📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌕𑍇𑌤𑍁 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Ketu Ashtottara Shata Nama Stotram
Tara Ashtottara Sata Namavali Grantha
𑌶𑍃𑌣𑍁 𑌨𑌾𑌮𑌾𑌨𑌿 𑌜𑌪𑍍𑌯𑌾𑌨𑌿 𑌕𑍇𑌤𑍋 𑌰𑌥 𑌮𑌹𑌾𑌮𑌤𑍇 ।
𑌕𑍇𑌤𑍁𑌃 𑌸𑍍𑌥𑍂𑌲𑌶𑌿𑌰𑌾𑌶𑍍𑌚𑍈𑌵 𑌶𑌿𑌰𑍋𑌮𑌾𑌤𑍍𑌰𑍋 𑌧𑍍𑌵𑌜𑌾𑌕𑍃𑌤𑌿𑌃 ॥ 1 ॥
𑌨𑌵𑌗𑍍𑌰𑌹𑌯𑍁𑌤𑌃 𑌸𑌿𑌂𑌹𑌿𑌕𑌾𑌸𑍁𑌰𑍀𑌗𑌰𑍍𑌭𑌸𑌮𑍍𑌭𑌵𑌃 ।
𑌮𑌹𑌾𑌭𑍀𑌤𑌿𑌕𑌰𑌶𑍍𑌚𑌿𑌤𑍍𑌰𑌵𑌰𑍍𑌣𑍋 𑌵𑍈 𑌪𑌿𑌙𑍍𑌗𑌲𑌾𑌕𑍍𑌷𑌕𑌃 ॥ 2 ॥
𑌸 𑌫𑌲𑍋𑌧𑍂𑌮𑍍𑌰𑌸𑌙𑍍𑌕𑌾𑌶𑌃 𑌤𑍀𑌕𑍍𑌷𑍍𑌣𑌦𑌂𑌷𑍍𑌟𑍍𑌰𑍋 𑌮𑌹𑍋𑌰𑌗𑌃 ।
𑌰𑌕𑍍𑌤𑌨𑍇𑌤𑍍𑌰𑌶𑍍𑌚𑌿𑌤𑍍𑌰𑌕𑌾𑌰𑍀 𑌤𑍀𑌵𑍍𑌰𑌕𑍋𑌪𑍋 𑌮𑌹𑌾𑌸𑍁𑌰𑌃 ॥ 3 ॥
𑌕𑍍𑌰𑍂𑌰𑌕𑌣𑍍𑌠𑌃 𑌕𑍍𑌰𑍋𑌧𑌨𑌿𑌧𑌿𑌶𑍍𑌛𑌾𑌯𑌾𑌗𑍍𑌰𑌹𑌵𑌿𑌶𑍇𑌷𑌕𑌃 ।
𑌅𑌨𑍍𑌤𑍍𑌯𑌗𑍍𑌰𑌹𑍋 𑌮𑌹𑌾𑌶𑍀𑌰𑍍𑌷𑍋 𑌸𑍂𑌰𑍍𑌯𑌾𑌰𑌿𑌃 𑌪𑍁𑌷𑍍𑌪𑌵𑌦𑍍𑌗𑍍𑌰𑌹𑍀 ॥ 4 ॥
𑌵𑌰𑌹𑌸𑍍𑌤𑍋 𑌗𑌦𑌾𑌪𑌾𑌣𑌿𑌶𑍍𑌚𑌿𑌤𑍍𑌰𑌵𑌸𑍍𑌤𑍍𑌰𑌧𑌰𑌸𑍍𑌤𑌥𑌾 ।
𑌚𑌿𑌤𑍍𑌰𑌧𑍍𑌵𑌜𑌪𑌤𑌾𑌕𑌶𑍍𑌚 𑌘𑍋𑌰𑌶𑍍𑌚𑌿𑌤𑍍𑌰𑌰𑌥𑌃 𑌶𑌿𑌖𑍀 ॥ 5 ॥
𑌕𑍁𑌲𑍁𑌤𑍍𑌥𑌭𑌕𑍍𑌷𑌕𑌶𑍍𑌚𑍈𑌵 𑌵𑍈𑌡𑍂𑌰𑍍𑌯𑌾𑌭𑌰𑌣𑌸𑍍𑌤𑌥𑌾 ।
𑌉𑌤𑍍𑌪𑌾𑌤𑌜𑌨𑌕𑌃 𑌶𑍁𑌕𑍍𑌰𑌮𑌿𑌤𑍍𑌰𑌂 𑌮𑌨𑍍𑌦𑌸𑌖𑌸𑍍𑌤𑌥𑌾 ॥ 6 ॥
𑌗𑌦𑌾𑌧𑌰𑌃 𑌨𑌾𑌕𑌪𑌤𑌿𑌃 𑌅𑌨𑍍𑌤𑌰𑍍𑌵𑍇𑌦𑍀𑌶𑍍𑌵𑌰𑌸𑍍𑌤𑌥𑌾 ।
𑌜𑍈𑌮𑌿𑌨𑍀𑌗𑍋𑌤𑍍𑌰𑌜𑌶𑍍𑌚𑌿𑌤𑍍𑌰𑌗𑍁𑌪𑍍𑌤𑌾𑌤𑍍𑌮𑌾 𑌦𑌕𑍍𑌷𑌿𑌣𑌾𑌮𑍁𑌖𑌃 ॥ 7 ॥
𑌮𑍁𑌕𑍁𑌨𑍍𑌦𑌵𑌰𑌪𑌾𑌤𑍍𑌰𑌂 𑌚 𑌮𑌹𑌾𑌸𑍁𑌰𑌕𑍁𑌲𑍋𑌦𑍍𑌭𑌵𑌃 ।
𑌘𑌨𑌵𑌰𑍍𑌣𑍋 𑌲𑌮𑍍𑌬𑌦𑍇𑌹𑍋 𑌮𑍃𑌤𑍍𑌯𑍁𑌪𑍁𑌤𑍍𑌰𑌸𑍍𑌤𑌥𑍈𑌵 𑌚 ॥ 8 ॥
𑌉𑌤𑍍𑌪𑌾𑌤𑌰𑍂𑌪𑌧𑌾𑌰𑍀 𑌚𑌾𑌽𑌦𑍃𑌶𑍍𑌯𑌃 𑌕𑌾𑌲𑌾𑌗𑍍𑌨𑌿𑌸𑌨𑍍𑌨𑌿𑌭𑌃 ।
𑌨𑍃𑌪𑍀𑌡𑍋 𑌗𑍍𑌰𑌹𑌕𑌾𑌰𑍀 𑌚 𑌸𑌰𑍍𑌵𑍋𑌪𑌦𑍍𑌰𑌵𑌕𑌾𑌰𑌕𑌃 ॥ 9 ॥
𑌚𑌿𑌤𑍍𑌰𑌪𑍍𑌰𑌸𑍂𑌤𑍋 𑌹𑍍𑌯𑌨𑌲𑌃 𑌸𑌰𑍍𑌵𑌵𑍍𑌯𑌾𑌧𑌿𑌵𑌿𑌨𑌾𑌶𑌕𑌃 ।
𑌅𑌪𑌸𑌵𑍍𑌯𑌪𑍍𑌰𑌚𑌾𑌰𑍀 𑌚 𑌨𑌵𑌮𑍇 𑌪𑌾𑌪𑌦𑌾𑌯𑌕𑌃 ॥ 10 ॥
𑌪𑌞𑍍𑌚𑌮𑍇 𑌶𑍋𑌕𑌦𑌶𑍍𑌚𑍋𑌪𑌰𑌾𑌗𑌖𑍇𑌚𑌰 𑌏𑌵 𑌚 ।
