📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌕𑌠𑍋𑌪𑌨𑌿𑌷𑌦𑍍 - 𑌅𑌧𑍍𑌯𑌾𑌯 1, 𑌵𑌲𑍍𑌲𑍀 2
Kathopanishad - Adhyaya 1, Valli 2
Grantha
𑌅𑌧𑍍𑌯𑌾𑌯 1
𑌵𑌲𑍍𑌲𑍀 2
𑌅𑌨𑍍𑌯𑌚𑍍𑌛𑍍𑌰𑍇𑌯𑍋-𑌽𑌨𑍍𑌯𑌦𑍁𑌤𑍈𑌵 𑌪𑍍𑌰𑍇𑌯𑌸𑍍𑌤𑍇 𑌉𑌭𑍇 𑌨𑌾𑌨𑌾𑌰𑍍𑌥𑍇 𑌪𑍁𑌰𑍁𑌷𑌂 𑌸𑌿𑌨𑍀𑌤𑌃।
𑌤𑌯𑍋-𑌶𑍍𑌶𑍍𑌰𑍇𑌯 𑌆𑌦𑌦𑌾𑌨𑌸𑍍𑌯 𑌸𑌾𑌧𑍁𑌰𑍍𑌭𑌵𑌤𑌿 𑌹𑍀𑌯𑌤𑍇-𑌽𑌰𑍍𑌥𑌾𑌦𑍍𑌯 𑌉 𑌪𑍍𑌰𑍇𑌯𑍋 𑌵𑍃𑌣𑍀𑌤𑍇 ॥1॥
𑌶𑍍𑌰𑍇𑌯𑌶𑍍𑌚 𑌪𑍍𑌰𑍇𑌯𑌶𑍍𑌚 𑌮𑌨𑍁𑌷𑍍𑌯𑌮𑍇𑌤𑌸𑍍𑌤𑍗 𑌸𑌮𑍍𑌪𑌰𑍀𑌤𑍍𑌯 𑌵𑌿𑌵𑌿𑌨𑌕𑍍𑌤𑌿 𑌧𑍀𑌰𑌃।
𑌶𑍍𑌰𑍇𑌯𑍋 𑌹𑌿 𑌧𑍀𑌰𑍋-𑌽𑌭𑌿 𑌪𑍍𑌰𑍇𑌯𑌸𑍋 𑌵𑍃𑌣𑍀𑌤𑍇 𑌪𑍍𑌰𑍇𑌯𑍋 𑌮𑌨𑍍𑌦𑍋 𑌯𑍋𑌗𑌕𑍍𑌶𑍇𑌮𑌾𑌦𑍍‌𑌵𑍃𑌣𑍀𑌤𑍇 ॥2॥
𑌸 𑌤𑍍𑌵-𑌮𑍍𑌪𑍍𑌰𑌿𑌯𑌾𑌨𑍍𑌪𑍍𑌰𑌿𑌯𑌰𑍂𑌪𑌾𑌂𑌶𑍍𑌚 𑌕𑌾𑌮𑌾𑌨𑌭𑌿𑌧𑍍𑌯𑌾𑌯𑌨𑍍𑌨𑌚𑌿𑌕𑍇𑌤𑍋-𑌽𑌤𑍍𑌯𑌸𑍍𑌰𑌾𑌕𑍍𑌷𑍀𑌃।
𑌨𑍈𑌤𑌾𑌂 𑌸𑍃𑌙𑍍𑌕𑌾𑌂-𑌵𑌿𑌁𑌤𑍍𑌤𑌮𑌯𑍀𑌮𑌵𑌾𑌪𑍍𑌤𑍋 𑌯𑌸𑍍𑌯𑌾-𑌮𑍍𑌮𑌜𑍍𑌜𑌨𑍍𑌤𑌿 𑌬𑌹𑌵𑍋 𑌮𑌨𑍁𑌷𑍍𑌯𑌾𑌃 ॥3॥
𑌦𑍂𑌰𑌮𑍇𑌤𑍇 𑌵𑌿𑌪𑌰𑍀𑌤𑍇 𑌵𑌿𑌷𑍂𑌚𑍀 𑌅𑌵𑌿𑌦𑍍𑌯𑌾 𑌯𑌾 𑌚 𑌵𑌿𑌦𑍍𑌯𑍇𑌤𑌿 𑌜𑍍𑌞𑌾𑌤𑌾।
𑌵𑌿𑌦𑍍𑌯𑌾𑌭𑍀𑌪𑍍𑌸𑌿𑌨-𑌨𑍍𑌨𑌚𑌿𑌕𑍇𑌤𑌸-𑌮𑍍𑌮𑌨𑍍𑌯𑍇 𑌨 𑌤𑍍𑌵𑌾 𑌕𑌾𑌮𑌾 𑌬𑌹𑌵𑍋-𑌽𑌲𑍋𑌲𑍁𑌪𑌨𑍍𑌤 ॥4॥
𑌅𑌵𑌿𑌦𑍍𑌯𑌾𑌯𑌾𑌮𑌨𑍍𑌤𑌰𑍇 𑌵𑌰𑍍𑌤𑌮𑌾𑌨𑌾-𑌸𑍍𑌸𑍍𑌵𑌯-𑌨𑍍𑌧𑍀𑌰𑌾𑌃 𑌪𑌣𑍍𑌡𑌿𑌤𑌮𑍍𑌮𑌨𑍍𑌯𑌮𑌾𑌨𑌾𑌃।
𑌦𑌨𑍍𑌦𑍍𑌰𑌮𑍍𑌯𑌮𑌾𑌣𑌾𑌃 𑌪𑌰𑌿𑌯𑌨𑍍𑌤𑌿 𑌮𑍂𑌢𑌾 𑌅𑌨𑍍𑌧𑍇𑌨𑍈𑌵 𑌨𑍀𑌯𑌮𑌾𑌨𑌾 𑌯𑌥𑌾𑌨𑍍𑌧𑌾𑌃 ॥5॥
