📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌦𑌕𑌾𑌰𑌾𑌦𑌿 𑌶𑍍𑌰𑍀 𑌦𑍁𑌰𑍍𑌗𑌾 𑌸𑌹𑌸𑍍𑌰 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍
Dakaradi Shri Durga Sahasra Nama Stotram
Durga Stotram Grantha
𑌶𑍍𑌰𑍀 𑌦𑍇𑌵𑍍𑌯𑍁𑌵𑌾𑌚 ।
𑌮𑌮 𑌨𑌾𑌮 𑌸𑌹𑌸𑍍𑌰𑌂 𑌚 𑌶𑌿𑌵 𑌪𑍂𑌰𑍍𑌵𑌵𑌿𑌨𑌿𑌰𑍍𑌮𑌿𑌤𑌮𑍍 ।
𑌤𑌤𑍍𑌪𑌠𑍍𑌯𑌤𑌾𑌂 𑌵𑌿𑌧𑌾𑌨𑍇𑌨 𑌤𑌥𑌾 𑌸𑌰𑍍𑌵𑌂 𑌭𑌵𑌿𑌷𑍍𑌯𑌤𑌿 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌪𑌾𑌰𑍍𑌵𑌤𑍀 𑌦𑍇𑌵𑌿 𑌶𑍍𑌰𑌾𑌵𑌯𑌾𑌮𑌾𑌸 𑌤𑌚𑍍𑌚𑌤𑌾𑌨𑍍 ।
𑌤𑌦𑍇𑌵 𑌨𑌾𑌮𑌸𑌾𑌹𑌸𑍍𑌰𑌂 𑌦𑌕𑌾𑌰𑌾𑌦𑌿 𑌵𑌰𑌾𑌨𑌨𑍇 ॥
𑌰𑍋𑌗𑌦𑌾𑌰𑌿𑌦𑍍𑌰𑍍𑌯𑌦𑍗𑌰𑍍𑌭𑌾𑌗𑍍𑌯𑌶𑍋𑌕𑌦𑍁𑌃𑌖𑌵𑌿𑌨𑌾𑌶𑌕𑌮𑍍 ।
𑌸𑌰𑍍𑌵𑌾𑌸𑌾𑌂 𑌪𑍂𑌜𑌿𑌤𑌂 𑌨𑌾𑌮 𑌶𑍍𑌰𑍀𑌦𑍁𑌰𑍍𑌗𑌾𑌦𑍇𑌵𑌤𑌾 𑌮𑌤𑌾 ॥
𑌨𑌿𑌜𑌬𑍀𑌜𑌂 𑌭𑌵𑍇𑌦𑍍𑌬𑍀𑌜𑌂 𑌮𑌨𑍍𑌤𑍍𑌰𑌂 𑌕𑍀𑌲𑌕𑌮𑍁𑌚𑍍𑌯𑌤𑍇 ।
𑌸𑌰𑍍𑌵𑌾𑌶𑌾𑌪𑍂𑌰𑌣𑍇 𑌦𑍇𑌵𑍀 𑌵𑌿𑌨𑌿𑌯𑍋𑌗𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ॥
𑍐 𑌅𑌸𑍍𑌯 𑌶𑍍𑌰𑍀𑌦𑌕𑌾𑌰𑌾𑌦𑌿 𑌦𑍁𑌰𑍍𑌗𑌾𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌸𑍍𑌯 𑌶𑌿𑌵 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃 𑌶𑍍𑌰𑍀𑌦𑍁𑌰𑍍𑌗𑌾 𑌦𑍇𑌵𑌤𑌾 𑌦𑍁𑌂 𑌬𑍀𑌜𑌂 𑌦𑍁𑌂 𑌕𑍀𑌲𑌕𑌂 𑌦𑍁𑌃𑌖𑌦𑌾𑌰𑌿𑌦𑍍𑌰𑍍𑌯𑌰𑍋𑌗𑌶𑍋𑌕 𑌨𑌿𑌵𑍃𑌤𑍍𑌤𑍍𑌯𑌰𑍍𑌥𑌂 𑌪𑌾𑌠𑍇 𑌵𑌿𑌨𑌿𑌯𑍋𑌗𑌃 ।
𑌧𑍍𑌯𑌾𑌨𑌮𑍍
𑌵𑌿𑌦𑍍𑌯𑍁𑌦𑍍𑌦𑌾𑌮𑌸𑌮𑌪𑍍𑌰𑌭𑌾𑌂 𑌮𑍃𑌗𑌪𑌤𑌿 𑌸𑍍𑌕𑌨𑍍𑌧𑌸𑍍𑌥𑌿𑌤𑌾𑌂 𑌭𑍀𑌷𑌣𑌾𑌂
𑌕𑌨𑍍𑌯𑌾𑌭𑌿𑌃 𑌕𑌰𑌵𑌾𑌲𑌖𑍇𑌟𑌵𑌿𑌲𑌦𑍍𑌦𑌸𑍍𑌤𑌾𑌭𑌿𑌰𑌾𑌸𑍇𑌵𑌿𑌤𑌾𑌮𑍍 ।
𑌹𑌸𑍈𑌶𑍍𑌚𑌕𑍍𑌰𑌗𑌦𑌾𑌸𑌿𑌖𑍇𑌟 𑌵𑌿𑌶𑌿𑌖𑌾𑌂𑌶𑍍𑌚𑌾𑌪𑌂 𑌗𑍁𑌣𑌂 𑌤𑌰𑍍𑌜𑌨𑍀𑌂
𑌬𑌿𑌭𑍍𑌰𑌾𑌣𑌾𑌮𑌨𑌲𑌾𑌤𑍍𑌮𑌿𑌕𑌾𑌂 𑌶𑌶𑌿𑌧𑌰𑌾𑌂 𑌦𑍁𑌰𑍍𑌗𑌾𑌂 𑌤𑍍𑌰𑌿𑌨𑍇𑌤𑍍𑌰𑌾𑌂 𑌭𑌜𑍇 ॥
𑌸𑍍𑌤𑍋𑌤𑍍𑌰𑌮𑍍
𑌦𑍁𑌂 𑌦𑍁𑌰𑍍𑌗𑌾 𑌦𑍁𑌰𑍍𑌗𑌤𑌿𑌹𑌰𑌾 𑌦𑍁𑌰𑍍𑌗𑌾𑌚𑌲𑌨𑌿𑌵𑌾𑌸𑌿𑌨𑍀 ।
𑌦𑍁𑌰𑍍𑌗𑌮𑌾𑌰𑍍𑌗𑌾𑌨𑍁𑌸𑌞𑍍𑌚𑌾𑌰𑌾 𑌦𑍁𑌰𑍍𑌗𑌮𑌾𑌰𑍍𑌗𑌨𑌿𑌵𑌾𑌸𑌿𑌨𑍀 ॥ 1 ॥
𑌦𑍁𑌰𑍍𑌗𑌮𑌾𑌰𑍍𑌗𑌪𑍍𑌰𑌵𑌿𑌷𑍍𑌟𑌾 𑌚 𑌦𑍁𑌰𑍍𑌗𑌮𑌾𑌰𑍍𑌗𑌪𑍍𑌰𑌵𑍇𑌶𑌿𑌨𑍀 ।
𑌦𑍁𑌰𑍍𑌗𑌮𑌾𑌰𑍍𑌗𑌕𑍃𑌤𑌾𑌵𑌾𑌸𑌾 𑌦𑍁𑌰𑍍𑌗𑌮𑌾𑌰𑍍𑌗𑌜𑌯𑌪𑍍𑌰𑌿𑌯𑌾 ॥ 2 ॥
𑌦𑍁𑌰𑍍𑌗𑌮𑌾𑌰𑍍𑌗𑌗𑍃𑌹𑍀𑌤𑌾𑌰𑍍𑌚𑌾 𑌦𑍁𑌰𑍍𑌗𑌮𑌾𑌰𑍍𑌗𑌸𑍍𑌥𑌿𑌤𑌾𑌤𑍍𑌮𑌿𑌕𑌾 ।
𑌦𑍁𑌰𑍍𑌗𑌮𑌾𑌰𑍍𑌗𑌸𑍍𑌤𑍁𑌤𑌿𑌪𑌰𑌾 𑌦𑍁𑌰𑍍𑌗𑌮𑌾𑌰𑍍𑌗𑌸𑍍𑌮𑍃𑌤𑌿𑌃 𑌪𑌰𑌾 ॥ 3 ॥
𑌦𑍁𑌰𑍍𑌗𑌮𑌾𑌰𑍍𑌗𑌸𑌦𑌾𑌸𑍍𑌥𑌾𑌤𑍍𑌰𑍀 𑌦𑍁𑌰𑍍𑌗𑌮𑌾𑌰𑍍𑌗𑌰𑌤𑌿𑌪𑍍𑌰𑌿𑌯𑌾 ।
𑌦𑍁𑌰𑍍𑌗𑌮𑌾𑌰𑍍𑌗𑌸𑍍𑌥𑌲𑌸𑍍𑌥𑌾𑌨𑌾 𑌦𑍁𑌰𑍍𑌗𑌮𑌾𑌰𑍍𑌗𑌵𑌿𑌲𑌾𑌸𑌿𑌨𑍀 ॥ 4 ॥
𑌦𑍁𑌰𑍍𑌗𑌮𑌾𑌰𑍍𑌗𑌤𑍍𑌯𑌕𑍍𑌤𑌵𑌸𑍍𑌤𑍍𑌰𑌾 𑌦𑍁𑌰𑍍𑌗𑌮𑌾𑌰𑍍𑌗𑌪𑍍𑌰𑌵𑌰𑍍𑌤𑌿𑌨𑍀 ।
𑌦𑍁𑌰𑍍𑌗𑌾𑌸𑍁𑌰𑌨𑌿𑌹𑌨𑍍𑌤𑍍𑌰𑍀 𑌚 𑌦𑍁𑌰𑍍𑌗𑌾𑌸𑍁𑌰𑌨𑌿𑌷𑍂𑌦𑌿𑌨𑍀 ॥ 5 ॥
𑌦𑍁𑌰𑍍𑌗𑌾𑌸𑍁𑌰𑌹𑌰𑌾 𑌦𑍂𑌤𑍀 𑌦𑍁𑌰𑍍𑌗𑌾𑌸𑍁𑌰𑌵𑌿𑌨𑌾𑌶𑌿𑌨𑍀 ।
𑌦𑍁𑌰𑍍𑌗𑌾𑌸𑍁𑌰𑌵𑌧𑍋𑌨𑍍𑌮𑌤𑍍𑌤𑌾 𑌦𑍁𑌰𑍍𑌗𑌾𑌸𑍁𑌰𑌵𑌧𑍋𑌤𑍍𑌸𑍁𑌕𑌾 ॥ 6 ॥
𑌦𑍁𑌰𑍍𑌗𑌾𑌸𑍁𑌰𑌵𑌧𑍋𑌤𑍍𑌸𑌾𑌹𑌾 𑌦𑍁𑌰𑍍𑌗𑌾𑌸𑍁𑌰𑌵𑌧𑍋𑌦𑍍𑌯𑌤𑌾 ।
𑌦𑍁𑌰𑍍𑌗𑌾𑌸𑍁𑌰𑌵𑌧𑌪𑍍𑌰𑍇𑌪𑍍𑌸𑍁𑌃 𑌦𑍁𑌰𑍍𑌗𑌾𑌸𑍁𑌰𑌮𑍁𑌖𑌾𑌨𑍍𑌤𑌕𑍃𑌤𑍍 ॥ 7 ॥
𑌦𑍁𑌰𑍍𑌗𑌾𑌸𑍁𑌰𑌧𑍍𑌵𑌂𑌸𑌤𑍋𑌷𑌾 𑌦𑍁𑌰𑍍𑌗𑌦𑌾𑌨𑌵𑌦𑌾𑌰𑌿𑌣𑍀 ।
𑌦𑍁𑌰𑍍𑌗𑌵𑌿𑌦𑍍𑌰𑌾𑌵𑌣𑌕𑌰𑍀 𑌦𑍁𑌰𑍍𑌗𑌵𑌿𑌦𑍍𑌰𑌾𑌵𑌣𑍀 𑌸𑌦𑌾 ॥ 8 ॥
𑌦𑍁𑌰𑍍𑌗𑌵𑌿𑌕𑍍𑌷𑍋𑌭𑌣𑌕𑌰𑍀 𑌦𑍁𑌰𑍍𑌗𑌶𑍀𑌰𑍍𑌷𑌨𑌿𑌕𑍃𑌨𑍍𑌤𑌨𑍀 ।
𑌦𑍁𑌰𑍍𑌗𑌵𑌿𑌧𑍍𑌵𑌂𑌸𑌨𑌕𑌰𑍀 𑌦𑍁𑌰𑍍𑌗𑌦𑍈𑌤𑍍𑌯𑌨𑌿𑌕𑍃𑌨𑍍𑌤𑌨𑍀 ॥ 9 ॥
𑌦𑍁𑌰𑍍𑌗𑌦𑍈𑌤𑍍𑌯𑌪𑍍𑌰𑌾𑌣𑌹𑌰𑌾 𑌦𑍁𑌰𑍍𑌗𑌦𑍈𑌤𑍍𑌯𑌾𑌨𑍍𑌤𑌕𑌾𑌰𑌿𑌣𑍀 ।
𑌦𑍁𑌰𑍍𑌗𑌦𑍈𑌤𑍍𑌯𑌹𑌰𑌤𑍍𑌰𑌾𑌤𑌾 𑌦𑍁𑌰𑍍𑌗𑌦𑍈𑌤𑍍𑌯𑌾𑌸𑍃𑌗𑍁𑌨𑍍𑌮𑌦𑌾 ॥ 10 ॥
𑌦𑍁𑌰𑍍𑌗𑌦𑍈𑌤𑍍𑌯𑌾𑌶𑌨𑌕𑌰𑍀 𑌦𑍁𑌰𑍍𑌗𑌚𑌰𑍍𑌮𑌾𑌮𑍍𑌬𑌰𑌾𑌵𑍃𑌤𑌾 ।
𑌦𑍁𑌰𑍍𑌗𑌯𑍁𑌦𑍍𑌧𑍋𑌤𑍍𑌸𑌵𑌕𑌰𑍀 𑌦𑍁𑌰𑍍𑌗𑌯𑍁𑌦𑍍𑌧𑌵𑌿𑌶𑌾𑌰𑌦𑌾 ॥ 11 ॥
𑌦𑍁𑌰𑍍𑌗𑌯𑍁𑌦𑍍𑌧𑌾𑌸𑌵𑌰𑌤𑌾 𑌦𑍁𑌰𑍍𑌗𑌯𑍁𑌦𑍍𑌧𑌵𑌿𑌮𑌰𑍍𑌦𑌿𑌨𑍀 ।
𑌦𑍁𑌰𑍍𑌗𑌯𑍁𑌦𑍍𑌧𑌹𑌾𑌸𑍍𑌯𑌰𑌤𑌾 𑌦𑍁𑌰𑍍𑌗𑌯𑍁𑌦𑍍𑌧𑌾𑌟𑍍𑌟𑌹𑌾𑌸𑌿𑌨𑍀 ॥ 12 ॥
𑌦𑍁𑌰𑍍𑌗𑌯𑍁𑌦𑍍𑌧𑌮𑌹𑌾𑌮𑌤𑍍𑌤𑌾 𑌦𑍁𑌰𑍍𑌗𑌯𑍁𑌦𑍍𑌧𑌾𑌨𑍁𑌸𑌾𑌰𑌿𑌣𑍀 ।
𑌦𑍁𑌰𑍍𑌗𑌯𑍁𑌦𑍍𑌧𑍋𑌤𑍍𑌸𑌵𑍋𑌤𑍍𑌸𑌾𑌹𑌾 𑌦𑍁𑌰𑍍𑌗𑌦𑍇𑌶𑌨𑌿𑌷𑍇𑌵𑌿𑌣𑍀 ॥ 13 ॥
𑌦𑍁𑌰𑍍𑌗𑌦𑍇𑌶𑌵𑌾𑌸𑌰𑌤𑌾 𑌦𑍁𑌰𑍍𑌗𑌦𑍇𑌶𑌵𑌿𑌲𑌾𑌸𑌿𑌨𑍀 ।
𑌦𑍁𑌰𑍍𑌗𑌦𑍇𑌶𑌾𑌰𑍍𑌚𑌨𑌰𑌤𑌾 𑌦𑍁𑌰𑍍𑌗𑌦𑍇𑌶𑌜𑌨𑌪𑍍𑌰𑌿𑌯𑌾 ॥ 14 ॥
𑌦𑍁𑌰𑍍𑌗𑌮𑌸𑍍𑌥𑌾𑌨𑌸𑌂𑌸𑍍𑌥𑌾𑌨𑌾 𑌦𑍁𑌰𑍍𑌗𑌮𑌧𑍍𑌯𑌾𑌨𑍁𑌸𑌾𑌧𑌨𑌾 ।
𑌦𑍁𑌰𑍍𑌗𑌮𑌾 𑌦𑍁𑌰𑍍𑌗𑌮𑌧𑍍𑌯𑌾𑌨𑌾 𑌦𑍁𑌰𑍍𑌗𑌮𑌾𑌤𑍍𑌮𑌸𑍍𑌵𑌰𑍂𑌪𑌿𑌣𑍀 ॥ 15 ॥
𑌦𑍁𑌰𑍍𑌗𑌮𑌾𑌗𑌮𑌸𑌨𑍍𑌧𑌾𑌨𑌾 𑌦𑍁𑌰𑍍𑌗𑌮𑌾𑌗𑌮𑌸𑌂𑌸𑍍𑌤𑍁𑌤𑌾 ।
