📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌦𑍇𑌵𑍀 𑌵𑍈𑌭𑌵𑌾𑌶𑍍𑌚𑌰𑍍𑌯 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Devi Vaibhavashcharya Ashtottara Shata Nama Stotram
Tara Ashtottara Sata Namavali Grantha
𑌅𑌸𑍍𑌯 𑌶𑍍𑌰𑍀 𑌦𑍇𑌵𑍀𑌵𑍈𑌭𑌵𑌾𑌶𑍍𑌚𑌰𑍍𑌯𑌾𑌷𑍍𑌟𑍋𑌤𑍍𑌤𑌰𑌶𑌤𑌦𑌿𑌵𑍍𑌯𑌨𑌾𑌮 𑌸𑍍𑌤𑍋𑌤𑍍𑌰𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌆𑌨𑌨𑍍𑌦𑌭𑍈𑌰𑌵 𑌋𑌷𑌿𑌃, 𑌅𑌨𑍁𑌷𑍍𑌟𑍁𑌪𑍍 𑌛𑌨𑍍𑌦𑌃, 𑌶𑍍𑌰𑍀 𑌆𑌨𑌨𑍍𑌦𑌭𑍈𑌰𑌵𑍀 𑌶𑍍𑌰𑍀𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 𑌦𑍇𑌵𑌤𑌾, 𑌐𑌂 𑌬𑍀𑌜𑌂, 𑌹𑍍𑌰𑍀𑌂 𑌶𑌕𑍍𑌤𑌿𑌃, 𑌶𑍍𑌰𑍀𑌂 𑌕𑍀𑌲𑌕𑌂, 𑌮𑌮 𑌶𑍍𑌰𑍀𑌆𑌨𑌨𑍍𑌦𑌭𑍈𑌰𑌵𑍀 𑌶𑍍𑌰𑍀𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌧𑍍𑌯𑌾𑌨𑌮𑍍
𑌕𑍁𑌙𑍍𑌕𑍁𑌮𑌪𑌙𑍍𑌕𑌸𑌮𑌾𑌭𑌾-
-𑌮𑌙𑍍𑌕𑍁𑌶𑌪𑌾𑌶𑍇𑌕𑍍𑌷𑍁𑌕𑍋𑌦𑌣𑍍𑌡𑌶𑌰𑌾𑌮𑍍 ।
𑌪𑌙𑍍𑌕𑌜𑌮𑌧𑍍𑌯𑌨𑌿𑌷𑌣𑍍𑌣𑌾𑌂
𑌪𑌙𑍍𑌕𑍇𑌰𑍁𑌹𑌲𑍋𑌚𑌨𑌾𑌂 𑌪𑌰𑌾𑌂 𑌵𑌨𑍍𑌦𑍇 ॥
𑌪𑌞𑍍𑌚𑌪𑍂𑌜𑌾
𑌲𑌂 𑌪𑍃𑌥𑌿𑌵𑍍𑌯𑌾𑌤𑍍𑌮𑌿𑌕𑌾𑌯𑍈 𑌗𑌨𑍍𑌧𑌂 𑌸𑌮𑌰𑍍𑌪𑌯𑌾𑌮𑌿 ।
𑌹𑌂 𑌆𑌕𑌾𑌶𑌾𑌤𑍍𑌮𑌿𑌕𑌾𑌯𑍈 𑌪𑍁𑌷𑍍𑌪𑍈𑌃 𑌪𑍂𑌜𑌯𑌾𑌮𑌿 ।
𑌯𑌂 𑌵𑌾𑌯𑍍𑌵𑌾𑌤𑍍𑌮𑌿𑌕𑌾𑌯𑍈 𑌧𑍂𑌪𑌮𑌾𑌘𑍍𑌰𑌾𑌪𑌯𑌾𑌮𑌿 ।
𑌰𑌂 𑌅𑌗𑍍𑌨𑍍𑌯𑌾𑌤𑍍𑌮𑌿𑌕𑌾𑌯𑍈 𑌦𑍀𑌪𑌂 𑌦𑌰𑍍𑌶𑌯𑌾𑌮𑌿 ।
𑌵𑌂 𑌅𑌮𑍃𑌤𑌾𑌤𑍍𑌮𑌿𑌕𑌾𑌯𑍈 𑌅𑌮𑍃𑌤𑌂 𑌮𑌹𑌾𑌨𑍈𑌵𑍇𑌦𑍍𑌯𑌂 𑌨𑌿𑌵𑍇𑌦𑌯𑌾𑌮𑌿 ।
𑌸𑌂 𑌸𑌰𑍍𑌵𑌾𑌤𑍍𑌮𑌿𑌕𑌾𑌯𑍈 𑌸𑌰𑍍𑌵𑍋𑌪𑌚𑌾𑌰𑌾𑌨𑍍 𑌸𑌮𑌰𑍍𑌪𑌯𑌾𑌮𑌿 ॥
𑍐 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌮𑍍 ।
𑌪𑌰𑌮𑌾𑌨𑌨𑍍𑌦𑌲𑌹𑌰𑍀 𑌪𑌰𑌚𑍈𑌤𑌨𑍍𑌯𑌦𑍀𑌪𑌿𑌕𑌾 ।