𑌨 𑌸𑌾𑌮𑍍𑌪𑌰𑌾𑌯𑌃 𑌪𑍍𑌰𑌤𑌿𑌭𑌾𑌤𑌿 𑌬𑌾𑌲-𑌮𑍍𑌪𑍍𑌰𑌮𑌾𑌦𑍍𑌯𑌨𑍍𑌤𑌂-𑌵𑌿𑌁𑌤𑍍𑌤𑌮𑍋𑌹𑍇𑌨 𑌮𑍂𑌢𑌮𑍍‌।
𑌅𑌯𑌂-𑌲𑍋𑌁𑌕𑍋 𑌨𑌾𑌸𑍍𑌤𑌿 𑌪𑌰 𑌇𑌤𑌿 𑌮𑌾𑌨𑍀 𑌪𑍁𑌨𑌃 𑌪𑍁𑌨𑌰𑍍𑌵𑌶𑌮𑌾𑌪𑌦𑍍𑌯𑌤𑍇 𑌮𑍇 ॥6॥
𑌶𑍍𑌰𑌵𑌣𑌾𑌯𑌾𑌪𑌿 𑌬𑌹𑍁𑌭𑌿𑌰𑍍𑌯𑍋 𑌨 𑌲𑌭𑍍𑌯-𑌶𑍍𑌶𑍃𑌣𑍍𑌵𑌨𑍍𑌤𑍋-𑌽𑌪𑌿 𑌬𑌹𑌵𑍋 𑌯-𑌨𑍍𑌨 𑌵𑌿𑌦𑍍𑌯𑍁𑌃।
𑌆𑌶𑍍𑌚𑌰𑍍𑌯𑍋 𑌵𑌕𑍍𑌤𑌾 𑌕𑍁𑌶𑌲𑍋-𑌽𑌸𑍍𑌯 𑌲𑌬𑍍𑌧𑌾𑌶𑍍𑌚𑌰𑍍𑌯𑍋 𑌜𑍍𑌞𑌾𑌤𑌾 𑌕𑍁𑌶𑌲𑌾𑌨𑍁𑌶𑌿𑌷𑍍𑌟𑌃 ॥7॥
𑌨 𑌨𑌰𑍇𑌣𑌾𑌵𑌰𑍇𑌣 𑌪𑍍𑌰𑍋𑌕𑍍𑌤 𑌏𑌷 𑌸𑍁𑌵𑌿𑌜𑍍𑌞𑍇𑌯𑍋 𑌬𑌹𑍁𑌧𑌾 𑌚𑌿𑌨𑍍𑌤𑍍𑌯𑌮𑌾𑌨𑌃।
𑌅𑌨𑌨𑍍𑌯𑌪𑍍𑌰𑍋𑌕𑍍𑌤𑍇 𑌗𑌤𑌿𑌰𑌤𑍍𑌰 𑌨𑌾𑌸𑍍𑌤𑍍𑌯𑌣𑍀𑌯𑌾𑌨𑍍 𑌹𑍍𑌯𑌤𑌰𑍍𑌕𑍍𑌯𑌮𑌣𑍁𑌪𑍍𑌰𑌮𑌾𑌣𑌾𑌤𑍍‌ ॥8॥
𑌨𑍈𑌷𑌾 𑌤𑌰𑍍𑌕𑍇𑌣 𑌮𑌤𑌿𑌰𑌾𑌪𑌨𑍇𑌯𑌾 𑌪𑍍𑌰𑍋𑌕𑍍𑌤𑌾𑌨𑍍𑌯𑍇𑌨𑍈𑌵 𑌸𑍁𑌜𑍍𑌞𑌾𑌨𑌾𑌯 𑌪𑍍𑌰𑍇𑌷𑍍𑌠।
𑌯𑌾-𑌨𑍍𑌤𑍍𑌵𑌮𑌾𑌪-𑌸𑍍𑌸𑌤𑍍𑌯𑌧𑍃𑌤𑌿𑌰𑍍𑌬𑌤𑌾𑌸𑌿 𑌤𑍍𑌵𑌾𑌦𑍃𑌙 𑌨𑍋 𑌭𑍂𑌯𑌾𑌨𑍍𑌨𑌚𑌿𑌕𑍇𑌤𑌃 𑌪𑍍𑌰𑌷𑍍𑌟𑌾 ॥9॥
𑌜𑌾𑌨𑌾𑌮𑍍𑌯𑌹𑌂 𑌶𑍇𑌵𑌧𑌿𑌰𑌿𑌤𑍍𑌯𑌨𑌿𑌤𑍍𑌯-𑌨𑍍𑌨 𑌹𑍍𑌯𑌧𑍍𑌰𑍁𑌵𑍈𑌃 𑌪𑍍𑌰𑌾𑌪𑍍𑌯𑌤𑍇 𑌹𑌿 𑌧𑍍𑌰𑍁𑌵-𑌨𑍍𑌤𑌤𑍍‌।
𑌤𑌤𑍋 𑌮𑌯𑌾 𑌨𑌾𑌚𑌿𑌕𑍇𑌤𑌶𑍍𑌚𑌿𑌤𑍋-𑌽𑌗𑍍𑌨𑌿𑌰𑌨𑌿𑌤𑍍𑌯𑍈𑌰𑍍𑌦𑍍𑌰𑌵𑍍𑌯𑍈𑌃 𑌪𑍍𑌰𑌾𑌪𑍍𑌤𑌵𑌾𑌨𑌸𑍍𑌮𑌿 𑌨𑌿𑌤𑍍𑌯𑌮𑍍‌ ॥10॥
𑌕𑌾𑌮𑌸𑍍𑌯𑌾𑌪𑍍𑌤𑌿-𑌞𑍍𑌜𑌗𑌤𑌃 𑌪𑍍𑌰𑌤𑌿𑌷𑍍𑌠𑌾-𑌙𑍍𑌕𑍍𑌰𑌤𑍋𑌰𑌾𑌨𑌨𑍍𑌤𑍍𑌯𑌮𑌭𑌯𑌸𑍍𑌯 𑌪𑌾𑌰𑌮𑍍‌।
𑌸𑍍𑌤𑍋𑌮𑌂 𑌅𑌹𑌦𑍁𑌰𑍁𑌗𑌾𑌯-𑌮𑍍𑌪𑍍𑌰𑌤𑌿𑌷𑍍𑌠𑌾-𑌨𑍍𑌦𑍃𑌷𑍍𑌟𑍍𑌵𑌾 𑌧𑍃𑌤𑍍𑌯𑌾 𑌧𑍀𑌰𑍋 𑌨𑌚𑌿𑌕𑍇𑌤𑍋-𑌽𑌤𑍍𑌯𑌸𑍍𑌰𑌾𑌕𑍍𑌷𑍀𑌃 ॥11॥
