𑌮𑍁॒𑌚𑍍𑌚𑍈-𑌰𑍍𑌯॒𑌜𑍍𑌞𑍇𑌨॒ 𑌚𑌰𑌾॑𑌮 । 𑌤𑌨𑍍𑌨𑍋-𑌽𑌸𑍁॑𑌰𑌾𑌃 𑌪𑌾॒𑌪𑍍𑌮𑌾-𑌽𑌨𑍁॑𑌵𑌿𑌨𑍍𑌦𑌨𑍍𑌤𑌿 । 𑌉॒𑌪𑌾॒𑌗𑍍𑌂॒𑌶𑍂॑𑌪॒𑌸𑌦𑌾॑ 𑌚𑌰𑌾𑌮 । 𑌤𑌥𑌾॒ 𑌨𑍋-𑌽𑌸𑍁॑𑌰𑌾𑌃 𑌪𑌾॒𑌪𑍍𑌮𑌾 𑌨𑌾𑌨𑍁॑𑌵𑍇𑌥𑍍𑌸𑍍𑌯॒𑌨𑍍𑌤𑍀𑌤𑌿॑ । 𑌤 𑌉॑𑌪𑌾॒𑌗𑍍𑌂॒𑌶𑍂॑𑌪॒𑌸𑌦॑-𑌮𑌤𑌨𑍍𑌵𑌤 । 𑌤𑌿॒𑌸𑍍𑌰 𑌏॒𑌵 𑌸𑌾॑𑌮𑌿𑌧𑍇॒𑌨𑍀𑌰॒𑌨𑍂𑌚𑍍𑌯॑ ॥ 42 ॥

𑌸𑍍𑌰𑍁॒𑌵𑍇𑌣𑌾॑𑌘𑌾॒𑌰-𑌮𑌾॒𑌘𑌾𑌰𑍍𑌯॑ । 𑌤𑌿॒𑌸𑍍𑌰𑌃 𑌪𑌰𑌾॑𑌚𑍀॒-𑌰𑌾𑌹𑍁॑𑌤𑍀𑌰𑍍-𑌹𑍁॒𑌤𑍍𑌵𑌾 । 𑌸𑍍𑌰𑍁॒𑌵𑍇𑌣𑍋॑𑌪॒𑌸𑌦॑-𑌞𑍍𑌜𑍁𑌹॒𑌵𑌾𑌞𑍍𑌚॑𑌕𑍍𑌰𑍁𑌃 । 𑌉॒𑌗𑍍𑌰𑌂-𑌵𑌁𑌚𑍋॒ 𑌅𑌪𑌾॑𑌵𑌧𑍀-𑌨𑍍𑌤𑍍𑌵𑍇॒𑌷𑌂-𑌵𑌁𑌚𑍋॒ 𑌅𑌪𑌾॑𑌵𑌧𑍀॒𑌗𑍍॒ 𑌸𑍍𑌵𑌾𑌹𑍇𑌤𑌿॑ । 𑌅॒𑌶॒𑌨॒𑌯𑌾॒𑌪𑌿॒𑌪𑌾॒𑌸𑍇 𑌹॒ 𑌵𑌾 𑌉॒𑌗𑍍𑌰𑌂-𑌵𑌁𑌚𑌃॑ । 𑌏𑌨॑𑌶𑍍𑌚॒ 𑌵𑍈𑌰॑𑌹𑌤𑍍𑌯-𑌞𑍍𑌚 𑌤𑍍𑌵𑍇॒𑌷𑌂-𑌵𑌁𑌚𑌃॑ । 𑌏॒𑌤𑌗𑍍𑌂 𑌹॒ 𑌵𑌾𑌵 𑌤𑌚𑍍𑌚॑𑌤𑍁𑌰𑍍𑌧𑌾𑌵𑌿𑌹𑌿॒𑌤-𑌮𑍍𑌪𑌾॒𑌪𑍍𑌮𑌾𑌨॑-𑌨𑍍𑌦𑍇॒𑌵𑌾 𑌅𑌪॑𑌜𑌘𑍍𑌨𑌿𑌰𑍇 ॥ 𑌤𑌥𑍋॑ 𑌏॒𑌵𑍈𑌤𑌦𑍇॑𑌵𑌂॒-𑌵𑌿𑌁𑌦𑍍𑌯𑌜॑𑌮𑌾𑌨𑌃 । 𑌤𑌿॒𑌸𑍍𑌰 𑌏॒𑌵 𑌸𑌾॑𑌮𑌿𑌧𑍇॒𑌨𑍀𑌰॒𑌨𑍂𑌚𑍍𑌯॑ । 𑌸𑍍𑌰𑍁॒𑌵𑍇𑌣𑌾॑𑌘𑌾॒𑌰-𑌮𑌾॒𑌘𑌾𑌰𑍍𑌯॑ ॥ 43 ॥

𑌤𑌿॒𑌸𑍍𑌰𑌃 𑌪𑌰𑌾॑𑌚𑍀॒𑌰𑌾𑌹𑍁॑𑌤𑍀𑌰𑍍-𑌹𑍁॒𑌤𑍍𑌵𑌾 । 𑌸𑍍𑌰𑍁॒𑌵𑍇𑌣𑍋॑𑌪॒𑌸𑌦॑-𑌞𑍍𑌜𑍁𑌹𑍋𑌤𑌿 । 𑌉॒𑌗𑍍𑌰𑌂-𑌵𑌁𑌚𑍋॒ 𑌅𑌪𑌾॑𑌵𑌧𑍀-𑌨𑍍𑌤𑍍𑌵𑍇॒𑌷𑌂-𑌵𑌁𑌚𑍋॒ 𑌅𑌪𑌾॑𑌵𑌧𑍀॒𑌗𑍍॒ 𑌸𑍍𑌵𑌾𑌹𑍇𑌤𑌿॑ । 𑌅॒𑌶॒𑌨॒𑌯𑌾॒𑌪𑌿॒𑌪𑌾॒𑌸𑍇 𑌹॒ 𑌵𑌾 𑌉॒𑌗𑍍𑌰𑌂-𑌵𑌁𑌚𑌃॑ । 𑌏𑌨॑𑌶𑍍𑌚॒ 𑌵𑍈𑌰॑𑌹𑌤𑍍𑌯-𑌞𑍍𑌚 𑌤𑍍𑌵𑍇॒𑌷𑌂-𑌵𑌁𑌚𑌃॑ । 𑌏॒𑌤𑌮𑍇॒𑌵 𑌤𑌚𑍍𑌚॑𑌤𑍁𑌰𑍍𑌧𑌾-𑌵𑌿𑌹𑌿॒𑌤-𑌮𑍍𑌪𑌾॒𑌪𑍍𑌮𑌾𑌨𑌂॒-𑌯𑌁𑌜॑𑌮𑌾॒𑌨𑍋-𑌽𑌪॑𑌹𑌤𑍇 ॥ 𑌤𑍇॑-𑌽𑌭𑌿॒𑌨𑍀𑌯𑍈॒𑌵𑌾𑌹𑌃॑ 𑌪॒𑌶𑍁𑌮𑌾-𑌽𑌲॑𑌭𑌨𑍍𑌤 । 𑌅𑌹𑍍𑌨॑ 𑌏॒𑌵 𑌤-𑌦𑍍𑌦𑍇॒𑌵𑌾 𑌅𑌵॑𑌰𑍍𑌤𑌿-𑌮𑍍𑌪𑌾॒𑌪𑍍𑌮𑌾𑌨॑-𑌮𑍍𑌮𑍃॒𑌤𑍍𑌯𑍁𑌮𑌪॑𑌜𑌘𑍍𑌨𑌿𑌰𑍇 । 𑌤𑍇𑌨𑌾॑𑌭𑌿॒𑌨𑍀𑌯𑍇॑𑌵॒ 𑌰𑌾𑌤𑍍𑌰𑍇𑌃॒ 𑌪𑍍𑌰𑌾𑌚॑𑌰𑌨𑍍𑌨𑍍 । 𑌰𑌾𑌤𑍍𑌰𑌿॑𑌯𑌾 𑌏॒𑌵 𑌤-𑌦𑍍𑌦𑍇॒𑌵𑌾 𑌅𑌵॑𑌰𑍍𑌤𑌿-𑌮𑍍𑌪𑌾॒𑌪𑍍𑌮𑌾𑌨॑-𑌮𑍍𑌮𑍃॒𑌤𑍍𑌯𑍁𑌮𑌪॑𑌜𑌘𑍍𑌨𑌿𑌰𑍇 ॥ 44 ॥

𑌤𑌸𑍍𑌮𑌾॑𑌦𑌭𑌿॒𑌨𑍀𑌯𑍈॒𑌵𑌾𑌹𑌃॑ 𑌪॒𑌶𑍁𑌮𑌾𑌲॑𑌭𑍇𑌤 । 𑌅𑌹𑍍𑌨॑ 𑌏॒𑌵 𑌤-𑌦𑍍𑌯𑌜॑𑌮𑌾॒𑌨𑍋 𑌽𑌵॑𑌰𑍍𑌤𑌿-𑌮𑍍𑌪𑌾॒𑌪𑍍𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑌪॑𑌨𑍁𑌦𑌤𑍇 । 𑌤𑍇𑌨𑌾॑𑌭𑌿॒𑌨𑍀𑌯𑍇॑𑌵॒ 𑌰𑌾𑌤𑍍𑌰𑍇𑌃॒ 𑌪𑍍𑌰𑌚॑𑌰𑍇𑌤𑍍 । 𑌰𑌾𑌤𑍍𑌰𑌿॑𑌯𑌾 𑌏॒𑌵 𑌤-𑌦𑍍𑌯𑌜॑𑌮𑌾॒𑌨𑍋 𑌽𑌵॑𑌰𑍍𑌤𑌿-𑌮𑍍𑌪𑌾॒𑌪𑍍𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑌪॑𑌨𑍁𑌦𑌤𑍇 ॥ 𑌸 𑌏॒𑌷 𑌉॑𑌪𑌵𑌸॒𑌥𑍀𑌯𑍇 𑌽𑌹॑𑌨𑍍-𑌦𑍍𑌵𑌿𑌦𑍇𑌵॒𑌤𑍍𑌯𑌃॑ 𑌪॒𑌶𑍁𑌰𑌾𑌲॑𑌭𑍍𑌯𑌤𑍇 । 𑌦𑍍𑌵॒𑌯𑌂-𑌵𑌾𑌁 𑌅॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌯𑌜॑𑌮𑌾𑌨𑌃 । 𑌅𑌸𑍍𑌥𑌿॑ 𑌚 𑌮𑌾॒𑌗𑍍𑌂॒𑌸-𑌞𑍍𑌚॑ । 𑌅𑌸𑍍𑌥𑌿॑ 𑌚𑍈॒𑌵 𑌤𑍇𑌨॑ 𑌮𑌾॒𑌗𑍍𑌂॒𑌸-𑌞𑍍𑌚॒ 𑌯𑌜॑𑌮𑌾𑌨॒-𑌸𑍍𑌸𑌗𑍍𑌗𑍍 𑌸𑍍𑌕𑍁॑𑌰𑍁𑌤𑍇 ॥ 𑌤𑌾 𑌵𑌾 𑌏॒𑌤𑌾𑌃 𑌪𑌞𑍍𑌚॑ 𑌦𑍇॒𑌵𑌤𑌾𑌃᳚ । 𑌅॒𑌗𑍍𑌨𑍀𑌷𑍋𑌮𑌾॑-𑌵॒𑌗𑍍𑌨𑌿-𑌰𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑍗 ॥ 45 ॥

𑌪॒𑌞𑍍𑌚॒𑌪॒𑌞𑍍𑌚𑍀 𑌵𑍈 𑌯𑌜॑𑌮𑌾𑌨𑌃 । 𑌤𑍍𑌵𑌮𑍍𑌮𑌾॒𑌗𑍍𑌂॒ 𑌸𑌗𑍍𑌗𑍍 𑌸𑍍𑌨𑌾𑌵𑌾𑌸𑍍𑌥𑌿॑ 𑌮॒𑌜𑍍𑌜𑌾 । 𑌏॒𑌤𑌮𑍇॒𑌵 𑌤𑌤𑍍𑌪॑𑌞𑍍𑌚𑌧𑌾 𑌵𑌿𑌹𑌿॒𑌤𑌮𑌾॒𑌤𑍍𑌮𑌾𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 । 𑌭𑍇॒𑌷॒𑌜𑌤𑌾॑𑌯𑍈 𑌨𑌿𑌰𑍍𑌵𑌰𑍁𑌣॒𑌤𑍍𑌵𑌾𑌯॑ ॥ 𑌤𑌗𑍍𑌂 𑌸॒𑌪𑍍𑌤𑌭𑌿॒-𑌶𑍍𑌛𑌨𑍍𑌦𑍋॑𑌭𑌿𑌃 𑌪𑍍𑌰𑌾॒𑌤𑌰॑𑌹𑍍𑌵𑌯𑌨𑍍𑌨𑍍 । 𑌤𑌸𑍍𑌮𑌾᳚𑌥𑍍𑌸॒𑌪𑍍𑌤 𑌚॑𑌤𑍁𑌰𑍁𑌤𑍍𑌤॒𑌰𑌾𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌪𑍍𑌰𑌾𑌤𑌰𑌨𑍁𑌵𑌾॒𑌕𑍇-𑌽𑌨𑍂᳚𑌚𑍍𑌯𑌨𑍍𑌤𑍇 ॥ 𑌤𑌮𑍇॒𑌤𑌯𑍋॑-𑌪𑌸॒𑌮𑍇𑌤𑍍𑌯𑍋-𑌪𑌾॑𑌸𑍀𑌦𑌨𑍍𑌨𑍍 । 𑌉𑌪𑌾᳚𑌸𑍍𑌮𑍈 𑌗𑌾𑌯𑌤𑌾 𑌨𑌰॒ 𑌇𑌤𑌿॑ । 𑌤𑌸𑍍𑌮𑌾॑ 𑌦𑍇॒𑌤𑌯𑌾॑ 𑌬𑌹𑌿𑌷𑍍𑌪𑌵𑌮𑌾॒𑌨 𑌉॑𑌪॒𑌸𑌦𑍍𑌯𑌃॑ ॥ 46 ॥