𑌸𑍍𑌵𑌯𑌮𑍍𑌪𑍍𑌰𑌕𑌾𑌶𑌕𑌿𑌰𑌣𑌾 𑌨𑌿𑌤𑍍𑌯𑌵𑍈𑌭𑌵𑌶𑌾𑌲𑌿𑌨𑍀 ॥ 1 ॥
𑌵𑌿𑌶𑍁𑌦𑍍𑌧𑌕𑍇𑌵𑌲𑌾𑌖𑌣𑍍𑌡𑌸𑌤𑍍𑌯𑌕𑌾𑌲𑌾𑌤𑍍𑌮𑌰𑍂𑌪𑌿𑌣𑍀 ।
𑌆𑌦𑌿𑌮𑌧𑍍𑌯𑌾𑌨𑍍𑌤𑌰𑌹𑌿𑌤𑌾 𑌮𑌹𑌾𑌮𑌾𑌯𑌾𑌵𑌿𑌲𑌾𑌸𑌿𑌨𑍀 ॥ 2 ॥
𑌗𑍁𑌣𑌤𑍍𑌰𑌯𑌪𑌰𑌿𑌚𑍍𑌛𑍇𑌤𑍍𑌰𑍀 𑌸𑌰𑍍𑌵𑌤𑌤𑍍𑌤𑍍𑌵𑌪𑍍𑌰𑌕𑌾𑌶𑌿𑌨𑍀 ।
𑌸𑍍𑌤𑍍𑌰𑍀𑌪𑍁𑌂𑌸𑌭𑌾𑌵𑌰𑌸𑌿𑌕𑌾 𑌜𑌗𑌤𑍍𑌸𑌰𑍍𑌗𑌾𑌦𑌿𑌲𑌮𑍍𑌪𑌟𑌾 ॥ 3 ॥
𑌅𑌶𑍇𑌷𑌨𑌾𑌮𑌰𑍂𑌪𑌾𑌦𑌿𑌭𑍇𑌦𑌚𑍍𑌛𑍇𑌦𑌰𑌵𑌿𑌪𑍍𑌰𑌭𑌾 ।
𑌅𑌨𑌾𑌦𑌿𑌵𑌾𑌸𑌨𑌾𑌰𑍂𑌪𑌾 𑌵𑌾𑌸𑌨𑍋𑌦𑍍𑌯𑌤𑍍𑌪𑍍𑌰𑌪𑌞𑍍𑌚𑌿𑌕𑌾 ॥ 4 ॥
𑌪𑍍𑌰𑌪𑌞𑍍𑌚𑍋𑌪𑌶𑌮𑌪𑍍𑌰𑍗𑌢𑌾 𑌚𑌰𑌾𑌚𑌰𑌜𑌗𑌨𑍍𑌮𑌯𑍀 ।
𑌸𑌮𑌸𑍍𑌤𑌜𑌗𑌦𑌾𑌧𑌾𑌰𑌾 𑌸𑌰𑍍𑌵𑌸𑌞𑍍𑌜𑍀𑌵𑌨𑍋𑌤𑍍𑌸𑍁𑌕𑌾 ॥ 5 ॥
𑌭𑌕𑍍𑌤𑌚𑍇𑌤𑍋𑌮𑌯𑌾𑌨𑌨𑍍𑌤𑌸𑍍𑌵𑌾𑌰𑍍𑌥𑌵𑍈𑌭𑌵𑌵𑌿𑌭𑍍𑌰𑌮𑌾 ।
𑌸𑌰𑍍𑌵𑌾𑌕𑌰𑍍𑌷𑌣𑌵𑌶𑍍𑌯𑌾𑌦𑌿𑌸𑌰𑍍𑌵𑌕𑌰𑍍𑌮𑌧𑍁𑌰𑌨𑍍𑌧𑌰𑌾 ॥ 6 ॥
𑌵𑌿𑌜𑍍𑌞𑌾𑌨𑌪𑌰𑌮𑌾𑌨𑌨𑍍𑌦𑌵𑌿𑌦𑍍𑌯𑌾 𑌸𑌨𑍍𑌤𑌾𑌨𑌸𑌿𑌦𑍍𑌧𑌿𑌦𑌾 ।
𑌆𑌯𑍁𑌰𑌾𑌰𑍋𑌗𑍍𑌯𑌸𑍗𑌭𑌾𑌗𑍍𑌯𑌬𑌲𑌶𑍍𑌰𑍀𑌕𑍀𑌰𑍍𑌤𑌿𑌭𑌾𑌗𑍍𑌯𑌦𑌾 ॥ 7 ॥
𑌧𑌨𑌧𑌾𑌨𑍍𑌯𑌮𑌣𑍀𑌵𑌸𑍍𑌤𑍍𑌰𑌭𑍂𑌷𑌾𑌲𑍇𑌪𑌨𑌮𑌾𑌲𑍍𑌯𑌦𑌾 ।
𑌗𑍃𑌹𑌗𑍍𑌰𑌾𑌮𑌮𑌹𑌾𑌰𑌾𑌜𑍍𑌯𑌸𑌾𑌮𑍍𑌰𑌾𑌜𑍍𑌯𑌸𑍁𑌖𑌦𑌾𑌯𑌿𑌨𑍀 ॥ 8 ॥
𑌸𑌪𑍍𑌤𑌾𑌙𑍍𑌗𑌶𑌕𑍍𑌤𑌿𑌸𑌮𑍍𑌪𑍂𑌰𑍍𑌣𑌸𑌾𑌰𑍍𑌵𑌭𑍗𑌮𑌫𑌲𑌪𑍍𑌰𑌦𑌾 ।
𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑍇𑌨𑍍𑌦𑍍𑌰𑌾𑌦𑌿𑌪𑌦𑌵𑌿𑌶𑍍𑌰𑌾𑌣𑌨𑌕𑍍𑌷𑌮𑌾 ॥ 9 ॥
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌮𑌹𑌾𑌭𑌕𑍍𑌤𑌿𑌵𑌿𑌰𑌕𑍍𑌤𑍍𑌯𑌦𑍍𑌵𑍈𑌤𑌦𑌾𑌯𑌿𑌨𑍀 ।
𑌨𑌿𑌗𑍍𑌰𑌹𑌾𑌨𑍁𑌗𑍍𑌰𑌹𑌾𑌧𑍍𑌯𑌕𑍍𑌷𑌾 𑌜𑍍𑌞𑌾𑌨𑌨𑌿𑌰𑍍𑌦𑍍𑌵𑍈𑌤𑌦𑌾𑌯𑌿𑌨𑍀 ॥ 10 ॥
𑌪𑌰𑌕𑌾𑌯𑌪𑍍𑌰𑌵𑍇𑌶𑌾𑌦𑌿𑌯𑍋𑌗𑌸𑌿𑌦𑍍𑌧𑌿𑌪𑍍𑌰𑌦𑌾𑌯𑌿𑌨𑍀 ।
𑌶𑌿𑌷𑍍𑌟𑌸𑌞𑍍𑌜𑍀𑌵𑌨𑌪𑍍𑌰𑍗𑌢𑌾 𑌦𑍁𑌷𑍍𑌟𑌸𑌂𑌹𑌾𑌰𑌸𑌿𑌦𑍍𑌧𑌿𑌦𑌾 ॥ 11 ॥
𑌲𑍀𑌲𑌾𑌵𑌿𑌨𑌿𑌰𑍍𑌮𑌿𑌤𑌾𑌨𑍇𑌕𑌕𑍋𑌟𑌿𑌬𑍍𑌰𑌹𑍍𑌮𑌾𑌣𑍍𑌡𑌮𑌣𑍍𑌡𑌲𑌾 ।