𑌦𑍁𑌰𑍍𑌗𑌮𑌾𑌗𑌮𑌦𑍁𑌰𑍍𑌜𑍍𑌞𑍇𑌯𑌾 𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌸𑌮𑍍𑌮𑌤𑌾 ॥ 16 ॥
𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌮𑌾𑌨𑍍𑌯𑌾 𑌚 𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌪𑍂𑌜𑌿𑌤𑌾 ।
𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌸𑍁𑌪𑍍𑌰𑍀𑌤𑌾 𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌹𑌰𑍍𑌷𑌦𑌾 ॥ 17 ॥
𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌸𑌂𑌸𑍍𑌥𑌾𑌨𑌾 𑌦𑍁𑌰𑍍𑌗𑌮𑌶𑍍𑌰𑍁𑌤𑌿𑌮𑌾𑌨𑌿𑌤𑌾 ।
𑌦𑍁𑌰𑍍𑌗𑌮𑌾𑌚𑌾𑌰𑌸𑌨𑍍𑌤𑍁𑌷𑍍𑌟𑌾 𑌦𑍁𑌰𑍍𑌗𑌮𑌾𑌚𑌾𑌰𑌤𑍋𑌷𑌿𑌤𑌾 ॥ 18 ॥
𑌦𑍁𑌰𑍍𑌗𑌮𑌾𑌚𑌾𑌰𑌨𑌿𑌰𑍍𑌵𑍃𑌤𑍍𑌤𑌾 𑌦𑍁𑌰𑍍𑌗𑌮𑌾𑌚𑌾𑌰𑌪𑍂𑌜𑌿𑌤𑌾 ।
𑌦𑍁𑌰𑍍𑌗𑌮𑌾𑌚𑌾𑌰𑌕𑌲𑌿𑌤𑌾 𑌦𑍁𑌰𑍍𑌗𑌮𑌸𑍍𑌥𑌾𑌨𑌦𑌾𑌯𑌿𑌨𑍀 ॥ 19 ॥
𑌦𑍁𑌰𑍍𑌗𑌮𑌪𑍍𑌰𑍇𑌮𑌨𑌿𑌰𑌤𑌾 𑌦𑍁𑌰𑍍𑌗𑌮𑌦𑍍𑌰𑌵𑌿𑌣𑌪𑍍𑌰𑌦𑌾 ।
𑌦𑍁𑌰𑍍𑌗𑌮𑌾𑌮𑍍𑌬𑍁𑌜𑌮𑌧𑍍𑌯𑌸𑍍𑌥𑌾 𑌦𑍁𑌰𑍍𑌗𑌮𑌾𑌮𑍍𑌬𑍁𑌜𑌵𑌾𑌸𑌿𑌨𑍀 ॥ 20 ॥
𑌦𑍁𑌰𑍍𑌗𑌨𑌾𑌡𑍀𑌮𑌾𑌰𑍍𑌗𑌗𑌤𑌿𑌰𑍍𑌦𑍁𑌰𑍍𑌗𑌨𑌾𑌡𑍀𑌪𑍍𑌰𑌚𑌾𑌰𑌿𑌣𑍀 ।
𑌦𑍁𑌰𑍍𑌗𑌨𑌾𑌡𑍀𑌪𑌦𑍍𑌮𑌰𑌤𑌾 𑌦𑍁𑌰𑍍𑌗𑌨𑌾𑌡𑍍𑌯𑌮𑍍𑌬𑍁𑌜𑌸𑍍𑌥𑌿𑌤𑌾 ॥ 21 ॥
𑌦𑍁𑌰𑍍𑌗𑌨𑌾𑌡𑍀𑌗𑌤𑌾𑌯𑌾𑌤𑌾 𑌦𑍁𑌰𑍍𑌗𑌨𑌾𑌡𑍀𑌕𑍃𑌤𑌾𑌸𑍍𑌪𑌦𑌾 ।
𑌦𑍁𑌰𑍍𑌗𑌨𑌾𑌡𑍀𑌰𑌤𑌰𑌤𑌾 𑌦𑍁𑌰𑍍𑌗𑌨𑌾𑌡𑍀𑌶𑌸𑌂𑌸𑍍𑌤𑍁𑌤𑌾 ॥ 22 ॥
𑌦𑍁𑌰𑍍𑌗𑌨𑌾𑌡𑍀𑌶𑍍𑌵𑌰𑌰𑌤𑌾 𑌦𑍁𑌰𑍍𑌗𑌨𑌾𑌡𑍀𑌶𑌚𑍁𑌮𑍍𑌬𑌿𑌤𑌾 ।
𑌦𑍁𑌰𑍍𑌗𑌨𑌾𑌡𑍀𑌶𑌕𑍍𑌰𑍋𑌡𑌸𑍍𑌥𑌾 𑌦𑍁𑌰𑍍𑌗𑌨𑌾𑌡𑍍𑌯𑌤𑍍𑌥𑌿𑌤𑍋𑌤𑍍𑌸𑍁𑌕𑌾 ॥ 23 ॥
𑌦𑍁𑌰𑍍𑌗𑌨𑌾𑌡𑍍𑌯𑌾𑌰𑍋𑌹𑌣𑌾 𑌚 𑌦𑍁𑌰𑍍𑌗𑌨𑌾𑌡𑍀𑌨𑌿𑌷𑍇𑌵𑌿𑌤𑌾 ।
𑌦𑌰𑌿𑌸𑍍𑌥𑌾𑌨𑌾 𑌦𑌰𑌿𑌸𑍍𑌥𑌾𑌨𑌵𑌾𑌸𑌿𑌨𑍀 𑌦𑌨𑍁𑌜𑌾𑌨𑍍𑌤𑌕𑍃𑌤𑍍 ॥ 24 ॥
𑌦𑌰𑍀𑌕𑍃𑌤𑌤𑌪𑌸𑍍𑌯𑌾 𑌚 𑌦𑌰𑍀𑌕𑍃𑌤𑌹𑌰𑌾𑌰𑍍𑌚𑌨𑌾 ।
𑌦𑌰𑍀𑌜𑌾𑌪𑌿𑌤𑌦𑌿𑌷𑍍𑌟𑌾 𑌚 𑌦𑌰𑍀𑌕𑍃𑌤𑌰𑌤𑌿𑌪𑍍𑌰𑌿𑌯𑌾 ॥ 25 ॥
𑌦𑌰𑍀𑌕𑍃𑌤𑌹𑌰𑌾𑌰𑍍𑌹𑌾 𑌚 𑌦𑌰𑍀𑌕𑍍𑌰𑍀𑌡𑌿𑌤𑌪𑍁𑌤𑍍𑌰𑌿𑌕𑌾 ।
𑌦𑌰𑍀𑌸𑌨𑍍𑌦𑌰𑍍𑌶𑌨𑌰𑌤𑌾 𑌦𑌰𑍀𑌰𑍋𑌪𑌿𑌤𑌵𑍃𑌶𑍍𑌚𑌿𑌕𑌾 ॥ 26 ॥
𑌦𑌰𑍀𑌗𑍁𑌪𑍍𑌤𑌿𑌕𑍗𑌤𑍁𑌕𑌾𑌢𑍍𑌯𑌾 𑌦𑌰𑍀𑌭𑍍𑌰𑌮𑌣𑌤𑌤𑍍𑌪𑌰𑌾 ।
𑌦𑌨𑍁𑌜𑌾𑌨𑍍𑌤𑌕𑌰𑍀 𑌦𑍀𑌨𑌾 𑌦𑌨𑍁𑌸𑌨𑍍𑌤𑌾𑌨𑌦𑌾𑌰𑌿𑌣𑍀 ॥ 27 ॥
𑌦𑌨𑍁𑌜𑌧𑍍𑌵𑌂𑌸𑌿𑌨𑍀 𑌦𑍂𑌨𑌾 𑌦𑌨𑍁𑌜𑍇𑌨𑍍𑌦𑍍𑌰𑌵𑌿𑌨𑌾𑌶𑌿𑌨𑍀 ।
𑌦𑌾𑌨𑌵𑌧𑍍𑌵𑌂𑌸𑌿𑌨𑍀 𑌦𑍇𑌵𑍀 𑌦𑌾𑌨𑌵𑌾𑌨𑌾𑌂 𑌭𑌯𑌙𑍍𑌕𑌰𑍀 ॥ 28 ॥
𑌦𑌾𑌨𑌵𑍀 𑌦𑌾𑌨𑌵𑌾𑌰𑌾𑌧𑍍𑌯𑌾 𑌦𑌾𑌨𑌵𑍇𑌨𑍍𑌦𑍍𑌰𑌵𑌰𑌪𑍍𑌰𑌦𑌾 ।
𑌦𑌾𑌨𑌵𑍇𑌨𑍍𑌦𑍍𑌰𑌨𑌿𑌹𑌨𑍍𑌤𑍍𑌰𑍀 𑌚 𑌦𑌾𑌨𑌵𑌦𑍍𑌵𑍇𑌷𑌿𑌣𑍀𑌸𑌤𑍀 ॥ 29 ॥
𑌦𑌾𑌨𑌵𑌾𑌰𑌿𑌪𑍍𑌰𑍇𑌮𑌰𑌤𑌾 𑌦𑌾𑌨𑌵𑌾𑌰𑌿𑌪𑍍𑌰𑌪𑍂𑌜𑌿𑌤𑌾 ।
𑌦𑌾𑌨𑌵𑌾𑌰𑌿𑌕𑍃𑌤𑌾𑌰𑍍𑌚𑌾 𑌚 𑌦𑌾𑌨𑌵𑌾𑌰𑌿𑌵𑌿𑌭𑍂𑌤𑌿𑌦𑌾 ॥ 30 ॥
𑌦𑌾𑌨𑌵𑌾𑌰𑌿𑌮𑌹𑌾𑌨𑌨𑍍𑌦𑌾 𑌦𑌾𑌨𑌵𑌾𑌰𑌿𑌰𑌤𑌿𑌪𑍍𑌰𑌿𑌯𑌾 ।
𑌦𑌾𑌨𑌵𑌾𑌰𑌿𑌦𑌾𑌨𑌰𑌤𑌾 𑌦𑌾𑌨𑌵𑌾𑌰𑌿𑌕𑍃𑌤𑌾𑌸𑍍𑌪𑌦𑌾 ॥ 31 ॥
𑌦𑌾𑌨𑌵𑌾𑌰𑌿𑌸𑍍𑌤𑍁𑌤𑌿𑌰𑌤𑌾 𑌦𑌾𑌨𑌵𑌾𑌰𑌿𑌸𑍍𑌮𑍃𑌤𑌿𑌪𑍍𑌰𑌿𑌯𑌾 ।
𑌦𑌾𑌨𑌵𑌾𑌰𑍍𑌯𑌾𑌹𑌾𑌰𑌰𑌤𑌾 𑌦𑌾𑌨𑌵𑌾𑌰𑌿𑌪𑍍𑌰𑌬𑍋𑌧𑌿𑌨𑍀 ॥ 32 ॥
𑌦𑌾𑌨𑌵𑌾𑌰𑌿𑌧𑍃𑌤𑌪𑍍𑌰𑍇𑌮𑌾 𑌦𑍁𑌃𑌖𑌶𑍋𑌕𑌵𑌿𑌮𑍋𑌚𑌨𑍀 ।
𑌦𑍁𑌃𑌖𑌹𑌨𑍍𑌤𑍍𑌰𑍀 𑌦𑍁𑌃𑌖𑌦𑌾𑌤𑍍𑌰𑍀 𑌦𑍁𑌃𑌖𑌨𑌿𑌰𑍍𑌮𑍂𑌲𑌕𑌾𑌰𑌿𑌣𑍀 ॥ 33 ॥
𑌦𑍁𑌃𑌖𑌨𑌿𑌰𑍍𑌮𑍂𑌲𑌨𑌕𑌰𑍀 𑌦𑍁𑌃𑌖𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀 । [𑌦𑌾𑌰𑍍𑌯𑌰𑌿𑌨𑌾𑌶𑌿𑌨𑍀]
𑌦𑍁𑌃𑌖𑌹𑌰𑌾 𑌦𑍁𑌃𑌖𑌨𑌾𑌶𑌾 𑌦𑍁𑌃𑌖𑌗𑍍𑌰𑌾𑌮𑌾 𑌦𑍁𑌰𑌾𑌸𑌦𑌾 ॥ 34 ॥
𑌦𑍁𑌃𑌖𑌹𑍀𑌨𑌾 𑌦𑍁𑌃𑌖𑌦𑍂𑌰𑌾 𑌦𑍍𑌰𑌵𑌿𑌣𑌾𑌚𑌾𑌰𑌦𑌾𑌯𑌿𑌨𑍀 ।
𑌦𑍍𑌰𑌵𑌿𑌣𑍋𑌤𑍍𑌸𑌰𑍍𑌗𑌸𑌨𑍍𑌤𑍁𑌷𑍍𑌟𑌾 𑌦𑍍𑌰𑌵𑌿𑌣𑌤𑍍𑌯𑌾𑌗𑌤𑍋𑌷𑌿𑌤𑌾 ॥ 35 ॥
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌸𑌨𑍍𑌤𑍁𑌷𑍍𑌟𑌾 𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌮𑌾𑌨𑌦𑌾 ।
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌹𑌰𑍍𑌷𑌾𑌢𑍍𑌯𑌾 𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌤𑍁𑌷𑍍𑌟𑌿𑌦𑌾 ॥ 36 ॥
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌨𑌕𑌰𑍀 𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌨𑌾𑌤𑍁𑌰𑌾 ।
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌨𑍋𑌤𑍍𑌸𑌾𑌹𑌾 𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌸𑌾𑌧𑌿𑌤𑌾 ॥ 37 ॥