(𑌐॒𑌚𑍍𑌛॒𑌨𑍍 - 𑌨॒𑌨॒𑌯॒𑌗𑍍𑌗𑍍॒ - 𑌸𑍍𑌤𑌿॒𑌷𑍍𑌠॒𑌨𑍍𑌤𑍇॒ - 𑌽𑌨𑍂𑌚𑍍𑌯𑌾॒ - 𑌨𑍂𑌚𑍍𑌯॑ 𑌸𑍍𑌰𑍁॒𑌵𑍇𑌣𑌾॑𑌘𑌾॒𑌰𑌮𑌾॒𑌘𑌾𑌰𑍍𑌯॒ - 𑌰𑌾𑌤𑍍𑌰𑌿॑𑌯𑌾 𑌏॒𑌵 𑌤-𑌦𑍍𑌦𑍇॒𑌵𑌾 𑌅𑌵॑𑌰𑍍𑌤𑌿-𑌮𑍍𑌪𑌾॒𑌪𑍍𑌮𑌾𑌨𑌂॑ 𑌮𑍃॒𑌤𑍍𑌯𑍁𑌮𑌪॑𑌜𑌘𑍍𑌨𑌿𑌰𑍇 - 𑌮𑌿॒𑌤𑍍𑌰𑌾𑌵𑌰𑍁॑𑌣𑍗॒ - +𑌨𑌵॑ 𑌚 ) (𑌅. 9)

(𑌦𑍇॒𑌵𑌾 𑌯𑌜॑𑌮𑌾𑌨𑍋 𑌦𑍇॒𑌵𑌾 𑌦𑍇॒𑌵𑌾 𑌯𑌜॑𑌮𑌾𑌨𑍋॒ 𑌯𑌜॑𑌮𑌾𑌨𑍋-𑌽𑌲𑌭𑌨𑍍𑌤॒ 𑌪𑍍𑌰𑌾𑌚॑𑌰𑌁𑌲𑍍𑌲𑌭𑍇𑌤॒ 𑌪𑍍𑌰𑌚॑𑌰𑍇॒𑌦𑌾𑌲॑𑌭॒𑌨𑍍𑌤𑌾𑌲॑𑌭𑍇𑌤 𑌮𑍃॒𑌤𑍍𑌯𑍁𑌮𑌪॑𑌜𑌘𑍍𑌨𑌿𑌰𑍇॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍍)

𑌅𑌨𑍁𑌵𑌾𑌕𑌂 10 - 𑌤𑍍𑌰𑌿𑌵𑍃𑌦𑌾𑌦𑌿𑌸𑍍𑌤𑍋𑌮𑌰𑍂𑌪𑌾𑌣𑌿 𑌸𑍋𑌮𑌙𑍍𑌗𑌾𑌨𑌿. (𑌆𑌧𑍍𑌵𑌰𑌬𑍍𑌰𑌾𑌹𑍍𑌮𑌣𑌮𑍍)

𑌸 𑌸॑𑌮𑍁॒𑌦𑍍𑌰 𑌉॑𑌤𑍍𑌤𑌰॒𑌤𑌃 𑌪𑍍𑌰𑌾𑌜𑍍𑌵॑𑌲-𑌦𑍍𑌭𑍂𑌮𑍍𑌯॒𑌨𑍍𑌤𑍇𑌨॑ । 𑌏॒𑌷 𑌵𑌾𑌵 𑌸 𑌸॑𑌮𑍁॒𑌦𑍍𑌰𑌃 । 𑌯𑌚𑍍𑌚𑌾𑌤𑍍𑌵𑌾॑𑌲𑌃 । 𑌏॒𑌷 𑌉॑ 𑌵𑍇॒𑌵 𑌸 𑌭𑍂᳚𑌮𑍍𑌯॒𑌨𑍍𑌤𑌃 । 𑌯𑌦𑍍𑌵𑍇᳚𑌦𑍍𑌯॒𑌨𑍍𑌤𑌃 । 𑌤𑌦𑍇॒𑌤𑌤𑍍-𑌤𑍍𑌰𑌿॑𑌶॒𑌲-𑌨𑍍𑌤𑍍𑌰𑌿॑𑌪𑍂𑌰𑍁॒𑌷𑌮𑍍 । 𑌤𑌸𑍍𑌮𑌾॒𑌤𑍍-𑌤-𑌨𑍍𑌤𑍍𑌰𑌿॑𑌵𑌿𑌤॒𑌸𑍍𑌤-𑌙𑍍𑌖॑𑌨𑌨𑍍𑌤𑌿 ॥ 𑌸 𑌸𑍁॑𑌵𑌰𑍍𑌣𑌰𑌜॒𑌤𑌾𑌭𑍍𑌯𑌾᳚-𑌙𑍍𑌕𑍁॒𑌶𑍀𑌭𑍍𑌯𑌾॒-𑌮𑍍𑌪𑌰𑌿॑𑌗𑍃𑌹𑍀𑌤 𑌆𑌸𑍀𑌤𑍍 । 𑌤𑌂-𑌯𑌁𑌦॒𑌸𑍍𑌯𑌾 𑌅𑌦𑍍𑌧𑍍𑌯॒𑌜𑌨॑𑌯𑌨𑍍𑌨𑍍 । 𑌤𑌸𑍍𑌮𑌾॑𑌦𑌾𑌦𑌿॒𑌤𑍍𑌯𑌃 ॥ 47 ॥

𑌅𑌥॒ 𑌯-𑌥𑍍𑌸𑍁॑𑌵𑌰𑍍𑌣𑌰𑌜॒𑌤𑌾𑌭𑍍𑌯𑌾᳚-𑌙𑍍𑌕𑍁॒𑌶𑍀𑌭𑍍𑌯𑌾॒-𑌮𑍍𑌪𑌰𑌿॑𑌗𑍃𑌹𑍀𑌤॒ 𑌆𑌸𑍀᳚𑌤𑍍 । 𑌸𑌾-𑌽𑌸𑍍𑌯॑ 𑌕𑍗𑌶𑌿॒𑌕𑌤𑌾᳚ ॥ 𑌤-𑌨𑍍𑌤𑍍𑌰𑌿॒𑌵𑍃𑌤𑌾॒-𑌽𑌭𑌿 𑌪𑍍𑌰𑌾𑌸𑍍𑌤𑍁॑𑌵𑌤 । 𑌤-𑌨𑍍𑌤𑍍𑌰𑌿॒𑌵𑍃𑌤𑌾 𑌽𑌽𑌦॑𑌦𑌤 । 𑌤-𑌨𑍍𑌤𑍍𑌰𑌿॒𑌵𑍃𑌤𑌾 𑌽𑌽𑌹॑𑌰𑌨𑍍𑌨𑍍 । 𑌯𑌾𑌵॑𑌤𑍀 𑌤𑍍𑌰𑌿॒𑌵𑍃𑌤𑍋॒ 𑌮𑌾𑌤𑍍𑌰𑌾᳚ ॥ 𑌤-𑌮𑍍𑌪॑𑌞𑍍𑌚𑌦॒𑌶𑍇𑌨𑌾॒𑌭𑌿 𑌪𑍍𑌰𑌾𑌸𑍍𑌤𑍁॑𑌵𑌤 । 𑌤-𑌮𑍍𑌪॑𑌞𑍍𑌚𑌦॒𑌶𑍇𑌨𑌾𑌦॑𑌦𑌤 । 𑌤-𑌮𑍍𑌪॑𑌞𑍍𑌚𑌦॒𑌶𑍇𑌨𑌾𑌹॑𑌰𑌨𑍍𑌨𑍍 । 𑌯𑌾𑌵॑𑌤𑍀 𑌪𑌞𑍍𑌚𑌦॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ ॥ 48 ॥

𑌤𑌗𑍍𑌂 𑌸॑𑌪𑍍𑌤𑌦॒𑌶𑍇𑌨𑌾॒𑌭𑌿 𑌪𑍍𑌰𑌾𑌸𑍍𑌤𑍁॑𑌵𑌤 । 𑌤𑌗𑍍𑌂 𑌸॑𑌪𑍍𑌤𑌦॒𑌶𑍇𑌨𑌾𑌦॑𑌦𑌤 । 𑌤𑌗𑍍𑌂 𑌸॑𑌪𑍍𑌤𑌦॒𑌶𑍇𑌨𑌾𑌹॑𑌰𑌨𑍍𑌨𑍍 । 𑌯𑌾𑌵॑𑌤𑍀 𑌸𑌪𑍍𑌤𑌦॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ । 𑌤𑌸𑍍𑌯॑ 𑌸𑌪𑍍𑌤𑌦॒𑌶𑍇𑌨॑ 𑌹𑍍𑌰𑌿॒𑌯𑌮𑌾॑𑌣𑌸𑍍𑌯॒ 𑌤𑍇𑌜𑍋॒ 𑌹𑌰𑍋॑-𑌽𑌪𑌤𑌤𑍍 । 𑌤𑌮𑍇॑𑌕𑌵𑌿॒𑌗𑍍𑌂॒ 𑌶𑍇𑌨𑌾॒𑌭𑌿 𑌪𑍍𑌰𑌾𑌸𑍍𑌤𑍁॑𑌵𑌤 । 𑌤𑌮𑍇॑𑌕𑌵𑌿॒𑌗𑍍𑌂॒𑌶𑍇𑌨𑌾𑌦॑𑌦𑌤 । 𑌤𑌮𑍇॑𑌕𑌵𑌿॒𑌗𑍍𑌂॒𑌶𑍇𑌨𑌾𑌹॑𑌰𑌨𑍍𑌨𑍍 । 𑌯𑌾𑌵॑𑌤𑍍𑌯𑍇𑌕𑌵𑌿॒𑌗𑍍𑌂॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ ॥ 𑌤𑍇 𑌯𑌤𑍍-𑌤𑍍𑌰𑌿॒𑌵𑍃𑌤𑌾᳚ 𑌸𑍍𑌤𑍁॒𑌵𑌤𑍇᳚ ॥ 49 ॥

𑌤𑍍𑌰𑌿॒𑌵𑍃𑌤𑍈॒𑌵 𑌤-𑌦𑍍𑌯𑌜॑𑌮𑌾𑌨॒𑌮𑌾𑌦॑𑌦𑌤𑍇 । 𑌤-𑌨𑍍𑌤𑍍𑌰𑌿॒𑌵𑍃𑌤𑍈॒𑌵 𑌹॑𑌰𑌨𑍍𑌤𑌿 । 𑌯𑌾𑌵॑𑌤𑍀 𑌤𑍍𑌰𑌿॒𑌵𑍃𑌤𑍋॒ 𑌮𑌾𑌤𑍍𑌰𑌾᳚ । 𑌅॒𑌗𑍍𑌨𑌿𑌰𑍍𑌵𑍈 𑌤𑍍𑌰𑌿॒𑌵𑍃𑌤𑍍 । 𑌯𑌾𑌵॒𑌦𑍍𑌵𑌾 𑌅॒𑌗𑍍𑌨𑍇𑌰𑍍𑌦𑌹॑𑌤𑍋 𑌧𑍂॒𑌮 𑌉॒𑌦𑍇𑌤𑍍𑌯𑌾𑌨𑍁॒𑌵𑍍𑌯𑍇𑌤𑌿॑ । 𑌤𑌾𑌵॑𑌤𑍀 𑌤𑍍𑌰𑌿॒𑌵𑍃𑌤𑍋॒ 𑌮𑌾𑌤𑍍𑌰𑌾᳚ । 𑌅॒𑌗𑍍𑌨𑍇𑌰𑍇॒𑌵𑍈𑌨॒-𑌨𑍍𑌤𑌤𑍍 । 𑌮𑌾𑌤𑍍𑌰𑌾॒𑌗𑍍𑌂॒ 𑌸𑌾𑌯𑍁॑𑌜𑍍𑌯𑌗𑍍𑌂 𑌸𑌲𑍋॒𑌕𑌤𑌾᳚-𑌙𑍍𑌗𑌮𑌯𑌨𑍍𑌤𑌿 ॥ 𑌅𑌥॒ 𑌯𑌤𑍍𑌪॑𑌞𑍍𑌚𑌦॒𑌶𑍇𑌨॑ 𑌸𑍍𑌤𑍁॒𑌵𑌤𑍇᳚ । 𑌪॒𑌞𑍍𑌚॒𑌦॒𑌶𑍇𑌨𑍈॒𑌵 𑌤-𑌦𑍍𑌯𑌜॑𑌮𑌾𑌨॒-𑌮𑌾𑌦॑𑌦𑌤𑍇 ॥ 50 ॥

𑌤-𑌮𑍍𑌪॑𑌞𑍍𑌚𑌦॒𑌶𑍇𑌨𑍈॒𑌵 𑌹॑𑌰𑌨𑍍𑌤𑌿 । 𑌯𑌾𑌵॑𑌤𑍀 𑌪𑌞𑍍𑌚𑌦॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ । 𑌚॒𑌨𑍍𑌦𑍍𑌰𑌮𑌾॒ 𑌵𑍈 𑌪॑𑌞𑍍𑌚𑌦॒𑌶𑌃 । 𑌏॒𑌷 𑌹𑌿 𑌪॑𑌞𑍍𑌚𑌦॒𑌶𑍍𑌯𑌾𑌮॑𑌪𑌕𑍍𑌷𑍀॒𑌯𑌤𑍇᳚ । 𑌪॒𑌞𑍍𑌚॒𑌦𑌶𑍍𑌯𑌾-𑌮𑌾॑𑌪𑍂॒𑌰𑍍𑌯𑌤𑍇᳚ । 𑌚॒𑌨𑍍𑌦𑍍𑌰𑌮॑𑌸 𑌏॒𑌵𑍈𑌨॒-𑌨𑍍𑌤𑌤𑍍 । 𑌮𑌾𑌤𑍍𑌰𑌾॒𑌗𑍍𑌂॒ 𑌸𑌾𑌯𑍁॑𑌜𑍍𑌯𑌗𑍍𑌂 𑌸𑌲𑍋॒𑌕𑌤𑌾᳚-𑌙𑍍𑌗𑌮𑌯𑌨𑍍𑌤𑌿 । 𑌅𑌥॒ 𑌯𑌥𑍍𑌸॑𑌪𑍍𑌤𑌦॒𑌶𑍇𑌨॑ 𑌸𑍍𑌤𑍁॒𑌵𑌤𑍇᳚ । 𑌸॒𑌪𑍍𑌤॒𑌦॒𑌶𑍇𑌨𑍈॒𑌵 𑌤-𑌦𑍍𑌯𑌜॑𑌮𑌾𑌨॒𑌮𑌾𑌦॑𑌦𑌤𑍇 । 𑌤𑌗𑍍𑌂 𑌸॑𑌪𑍍𑌤𑌦॒𑌶𑍇𑌨𑍈॒𑌵 𑌹॑𑌰𑌨𑍍𑌤𑌿 ॥ 51 ॥