𑌤-𑌨𑍍𑌦𑍁𑌰𑍍𑌦𑌰𑍍​𑌶-𑌙𑍍𑌗𑍂𑌢𑌮𑌨𑍁𑌪𑍍𑌰𑌵𑌿𑌷𑍍𑌟-𑌙𑍍𑌗𑍁𑌹𑌾𑌹𑌿𑌤-𑌙𑍍𑌗𑌹𑍍𑌵𑌰𑍇𑌷𑍍𑌠-𑌮𑍍𑌪𑍁𑌰𑌾𑌣𑌮𑍍‌।
𑌅𑌧𑍍𑌯𑌾𑌤𑍍𑌮𑌯𑍋𑌗𑌾𑌧𑌿𑌗𑌮𑍇𑌨 𑌦𑍇𑌵-𑌮𑍍𑌮𑌤𑍍𑌵𑌾 𑌧𑍀𑌰𑍋 𑌹𑌰𑍍​𑌷𑌶𑍋𑌕𑍗 𑌜𑌹𑌾𑌤𑌿 ॥12॥
𑌏𑌤𑌚𑍍𑌛𑍍𑌰𑍁𑌤𑍍𑌵𑌾 𑌸𑌮𑍍𑌪𑌰𑌿𑌗𑍃𑌹𑍍𑌯 𑌮𑌰𑍍𑌤𑍍𑌯𑌃 𑌪𑍍𑌰𑌵𑍃𑌹𑍍𑌯 𑌧𑌰𑍍𑌮𑍍𑌯𑌮𑌣𑍁𑌮𑍇𑌤𑌮𑌾𑌪𑍍𑌯।
𑌸 𑌮𑍋𑌦𑌤𑍇 𑌮𑍋𑌦𑌨𑍀𑌯𑌂 𑌹𑌿 𑌲𑌬𑍍𑌧𑍍𑌵𑌾 𑌵𑌿𑌵𑍃𑌤𑌂 𑌸𑌦𑍍𑌮 𑌨𑌚𑌿𑌕𑍇𑌤𑌸-𑌮𑍍𑌮𑌨𑍍𑌯𑍇 ॥13॥
𑌅𑌨𑍍𑌯𑌤𑍍𑌰 𑌧𑌰𑍍𑌮𑌾𑌦𑌨𑍍𑌯𑌤𑍍𑌰𑌾𑌧𑌰𑍍𑌮𑌾𑌦𑌨𑍍𑌯𑌤𑍍𑌰𑌾𑌸𑍍𑌮𑌾𑌤𑍍𑌕𑍃𑌤𑌾𑌕𑍃𑌤𑌾𑌤𑍍‌।
𑌅𑌨𑍍𑌯𑌤𑍍𑌰 𑌭𑍂𑌤𑌾𑌚𑍍𑌚 𑌭𑌵𑍍𑌯𑌾𑌚𑍍𑌚 𑌯𑌤𑍍𑌤𑌤𑍍𑌪𑌶𑍍𑌯𑌸𑌿 𑌤𑌦𑍍𑌵𑌦 ॥14॥
𑌸𑌰𑍍𑌵𑍇 𑌵𑍇𑌦𑌾 𑌯𑌤𑍍𑌪𑌦𑌮𑌾𑌮𑌨𑌨𑍍𑌤𑌿 𑌤𑌪𑌾𑌂𑌸𑌿 𑌸𑌰𑍍𑌵𑌾𑌣𑌿 𑌚 𑌯𑌦𑍍𑌵𑌦𑌨𑍍𑌤𑌿।
𑌯𑌦𑌿𑌚𑍍𑌛𑌨𑍍𑌤𑍋 𑌬𑍍𑌰𑌹𑍍𑌮𑌚𑌰𑍍𑌯-𑌞𑍍𑌚𑌰𑌨𑍍𑌤𑌿 𑌤𑌤𑍍𑌤𑍇 𑌪𑌦𑌂 𑌸𑌙𑍍𑌗𑍍𑌰𑌹𑍇𑌣 𑌬𑍍𑌰𑌵𑍀𑌮𑍍𑌯𑍋𑌮𑌿𑌤𑍍𑌯𑍇𑌤𑌤𑍍‌ ॥15॥
𑌏𑌤𑌦𑍍‌𑌧𑍍𑌯𑍇𑌵𑌾𑌕𑍍𑌷𑌰-𑌮𑍍𑌬𑍍𑌰𑌹𑍍𑌮 𑌏𑌤𑌦𑍍‌𑌧𑍍𑌯𑍇𑌵𑌾𑌕𑍍𑌷𑌰-𑌮𑍍𑌪𑌰𑌮𑍍‌।
𑌏𑌤𑌦𑍍‌𑌧𑍍𑌯𑍇𑌵𑌾𑌕𑍍𑌷𑌰-𑌞𑍍𑌜𑍍𑌞𑌾𑌤𑍍𑌵𑌾 𑌯𑍋 𑌯𑌦𑌿𑌚𑍍𑌛𑌤𑌿 𑌤𑌸𑍍𑌯 𑌤𑌤𑍍‌ ॥16॥
𑌏𑌤𑌦𑌾𑌲𑌮𑍍𑌬𑌨𑌂 𑌶𑍍𑌰𑍇𑌷𑍍𑌠𑌮𑍇𑌤𑌦𑌾𑌲𑌮𑍍𑌬𑌨-𑌮𑍍𑌪𑌰𑌮𑍍‌।
𑌏𑌤𑌦𑌾𑌲𑌮𑍍𑌬𑌨-𑌞𑍍𑌜𑍍𑌞𑌾𑌤𑍍𑌵𑌾 𑌬𑍍𑌰𑌹𑍍𑌮𑌲𑍋𑌕𑍇 𑌮𑌹𑍀𑌯𑌤𑍇 ॥17॥
𑌨 𑌜𑌾𑌯𑌤𑍇 𑌮𑍍𑌰𑌿𑌯𑌤𑍇 𑌵𑌾 𑌵𑌿𑌪𑌶𑍍𑌚𑌿𑌨𑍍𑌨𑌾𑌯-𑌙𑍍𑌕𑍁𑌤𑌶𑍍𑌚𑌿𑌨𑍍𑌨 𑌬𑌭𑍂𑌵 𑌕𑌶𑍍𑌚𑌿𑌤𑍍‌।
𑌅𑌜𑍋 𑌨𑌿𑌤𑍍𑌯-𑌶𑍍𑌶𑌾𑌶𑍍𑌵𑌤𑍋-𑌽𑌯-𑌮𑍍𑌪𑍁𑌰𑌾𑌣𑍋 𑌨 𑌹𑌨𑍍𑌯𑌤𑍇 𑌹𑌨𑍍𑌯𑌮𑌾𑌨𑍇 𑌶𑌰𑍀𑌰𑍇 ॥18॥