𑌅𑌤𑌿𑌪𑍁𑌰𑍁𑌷𑌕𑌰𑍍𑌮𑌾 𑌚 𑌤𑍁𑌰𑍀𑌯𑍇 (𑌤𑍁) 𑌸𑍁𑌖𑌪𑍍𑌰𑌦𑌃 ॥ 11 ॥
𑌤𑍃𑌤𑍀𑌯𑍇 𑌵𑍈𑌰𑌦𑌃 𑌪𑌾𑌪𑌗𑍍𑌰𑌹𑌶𑍍𑌚 𑌸𑍍𑌫𑍋𑌟𑌕𑌾𑌰𑌕𑌃 ।
𑌪𑍍𑌰𑌾𑌣𑌨𑌾𑌥𑌃 𑌪𑌞𑍍𑌚𑌮𑍇 𑌤𑍁 𑌶𑍍𑌰𑌮𑌕𑌾𑌰𑌕 𑌏𑌵 𑌚 ॥ 12 ॥
𑌦𑍍𑌵𑌿𑌤𑍀𑌯𑍇𑌽𑌸𑍍𑌫𑍁𑌟𑌵𑌾𑌗𑍍𑌦𑌾𑌤𑌾 𑌵𑌿𑌷𑌾𑌕𑍁𑌲𑌿𑌤𑌵𑌕𑍍𑌤𑍍𑌰𑌕𑌃 ।
𑌕𑌾𑌮𑌰𑍂𑌪𑍀 𑌸𑌿𑌂𑌹𑌦𑌨𑍍𑌤𑌃 𑌸𑌤𑍍𑌯𑍇𑌪𑍍𑌯𑌨𑍃𑌤𑌵𑌾𑌨𑌪𑌿 ॥ 13 ॥
𑌚𑌤𑍁𑌰𑍍𑌥𑍇 𑌮𑌾𑌤𑍃𑌨𑌾𑌶𑌶𑍍𑌚 𑌨𑌵𑌮𑍇 𑌪𑌿𑌤𑍃𑌨𑌾𑌶𑌕𑌃 ।
𑌅𑌨𑍍𑌤𑍍𑌯𑍇 𑌵𑍈𑌰𑌪𑍍𑌰𑌦𑌶𑍍𑌚𑍈𑌵 𑌸𑍁𑌤𑌾𑌨𑌨𑍍𑌦𑌨𑌬𑌨𑍍𑌧𑌕𑌃 ॥ 14 ॥
𑌸𑌰𑍍𑌪𑌾𑌕𑍍𑌷𑌿𑌜𑌾𑌤𑍋𑌽𑌨𑌙𑍍𑌗𑌶𑍍𑌚 𑌕𑌰𑍍𑌮𑌰𑌾𑌶𑍍𑌯𑍁𑌦𑍍𑌭𑌵𑌸𑍍𑌤𑌥𑌾 ।
𑌉𑌪𑌾𑌨𑍍𑌤𑍇 𑌕𑍀𑌰𑍍𑌤𑌿𑌦𑌶𑍍𑌚𑍈𑌵 𑌸𑌪𑍍𑌤𑌮𑍇 𑌕𑌲𑌹𑌪𑍍𑌰𑌦𑌃 ॥ 15 ॥
𑌅𑌷𑍍𑌟𑌮𑍇 𑌵𑍍𑌯𑌾𑌧𑌿𑌕𑌰𑍍𑌤𑌾 𑌚 𑌧𑌨𑍇 𑌬𑌹𑍁𑌸𑍁𑌖𑌪𑍍𑌰𑌦𑌃 ।
𑌜𑌨𑌨𑍇 𑌰𑍋𑌗𑌦𑌶𑍍𑌚𑍋𑌰𑍍𑌧𑍍𑌵𑌮𑍂𑌰𑍍𑌧𑌜𑍋 𑌗𑍍𑌰𑌹𑌨𑌾𑌯𑌕𑌃 ॥ 16 ॥
𑌪𑌾𑌪𑌦𑍃𑌷𑍍𑌟𑌿𑌃 𑌖𑍇𑌚𑌰𑌶𑍍𑌚 𑌶𑌾𑌮𑍍𑌭𑌵𑍋𑌽𑌶𑍇𑌷𑌪𑍂𑌜𑌿𑌤𑌃 ।
𑌶𑌾𑌶𑍍𑌵𑌤𑌶𑍍𑌚 𑌨𑌟𑌶𑍍𑌚𑍈𑌵 𑌶𑍁𑌭𑌾𑌽𑌶𑍁𑌭𑌫𑌲𑌪𑍍𑌰𑌦𑌃 ॥ 17 ॥
𑌧𑍂𑌮𑍍𑌰𑌶𑍍𑌚𑍈𑌵 𑌸𑍁𑌧𑌾𑌪𑌾𑌯𑍀 𑌹𑍍𑌯𑌜𑌿𑌤𑍋 𑌭𑌕𑍍𑌤𑌵𑌤𑍍𑌸𑌲𑌃 ।
𑌸𑌿𑌂𑌹𑌾𑌸𑌨𑌃 𑌕𑍇𑌤𑍁𑌮𑍂𑌰𑍍𑌤𑍀 𑌰𑌵𑍀𑌨𑍍𑌦𑍁𑌦𑍍𑌯𑍁𑌤𑌿𑌨𑌾𑌶𑌕𑌃 ॥ 18 ॥
𑌅𑌮𑌰𑌃 𑌪𑍀𑌡𑌕𑍋𑌽𑌮𑌰𑍍𑌤𑍍𑌯𑍋 𑌵𑌿𑌷𑍍𑌣𑍁𑌦𑍃𑌷𑍍𑌟𑍋𑌽𑌸𑍁𑌰𑍇𑌶𑍍𑌵𑌰𑌃 ।
𑌭𑌕𑍍𑌤𑌰𑌕𑍍𑌷𑍋𑌽𑌥 𑌵𑍈𑌚𑌿𑌤𑍍𑌰𑍍𑌯𑌕𑌪𑌟𑌸𑍍𑌯𑌨𑍍𑌦𑌨𑌸𑍍𑌤𑌥𑌾 ॥ 19 ॥
𑌵𑌿𑌚𑌿𑌤𑍍𑌰𑌫𑌲𑌦𑌾𑌯𑍀 𑌚 𑌭𑌕𑍍𑌤𑌾𑌭𑍀𑌷𑍍𑌟𑌫𑌲𑌪𑍍𑌰𑌦𑌃 ।
𑌏𑌤𑌤𑍍𑌕𑍇𑌤𑍁𑌗𑍍𑌰𑌹𑌸𑍍𑌯𑍋𑌕𑍍𑌤𑌂 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ॥ 20 ॥
𑌯𑍋 𑌭𑌕𑍍𑌤𑍍𑌯𑍇𑌦𑌂 𑌜𑌪𑍇𑌤𑍍𑌕𑍇𑌤𑍁𑌰𑍍𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌸 𑌤𑍁 𑌕𑍇𑌤𑍋𑌃 𑌪𑍍𑌰𑌸𑌾𑌦𑍇𑌨 𑌸𑌰𑍍𑌵𑌾𑌭𑍀𑌷𑍍𑌟𑌂 𑌸𑌮𑌾𑌪𑍍𑌨𑍁𑌯𑌾𑌤𑍍 ॥ 21 ॥
𑌇𑌤𑌿 𑌶𑍍𑌰𑍀 𑌕𑍇𑌤𑍁 𑌅𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
śṛṇu nāmāni japyāni keto ratha mahāmate |