𑌏𑌕𑌾𑌨𑍇𑌕𑌾𑌤𑍍𑌮𑌿𑌕𑌾 𑌨𑌾𑌨𑌾𑌰𑍂𑌪𑌿𑌣𑍍𑌯𑌰𑍍𑌧𑌾𑌙𑍍𑌗𑌨𑍇𑌶𑍍𑌵𑌰𑍀 ॥ 12 ॥
𑌶𑌿𑌵𑌶𑌕𑍍𑌤𑌿𑌮𑌯𑍀 𑌨𑌿𑌤𑍍𑌯𑌶𑍃𑌙𑍍𑌗𑌾𑌰𑍈𑌕𑌰𑌸𑌪𑍍𑌰𑌿𑌯𑌾 ।
𑌤𑍁𑌷𑍍𑌟𑌾 𑌪𑍁𑌷𑍍𑌟𑌾𑌽𑌪𑌰𑌿𑌚𑍍𑌛𑌿𑌨𑍍𑌨𑌾 𑌨𑌿𑌤𑍍𑌯𑌯𑍗𑌵𑌨𑌮𑍋𑌹𑌿𑌨𑍀 ॥ 13 ॥
𑌸𑌮𑌸𑍍𑌤𑌦𑍇𑌵𑌤𑌾𑌰𑍂𑌪𑌾 𑌸𑌰𑍍𑌵𑌦𑍇𑌵𑌾𑌧𑌿𑌦𑍇𑌵𑌤𑌾 ।
𑌦𑍇𑌵𑌰𑍍𑌷𑌿𑌪𑌿𑌤𑍃𑌸𑌿𑌦𑍍𑌧𑌾𑌦𑌿𑌯𑍋𑌗𑌿𑌨𑍀𑌭𑍈𑌰𑌵𑌾𑌤𑍍𑌮𑌿𑌕𑌾 ॥ 14 ॥
𑌨𑌿𑌧𑌿𑌸𑌿𑌦𑍍𑌧𑌿𑌮𑌣𑍀𑌮𑍁𑌦𑍍𑌰𑌾 𑌶𑌸𑍍𑌤𑍍𑌰𑌾𑌸𑍍𑌤𑍍𑌰𑌾𑌯𑍁𑌧𑌭𑌾𑌸𑍁𑌰𑌾 ।
𑌛𑌤𑍍𑌰𑌚𑌾𑌮𑌰𑌵𑌾𑌦𑌿𑌤𑍍𑌰𑌪𑌤𑌾𑌕𑌾𑌵𑍍𑌯𑌜𑌨𑌾𑌞𑍍𑌚𑌿𑌤𑌾 ॥ 15 ॥
𑌹𑌸𑍍𑌤𑍍𑌯𑌶𑍍𑌵𑌰𑌥𑌪𑌾𑌦𑌾𑌤𑌾𑌮𑌾𑌤𑍍𑌯𑌸𑍇𑌨𑌾𑌸𑍁𑌸𑍇𑌵𑌿𑌤𑌾 ।
𑌪𑍁𑌰𑍋𑌹𑌿𑌤𑌕𑍁𑌲𑌾𑌚𑌾𑌰𑍍𑌯𑌗𑍁𑌰𑍁𑌶𑌿𑌷𑍍𑌯𑌾𑌦𑌿𑌸𑍇𑌵𑌿𑌤𑌾 ॥ 16 ॥
𑌸𑍁𑌧𑌾𑌸𑌮𑍁𑌦𑍍𑌰𑌮𑌧𑍍𑌯𑍋𑌦𑍍𑌯𑌤𑍍𑌸𑍁𑌰𑌦𑍍𑌰𑍁𑌮𑌨𑌿𑌵𑌾𑌸𑌿𑌨𑍀 ।
𑌮𑌣𑌿𑌦𑍍𑌵𑍀𑌪𑌾𑌨𑍍𑌤𑌰𑌪𑍍𑌰𑍋𑌦𑍍𑌯𑌤𑍍𑌕𑌦𑌮𑍍𑌬𑌵𑌨𑌵𑌾𑌸𑌿𑌨𑍀 ॥ 17 ॥
𑌚𑌿𑌨𑍍𑌤𑌾𑌮𑌣𑌿𑌗𑍃𑌹𑌾𑌨𑍍𑌤𑌃𑌸𑍍𑌥𑌾 𑌮𑌣𑌿𑌮𑌣𑍍𑌟𑌪𑌮𑌧𑍍𑌯𑌗𑌾 ।
𑌰𑌤𑍍𑌨𑌸𑌿𑌂𑌹𑌾𑌸𑌨𑌪𑍍𑌰𑍋𑌦𑍍𑌯𑌚𑍍𑌛𑌿𑌵𑌮𑌞𑍍𑌚𑌾𑌧𑌿𑌶𑌾𑌯𑌿𑌨𑍀 ॥ 18 ॥
𑌸𑌦𑌾𑌶𑌿𑌵𑌮𑌹𑌾𑌲𑌿𑌙𑍍𑌗𑌮𑍂𑌲𑌸𑌙𑍍𑌘𑌟𑍍𑌟𑌯𑍋𑌨𑌿𑌕𑌾 ।
𑌅𑌨𑍍𑌯𑍋𑌨𑍍𑌯𑌾𑌲𑌿𑌙𑍍𑌗𑌸𑌙𑍍𑌘𑌰𑍍𑌷𑌕𑌣𑍍𑌡𑍂𑌸𑌙𑍍𑌕𑍍𑌷𑍁𑌬𑍍𑌧𑌮𑌾𑌨𑌸𑌾 ॥ 19 ॥
𑌕𑌲𑍋𑌦𑍍𑌯𑌦𑍍𑌬𑌿𑌨𑍍𑌦𑍁𑌕𑌾𑌲𑌿𑌨𑍍𑌯𑌾𑌤𑍁𑌰𑍍𑌯𑌨𑌾𑌦𑌪𑌰𑌮𑍍𑌪𑌰𑌾 ।
𑌨𑌾𑌦𑌾𑌨𑍍𑌤𑌾𑌨𑌨𑍍𑌦𑌸𑌨𑍍𑌦𑍋𑌹𑌸𑍍𑌵𑌯𑌂𑌵𑍍𑌯𑌕𑍍𑌤𑌵𑌚𑍋𑌽𑌮𑍃𑌤𑌾 ॥ 20 ॥
𑌕𑌾𑌮𑌰𑌾𑌜𑌮𑌹𑌾𑌤𑌨𑍍𑌤𑍍𑌰𑌰𑌹𑌸𑍍𑌯𑌾𑌚𑌾𑌰𑌦𑌕𑍍𑌷𑌿𑌣𑌾 ।
𑌮𑌕𑌾𑌰𑌪𑌞𑍍𑌚𑌕𑍋𑌦𑍍𑌭𑍂𑌤𑌪𑍍𑌰𑍗𑌢𑌾𑌨𑍍𑌤𑍋𑌲𑍍𑌲𑌾𑌸𑌸𑍁𑌨𑍍𑌦𑌰𑍀 ॥ 21 ॥
𑌶𑍍𑌰𑍀𑌚𑌕𑍍𑌰𑌰𑌾𑌜𑌨𑌿𑌲𑌯𑌾 𑌶𑍍𑌰𑍀𑌵𑌿𑌦𑍍𑌯𑌾𑌮𑌨𑍍𑌤𑍍𑌰𑌵𑌿𑌗𑍍𑌰𑌹𑌾 ।
𑌅𑌖𑌣𑍍𑌡𑌸𑌚𑍍𑌚𑌿𑌦𑌾𑌨𑌨𑍍𑌦𑌶𑌿𑌵𑌶𑌕𑍍𑌤𑍍𑌯𑍈𑌕𑍍𑌯𑌰𑍂𑌪𑌿𑌣𑍀 ॥ 22 ॥
𑌤𑍍𑌰𑌿𑌪𑍁𑌰𑌾 𑌤𑍍𑌰𑌿𑌪𑍁𑌰𑍇𑌶𑌾𑌨𑍀 𑌮𑌹𑌾𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑍀 ।
𑌤𑍍𑌰𑌿𑌪𑍁𑌰𑌾𑌵𑌾𑌸𑌰𑌸𑌿𑌕𑌾 𑌤𑍍𑌰𑌿𑌪𑍁𑌰𑌾𑌶𑍍𑌰𑍀𑌸𑍍𑌵𑌰𑍂𑌪𑌿𑌣𑍀 ॥ 23 ॥
𑌮𑌹𑌾𑌪𑌦𑍍𑌮𑌵𑌨𑌾𑌨𑍍𑌤𑌸𑍍𑌥𑌾 𑌶𑍍𑌰𑍀𑌮𑌤𑍍𑌤𑍍𑌰𑌿𑌪𑍁𑌰𑌮𑌾𑌲𑌿𑌨𑍀 ।
𑌮𑌹𑌾𑌤𑍍𑌰𑌿𑌪𑍁𑌰𑌸𑌿𑌦𑍍𑌧𑌾𑌮𑍍𑌬𑌾 𑌶𑍍𑌰𑍀𑌮𑌹𑌾𑌤𑍍𑌰𑌿𑌪𑍁𑌰𑌾𑌮𑍍𑌬𑌿𑌕𑌾 ॥ 24 ॥
𑌨𑌵𑌚𑌕𑍍𑌰𑌕𑍍𑌰𑌮𑌾𑌦𑍇𑌵𑍀 𑌮𑌹𑌾𑌤𑍍𑌰𑌿𑌪𑍁𑌰𑌭𑍈𑌰𑌵𑍀 ।
𑌶𑍍𑌰𑍀𑌮𑌾𑌤𑌾 𑌲𑌲𑌿𑌤𑌾 𑌬𑌾𑌲𑌾 𑌰𑌾𑌜𑌰𑌾𑌜𑍇𑌶𑍍𑌵𑌰𑍀 𑌶𑌿𑌵𑌾 ॥ 25 ॥
𑌉𑌤𑍍𑌪𑌤𑍍𑌤𑌿𑌸𑍍𑌥𑌿𑌤𑌿𑌸𑌂𑌹𑌾𑌰𑌕𑍍𑌰𑌮𑌚𑌕𑍍𑌰𑌨𑌿𑌵𑌾𑌸𑌿𑌨𑍀 ।
𑌅𑌰𑍍𑌧𑌮𑍇𑌰𑍍𑌵𑌾𑌤𑍍𑌮𑌚𑌕𑍍𑌰𑌸𑍍𑌥𑌾 𑌸𑌰𑍍𑌵𑌲𑍋𑌕𑌮𑌹𑍇𑌶𑍍𑌵𑌰𑍀 ॥ 26 ॥
𑌵𑌲𑍍𑌮𑍀𑌕𑌪𑍁𑌰𑌮𑌧𑍍𑌯𑌸𑍍𑌥𑌾 𑌜𑌮𑍍𑌬𑍂𑌵𑌨𑌨𑌿𑌵𑌾𑌸𑌿𑌨𑍀 ।
𑌅𑌰𑍁𑌣𑌾𑌚𑌲𑌶𑍃𑌙𑍍𑌗𑌸𑍍𑌥𑌾 𑌵𑍍𑌯𑌾𑌘𑍍𑌰𑌾𑌲𑌯𑌨𑌿𑌵𑌾𑌸𑌿𑌨𑍀 ॥ 27 ॥
𑌶𑍍𑌰𑍀𑌕𑌾𑌲𑌹𑌸𑍍𑌤𑌿𑌨𑌿𑌲𑌯𑌾 𑌕𑌾𑌶𑍀𑌪𑍁𑌰𑌨𑌿𑌵𑌾𑌸𑌿𑌨𑍀 ।
𑌶𑍍𑌰𑍀𑌮𑌤𑍍𑌕𑍈𑌲𑌾𑌸𑌨𑌿𑌲𑌯𑌾 𑌦𑍍𑌵𑌾𑌦𑌶𑌾𑌨𑍍𑌤𑌮𑌹𑍇𑌶𑍍𑌵𑌰𑍀 ॥ 28 ॥
𑌶𑍍𑌰𑍀𑌷𑍋𑌡𑌶𑌾𑌨𑍍𑌤𑌮𑌧𑍍𑌯𑌸𑍍𑌥𑌾 𑌸𑌰𑍍𑌵𑌵𑍇𑌦𑌾𑌨𑍍𑌤𑌲𑌕𑍍𑌷𑌿𑌤𑌾 ।
𑌶𑍍𑌰𑍁𑌤𑌿𑌸𑍍𑌮𑍃𑌤𑌿𑌪𑍁𑌰𑌾𑌣𑍇𑌤𑌿𑌹𑌾𑌸𑌾𑌗𑌮𑌕𑌲𑍇𑌶𑍍𑌵𑌰𑍀 ॥ 29 ॥
𑌭𑍂𑌤𑌭𑍗𑌤𑌿𑌕𑌤𑌨𑍍𑌮𑌾𑌤𑍍𑌰𑌦𑍇𑌵𑌤𑌾𑌪𑍍𑌰𑌾𑌣𑌹𑍃𑌨𑍍𑌮𑌯𑍀 ।
𑌜𑍀𑌵𑍇𑌶𑍍𑌵𑌰𑌬𑍍𑌰𑌹𑍍𑌮𑌰𑍂𑌪𑌾 𑌶𑍍𑌰𑍀𑌗𑍁𑌣𑌾𑌢𑍍𑌯𑌾 𑌗𑍁𑌣𑌾𑌤𑍍𑌮𑌿𑌕𑌾 ॥ 30 ॥
𑌅𑌵𑌸𑍍𑌥𑌾𑌤𑍍𑌰𑌯𑌨𑌿𑌰𑍍𑌮𑍁𑌕𑍍𑌤𑌾 𑌵𑌾𑌗𑍍𑌰𑌮𑍋𑌮𑌾𑌮𑌹𑍀𑌮𑌯𑍀 ।
𑌗𑌾𑌯𑌤𑍍𑌰𑍀𑌭𑍁𑌵𑌨𑍇𑌶𑌾𑌨𑍀𑌦𑍁𑌰𑍍𑌗𑌾𑌕𑌾𑌲𑍍𑌯𑌾𑌦𑌿𑌰𑍂𑌪𑌿𑌣𑍀 ॥ 31 ॥
𑌮𑌤𑍍𑌸𑍍𑌯𑌕𑍂𑌰𑍍𑌮𑌵𑌰𑌾𑌹𑌾𑌦𑌿𑌨𑌾𑌨𑌾𑌰𑍂𑌪𑌵𑌿𑌲𑌾𑌸𑌿𑌨𑍀 ।
𑌮𑌹𑌾𑌯𑍋𑌗𑍀𑌶𑍍𑌵𑌰𑌾𑌰𑌾𑌧𑍍𑌯𑌾 𑌮𑌹𑌾𑌵𑍀𑌰𑌵𑌰𑌪𑍍𑌰𑌦𑌾 ॥ 32 ॥
𑌸𑌿𑌦𑍍𑌧𑍇𑌶𑍍𑌵𑌰𑌕𑍁𑌲𑌾𑌰𑌾𑌧𑍍𑌯𑌾 𑌶𑍍𑌰𑍀𑌮𑌚𑍍𑌚𑌰𑌣𑌵𑍈𑌭𑌵𑌾 ॥ 33 ॥
𑌪𑍁𑌨𑌰𑍍𑌧𑍍𑌯𑌾𑌨𑌮𑍍
𑌕𑍁𑌙𑍍𑌕𑍁𑌮𑌪𑌙𑍍𑌕𑌸𑌮𑌾𑌭𑌾-
-𑌮𑌙𑍍𑌕𑍁𑌶𑌪𑌾𑌶𑍇𑌕𑍍𑌷𑍁𑌕𑍋𑌦𑌣𑍍𑌡𑌶𑌰𑌾𑌮𑍍 ।
𑌪𑌙𑍍𑌕𑌜𑌮𑌧𑍍𑌯𑌨𑌿𑌷𑌣𑍍𑌣𑌾𑌂
𑌪𑌙𑍍𑌕𑍇𑌰𑍁𑌹𑌲𑍋𑌚𑌨𑌾𑌂 𑌪𑌰𑌾𑌂 𑌵𑌨𑍍𑌦𑍇 ॥
𑌇𑌤𑌿 𑌶𑍍𑌰𑍀𑌗𑌰𑍍𑌭𑌕𑍁𑌲𑌾𑌰𑍍𑌣𑌵𑌤𑌨𑍍𑌤𑍍𑌰𑍇 𑌦𑍇𑌵𑍀 𑌵𑍈𑌭𑌵𑌾𑌶𑍍𑌚𑌰𑍍𑌯𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
