📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌦𑍍𑌵𑌾𑌦𑌶 𑌜𑍍𑌯𑍋𑌤𑌿𑌰𑍍𑌲𑌿𑌙𑍍𑌗 𑌸𑍍𑌤𑍋𑌤𑍍𑌰𑌮𑍍
Dvadasha Jyotirlinga Stotram
Shiva Stotram Grantha
𑌸𑍗𑌰𑌾𑌷𑍍𑌟𑍍𑌰𑌦𑍇𑌶𑍇 𑌵𑌿𑌶𑌦𑍇𑌽𑌤𑌿𑌰𑌮𑍍𑌯𑍇 𑌜𑍍𑌯𑍋𑌤𑌿𑌰𑍍𑌮𑌯𑌂 𑌚𑌨𑍍𑌦𑍍𑌰𑌕𑌲𑌾𑌵𑌤𑌂𑌸𑌮𑍍 ।
𑌭𑌕𑍍𑌤𑌿𑌪𑍍𑌰𑌦𑌾𑌨𑌾𑌯 𑌕𑍃𑌪𑌾𑌵𑌤𑍀𑌰𑍍𑌣𑌂 𑌤𑌂 𑌸𑍋𑌮𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 1॥
𑌶𑍍𑌰𑍀𑌶𑍈𑌲𑌶‍𑌋𑌙𑍍𑌗𑍇 𑌵𑌿𑌬𑍁𑌧𑌾𑌤𑌿𑌸𑌙𑍍𑌗𑍇 𑌤𑍁𑌲𑌾𑌦𑍍𑌰𑌿𑌤𑍁𑌙𑍍𑌗𑍇𑌽𑌪𑌿 𑌮𑍁𑌦𑌾 𑌵𑌸𑌨𑍍𑌤𑌮𑍍 ।
𑌤𑌮𑌰𑍍𑌜𑍁𑌨𑌂 𑌮𑌲𑍍𑌲𑌿𑌕𑌪𑍂𑌰𑍍𑌵𑌮𑍇𑌕𑌂 𑌨𑌮𑌾𑌮𑌿 𑌸𑌂𑌸𑌾𑌰𑌸𑌮𑍁𑌦𑍍𑌰𑌸𑍇𑌤𑍁𑌮𑍍 ॥ 2॥
𑌅𑌵𑌨𑍍𑌤𑌿𑌕𑌾𑌯𑌾𑌂 𑌵𑌿𑌹𑌿𑌤𑌾𑌵𑌤𑌾𑌰𑌂 𑌮𑍁𑌕𑍍𑌤𑌿𑌪𑍍𑌰𑌦𑌾𑌨𑌾𑌯 𑌚 𑌸𑌜𑍍𑌜𑌨𑌾𑌨𑌾𑌮𑍍 ।
𑌅𑌕𑌾𑌲𑌮𑍃𑌤𑍍𑌯𑍋𑌃 𑌪𑌰𑌿𑌰𑌕𑍍𑌷𑌣𑌾𑌰𑍍𑌥𑌂 𑌵𑌨𑍍𑌦𑍇 𑌮𑌹𑌾𑌕𑌾𑌲𑌮𑌹𑌾𑌸𑍁𑌰𑍇𑌶𑌮𑍍 ॥ 3॥
𑌕𑌾𑌵𑍇𑌰𑌿𑌕𑌾𑌨𑌰𑍍𑌮𑌦𑌯𑍋𑌃 𑌪𑌵𑌿𑌤𑍍𑌰𑍇 𑌸𑌮𑌾𑌗𑌮𑍇 𑌸𑌜𑍍𑌜𑌨𑌤𑌾𑌰𑌣𑌾𑌯 ।
𑌸𑌦𑍈𑌵𑌮𑌾𑌨𑍍𑌧𑌾𑌤𑍃𑌪𑍁𑌰𑍇 𑌵𑌸𑌨𑍍𑌤𑌮𑍋𑌙𑍍𑌕𑌾𑌰𑌮𑍀𑌶𑌂 𑌶𑌿𑌵𑌮𑍇𑌕𑌮𑍀𑌡𑍇 ॥ 4॥
𑌪𑍂𑌰𑍍𑌵𑍋𑌤𑍍𑌤𑌰𑍇 𑌪𑍍𑌰𑌜𑍍𑌵𑌲𑌿𑌕𑌾𑌨𑌿𑌧𑌾𑌨𑍇 𑌸𑌦𑌾 𑌵𑌸𑌨𑍍𑌤𑌂 𑌗𑌿𑌰𑌿𑌜𑌾𑌸𑌮𑍇𑌤𑌮𑍍 ।
𑌸𑍁𑌰𑌾𑌸𑍁𑌰𑌾𑌰𑌾𑌧𑌿𑌤𑌪𑌾𑌦𑌪𑌦𑍍𑌮𑌂 𑌶𑍍𑌰𑍀𑌵𑍈𑌦𑍍𑌯𑌨𑌾𑌥𑌂 𑌤𑌮𑌹𑌂 𑌨𑌮𑌾𑌮𑌿 ॥ 5॥
𑌯𑌾𑌮𑍍𑌯𑍇 𑌸𑌦𑌙𑍍𑌗𑍇 𑌨𑌗𑌰𑍇𑌽𑌤𑌿𑌰𑌮𑍍𑌯𑍇 𑌵𑌿𑌭𑍂𑌷𑌿𑌤𑌾𑌙𑍍𑌗𑌂 𑌵𑌿𑌵𑌿𑌧𑍈𑌶𑍍𑌚 𑌭𑍋𑌗𑍈𑌃 ।
𑌸𑌦𑍍𑌭𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌮𑍀𑌶𑌮𑍇𑌕𑌂 𑌶𑍍𑌰𑍀𑌨𑌾𑌗𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 6॥