𑌹𑌨𑍍𑌤𑌾 𑌚𑍇𑌨𑍍𑌮𑌨𑍍𑌯𑌤𑍇 𑌹𑌨𑍍𑌤𑍁𑌂 𑌹𑌤𑌶𑍍𑌚𑍇𑌨𑍍𑌮𑌨𑍍𑌯𑌤𑍇 𑌹𑌤𑌮𑍍‌।
𑌉𑌭𑍗 𑌤𑍗 𑌨 𑌵𑌿𑌜𑌾𑌨𑍀𑌤𑍋 𑌨𑌾𑌯𑌂 𑌹𑌨𑍍𑌤𑌿 𑌨 𑌹𑌨𑍍𑌯𑌤𑍇 ॥19॥
𑌅𑌣𑍋𑌰𑌣𑍀𑌯𑌾𑌨𑍍𑌮𑌹𑌤𑍋 𑌮𑌹𑍀𑌯𑌾𑌨𑌾𑌤𑍍𑌮𑌾𑌸𑍍𑌯 𑌜𑌨𑍍𑌤𑍋𑌰𑍍𑌨𑌿𑌹𑌿𑌤𑍋 𑌗𑍁𑌹𑌾𑌯𑌾𑌮𑍍‌।
𑌤𑌮𑌕𑍍𑌰𑌤𑍁𑌃 𑌪𑌶𑍍𑌯𑌤𑌿 𑌵𑍀𑌤𑌶𑍋𑌕𑍋 𑌧𑌾𑌤𑍁𑌪𑍍𑌰𑌸𑌾𑌦𑌾𑌨𑍍𑌮𑌹𑌿𑌮𑌾𑌨𑌮𑌾𑌤𑍍𑌮𑌨𑌃 ॥20॥
𑌆𑌸𑍀𑌨𑍋 𑌦𑍂𑌰𑌂-𑌵𑍍𑌰𑌁𑌜𑌤𑌿 𑌶𑌯𑌾𑌨𑍋 𑌯𑌾𑌤𑌿 𑌸𑌰𑍍𑌵𑌤𑌃।
𑌕𑌸𑍍𑌤-𑌮𑍍𑌮𑌦𑌾𑌮𑌦-𑌨𑍍𑌦𑍇𑌵-𑌮𑍍𑌮𑌦𑌨𑍍𑌯𑍋 𑌜𑍍𑌞𑌾𑌤𑍁𑌮𑌰𑍍​𑌹𑌤𑌿 ॥21॥
𑌅𑌶𑌰𑍀𑌰𑌂 𑌶𑌰𑍀𑌰𑍇𑌷𑍍𑌵𑌨𑌵𑌸𑍍𑌥𑍇𑌷𑍍𑌵𑌵𑌸𑍍𑌥𑌿𑌤𑌮𑍍‌।
𑌮𑌹𑌾𑌨𑍍𑌤𑌂-𑌵𑌿𑌁𑌭𑍁𑌮𑌾𑌤𑍍𑌮𑌾𑌨-𑌮𑍍𑌮𑌤𑍍𑌵𑌾 𑌧𑍀𑌰𑍋 𑌨 𑌶𑍋𑌚𑌤𑌿 ॥22॥
𑌨𑌾𑌯𑌮𑌾𑌤𑍍𑌮𑌾 𑌪𑍍𑌰𑌵𑌚𑌨𑍇𑌨 𑌲𑌭𑍍𑌯𑍋 𑌨 𑌮𑍇𑌧𑌯𑌾 𑌨 𑌬𑌹𑍁𑌨𑌾 𑌶𑍍𑌰𑍁𑌤𑍇𑌨।
𑌯𑌮𑍇𑌵𑍈𑌷 𑌵𑍃𑌣𑍁𑌤𑍇 𑌤𑍇𑌨 𑌲𑌭𑍍𑌯𑌸𑍍𑌤𑌸𑍍𑌯𑍈𑌷 𑌆𑌤𑍍𑌮𑌾 𑌵𑌿𑌵𑍃𑌣𑍁𑌤𑍇 𑌤𑌨𑍂𑌂 𑌸𑍍𑌵𑌾𑌮𑍍‌ ॥23॥
𑌨𑌾𑌵𑌿𑌰𑌤𑍋 𑌦𑍁𑌶𑍍𑌚𑌰𑌿𑌤𑌾𑌨𑍍𑌨𑌾𑌶𑌾𑌨𑍍𑌤𑍋 𑌨𑌾𑌸𑌮𑌾𑌹𑌿𑌤𑌃।
𑌨𑌾𑌶𑌾𑌨𑍍𑌤𑌮𑌾𑌨𑌸𑍋 𑌵𑌾𑌪𑌿 𑌪𑍍𑌰𑌜𑍍𑌞𑌾𑌨𑍇𑌨𑍈𑌨𑌮𑌾𑌪𑍍𑌨𑍁𑌯𑌾𑌤𑍍‌ ॥24॥
𑌯𑌸𑍍𑌯 𑌬𑍍𑌰𑌹𑍍𑌮 𑌚 𑌕𑍍𑌷𑌤𑍍𑌰-𑌞𑍍𑌚 𑌉𑌭𑍇 𑌭𑌵𑌤 𑌓𑌦𑌨𑌃।
𑌮𑍃𑌤𑍍𑌯𑍁𑌰𑍍𑌯𑌸𑍍𑌯𑍋𑌪𑌸𑍇𑌚𑌨-𑌙𑍍𑌕 𑌇𑌤𑍍𑌥𑌾 𑌵𑍇𑌦 𑌯𑌤𑍍𑌰 𑌸𑌃 ॥25॥
Roman (IAST) Transliteration
adhyāya 1
vallī 2
anyacchreyo-'nyadutaiva preyaste ubhe nānārthe puruṣaṃ sinītaḥ|