asya śrī devīvaibhavāścaryāṣṭottaraśatadivyanāma stotramahāmantrasya ānandabhairava ṛṣiḥ, anuṣṭup chandaḥ, śrī ānandabhairavī śrīmahātripurasundarī devatā, aiṃ bījaṃ, hrīṃ śaktiḥ, śrīṃ kīlakaṃ, mama śrīānandabhairavī śrīmahātripurasundarī prasādasiddhyarthe jape viniyogaḥ |
dhyānam
kuṅkumapaṅkasamābhā-
-maṅkuśapāśekṣukodaṇḍaśarām |
paṅkajamadhyaniṣaṇṇāṃ
paṅkeruhalocanāṃ parāṃ vande ||
pañcapūjā
laṃ pṛthivyātmikāyai gandhaṃ samarpayāmi |
haṃ ākāśātmikāyai puṣpaiḥ pūjayāmi |
yaṃ vāyvātmikāyai dhūpamāghrāpayāmi |
raṃ agnyātmikāyai dīpaṃ darśayāmi |
vaṃ amṛtātmikāyai amṛtaṃ mahānaivedyaṃ nivedayāmi |
saṃ sarvātmikāyai sarvopacārān samarpayāmi ||
oṃ aiṃ hrīṃ śrīm |
paramānandalaharī paracaitanyadīpikā |
svayamprakāśakiraṇā nityavaibhavaśālinī || 1 ||
viśuddhakevalākhaṇḍasatyakālātmarūpiṇī |
ādimadhyāntarahitā mahāmāyāvilāsinī || 2 ||
guṇatrayaparicchetrī sarvatattvaprakāśinī |
strīpuṃsabhāvarasikā jagatsargādilampaṭā || 3 ||
