Devi Ashvadhati (amba Stuti)

ॐ

𑌦𑍇𑌵𑍀 𑌅𑌶𑍍𑌵𑌧𑌾𑌟𑍀 (𑌅𑌮𑍍𑌬𑌾 𑌸𑍍𑌤𑍁𑌤𑌿)

Devi Grantha

(𑌕𑌾𑌲𑌿𑌦𑌾𑌸 𑌕𑍃𑌤𑌮𑍍)

𑌚𑍇𑌟𑍀 𑌭𑌵𑌨𑍍𑌨𑌿𑌖𑌿𑌲 𑌖𑍇𑌟𑍀 𑌕𑌦𑌮𑍍𑌬𑌵𑌨 𑌵𑌾𑌟𑍀𑌷𑍁 𑌨𑌾𑌕𑌿 𑌪𑌟𑌲𑍀

𑌕𑍋𑌟𑍀𑌰 𑌚𑌾𑌰𑍁𑌤𑌰 𑌕𑍋𑌟𑍀 𑌮𑌣𑍀𑌕𑌿𑌰𑌣 𑌕𑍋𑌟𑍀 𑌕𑌰𑌮𑍍𑌬𑌿𑌤 𑌪𑌦𑌾 ।

𑌪𑌾𑌟𑍀𑌰𑌗𑌨𑍍𑌧𑌿 𑌕𑍁𑌚𑌶𑌾𑌟𑍀 𑌕𑌵𑌿𑌤𑍍𑌵 𑌪𑌰𑌿𑌪𑌾𑌟𑍀𑌮𑌗𑌾𑌧𑌿𑌪 𑌸𑍁𑌤𑌾

𑌘𑍋𑌟𑍀𑌖𑍁𑌰𑌾𑌦𑌧𑌿𑌕 𑌧𑌾𑌟𑍀𑌮𑍁𑌦𑌾𑌰 𑌮𑍁𑌖 𑌵𑍀𑌟𑍀𑌰𑌸𑍇𑌨 𑌤𑌨𑍁𑌤𑌾𑌮𑍍 ॥ 1 ॥ 𑌶𑌾 ॥

𑌦𑍍𑌵𑍈𑌪𑌾𑌯𑌨 𑌪𑍍𑌰𑌭𑍃𑌤𑌿 𑌶𑌾𑌪𑌾𑌯𑍁𑌧 𑌤𑍍𑌰𑌿𑌦𑌿𑌵 𑌸𑍋𑌪𑌾𑌨 𑌧𑍂𑌲𑌿 𑌚𑌰𑌣𑌾

𑌪𑌾𑌪𑌾𑌪𑌹 𑌸𑍍𑌵𑌮𑌨𑍁 𑌜𑌾𑌪𑌾𑌨𑍁𑌲𑍀𑌨 𑌜𑌨 𑌤𑌾𑌪𑌾𑌪𑌨𑍋𑌦 𑌨𑌿𑌪𑍁𑌣𑌾 ।

𑌨𑍀𑌪𑌾𑌲𑌯𑌾 𑌸𑍁𑌰𑌭𑌿 𑌧𑍂𑌪𑌾𑌲𑌕𑌾 𑌦𑍁𑌰𑌿𑌤𑌕𑍂𑌪𑌾𑌦𑍁𑌦𑌨𑍍𑌚𑌯𑌤𑍁𑌮𑌾𑌮𑍍

𑌰𑍂𑌪𑌾𑌧𑌿𑌕𑌾 𑌶𑌿𑌖𑌰𑌿 𑌭𑍂𑌪𑌾𑌲 𑌵𑌂𑌶𑌮𑌣𑌿 𑌦𑍀𑌪𑌾𑌯𑌿𑌤𑌾 𑌭𑌗𑌵𑌤𑍀 ॥ 2 ॥ 𑌶𑌾 ॥