tayo-śśreya ādadānasya sādhurbhavati hīyate-'rthādya u preyo vṛṇīte ||1||
śreyaśca preyaśca manuṣyametastau samparītya vivinakti dhīraḥ|
śreyo hi dhīro-'bhi preyaso vṛṇīte preyo mando yogakśemād‌vṛṇīte ||2||
sa tva-mpriyānpriyarūpāṃśca kāmānabhidhyāyannaciketo-'tyasrākṣīḥ|
naitāṃ sṛṅkāṃ-vi~ttamayīmavāpto yasyā-mmajjanti bahavo manuṣyāḥ ||3||
dūramete viparīte viṣūcī avidyā yā ca vidyeti jñātā|
vidyābhīpsina-nnaciketasa-mmanye na tvā kāmā bahavo-'lolupanta ||4||
avidyāyāmantare vartamānā-ssvaya-ndhīrāḥ paṇḍitammanyamānāḥ|
dandramyamāṇāḥ pariyanti mūḍhā andhenaiva nīyamānā yathāndhāḥ ||5||
na sāmparāyaḥ pratibhāti bāla-mpramādyantaṃ-vi~ttamohena mūḍham‌|
ayaṃ-lo~ko nāsti para iti mānī punaḥ punarvaśamāpadyate me ||6||