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌨𑌮𑌤𑌾 𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌪𑍁𑌤𑍍𑌰𑌿𑌕𑌾 ।
𑌦𑍍𑌰𑌵𑌿𑌣𑌸𑍍𑌪𑌰𑍍𑌶𑌰𑌕𑍍𑌷𑌿𑌣𑍀 𑌦𑍍𑌰𑌵𑌿𑌣𑌸𑍍𑌤𑍋𑌮𑌦𑌾𑌯𑌿𑌨𑍀 ॥ 38 ॥
𑌦𑍍𑌰𑌵𑌿𑌣𑌾𑌕𑌰𑍍𑌷𑌣𑌕𑌰𑍀 𑌦𑍍𑌰𑌵𑌿𑌣𑍗𑌘𑌵𑌿𑌸𑌰𑍍𑌜𑌨𑍀 ।
𑌦𑍍𑌰𑌵𑌿𑌣𑌾𑌚𑌲𑌦𑌾𑌨𑌾𑌢𑍍𑌯𑌾 𑌦𑍍𑌰𑌵𑌿𑌣𑌾𑌚𑌲𑌵𑌾𑌸𑌿𑌨𑍀 ॥ 39 ॥
𑌦𑍀𑌨𑌮𑌾𑌤𑌾 𑌦𑍀𑌨𑌬𑌨𑍍𑌧𑍁𑌰𑍍𑌦𑍀𑌨𑌵𑌿𑌘𑍍𑌨𑌵𑌿𑌨𑌾𑌶𑌿𑌨𑍀 ।
𑌦𑍀𑌨𑌸𑍇𑌵𑍍𑌯𑌾 𑌦𑍀𑌨𑌸𑌿𑌦𑍍𑌧𑌾 𑌦𑍀𑌨𑌸𑌾𑌧𑍍𑌯𑌾 𑌦𑌿𑌗𑌮𑍍𑌬𑌰𑍀 ॥ 40 ॥
𑌦𑍀𑌨𑌗𑍇𑌹𑌕𑍃𑌤𑌾𑌨𑌨𑍍𑌦𑌾 𑌦𑍀𑌨𑌗𑍇𑌹𑌵𑌿𑌲𑌾𑌸𑌿𑌨𑍀 ।
𑌦𑍀𑌨𑌭𑌾𑌵𑌪𑍍𑌰𑍇𑌮𑌰𑌤𑌾 𑌦𑍀𑌨𑌭𑌾𑌵𑌵𑌿𑌨𑍋𑌦𑌿𑌨𑍀 ॥ 41 ॥
𑌦𑍀𑌨𑌮𑌾𑌨𑌵𑌚𑍇𑌤𑌃𑌸𑍍𑌥𑌾 𑌦𑍀𑌨𑌮𑌾𑌨𑌵𑌹𑌰𑍍𑌷𑌦𑌾 ।
𑌦𑍀𑌨𑌦𑍈𑌨𑍍𑌯𑌵𑌿𑌘𑌾𑌤𑍇𑌚𑍍𑌛𑍁𑌰𑍍𑌦𑍀𑌨𑌦𑍍𑌰𑌵𑌿𑌣𑌦𑌾𑌯𑌿𑌨𑍀 ॥ 42 ॥
𑌦𑍀𑌨𑌸𑌾𑌧𑌨𑌸𑌨𑍍𑌤𑍁𑌷𑍍𑌟𑌾 𑌦𑍀𑌨𑌦𑌰𑍍𑌶𑌨𑌦𑌾𑌯𑌿𑌨𑍀 ।
𑌦𑍀𑌨𑌪𑍁𑌤𑍍𑌰𑌾𑌦𑌿𑌦𑌾𑌤𑍍𑌰𑍀 𑌚 𑌦𑍀𑌨𑌸𑌮𑍍𑌯𑌗𑍍𑌵𑌿𑌧𑌾𑌯𑌿𑌨𑍀 ॥ 43 ॥
𑌦𑌤𑍍𑌤𑌾𑌤𑍍𑌰𑍇𑌯𑌧𑍍𑌯𑌾𑌨𑌰𑌤𑌾 𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑌪𑍂𑌜𑌿𑌤𑌾 ।
𑌦𑌤𑍍𑌤𑌾𑌤𑍍𑌰𑍇𑌯𑌰𑍍𑌷𑌿𑌸𑌂𑌸𑌿𑌦𑍍𑌧𑌾 𑌦𑌤𑍍𑌤𑌾𑌤𑍍𑌰𑍇𑌯𑌵𑌿𑌭𑌾𑌵𑌿𑌤𑌾 ॥ 44 ॥
𑌦𑌤𑍍𑌤𑌾𑌤𑍍𑌰𑍇𑌯𑌕𑍃𑌤𑌾𑌰𑍍𑌹𑌾 𑌚 𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑌸𑌾𑌦𑌿𑌤𑌾 ।
𑌦𑌤𑍍𑌤𑌾𑌤𑍍𑌰𑍇𑌯𑌹𑌰𑍍𑌷𑌦𑌾𑌤𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯𑌸𑍁𑌖𑌪𑍍𑌰𑌦𑌾 ॥ 45 ॥
𑌦𑌤𑍍𑌤𑌾𑌤𑍍𑌰𑍇𑌯𑌸𑍍𑌤𑍁𑌤𑌾 𑌚𑍈𑌵 𑌦𑌤𑍍𑌤𑌾𑌤𑍍𑌰𑍇𑌯𑌨𑍁𑌤𑌾𑌸𑌦𑌾 ।
𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑍇𑌮𑌰𑌤𑌾 𑌦𑌤𑍍𑌤𑌾𑌤𑍍𑌰𑍇𑌯𑌾𑌨𑍁𑌮𑌾𑌨𑌿𑌤𑌾 ॥ 46 ॥
𑌦𑌤𑍍𑌤𑌾𑌤𑍍𑌰𑍇𑌯𑌸𑌮𑍁𑌦𑍍𑌗𑍀𑌤𑌾 𑌦𑌤𑍍𑌤𑌾𑌤𑍍𑌰𑍇𑌯𑌕𑍁𑌟𑍁𑌮𑍍𑌬𑌿𑌨𑍀 ।
𑌦𑌤𑍍𑌤𑌾𑌤𑍍𑌰𑍇𑌯𑌪𑍍𑌰𑌾𑌣𑌤𑍁𑌲𑍍𑌯𑌾 𑌦𑌤𑍍𑌤𑌾𑌤𑍍𑌰𑍇𑌯𑌶𑌰𑍀𑌰𑌿𑌣𑍀 ॥ 47 ॥
𑌦𑌤𑍍𑌤𑌾𑌤𑍍𑌰𑍇𑌯𑌕𑍃𑌤𑌾𑌨𑌨𑍍𑌦𑌾 𑌦𑌤𑍍𑌤𑌾𑌤𑍍𑌰𑍇𑌯𑌾𑌂𑌶𑌸𑌮𑍍𑌭𑌵𑌾 ।
𑌦𑌤𑍍𑌤𑌾𑌤𑍍𑌰𑍇𑌯𑌵𑌿𑌭𑍂𑌤𑌿𑌸𑍍𑌥𑌾 𑌦𑌤𑍍𑌤𑌾𑌤𑍍𑌰𑍇𑌯𑌾𑌨𑍁𑌸𑌾𑌰𑌿𑌣𑍀 ॥ 48 ॥
𑌦𑌤𑍍𑌤𑌾𑌤𑍍𑌰𑍇𑌯𑌗𑍀𑌤𑌿𑌰𑌤𑌾 𑌦𑌤𑍍𑌤𑌾𑌤𑍍𑌰𑍇𑌯𑌧𑌨𑌪𑍍𑌰𑌦𑌾 ।
𑌦𑌤𑍍𑌤𑌾𑌤𑍍𑌰𑍇𑌯𑌦𑍁𑌃𑌖𑌹𑌰𑌾 𑌦𑌤𑍍𑌤𑌾𑌤𑍍𑌰𑍇𑌯𑌵𑌰𑌪𑍍𑌰𑌦𑌾 ॥ 49 ॥
𑌦𑌤𑍍𑌤𑌾𑌤𑍍𑌰𑍇𑌯𑌜𑍍𑌞𑌾𑌨𑌦𑌾𑌤𑍍𑌰𑍀 𑌦𑌤𑍍𑌤𑌾𑌤𑍍𑌰𑍇𑌯𑌭𑌯𑌾𑌪𑌹𑌾 ।
𑌦𑍇𑌵𑌕𑌨𑍍𑌯𑌾 𑌦𑍇𑌵𑌮𑌾𑌨𑍍𑌯𑌾 𑌦𑍇𑌵𑌦𑍁𑌃𑌖𑌵𑌿𑌨𑌾𑌶𑌿𑌨𑍀 ॥ 50 ॥
𑌦𑍇𑌵𑌸𑌿𑌦𑍍𑌧𑌾 𑌦𑍇𑌵𑌪𑍂𑌜𑍍𑌯𑌾 𑌦𑍇𑌵𑍇𑌜𑍍𑌯𑌾 𑌦𑍇𑌵𑌵𑌨𑍍𑌦𑌿𑌤𑌾 ।
𑌦𑍇𑌵𑌮𑌾𑌨𑍍𑌯𑌾 𑌦𑍇𑌵𑌧𑌨𑍍𑌯𑌾 𑌦𑍇𑌵𑌵𑌿𑌘𑍍𑌨𑌵𑌿𑌨𑌾𑌶𑌿𑌨𑍀 ॥ 51 ॥
𑌦𑍇𑌵𑌰𑌮𑍍𑌯𑌾 𑌦𑍇𑌵𑌰𑌤𑌾 𑌦𑍇𑌵𑌕𑍗𑌤𑍁𑌕𑌤𑌤𑍍𑌪𑌰𑌾 ।
𑌦𑍇𑌵𑌕𑍍𑌰𑍀𑌡𑌾 𑌦𑍇𑌵𑌵𑍍𑌰𑍀𑌡𑌾 𑌦𑍇𑌵𑌵𑍈𑌰𑌿𑌵𑌿𑌨𑌾𑌶𑌿𑌨𑍀 ॥ 52 ॥
𑌦𑍇𑌵𑌕𑌾𑌮𑌾 𑌦𑍇𑌵𑌰𑌾𑌮𑌾 𑌦𑍇𑌵𑌦𑍍𑌵𑌿𑌷𑌵𑌿𑌨𑌾𑌶𑌿𑌨𑍀 ।
𑌦𑍇𑌵𑌦𑍇𑌵𑌪𑍍𑌰𑌿𑌯𑌾 𑌦𑍇𑌵𑍀 𑌦𑍇𑌵𑌦𑌾𑌨𑌵𑌵𑌨𑍍𑌦𑌿𑌤𑌾 ॥ 53 ॥
𑌦𑍇𑌵𑌦𑍇𑌵𑌰𑌤𑌾𑌨𑌨𑍍𑌦𑌾 𑌦𑍇𑌵𑌦𑍇𑌵𑌵𑌰𑍋𑌤𑍍𑌸𑍁𑌕𑌾 ।
𑌦𑍇𑌵𑌦𑍇𑌵𑌪𑍍𑌰𑍇𑌮𑌰𑌤𑌾 𑌦𑍇𑌵𑌦𑍇𑌵𑌪𑍍𑌰𑌿𑌯𑌂𑌵𑌦𑌾 ॥ 54 ॥
𑌦𑍇𑌵𑌦𑍇𑌵𑌪𑍍𑌰𑌾𑌣𑌤𑍁𑌲𑍍𑌯𑌾 𑌦𑍇𑌵𑌦𑍇𑌵𑌨𑌿𑌤𑌮𑍍𑌬𑌿𑌨𑍀 ।
𑌦𑍇𑌵𑌦𑍇𑌵𑌹𑍃𑌤𑌮𑌨𑌾 𑌦𑍇𑌵𑌦𑍇𑌵𑌸𑍁𑌖𑌾𑌵𑌹𑌾 ॥ 55 ॥
𑌦𑍇𑌵𑌦𑍇𑌵𑌕𑍍𑌰𑍋𑌡𑌰𑌤𑌾 𑌦𑍇𑌵𑌦𑍇𑌵𑌸𑍁𑌖𑌪𑍍𑌰𑌦𑌾 ।
𑌦𑍇𑌵𑌦𑍇𑌵𑌮𑌹𑌾𑌨𑌨𑍍𑌦𑌾 𑌦𑍇𑌵𑌦𑍇𑌵𑌪𑍍𑌰𑌚𑍁𑌮𑍍𑌬𑌿𑌤𑌾 ॥ 56 ॥
𑌦𑍇𑌵𑌦𑍇𑌵𑍋𑌪𑌭𑍁𑌕𑍍𑌤𑌾 𑌚 𑌦𑍇𑌵𑌦𑍇𑌵𑌾𑌨𑍁𑌸𑍇𑌵𑌿𑌤𑌾 ।
𑌦𑍇𑌵𑌦𑍇𑌵𑌗𑌤𑌪𑍍𑌰𑌾𑌣𑌾 𑌦𑍇𑌵𑌦𑍇𑌵𑌗𑌤𑌾𑌤𑍍𑌮𑌿𑌕𑌾 ॥ 57 ॥
𑌦𑍇𑌵𑌦𑍇𑌵𑌹𑌰𑍍𑌷𑌦𑌾𑌤𑍍𑌰𑍀 𑌦𑍇𑌵𑌦𑍇𑌵𑌸𑍁𑌖𑌪𑍍𑌰𑌦𑌾 ।
𑌦𑍇𑌵𑌦𑍇𑌵𑌮𑌹𑌾𑌨𑌨𑍍𑌦𑌾 𑌦𑍇𑌵𑌦𑍇𑌵𑌵𑌿𑌲𑌾𑌸𑌿𑌨𑍀 ॥ 58 ॥
𑌦𑍇𑌵𑌦𑍇𑌵𑌧𑌰𑍍𑌮𑌪𑌤𑍍𑌨𑍀 𑌦𑍇𑌵𑌦𑍇𑌵𑌮𑌨𑍋𑌗𑌤𑌾 ।
𑌦𑍇𑌵𑌦𑍇𑌵𑌵𑌧𑍂𑌰𑍍𑌦𑍇𑌵𑍀 𑌦𑍇𑌵𑌦𑍇𑌵𑌾𑌰𑍍𑌚𑌨𑌪𑍍𑌰𑌿𑌯𑌾 ॥ 59 ॥
𑌦𑍇𑌵𑌦𑍇𑌵𑌾𑌙𑍍𑌗𑌨𑌿𑌲𑌯𑌾 𑌦𑍇𑌵𑌦𑍇𑌵𑌾𑌙𑍍𑌗𑌶𑌾𑌯𑌿𑌨𑍀 ।
𑌦𑍇𑌵𑌦𑍇𑌵𑌾𑌙𑍍𑌗𑌸𑍁𑌖𑌿𑌨𑍀 𑌦𑍇𑌵𑌦𑍇𑌵𑌾𑌙𑍍𑌗𑌵𑌾𑌸𑌿𑌨𑍀 ॥ 60 ॥
𑌦𑍇𑌵𑌦𑍇𑌵𑌾𑌙𑍍𑌗𑌭𑍂𑌷𑌾 𑌚 𑌦𑍇𑌵𑌦𑍇𑌵𑌾𑌙𑍍𑌗𑌭𑍂𑌷𑌣𑌾 ।
𑌦𑍇𑌵𑌦𑍇𑌵𑌪𑍍𑌰𑌿𑌯𑌕𑌰𑍀 𑌦𑍇𑌵𑌦𑍇𑌵𑌾𑌪𑍍𑌰𑌿𑌯𑌾𑌨𑍍𑌤𑌕𑍃𑌤𑍍 ॥ 61 ॥
𑌦𑍇𑌵𑌦𑍇𑌵𑌪𑍍𑌰𑌿𑌯𑌪𑍍𑌰𑌾𑌣𑌾 𑌦𑍇𑌵𑌦𑍇𑌵𑌪𑍍𑌰𑌿𑌯𑌾𑌤𑍍𑌮𑌿𑌕𑌾 ।
𑌦𑍇𑌵𑌦𑍇𑌵𑌾𑌰𑍍𑌚𑌕𑌪𑍍𑌰𑌾𑌣𑌾 𑌦𑍇𑌵𑌦𑍇𑌵𑌾𑌰𑍍𑌚𑌕𑌪𑍍𑌰𑌿𑌯𑌾 ॥ 62 ॥
𑌦𑍇𑌵𑌦𑍇𑌵𑌾𑌰𑍍𑌚𑌕𑍋𑌤𑍍𑌸𑌾𑌹𑌾 𑌦𑍇𑌵𑌦𑍇𑌵𑌾𑌰𑍍𑌚𑌕𑌾𑌶𑍍𑌰𑌯𑌾 ।
𑌦𑍇𑌵𑌦𑍇𑌵𑌾𑌰𑍍𑌚𑌕𑌾𑌵𑌿𑌘𑍍𑌨𑌾 𑌦𑍇𑌵𑌦𑍇𑌵𑌪𑍍𑌰𑌸𑍂𑌰𑌪𑌿 ॥ 63 ॥
𑌦𑍇𑌵𑌦𑍇𑌵𑌸𑍍𑌯 𑌜𑌨𑌨𑍀 𑌦𑍇𑌵𑌦𑍇𑌵𑌵𑌿𑌧𑌾𑌯𑌿𑌨𑍀 ।
𑌦𑍇𑌵𑌦𑍇𑌵𑌸𑍍𑌯 𑌰𑌮𑌣𑍀 𑌦𑍇𑌵𑌦𑍇𑌵𑌹𑍃𑌦𑌾𑌶𑍍𑌰𑌯𑌾 ॥ 64 ॥