𑌯𑌾𑌲𑍀𑌭𑌿 𑌰𑌾𑌤𑍍𑌮𑌤𑌨𑍁𑌤𑌾𑌲𑍀𑌨𑌕𑍃𑌤𑍍𑌪𑍍𑌰𑌿𑌯𑌕 𑌪𑌾𑌲𑍀𑌷𑍁 𑌖𑍇𑌲𑌤𑌿 𑌭𑌵𑌾

𑌵𑍍𑌯𑌾𑌲𑍀 𑌨𑌕𑍁𑌲𑍍𑌯𑌸𑌿𑌤 𑌚𑍂𑌲𑍀 𑌭𑌰𑌾 𑌚𑌰𑌣 𑌧𑍂𑌲𑍀 𑌲𑌸𑌨𑍍𑌮𑌣𑌿𑌗𑌣𑌾 ।

𑌯𑌾𑌲𑍀 𑌭𑍃𑌤𑌿 𑌶𑍍𑌰𑌵𑌸𑌿 𑌤𑌾𑌲𑍀 𑌦𑌲𑌂 𑌵𑌹𑌤𑌿 𑌯𑌾𑌲𑍀𑌕 𑌶𑍋𑌭𑌿 𑌤𑌿𑌲𑌕𑌾

𑌸𑌾𑌲𑍀 𑌕𑌰𑍋𑌤𑍁 𑌮𑌮 𑌕𑌾𑌲𑍀 𑌮𑌨𑌃 𑌸𑍍𑌵𑌪𑌦 𑌨𑌾𑌲𑍀𑌕 𑌸𑍇𑌵𑌨 𑌵𑌿𑌧𑍗 ॥ 3 ॥ 𑌶𑌾 ॥

𑌬𑌾𑌲𑌾𑌮𑍃𑌤𑌾𑌂𑌶𑍁 𑌨𑌿𑌭 𑌫𑌾𑌲𑌾𑌮𑌨𑌾 𑌗𑌰𑍁𑌣 𑌚𑍇𑌲𑌾 𑌨𑌿𑌤𑌮𑍍𑌬 𑌫𑌲𑌕𑍇

𑌕𑍋𑌲𑌾𑌹𑌲 𑌕𑍍𑌷𑌪𑌿𑌤 𑌕𑌾𑌲𑌾𑌮𑌰𑌾𑌕𑍁𑌶𑌲 𑌕𑍀𑌲𑌾𑌲 𑌶𑍋𑌷𑌣 𑌰𑌵𑌿𑌃 ।

𑌸𑍍𑌥𑍂𑌲𑌾𑌕𑍁𑌚𑍇 𑌜𑌲𑌦 𑌨𑍀𑌲𑌾𑌕𑌚𑍇 𑌕𑌲𑌿𑌤 𑌵𑍀𑌲𑌾 𑌕𑌦𑌮𑍍𑌬 𑌵𑌿𑌪𑌿𑌨𑍇

𑌶𑍂𑌲𑌾𑌯𑍁𑌧 𑌪𑍍𑌰𑌣𑌤𑌿 𑌶𑍀𑌲𑌾 𑌦𑌧𑌾𑌤𑍁 𑌹𑍃𑌦𑌿 𑌶𑍈𑌲𑌾𑌧𑌿 𑌰𑌾𑌜 𑌤𑌨𑌯𑌾 ॥ 4 ॥ 𑌶𑌾 ॥

𑌕𑌮𑍍𑌬𑌾𑌵𑌤𑍀𑌵 𑌸𑌵𑌿𑌡𑌮𑍍𑌬𑌾 𑌗𑌲𑍇𑌨 𑌨𑌵 𑌤𑍁𑌮𑍍𑌬𑌾𑌭 𑌵𑍀𑌣 𑌸𑌵𑌿𑌧𑌾