𑌯𑌾𑌵॑𑌤𑍀 𑌸𑌪𑍍𑌤𑌦॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌸॑𑌪𑍍𑌤𑌦॒𑌶𑌃 । 𑌪𑍍𑌰॒𑌜𑌾𑌪॑𑌤𑍇𑌰𑍇॒𑌵𑍈𑌨॒-𑌨𑍍𑌤𑌤𑍍 । 𑌮𑌾𑌤𑍍𑌰𑌾॒𑌗𑍍𑌂॒ 𑌸𑌾𑌯𑍁॑𑌜𑍍𑌯𑌗𑍍𑌂 𑌸𑌲𑍋॒𑌕𑌤𑌾᳚-𑌙𑍍𑌗𑌮𑌯𑌨𑍍𑌤𑌿 । 𑌅𑌥॒ 𑌯𑌦𑍇॑𑌕𑌵𑌿॒𑌗𑍍𑌂॒𑌶𑍇𑌨॑ 𑌸𑍍𑌤𑍁॒𑌵𑌤𑍇᳚ । 𑌏॒𑌕॒𑌵𑌿॒𑌗𑍍𑌂॒𑌶𑍇𑌨𑍈॒𑌵 𑌤-𑌦𑍍𑌯𑌜॑𑌮𑌾𑌨॒-𑌮𑌾𑌦॑𑌦𑌤𑍇 । 𑌤𑌮𑍇॑𑌕𑌵𑌿॒𑌗𑍍𑌂॒𑌶𑍇𑌨𑍈॒𑌵 𑌹॑𑌰𑌨𑍍𑌤𑌿 । 𑌯𑌾𑌵॑𑌤𑍍𑌯𑍇𑌕𑌵𑌿॒𑌗𑍍𑌂॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ । 𑌅॒𑌸𑍗 𑌵𑌾 𑌆॑𑌦𑌿॒𑌤𑍍𑌯 𑌏॑𑌕𑌵𑌿॒𑌗𑍍𑌂॒𑌶𑌃 । 𑌆॒𑌦𑌿॒𑌤𑍍𑌯𑌸𑍍𑌯𑍈॒𑌵𑍈𑌨॒-𑌨𑍍𑌤𑌤𑍍 ॥ 52 ॥

𑌮𑌾𑌤𑍍𑌰𑌾॒𑌗𑍍𑌂॒ 𑌸𑌾𑌯𑍁॑𑌜𑍍𑌯𑌗𑍍𑌂 𑌸𑌲𑍋॒𑌕𑌤𑌾᳚-𑌙𑍍𑌗𑌮𑌯𑌨𑍍𑌤𑌿 ॥ 𑌤𑍇 𑌕𑍁॒𑌶𑍍𑌯𑍗᳚ । 𑌵𑍍𑌯॑𑌘𑍍𑌨𑌨𑍍𑌨𑍍 । 𑌤𑍇 𑌅॑𑌹𑍋𑌰𑌾॒𑌤𑍍𑌰𑍇 𑌅॑𑌭𑌵𑌤𑌾𑌮𑍍 । 𑌅𑌹॑𑌰𑍇॒𑌵 𑌸𑍁॒𑌵𑌰𑍍𑌣𑌾॑ 𑌽𑌭𑌵𑌤𑍍 । 𑌰॒𑌜॒𑌤𑌾 𑌰𑌾𑌤𑍍𑌰𑌿𑌃॑ । 𑌸 𑌯𑌦𑌾॑𑌦𑌿॒𑌤𑍍𑌯 𑌉॒𑌦𑍇𑌤𑌿॑ । 𑌏॒𑌤𑌾𑌮𑍇॒𑌵 𑌤𑌥𑍍𑌸𑍁॒𑌵𑌰𑍍𑌣𑌾᳚-𑌙𑍍𑌕𑍁॒𑌶𑍀𑌮𑌨𑍁॒ 𑌸𑌮𑍇॑𑌤𑌿 । 𑌅𑌥॒ 𑌯𑌦॑𑌸𑍍𑌤॒𑌮𑍇𑌤𑌿॑ । 𑌏॒𑌤𑌾𑌮𑍇॒𑌵 𑌤-𑌦𑍍𑌰॑𑌜॒𑌤𑌾-𑌙𑍍𑌕𑍁॒𑌶𑍀𑌮𑌨𑍁॒ 𑌸𑌂𑌵𑌿𑌁॑𑌶𑌤𑌿 ॥ 𑌪𑍍𑌰॒𑌹𑍍𑌰𑌾𑌦𑍋॑ 𑌹॒ 𑌵𑍈 𑌕𑌾॑𑌯𑌾𑌧॒𑌵𑌃 । 𑌵𑌿॒𑌰𑍋𑌚॑𑌨॒𑌗𑍍𑌗𑍍॒ 𑌸𑍍𑌵-𑌮𑍍𑌪𑍁॒𑌤𑍍𑌰𑌮𑍁𑌦𑌾᳚𑌸𑍍𑌯𑌤𑍍 । 𑌸 𑌪𑍍𑌰॑𑌦॒𑌰𑍋॑-𑌽𑌭𑌵𑌤𑍍 । 𑌤𑌸𑍍𑌮𑌾᳚-𑌤𑍍𑌪𑍍𑌰𑌦॒𑌰𑌾𑌦𑍁॑𑌦॒𑌕-𑌨𑍍𑌨𑌾𑌚𑌾॑𑌮𑍇𑌤𑍍 ॥ 53 ॥

(𑌆॒𑌦𑌿॒𑌤𑍍𑌯𑌃 - 𑌪॑𑌞𑍍𑌚𑌦॒𑌶𑌸𑍍𑌯॒ 𑌮𑌾𑌤𑍍𑌰𑌾᳚ - 𑌸𑍍𑌤𑍁॒𑌵𑌤𑍇॑ - 𑌪𑌞𑍍𑌚𑌦॒𑌶𑍇𑌨𑍈॒𑌵 𑌤-𑌦𑍍𑌯𑌜॑𑌮𑌾𑌨॒𑌮𑌾𑌦॑𑌦𑌤𑍇 - 𑌸𑌪𑍍𑌤𑌦॒𑌶𑍇𑌨𑍈॒𑌵 𑌹॑𑌰𑌨𑍍 - 𑌤𑍍𑌯𑌾𑌦𑌿॒𑌤𑍍𑌯𑌸𑍍𑌯𑍈॒𑌵𑍈𑌨॒𑌨𑍍𑌤-𑌦𑍍॒ 𑌵𑌿॑𑌶𑌤𑌿 𑌚॒𑌤𑍍𑌵𑌾𑌰𑌿॑ 𑌚) (𑌅. 10)

𑌅𑌨𑍁𑌵𑌾𑌕𑌂 11 - 𑌸𑌵𑌨𑍀𑌯𑌪𑌶𑍁𑌪𑍁𑌰𑍋𑌡𑌾𑌶𑌾𑌃 (𑌆𑌧𑍍𑌵𑌰𑌬𑍍𑌰𑌾𑌹𑍍𑌮𑌣𑌮𑍍)

𑌯𑍇 𑌵𑍈 𑌚॒𑌤𑍍𑌵𑌾𑌰॒-𑌸𑍍𑌸𑍍𑌤𑍋𑌮𑌾𑌃᳚ । 𑌕𑍃॒𑌤-𑌨𑍍𑌤𑌤𑍍 । 𑌅𑌥॒ 𑌯𑍇 𑌪𑌞𑍍𑌚॑ । 𑌕𑌲𑌿॒-𑌸𑍍𑌸𑌃 । 𑌤𑌸𑍍𑌮𑌾॒𑌚𑍍𑌚𑌤𑍁॑𑌷𑍍𑌟𑍋𑌮𑌃 । 𑌤𑌚𑍍𑌚𑌤𑍁॑𑌷𑍍𑌟𑍋𑌮𑌸𑍍𑌯 𑌚𑌤𑍁𑌷𑍍𑌟𑍋𑌮॒𑌤𑍍𑌵𑌮𑍍 ॥ 𑌤𑌦𑌾॑𑌹𑍁𑌃 । 𑌕॒𑌤॒𑌮𑌾𑌨𑌿॒ 𑌤𑌾𑌨𑌿॒ 𑌜𑍍𑌯𑍋𑌤𑍀𑌗𑍍𑌂॑𑌷𑌿 । 𑌯 𑌏॒𑌤𑌸𑍍𑌯॒ 𑌸𑍍𑌤𑍋𑌮𑌾॒ 𑌇𑌤𑌿॑ । 𑌤𑍍𑌰𑌿॒𑌵𑍃𑌤𑍍-𑌪॑𑌞𑍍𑌚𑌦॒𑌶-𑌸𑍍𑌸॑𑌪𑍍𑌤𑌦॒𑌶 𑌏॑𑌕𑌵𑌿॒𑌗𑍍𑌂॒𑌶𑌃 ॥ 54 ॥

𑌏॒𑌤𑌾𑌨𑌿॒ 𑌵𑌾𑌵 𑌤𑌾𑌨𑌿॒ 𑌜𑍍𑌯𑍋𑌤𑍀𑌗𑍍𑌂॑𑌷𑌿 । 𑌯 𑌏॒𑌤𑌸𑍍𑌯॒ 𑌸𑍍𑌤𑍋𑌮𑌾𑌃᳚ ॥ 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌸॒𑌪𑍍𑌤॒𑌦॒𑌶𑍇𑌨॑ 𑌹𑍍𑌰𑌿॒𑌯𑌮𑌾॑𑌣𑍋॒ 𑌵𑍍𑌯॑𑌲𑍇𑌶𑌿𑌷𑌿 । 𑌭𑌿॒𑌷𑌜𑍍𑌯॑𑌤॒ 𑌮𑍇𑌤𑌿॑ । 𑌤𑌮॒𑌶𑍍𑌵𑌿𑌨𑍗॑ 𑌧𑌾॒𑌨𑌾𑌭𑌿॑-𑌰𑌭𑌿𑌷𑌜𑍍𑌯𑌤𑌾𑌮𑍍 । 𑌪𑍂॒𑌷𑌾 𑌕॑𑌰॒𑌮𑍍𑌭𑍇𑌣॑ । 𑌭𑌾𑌰॑𑌤𑍀 𑌪𑌰𑌿𑌵𑌾॒𑌪𑍇𑌣॑ । 𑌮𑌿॒𑌤𑍍𑌰𑌾𑌵𑌰𑍁॑𑌣𑍗 𑌪𑌯॒𑌸𑍍𑌯॑𑌯𑌾 ॥ 𑌤𑌦𑌾॑𑌹𑍁𑌃 ॥ 55 ॥

𑌯𑌦॒𑌶𑍍𑌵𑌿𑌭𑍍𑌯𑌾᳚-𑌨𑍍𑌧𑌾॒𑌨𑌾𑌃 । 𑌪𑍂॒𑌷𑍍𑌣𑌃 𑌕॑𑌰॒𑌮𑍍𑌭𑌃 । 𑌭𑌾𑌰॑𑌤𑍍𑌯𑍈 𑌪𑌰𑌿𑌵𑌾॒𑌪𑌃 । 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃 𑌪𑌯॒𑌸𑍍𑌯𑌾-𑌽𑌥॑ । 𑌕𑌸𑍍𑌮𑌾॑𑌦𑍇॒𑌤𑍇𑌷𑌾𑌗𑍍𑌂॑ 𑌹॒𑌵𑌿𑌷𑌾॒𑌮𑌿𑌨𑍍𑌦𑍍𑌰॑𑌮𑍇॒𑌵 𑌯॑𑌜॒𑌨𑍍𑌤𑍀𑌤𑌿॑ । 𑌏॒𑌤𑌾 𑌹𑍍𑌯𑍇॑𑌨-𑌨𑍍𑌦𑍇॒𑌵𑌤𑌾॒ 𑌇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌏॒𑌤𑍈𑌰𑍍-𑌹॒𑌵𑌿𑌰𑍍𑌭𑌿॒-𑌰𑌭𑌿॑𑌷𑌜𑍍𑌯॒𑌗𑍍𑌗𑍍॒-𑌸𑍍𑌤𑌸𑍍𑌮𑌾॒𑌦𑌿𑌤𑌿॑ ॥ 𑌤𑌂-𑌵𑌁𑌸॑𑌵𑍋॒-𑌽𑌷𑍍𑌟𑌾𑌕॑𑌪𑌾𑌲𑍇𑌨 𑌪𑍍𑌰𑌾𑌤𑌸𑍍𑌸𑌵॒𑌨𑍇॑-𑌽𑌭𑌿𑌷𑌜𑍍𑌯𑌨𑍍𑌨𑍍 । 𑌰𑍁॒𑌦𑍍𑌰𑌾 𑌏𑌕𑌾॑𑌦𑌶𑌕𑌪𑌾𑌲𑍇𑌨॒ 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌦𑍍𑌵𑌾𑌦॑𑌶𑌕𑌪𑌾𑌲𑍇𑌨 𑌤𑍃𑌤𑍀𑌯𑌸𑌵॒𑌨𑍇 ॥ 56 ॥