aśeṣanāmarūpādibhedacchedaraviprabhā |
anādivāsanārūpā vāsanodyatprapañcikā || 4 ||
prapañcopaśamaprauḍhā carācarajaganmayī |
samastajagadādhārā sarvasañjīvanotsukā || 5 ||
bhaktacetomayānantasvārthavaibhavavibhramā |
sarvākarṣaṇavaśyādisarvakarmadhurandharā || 6 ||
vijñānaparamānandavidyā santānasiddhidā |
āyurārogyasaubhāgyabalaśrīkīrtibhāgyadā || 7 ||
dhanadhānyamaṇīvastrabhūṣālepanamālyadā |
gṛhagrāmamahārājyasāmrājyasukhadāyinī || 8 ||
saptāṅgaśaktisampūrṇasārvabhaumaphalapradā |
brahmaviṣṇuśivendrādipadaviśrāṇanakṣamā || 9 ||
bhuktimuktimahābhaktiviraktyadvaitadāyinī |
nigrahānugrahādhyakṣā jñānanirdvaitadāyinī || 10 ||
parakāyapraveśādiyogasiddhipradāyinī |
śiṣṭasañjīvanaprauḍhā duṣṭasaṃhārasiddhidā || 11 ||
līlāvinirmitānekakoṭibrahmāṇḍamaṇḍalā |
ekānekātmikā nānārūpiṇyardhāṅganeśvarī || 12 ||
śivaśaktimayī nityaśṛṅgāraikarasapriyā |
tuṣṭā puṣṭā'paricchinnā nityayauvanamohinī || 13 ||
samastadevatārūpā sarvadevādhidevatā |
devarṣipitṛsiddhādiyoginībhairavātmikā || 14 ||