𑌬𑌿𑌮𑍍𑌬𑌾𑌧𑌰𑌾 𑌵𑌿𑌨𑌤 𑌶𑌮𑍍𑌬𑌾𑌯𑍁𑌧𑌾𑌦𑌿 𑌨𑌿𑌕𑍁𑌰𑍁𑌮𑍍𑌬𑌾 𑌕𑌦𑌮𑍍𑌬 𑌵𑌿𑌪𑌿𑌨𑍇 ।

𑌅𑌮𑍍𑌬𑌾 𑌕𑍁𑌰𑌙𑍍𑌗 𑌮𑌦𑌜𑌮𑍍𑌬𑌾𑌲 𑌰𑍋𑌚𑌿 𑌰𑌿𑌹 𑌲𑌮𑍍𑌬𑌾𑌲𑌕𑌾 𑌦𑌿𑌶𑌤𑍁 𑌮𑍇

𑌶𑌂 𑌬𑌾𑌹𑍁𑌲𑍇𑌯 𑌶𑌶𑌿 𑌬𑌿𑌮𑍍𑌬𑌾𑌭𑌿 𑌰𑌾𑌮 𑌮𑍁𑌖 𑌸𑌮𑍍𑌬𑌾𑌧𑌿𑌤𑌾 𑌸𑍍𑌤𑌨 𑌭𑌰𑌾 ॥ 5 ॥ 𑌶𑌾 ॥

𑌦𑌾𑌸𑌾𑌯𑌮𑌾𑌨 𑌸𑍁𑌮𑌹𑌾𑌸𑌾 𑌕𑌦𑌮𑍍𑌬𑌵𑌨 𑌵𑌾𑌸𑌾 𑌕𑍁𑌸𑍁𑌮𑍍𑌭 𑌸𑍁𑌮𑌨𑍋

𑌵𑌾𑌸𑌾 𑌵𑌿𑌪𑌞𑍍𑌚𑌿 𑌕𑍃𑌤 𑌰𑌾𑌸𑌾 𑌵𑌿𑌧𑍂𑌤 𑌮𑌧𑍁 𑌮𑌾𑌸𑌾𑌰𑌵𑌿𑌨𑍍𑌦 𑌮𑌧𑍁𑌰𑌾 ।

𑌕𑌾𑌸𑌾𑌰 𑌸𑍂𑌨 𑌤𑌤𑌿 𑌭𑌾𑌸𑌾𑌭𑌿𑌰𑌾𑌮 𑌤𑌨𑍁 𑌰𑌾𑌸𑌾𑌰 𑌶𑍀𑌤 𑌕𑌰𑍁𑌣𑌾

𑌨𑌾𑌸𑌾 𑌮𑌣𑌿 𑌪𑍍𑌰𑌵𑌰 𑌭𑌾𑌸𑌾 𑌶𑌿𑌵𑌾 𑌤𑌿𑌮𑌿𑌰 𑌮𑌾𑌸𑌾𑌯𑍇 𑌦𑍁𑌪𑌰𑌤𑌿𑌮𑍍 ॥ 6 ॥ 𑌶𑌾 ॥

𑌨𑍍𑌯𑌙𑍍𑌕𑌾𑌕𑌰𑍇 𑌵𑌪𑍁𑌷𑌿 𑌕𑌙𑍍𑌕𑌾𑌲 𑌰𑌕𑍍𑌤 𑌪𑍁𑌷𑌿 𑌕𑌙𑍍𑌕𑌾𑌦𑌿 𑌪𑌕𑍍𑌷𑌿 𑌵𑌿𑌷𑌯𑍇

𑌤𑍍𑌵𑌂 𑌕𑌾𑌮𑌨𑌾 𑌮𑌯𑌸𑌿 𑌕𑌿𑌂 𑌕𑌾𑌰𑌣𑌂 𑌹𑍃𑌦𑌯 𑌪𑌙𑍍𑌕𑌾𑌰𑌿 𑌮𑍇 𑌹𑌿 𑌗𑌿𑌰𑌿𑌜𑌾𑌮𑍍 ।