𑌸 𑌯𑌦॒𑌷𑍍𑌟𑌾𑌕॑𑌪𑌾𑌲𑌾-𑌨𑍍𑌪𑍍𑌰𑌾𑌤𑌸𑍍𑌸𑌵॒𑌨𑍇 𑌕𑍁॒𑌰𑍍𑌯𑌾𑌤𑍍 । 𑌏𑌕𑌾॑𑌦𑌶𑌕𑌪𑌾𑌲𑌾॒-𑌨𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 । 𑌦𑍍𑌵𑌾𑌦॑𑌶𑌕𑌪𑌾𑌲𑌾𑌗𑍍 𑌸𑍍𑌤𑍃𑌤𑍀𑌯 𑌸𑌵॒𑌨𑍇 । 𑌵𑌿𑌲𑍋॑𑌮॒ 𑌤-𑌦𑍍𑌯॒𑌜𑍍𑌞𑌸𑍍𑌯॑ 𑌕𑍍𑌰𑌿𑌯𑍇𑌤 । 𑌏𑌕𑌾॑𑌦𑌶𑌕𑌪𑌾𑌲𑌾𑌨𑍇॒𑌵 𑌪𑍍𑌰𑌾॑𑌤𑌸𑍍𑌸𑌵॒𑌨𑍇 𑌕𑍁॑𑌰𑍍𑌯𑌾𑌤𑍍 । 𑌏𑌕𑌾॑𑌦𑌶𑌕𑌪𑌾𑌲𑌾॒-𑌨𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌸𑌵॑𑌨𑍇 । 𑌏𑌕𑌾॑𑌦𑌶𑌕𑌪𑌾𑌲𑌾𑌗𑍍 𑌸𑍍𑌤𑍃𑌤𑍀𑌯 𑌸𑌵॒𑌨𑍇 । 𑌯॒𑌜𑍍𑌞𑌸𑍍𑌯॑ 𑌸𑌲𑍋𑌮॒𑌤𑍍𑌵𑌾𑌯॑ ॥ 𑌤𑌦𑌾॑𑌹𑍁𑌃 । 𑌯-𑌦𑍍𑌵𑌸𑍂॑𑌨𑌾-𑌮𑍍𑌪𑍍𑌰𑌾𑌤𑌸𑍍𑌸𑌵॒𑌨𑌮𑍍 । 𑌰𑍁॒𑌦𑍍𑌰𑌾𑌣𑌾॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌂॒ 𑌸𑌵॑𑌨𑌮𑍍 । 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌤𑍃𑌤𑍀𑌯𑌸𑌵॒𑌨𑌮𑍍 । 𑌅𑌥॒ 𑌕𑌸𑍍𑌮𑌾॑𑌦𑍇॒𑌤𑍇𑌷𑌾𑌗𑍍𑌂॑ 𑌹॒𑌵𑌿𑌷𑌾॒𑌮𑌿𑌨𑍍𑌦𑍍𑌰॑𑌮𑍇॒𑌵 𑌯॑𑌜॒𑌨𑍍𑌤𑍀𑌤𑌿॑ । 𑌏॒𑌤𑌾 𑌹𑍍𑌯𑍇॑𑌨-𑌨𑍍𑌦𑍇॒𑌵𑌤𑌾॒ 𑌇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌏॒𑌤𑍈𑌰𑍍-𑌹॒𑌵𑌿𑌰𑍍𑌭𑌿॒𑌰𑌭𑌿॑𑌷𑌜𑍍𑌯॒𑌗𑍍𑌗𑍍॒ 𑌸𑍍𑌤𑌸𑍍𑌮𑌾॒𑌦𑌿𑌤𑌿॑ ॥ 57 ॥

(𑌏॒𑌕॒𑌵𑌿॒𑌗𑍍𑌂॒𑌶-𑌆॑𑌹𑍁-𑌸𑍍𑌤𑍃𑌤𑍀𑌯𑌸𑌵॒𑌨𑍇-𑌪𑍍𑌰𑌾॑𑌤𑌸𑍍𑌸𑌵॒𑌨-𑌮𑍍𑌪𑌞𑍍𑌚॑ 𑌚) (𑌅. 11)

𑌅𑌨𑍁𑌵𑌾𑌕𑌂 12 - 𑌸𑌪𑍍𑌤𑌛𑌨𑍍𑌦𑌾𑌂𑌸𑌿 𑌪𑍍𑌰𑌪𑌞𑍍𑌚𑍍𑌯𑌨𑍍𑌤𑍇 (𑌆𑌧𑍍𑌵𑌰𑌬𑍍𑌰𑌾𑌹𑍍𑌮𑌣𑌮𑍍)

𑌤𑌸𑍍𑌯𑌾𑌵𑌾॑𑌚𑍋-𑌽𑌵𑌪𑌾॒𑌦𑌾𑌦॑𑌬𑌿𑌭𑌯𑍁𑌃 । 𑌤𑌮𑍇॒𑌤𑍇𑌷𑍁॑ 𑌸॒𑌪𑍍𑌤𑌸𑍁॒ 𑌛𑌨𑍍𑌦𑌃॑ 𑌸𑍍𑌵𑌶𑍍𑌰𑌯𑌨𑍍𑌨𑍍 । 𑌯𑌦𑌶𑍍𑌰॑𑌯𑌨𑍍𑌨𑍍 । 𑌤𑌚𑍍𑌛𑍍𑌰𑌾॑𑌯॒𑌨𑍍𑌤𑍀𑌯॑𑌸𑍍𑌯 𑌶𑍍𑌰𑌾𑌯𑌨𑍍𑌤𑍀𑌯॒𑌤𑍍𑌵𑌮𑍍 । 𑌯𑌦𑌵𑌾॑𑌰𑌯𑌨𑍍𑌨𑍍 । 𑌤-𑌦𑍍𑌵𑌾॑𑌰𑌵॒𑌨𑍍𑌤𑍀𑌯॑𑌸𑍍𑌯 𑌵𑌾𑌰𑌵𑌨𑍍𑌤𑍀𑌯॒𑌤𑍍𑌵𑌮𑍍 ॥ 𑌤𑌸𑍍𑌯𑌾𑌵𑌾॑𑌚 𑌏॒𑌵𑌾𑌵॑𑌪𑌾॒𑌦𑌾𑌦॑𑌬𑌿𑌭𑌯𑍁𑌃 । 𑌤𑌸𑍍𑌮𑌾॑ 𑌏॒𑌤𑌾𑌨𑌿॑ 𑌸॒𑌪𑍍𑌤 𑌚॑𑌤𑍁𑌰𑍁𑌤𑍍𑌤॒𑌰𑌾𑌣𑌿॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑍁𑌪𑌾॑𑌦𑌧𑍁𑌃 । 𑌤𑍇𑌷𑌾॒𑌮𑌤𑌿॒ 𑌤𑍍𑌰𑍀𑌣𑍍𑌯॑𑌰𑌿𑌚𑍍𑌯𑌨𑍍𑌤 । 𑌨 𑌤𑍍𑌰𑍀𑌣𑍍𑌯𑍁𑌦॑𑌭𑌵𑌨𑍍𑌨𑍍 ॥ 58 ॥

𑌸 𑌬𑍃॑𑌹॒𑌤𑍀𑌮𑍇॒𑌵𑌾-𑌸𑍍𑌪𑍃॑𑌶𑌤𑍍 । 𑌦𑍍𑌵𑌾𑌭𑍍𑌯𑌾॑𑌮॒𑌕𑍍𑌷𑌰𑌾᳚𑌭𑍍𑌯𑌾𑌮𑍍 । 𑌅॒𑌹𑍋॒𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵 ॥ 𑌤𑌦𑌾॑𑌹𑍁𑌃 । 𑌕॒𑌤॒𑌮𑌾 𑌸𑌾 𑌦𑍇॒𑌵𑌾𑌕𑍍𑌷॑𑌰𑌾 𑌬𑍃𑌹॒𑌤𑍀 । 𑌯𑌸𑍍𑌯𑌾॒-𑌨𑍍𑌤-𑌤𑍍𑌪𑍍𑌰॒𑌤𑍍𑌯𑌤𑌿॑𑌷𑍍𑌠𑌤𑍍 । 𑌦𑍍𑌵𑌾𑌦॑𑌶 𑌪𑍗𑌰𑍍𑌣𑌮𑌾॒𑌸𑍍𑌯𑌃॑ । 𑌦𑍍𑌵𑌾𑌦॒𑌶𑌾𑌷𑍍𑌟॑𑌕𑌾𑌃 । 𑌦𑍍𑌵𑌾𑌦॑𑌶𑌾𑌮𑌾𑌵𑌾॒𑌸𑍍𑌯𑌾𑌃᳚ । 𑌏॒𑌷𑌾 𑌵𑌾𑌵 𑌸𑌾 𑌦𑍇॒𑌵𑌾𑌕𑍍𑌷॑𑌰𑌾 𑌬𑍃𑌹॒𑌤𑍀 ॥ 59 ॥

𑌯𑌸𑍍𑌯𑌾॒-𑌨𑍍𑌤-𑌤𑍍𑌪𑍍𑌰॒𑌤𑍍𑌯𑌤𑌿॑𑌷𑍍𑌠॒𑌦𑌿𑌤𑌿॑ ॥ 𑌯𑌾𑌨𑌿॑ 𑌚॒ 𑌛𑌨𑍍𑌦𑌾𑌗𑍍॑-𑌸𑍍𑌯॒𑌤𑍍𑌯𑌰𑌿॑𑌚𑍍𑌯𑌨𑍍𑌤 । 𑌯𑌾𑌨𑌿॑ 𑌚॒ 𑌨𑍋𑌦𑌭॑𑌵𑌨𑍍𑌨𑍍 । 𑌤𑌾𑌨𑌿॒ 𑌨𑌿𑌰𑍍𑌵𑍀᳚𑌰𑍍𑌯𑌾𑌣𑌿 𑌹𑍀॒𑌨𑌾𑌨𑍍𑌯॑𑌮𑌨𑍍𑌯𑌨𑍍𑌤 । 𑌸𑌾 𑌽𑌬𑍍𑌰॑𑌵𑍀-𑌦𑍍𑌬𑍃𑌹॒𑌤𑍀 । 𑌮𑌾𑌮𑍇॒𑌵 𑌭𑍂॒𑌤𑍍𑌵𑌾 । 𑌮𑌾𑌮𑍁𑌪॒ 𑌸𑌗𑍍𑌗𑍍 𑌶𑍍𑌰॑𑌯॒𑌤𑍇𑌤𑌿॑ । 𑌚॒𑌤𑍁𑌰𑍍𑌭𑌿॑𑌰॒𑌕𑍍𑌷𑌰𑍈॑-𑌰𑌨𑍁॒𑌷𑍍𑌟𑍁𑌗𑍍-𑌬𑍃॑𑌹॒𑌤𑍀-𑌨𑍍𑌨𑍋𑌦॑𑌭𑌵𑌤𑍍 । 𑌚॒𑌤𑍁𑌰𑍍𑌭𑌿॑𑌰॒𑌕𑍍𑌷𑌰𑍈𑌃᳚ 𑌪॒𑌙𑍍𑌕𑍍𑌤𑌿-𑌰𑍍𑌬𑍃॑𑌹॒𑌤𑍀-𑌮𑌤𑍍𑌯॑𑌰𑌿𑌚𑍍𑌯𑌤 । 𑌤𑌸𑍍𑌯𑌾॑𑌮𑍇॒𑌤𑌾𑌨𑌿॑ 𑌚॒𑌤𑍍𑌵𑌾𑌰𑍍𑌯॒𑌕𑍍𑌷𑌰𑌾᳚𑌣𑍍𑌯-𑌪॒𑌚𑍍𑌛𑌿𑌦𑍍𑌯𑌾॑-𑌦𑌧𑌾𑌤𑍍 ॥ 60 ॥

𑌤𑍇 𑌬𑍃॑𑌹॒𑌤𑍀 𑌏॒𑌵 𑌭𑍂॒𑌤𑍍𑌵𑌾 । 𑌬𑍃॒𑌹॒𑌤𑍀𑌮𑍁𑌪॒ 𑌸𑌮॑𑌶𑍍𑌰𑌯𑌤𑌾𑌮𑍍 ॥ 𑌅॒𑌷𑍍𑌟𑌾॒𑌭𑌿-𑌰॒𑌕𑍍𑌷𑌰𑍈॑𑌰𑍁॒𑌷𑍍𑌣𑌿𑌗𑍍-𑌬𑍃॑𑌹॒𑌤𑍀-𑌨𑍍𑌨𑍋𑌦॑𑌭𑌵𑌤𑍍 । 𑌅॒𑌷𑍍𑌟𑌾॒𑌭𑌿𑌰॒𑌕𑍍𑌷𑌰𑍈᳚𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍-𑌬𑍃॑𑌹॒𑌤𑍀-𑌮𑌤𑍍𑌯॑𑌰𑌿𑌚𑍍𑌯𑌤 । 𑌤𑌸𑍍𑌯𑌾॑𑌮𑍇॒𑌤𑌾-𑌨𑍍𑌯॒𑌷𑍍𑌟𑌾𑌵॒𑌕𑍍𑌷𑌰𑌾᳚𑌣𑍍𑌯-𑌪॒𑌚𑍍𑌛𑌿𑌦𑍍𑌯𑌾॑𑌦𑌧𑌾𑌤𑍍 । 𑌤𑍇 𑌬𑍃॑𑌹॒𑌤𑍀 𑌏॒𑌵 𑌭𑍂॒𑌤𑍍𑌵𑌾 । 𑌬𑍃॒𑌹॒𑌤𑍀𑌮𑍁𑌪॒ 𑌸𑌮॑𑌶𑍍𑌰𑌯𑌤𑌾𑌮𑍍 । 𑌦𑍍𑌵𑌾॒𑌦॒𑌶𑌭𑌿॑-𑌰॒𑌕𑍍𑌷𑌰𑍈᳚-𑌰𑍍𑌗𑌾𑌯॒𑌤𑍍𑌰𑍀-𑌬𑍃॑𑌹॒𑌤𑍀-𑌨𑍍𑌨𑍋𑌦॑𑌭𑌵𑌤𑍍 । 𑌦𑍍𑌵𑌾॒𑌦॒𑌶𑌭𑌿॑-𑌰॒𑌕𑍍𑌷𑌰𑍈॒-𑌰𑍍𑌜𑌗॑𑌤𑍀-𑌬𑍃𑌹॒𑌤𑍀-𑌮𑌤𑍍𑌯॑𑌰𑌿𑌚𑍍𑌯𑌤 । 𑌤𑌸𑍍𑌯𑌾॑𑌮𑍇॒𑌤𑌾𑌨𑌿॒ 𑌦𑍍𑌵𑌾𑌦॑𑌶𑌾॒𑌕𑍍𑌷𑌰𑌾᳚𑌣𑍍𑌯-𑌪॒𑌚𑍍𑌛𑌿𑌦𑍍𑌯𑌾॑𑌦𑌧𑌾𑌤𑍍 ॥ 61 ॥