𑌦𑍇𑌵𑌦𑍇𑌵𑍇𑌷𑍍𑌟𑌦𑍇𑌵𑍀 𑌚 𑌦𑍇𑌵𑌤𑌾𑌪𑌵𑌿𑌪𑌾𑌤𑌿𑌨𑍀 । [𑌤𑌾𑌪𑌸𑌪𑌾𑌲𑌿𑌨𑍀]
𑌦𑍇𑌵𑌤𑌾𑌭𑌾𑌵𑌸𑌨𑍍𑌤𑍁𑌷𑍍𑌟𑌾 𑌦𑍇𑌵𑌤𑌾𑌭𑌾𑌵𑌤𑍋𑌷𑌿𑌤𑌾 ॥ 65 ॥
𑌦𑍇𑌵𑌤𑌾𑌭𑌾𑌵𑌵𑌰𑌦𑌾 𑌦𑍇𑌵𑌤𑌾𑌭𑌾𑌵𑌸𑌿𑌦𑍍𑌧𑌿𑌦𑌾 ।
𑌦𑍇𑌵𑌤𑌾𑌭𑌾𑌵𑌸𑌂𑌸𑌿𑌦𑍍𑌧𑌾 𑌦𑍇𑌵𑌤𑌾𑌭𑌾𑌵𑌸𑌮𑍍𑌭𑌵𑌾 ॥ 66 ॥
𑌦𑍇𑌵𑌤𑌾𑌭𑌾𑌵𑌸𑍁𑌖𑌿𑌨𑍀 𑌦𑍇𑌵𑌤𑌾𑌭𑌾𑌵𑌵𑌨𑍍𑌦𑌿𑌤𑌾 ।
𑌦𑍇𑌵𑌤𑌾𑌭𑌾𑌵𑌸𑍁𑌪𑍍𑌰𑍀𑌤𑌾 𑌦𑍇𑌵𑌤𑌾𑌭𑌾𑌵𑌹𑌰𑍍𑌷𑌦𑌾 ॥ 67 ॥
𑌦𑍇𑌵𑌤𑌾𑌵𑌿𑌘𑍍𑌨𑌹𑌨𑍍𑌤𑍍𑌰𑍀 𑌚 𑌦𑍇𑌵𑌤𑌾𑌦𑍍𑌵𑌿𑌷𑌨𑌾𑌶𑌿𑌨𑍀 ।
𑌦𑍇𑌵𑌤𑌾𑌪𑍂𑌜𑌿𑌤𑌪𑌦𑌾 𑌦𑍇𑌵𑌤𑌾𑌪𑍍𑌰𑍇𑌮𑌤𑍋𑌷𑌿𑌤𑌾 ॥ 68 ॥
𑌦𑍇𑌵𑌤𑌾𑌗𑌾𑌰𑌨𑌿𑌲𑌯𑌾 𑌦𑍇𑌵𑌤𑌾𑌸𑍗𑌖𑍍𑌯𑌦𑌾𑌯𑌿𑌨𑍀 ।
𑌦𑍇𑌵𑌤𑌾𑌨𑌿𑌜𑌭𑌾𑌵𑌾 𑌚 𑌦𑍇𑌵𑌤𑌾𑌹𑍃𑌤𑌮𑌾𑌨𑌸𑌾 ॥ 69 ॥
𑌦𑍇𑌵𑌤𑌾𑌕𑍃𑌤𑌪𑌾𑌦𑌾𑌰𑍍𑌚𑌾 𑌦𑍇𑌵𑌤𑌾𑌹𑍃𑌤𑌭𑌕𑍍𑌤𑌿𑌕𑌾 ।
𑌦𑍇𑌵𑌤𑌾𑌗𑌰𑍍𑌵𑌮𑌧𑍍𑌯𑌸𑍍𑌥𑌾 𑌦𑍇𑌵𑌤𑌾𑌦𑍇𑌵𑌤𑌾𑌤𑌨𑍁𑌃 ॥ 70 ॥
𑌦𑍁𑌂‍𑌦𑍁𑌰𑍍𑌗𑌾𑌯𑍈 𑌨𑌮𑍋 𑌨𑌾𑌮𑍍𑌨𑍀 𑌦𑍁𑌂‍𑌷𑌣𑍍𑌮𑌨𑍍𑌤𑍍𑌰𑌸𑍍𑌵𑌰𑍂𑌪𑌿𑌣𑍀 ।
𑌦𑍂𑌨𑍍𑌨𑌮𑍋𑌮𑌨𑍍𑌤𑍍𑌰𑌰𑍂𑌪𑌾 𑌚 𑌦𑍂𑌨𑍍𑌨𑌮𑍋𑌮𑍂𑌰𑍍𑌤𑌿𑌕𑌾𑌤𑍍𑌮𑌿𑌕𑌾 ॥ 71 ॥
𑌦𑍂𑌰𑌦𑌰𑍍𑌶𑌿𑌪𑍍𑌰𑌿𑌯𑌾 𑌦𑍁𑌷𑍍𑌟𑌾 𑌦𑍁𑌷𑍍𑌟𑌭𑍂𑌤𑌨𑌿𑌷𑍇𑌵𑌿𑌤𑌾 ।
𑌦𑍂𑌰𑌦𑌰𑍍𑌶𑌿𑌪𑍍𑌰𑍇𑌮𑌰𑌤𑌾 𑌦𑍂𑌰𑌦𑌰𑍍𑌶𑌿𑌪𑍍𑌰𑌿𑌯𑌂𑌵𑌦𑌾 ॥ 72 ॥
𑌦𑍂𑌰𑌦𑌰𑍍𑌶𑌿𑌸𑌿𑌦𑍍𑌧𑌿𑌦𑌾𑌤𑍍𑌰𑍀 𑌦𑍂𑌰𑌦𑌰𑍍𑌶𑌿𑌪𑍍𑌰𑌤𑍋𑌷𑌿𑌤𑌾 ।
𑌦𑍂𑌰𑌦𑌰𑍍𑌶𑌿𑌕𑌣𑍍𑌠𑌸𑌂𑌸𑍍𑌥𑌾 𑌦𑍂𑌰𑌦𑌰𑍍𑌶𑌿𑌪𑍍𑌰𑌹𑌰𑍍𑌷𑌿𑌤𑌾 ॥ 73 ॥
𑌦𑍂𑌰𑌦𑌰𑍍𑌶𑌿𑌗𑍃𑌹𑍀𑌤𑌾𑌰𑍍𑌚𑌾 𑌦𑍂𑌰𑌦𑌰𑍍𑌶𑌿𑌪𑍍𑌰𑌤𑌰𑍍𑌪𑌿𑌤𑌾 ।
𑌦𑍂𑌰𑌦𑌰𑍍𑌶𑌿𑌪𑍍𑌰𑌾𑌣𑌤𑍁𑌲𑍍𑌯𑌾 𑌦𑍂𑌰𑌦𑌰𑍍𑌶𑌿𑌸𑍁𑌖𑌪𑍍𑌰𑌦𑌾 ॥ 74 ॥
𑌦𑍂𑌰𑌦𑌰𑍍𑌶𑌿𑌭𑍍𑌰𑌾𑌨𑍍𑌤𑌿𑌹𑌰𑌾 𑌦𑍂𑌰𑌦𑌰𑍍𑌶𑌿𑌹𑍃𑌦𑌾𑌸𑍍𑌪𑌦𑌾 ।
𑌦𑍂𑌰𑌦𑌰𑍍𑌶𑍍𑌯𑌰𑌿𑌵𑌿𑌦𑍍𑌭𑌾𑌵𑌾 𑌦𑍀𑌰𑍍𑌘𑌦𑌰𑍍𑌶𑌿𑌪𑍍𑌰𑌮𑍋𑌦𑌿𑌨𑍀 ॥ 75 ॥
𑌦𑍀𑌰𑍍𑌘𑌦𑌰𑍍𑌶𑌿𑌪𑍍𑌰𑌾𑌣𑌤𑍁𑌲𑍍𑌯𑌾 𑌦𑍀𑌰𑍍𑌘𑌦𑌰𑍍𑌶𑌿𑌵𑌰𑌪𑍍𑌰𑌦𑌾 ।
𑌦𑍀𑌰𑍍𑌘𑌦𑌰𑍍𑌶𑌿𑌹𑌰𑍍𑌷𑌦𑌾𑌤𑍍𑌰𑍀 𑌦𑍀𑌰𑍍𑌘𑌦𑌰𑍍𑌶𑌿𑌪𑍍𑌰𑌹𑌰𑍍𑌷𑌿𑌤𑌾 ॥ 76 ॥
𑌦𑍀𑌰𑍍𑌘𑌦𑌰𑍍𑌶𑌿𑌮𑌹𑌾𑌨𑌨𑍍𑌦𑌾 𑌦𑍀𑌰𑍍𑌘𑌦𑌰𑍍𑌶𑌿𑌗𑍃𑌹𑌾𑌲𑌯𑌾 ।
𑌦𑍀𑌰𑍍𑌘𑌦𑌰𑍍𑌶𑌿𑌗𑍃𑌹𑍀𑌤𑌾𑌰𑍍𑌚𑌾 𑌦𑍀𑌰𑍍𑌘𑌦𑌰𑍍𑌶𑌿𑌹𑍃𑌤𑌾𑌰𑍍𑌹𑌣𑌾 ॥ 77 ॥
𑌦𑌯𑌾 𑌦𑌾𑌨𑌵𑌤𑍀 𑌦𑌾𑌤𑍍𑌰𑍀 𑌦𑌯𑌾𑌲𑍁𑌰𑍍𑌦𑍀𑌨𑌵𑌤𑍍𑌸𑌲𑌾 ।
𑌦𑌯𑌾𑌰𑍍𑌦𑍍𑌰𑌾 𑌚 𑌦𑌯𑌾𑌶𑍀𑌲𑌾 𑌦𑌯𑌾𑌢𑍍𑌯𑌾 𑌚 𑌦𑌯𑌾𑌤𑍍𑌮𑌿𑌕𑌾 ॥ 78 ॥
𑌦𑌯𑌾𑌮𑍍𑌬𑍁𑌧𑌿𑌰𑍍𑌦𑌯𑌾𑌸𑌾𑌰𑌾 𑌦𑌯𑌾𑌸𑌾𑌗𑌰𑌪𑌾𑌰𑌗𑌾 ।
𑌦𑌯𑌾𑌸𑌿𑌨𑍍𑌧𑍁𑌰𑍍𑌦𑌯𑌾𑌭𑌾𑌰𑌾 𑌦𑌯𑌾𑌵𑌤𑍍𑌕𑌰𑍁𑌣𑌾𑌕𑌰𑍀 ॥ 80 ॥
𑌦𑌯𑌾𑌵𑌦𑍍𑌵𑌤𑍍𑌸𑌲𑌾𑌦𑍇𑌵𑍀 𑌦𑌯𑌾𑌦𑌾𑌨𑌰𑌤𑌾𑌸𑌦𑌾 ।
𑌦𑌯𑌾𑌵𑌦𑍍𑌭𑌕𑍍𑌤𑌿𑌸𑍁𑌖𑌿𑌨𑍀 𑌦𑌯𑌾𑌵𑌤𑍍𑌪𑌰𑌿𑌤𑍋𑌷𑌿𑌤𑌾 ॥ 81 ॥
𑌦𑌯𑌾𑌵𑌤𑍍𑌸𑍍𑌨𑍇𑌹𑌨𑌿𑌰𑌤𑌾 𑌦𑌯𑌾𑌵𑌤𑍍𑌪𑍍𑌰𑌤𑌿𑌪𑌾𑌦𑌿𑌕𑌾 ।
𑌦𑌯𑌾𑌵𑌤𑍍𑌪𑍍𑌰𑌾𑌣𑌕𑌰𑍍𑌤𑍍𑌰𑍀 𑌚 𑌦𑌯𑌾𑌵𑌨𑍍𑌮𑍁𑌕𑍍𑌤𑌿𑌦𑌾𑌯𑌿𑌨𑍀 ॥ 82 ॥
𑌦𑌯𑌾𑌵𑌦𑍍𑌭𑌾𑌵𑌸𑌨𑍍𑌤𑍁𑌷𑍍𑌟𑌾 𑌦𑌯𑌾𑌵𑌤𑍍𑌪𑌰𑌿𑌤𑍋𑌷𑌿𑌤𑌾 ।
𑌦𑌯𑌾𑌵𑌤𑍍𑌤𑌾𑌰𑌣𑌪𑌰𑌾 𑌦𑌯𑌾𑌵𑌤𑍍𑌸𑌿𑌦𑍍𑌧𑌿𑌦𑌾𑌯𑌿𑌨𑍀 ॥ 83 ॥
𑌦𑌯𑌾𑌵𑌤𑍍𑌪𑍁𑌤𑍍𑌰𑌵𑌦𑍍𑌭𑌾𑌵𑌾 𑌦𑌯𑌾𑌵𑌤𑍍𑌪𑍁𑌤𑍍𑌰𑌰𑍂𑌪𑌿𑌣𑍀 ।
𑌦𑌯𑌾𑌵𑌦𑍍𑌦𑍇𑌹𑌨𑌿𑌲𑌯𑌾 𑌦𑌯𑌾𑌬𑌨𑍍𑌧𑍁𑌰𑍍𑌦𑌯𑌾𑌶𑍍𑌰𑌯𑌾 ॥ 84 ॥
𑌦𑌯𑌾𑌲𑍁𑌵𑌾𑌤𑍍𑌸𑌲𑍍𑌯𑌕𑌰𑍀 𑌦𑌯𑌾𑌲𑍁𑌸𑌿𑌦𑍍𑌧𑌿𑌦𑌾𑌯𑌿𑌨𑍀 ।
𑌦𑌯𑌾𑌲𑍁𑌶𑌰𑌣𑌾𑌸𑌕𑍍𑌤𑌾 𑌦𑌯𑌾𑌲𑍁𑌰𑍍𑌦𑍇𑌹𑌮𑌨𑍍𑌦𑌿𑌰𑌾 ॥ 85 ॥
𑌦𑌯𑌾𑌲𑍁𑌭𑌕𑍍𑌤𑌿𑌭𑌾𑌵𑌸𑍍𑌥𑌾 𑌦𑌯𑌾𑌲𑍁𑌪𑍍𑌰𑌾𑌣𑌰𑍂𑌪𑌿𑌣𑍀 ।
𑌦𑌯𑌾𑌲𑍁𑌸𑍁𑌖𑌦𑌾 𑌦𑌮𑍍𑌭𑌾 𑌦𑌯𑌾𑌲𑍁𑌪𑍍𑌰𑍇𑌮𑌵𑌰𑍍𑌷𑌿𑌣𑍀 ॥ 86 ॥
𑌦𑌯𑌾𑌲𑍁𑌵𑌶𑌗𑌾 𑌦𑍀𑌰𑍍𑌘𑌾 𑌦𑍀𑌰𑍍𑌘𑌾𑌙𑍍𑌗𑍀 𑌦𑍀𑌰𑍍𑌘𑌲𑍋𑌚𑌨𑌾 ।
𑌦𑍀𑌰𑍍𑌘𑌨𑍇𑌤𑍍𑌰𑌾 𑌦𑍀𑌰𑍍𑌘𑌚𑌕𑍍𑌷𑍁𑌰𑍍𑌦𑍀𑌰𑍍𑌘𑌬𑌾𑌹𑍁𑌲𑌤𑌾𑌤𑍍𑌮𑌿𑌕𑌾 ॥ 87 ॥
𑌦𑍀𑌰𑍍𑌘𑌕𑍇𑌶𑍀 𑌦𑍀𑌰𑍍𑌘𑌮𑍁𑌖𑍀 𑌦𑍀𑌰𑍍𑌘𑌘𑍋𑌣𑌾 𑌚 𑌦𑌾𑌰𑍁𑌣𑌾 ।
𑌦𑌾𑌰𑍁𑌣𑌾𑌸𑍁𑌰𑌹𑌨𑍍𑌤𑍍𑌰𑍀 𑌚 𑌦𑌾𑌰𑍁𑌣𑌾𑌸𑍁𑌰𑌦𑌾𑌰𑌿𑌣𑍀 ॥ 88 ॥
𑌦𑌾𑌰𑍁𑌣𑌾𑌹𑌵𑌕𑌰𑍍𑌤𑍍𑌰𑍀 𑌚 𑌦𑌾𑌰𑍁𑌣𑌾𑌹𑌵𑌹𑌰𑍍𑌷𑌿𑌤𑌾 ।
𑌦𑌾𑌰𑍁𑌣𑌾𑌹𑌵𑌹𑍋𑌮𑌾𑌢𑍍𑌯𑌾 𑌦𑌾𑌰𑍁𑌣𑌾𑌚𑌲𑌨𑌾𑌶𑌿𑌨𑍀 ॥ 89 ॥
𑌦𑌾𑌰𑍁𑌣𑌾𑌚𑌾𑌰𑌨𑌿𑌰𑌤𑌾 𑌦𑌾𑌰𑍁𑌣𑍋𑌤𑍍𑌸𑌵𑌹𑌰𑍍𑌷𑌿𑌤𑌾 ।
𑌦𑌾𑌰𑍁𑌣𑍋𑌦𑍍𑌯𑌤𑌰𑍂𑌪𑌾 𑌚 𑌦𑌾𑌰𑍁𑌣𑌾𑌰𑌿𑌨𑌿𑌵𑌾𑌰𑌿𑌣𑍀 ॥ 90 ॥
𑌦𑌾𑌰𑍁𑌣𑍇𑌕𑍍𑌷𑌣𑌸𑌂𑌯𑍁𑌕𑍍𑌤𑌾 𑌦𑍋𑌶𑍍𑌚𑌤𑍁𑌷𑍍𑌕𑌵𑌿𑌰𑌾𑌜𑌿𑌤𑌾 ।
𑌦𑌶𑌦𑍋𑌷𑍍𑌕𑌾 𑌦𑌶𑌭𑍁𑌜𑌾 𑌦𑌶𑌬𑌾𑌹𑍁𑌵𑌿𑌰𑌾𑌜𑌿𑌤𑌾 ॥ 91 ॥
𑌦𑌶𑌾𑌸𑍍𑌤𑍍𑌰𑌧𑌾𑌰𑌿𑌣𑍀 𑌦𑍇𑌵𑍀 𑌦𑌶𑌦𑌿𑌕𑍍𑌖𑍍𑌯𑌾𑌤𑌵𑌿𑌕𑍍𑌰𑌮𑌾 ।
𑌦𑌶𑌰𑌥𑌾𑌰𑍍𑌚𑌿𑌤𑌪𑌦𑌾 𑌦𑌾𑌶𑌰𑌥𑌿𑌪𑍍𑌰𑌿𑌯𑌾 𑌸𑌦𑌾 ॥ 92 ॥
𑌦𑌾𑌶𑌰𑌥𑌿𑌪𑍍𑌰𑍇𑌮𑌤𑍁𑌷𑍍𑌟𑌾 𑌦𑌾𑌶𑌰𑌥𑌿𑌰𑌤𑌿𑌪𑍍𑌰𑌿𑌯𑌾 ।
𑌦𑌾𑌶𑌰𑌥𑌿𑌪𑍍𑌰𑌿𑌯𑌕𑌰𑍀 𑌦𑌾𑌶𑌰𑌥𑌿𑌪𑍍𑌰𑌿𑌯𑌂𑌵𑌦𑌾 ॥ 93 ॥
𑌦𑌾𑌶𑌰𑌥𑍀𑌷𑍍𑌟𑌸𑌨𑍍𑌦𑌾𑌤𑍍𑌰𑍀 𑌦𑌾𑌶𑌰𑌥𑍀𑌷𑍍𑌟𑌦𑍇𑌵𑌤𑌾 ।
𑌦𑌾𑌶𑌰𑌥𑌿𑌦𑍍𑌵𑍇𑌷𑌿𑌨𑌾𑌶𑌾 𑌦𑌾𑌶𑌰𑌥𑍍𑌯𑌾𑌨𑍁𑌕𑍂𑌲𑍍𑌯𑌦𑌾 ॥ 94 ॥
𑌦𑌾𑌶𑌰𑌥𑌿𑌪𑍍𑌰𑌿𑌯𑌤𑌮𑌾 𑌦𑌾𑌶𑌰𑌥𑌿𑌪𑍍𑌰𑌪𑍂𑌜𑌿𑌤𑌾 ।