śravaṇāyāpi bahubhiryo na labhya-śśṛṇvanto-'pi bahavo ya-nna vidyuḥ|
āścaryo vaktā kuśalo-'sya labdhāścaryo jñātā kuśalānuśiṣṭaḥ ||7||
na nareṇāvareṇa prokta eṣa suvijñeyo bahudhā cintyamānaḥ|
ananyaprokte gatiratra nāstyaṇīyān hyatarkyamaṇupramāṇāt‌ ||8||
naiṣā tarkeṇa matirāpaneyā proktānyenaiva sujñānāya preṣṭha|
yā-ntvamāpa-ssatyadhṛtirbatāsi tvādṛṅa no bhūyānnaciketaḥ praṣṭā ||9||
jānāmyahaṃ śevadhirityanitya-nna hyadhruvaiḥ prāpyate hi dhruva-ntat‌|
tato mayā nāciketaścito-'gniranityairdravyaiḥ prāptavānasmi nityam‌ ||10||
kāmasyāpti-ñjagataḥ pratiṣṭhā-ṅkratorānantyamabhayasya pāram‌|
stomaṃ ahadurugāya-mpratiṣṭhā-ndṛṣṭvā dhṛtyā dhīro naciketo-'tyasrākṣīḥ ||11||
ta-ndurdar​śa-ṅgūḍhamanupraviṣṭa-ṅguhāhita-ṅgahvareṣṭha-mpurāṇam‌|
adhyātmayogādhigamena deva-mmatvā dhīro har​ṣaśokau jahāti ||12||