nidhisiddhimaṇīmudrā śastrāstrāyudhabhāsurā |
chatracāmaravāditrapatākāvyajanāñcitā || 15 ||
hastyaśvarathapādātāmātyasenāsusevitā |
purohitakulācāryaguruśiṣyādisevitā || 16 ||
sudhāsamudramadhyodyatsuradrumanivāsinī |
maṇidvīpāntaraprodyatkadambavanavāsinī || 17 ||
cintāmaṇigṛhāntaḥsthā maṇimaṇṭapamadhyagā |
ratnasiṃhāsanaprodyacchivamañcādhiśāyinī || 18 ||
sadāśivamahāliṅgamūlasaṅghaṭṭayonikā |
anyonyāliṅgasaṅgharṣakaṇḍūsaṅkṣubdhamānasā || 19 ||
kalodyadbindukālinyāturyanādaparamparā |
nādāntānandasandohasvayaṃvyaktavaco'mṛtā || 20 ||
kāmarājamahātantrarahasyācāradakṣiṇā |
makārapañcakodbhūtaprauḍhāntollāsasundarī || 21 ||
śrīcakrarājanilayā śrīvidyāmantravigrahā |
akhaṇḍasaccidānandaśivaśaktyaikyarūpiṇī || 22 ||
tripurā tripureśānī mahātripurasundarī |
tripurāvāsarasikā tripurāśrīsvarūpiṇī || 23 ||
mahāpadmavanāntasthā śrīmattripuramālinī |
mahātripurasiddhāmbā śrīmahātripurāmbikā || 24 ||
navacakrakramādevī mahātripurabhairavī |