𑌮𑌹𑌾𑌦𑍍𑌰𑌿𑌪𑌾𑌰𑍍𑌶𑍍𑌵𑍇 𑌚 𑌤𑌟𑍇 𑌰𑌮𑌨𑍍𑌤𑌂 𑌸𑌮𑍍𑌪𑍂𑌜𑍍𑌯𑌮𑌾𑌨𑌂 𑌸𑌤𑌤𑌂 𑌮𑍁𑌨𑍀𑌨𑍍𑌦𑍍𑌰𑍈𑌃 ।
𑌸𑍁𑌰𑌾𑌸𑍁𑌰𑍈𑌰𑍍𑌯𑌕𑍍𑌷 𑌮𑌹𑍋𑌰𑌗𑌾𑌢𑍍𑌯𑍈𑌃 𑌕𑍇𑌦𑌾𑌰𑌮𑍀𑌶𑌂 𑌶𑌿𑌵𑌮𑍇𑌕𑌮𑍀𑌡𑍇 ॥ 7॥
𑌸𑌹𑍍𑌯𑌾𑌦𑍍𑌰𑌿𑌶𑍀𑌰𑍍𑌷𑍇 𑌵𑌿𑌮𑌲𑍇 𑌵𑌸𑌨𑍍𑌤𑌂 𑌗𑍋𑌦𑌾𑌵𑌰𑌿𑌤𑍀𑌰𑌪𑌵𑌿𑌤𑍍𑌰𑌦𑍇𑌶𑍇 ।
𑌯𑌦𑍍𑌧𑌰𑍍𑌶𑌨𑌾𑌤𑍍𑌪𑌾𑌤𑌕𑌮𑌾𑌶𑍁 𑌨𑌾𑌶𑌂 𑌪𑍍𑌰𑌯𑌾𑌤𑌿 𑌤𑌂 𑌤𑍍𑌰𑍍𑌯𑌮𑍍𑌬𑌕𑌮𑍀𑌶𑌮𑍀𑌡𑍇 ॥ 8॥
𑌸𑍁𑌤𑌾𑌮𑍍𑌰𑌪𑌰𑍍𑌣𑍀𑌜𑌲𑌰𑌾𑌶𑌿𑌯𑍋𑌗𑍇 𑌨𑌿𑌬𑌧𑍍𑌯 𑌸𑍇𑌤𑍁𑌂 𑌵𑌿𑌶𑌿𑌖𑍈𑌰𑌸𑌙𑍍𑌖𑍍𑌯𑍈𑌃 ।
𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑍇𑌣 𑌸𑌮𑌰𑍍𑌪𑌿𑌤𑌂 𑌤𑌂 𑌰𑌾𑌮𑍇𑌶𑍍𑌵𑌰𑌾𑌖𑍍𑌯𑌂 𑌨𑌿𑌯𑌤𑌂 𑌨𑌮𑌾𑌮𑌿 ॥ 9॥
𑌯𑌂 𑌡𑌾𑌕𑌿𑌨𑌿𑌶𑌾𑌕𑌿𑌨𑌿𑌕𑌾𑌸𑌮𑌾𑌜𑍇 𑌨𑌿𑌷𑍇𑌵𑍍𑌯𑌮𑌾𑌣𑌂 𑌪𑌿𑌶𑌿𑌤𑌾𑌶𑌨𑍈𑌶𑍍𑌚 ।
𑌸𑌦𑍈𑌵 𑌭𑍀𑌮𑌾𑌦𑌿𑌪𑌦𑌪𑍍𑌰𑌸𑌿𑌦𑍍𑌦𑌂 𑌤𑌂 𑌶𑌙𑍍𑌕𑌰𑌂 𑌭𑌕𑍍𑌤𑌹𑌿𑌤𑌂 𑌨𑌮𑌾𑌮𑌿 ॥ 10॥
𑌸𑌾𑌨𑌨𑍍𑌦𑌮𑌾𑌨𑌨𑍍𑌦𑌵𑌨𑍇 𑌵𑌸𑌨𑍍𑌤𑌮𑌾𑌨𑌨𑍍𑌦𑌕𑌨𑍍𑌦𑌂 𑌹𑌤𑌪𑌾𑌪𑌵𑍃𑌨𑍍𑌦𑌮𑍍 ।
𑌵𑌾𑌰𑌾𑌣𑌸𑍀𑌨𑌾𑌥𑌮𑌨𑌾𑌥𑌨𑌾𑌥𑌂 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 11॥
𑌇𑌲𑌾𑌪𑍁𑌰𑍇 𑌰𑌮𑍍𑌯𑌵𑌿𑌶𑌾𑌲𑌕𑍇𑌽𑌸𑍍𑌮𑌿𑌨𑍍 𑌸𑌮𑍁𑌲𑍍𑌲𑌸𑌨𑍍𑌤𑌂 𑌚 𑌜𑌗𑌦𑍍𑌵𑌰𑍇𑌣𑍍𑌯𑌮𑍍 ।
𑌵𑌨𑍍𑌦𑍇 𑌮𑌹𑍋𑌦𑌾𑌰𑌤𑌰𑌸𑍍𑌵𑌭𑌾𑌵𑌂 𑌘𑍃𑌷𑍍𑌣𑍇𑌶𑍍𑌵𑌰𑌾𑌖𑍍𑌯𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 12॥
𑌜𑍍𑌯𑍋𑌤𑌿𑌰𑍍𑌮𑌯𑌦𑍍𑌵𑌾𑌦𑌶𑌲𑌿𑌙𑍍𑌗𑌕𑌾𑌨𑌾𑌂 𑌶𑌿𑌵𑌾𑌤𑍍𑌮𑌨𑌾𑌂 𑌪𑍍𑌰𑍋𑌕𑍍𑌤𑌮𑌿𑌦𑌂 𑌕𑍍𑌰𑌮𑍇𑌣 ।
𑌸𑍍𑌤𑍋𑌤𑍍𑌰𑌂 𑌪𑌠𑌿𑌤𑍍𑌵𑌾 𑌮𑌨𑍁𑌜𑍋𑌽𑌤𑌿𑌭𑌕𑍍𑌤𑍍𑌯𑌾 𑌫𑌲𑌂 𑌤𑌦𑌾𑌲𑍋𑌕𑍍𑌯 𑌨𑌿𑌜𑌂 𑌭𑌜𑍇𑌚𑍍𑌚 ॥
॥ 𑌇𑌤𑌿 𑌶𑍍𑌰𑍀𑌮𑌦𑍍𑌶𑌙𑍍𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂
𑌦𑍍𑌵𑌾𑌦𑌶𑌜𑍍𑌯𑍋𑌤𑌿𑌰𑍍𑌲𑌿𑌙𑍍𑌗𑌸𑍍𑌤𑍋𑌤𑍍𑌰𑌂 𑌸𑌮𑍍𑌪𑍂𑌰𑍍𑌣𑌮𑍍 ॥
Roman (IAST) Transliteration
saurāṣṭradeśe viśade'tiramye jyotirmayaṃ candrakalāvataṃsam |
bhaktipradānāya kṛpāvatīrṇaṃ taṃ somanāthaṃ śaraṇaṃ prapadye || 1||
śrīśailaśa‍ṛṅge vibudhātisaṅge tulādrituṅge'pi mudā vasantam |
tamarjunaṃ mallikapūrvamekaṃ namāmi saṃsārasamudrasetum || 2||
avantikāyāṃ vihitāvatāraṃ muktipradānāya ca sajjanānām |
akālamṛtyoḥ parirakṣaṇārthaṃ vande mahākālamahāsureśam || 3||
kāverikānarmadayoḥ pavitre samāgame sajjanatāraṇāya |
sadaivamāndhātṛpure vasantamoṅkāramīśaṃ śivamekamīḍe || 4||
pūrvottare prajvalikānidhāne sadā vasantaṃ girijāsametam |
surāsurārādhitapādapadmaṃ śrīvaidyanāthaṃ tamahaṃ namāmi || 5||
yāmye sadaṅge nagare'tiramye vibhūṣitāṅgaṃ vividhaiśca bhogaiḥ |
sadbhaktimuktipradamīśamekaṃ śrīnāganāthaṃ śaraṇaṃ prapadye || 6||
mahādripārśve ca taṭe ramantaṃ sampūjyamānaṃ satataṃ munīndraiḥ |