etacchrutvā samparigṛhya martyaḥ pravṛhya dharmyamaṇumetamāpya|
sa modate modanīyaṃ hi labdhvā vivṛtaṃ sadma naciketasa-mmanye ||13||
anyatra dharmādanyatrādharmādanyatrāsmātkṛtākṛtāt‌|
anyatra bhūtācca bhavyācca yattatpaśyasi tadvada ||14||
sarve vedā yatpadamāmananti tapāṃsi sarvāṇi ca yadvadanti|
yadicchanto brahmacarya-ñcaranti tatte padaṃ saṅgraheṇa bravīmyomityetat‌ ||15||
etad‌dhyevākṣara-mbrahma etad‌dhyevākṣara-mparam‌|
etad‌dhyevākṣara-ñjñātvā yo yadicchati tasya tat‌ ||16||
etadālambanaṃ śreṣṭhametadālambana-mparam‌|
etadālambana-ñjñātvā brahmaloke mahīyate ||17||
na jāyate mriyate vā vipaścinnāya-ṅkutaścinna babhūva kaścit‌|
ajo nitya-śśāśvato-'ya-mpurāṇo na hanyate hanyamāne śarīre ||18||
hantā cenmanyate hantuṃ hataścenmanyate hatam‌|
ubhau tau na vijānīto nāyaṃ hanti na hanyate ||19||
aṇoraṇīyānmahato mahīyānātmāsya jantornihito guhāyām‌|
tamakratuḥ paśyati vītaśoko dhātuprasādānmahimānamātmanaḥ ||20||
āsīno dūraṃ-vra~jati śayāno yāti sarvataḥ|
kasta-mmadāmada-ndeva-mmadanyo jñātumar​hati ||21||
aśarīraṃ śarīreṣvanavastheṣvavasthitam‌|
mahāntaṃ-vi~bhumātmāna-mmatvā dhīro na śocati ||22||
nāyamātmā pravacanena labhyo na medhayā na bahunā śrutena|
yamevaiṣa vṛṇute tena labhyastasyaiṣa ātmā vivṛṇute tanūṃ svām‌ ||23||
nāvirato duścaritānnāśānto nāsamāhitaḥ|
nāśāntamānaso vāpi prajñānenainamāpnuyāt‌ ||24||
yasya brahma ca kṣatra-ñca ubhe bhavata odanaḥ|
mṛtyuryasyopasecana-ṅka itthā veda yatra saḥ ||25||
InfoLyter.in — Sacred Vedic Knowledge Portal · Free forever