𑌶𑌙𑍍𑌕𑌾𑌶𑌿𑌲𑌾 𑌨𑌿𑌶𑌿𑌤 𑌟𑌙𑍍𑌕𑌾𑌯𑌮𑌾𑌨 𑌪𑌦 𑌸𑌙𑍍𑌕𑌾𑌶𑌮𑌾𑌨 𑌸𑍁𑌮𑌨𑍋

𑌝𑌙𑍍𑌕𑌾𑌰𑌿 𑌭𑍃𑌙𑍍𑌗𑌤𑌤𑌿 𑌮𑌙𑍍𑌕𑌾𑌨𑍁𑌪𑍇𑌤 𑌶𑌶𑌿 𑌸𑌙𑍍𑌕𑌾𑌶 𑌵𑌕𑍍𑌤𑍍𑌰 𑌕𑌮𑌲𑌾𑌮𑍍 ॥ 7 ॥ 𑌶𑌾 ॥

𑌜𑌮𑍍𑌭𑌾𑌰𑌿 𑌕𑍁𑌮𑍍𑌭𑌿 𑌪𑍃𑌥𑍁 𑌕𑍁𑌮𑍍𑌭𑌾𑌪𑌹𑌾𑌸𑌿 𑌕𑍁𑌚 𑌸𑌮𑍍𑌭𑌾𑌵𑍍𑌯 𑌹𑌾𑌰 𑌲𑌤𑌿𑌕𑌾

𑌰𑌮𑍍𑌭𑌾 𑌕𑌰𑍀𑌨𑍍𑌦𑍍𑌰 𑌕𑌰 𑌦𑌮𑍍𑌭𑌾𑌪𑌹𑍋𑌰𑍁𑌗𑌤𑌿 𑌡𑌿𑌮𑍍𑌭𑌾𑌨𑍁𑌰𑌞𑍍𑌜𑌿𑌤 𑌪𑌦𑌾 ।

𑌶𑌮𑍍𑌭𑌾 𑌉𑌦𑌾𑌰 𑌪𑌰𑌿𑌰𑌮𑍍𑌭𑌾𑌙𑍍𑌕𑍁𑌰𑌤𑍍 𑌪𑍁𑌲𑌕 𑌦𑌮𑍍𑌭𑌾𑌨𑍁𑌰𑌾𑌗 𑌪𑌿𑌶𑍁𑌨𑌾

𑌶𑌂 𑌭𑌾𑌸𑍁𑌰𑌾𑌭𑌰𑌣 𑌗𑍁𑌮𑍍𑌭𑌾 𑌸𑌦𑌾 𑌦𑌿𑌶𑌤𑍁 𑌶𑍁𑌮𑍍𑌭𑌾𑌸𑍁𑌰 𑌪𑍍𑌰𑌹𑌰𑌣𑌾 ॥ 8 ॥ 𑌶𑌾 ॥

𑌦𑌾𑌕𑍍𑌷𑌾𑌯𑌣𑍀 𑌦𑌨𑍁𑌜 𑌶𑌿𑌕𑍍𑌷𑌾 𑌵𑌿𑌧𑍗 𑌵𑌿𑌕𑍃𑌤 𑌦𑍀𑌕𑍍𑌷𑌾 𑌮𑌨𑍋𑌹𑌰 𑌗𑍁𑌣𑌾

𑌭𑌿𑌕𑍍𑌷𑌾𑌶𑌿𑌨𑍋 𑌨𑌟𑌨 𑌵𑍀𑌕𑍍𑌷𑌾 𑌵𑌿𑌨𑍋𑌦 𑌮𑍁𑌖𑌿 𑌦𑌕𑍍𑌷𑌾𑌧𑍍𑌵𑌰 𑌪𑍍𑌰𑌹𑌰𑌣𑌾 ।

𑌵𑍀𑌕𑍍𑌷𑌾𑌂 𑌵𑌿𑌧𑍇𑌹𑌿 𑌮𑌯𑌿 𑌦𑌕𑍍𑌷𑌾 𑌸𑍍𑌵𑌕𑍀𑌯 𑌜𑌨 𑌪𑌕𑍍𑌷𑌾 𑌵𑌿𑌪𑌕𑍍𑌷 𑌵𑌿𑌮𑍁𑌖𑍀