𑌤𑍇 𑌬𑍃॑𑌹॒𑌤𑍀 𑌏॒𑌵 𑌭𑍂॒𑌤𑍍𑌵𑌾 । 𑌬𑍃॒𑌹॒𑌤𑍀𑌮𑍁𑌪॒ 𑌸𑌮॑𑌶𑍍𑌰𑌯𑌤𑌾𑌮𑍍 ॥ 𑌸𑍋᳚-𑌽𑌬𑍍𑌰𑌵𑍀𑌤𑍍-𑌪𑍍𑌰॒𑌜𑌾𑌪॑𑌤𑌿𑌃 । 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌰𑌥𑍋॑ 𑌮𑍇 𑌭𑌵𑌤 । 𑌯𑍁॒𑌷𑍍𑌮𑌾𑌭𑌿॑-𑌰॒𑌹𑌮𑍇॒𑌤-𑌮𑌦𑍍𑌧𑍍𑌵𑌾॑𑌨॒𑌮𑌨𑍁॒ 𑌸𑌞𑍍𑌚॑𑌰𑌾॒𑌣𑍀𑌤𑌿॑ । 𑌤𑌸𑍍𑌯॑ 𑌗𑌾𑌯॒𑌤𑍍𑌰𑍀 𑌚॒ 𑌜𑌗॑𑌤𑍀 𑌚 𑌪॒𑌕𑍍𑌷𑌾𑌵॑𑌭𑌵𑌤𑌾𑌮𑍍 । 𑌉॒𑌷𑍍𑌣𑌿𑌕𑍍𑌚॑ 𑌤𑍍𑌰𑌿॒𑌷𑍍𑌟𑍁𑌪𑍍𑌚॒ 𑌪𑍍𑌰𑌷𑍍𑌟𑍍𑌯𑍗᳚ । 𑌅॒𑌨𑍁॒𑌷𑍍𑌟𑍁𑌪𑍍𑌚॑ 𑌪॒𑌙𑍍𑌕𑍍𑌤𑌿𑌶𑍍𑌚॒ 𑌧𑍁𑌰𑍍𑌯𑍗᳚ । 𑌬𑍃॒𑌹॒𑌤𑍍𑌯𑍇॑𑌵𑍋𑌦𑍍𑌧𑌿𑌰॑𑌭𑌵𑌤𑍍 । 𑌸 𑌏॒𑌤-𑌞𑍍𑌛॑𑌨𑍍𑌦𑍋𑌰॒𑌥𑌮𑌾॒𑌸𑍍𑌥𑌾𑌯॑ । 𑌏॒𑌤𑌮𑌦𑍍𑌧𑍍𑌵𑌾॑𑌨॒𑌮𑌨𑍁॒ 𑌸𑌮॑𑌚𑌰𑌤𑍍 । 𑌏॒𑌤𑌗𑍍𑌂 𑌹॒ 𑌵𑍈 𑌛॑𑌨𑍍𑌦𑍋𑌰॒𑌥𑌮𑌾॒𑌸𑍍𑌥𑌾𑌯॑ । 𑌏॒𑌤𑌮𑌦𑍍𑌧𑍍𑌵𑌾॑𑌨॒𑌮𑌨𑍁॒ 𑌸𑌞𑍍𑌚॑𑌰𑌤𑌿 । 𑌯𑍇𑌨𑍈॒𑌷 𑌏॒𑌤-𑌥𑍍𑌸॒𑌚𑌂𑌰॑𑌤𑌿 । 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑍋𑌮𑍇॑𑌨॒ 𑌯𑌜॑𑌤𑍇 । 𑌯 𑌉॑𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 62 ॥

(𑌅॒𑌭॒𑌵॒𑌨𑍍 - 𑌵𑌾𑌵 𑌸𑌾 𑌦𑍇॒𑌵𑌾𑌕𑍍𑌷॑𑌰𑌾 𑌬𑍃𑌹॒ - 𑌤𑍍𑌯॑𑌦𑌧𑌾॒-𑌦𑍍- 𑌦𑍍𑌵𑌾𑌦॑𑌶𑌾॒𑌕𑍍𑌷𑌰𑌾᳚𑌣𑍍𑌯𑌪॒𑌚𑍍𑌛𑌿𑌦𑍍𑌯𑌾॑𑌦𑌧𑌾 - 𑌦𑌾॒𑌸𑍍𑌥𑌾𑌯॒ 𑌷𑌟𑍍𑌚॑) (𑌅. 12)

(𑌅॒𑌗𑍍𑌨𑍇𑌃 𑌕𑍃𑌤𑍍𑌤𑌿॑𑌕𑌾॒ - 𑌯-𑌤𑍍𑌪𑍁𑌣𑍍𑌯𑌂॑ - 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁--𑌰𑍍 𑌬𑍍𑌰॑𑌹𑍍𑌮𑌵𑌾॒𑌦𑌿𑌨𑌃॒ 𑌕 - 𑌤𑍍𑌯𑍃॒𑌤𑌮𑍇॒𑌵 - 𑌦𑍇॒𑌵𑌾 𑌵𑌾 - 𑌆𑌯𑍁॑𑌷𑌃 𑌪𑍍𑌰𑌾॒𑌣 - 𑌮𑌿𑌨𑍍𑌦𑍍𑌰𑍋॑ 𑌦𑌧𑍀॒𑌚𑍋 -𑌦𑍇॑𑌵𑌾𑌸𑍁॒𑌰𑌾-𑌸𑍍𑌸 𑌪𑍍𑌰॒𑌜𑌾𑌪॑𑌤𑌿𑌃॒ - 𑌸 𑌸॑𑌮𑍁॒𑌦𑍍𑌰𑍋 - 𑌯𑍇 𑌵𑍈 𑌚॒𑌤𑍍𑌵𑌾𑌰॒ - 𑌸𑍍𑌤𑌸𑍍𑌯𑌾𑌵𑌾॑𑌚𑍋॒ 𑌦𑍍𑌵𑌾𑌦॑𑌶)

(𑌅॒𑌗𑍍𑌨𑍇𑌃 𑌕𑍃𑌤𑍍𑌤𑌿॑𑌕𑌾 - 𑌦𑍇𑌵𑌗𑍃॒𑌹𑌾 - 𑌋॒𑌤𑌮𑍇॒𑌵 - 𑌵𑍈᳚𑌶𑍍𑌵𑌦𑍇॒𑌵𑍇𑌨॒ - 𑌤𑍇 𑌤𑌦॑𑌨𑍍𑌤॒ - 𑌤-𑌮𑍍𑌪॑𑌞𑍍𑌚𑌦॒𑌶𑍇𑌨॒ - 𑌤𑍇 𑌬𑍃॑𑌹॒𑌤𑍀 𑌏॒𑌵 𑌦𑍍𑌵𑌿𑌷॑𑌷𑍍𑌟𑌿𑌃)

(𑌅॒𑌗𑍍𑌨𑍇𑌃 𑌕𑍃𑌤𑍍𑌤𑌿॑𑌕𑌾॒ - 𑌯 𑌉 ॑𑌚𑍈𑌨𑌮𑍇॒𑌵𑌂-𑌵𑍇𑌁𑌦॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌪𑌞𑍍𑌚𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ।

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake pañcamaḥ prapāṭhakaḥ - nakṣatreṣṭikāṇḍam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - nakṣatreṣṭakāmantrāḥ, vikṛtirūpacayanagatāḥ

a॒gneḥ kṛtti̭kāḥ | śu॒kra-mpa॒rastā॒-jjyoti̭-ra॒vastā᳚t || pra॒jāpa̭te rohi॒ṇī | āpaḥ̭ pa॒rastā॒doṣa̭dhayo॒ 'vastā᳚t || soma̭syenva॒kā vita̭tāni | pa॒rastā॒dvaya̭nto॒ 'vastā᳚t || ru॒drasya̭ bā॒hū | mṛ॒ga॒yavaḥ̭ pa॒rastā᳚dvikṣā॒ro̭-'vastā᳚t || adi̭tyai॒ puna̭rvasū | vātaḥ̭ pa॒rastā̭dā॒rdra-ma॒vastā᳚t || 1 ||

bṛha॒spate᳚sti॒ṣyaḥ̭ | juhva̭taḥ pa॒rastā॒-dyaja̭mānā a॒vastā᳚t || sa॒rpāṇā̭-māśre॒ṣāḥ | a॒bhyā॒gaccha̭ntaḥ pa॒rastā̭dabhyā॒nṛtya̭nto॒-'vastā᳚t || pi॒tṛ॒ṇā-mma॒ghāḥ | ru॒dantaḥ̭ pa॒rastā̭dapabhra॒gṃ॒śo̭-'vastā᳚t || a॒rya॒mṇaḥ pūrve॒ phalgṷnī | jā॒yā pa॒rastā̭dṛṣa॒bho̭-'vastā᳚t || bhaga॒syotta̭re | va॒ha॒tavaḥ̭ pa॒rastā॒dvaha̭mānā a॒vastā᳚t || 2 ||

de॒vasya̭ savi॒tur-hastaḥ̭ | pra॒sa॒vaḥ pa॒rastā᳚-thsa॒nira॒vastā᳚t || indra̭sya ci॒trā | ṛ॒ta-mpa॒rastā᳚-thsa॒tya-ma॒vastā᳚t || vā॒yo-rniṣṭyā᳚ vra॒tatiḥ̭ | pa॒rastā॒-dasi̭ddhi-ra॒vastā᳚t || i॒ndrā॒gni॒yo-rviśā̭khe | yu॒gāni̭ pa॒rastā᳚t-kṛ॒ṣamā̭ṇā a॒vastā᳚t || mi॒trasyā̭-nūrā॒dhāḥ | a॒bhyā॒roha̭t-pa॒rastā̭-da॒bhyārṷ̄ḍha-ma॒vastā᳚t || 3 ||

indra̭sya rohi॒ṇī | śṛ॒ṇat-pa॒rastā᳚t-pratiśṛ॒ṇa-da॒vastā᳚t || nir-ṛ̭tyai-mūla॒varha̭ṇī | pra॒ti॒bha॒ñjantaḥ̭ pa॒rastā᳚t-pratiśṛ॒ṇanto॒-'vastā᳚t || a॒pā-mpūrvā̭ aṣā॒ḍhāḥ | varcaḥ̭ pa॒rastā॒-thsami̭ti-ra॒vastā᳚t || viśvḙṣā-nde॒vānā॒-mutta̭rāḥ | a॒bhi॒jaya̭t-pa॒rastā̭-da॒bhiji̭ta-ma॒vastā᳚t || vi॒ṣṇo᳚-śśro॒ṇā pṛ॒cchamā̭nāḥ | pa॒rastā॒t-panthā̭ a॒vastā᳚t || 4 ||

vasṷ̄nā॒g॒ śravi̭ṣṭhāḥ | bhū॒ta-mpa॒rastā॒-dbhūti̭ra॒vastā᳚t || indra̭sya-śa॒tabhi̭ṣak | vi॒śvavya̭cāḥ pa॒rastā᳚-dvi॒śvakṣi̭ti-ra॒vastā᳚t || a॒jasyaika̭padaḥ॒ pūrve᳚ proṣṭhapa॒dāḥ | vai॒śvā॒na॒ra-mpa॒rastā᳚-dvaiśvāvasa॒va-ma॒vastā᳚t || ahe᳚rbu॒dhniya॒-syotta̭re | a॒bhi॒ṣi॒ñcantaḥ̭ pa॒rastā̭-dabhiṣu॒ṇvanto॒-'vastā᳚t || pū॒ṣṇo re॒vatī᳚ | gāvaḥ̭ pa॒rastā᳚-dva॒thsā a॒vastā᳚t || a॒śvino̭raśva॒yujau᳚ | grāmaḥ̭ pa॒rastā॒thsenā॒ 'vastā᳚t || ya॒masyā̭pa॒bhara̭ṇīḥ | a॒pa॒karṣa̭ntaḥ pa॒rastā̭-dapa॒vaha̭nto॒-'vastā᳚t || pū॒rṇā pa॒ścādu॒ta pū॒rṇā pu॒rastā॒dunma̭dhya॒taḥ pau᳚rṇamā॒sī ji̭gāya | tasyā᳚-nde॒vā adhi̭ saṃ॒va~sa̭nta utta॒me nāka̭ i॒ha mā̭dayantām ||, yattḙ de॒vā ada̭dhu rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 5 ||

(ā॒rdrama॒vastā॒-d- vaha̭mānā a॒vastā̭ - da॒bhyārṷ̄ḍhama॒vastā॒t - panthā̭ a॒vastā᳚-d- va॒thsā a॒vastā॒-tpañca̭ ca) (a. 1)

anuvākaṃ 2 - karmānuṣṭhānārhaḥ nakṣatrarūpaḥ puṇyakālaḥ

ya-tpuṇya॒-nnakṣa̭tram | ta-dba-ṭkṷrvītopavyu॒ṣam | ya॒dā vai sūrya̭ u॒deti̭ | atha॒ nakṣa̭tra॒-nnaiti̭ | yāva̭ti॒ tatra॒ sūryo॒ gacche᳚t | yatra̭ jagha॒nya̭-mpaśye᳚t | tāva̭ti kurvīta ya-tkā॒rī syāt | pu॒ṇyā॒ha e॒va kṷrute | e॒vagṃ ha॒ vai ya॒jñeṣṷ-ñca śa॒tadyṷmna-ñca mā॒thsyo ni̭ravasāya॒yā-ñca̭kāra || 6 ||

yo vai na̭kṣa॒triya̭-mpra॒jāpa̭tiṃ॒-ve~da̭ | u॒bhayo̭renaṃ-lo~॒kayo᳚rviduḥ | hasta̭ e॒vāsya॒ hastaḥ̭ | ci॒trā śiraḥ̭ | niṣṭyā॒ hṛda̭yam | ū॒rū viśā̭khe | pra॒ti॒ṣṭhā 'nṷ̄rā॒dhāḥ | e॒ṣa vai na̭kṣa॒triyaḥ̭ pra॒jāpa̭tiḥ | ya e॒vaṃ-ve~da̭ | u॒bhayo̭renaṃ-lo~॒kayo᳚rviduḥ || 7 ||

a॒smiggścā॒-muṣmigg̭śca || yā-ṅkā॒mayḙta duhi॒tara̭-mpri॒yā syā॒diti̭ | tā-nniṣṭyā̭yā-ndadyāt | pri॒yaiva bha̭vati | neva॒ tu puna॒rāga̭cchati || a॒bhi॒jinnāma॒ nakṣa̭tram | u॒pari̭ṣṭā-daṣā॒ḍhānā᳚m | a॒vastā᳚cchro॒ṇāyai᳚ | de॒vā॒su॒rā-ssaṃya~̭ttā āsann | te de॒vāstasmi॒-nnakṣa̭tre॒-'bhya̭jayann || 8 ||

yada॒bhyaja̭yann | tada̭bhi॒jito̭-'bhiji॒ttvam | ya-ṅkā॒mayḙtā-napaja॒yya-ñja̭ye॒diti̭ | tame॒tasmi॒-nnakṣa̭tre yātayet | a॒na॒pa॒ja॒yyame॒va ja̭yati | pā॒papa̭rājitamiva॒ tu || pra॒jāpa̭tiḥ pa॒śūna̭sṛjata | te nakṣa̭tra-nnakṣatra॒-mupā̭tiṣṭhanta | te sa॒māva̭nta e॒vābha̭vann | te re॒vatī॒-mupā̭tiṣṭhanta || 9 ||