𑌦𑌶𑌾𑌨𑌨𑌾𑌰𑌿𑌸𑌮𑍍𑌪𑍂𑌜𑍍𑌯𑌾 𑌦𑌶𑌾𑌨𑌨𑌾𑌰𑌿𑌦𑍇𑌵𑌤𑌾 ॥ 95 ॥
𑌦𑌶𑌾𑌨𑌨𑌾𑌰𑌿𑌪𑍍𑌰𑌮𑌦𑌾 𑌦𑌶𑌾𑌨𑌨𑌾𑌰𑌿𑌜𑌨𑍍𑌮𑌭𑍂𑌃 ।
𑌦𑌶𑌾𑌨𑌨𑌾𑌰𑌿𑌰𑌤𑌿𑌦𑌾 𑌦𑌶𑌾𑌨𑌨𑌾𑌰𑌿𑌸𑍇𑌵𑌿𑌤𑌾 ॥ 96 ॥
𑌦𑌶𑌾𑌨𑌨𑌾𑌰𑌿𑌸𑍁𑌖𑌦𑌾 𑌦𑌶𑌾𑌨𑌨𑌾𑌰𑌿𑌵𑍈𑌰𑌿𑌹𑍃𑌤𑍍 ।
𑌦𑌶𑌾𑌨𑌨𑌾𑌰𑍀𑌷𑍍𑌟𑌦𑍇𑌵𑍀 𑌦𑌶𑌗𑍍𑌰𑍀𑌵𑌾𑌰𑌿𑌵𑌨𑍍𑌦𑌿𑌤𑌾 ॥ 97 ॥
𑌦𑌶𑌗𑍍𑌰𑍀𑌵𑌾𑌰𑌿𑌜𑌨𑌨𑍀 𑌦𑌶𑌗𑍍𑌰𑍀𑌵𑌾𑌰𑌿𑌭𑌾𑌵𑌿𑌨𑍀 ।
𑌦𑌶𑌗𑍍𑌰𑍀𑌵𑌾𑌰𑌿𑌸𑌹𑌿𑌤𑌾 𑌦𑌶𑌗𑍍𑌰𑍀𑌵𑌸𑌭𑌾𑌜𑌿𑌤𑌾 ॥ 98 ॥
𑌦𑌶𑌗𑍍𑌰𑍀𑌵𑌾𑌰𑌿𑌰𑌮𑌣𑍀 𑌦𑌶𑌗𑍍𑌰𑍀𑌵𑌵𑌧𑍂𑌰𑌪𑌿 ।
𑌦𑌶𑌗𑍍𑌰𑍀𑌵𑌨𑌾𑌶𑌕𑌰𑍍𑌤𑍍𑌰𑍀 𑌦𑌶𑌗𑍍𑌰𑍀𑌵𑌵𑌰𑌪𑍍𑌰𑌦𑌾 ॥ 99 ॥
𑌦𑌶𑌗𑍍𑌰𑍀𑌵𑌪𑍁𑌰𑌸𑍍𑌥𑌾 𑌚 𑌦𑌶𑌗𑍍𑌰𑍀𑌵𑌵𑌧𑍋𑌤𑍍𑌸𑍁𑌕𑌾 ।
𑌦𑌶𑌗𑍍𑌰𑍀𑌵𑌪𑍍𑌰𑍀𑌤𑌿𑌦𑌾𑌤𑍍𑌰𑍀 𑌦𑌶𑌗𑍍𑌰𑍀𑌵𑌵𑌿𑌨𑌾𑌶𑌿𑌨𑍀 ॥ 100 ॥
𑌦𑌶𑌗𑍍𑌰𑍀𑌵𑌾𑌹𑌵𑌕𑌰𑍀 𑌦𑌶𑌗𑍍𑌰𑍀𑌵𑌾𑌨𑌪𑌾𑌯𑌿𑌨𑍀 ।
𑌦𑌶𑌗𑍍𑌰𑍀𑌵𑌪𑍍𑌰𑌿𑌯𑌾𑌵𑌨𑍍𑌦𑍍𑌯𑌾 𑌦𑌶𑌗𑍍𑌰𑍀𑌵𑌾𑌹𑍃𑌤𑌾 𑌤𑌥𑌾 ॥ 101 ॥
𑌦𑌶𑌗𑍍𑌰𑍀𑌵𑌾𑌹𑌿𑌤𑌕𑌰𑍀 𑌦𑌶𑌗𑍍𑌰𑍀𑌵𑍇𑌶𑍍𑌵𑌰𑌪𑍍𑌰𑌿𑌯𑌾 ।
𑌦𑌶𑌗𑍍𑌰𑍀𑌵𑍇𑌶𑍍𑌵𑌰𑌪𑍍𑌰𑌾𑌣𑌾 𑌦𑌶𑌗𑍍𑌰𑍀𑌵𑌵𑌰𑌪𑍍𑌰𑌦𑌾 ॥ 102 ॥
𑌦𑌶𑌗𑍍𑌰𑍀𑌵𑍇𑌶𑍍𑌵𑌰𑌰𑌤𑌾 𑌦𑌶𑌵𑌰𑍍𑌷𑍀𑌯𑌕𑌨𑍍𑌯𑌕𑌾 ।
𑌦𑌶𑌵𑌰𑍍𑌷𑍀𑌯𑌬𑌾𑌲𑌾 𑌚 𑌦𑌶𑌵𑌰𑍍𑌷𑍀𑌯𑌵𑌾𑌸𑌿𑌨𑍀 ॥ 103 ॥
𑌦𑌶𑌪𑌾𑌪𑌹𑌰𑌾 𑌦𑌮𑍍𑌯𑌾 𑌦𑌶𑌹𑌸𑍍𑌤𑌵𑌿𑌭𑍂𑌷𑌿𑌤𑌾 ।
𑌦𑌶𑌶𑌸𑍍𑌤𑍍𑌰𑌲𑌸𑌦𑍍𑌦𑍋𑌷𑍍𑌕𑌾 𑌦𑌶𑌦𑌿𑌕𑍍𑌪𑌾𑌲𑌵𑌨𑍍𑌦𑌿𑌤𑌾 ॥ 104 ॥
𑌦𑌶𑌾𑌵𑌤𑌾𑌰𑌰𑍂𑌪𑌾 𑌚 𑌦𑌶𑌾𑌵𑌤𑌾𑌰𑌰𑍂𑌪𑌿𑌣𑍀 ।
𑌦𑌶𑌵𑌿𑌦𑍍𑌯𑌾𑌭𑌿𑌨𑍍𑌨𑌦𑍇𑌵𑍀 𑌦𑌶𑌪𑍍𑌰𑌾𑌣𑌸𑍍𑌵𑌰𑍂𑌪𑌿𑌣𑍀 ॥ 105 ॥
𑌦𑌶𑌵𑌿𑌦𑍍𑌯𑌾𑌸𑍍𑌵𑌰𑍂𑌪𑌾 𑌚 𑌦𑌶𑌵𑌿𑌦𑍍𑌯𑌾𑌮𑌯𑍀 𑌤𑌥𑌾 ।
𑌦𑍃𑌕𑍍𑌸𑍍𑌵𑌰𑍂𑌪𑌾 𑌦𑍃𑌕𑍍𑌪𑍍𑌰𑌦𑌾𑌤𑍍𑌰𑍀 𑌦𑍃𑌗𑍍𑌰𑍂𑌪𑌾 𑌦𑍃𑌕𑍍𑌪𑍍𑌰𑌕𑌾𑌶𑌿𑌨𑍀 ॥ 106 ॥
𑌦𑌿𑌗𑌨𑍍𑌤𑌰𑌾 𑌦𑌿𑌗𑌨𑍍𑌤𑌸𑍍𑌥𑌾 𑌦𑌿𑌗𑌮𑍍𑌬𑌰𑌵𑌿𑌲𑌾𑌸𑌿𑌨𑍀 ।
𑌦𑌿𑌗𑌮𑍍𑌬𑌰𑌸𑌮𑌾𑌜𑌸𑍍𑌥𑌾 𑌦𑌿𑌗𑌮𑍍𑌬𑌰𑌪𑍍𑌰𑌪𑍂𑌜𑌿𑌤𑌾 ॥ 107 ॥
𑌦𑌿𑌗𑌮𑍍𑌬𑌰𑌸𑌹𑌚𑌰𑍀 𑌦𑌿𑌗𑌮𑍍𑌬𑌰𑌕𑍃𑌤𑌾𑌸𑍍𑌪𑌦𑌾 ।
𑌦𑌿𑌗𑌮𑍍𑌬𑌰𑌹𑍃𑌤𑌾𑌚𑌿𑌤𑍍𑌤𑌾 𑌦𑌿𑌗𑌮𑍍𑌬𑌰𑌕𑌥𑌾𑌪𑍍𑌰𑌿𑌯𑌾 ॥ 108 ॥
𑌦𑌿𑌗𑌮𑍍𑌬𑌰𑌗𑍁𑌣𑌰𑌤𑌾 𑌦𑌿𑌗𑌮𑍍𑌬𑌰𑌸𑍍𑌵𑌰𑍂𑌪𑌿𑌣𑍀 ।
𑌦𑌿𑌗𑌮𑍍𑌬𑌰𑌶𑌿𑌰𑍋𑌧𑌾𑌰𑍍𑌯𑌾 𑌦𑌿𑌗𑌮𑍍𑌬𑌰𑌹𑍃𑌤𑌾𑌶𑍍𑌰𑌯𑌾 ॥ 109 ॥
𑌦𑌿𑌗𑌮𑍍𑌬𑌰𑌪𑍍𑌰𑍇𑌮𑌰𑌤𑌾 𑌦𑌿𑌗𑌮𑍍𑌬𑌰𑌰𑌤𑌾𑌤𑍁𑌰𑌾 ।
𑌦𑌿𑌗𑌮𑍍𑌬𑌰𑍀𑌸𑍍𑌵𑌰𑍂𑌪𑌾 𑌚 𑌦𑌿𑌗𑌮𑍍𑌬𑌰𑍀𑌗𑌣𑌾𑌰𑍍𑌚𑌿𑌤𑌾 ॥ 110 ॥
𑌦𑌿𑌗𑌮𑍍𑌬𑌰𑍀𑌗𑌣𑌪𑍍𑌰𑌾𑌣𑌾 𑌦𑌿𑌗𑌮𑍍𑌬𑌰𑍀𑌗𑌣𑌪𑍍𑌰𑌿𑌯𑌾 ।
𑌦𑌿𑌗𑌮𑍍𑌬𑌰𑍀𑌗𑌣𑌾𑌰𑌾𑌧𑍍𑌯𑌾 𑌦𑌿𑌗𑌮𑍍𑌬𑌰𑌗𑌣𑍇𑌶𑍍𑌵𑌰𑌾 ॥ 111 ॥
𑌦𑌿𑌗𑌮𑍍𑌬𑌰𑌗𑌣𑌸𑍍𑌪𑌰𑍍𑌶𑌾𑌮𑌦𑌿𑌰𑌾𑌪𑌾𑌨𑌵𑌿𑌹𑍍𑌵𑌲𑌾 ।
𑌦𑌿𑌗𑌮𑍍𑌬𑌰𑍀𑌕𑍋𑌟𑌿𑌵𑍃𑌤𑌾 𑌦𑌿𑌗𑌮𑍍𑌬𑌰𑍀𑌗𑌣𑌾𑌵𑍃𑌤𑌾 ॥ 112 ॥
𑌦𑍁𑌰𑌨𑍍𑌤𑌾 𑌦𑍁𑌷𑍍𑌕𑍃𑌤𑌿𑌹𑌰𑌾 𑌦𑍁𑌰𑍍𑌧𑍍𑌯𑍇𑌯𑌾 𑌦𑍁𑌰𑌤𑌿𑌕𑍍𑌰𑌮𑌾 ।
𑌦𑍁𑌰𑌨𑍍𑌤𑌦𑌾𑌨𑌵𑌦𑍍𑌵𑍇𑌷𑍍𑌟𑍀 𑌦𑍁𑌰𑌨𑍍𑌤𑌦𑌨𑍁𑌜𑌾𑌨𑍍𑌤𑌕𑍃𑌤𑍍 ॥ 113 ॥
𑌦𑍁𑌰𑌨𑍍𑌤𑌪𑌾𑌪𑌹𑌨𑍍𑌤𑍍𑌰𑍀 𑌚 𑌦𑌸𑍍𑌰𑌨𑌿𑌸𑍍𑌤𑌾𑌰𑌕𑌾𑌰𑌿𑌣𑍀 ।
𑌦𑌸𑍍𑌰𑌮𑌾𑌨𑌸𑌸𑌂𑌸𑍍𑌥𑌾𑌨𑌾 𑌦𑌸𑍍𑌰𑌜𑍍𑌞𑌾𑌨𑌵𑌿𑌵𑌰𑍍𑌧𑌿𑌨𑍀 ॥ 114 ॥
𑌦𑌸𑍍𑌰𑌸𑌮𑍍𑌭𑍋𑌗𑌜𑌨𑌨𑍀 𑌦𑌸𑍍𑌰𑌸𑌮𑍍𑌭𑍋𑌗𑌦𑌾𑌯𑌿𑌨𑍀 ।
𑌦𑌸𑍍𑌰𑌸𑌮𑍍𑌭𑍋𑌗𑌭𑌵𑌨𑌾 𑌦𑌸𑍍𑌰𑌵𑌿𑌦𑍍𑌯𑌾𑌵𑌿𑌧𑌾𑌯𑌿𑌨𑍀 ॥ 115 ॥
𑌦𑌸𑍍𑌰𑍋𑌦𑍍𑌵𑍇𑌗𑌹𑌰𑌾 𑌦𑌸𑍍𑌰𑌜𑌨𑌨𑍀 𑌦𑌸𑍍𑌰𑌸𑍁𑌨𑍍𑌦𑌰𑍀 ।
𑌦𑌸𑍍𑌰𑌭𑌕𑍍𑌤𑌿𑌵𑌿𑌧𑌾𑌜𑍍𑌞𑌾𑌨𑌾 𑌦𑌸𑍍𑌰𑌦𑍍𑌵𑌿𑌷𑌵𑌿𑌨𑌾𑌶𑌿𑌨𑍀 ॥ 116 ॥
𑌦𑌸𑍍𑌰𑌾𑌪𑌕𑌾𑌰𑌦𑌮𑌨𑍀 𑌦𑌸𑍍𑌰𑌸𑌿𑌦𑍍𑌧𑌿𑌵𑌿𑌧𑌾𑌯𑌿𑌨𑍀 ।
𑌦𑌸𑍍𑌰𑌤𑌾𑌰𑌾𑌰𑌾𑌧𑌿𑌤𑌾 𑌚 𑌦𑌸𑍍𑌰𑌮𑌾𑌤𑍃𑌪𑍍𑌰𑌪𑍂𑌜𑌿𑌤𑌾 ॥ 117 ॥
𑌦𑌸𑍍𑌰𑌦𑍈𑌨𑍍𑌯𑌹𑌰𑌾 𑌚𑍈𑌵 𑌦𑌸𑍍𑌰𑌤𑌾𑌤𑌨𑌿𑌷𑍇𑌵𑌿𑌤𑌾 ।
𑌦𑌸𑍍𑌰𑌪𑌿𑌤𑍃𑌶𑌤𑌜𑍍𑌯𑍋𑌤𑌿𑌰𑍍𑌦𑌸𑍍𑌰𑌕𑍗𑌶𑌲𑌦𑌾𑌯𑌿𑌨𑍀 ॥ 118 ॥
𑌦𑌶𑌶𑍀𑌰𑍍𑌷𑌾𑌰𑌿𑌸𑌹𑌿𑌤𑌾 𑌦𑌶𑌶𑍀𑌰𑍍𑌷𑌾𑌰𑌿𑌕𑌾𑌮𑌿𑌨𑍀 ।
𑌦𑌶𑌶𑍀𑌰𑍍𑌷𑌪𑍁𑌰𑍀 𑌦𑍇𑌵𑍀 𑌦𑌶𑌶𑍀𑌰𑍍𑌷𑌸𑌭𑌾𑌜𑌿𑌤𑌾 ॥ 119 ॥
𑌦𑌶𑌶𑍀𑌰𑍍𑌷𑌾𑌰𑌿𑌸𑍁𑌪𑍍𑌰𑍀𑌤𑌾 𑌦𑌶𑌶𑍀𑌰𑍍𑌷𑌵𑌧𑍂𑌪𑍍𑌰𑌿𑌯𑌾 ।
𑌦𑌶𑌶𑍀𑌰𑍍𑌷𑌶𑌿𑌰𑌶𑍍𑌛𑍇𑌤𑍍𑌰𑍀 𑌦𑌶𑌶𑍀𑌰𑍍𑌷𑌨𑌿𑌤𑌮𑍍𑌬𑌿𑌨𑍀 ॥ 120 ॥
𑌦𑌶𑌶𑍀𑌰𑍍𑌷𑌹𑌰𑌪𑍍𑌰𑌾𑌣𑌾 𑌦𑌶𑌶𑍀𑌰𑍍𑌷𑌹𑌰𑌾𑌤𑍍𑌮𑌿𑌕𑌾 ।
𑌦𑌶𑌶𑍀𑌰𑍍𑌷𑌹𑌰𑌾𑌰𑌾𑌧𑍍𑌯𑌾 𑌦𑌶𑌶𑍀𑌰𑍍𑌷𑌾𑌰𑌿𑌵𑌨𑍍𑌦𑌿𑌤𑌾 ॥ 121 ॥
𑌦𑌶𑌶𑍀𑌰𑍍𑌷𑌾𑌰𑌿𑌸𑍁𑌖𑌦𑌾 𑌦𑌶𑌶𑍀𑌰𑍍𑌷𑌕𑌪𑌾𑌲𑌿𑌨𑍀 ।
𑌦𑌶𑌶𑍀𑌰𑍍𑌷𑌜𑍍𑌞𑌾𑌨𑌦𑌾𑌤𑍍𑌰𑍀 𑌦𑌶𑌶𑍀𑌰𑍍𑌷𑌾𑌰𑌿𑌦𑍇𑌹𑌿𑌨𑍀 ॥ 122 ॥
𑌦𑌶𑌶𑍀𑌰𑍍𑌷𑌵𑌧𑍋𑌪𑌾𑌤𑍍𑌤𑌶𑍍𑌰𑍀𑌰𑌾𑌮𑌚𑌨𑍍𑌦𑍍𑌰𑌰𑍂𑌪𑌤𑌾 ।
𑌦𑌶𑌶𑍀𑌰𑍍𑌷𑌰𑌾𑌷𑍍𑌟𑍍𑌰𑌦𑍇𑌵𑍀 𑌦𑌶𑌶𑍀𑌰𑍍𑌷𑌾𑌰𑌿𑌸𑌾𑌰𑌿𑌣𑍀 ॥ 123 ॥
𑌦𑌶𑌶𑍀𑌰𑍍𑌷𑌭𑍍𑌰𑌾𑌤𑍃𑌤𑍁𑌷𑍍𑌟𑌾 𑌦𑌶𑌶𑍀𑌰𑍍𑌷𑌵𑌧𑍂𑌪𑍍𑌰𑌿𑌯𑌾 ।
𑌦𑌶𑌶𑍀𑌰𑍍𑌷𑌵𑌧𑍂𑌪𑍍𑌰𑌾𑌣𑌾 𑌦𑌶𑌶𑍀𑌰𑍍𑌷𑌵𑌧𑍂𑌰𑌤𑌾 ॥ 124 ॥
𑌦𑍈𑌤𑍍𑌯𑌗𑍁𑌰𑍁𑌰𑌤𑌾 𑌸𑌾𑌧𑍍𑌵𑍀 𑌦𑍈𑌤𑍍𑌯𑌗𑍁𑌰𑍁𑌪𑍍𑌰𑌪𑍂𑌜𑌿𑌤𑌾 ।
𑌦𑍈𑌤𑍍𑌯𑌗𑍁𑌰𑍂𑌪𑌦𑍇𑌷𑍍𑌟𑍍𑌰𑍀 𑌚 𑌦𑍈𑌤𑍍𑌯𑌗𑍁𑌰𑍁𑌨𑌿𑌷𑍇𑌵𑌿𑌤𑌾 ॥ 125 ॥
𑌦𑍈𑌤𑍍𑌯𑌗𑍁𑌰𑍁𑌗𑌤𑌪𑍍𑌰𑌾𑌣𑌾 𑌦𑍈𑌤𑍍𑌯𑌗𑍁𑌰𑍁𑌤𑌾𑌪𑌨𑌾𑌶𑌿𑌨𑍀 ।