ketuḥ sthūlaśirāścaiva śiromātro dhvajākṛtiḥ || 1 ||
navagrahayutaḥ siṃhikāsurīgarbhasambhavaḥ |
mahābhītikaraścitravarṇo vai piṅgalākṣakaḥ || 2 ||
sa phalodhūmrasaṅkāśaḥ tīkṣṇadaṃṣṭro mahoragaḥ |
raktanetraścitrakārī tīvrakopo mahāsuraḥ || 3 ||
krūrakaṇṭhaḥ krodhanidhiśchāyāgrahaviśeṣakaḥ |
antyagraho mahāśīrṣo sūryāriḥ puṣpavadgrahī || 4 ||
varahasto gadāpāṇiścitravastradharastathā |
citradhvajapatākaśca ghoraścitrarathaḥ śikhī || 5 ||
kulutthabhakṣakaścaiva vaiḍūryābharaṇastathā |
utpātajanakaḥ śukramitraṃ mandasakhastathā || 6 ||
gadādharaḥ nākapatiḥ antarvedīśvarastathā |
jaiminīgotrajaścitraguptātmā dakṣiṇāmukhaḥ || 7 ||
mukundavarapātraṃ ca mahāsurakulodbhavaḥ |
ghanavarṇo lambadeho mṛtyuputrastathaiva ca || 8 ||
utpātarūpadhārī cā'dṛśyaḥ kālāgnisannibhaḥ |
nṛpīḍo grahakārī ca sarvopadravakārakaḥ || 9 ||
citraprasūto hyanalaḥ sarvavyādhivināśakaḥ |
apasavyapracārī ca navame pāpadāyakaḥ || 10 ||
pañcame śokadaścoparāgakhecara eva ca |
atipuruṣakarmā ca turīye (tu) sukhapradaḥ || 11 ||
tṛtīye vairadaḥ pāpagrahaśca sphoṭakārakaḥ |