te re॒vatyā॒-mprābha̭vann | tasmā᳚-dre॒vatyā᳚-mpaśū॒nā-ṅkṷrvīta | ya-tkiñcā᳚rvā॒cīna॒gṃ॒ somā᳚t | praiva bha̭vanti || sa॒li॒laṃ-vā~ i॒dama̭nta॒rāsī᳚t | yadata̭rann | ta-ttāra̭kāṇā-ntāraka॒tvam | yo vā i॒ha yaja̭te | a॒mugṃ salo॒ka-nna̭kṣate | tannakṣa̭trāṇā-nnakṣatra॒tvam || 10 ||

de॒va॒gṛ॒hā vai nakṣa̭trāṇi | ya e॒vaṃ-ve~da̭ | gṛ॒hyḙva bha̭vati || yāni॒ vā i॒māni̭ pṛthi॒vyāści॒trāṇi̭ | tāni॒ nakṣa̭trāṇi | tasmā̭-daślī॒lanā̭magg-ści॒tre | nāva̭sye॒nna ya̭jeta | yathā̭ pāpā॒he kṷru॒te | tā॒dṛge॒va tat || de॒va॒na॒kṣa॒trāṇi॒ vā a॒nyāni̭ || 11 ||

ya॒ma॒na॒kṣa॒trāṇya॒nyāni̭ | kṛtti̭kāḥ pratha॒mam | viśā̭khe utta॒mam | tāni̭ devanakṣa॒trāṇi̭ | a॒nū॒rā॒dhāḥ pra̭tha॒mam | a॒pa॒bhara̭ṇī-rutta॒mam | tāni̭ yamanakṣa॒trāṇi̭ | yāni̭ devanakṣa॒trāṇi̭ | tāni॒ dakṣi̭ṇena॒ pari̭yanti | yāni̭ yamanakṣa॒trāṇi̭ || 12 ||

tānyutta̭reṇa || anvḙṣāmarā॒thsmeti̭ | tada̭nūrā॒dhāḥ | jye॒ṣṭhamḙṣā-mavadhi॒ṣmeti̭ | tajjye᳚ṣṭha॒ghnī | mūla̭meṣāmavṛkṣā॒meti̭ | ta-nmṷ̄la॒varha̭ṇī | yannāsa̭hanta | tada̭ṣā॒ḍhāḥ | yadaślo̭ṇat || 13 ||

tacchro॒ṇā | yadaśṛ̭ṇot | tacchravi̭ṣṭhāḥ | yaccha॒ta-mabhi̭ṣajyann | taccha॒tabhi̭ṣak | pro॒ṣṭha॒pa॒deṣūda̭yacchanta | re॒vatyā̭maravanta | a॒śva॒yujo̭rayuñjata | a॒pa॒bhara̭ṇī॒ṣva pā̭vahann | tāni॒ vā e॒tāni̭ yamanakṣa॒trāṇi̭ || yānye॒va dḙvanakṣa॒trāṇi̭ | teṣṷ kurvīta yatkā॒rī syāt | pu॒ṇyā॒ha e॒va kṷrute || 14 ||

(ca॒kā॒ - rai॒vaṃ-ve~do॒bhayo̭ renaṃ-lo~॒kayo᳚rvidu - rajayan - re॒vatī॒mupā̭tiṣṭhanta - nakṣatra॒tva - ma॒nyāni॒ - yāni̭ yamanakṣa॒trā - ṇyaślo̭ṇa--dyamanakṣa॒trāṇi॒ trīṇi̭ ca) (a. 2)

anuvākaṃ 3 - karmānuṣṭhānārhaḥ divasabhāgarūpaḥ heyopādeyakāla vibhāgaḥ

de॒vasya̭ savi॒tuḥ prā॒taḥ pra̭sa॒vaḥ prā॒ṇaḥ | varṷṇasya sā॒yamā̭sa॒vo̭-'pā॒naḥ || ya-tpra̭tī॒cīna̭-mprāta॒stanā᳚t | prā॒cīnagṃ̭ saṅga॒vāt | tato̭ de॒vā a̭gniṣṭo॒ma-nnira̭mimata | tat-tadātta̭vīrya-nnirmā॒rgaḥ || mi॒trasya̭ saṅga॒vaḥ | tat-puṇya̭-nteja॒svyahaḥ̭ |

tasmā॒ttarhi̭ pa॒śavaḥ̭ sa॒māya̭nti || ya-tpra̭tī॒cīnagṃ̭ saṅga॒vāt || 15 ||

prā॒cīna̭-mma॒ddhyandi̭nāt | tato̭ de॒vā u॒kthya̭-nnira̭mimata | tat-tadātta̭vīrya-nnirmā॒rgaḥ || bṛha॒spate᳚-rma॒ddhyandi̭naḥ | tat-puṇya̭-nteja॒svyahaḥ̭ | tasmā॒ttarhi॒ tekṣṇi̭ṣṭha-ntapati || yat-pra̭tī॒cīna̭-mma॒ddhyandi̭nāt | prā॒cīna̭-maparā॒hṇāt | tato̭ de॒vā-ṣṣo̭ḍa॒śina॒-nnira̭mimata | tattadātta̭vīrya-nnirmā॒rgaḥ || 16 ||

bhaga̭syāparā॒hṇaḥ | tat-puṇya̭-nteja॒svyahaḥ̭ | tasmā̭daparā॒hṇe kṷmā॒ryo̭ bhaga̭mi॒cchamā̭nā-ścaranti || yat-pra̭tī॒cīna̭maparā॒hṇāt | prā॒cīnagṃ̭ sā॒yāt | tato̭ de॒vā a̭tirā॒tra-nnira̭mimata | tattadātta̭vīrya-nnirmā॒rgaḥ || varṷṇasya sā॒yam | tat-puṇya̭-nteja॒svyahaḥ̭ | tasmā॒ttarhi॒ nānṛ̭taṃ-va~det || 17 ||

brā॒hma॒ṇo vā a̭ṣṭāvi॒gṃ॒śo nakṣa̭trāṇām | sa॒mā॒nasyāhnaḥ॒ pañca॒ puṇyā̭ni॒ nakṣa̭trāṇi | ca॒tvārya̭ślī॒lāni̭ | tāni॒ nava̭ | yacca̭ pa॒rastā॒nnakṣa̭trāṇāṃ॒-ya~ccā॒vastā᳚t | tānyekā̭daśa | brā॒hma॒ṇo dvā̭da॒śaḥ | ya e॒vaṃ-vi~॒dvān-thsaṃ̭va~thsa॒raṃ-vra~॒ta-ñcara̭ti | saṃ॒va~॒thsa॒reṇai॒vāsya̭ vra॒ta-ṅgu॒pta-mbha̭vati || sa॒mā॒nasyāhnaḥ॒ pañca॒ puṇyā̭ni॒ nakṣa̭trāṇi | ca॒tvārya̭ślī॒lāni̭ | tāni॒ nava̭ | ā॒gne॒yī rātriḥ̭ | ai॒ndramahaḥ̭ | tānyekā̭daśa | ā॒di॒tyo dvā̭da॒śaḥ | ya e॒vaṃ-vi~॒dvān-thsaṃ̭va~thsa॒raṃ-vra~॒ta-ñcara̭ti | saṃ॒va~॒thsa॒reṇai॒vāsya̭ vra॒ta-ṅgu॒pta-mbha̭vati || 18 ||

(sa॒ṅga॒vāth - ṣo̭ḍa॒śina॒-nnira̭mimata॒ tattadātta̭vīrya-nnirmā॒go - va̭de-d- bhavati samā॒nasyāhnaḥ॒ pañca॒ puṇyā̭ni॒ nakṣa̭trāṇya॒ṣṭau ca̭) (a. 3)

anuvākaṃ 4 - somaśeṣabhūtā pātrastutiḥ.(ādhvarabrāhmaṇaśeṣaḥ)

bra॒hma॒vā॒dino̭ vadanti | kati॒ pātrā̭ṇi ya॒jñaṃ-va~̭ha॒ntīti̭ | trayo̭da॒śeti̭ brūyāt | sa yadbrū॒yāt | kastāni॒ nira̭mimī॒teti̭ | pra॒jāpa̭ti॒riti̭ brūyāt | sa yadbrū॒yāt | kuta॒stāni॒ nira̭mimī॒teti̭ | ā॒tmana॒ iti̭ | prā॒ṇā॒pā॒nābhyā̭-me॒vopāg̭-śvantaryā॒mau nira̭mimīta || 19 ||

vyā॒nādṷpāgṃśu॒ sava̭nam | vā॒ca ai᳚ndravāya॒vam | da॒kṣa॒kra॒tubhyā᳚-mmaitrāvaru॒ṇam | śrotrā̭dāśvi॒nam | cakṣṷṣa-śśu॒krā ma॒nthinau᳚ | ā॒tmana̭ āgraya॒ṇam | aṅge᳚bhya u॒kthya᳚m | āyṷṣo dhru॒vam | pra॒ti॒ṣṭhāyā̭ ṛtupā॒tre || ya॒jñaṃ-vā~va ta-mpra॒jāpa̭ti॒-rnira̭mimīta | sa nirmi̭to॒ nāddhri̭yata॒ sama̭vlīyata | sa e॒tā-npra॒jāpa̭ti-rapivā॒pāna̭-paśyat | tānnira̭vapat | tairvai sa ya॒jñamapya̭vapat | yada̭pivā॒pā bhava̭nti | ya॒jñasya॒ dhṛtyā॒ asaṃ̭vla~yāya || 20 ||

(u॒pā॒g॒śva॒nta॒ryā॒mau nira̭mimītā- mimīta॒ ṣaṭ ca̭) (a. 4)

anuvākaṃ 5 - cāturmāsyaśeṣā vapanamantrāḥ, (rājasūyabrāhmaṇam)

ṛ॒tame॒va pa̭rame॒ṣṭhi | ṛ॒ta-nnātyḙti॒ ki-ñca॒na | ṛ॒te sa̭mu॒dra āhi̭taḥ | ṛ॒te bhūmi̭ri॒yagg śri॒tā | a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye || 21 ||

tapa̭sā॒-'syānṷvartaye | śi॒venā॒syopa̭vartaye | śa॒gmenā᳚syā॒-bhiva̭rtaye | tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || ya-dgha॒rmaḥ pa॒ryava̭rtayat | antā᳚-npṛthi॒vyā di॒vaḥ | a॒gnirīśā̭na॒ oja̭sā | varṷṇo dhī॒tibhiḥ̭ sa॒ha || 22 ||

indro̭ ma॒rudbhi॒-ssakhi̭bhi-ssa॒ha || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒bhiva̭rtaye || 23 ||

tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || yo a॒syāḥ pṛ̭thi॒vyāstva॒ci | ni॒va॒rtaya॒tyoṣa̭dhīḥ | a॒gnirīśā̭na॒ oja̭sā | varṷṇo dhī॒tibhiḥ̭ sa॒ha | indro̭ ma॒rudbhi॒-ssakhi̭bhi-ssa॒ha || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ || 24 ||

śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒-bhiva̭rtaye | tadṛ॒ta-nta-thsa॒tyam | ta-dva॒ta-ntaccha̭keyam | tena̭ śakeya॒-ntena̭ rāddhyāsam || 25 ||

eka॒-mmāsa॒-muda̭sṛjat | pa॒ra॒me॒ṣṭhī pra॒jābhyaḥ̭ | tenā᳚bhyo॒ maha॒ āva̭hat | a॒mṛta॒-mmartyā᳚bhyaḥ | pra॒jāmanu॒ prajā̭yase | tadṷ te martyā॒mṛta᳚m | yena॒ māsā̭ ardhamā॒sāḥ | ṛ॒tavaḥ̭ parivathsa॒rāḥ | yena॒ te te᳚ prajāpate | ī॒jā॒nasya॒ nyava̭rtayann || 26 ||

tenā॒hama॒sya brahma̭ṇā | niva̭rtayāmi jī॒vase᳚ || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒bhiva̭rtaye | tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || 27 ||

(pari̭vartaye - sa॒hā - bhiva̭rtaya - u॒ṣṇihā̭ - rāddhyāsaṃ॒ - nyava̭rtaya॒n - nupa̭vartaye ca॒tvāri̭ ca) (a. 5)

anuvākaṃ 6 - cāturmāsyaśeṣā vapanavidhiḥ (rājasūyabrāhmaṇam)

de॒vā vai ya-dya॒jñe 'kṷrvata | tadasṷrā akurvata | te-'sṷrā ū॒rdhva-mpṛ॒ṣṭhebhyo॒ nāpa̭śyann | te keśā॒nagrḙ-'vapanta | atha॒ śmaśrṷ̄ṇi | atho̭papa॒kṣau | tata॒ste-'vā᳚ñca āyann | parā̭-'bhavann | yasyai॒vaṃ-va~pa̭nti | avāṃ̭eti || 28 ||

atho॒ parai॒va bha̭vati | atha̭ de॒vā ū॒rdhva-mpṛ॒ṣṭhebhyo̭-'paśyann | ta ṷpapa॒kṣāvagrḙ-'vapanta | atha॒ śmaśrṷ̄ṇi | atha॒ keśāṋ | tata॒stḙ-'bhavann | su॒va॒rgaṃ-lo~॒kamā̭yann | yasyai॒vaṃ-va~pa̭nti | bhava̭tyā॒tmanā᳚ | atho̭ suva॒rgaṃ-lo~॒kamḙti || 29 ||

athai॒ta-nmanṷ-rva॒ptre mi̭thu॒na-ma̭paśyat | sa śmaśrū॒ṇyagrḙ-'vapata | atho̭papa॒kṣau | atha॒ keśāṋ | tato॒ vai sa prājā̭yata pra॒jayā̭ pa॒śubhiḥ̭ | yasyai॒vaṃ-va~pa̭nti | pra pra॒jayā̭ pa॒śubhi̭-rmithu॒nai-rjā̭yate || de॒vā॒su॒rā-ssaṃya~̭ttā āsann | te saṃ̭va~thsa॒re vyāya̭cchanta | tā-nde॒vāścā̭tu-rmā॒syaire॒vābhi prāyṷñjata || 30 ||

vai॒śva॒de॒vena̭ ca॒turo̭ mā॒so̭-'vṛñja॒tendra̭rājānaḥ | tāñchī॒r॒ṣanni cāva̭rtayanta॒ pari̭ ca | va॒ru॒ṇa॒ pra॒ghā॒sai-śca॒turo̭ mā॒so̭-'vṛñjata॒ varṷṇarājānaḥ | tāñchī॒r॒ṣanni cāva̭rtayanta॒ pari̭ ca | sā॒ka॒me॒dhaiśca॒turo̭ mā॒so̭-'vṛñjata॒ soma̭rājānaḥ | tāñchī॒ra॒.ṣanni cāva̭rtayanta॒ pari̭ ca | yā saṃ̭va~thsa॒ra ṷpajī॒vā ''sī᳚t | tāmḙṣā-mavṛñjata | tato̭ de॒vā abha̭vann | parā-'sṷrāḥ || 31 ||

ya e॒vaṃ-vi~॒dvāg-ścā̭turmā॒syai-ryaja̭te | bhrātṛ̭vyasyai॒va mā॒so vṛ॒ktvā | śī॒r॒ṣanni ca̭ va॒rtaya̭te॒ pari̭ ca | yaiṣā saṃ̭va~thsa॒ra ṷpajī॒vā | vṛ॒ṅkte tā-mbhrātṛ̭vyasya | kṣu॒dhā 'sya॒ bhrātṛ̭vyaḥ॒ parā̭ bhavati || lo॒hi॒tā॒ya॒sena॒ niva̭rtayate | yadvā i॒māma॒gnir-ṛ॒tāvāga̭te niva॒rtaya̭ti | e॒tade॒vaināgṃ̭ rū॒pa-ṅkṛ॒tvā niva̭rtayati | sā tata॒-śśva-śśvo॒ bhūya̭sī॒ bhava̭ntyeti || 32 ||

prajā̭yate | ya e॒vaṃ-vi~॒dvā~llo̭hitāya॒sena̭ niva॒rtaya̭te | e॒tade॒va rū॒pa-ṅkṛ॒tvā niva̭rtayate | sa tata॒-śśva-śśvo॒ bhūyā॒n-bhava̭nneti | praiva jā̭yate || tre॒ṇyā śa̭la॒lyā niva̭rtayeta | trīṇi̭ trīṇi॒ vai de॒vānā̭mṛ॒ddhāni̭ | trīṇi॒ chandāgṃ̭si | trīṇi॒ sava̭nāni | traya̭ i॒me lo॒kāḥ || 33 ||