𑌦𑍁𑌰𑌨𑍍𑌤𑌦𑍁𑌃𑌖𑌶𑌮𑌨𑍀 𑌦𑍁𑌰𑌨𑍍𑌤𑌦𑌮𑌨𑍀𑌤𑌮𑍀 ॥ 126 ॥
𑌦𑍁𑌰𑌨𑍍𑌤𑌶𑍋𑌕𑌶𑌮𑌨𑍀 𑌦𑍁𑌰𑌨𑍍𑌤𑌰𑍋𑌗𑌨𑌾𑌶𑌿𑌨𑍀 ।
𑌦𑍁𑌰𑌨𑍍𑌤𑌵𑍈𑌰𑌿𑌦𑌮𑌨𑍀 𑌦𑍁𑌰𑌨𑍍𑌤𑌦𑍈𑌤𑍍𑌯𑌨𑌾𑌶𑌿𑌨𑍀 ॥ 127 ॥
𑌦𑍁𑌰𑌨𑍍𑌤𑌕𑌲𑍁𑌷𑌘𑍍𑌨𑍀 𑌚 𑌦𑍁𑌷𑍍𑌕𑍃𑌤𑌿𑌸𑍍𑌤𑍋𑌮𑌨𑌾𑌶𑌿𑌨𑍀 ।
𑌦𑍁𑌰𑌾𑌶𑌯𑌾 𑌦𑍁𑌰𑌾𑌧𑌾𑌰𑌾 𑌦𑍁𑌰𑍍𑌜𑌯𑌾 𑌦𑍁𑌷𑍍𑌟𑌕𑌾𑌮𑌿𑌨𑍀 ॥ 128 ॥
𑌦𑌰𑍍𑌶𑌨𑍀𑌯𑌾 𑌚 𑌦𑍃𑌶𑍍𑌯𑌾 𑌚 𑌦𑍃𑌷𑍍𑌟𑍍𑌵𑌾 𑌚 𑌦𑍃𑌷𑍍𑌟𑌿𑌗𑍋𑌚𑌰𑌾 ।
𑌦𑍂𑌤𑍀𑌯𑌾𑌗𑌪𑍍𑌰𑌿𑌯𑌾 𑌦𑍂𑌤𑍀 𑌦𑍂𑌤𑍀𑌯𑌾𑌗𑌕𑌰𑌪𑍍𑌰𑌿𑌯𑌾 ॥ 129 ॥
𑌦𑍂𑌤𑍀𑌯𑌾𑌗𑌕𑌰𑌾𑌨𑌨𑍍𑌦𑌾 𑌦𑍂𑌤𑍀𑌯𑌾𑌗𑌸𑍁𑌖𑌪𑍍𑌰𑌦𑌾 ।
𑌦𑍂𑌤𑍀𑌯𑌾𑌗𑌕𑌰𑌾𑌯𑌾𑌤𑌾 𑌦𑍂𑌤𑍀𑌯𑌾𑌗𑌪𑍍𑌰𑌮𑍋𑌦𑌿𑌨𑍀 ॥ 130 ॥
𑌦𑍁𑌰𑍍𑌵𑌾𑌸𑌃𑌪𑍂𑌜𑌿𑌤𑌾 𑌚𑍈𑌵 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌭𑌾𑌵𑌿𑌤𑌾 ।
𑌦𑍁𑌰𑍍𑌵𑌾𑌸𑍋𑌽𑌰𑍍𑌚𑌿𑌤𑌪𑌾𑌦𑌾 𑌚 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌭𑌾𑌵𑌿𑌤𑌾 ॥ 131 ॥
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌵𑌨𑍍𑌦𑍍𑌯𑌾 𑌚 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌦𑍇𑌵𑌤𑌾 ।
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌮𑌾𑌤𑌾 𑌚 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌸𑌿𑌦𑍍𑌧𑌿𑌦𑌾 ॥ 132 ॥
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌭𑌾𑌵𑌸𑍍𑌥𑌾 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌸𑍇𑌵𑌿𑌤𑌾 ।
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌚𑌿𑌤𑍍𑌤𑌸𑍍𑌥𑌾 𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌮𑌣𑍍𑌡𑌿𑌤𑌾 ॥ 133 ॥
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌸𑌞𑍍𑌚𑌾𑌰𑌾 𑌦𑍁𑌰𑍍𑌵𑌾𑌸𑍋𑌹𑍃𑌦𑌯𑌙𑍍𑌗𑌮𑌾 ।
𑌦𑍁𑌰𑍍𑌵𑌾𑌸𑍋𑌹𑍃𑌦𑌯𑌾𑌰𑌾𑌧𑍍𑌯𑌾 𑌦𑍁𑌰𑍍𑌵𑌾𑌸𑍋𑌹𑍃𑌤𑍍𑌸𑌰𑍋𑌜𑌗𑌾 ॥ 134 ॥
𑌦𑍁𑌰𑍍𑌵𑌾𑌸𑌸𑍍𑌤𑌾𑌪𑌸𑌾𑌰𑌾𑌧𑍍𑌯𑌾 𑌦𑍁𑌰𑍍𑌵𑌾𑌸𑌸𑍍𑌤𑌾𑌪𑌸𑌾𑌶𑍍𑌰𑌯𑌾 ।
𑌦𑍁𑌰𑍍𑌵𑌾𑌸𑌸𑍍𑌤𑌾𑌪𑌸𑌰𑌤𑌾 𑌦𑍁𑌰𑍍𑌵𑌾𑌸𑌸𑍍𑌤𑌾𑌪𑌸𑍇𑌶𑍍𑌵𑌰𑍀 ॥ 135 ॥
𑌦𑍁𑌰𑍍𑌵𑌾𑌸𑍋𑌮𑍁𑌨𑌿𑌕𑌨𑍍𑌯𑌾 𑌚 𑌦𑍁𑌰𑍍𑌵𑌾𑌸𑍋𑌽𑌦𑍍𑌭𑍁𑌤𑌸𑌿𑌦𑍍𑌧𑌿𑌦𑌾 ।
𑌦𑌰𑌰𑌾𑌤𑍍𑌰𑍀 𑌦𑌰𑌹𑌰𑌾 𑌦𑌰𑌯𑍁𑌕𑍍𑌤𑌾 𑌦𑌰𑌾𑌪𑌹𑌾 ॥ 136 ॥
𑌦𑌰𑌘𑍍𑌨𑍀 𑌦𑌰𑌹𑌨𑍍𑌤𑍍𑌰𑍀 𑌚 𑌦𑌰𑌯𑍁𑌕𑍍𑌤𑌾 𑌦𑌰𑌾𑌶𑍍𑌰𑌯𑌾 ।
𑌦𑌰𑌸𑍍𑌮𑍇𑌰𑌾 𑌦𑌰𑌾𑌪𑌾𑌙𑍍𑌗𑍀 𑌦𑌯𑌾𑌦𑌾𑌤𑍍𑌰𑍀 𑌦𑌯𑌾𑌶𑍍𑌰𑌯𑌾 ।
𑌦𑌸𑍍𑌰𑌪𑍂𑌜𑍍𑌯𑌾 𑌦𑌸𑍍𑌰𑌮𑌾𑌤𑌾 𑌦𑌸𑍍𑌰𑌦𑍇𑌵𑍀 𑌦𑌰𑍋𑌨𑍍𑌮𑌦𑌾 ॥ 137 ॥
𑌦𑌸𑍍𑌰𑌸𑌿𑌦𑍍𑌧𑌾 𑌦𑌸𑍍𑌰𑌸𑌂𑌸𑍍𑌥𑌾 𑌦𑌸𑍍𑌰𑌤𑌾𑌪𑌵𑌿𑌮𑍋𑌚𑌨𑍀 ।
𑌦𑌸𑍍𑌰𑌕𑍍𑌷𑍋𑌭𑌹𑌰𑌾 𑌨𑌿𑌤𑍍𑌯𑌾 𑌦𑌸𑍍𑌰𑌲𑍋𑌕𑌗𑌤𑌾𑌤𑍍𑌮𑌿𑌕𑌾 ॥ 138 ॥
𑌦𑍈𑌤𑍍𑌯𑌗𑍁𑌰𑍍𑌵𑌙𑍍𑌗𑌨𑌾𑌵𑌨𑍍𑌦𑍍𑌯𑌾 𑌦𑍈𑌤𑍍𑌯𑌗𑍁𑌰𑍍𑌵𑌙𑍍𑌗𑌨𑌾𑌪𑍍𑌰𑌿𑌯𑌾 ।
𑌦𑍈𑌤𑍍𑌯𑌗𑍁𑌰𑍍𑌵𑌙𑍍𑌗𑌨𑌾𑌸𑌿𑌦𑍍𑌧𑌾 𑌦𑍈𑌤𑍍𑌯𑌗𑍁𑌰𑍍𑌵𑌙𑍍𑌗𑌨𑍋𑌤𑍍𑌸𑍁𑌕𑌾 ॥ 139 ॥
𑌦𑍈𑌤𑍍𑌯𑌗𑍁𑌰𑍁𑌪𑍍𑌰𑌿𑌯𑌤𑌮𑌾 𑌦𑍇𑌵𑌗𑍁𑌰𑍁𑌨𑌿𑌷𑍇𑌵𑌿𑌤𑌾 ।
𑌦𑍇𑌵𑌗𑍁𑌰𑍁𑌪𑍍𑌰𑌸𑍂𑌰𑍂𑌪𑌾 𑌦𑍇𑌵𑌗𑍁𑌰𑍁𑌕𑍃𑌤𑌾𑌰𑍍𑌹𑌣𑌾 ॥ 140 ॥
𑌦𑍇𑌵𑌗𑍁𑌰𑍁𑌪𑍍𑌰𑍇𑌮𑌯𑍁𑌤𑌾 𑌦𑍇𑌵𑌗𑍁𑌰𑍍𑌵𑌨𑍁𑌮𑌾𑌨𑌿𑌤𑌾 ।
𑌦𑍇𑌵𑌗𑍁𑌰𑍁𑌪𑍍𑌰𑌭𑌾𑌵𑌜𑍍𑌞𑌾 𑌦𑍇𑌵𑌗𑍁𑌰𑍁𑌸𑍁𑌖𑌪𑍍𑌰𑌦𑌾 ॥ 141 ॥
𑌦𑍇𑌵𑌗𑍁𑌰𑍁𑌜𑍍𑌞𑌾𑌨𑌦𑌾𑌤𑍍𑌰𑍀 𑌦𑍇𑌵𑌗𑍁𑌰𑍁𑌪𑍍𑌰𑌮𑍋𑌦𑌿𑌨𑍀 ।
𑌦𑍈𑌤𑍍𑌯𑌸𑍍𑌤𑍍𑌰𑍀𑌗𑌣𑌸𑌮𑍍𑌪𑍂𑌜𑍍𑌯𑌾 𑌦𑍈𑌤𑍍𑌯𑌸𑍍𑌤𑍍𑌰𑍀𑌗𑌣𑌪𑍂𑌜𑌿𑌤𑌾 ॥ 142 ॥
𑌦𑍈𑌤𑍍𑌯𑌸𑍍𑌤𑍍𑌰𑍀𑌗𑌣𑌰𑍂𑌪𑌾 𑌚 𑌦𑍈𑌤𑍍𑌯𑌸𑍍𑌤𑍍𑌰𑍀𑌚𑌿𑌤𑍍𑌤𑌹𑌾𑌰𑌿𑌣𑍀 ।
𑌦𑍇𑌵𑌸𑍍𑌤𑍍𑌰𑍀𑌗𑌣𑌪𑍂𑌜𑍍𑌯𑌾 𑌚 𑌦𑍇𑌵𑌸𑍍𑌤𑍍𑌰𑍀𑌗𑌣𑌵𑌨𑍍𑌦𑌿𑌤𑌾 ॥ 143 ॥
𑌦𑍇𑌵𑌸𑍍𑌤𑍍𑌰𑍀𑌗𑌣𑌚𑌿𑌤𑍍𑌤𑌸𑍍𑌥𑌾 𑌦𑍇𑌵𑌸𑍍𑌤𑍍𑌰𑍀𑌗𑌣𑌭𑍂𑌷𑌿𑌤𑌾 ।
𑌦𑍇𑌵𑌸𑍍𑌤𑍍𑌰𑍀𑌗𑌣𑌸𑌂𑌸𑌿𑌦𑍍𑌧𑌾 𑌦𑍇𑌵𑌸𑍍𑌤𑍍𑌰𑍀𑌗𑌣𑌤𑍋𑌷𑌿𑌤𑌾 ॥ 144 ॥
𑌦𑍇𑌵𑌸𑍍𑌤𑍍𑌰𑍀𑌗𑌣𑌹𑌸𑍍𑌤𑌸𑍍𑌥𑌚𑌾𑌰𑍁𑌚𑌾𑌮𑌰𑌵𑍀𑌜𑌿𑌤𑌾 ।
𑌦𑍇𑌵𑌸𑍍𑌤𑍍𑌰𑍀𑌗𑌣𑌹𑌸𑍍𑌤𑌸𑍍𑌥𑌚𑌾𑌰𑍁𑌗𑌨𑍍𑌧𑌵𑌿𑌲𑍇𑌪𑌿𑌤𑌾 ॥ 145 ॥
𑌦𑍇𑌵𑌾𑌙𑍍𑌗𑌨𑌾𑌧𑍃𑌤𑌾𑌦𑌰𑍍𑌶𑌦𑍃𑌷𑍍𑌟𑍍𑌯𑌰𑍍𑌥𑌮𑍁𑌖𑌚𑌨𑍍𑌦𑍍𑌰𑌮𑌾 ।
𑌦𑍇𑌵𑌾𑌙𑍍𑌗𑌨𑍋𑌤𑍍𑌸𑍃𑌷𑍍𑌟𑌨𑌾𑌗𑌵𑌲𑍍𑌲𑍀𑌦𑌲𑌕𑍃𑌤𑍋𑌤𑍍𑌸𑍁𑌕𑌾 ॥ 146 ॥
𑌦𑍇𑌵𑌸𑍍𑌤𑍍𑌰𑍀𑌗𑌣𑌹𑌸𑍍𑌤𑌸𑍍𑌥𑌧𑍂𑌪𑌾𑌘𑍍𑌰𑌾𑌣𑌵𑌿𑌨𑍋𑌦𑌿𑌨𑍀 ।
𑌦𑍇𑌵𑌸𑍍𑌤𑍍𑌰𑍀𑌗𑌣𑌹𑌸𑍍𑌤𑌸𑍍𑌥𑌦𑍀𑌪𑌮𑌾𑌲𑌾𑌵𑌿𑌲𑍋𑌕𑌨𑌾 ॥ 147 ॥
𑌦𑍇𑌵𑌨𑌾𑌰𑍀𑌕𑌰𑌗𑌤𑌵𑌾𑌸𑌕𑌾𑌸𑌵𑌪𑌾𑌯𑌿𑌨𑍀 ।
𑌦𑍇𑌵𑌨𑌾𑌰𑍀𑌕𑌙𑍍𑌕𑌤𑌿𑌕𑌾𑌕𑍃𑌤𑌕𑍇𑌶𑌨𑌿𑌮𑌾𑌰𑍍𑌜𑌨𑌾 ॥ 148 ॥