𑌯𑌕𑍍𑌷𑍇𑌶 𑌸𑍇𑌵𑌿𑌤 𑌨𑌿𑌰𑌾𑌕𑍍𑌷𑍇𑌪 𑌶𑌕𑍍𑌤𑌿 𑌜𑌯 𑌲𑌕𑍍𑌷𑌾𑌵𑌧𑌾𑌨 𑌕𑌲𑌨𑌾 ॥ 9 ॥ 𑌶𑌾 ॥

𑌵𑌨𑍍𑌦𑌾𑌰𑍁 𑌲𑍋𑌕 𑌵𑌰 𑌸𑌨𑍍𑌧𑌾𑌯𑌿𑌨𑍀 𑌵𑌿𑌮𑌲 𑌕𑍁𑌨𑍍𑌦𑌾𑌵𑌦𑌾𑌤 𑌰𑌦𑌨𑌾

𑌬𑍃𑌨𑍍𑌦𑌾𑌰𑍁 𑌬𑍃𑌨𑍍𑌦 𑌮𑌣𑌿 𑌬𑍃𑌨𑍍𑌦𑌾𑌰𑌵𑌿𑌨𑍍𑌦 𑌮𑌕𑌰𑌨𑍍𑌦𑌾𑌭𑌿𑌷𑌿𑌕𑍍𑌤 𑌚𑌰𑌣𑌾 ।

𑌮𑌨𑍍𑌦𑌾𑌨𑌿𑌲𑌾 𑌕𑌲𑌿𑌤 𑌮𑌨𑍍𑌦𑌾𑌰 𑌦𑌾𑌮𑌭𑌿𑌰𑌮𑌨𑍍𑌦𑌾𑌭𑌿𑌰𑌾𑌮 𑌮𑌕𑍁𑌟𑌾

𑌮𑌨𑍍𑌦𑌾𑌕𑌿𑌨𑍀 𑌜𑌵𑌨 𑌭𑌿𑌨𑍍𑌦𑌾𑌨 𑌵𑌾𑌚𑌮𑌰𑌵𑌿𑌨𑍍𑌦𑌾𑌨𑌨𑌾 𑌦𑌿𑌶𑌤𑍁 𑌮𑍇 ॥ 10 ॥ 𑌶𑌾 ॥

𑌯𑌤𑍍𑌰𑌾𑌶𑌯𑍋 𑌲𑌗𑌤𑌿 𑌤𑌤𑍍𑌰𑌾𑌗𑌜𑌾 𑌭𑌵𑌤𑍁 𑌕𑍁𑌤𑍍𑌰𑌾𑌪𑌿 𑌨𑌿𑌸𑍍𑌤𑍁𑌲 𑌶𑍁𑌕𑌾

𑌸𑍁𑌤𑍍𑌰𑌾𑌮 𑌕𑌾𑌲 𑌮𑍁𑌖 𑌸𑌤𑍍𑌰𑌾𑌸𑌕𑌪𑍍𑌰𑌕𑌰 𑌸𑍁𑌤𑍍𑌰𑌾𑌣 𑌕𑌾𑌰𑌿 𑌚𑌰𑌣𑌾 ।

𑌛𑌤𑍍𑌰𑌾𑌨𑌿𑌲𑌾𑌤𑌿𑌰𑌯 𑌪𑌤𑍍𑌤𑍍𑌰𑌾𑌭𑌿𑌭𑌿𑌰𑌾𑌮 𑌗𑍁𑌣 𑌮𑌿𑌤𑍍𑌰𑌾𑌮𑌰𑍀 𑌸𑌮 𑌵𑌧𑍂𑌃

𑌕𑍁 𑌤𑍍𑌰𑌾𑌸𑌹𑍀𑌨 𑌮𑌣𑌿 𑌚𑌿𑌤𑍍𑌰𑌾𑌕𑍃𑌤𑌿 𑌸𑍍𑌫𑍁𑌰𑌿𑌤 𑌪𑍁𑌤𑍍𑌰𑌾𑌦𑌿 𑌦𑌾𑌨 𑌨𑌿𑌪𑍁𑌣𑌾 ॥ 11 ॥ 𑌶𑌾 ॥