ṛ॒ddhyāme॒va ta-dvī॒rya̭ e॒ṣu lo॒keṣu॒ prati̭ tiṣṭhati || yaccā̭turmāsyayā॒-jyā᳚tmano॒ nāva॒dyet | de॒vebhya॒ āvṛ̭ścyeta | ca॒tṛ॒ṣu ca̭tṛṣu॒ māsḙṣu॒ niva̭rtayeta | pa॒rokṣa̭me॒va ta-dde॒vebhya̭ ā॒tmano-'va̭dya॒tyanā᳚ vraskāya || de॒vānāṃ॒-vā~ e॒ṣa ānī̭taḥ | yaścā̭turmāsyayā॒jī | ya e॒vaṃ-vi~॒dvānni ca̭ va॒rtaya̭te॒ pari̭ ca | de॒vatā̭ e॒vāpyḙti | nāsya̭ ru॒draḥ pra॒jā-mpa॒śū-na॒bhima̭nyate || 34 ||

(e॒tye॒- tya॒ - yu॒ñja॒tā - sṷrā - eti - lo॒kā - ma̭nyate) (a. 6)

anuvākaṃ 7 - agnicayanaśeṣā iṣṭakopadhānamantrāḥ, tatra santatyākhyeṣṭakāmantrāḥ

āyṷṣaḥ prā॒ṇagṃ santa̭nu | prā॒ṇāda̭pā॒nagṃ santa̭nu | a॒pā॒nā-dvyā॒nagṃ santa̭nu | vyā॒nāccakṣu॒-ssanta̭nu | cakṣṷṣa॒-śśrotra॒gṃ॒ santa̭nu | śrotrā॒-nmana॒-ssanta̭nu | mana̭so॒ vāca॒gṃ॒ santa̭nu | vā॒ca ā॒tmāna॒gṃ॒ santa̭nu | ā॒tmanaḥ̭ pṛthi॒vīgṃ santa̭nu | pṛ॒thi॒vyā a॒ntari̭kṣa॒gṃ॒ santa̭nu | a॒ntari̭kṣā॒-ddiva॒gṃ॒ santa̭nu |diva॒-ssuva॒-ssanta̭nu || 35 ||

(a॒ntari̭kṣa॒gṃ॒ santa̭nu॒ dve ca̭) (a. 7)

anuvākaṃ 8 - agnicayanaśeṣā tharvaśiro-'bhidhānānāmiṣṭakānā-mmantrāḥ

indro̭ dadhī॒co a॒sthabhiḥ̭ | vṛ॒trāṇya pra̭tiṣkutaḥ | ja॒ghāna̭ nava॒ tīrnava̭ || i॒cchannaśva̭sya॒ yacchiraḥ̭ | parva̭te॒ṣvapa̭ śritam | ta-dvi̭daccharya॒ṇāva̭ti || atrā ha ॒gorama̭nvata | nāma॒ tvaṣṭṷrapī॒cya᳚m | i॒tthā ca॒ndrama̭so gṛ॒he || indra॒midgā॒thino̭ bṛ॒hat || 36 ||

indra̭ma॒rkebhi̭ra॒rkiṇaḥ̭ | indraṃ॒-vā~ṇī̭ranūṣata || indra॒ iddharyo॒-ssacā᳚ | sammi̭śla॒ āva̭co॒ yujā᳚ | indro̭ va॒jrī hi̭ra॒ṇyayaḥ̭ || indro̭ dī॒rghāya॒ cakṣa̭se | ā sūryagṃ̭ rohaya-ddi॒vi | vi gobhi॒radri̭mairayat || indra॒ vājḙṣu no ava | sa॒hasra̭ pradhaneṣu ca || 37 ||

u॒gra u॒grābhi̭rū॒tibhiḥ̭ || tamindraṃ̭-vā~jayāmasi | ma॒he vṛ॒trāya॒ hanta̭ve | sa vṛṣā̭ vṛṣa॒bho bhṷvat || indra॒-ssadāma̭ne kṛ॒taḥ | oji̭ṣṭha॒-ssa balḙ hi॒taḥ | dyu॒mnī ślo॒kī sa sau॒myaḥ̭ || gi॒rā vajro॒ na sambhṛ̭taḥ | saba̭lo॒ ana̭pacyutaḥ | va॒va॒kṣu-ru॒gro astṛ̭taḥ || 38 ||

(bṛ॒ha- ccā - stṛ̭taḥ) (a. 8)

anuvākaṃ 9 - somaśeṣabhūtā iṣṭayaḥ. (ādhvarabrāhmaṇam)

de॒vā॒su॒rā-ssaṃya~̭ttā āsann | sa pra॒jāpa̭ti॒rindra̭-ñjye॒ṣṭha-mpu॒tramapa॒ nya̭dhatta | nedḙna॒masṷrā॒ balī̭yāgṃ so-'hana॒nniti̭ | pra॒hrādo̭ ha॒ vai kā̭yādha॒vaḥ | vi॒roca̭na॒gg॒ sva-mpu॒tramapa॒ nya̭dhatta | nedḙna-nde॒vā a̭hana॒nniti̭ | te de॒vāḥ pra॒jāpa̭ti-mupasa॒metyo̭cuḥ | nārā॒jaka̭sya yu॒ddhama̭sti | indra॒manvi̭cchā॒meti̭ | taṃ-ya~̭jñakra॒tubhi॒-ranvai᳚cchann || 39 ||

taṃ-ya~̭jñakra॒tubhi॒rnānva̭vindann | tamiṣṭi̭bhi॒-ranvai᳚cchann | tamiṣṭi̭bhi॒-ranva̭vindann | tadiṣṭī̭nā-miṣṭi॒tvam | eṣṭa̭yo ha॒ vai nāma̭ | tā iṣṭa̭ya॒ ityāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || tasmā̭ e॒tamā᳚gnāvaiṣṇa॒va-mekā̭daśakapāla-ndīkṣa॒ṇīya॒-nnira̭vapann | tada̭pa॒drutyā̭tanvata | tānpa̭tnī saṃyā~॒jānta॒ upā̭nayann || 40 ||

te tada̭-ntame॒va kṛ॒tvoda̭dravann || te prā̭ya॒ṇīya̭ma॒bhi sa॒māro̭hann | tada̭pa॒drutyā̭tanvata | tāñchaṃ॒yva~̭nta॒ upā̭nayann | te tada̭tamme॒va kṛ॒tvoda̭dravann || ta ā̭ti॒thyama॒bhi sa॒māro̭hann | tada̭pa॒drutyā̭tanvata | tāniḍā᳚nta॒ upā̭nayann | te tada̭tamme॒va kṛ॒tvoda̭dravann | tasmā̭ de॒tā e॒tada̭ntā॒ iṣṭa̭ya॒-ssanti̭ṣṭhante || 41 ||

e॒vagṃ hi de॒vā akṷrvata | iti̭ de॒vā a̭kurvata | ityu॒ vai ma̭nu॒ṣyāḥ᳚ kurvate || te de॒vā ṷ̄cuḥ | yadvā i॒damu॒ccai-rya॒jñena॒ carā̭ma | tanno-'sṷrāḥ pā॒pmā-'nṷvindanti | u॒pā॒gṃ॒śṷ̄pa॒sadā̭ carāma | tathā॒ no-'sṷrāḥ pā॒pmā nānṷvethsya॒ntīti̭ | ta ṷpā॒gṃ॒śṷ̄pa॒sada̭-matanvata | ti॒sra e॒va sā̭midhe॒nīra॒nūcya̭ || 42 ||

sru॒veṇā̭ghā॒ra-mā॒ghārya̭ | ti॒sraḥ parā̭cī॒-rāhṷtīr-hu॒tvā | sru॒veṇo̭pa॒sada̭-ñjuha॒vāñca̭kruḥ | u॒graṃ-va~co॒ apā̭vadhī-ntve॒ṣaṃ-va~co॒ apā̭vadhī॒g॒ svāheti̭ | a॒śa॒na॒yā॒pi॒pā॒se ha॒ vā u॒graṃ-va~caḥ̭ | ena̭śca॒ vaira̭hatya-ñca tve॒ṣaṃ-va~caḥ̭ | e॒tagṃ ha॒ vāva tacca̭turdhāvihi॒ta-mpā॒pmāna̭-nde॒vā apa̭jaghnire || tatho̭ e॒vaitadḙvaṃ॒-vi~dyaja̭mānaḥ | ti॒sra e॒va sā̭midhe॒nīra॒nūcya̭ | sru॒veṇā̭ghā॒ra-mā॒ghārya̭ || 43 ||

ti॒sraḥ parā̭cī॒rāhṷtīr-hu॒tvā | sru॒veṇo̭pa॒sada̭-ñjuhoti | u॒graṃ-va~co॒ apā̭vadhī-ntve॒ṣaṃ-va~co॒ apā̭vadhī॒g॒ svāheti̭ | a॒śa॒na॒yā॒pi॒pā॒se ha॒ vā u॒graṃ-va~caḥ̭ | ena̭śca॒ vaira̭hatya-ñca tve॒ṣaṃ-va~caḥ̭ | e॒tame॒va tacca̭turdhā-vihi॒ta-mpā॒pmānaṃ॒-ya~ja̭mā॒no-'pa̭hate || tḙ-'bhi॒nīyai॒vāhaḥ̭ pa॒śumā-'la̭bhanta | ahna̭ e॒va ta-dde॒vā ava̭rti-mpā॒pmāna̭-mmṛ॒tyumapa̭jaghnire | tenā̭bhi॒nīyḙva॒ rātreḥ॒ prāca̭rann | rātri̭yā e॒va ta-dde॒vā ava̭rti-mpā॒pmāna̭-mmṛ॒tyumapa̭jaghnire || 44 ||

tasmā̭dabhi॒nīyai॒vāhaḥ̭ pa॒śumāla̭bheta | ahna̭ e॒va ta-dyaja̭mā॒no 'va̭rti-mpā॒pmāna॒-mbhrātṛ̭vyā॒napa̭nudate | tenā̭bhi॒nīyḙva॒ rātreḥ॒ praca̭ret | rātri̭yā e॒va ta-dyaja̭mā॒no 'va̭rti-mpā॒pmāna॒-mbhrātṛ̭vyā॒napa̭nudate || sa e॒ṣa ṷpavasa॒thīye 'ha̭n-dvideva॒tyaḥ̭ pa॒śurāla̭bhyate | dva॒yaṃ-vā~ a॒smin ~lo॒ke yaja̭mānaḥ | asthi̭ ca mā॒gṃ॒sa-ñca̭ | asthi̭ cai॒va tena̭ mā॒gṃ॒sa-ñca॒ yaja̭māna॒-ssagg skṷrute || tā vā e॒tāḥ pañca̭ de॒vatāḥ᳚ | a॒gnīṣomā̭-va॒gni-rmi॒trāvarṷṇau || 45 ||

pa॒ñca॒pa॒ñcī vai yaja̭mānaḥ | tvammā॒gṃ॒ sagg snāvāsthi̭ ma॒jjā | e॒tame॒va tatpa̭ñcadhā vihi॒tamā॒tmānaṃ̭-va~ruṇapā॒śā-nmṷñcati | bhe॒ṣa॒jatā̭yai nirvaruṇa॒tvāya̭ || tagṃ sa॒ptabhi॒-śchando̭bhiḥ prā॒tara̭hvayann | tasmā᳚thsa॒pta ca̭turutta॒rāṇi॒ chandāgṃ̭si prātaranuvā॒ke-'nū᳚cyante || tame॒tayo̭-pasa॒metyo-pā̭sīdann | upā᳚smai gāyatā nara॒ iti̭ | tasmā̭ de॒tayā̭ bahiṣpavamā॒na ṷpa॒sadyaḥ̭ || 46 ||

(ai॒ccha॒n - na॒na॒ya॒gg॒ - sti॒ṣṭha॒nte॒ - 'nūcyā॒ - nūcya̭ sru॒veṇā̭ghā॒ramā॒ghārya॒ - rātri̭yā e॒va ta-dde॒vā ava̭rti-mpā॒pmānaṃ̭ mṛ॒tyumapa̭jaghnire - mi॒trāvarṷṇau॒ - +nava̭ ca ) (a. 9)