𑌦𑍇𑌵𑌨𑌾𑌰𑍀𑌸𑍇𑌵𑍍𑌯𑌗𑌾𑌤𑍍𑌰𑌾 𑌦𑍇𑌵𑌨𑌾𑌰𑍀𑌕𑍃𑌤𑍋𑌤𑍍𑌸𑍁𑌕𑌾 ।
𑌦𑍇𑌵𑌨𑌾𑌰𑍀𑌵𑌿𑌰𑌚𑌿𑌤𑌪𑍁𑌷𑍍𑌪𑌮𑌾𑌲𑌾𑌵𑌿𑌰𑌾𑌜𑌿𑌤𑌾 ॥ 149 ॥
𑌦𑍇𑌵𑌨𑌾𑌰𑍀𑌵𑌿𑌚𑌿𑌤𑍍𑌰𑌾𑌙𑍍𑌗𑍀 𑌦𑍇𑌵𑌸𑍍𑌤𑍍𑌰𑍀𑌦𑌤𑍍𑌤𑌭𑍋𑌜𑌨𑌾 ।
𑌦𑍇𑌵𑌸𑍍𑌤𑍍𑌰𑍀𑌗𑌣𑌗𑍀𑌤𑌾 𑌚 𑌦𑍇𑌵𑌸𑍍𑌤𑍍𑌰𑍀𑌗𑍀𑌤𑌸𑍋𑌤𑍍𑌸𑍁𑌕𑌾 ॥ 150 ॥
𑌦𑍇𑌵𑌸𑍍𑌤𑍍𑌰𑍀𑌨𑍃𑌤𑍍𑌯𑌸𑍁𑌖𑌿𑌨𑍀 𑌦𑍇𑌵𑌸𑍍𑌤𑍍𑌰𑍀𑌨𑍃𑌤𑍍𑌯𑌦𑌰𑍍𑌶𑌿𑌨𑍀 ।
𑌦𑍇𑌵𑌸𑍍𑌤𑍍𑌰𑍀𑌯𑍋𑌜𑌿𑌤𑌲𑌸𑌦𑍍𑌰𑌤𑍍𑌨𑌪𑌾𑌦𑌪𑌦𑌾𑌮𑍍𑌬𑍁𑌜𑌾 ॥ 151 ॥
𑌦𑍇𑌵𑌸𑍍𑌤𑍍𑌰𑍀𑌗𑌣𑌵𑌿𑌸𑍍𑌤𑍀𑌰𑍍𑌣𑌚𑌾𑌰𑍁𑌤𑌲𑍍𑌪𑌨𑌿𑌷𑍇𑌦𑍁𑌷𑍀 ।
𑌦𑍇𑌵𑌨𑌾𑌰𑍀𑌚𑌾𑌰𑍁𑌕𑌰𑌾𑌕𑌲𑌿𑌤𑌾𑌙𑍍𑌘𑍍𑌰𑍍𑌯𑌾𑌦𑌿𑌦𑍇𑌹𑌿𑌕𑌾 ॥ 152 ॥
𑌦𑍇𑌵𑌨𑌾𑌰𑍀𑌕𑌰𑌵𑍍𑌯𑌗𑍍𑌰𑌤𑌾𑌲𑌵𑍃𑌨𑍍𑌤𑌮𑌰𑍁𑌤𑍍𑌸𑌕𑌾 ।
𑌦𑍇𑌵𑌨𑌾𑌰𑍀𑌵𑍇𑌣𑍁𑌵𑍀𑌣𑌾𑌨𑌾𑌦𑌸𑍋𑌤𑍍𑌕𑌣𑍍𑌠𑌮𑌾𑌨𑌸𑌾 ॥ 153 ॥
𑌦𑍇𑌵𑌕𑍋𑌟𑌿𑌸𑍍𑌤𑍁𑌤𑌿𑌨𑍁𑌤𑌾 𑌦𑍇𑌵𑌕𑍋𑌟𑌿𑌕𑍃𑌤𑌾𑌰𑍍𑌹𑌣𑌾 ।
𑌦𑍇𑌵𑌕𑍋𑌟𑌿𑌗𑍀𑌤𑌗𑍁𑌣𑌾 𑌦𑍇𑌵𑌕𑍋𑌟𑌿𑌕𑍃𑌤𑌸𑍍𑌤𑍁𑌤𑌿𑌃 ॥ 154 ॥
𑌦𑌨𑍍𑌤𑌦𑌾𑌷𑍍𑌟𑍍𑌯𑍋𑌦𑍍𑌵𑍇𑌗𑌫𑌲𑌾 𑌦𑍇𑌵𑌕𑍋𑌲𑌾𑌹𑌲𑌾𑌕𑍁𑌲𑌾 ।
𑌦𑍍𑌵𑍇𑌷𑌰𑌾𑌗𑌪𑌰𑌿𑌤𑍍𑌯𑌕𑍍𑌤𑌾 𑌦𑍍𑌵𑍇𑌷𑌰𑌾𑌗𑌵𑌿𑌵𑌰𑍍𑌜𑌿𑌤𑌾 ॥ 155 ॥
𑌦𑌾𑌮𑌪𑍂𑌜𑍍𑌯𑌾 𑌦𑌾𑌮𑌭𑍂𑌷𑌾 𑌦𑌾𑌮𑍋𑌦𑌰𑌵𑌿𑌲𑌾𑌸𑌿𑌨𑍀 ।
𑌦𑌾𑌮𑍋𑌦𑌰𑌪𑍍𑌰𑍇𑌮𑌰𑌤𑌾 𑌦𑌾𑌮𑍋𑌦𑌰𑌭𑌗𑌿𑌨𑍍𑌯𑌪𑌿 ॥ 156 ॥
𑌦𑌾𑌮𑍋𑌦𑌰𑌪𑍍𑌰𑌸𑍂𑌰𑍍𑌦𑌾𑌮𑍋𑌦𑌰𑌪𑌤𑍍𑌨𑍀𑌪𑌤𑌿𑌵𑍍𑌰𑌤𑌾 ।
𑌦𑌾𑌮𑍋𑌦𑌰𑌾𑌽𑌭𑌿𑌨𑍍𑌨𑌦𑍇𑌹𑌾 𑌦𑌾𑌮𑍋𑌦𑌰𑌰𑌤𑌿𑌪𑍍𑌰𑌿𑌯𑌾 ॥ 157 ॥
𑌦𑌾𑌮𑍋𑌦𑌰𑌾𑌭𑌿𑌨𑍍𑌨𑌤𑌨𑍁𑌰𑍍𑌦𑌾𑌮𑍋𑌦𑌰𑌕𑍃𑌤𑌾𑌸𑍍𑌪𑌦𑌾 ।
𑌦𑌾𑌮𑍋𑌦𑌰𑌕𑍃𑌤𑌪𑍍𑌰𑌾𑌣𑌾 𑌦𑌾𑌮𑍋𑌦𑌰𑌗𑌤𑌾𑌤𑍍𑌮𑌿𑌕𑌾 ॥ 158 ॥
𑌦𑌾𑌮𑍋𑌦𑌰𑌕𑍗𑌤𑍁𑌕𑌾𑌢𑍍𑌯𑌾 𑌦𑌾𑌮𑍋𑌦𑌰𑌕𑌲𑌾𑌕𑌲𑌾 ।
𑌦𑌾𑌮𑍋𑌦𑌰𑌾𑌲𑌿𑌙𑍍𑌗𑌿𑌤𑌾𑌙𑍍𑌗𑍀 𑌦𑌾𑌮𑍋𑌦𑌰𑌕𑍁𑌤𑍂𑌹𑌲𑌾 ॥ 159 ॥
𑌦𑌾𑌮𑍋𑌦𑌰𑌕𑍃𑌤𑌾𑌹𑍍𑌲𑌾𑌦𑌾 𑌦𑌾𑌮𑍋𑌦𑌰𑌸𑍁𑌚𑍁𑌮𑍍𑌬𑌿𑌤𑌾 ।
𑌦𑌾𑌮𑍋𑌦𑌰𑌸𑍁𑌤𑌾𑌕𑍃𑌷𑍍𑌟𑌾 𑌦𑌾𑌮𑍋𑌦𑌰𑌸𑍁𑌖𑌪𑍍𑌰𑌦𑌾 ॥ 160 ॥
𑌦𑌾𑌮𑍋𑌦𑌰𑌸𑌹𑌾𑌢𑍍𑌯𑌾 𑌚 𑌦𑌾𑌮𑍋𑌦𑌰𑌸𑌹𑌾𑌯𑌿𑌨𑍀 ।
𑌦𑌾𑌮𑍋𑌦𑌰𑌗𑍁𑌣𑌜𑍍𑌞𑌾 𑌚 𑌦𑌾𑌮𑍋𑌦𑌰𑌵𑌰𑌪𑍍𑌰𑌦𑌾 ॥ 161 ॥
𑌦𑌾𑌮𑍋𑌦𑌰𑌾𑌨𑍁𑌕𑍂𑌲𑌾 𑌚 𑌦𑌾𑌮𑍋𑌦𑌰𑌨𑌿𑌤𑌮𑍍𑌬𑌿𑌨𑍀 ।
𑌦𑌾𑌮𑍋𑌦𑌰𑌜𑌲𑌕𑍍𑌰𑍀𑌡𑌾𑌕𑍁𑌶𑌲𑌾 𑌦𑌰𑍍𑌶𑌨𑌪𑍍𑌰𑌿𑌯𑌾 ॥ 162 ॥
𑌦𑌾𑌮𑍋𑌦𑌰𑌜𑌲𑌕𑍍𑌰𑍀𑌡𑌾𑌤𑍍𑌯𑌕𑍍𑌤𑌸𑍍𑌵𑌜𑌨𑌸𑍗𑌹𑍃𑌦𑌾 ।
𑌦𑌾𑌮𑍋𑌦𑌰𑌲𑌸𑌦𑍍𑌰𑌾𑌸𑌕𑍇𑌲𑌿𑌕𑍗𑌤𑍁𑌕𑌿𑌨𑍀 𑌤𑌥𑌾 ॥ 163 ॥
𑌦𑌾𑌮𑍋𑌦𑌰𑌭𑍍𑌰𑌾𑌤𑍃𑌕𑌾 𑌚 𑌦𑌾𑌮𑍋𑌦𑌰𑌪𑌰𑌾𑌯𑌣𑌾 ।
𑌦𑌾𑌮𑍋𑌦𑌰𑌧𑌰𑌾 𑌦𑌾𑌮𑍋𑌦𑌰𑌵𑍈𑌰𑌿𑌵𑌿𑌨𑌾𑌶𑌿𑌨𑍀 ॥ 164 ॥
𑌦𑌾𑌮𑍋𑌦𑌰𑍋𑌪𑌜𑌾𑌯𑌾 𑌚 𑌦𑌾𑌮𑍋𑌦𑌰𑌨𑌿𑌮𑌨𑍍𑌤𑍍𑌰𑌿𑌤𑌾 ।
𑌦𑌾𑌮𑍋𑌦𑌰𑌪𑌰𑌾𑌭𑍂𑌤𑌾 𑌦𑌾𑌮𑍋𑌦𑌰𑌪𑌰𑌾𑌜𑌿𑌤𑌾 ॥ 165 ॥
𑌦𑌾𑌮𑍋𑌦𑌰𑌸𑌮𑌾𑌕𑍍𑌰𑌾𑌨𑍍𑌤𑌾 𑌦𑌾𑌮𑍋𑌦𑌰𑌹𑌤𑌾𑌶𑍁𑌭𑌾 ।
𑌦𑌾𑌮𑍋𑌦𑌰𑍋𑌤𑍍𑌸𑌵𑌰𑌤𑌾 𑌦𑌾𑌮𑍋𑌦𑌰𑍋𑌤𑍍𑌸𑌵𑌾𑌵𑌹𑌾 ॥ 166 ॥
𑌦𑌾𑌮𑍋𑌦𑌰𑌸𑍍𑌤𑌨𑍍𑌯𑌦𑌾𑌤𑍍𑌰𑍀 𑌦𑌾𑌮𑍋𑌦𑌰𑌗𑌵𑍇𑌷𑌿𑌤𑌾 ।
𑌦𑌮𑌯𑌨𑍍𑌤𑍀𑌸𑌿𑌦𑍍𑌧𑌿𑌦𑌾𑌤𑍍𑌰𑍀 𑌦𑌮𑌯𑌨𑍍𑌤𑍀𑌪𑍍𑌰𑌸𑌾𑌦𑌿𑌤𑌾 ॥ 167 ॥
𑌦𑌮𑌯𑌨𑍍𑌤𑍀𑌷𑍍𑌟𑌦𑍇𑌵𑍀 𑌚 𑌦𑌮𑌯𑌨𑍍𑌤𑍀𑌸𑍍𑌵𑌰𑍂𑌪𑌿𑌣𑍀 ।
𑌦𑌮𑌯𑌨𑍍𑌤𑍀𑌕𑍃𑌤𑌾𑌰𑍍𑌚𑌾 𑌚 𑌦𑌮𑌨𑌰𑍍𑌷𑌿𑌵𑌿𑌭𑌾𑌵𑌿𑌤𑌾 ॥ 168 ॥
𑌦𑌮𑌨𑌰𑍍𑌷𑌿𑌪𑍍𑌰𑌾𑌣𑌤𑍁𑌲𑍍𑌯𑌾 𑌦𑌮𑌨𑌰𑍍𑌷𑌿𑌸𑍍𑌵𑌰𑍂𑌪𑌿𑌣𑍀 ।
𑌦𑌮𑌨𑌰𑍍𑌷𑌿𑌸𑍍𑌵𑌰𑍂𑌪𑌾 𑌚 𑌦𑌮𑍍𑌭𑌪𑍂𑌰𑌿𑌤𑌵𑌿𑌗𑍍𑌰𑌹𑌾 ॥ 169 ॥
𑌦𑌮𑍍𑌭𑌹𑌨𑍍𑌤𑍍𑌰𑍀 𑌦𑌮𑍍𑌭𑌧𑌾𑌤𑍍𑌰𑍀 𑌦𑌮𑍍𑌭𑌲𑍋𑌕𑌵𑌿𑌮𑍋𑌹𑌿𑌨𑍀 ।
𑌦𑌮𑍍𑌭𑌶𑍀𑌲𑌾 𑌦𑌮𑍍𑌭𑌹𑌰𑌾 𑌦𑌮𑍍𑌭𑌵𑌤𑍍𑌪𑌰𑌿𑌮𑌰𑍍𑌦𑌿𑌨𑍀 ॥ 170 ॥
𑌦𑌮𑍍𑌭𑌰𑍂𑌪𑌾 𑌦𑌮𑍍𑌭𑌕𑌰𑍀 𑌦𑌮𑍍𑌭𑌸𑌨𑍍𑌤𑌾𑌨𑌧𑌾𑌰𑌿𑌣𑍀 ।
𑌦𑌤𑍍𑌤𑌮𑍋𑌕𑍍𑌷𑌾 𑌦𑌤𑍍𑌤𑌧𑌨𑌾 𑌦𑌤𑍍𑌤𑌾𑌰𑍋𑌗𑍍𑌯𑌾 𑌚 𑌦𑌾𑌮𑍍𑌭𑌿𑌕𑌾 ॥ 171 ॥
𑌦𑌤𑍍𑌤𑌪𑍁𑌤𑍍𑌰𑌾 𑌦𑌤𑍍𑌤𑌦𑌾𑌰𑌾 𑌦𑌤𑍍𑌤𑌹𑌾𑌰𑌾 𑌚 𑌦𑌾𑌰𑌿𑌕𑌾 ।
𑌦𑌤𑍍𑌤𑌭𑍋𑌗𑌾 𑌦𑌤𑍍𑌤𑌶𑍋𑌕𑌾 𑌦𑌤𑍍𑌤𑌹𑌸𑍍𑌤𑍍𑌯𑌾𑌦𑌿𑌵𑌾𑌹𑌨𑌾 ॥ 172 ॥
𑌦𑌤𑍍𑌤𑌮𑌤𑌿𑌰𑍍𑌦𑌤𑍍𑌤𑌭𑌾𑌰𑍍𑌯𑌾 𑌦𑌤𑍍𑌤𑌶𑌾𑌸𑍍𑌤𑍍𑌰𑌾𑌵𑌬𑍋𑌧𑌿𑌕𑌾 ।
𑌦𑌤𑍍𑌤𑌪𑌾𑌨𑌾 𑌦𑌤𑍍𑌤𑌦𑌾𑌨𑌾 𑌦𑌤𑍍𑌤𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀 ॥ 173 ॥
𑌦𑌤𑍍𑌤𑌸𑍗𑌧𑌾𑌵𑌨𑍀𑌵𑌾𑌸𑌾 𑌦𑌤𑍍𑌤𑌸𑍍𑌵𑌰𑍍𑌗𑌾 𑌚 𑌦𑌾𑌸𑌦𑌾 ।
𑌦𑌾𑌸𑍍𑌯𑌤𑍁𑌷𑍍𑌟𑌾 𑌦𑌾𑌸𑍍𑌯𑌹𑌰𑌾 𑌦𑌾𑌸𑌦𑌾𑌸𑍀𑌶𑌤𑌪𑍍𑌰𑌦𑌾 ॥ 174 ॥
𑌦𑌾𑌰𑌰𑍂𑌪𑌾 𑌦𑌾𑌰𑌵𑌾𑌸𑌾 𑌦𑌾𑌰𑌵𑌾𑌸𑌿𑌹𑍃𑌦𑌾𑌸𑍍𑌪𑌦𑌾 ।
𑌦𑌾𑌰𑌵𑌾𑌸𑌿𑌜𑌨𑌾𑌰𑌾𑌧𑍍𑌯𑌾 𑌦𑌾𑌰𑌵𑌾𑌸𑌿𑌜𑌨𑌪𑍍𑌰𑌿𑌯𑌾 ॥ 175 ॥
𑌦𑌾𑌰𑌵𑌾𑌸𑌿𑌵𑌿𑌨𑌿𑌰𑍍𑌣𑍀𑌤𑌾 𑌦𑌾𑌰𑌵𑌾𑌸𑌿𑌸𑌮𑌰𑍍𑌚𑌿𑌤𑌾 ।
𑌦𑌾𑌰𑌵𑌾𑌸𑍍𑌯𑌾𑌹𑍃𑌤𑌪𑍍𑌰𑌾𑌣𑌾 𑌦𑌾𑌰𑌵𑌾𑌸𑍍𑌯𑌾𑌰𑌿𑌨𑌾𑌶𑌿𑌨𑍀 ॥ 176 ॥
𑌦𑌾𑌰𑌵𑌾𑌸𑌿𑌵𑌿𑌘𑍍𑌨𑌹𑌰𑌾 𑌦𑌾𑌰𑌵𑌾𑌸𑌿𑌵𑌿𑌮𑍁𑌕𑍍𑌤𑌿𑌦𑌾 ।
𑌦𑌾𑌰𑌾𑌗𑍍𑌨𑌿𑌰𑍂𑌪𑌿𑌣𑍀 𑌦𑌾𑌰𑌾 𑌦𑌾𑌰𑌕𑌾𑌰𑍍𑌯𑌰𑌿𑌨𑌾𑌶𑌿𑌨𑍀 ॥ 177 ॥
𑌦𑌮𑍍𑌪𑌤𑍀 𑌦𑌮𑍍𑌪𑌤𑍀𑌷𑍍𑌟𑌾 𑌚 𑌦𑌮𑍍𑌪𑌤𑍀𑌪𑍍𑌰𑌾𑌣𑌰𑍂𑌪𑌿𑌕𑌾 ।
𑌦𑌮𑍍𑌪𑌤𑍀𑌸𑍍𑌨𑍇𑌹𑌨𑌿𑌰𑌤𑌾 𑌦𑌾𑌮𑍍𑌪𑌤𑍍𑌯𑌸𑌾𑌧𑌨𑌪𑍍𑌰𑌿𑌯𑌾 ॥ 178 ॥