𑌕𑍂𑌲𑌾𑌤𑌿𑌗𑌾𑌮𑌿 𑌭𑌯 𑌤𑍂𑌲𑌾𑌵𑌲𑌿𑌜𑍍𑌵𑌲𑌨𑌕𑍀𑌲𑌾 𑌨𑌿𑌜𑌸𑍍𑌤𑍁𑌤𑌿 𑌵𑌿𑌧𑌾

𑌕𑍋𑌲𑌾𑌹𑌲𑌕𑍍𑌷𑌪𑌿𑌤 𑌕𑌾𑌲𑌾𑌮𑌰𑍀 𑌕𑍁𑌶𑌲 𑌕𑍀𑌲𑌾𑌲 𑌪𑍋𑌷𑌣 𑌰𑌤𑌾 ।

𑌸𑍍𑌥𑍂𑌲𑌾𑌕𑍁𑌚𑍇 𑌜𑌲𑌦 𑌨𑍀𑌲𑌾𑌕𑌚𑍇 𑌕𑌲𑌿𑌤 𑌲𑍀𑌲𑌾 𑌕𑌦𑌮𑍍𑌬 𑌵𑌿𑌪𑌿𑌨𑍇

𑌶𑍂𑌲𑌾𑌯𑍁𑌧 𑌪𑍍𑌰𑌣𑌤𑌿 𑌶𑍀𑌲𑌾 𑌵𑌿𑌭𑌾𑌤𑍁 𑌹𑍃𑌦𑌿 𑌶𑍈𑌲𑌾𑌧𑌿𑌰𑌾𑌜 𑌤𑌨𑌯𑌾 ॥ 12 ॥ 𑌶𑌾 ॥

𑌇𑌨𑍍𑌧𑌾𑌨 𑌕𑍀𑌰 𑌮𑌣𑌿𑌬𑌨𑍍𑌧𑌾 𑌭𑌵𑍇 𑌹𑍃𑌦𑌯𑌬𑌨𑍍𑌧𑌾 𑌵𑌤𑍀𑌵 𑌰𑌸𑌿𑌕𑌾

𑌸𑌨𑍍𑌧𑌾𑌵𑌤𑍀 𑌭𑍁𑌵𑌨 𑌸𑌨𑍍𑌧𑌾𑌰𑌣𑍇 𑌪𑍍𑌯𑌮𑍃𑌤 𑌸𑌿𑌨𑍍𑌧𑌾𑌵𑍁𑌦𑌾𑌰 𑌨𑌿𑌲𑌯𑌾 ।

𑌗𑌨𑍍𑌧𑌾𑌨𑍁𑌭𑌾𑌵 𑌮𑍁𑌹𑍁𑌰𑌨𑍍𑌧𑌾𑌲𑌿 𑌪𑍀𑌤 𑌕𑌚 𑌬𑌨𑍍𑌧𑌾 𑌸𑌮𑌰𑍍𑌪𑌯𑌤𑍁 𑌮𑍇

𑌶𑌂 𑌧𑌾𑌮 𑌭𑌾𑌨𑍁𑌮𑌪𑌿 𑌰𑍁𑌨𑍍𑌧𑌾𑌨 𑌮𑌾𑌶𑍁 𑌪𑌦 𑌸𑌨𑍍𑌧𑌾𑌨 𑌮𑌪𑍍𑌯𑌨𑍁𑌗𑌤𑌾 ॥ 13 ॥ 𑌶𑌾 ॥

Roman (IAST) Transliteration

(kālidāsa kṛtam)