śrīmātā lalitā bālā rājarājeśvarī śivā || 25 ||
utpattisthitisaṃhārakramacakranivāsinī |
ardhamervātmacakrasthā sarvalokamaheśvarī || 26 ||
valmīkapuramadhyasthā jambūvananivāsinī |
aruṇācalaśṛṅgasthā vyāghrālayanivāsinī || 27 ||
śrīkālahastinilayā kāśīpuranivāsinī |
śrīmatkailāsanilayā dvādaśāntamaheśvarī || 28 ||
śrīṣoḍaśāntamadhyasthā sarvavedāntalakṣitā |
śrutismṛtipurāṇetihāsāgamakaleśvarī || 29 ||
bhūtabhautikatanmātradevatāprāṇahṛnmayī |
jīveśvarabrahmarūpā śrīguṇāḍhyā guṇātmikā || 30 ||
avasthātrayanirmuktā vāgramomāmahīmayī |
gāyatrībhuvaneśānīdurgākālyādirūpiṇī || 31 ||
matsyakūrmavarāhādinānārūpavilāsinī |
mahāyogīśvarārādhyā mahāvīravarapradā || 32 ||
siddheśvarakulārādhyā śrīmaccaraṇavaibhavā || 33 ||
punardhyānam
kuṅkumapaṅkasamābhā-
-maṅkuśapāśekṣukodaṇḍaśarām |
paṅkajamadhyaniṣaṇṇāṃ
paṅkeruhalocanāṃ parāṃ vande ||
iti śrīgarbhakulārṇavatantre devī vaibhavāścaryāṣṭottaraśatanāma stotram |
InfoLyter.in — Sacred Vedic Knowledge Portal · Free forever