(de॒vā yaja̭māno de॒vā de॒vā yaja̭māno॒ yaja̭māno-'labhanta॒ prāca̭ra~llabheta॒ praca̭re॒dāla̭bha॒ntāla̭bheta mṛ॒tyumapa̭jaghnire॒ bhrātṛ̭vyān)

anuvākaṃ 10 - trivṛdādistomarūpāṇi somaṅgāni. (ādhvarabrāhmaṇam)

sa sa̭mu॒dra ṷttara॒taḥ prājva̭la-dbhūmya॒ntena̭ | e॒ṣa vāva sa sa̭mu॒draḥ | yaccātvā̭laḥ | e॒ṣa ṷ ve॒va sa bhū᳚mya॒ntaḥ | yadve᳚dya॒ntaḥ | tade॒tat-tri̭śa॒la-ntri̭pūru॒ṣam | tasmā॒t-ta-ntri̭vita॒sta-ṅkha̭nanti || sa sṷvarṇaraja॒tābhyā᳚-ṅku॒śībhyā॒-mpari̭gṛhīta āsīt | taṃ-ya~da॒syā addhya॒jana̭yann | tasmā̭dādi॒tyaḥ || 47 ||

atha॒ ya-thsṷvarṇaraja॒tābhyā᳚-ṅku॒śībhyā॒-mpari̭gṛhīta॒ āsī᳚t | sā-'sya̭ kauśi॒katā᳚ || ta-ntri॒vṛtā॒-'bhi prāstṷvata | ta-ntri॒vṛtā ''da̭data | ta-ntri॒vṛtā ''ha̭rann | yāva̭tī tri॒vṛto॒ mātrā᳚ || ta-mpa̭ñcada॒śenā॒bhi prāstṷvata | ta-mpa̭ñcada॒śenāda̭data | ta-mpa̭ñcada॒śenāha̭rann | yāva̭tī pañcada॒śasya॒ mātrā᳚ || 48 ||

tagṃ sa̭ptada॒śenā॒bhi prāstṷvata | tagṃ sa̭ptada॒śenāda̭data | tagṃ sa̭ptada॒śenāha̭rann | yāva̭tī saptada॒śasya॒ mātrā᳚ | tasya̭ saptada॒śena̭ hri॒yamā̭ṇasya॒ tejo॒ haro̭-'patat | tamḙkavi॒gṃ॒ śenā॒bhi prāstṷvata | tamḙkavi॒gṃ॒śenāda̭data | tamḙkavi॒gṃ॒śenāha̭rann | yāva̭tyekavi॒gṃ॒śasya॒ mātrā᳚ || te yat-tri॒vṛtā᳚ stu॒vate᳚ || 49 ||

tri॒vṛtai॒va ta-dyaja̭māna॒māda̭date | ta-ntri॒vṛtai॒va ha̭ranti | yāva̭tī tri॒vṛto॒ mātrā᳚ | a॒gnirvai tri॒vṛt | yāva॒dvā a॒gnerdaha̭to dhū॒ma u॒detyānu॒vyeti̭ | tāva̭tī tri॒vṛto॒ mātrā᳚ | a॒gnere॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti || atha॒ yatpa̭ñcada॒śena̭ stu॒vate᳚ | pa॒ñca॒da॒śenai॒va ta-dyaja̭māna॒-māda̭date || 50 ||

ta-mpa̭ñcada॒śenai॒va ha̭ranti | yāva̭tī pañcada॒śasya॒ mātrā᳚ | ca॒ndramā॒ vai pa̭ñcada॒śaḥ | e॒ṣa hi pa̭ñcada॒śyāma̭pakṣī॒yate᳚ | pa॒ñca॒daśyā-mā̭pū॒ryate᳚ | ca॒ndrama̭sa e॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti | atha॒ yathsa̭ptada॒śena̭ stu॒vate᳚ | sa॒pta॒da॒śenai॒va ta-dyaja̭māna॒māda̭date | tagṃ sa̭ptada॒śenai॒va ha̭ranti || 51 ||

yāva̭tī saptada॒śasya॒ mātrā᳚ | pra॒jāpa̭ti॒rvai sa̭ptada॒śaḥ | pra॒jāpa̭tere॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti | atha॒ yadḙkavi॒gṃ॒śena̭ stu॒vate᳚ | e॒ka॒vi॒gṃ॒śenai॒va ta-dyaja̭māna॒-māda̭date | tamḙkavi॒gṃ॒śenai॒va ha̭ranti | yāva̭tyekavi॒gṃ॒śasya॒ mātrā᳚ | a॒sau vā ā̭di॒tya ḙkavi॒gṃ॒śaḥ | ā॒di॒tyasyai॒vaina॒-ntat || 52 ||

mātrā॒gṃ॒ sāyṷjyagṃ salo॒katā᳚-ṅgamayanti || te ku॒śyau᳚ | vya̭ghnann | te a̭horā॒tre a̭bhavatām | aha̭re॒va su॒varṇā̭ 'bhavat | ra॒ja॒tā rātriḥ̭ | sa yadā̭di॒tya u॒deti̭ | e॒tāme॒va tathsu॒varṇā᳚-ṅku॒śīmanu॒ samḙti | atha॒ yada̭sta॒meti̭ | e॒tāme॒va ta-dra̭ja॒tā-ṅku॒śīmanu॒ saṃvi~̭śati || pra॒hrādo̭ ha॒ vai kā̭yādha॒vaḥ | vi॒roca̭na॒gg॒ sva-mpu॒tramudā᳚syat | sa pra̭da॒ro̭-'bhavat | tasmā᳚-tprada॒rādṷda॒ka-nnācā̭met || 53 ||

(ā॒di॒tyaḥ - pa̭ñcada॒śasya॒ mātrā᳚ - stu॒vatḙ - pañcada॒śenai॒va ta-dyaja̭māna॒māda̭date - saptada॒śenai॒va ha̭ran - tyādi॒tyasyai॒vaina॒nta-d॒ vi̭śati ca॒tvāri̭ ca) (a. 10)

anuvākaṃ 11 - savanīyapaśupuroḍāśāḥ (ādhvarabrāhmaṇam)

ye vai ca॒tvāra॒-sstomāḥ᳚ | kṛ॒ta-ntat | atha॒ ye pañca̭ | kali॒-ssaḥ | tasmā॒ccatṷṣṭomaḥ | taccatṷṣṭomasya catuṣṭoma॒tvam || tadā̭huḥ | ka॒ta॒māni॒ tāni॒ jyotīgṃ̭ṣi | ya e॒tasya॒ stomā॒ iti̭ | tri॒vṛt-pa̭ñcada॒śa-ssa̭ptada॒śa ḙkavi॒gṃ॒śaḥ || 54 ||

e॒tāni॒ vāva tāni॒ jyotīgṃ̭ṣi | ya e॒tasya॒ stomāḥ᳚ || so᳚-'bravīt | sa॒pta॒da॒śena̭ hri॒yamā̭ṇo॒ vya̭leśiṣi | bhi॒ṣajya̭ta॒ meti̭ | tama॒śvinaṷ dhā॒nābhi̭-rabhiṣajyatām | pū॒ṣā ka̭ra॒mbheṇa̭ | bhāra̭tī parivā॒peṇa̭ | mi॒trāvarṷṇau paya॒sya̭yā || tadā̭huḥ || 55 ||

yada॒śvibhyā᳚-ndhā॒nāḥ | pū॒ṣṇaḥ ka̭ra॒mbhaḥ | bhāra̭tyai parivā॒paḥ | mi॒trāvarṷṇayoḥ paya॒syā-'tha̭ | kasmā̭de॒teṣāgṃ̭ ha॒viṣā॒mindra̭me॒va ya̭ja॒ntīti̭ | e॒tā hyḙna-nde॒vatā॒ iti̭ brūyāt | e॒tair-ha॒virbhi॒-rabhi̭ṣajya॒gg॒-stasmā॒diti̭ || taṃ-va~sa̭vo॒-'ṣṭāka̭pālena prātassava॒nḙ-'bhiṣajyann | ru॒drā ekā̭daśakapālena॒ māddhya̭ndine॒ sava̭ne | viśvḙ de॒vā dvāda̭śakapālena tṛtīyasava॒ne || 56 ||

sa yada॒ṣṭāka̭pālā-nprātassava॒ne ku॒ryāt | ekā̭daśakapālā॒-nmāddhya̭ndine॒ sava̭ne | dvāda̭śakapālāg stṛtīya sava॒ne | vilo̭ma॒ ta-dya॒jñasya̭ kriyeta | ekā̭daśakapālāne॒va prā̭tassava॒ne kṷryāt | ekā̭daśakapālā॒-nmāddhya̭ndine॒ sava̭ne | ekā̭daśakapālāg stṛtīya sava॒ne | ya॒jñasya̭ saloma॒tvāya̭ || tadā̭huḥ | ya-dvasṷ̄nā-mprātassava॒nam | ru॒drāṇā॒-mmāddhya̭ndina॒gṃ॒ sava̭nam | viśvḙṣā-nde॒vānā᳚-ntṛtīyasava॒nam | atha॒ kasmā̭de॒teṣāgṃ̭ ha॒viṣā॒mindra̭me॒va ya̭ja॒ntīti̭ | e॒tā hyḙna-nde॒vatā॒ iti̭ brūyāt | e॒tair-ha॒virbhi॒rabhi̭ṣajya॒gg॒ stasmā॒diti̭ || 57 ||

(e॒ka॒vi॒gṃ॒śa-ā̭hu-stṛtīyasava॒ne-prā̭tassava॒na-mpañca̭ ca) (a. 11)

anuvākaṃ 12 - saptachandāṃsi prapañcyante (ādhvarabrāhmaṇam)

tasyāvā̭co-'vapā॒dāda̭bibhayuḥ | tame॒teṣṷ sa॒ptasu॒ chandaḥ̭ svaśrayann | yadaśra̭yann | tacchrā̭ya॒ntīya̭sya śrāyantīya॒tvam | yadavā̭rayann | ta-dvā̭rava॒ntīya̭sya vāravantīya॒tvam || tasyāvā̭ca e॒vāva̭pā॒dāda̭bibhayuḥ | tasmā̭ e॒tāni̭ sa॒pta ca̭turutta॒rāṇi॒ chandā॒g॒syupā̭dadhuḥ | teṣā॒mati॒ trīṇya̭ricyanta | na trīṇyuda̭bhavann || 58 ||

sa bṛ̭ha॒tīme॒vā-spṛ̭śat | dvābhyā̭ma॒kṣarā᳚bhyām | a॒ho॒rā॒trābhyā̭me॒va || tadā̭huḥ | ka॒ta॒mā sā de॒vākṣa̭rā bṛha॒tī | yasyā॒-nta-tpra॒tyati̭ṣṭhat | dvāda̭śa paurṇamā॒syaḥ̭ | dvāda॒śāṣṭa̭kāḥ | dvāda̭śāmāvā॒syāḥ᳚ | e॒ṣā vāva sā de॒vākṣa̭rā bṛha॒tī || 59 ||

yasyā॒-nta-tpra॒tyati̭ṣṭha॒diti̭ || yāni̭ ca॒ chandāg̭-sya॒tyari̭cyanta | yāni̭ ca॒ nodabha̭vann | tāni॒ nirvī᳚ryāṇi hī॒nānya̭manyanta | sā 'bra̭vī-dbṛha॒tī | māme॒va bhū॒tvā | māmupa॒ sagg śra̭ya॒teti̭ | ca॒turbhi̭ra॒kṣarai̭-ranu॒ṣṭug-bṛ̭ha॒tī-nnoda̭bhavat | ca॒turbhi̭ra॒kṣaraiḥ᳚ pa॒ṅkti-rbṛ̭ha॒tī-matya̭ricyata | tasyā̭me॒tāni̭ ca॒tvārya॒kṣarā᳚ṇya-pa॒cchidyā̭-dadhāt || 60 ||

te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām || a॒ṣṭā॒bhi-ra॒kṣarai̭ru॒ṣṇig-bṛ̭ha॒tī-nnoda̭bhavat | a॒ṣṭā॒bhira॒kṣarai᳚stri॒ṣṭug-bṛ̭ha॒tī-matya̭ricyata | tasyā̭me॒tā-nya॒ṣṭāva॒kṣarā᳚ṇya-pa॒cchidyā̭dadhāt | te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām | dvā॒da॒śabhi̭-ra॒kṣarai᳚-rgāya॒trī-bṛ̭ha॒tī-nnoda̭bhavat | dvā॒da॒śabhi̭-ra॒kṣarai॒-rjaga̭tī-bṛha॒tī-matya̭ricyata | tasyā̭me॒tāni॒ dvāda̭śā॒kṣarā᳚ṇya-pa॒cchidyā̭dadhāt || 61 ||

te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām || so᳚-'bravīt-pra॒jāpa̭tiḥ | chandāgṃ̭si॒ ratho̭ me bhavata | yu॒ṣmābhi̭-ra॒hame॒ta-maddhvā̭na॒manu॒ sañca̭rā॒ṇīti̭ | tasya̭ gāya॒trī ca॒ jaga̭tī ca pa॒kṣāva̭bhavatām | u॒ṣṇikca̭ tri॒ṣṭupca॒ praṣṭyau᳚ | a॒nu॒ṣṭupca̭ pa॒ṅktiśca॒ dhuryau᳚ | bṛ॒ha॒tyḙvoddhira̭bhavat | sa e॒ta-ñcha̭ndora॒thamā॒sthāya̭ | e॒tamaddhvā̭na॒manu॒ sama̭carat | e॒tagṃ ha॒ vai cha̭ndora॒thamā॒sthāya̭ | e॒tamaddhvā̭na॒manu॒ sañca̭rati | yenai॒ṣa e॒ta-thsa॒caṃra̭ti | ya e॒vaṃ-vi~॒dvān-thsomḙna॒ yaja̭te | ya ṷcainame॒vaṃ-ve~da̭ || 62 ||

(a॒bha॒va॒n - vāva sā de॒vākṣa̭rā bṛha॒ - tya̭dadhā॒-d- dvāda̭śā॒kṣarā᳚ṇyapa॒cchidyā̭dadhā - dā॒sthāya॒ ṣaṭca̭) (a. 12)

(a॒gneḥ kṛtti̭kā॒ - ya-tpuṇyaṃ̭ - de॒vasya̭ savi॒tu--r bra̭hmavā॒dinaḥ॒ ka - tyṛ॒tame॒va - de॒vā vā - āyṷṣaḥ prā॒ṇa - mindro̭ dadhī॒co -dḙvāsu॒rā-ssa pra॒jāpa̭tiḥ॒ - sa sa̭mu॒dro - ye vai ca॒tvāra॒ - stasyāvā̭co॒ dvāda̭śa)

(a॒gneḥ kṛtti̭kā - devagṛ॒hā - ṛ॒tame॒va - vai᳚śvade॒vena॒ - te tada̭nta॒ - ta-mpa̭ñcada॒śena॒ - te bṛ̭ha॒tī e॒va dviṣa̭ṣṭiḥ)

(a॒gneḥ kṛtti̭kā॒ - ya u ̭cainame॒vaṃ-ve~da̭)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake pañcamaḥ prapāṭhaka-ssamāptaḥ |