surāsurairyakṣa mahoragāḍhyaiḥ kedāramīśaṃ śivamekamīḍe || 7||
sahyādriśīrṣe vimale vasantaṃ godāvaritīrapavitradeśe |
yaddharśanātpātakamāśu nāśaṃ prayāti taṃ tryambakamīśamīḍe || 8||
sutāmraparṇījalarāśiyoge nibadhya setuṃ viśikhairasaṅkhyaiḥ |
śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 9||
yaṃ ḍākiniśākinikāsamāje niṣevyamāṇaṃ piśitāśanaiśca |
sadaiva bhīmādipadaprasiddaṃ taṃ śaṅkaraṃ bhaktahitaṃ namāmi || 10||
sānandamānandavane vasantamānandakandaṃ hatapāpavṛndam |
vārāṇasīnāthamanāthanāthaṃ śrīviśvanāthaṃ śaraṇaṃ prapadye || 11||
ilāpure ramyaviśālake'smin samullasantaṃ ca jagadvareṇyam |
vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12||
jyotirmayadvādaśaliṅgakānāṃ śivātmanāṃ proktamidaṃ krameṇa |
stotraṃ paṭhitvā manujo'tibhaktyā phalaṃ tadālokya nijaṃ bhajecca ||
|| iti śrīmadśaṅkarācāryaviracitaṃ
dvādaśajyotirliṅgastotraṃ sampūrṇam ||
InfoLyter.in — Sacred Vedic Knowledge Portal · Free forever