prāṇanāthaḥ pañcame tu śramakāraka eva ca || 12 ||
dvitīye'sphuṭavāgdātā viṣākulitavaktrakaḥ |
kāmarūpī siṃhadantaḥ satyepyanṛtavānapi || 13 ||
caturthe mātṛnāśaśca navame pitṛnāśakaḥ |
antye vairapradaścaiva sutānandanabandhakaḥ || 14 ||
sarpākṣijāto'naṅgaśca karmarāśyudbhavastathā |
upānte kīrtidaścaiva saptame kalahapradaḥ || 15 ||
aṣṭame vyādhikartā ca dhane bahusukhapradaḥ |
janane rogadaścordhvamūrdhajo grahanāyakaḥ || 16 ||
pāpadṛṣṭiḥ khecaraśca śāmbhavo'śeṣapūjitaḥ |
śāśvataśca naṭaścaiva śubhā'śubhaphalapradaḥ || 17 ||
dhūmraścaiva sudhāpāyī hyajito bhaktavatsalaḥ |
siṃhāsanaḥ ketumūrtī ravīndudyutināśakaḥ || 18 ||
amaraḥ pīḍako'martyo viṣṇudṛṣṭo'sureśvaraḥ |
bhaktarakṣo'tha vaicitryakapaṭasyandanastathā || 19 ||
vicitraphaladāyī ca bhaktābhīṣṭaphalapradaḥ |
etatketugrahasyoktaṃ nāmnāmaṣṭottaraṃ śatam || 20 ||
yo bhaktyedaṃ japetketurnāmnāmaṣṭottaraṃ śatam |
sa tu ketoḥ prasādena sarvābhīṣṭaṃ samāpnuyāt || 21 ||
iti śrī ketu aṣṭottaraśatanāma stotram |
InfoLyter.in — Sacred Vedic Knowledge Portal · Free forever