ceṭī bhavannikhila kheṭī kadambavana vāṭīṣu nāki paṭalī

koṭīra cārutara koṭī maṇīkiraṇa koṭī karambita padā |

pāṭīragandhi kucaśāṭī kavitva paripāṭīmagādhipa sutā

ghoṭīkhurādadhika dhāṭīmudāra mukha vīṭīrasena tanutām || 1 || śā ||

dvaipāyana prabhṛti śāpāyudha tridiva sopāna dhūli caraṇā

pāpāpaha svamanu jāpānulīna jana tāpāpanoda nipuṇā |

nīpālayā surabhi dhūpālakā duritakūpādudancayatumām

rūpādhikā śikhari bhūpāla vaṃśamaṇi dīpāyitā bhagavatī || 2 || śā ||

yālībhi rātmatanutālīnakṛtpriyaka pālīṣu khelati bhavā

vyālī nakulyasita cūlī bharā caraṇa dhūlī lasanmaṇigaṇā |

yālī bhṛti śravasi tālī dalaṃ vahati yālīka śobhi tilakā

sālī karotu mama kālī manaḥ svapada nālīka sevana vidhau || 3 || śā ||

bālāmṛtāṃśu nibha phālāmanā garuṇa celā nitamba phalake

kolāhala kṣapita kālāmarākuśala kīlāla śoṣaṇa raviḥ |

sthūlākuce jalada nīlākace kalita vīlā kadamba vipine

śūlāyudha praṇati śīlā dadhātu hṛdi śailādhi rāja tanayā || 4 || śā ||

kambāvatīva saviḍambā galena nava tumbābha vīṇa savidhā

bimbādharā vinata śambāyudhādi nikurumbā kadamba vipine |

ambā kuraṅga madajambāla roci riha lambālakā diśatu me

śaṃ bāhuleya śaśi bimbābhi rāma mukha sambādhitā stana bharā || 5 || śā ||

dāsāyamāna sumahāsā kadambavana vāsā kusumbha sumano

vāsā vipañci kṛta rāsā vidhūta madhu māsāravinda madhurā |

kāsāra sūna tati bhāsābhirāma tanu rāsāra śīta karuṇā

nāsā maṇi pravara bhāsā śivā timira māsāye duparatim || 6 || śā ||

nyaṅkākare vapuṣi kaṅkāla rakta puṣi kaṅkādi pakṣi viṣaye

tvaṃ kāmanā mayasi kiṃ kāraṇaṃ hṛdaya paṅkāri me hi girijām |

śaṅkāśilā niśita ṭaṅkāyamāna pada saṅkāśamāna sumano

jhaṅkāri bhṛṅgatati maṅkānupeta śaśi saṅkāśa vaktra kamalām || 7 || śā ||

jambhāri kumbhi pṛthu kumbhāpahāsi kuca sambhāvya hāra latikā

rambhā karīndra kara dambhāpahorugati ḍimbhānurañjita padā |

śambhā udāra parirambhāṅkurat pulaka dambhānurāga piśunā

śaṃ bhāsurābharaṇa gumbhā sadā diśatu śumbhāsura praharaṇā || 8 || śā ||

dākṣāyaṇī danuja śikṣā vidhau vikṛta dīkṣā manohara guṇā

bhikṣāśino naṭana vīkṣā vinoda mukhi dakṣādhvara praharaṇā |

vīkṣāṃ vidhehi mayi dakṣā svakīya jana pakṣā vipakṣa vimukhī

yakṣeśa sevita nirākṣepa śakti jaya lakṣāvadhāna kalanā || 9 || śā ||

vandāru loka vara sandhāyinī vimala kundāvadāta radanā

bṛndāru bṛnda maṇi bṛndāravinda makarandābhiṣikta caraṇā |

mandānilā kalita mandāra dāmabhiramandābhirāma makuṭā

mandākinī javana bhindāna vācamaravindānanā diśatu me || 10 || śā ||

yatrāśayo lagati tatrāgajā bhavatu kutrāpi nistula śukā

sutrāma kāla mukha satrāsakaprakara sutrāṇa kāri caraṇā |

chatrānilātiraya pattrābhibhirāma guṇa mitrāmarī sama vadhūḥ

ku trāsahīna maṇi citrākṛti sphurita putrādi dāna nipuṇā || 11 || śā ||

kūlātigāmi bhaya tūlāvalijvalanakīlā nijastuti vidhā

kolāhalakṣapita kālāmarī kuśala kīlāla poṣaṇa ratā |

sthūlākuce jalada nīlākace kalita līlā kadamba vipine

śūlāyudha praṇati śīlā vibhātu hṛdi śailādhirāja tanayā || 12 || śā ||

indhāna kīra maṇibandhā bhave hṛdayabandhā vatīva rasikā

sandhāvatī bhuvana sandhāraṇe pyamṛta sindhāvudāra nilayā |

gandhānubhāva muhurandhāli pīta kaca bandhā samarpayatu me

śaṃ dhāma bhānumapi rundhāna māśu pada sandhāna mapyanugatā || 13 || śā ||