𑌦𑌾𑌮𑍍𑌪𑌤𑍍𑌯𑌸𑍁𑌖𑌸𑍇𑌵𑌾 𑌚 𑌦𑌾𑌮𑍍𑌪𑌤𑍍𑌯𑌸𑍁𑌖𑌦𑌾𑌯𑌿𑌨𑍀 ।
𑌦𑌾𑌮𑍍𑌪𑌤𑍍𑌯𑌾𑌚𑌾𑌰𑌨𑌿𑌰𑌤𑌾 𑌦𑌾𑌮𑍍𑌪𑌤𑍍𑌯𑌾𑌮𑍋𑌦𑌮𑍋𑌦𑌿𑌤𑌾 ॥ 179 ॥
𑌦𑌾𑌮𑍍𑌪𑌤𑍍𑌯𑌾𑌮𑍋𑌦𑌸𑍁𑌖𑌿𑌨𑍀 𑌦𑌾𑌮𑍍𑌪𑌤𑍍𑌯𑌾𑌹𑍍𑌲𑌾𑌦𑌕𑌾𑌰𑌿𑌣𑍀 ।
𑌦𑌮𑍍𑌪𑌤𑍀𑌷𑍍𑌟𑌪𑌾𑌦𑌪𑌦𑍍𑌮𑌾 𑌦𑌾𑌮𑍍𑌪𑌤𑍍𑌯𑌪𑍍𑌰𑍇𑌮𑌰𑍂𑌪𑌿𑌣𑍀 ॥ 180 ॥
𑌦𑌾𑌮𑍍𑌪𑌤𑍍𑌯𑌭𑍋𑌗𑌭𑌵𑌨𑌾 𑌦𑌾𑌡𑌿𑌮𑍀𑌫𑌲𑌭𑍋𑌜𑌿𑌨𑍀 ।
𑌦𑌾𑌡𑌿𑌮𑍀𑌫𑌲𑌸𑌨𑍍𑌤𑍁𑌷𑍍𑌟𑌾 𑌦𑌾𑌡𑌿𑌮𑍀𑌫𑌲𑌮𑌾𑌨𑌸𑌾 ॥ 181 ॥
𑌦𑌾𑌡𑌿𑌮𑍀𑌵𑍃𑌕𑍍𑌷𑌸𑌂𑌸𑍍𑌥𑌾𑌨𑌾 𑌦𑌾𑌡𑌿𑌮𑍀𑌵𑍃𑌕𑍍𑌷𑌵𑌾𑌸𑌿𑌨𑍀 ।
𑌦𑌾𑌡𑌿𑌮𑍀𑌵𑍃𑌕𑍍𑌷𑌰𑍂𑌪𑌾 𑌚 𑌦𑌾𑌡𑌿𑌮𑍀𑌵𑌨𑌵𑌾𑌸𑌿𑌨𑍀 ॥ 182 ॥
𑌦𑌾𑌡𑌿𑌮𑍀𑌫𑌲𑌸𑌾𑌮𑍍𑌯𑍋𑌰𑍁𑌪𑌯𑍋𑌧𑌰𑌹𑍃𑌦𑌾𑌯𑍁𑌤𑌾 । [𑌸𑌮𑌨𑍍𑌵𑌿𑌤𑌾]
𑌦𑌕𑍍𑌷𑌿𑌣𑌾 𑌦𑌕𑍍𑌷𑌿𑌣𑌾𑌰𑍂𑌪𑌾 𑌦𑌕𑍍𑌷𑌿𑌣𑌾𑌰𑍂𑌪𑌧𑌾𑌰𑌿𑌣𑍀 ॥ 183 ॥
𑌦𑌕𑍍𑌷𑌕𑌨𑍍𑌯𑌾 𑌦𑌕𑍍𑌷𑌪𑍁𑌤𑍍𑌰𑍀 𑌦𑌕𑍍𑌷𑌮𑌾𑌤𑌾 𑌚 𑌦𑌕𑍍𑌷𑌸𑍂𑌃 ।
𑌦𑌕𑍍𑌷𑌗𑍋𑌤𑍍𑌰𑌾 𑌦𑌕𑍍𑌷𑌸𑍁𑌤𑌾 𑌦𑌕𑍍𑌷𑌯𑌜𑍍𑌞𑌵𑌿𑌨𑌾𑌶𑌿𑌨𑍀 ॥ 184 ॥
𑌦𑌕𑍍𑌷𑌯𑌜𑍍𑌞𑌨𑌾𑌶𑌕𑌰𑍍𑌤𑍍𑌰𑍀 𑌦𑌕𑍍𑌷𑌯𑌜𑍍𑌞𑌾𑌨𑍍𑌤𑌕𑌾𑌰𑌿𑌣𑍀 ।
𑌦𑌕𑍍𑌷𑌪𑍍𑌰𑌸𑍂𑌤𑌿𑌰𑍍𑌦𑌕𑍍𑌷𑍇𑌜𑍍𑌯𑌾 𑌦𑌕𑍍𑌷𑌵𑌂𑌶𑍈𑌕𑌪𑌾𑌵𑌨𑍀 ॥ 185 ॥
𑌦𑌕𑍍𑌷𑌾𑌤𑍍𑌮𑌜𑌾 𑌦𑌕𑍍𑌷𑌸𑍂𑌨𑍁𑌰𑍍𑌦𑌕𑍍𑌷𑌜𑌾 𑌦𑌕𑍍𑌷𑌜𑌾𑌤𑌿𑌕𑌾 ।
𑌦𑌕𑍍𑌷𑌜𑌨𑍍𑌮𑌾 𑌦𑌕𑍍𑌷𑌜𑌨𑍁𑌰𑍍𑌦𑌕𑍍𑌷𑌦𑍇𑌹𑌸𑌮𑍁𑌦𑍍𑌭𑌵𑌾 ॥ 186 ॥
𑌦𑌕𑍍𑌷𑌜𑌨𑌿𑌰𑍍𑌦𑌕𑍍𑌷𑌯𑌾𑌗𑌧𑍍𑌵𑌂𑌸𑌿𑌨𑍀 𑌦𑌕𑍍𑌷𑌕𑌨𑍍𑌯𑌕𑌾 ।
𑌦𑌕𑍍𑌷𑌿𑌣𑌾𑌚𑌾𑌰𑌨𑌿𑌰𑌤𑌾 𑌦𑌕𑍍𑌷𑌿𑌣𑌾𑌚𑌾𑌰𑌤𑍁𑌷𑍍𑌟𑌿𑌦𑌾 ॥ 187 ॥
𑌦𑌕𑍍𑌷𑌿𑌣𑌾𑌚𑌾𑌰𑌸𑌂𑌸𑌿𑌦𑍍𑌧𑌾 𑌦𑌕𑍍𑌷𑌿𑌣𑌾𑌚𑌾𑌰𑌭𑌾𑌵𑌿𑌤𑌾 ।
𑌦𑌕𑍍𑌷𑌿𑌣𑌾𑌚𑌾𑌰𑌸𑍁𑌖𑌿𑌨𑍀 𑌦𑌕𑍍𑌷𑌿𑌣𑌾𑌚𑌾𑌰𑌸𑌾𑌧𑌿𑌤𑌾 ॥ 188 ॥
𑌦𑌕𑍍𑌷𑌿𑌣𑌾𑌚𑌾𑌰𑌮𑍋𑌕𑍍𑌷𑌾𑌪𑍍𑌤𑌿𑌰𑍍𑌦𑌕𑍍𑌷𑌿𑌣𑌾𑌚𑌾𑌰𑌵𑌨𑍍𑌦𑌿𑌤𑌾 ।
𑌦𑌕𑍍𑌷𑌿𑌣𑌾𑌚𑌾𑌰𑌶𑌰𑌣𑌾 𑌦𑌕𑍍𑌷𑌿𑌣𑌾𑌚𑌾𑌰𑌹𑌰𑍍𑌷𑌿𑌤𑌾 ॥ 189 ॥
𑌦𑍍𑌵𑌾𑌰𑌪𑌾𑌲𑌪𑍍𑌰𑌿𑌯𑌾 𑌦𑍍𑌵𑌾𑌰𑌵𑌾𑌸𑌿𑌨𑍀 𑌦𑍍𑌵𑌾𑌰𑌸𑌂𑌸𑍍𑌥𑌿𑌤𑌾 ।
𑌦𑍍𑌵𑌾𑌰𑌰𑍂𑌪𑌾 𑌦𑍍𑌵𑌾𑌰𑌸𑌂𑌸𑍍𑌥𑌾 𑌦𑍍𑌵𑌾𑌰𑌦𑍇𑌶𑌨𑌿𑌵𑌾𑌸𑌿𑌨𑍀 ॥ 190 ॥
𑌦𑍍𑌵𑌾𑌰𑌕𑌰𑍀 𑌦𑍍𑌵𑌾𑌰𑌧𑌾𑌤𑍍𑌰𑍀 𑌦𑍋𑌷𑌮𑌾𑌤𑍍𑌰𑌵𑌿𑌵𑌰𑍍𑌜𑌿𑌤𑌾 ।
𑌦𑍋𑌷𑌕𑌰𑌾 𑌦𑍋𑌷𑌹𑌰𑌾 𑌦𑍋𑌷𑌰𑌾𑌶𑌿𑌵𑌿𑌨𑌾𑌶𑌿𑌨𑍀 ॥ 191 ॥
𑌦𑍋𑌷𑌾𑌕𑌰𑌵𑌿𑌭𑍂𑌷𑌾𑌢𑍍𑌯𑌾 𑌦𑍋𑌷𑌾𑌕𑌰𑌕𑌪𑌾𑌲𑌿𑌨𑍀 ।
𑌦𑍋𑌷𑌾𑌕𑌰𑌸𑌹𑌸𑍍𑌰𑌾𑌭𑌾 𑌦𑍋𑌷𑌾𑌕𑌰𑌸𑌮𑌾𑌨𑌨𑌾 ॥ 192 ॥
𑌦𑍋𑌷𑌾𑌕𑌰𑌮𑍁𑌖𑍀 𑌦𑌿𑌵𑍍𑌯𑌾 𑌦𑍋𑌷𑌾𑌕𑌰𑌕𑌰𑌾𑌗𑍍𑌰𑌜𑌾 ।
𑌦𑍋𑌷𑌾𑌕𑌰𑌸𑌮𑌜𑍍𑌯𑍋𑌤𑌿𑌰𑍍𑌦𑍋𑌷𑌾𑌕𑌰𑌸𑍁𑌶𑍀𑌤𑌲𑌾 ॥ 193 ॥
𑌦𑍋𑌷𑌾𑌕𑌰𑌶𑍍𑌰𑍇𑌣𑍀 𑌦𑍋𑌷𑌸𑌦𑍃𑌶𑌾𑌪𑌾𑌙𑍍𑌗𑌵𑍀𑌕𑍍𑌷𑌣𑌾 ।
𑌦𑍋𑌷𑌾𑌕𑌰𑍇𑌷𑍍𑌟𑌦𑍇𑌵𑍀 𑌚 𑌦𑍋𑌷𑌾𑌕𑌰𑌨𑌿𑌷𑍇𑌵𑌿𑌤𑌾 ॥ 194 ॥
𑌦𑍋𑌷𑌾𑌕𑌰𑌪𑍍𑌰𑌾𑌣𑌰𑍂𑌪𑌾 𑌦𑍋𑌷𑌾𑌕𑌰𑌮𑌰𑍀𑌚𑌿𑌕𑌾 ।
𑌦𑍋𑌷𑌾𑌕𑌰𑍋𑌲𑍍𑌲𑌸𑌤𑍍𑌫𑌾𑌲𑌾 𑌦𑍋𑌷𑌾𑌕𑌰𑌸𑍁𑌹𑌰𑍍𑌷𑌿𑌣𑍀 ॥ 195 ॥
𑌦𑍋𑌷𑌾𑌕𑌰𑌶𑌿𑌰𑍋𑌭𑍂𑌷𑌾 𑌦𑍋𑌷𑌾𑌕𑌰𑌵𑌧𑍂𑌪𑍍𑌰𑌿𑌯𑌾 ।
𑌦𑍋𑌷𑌾𑌕𑌰𑌵𑌧𑍂𑌪𑍍𑌰𑌾𑌣𑌾 𑌦𑍋𑌷𑌾𑌕𑌰𑌵𑌧𑍂𑌰𑍍𑌮𑌤𑌾 ॥ 196 ॥
𑌦𑍋𑌷𑌾𑌕𑌰𑌵𑌧𑍂𑌪𑍍𑌰𑍀𑌤𑌾 𑌦𑍋𑌷𑌾𑌕𑌰𑌵𑌧𑍂𑌰𑌪𑌿 ।
𑌦𑍋𑌷𑌾𑌪𑍂𑌜𑍍𑌯𑌾 𑌤𑌥𑌾 𑌦𑍋𑌷𑌾𑌪𑍂𑌜𑌿𑌤𑌾 𑌦𑍋𑌷𑌹𑌾𑌰𑌿𑌣𑍀 ॥ 197 ॥
𑌦𑍋𑌷𑌾𑌜𑌾𑌪𑌮𑌹𑌾𑌨𑌨𑍍𑌦𑌾 𑌦𑍋𑌷𑌾𑌜𑌪𑌪𑌰𑌾𑌯𑌣𑌾 ।
𑌦𑍋𑌷𑌾𑌪𑍁𑌰𑌶𑍍𑌚𑌾𑌰𑌰𑌤𑌾 𑌦𑍋𑌷𑌾𑌪𑍂𑌜𑌕𑌪𑍁𑌤𑍍𑌰𑌿𑌕𑌾 ॥ 198 ॥
𑌦𑍋𑌷𑌾𑌪𑍂𑌜𑌕𑌵𑌾𑌤𑍍𑌸𑌲𑍍𑌯𑌕𑌾𑌰𑌿𑌣𑍀𑌜𑌗𑌦𑌮𑍍𑌬𑌿𑌕𑌾 ।
𑌦𑍋𑌷𑌾𑌪𑍂𑌜𑌕𑌵𑍈𑌰𑌿𑌘𑍍𑌨𑍀 𑌦𑍋𑌷𑌾𑌪𑍂𑌜𑌕𑌵𑌿𑌘𑍍𑌨𑌹𑍃𑌤𑍍 ॥ 199 ॥
𑌦𑍋𑌷𑌾𑌪𑍂𑌜𑌕𑌸𑌨𑍍𑌤𑍁𑌷𑍍𑌟𑌾 𑌦𑍋𑌷𑌾𑌪𑍂𑌜𑌕𑌮𑍁𑌕𑍍𑌤𑌿𑌦𑌾 ।
𑌦𑌮𑌪𑍍𑌰𑌸𑍂𑌨𑌸𑌮𑍍𑌪𑍂𑌜𑍍𑌯𑌾 𑌦𑌮𑌪𑍁𑌷𑍍𑌪𑌪𑍍𑌰𑌿𑌯𑌾 𑌸𑌦𑌾 ॥ 200 ॥
𑌦𑍁𑌰𑍍𑌯𑍋𑌧𑌨𑌪𑍍𑌰𑌪𑍂𑌜𑍍𑌯𑌾 𑌚 𑌦𑍁𑌶𑍍𑌶𑌾𑌸𑌨𑌸𑌮𑌰𑍍𑌚𑌿𑌤𑌾 ।
𑌦𑌣𑍍𑌡𑌪𑌾𑌣𑌿𑌪𑍍𑌰𑌿𑌯𑌾 𑌦𑌣𑍍𑌡𑌪𑌾𑌣𑌿𑌮𑌾𑌤𑌾 𑌦𑌯𑌾𑌨𑌿𑌧𑌿𑌃 ॥ 201 ॥
𑌦𑌣𑍍𑌡𑌪𑌾𑌣𑌿𑌸𑌮𑌾𑌰𑌾𑌧𑍍𑌯𑌾 𑌦𑌣𑍍𑌡𑌪𑌾𑌣𑌿𑌪𑍍𑌰𑌪𑍂𑌜𑌿𑌤𑌾 ।
𑌦𑌣𑍍𑌡𑌪𑌾𑌣𑌿𑌗𑍃𑌹𑌾𑌸𑌕𑍍𑌤𑌾 𑌦𑌣𑍍𑌡𑌪𑌾𑌣𑌿𑌪𑍍𑌰𑌿𑌯𑌂𑌵𑌦𑌾 ॥ 202 ॥
𑌦𑌣𑍍𑌡𑌪𑌾𑌣𑌿𑌪𑍍𑌰𑌿𑌯𑌤𑌮𑌾 𑌦𑌣𑍍𑌡𑌪𑌾𑌣𑌿𑌮𑌨𑍋𑌹𑌰𑌾 ।
𑌦𑌣𑍍𑌡𑌪𑌾𑌣𑌿𑌹𑍃𑌤𑌪𑍍𑌰𑌾𑌣𑌾 𑌦𑌣𑍍𑌡𑌪𑌾𑌣𑌿𑌸𑍁𑌸𑌿𑌦𑍍𑌧𑌿𑌦𑌾 ॥ 203 ॥
𑌦𑌣𑍍𑌡𑌪𑌾𑌣𑌿𑌪𑌰𑌾𑌮𑍃𑌷𑍍𑌟𑌾 𑌦𑌣𑍍𑌡𑌪𑌾𑌣𑌿𑌪𑍍𑌰𑌹𑌰𑍍𑌷𑌿𑌤𑌾 ।
𑌦𑌣𑍍𑌡𑌪𑌾𑌣𑌿𑌵𑌿𑌘𑍍𑌨𑌹𑌰𑌾 𑌦𑌣𑍍𑌡𑌪𑌾𑌣𑌿𑌶𑌿𑌰𑍋𑌧𑍃𑌤𑌾 ॥ 204 ॥
𑌦𑌣𑍍𑌡𑌪𑌾𑌣𑌿𑌪𑍍𑌰𑌾𑌪𑍍𑌤𑌚𑌰𑍍𑌚𑌾 𑌦𑌣𑍍𑌡𑌪𑌾𑌣𑍍𑌯𑍁𑌨𑍍𑌮𑍁𑌖𑍀 𑌸𑌦𑌾 ।
𑌦𑌣𑍍𑌡𑌪𑌾𑌣𑌿𑌪𑍍𑌰𑌾𑌪𑍍𑌤𑌪𑌦𑌾 𑌦𑌣𑍍𑌡𑌪𑌾𑌣𑌿𑌪𑌰𑌾𑌙𑍍𑌮𑍁𑌖𑍀 ॥ 205 ॥
𑌦𑌣𑍍𑌡𑌹𑌸𑍍𑌤𑌾 𑌦𑌣𑍍𑌡𑌪𑌾𑌣𑌿𑌰𑍍𑌦𑌣𑍍𑌡𑌬𑌾𑌹𑍁𑌰𑍍𑌦𑌰𑌾𑌨𑍍𑌤𑌕𑍃𑌤𑍍 ।
𑌦𑌣𑍍𑌡𑌦𑍋𑌷𑍍𑌕𑌾 𑌦𑌣𑍍𑌡𑌕𑌰𑌾 𑌦𑌣𑍍𑌡𑌚𑌿𑌤𑍍𑌤𑌕𑍃𑌤𑌾𑌸𑍍𑌪𑌦𑌾 ॥ 206 ॥
𑌦𑌣𑍍𑌡𑌿𑌵𑌿𑌦𑍍𑌯𑌾 𑌦𑌣𑍍𑌡𑌿𑌮𑌾𑌤𑌾 𑌦𑌣𑍍𑌡𑌿𑌖𑌣𑍍𑌡𑌕𑌨𑌾𑌶𑌿𑌨𑍀 ।
𑌦𑌣𑍍𑌡𑌿𑌪𑍍𑌰𑌿𑌯𑌾 𑌦𑌣𑍍𑌡𑌿𑌪𑍂𑌜𑍍𑌯𑌾 𑌦𑌣𑍍𑌡𑌿𑌸𑌨𑍍𑌤𑍋𑌷𑌦𑌾𑌯𑌿𑌨𑍀 ॥ 207 ॥
𑌦𑌸𑍍𑌯𑍁𑌪𑍂𑌜𑌾 𑌦𑌸𑍍𑌯𑍁𑌰𑌤𑌾 𑌦𑌸𑍍𑌯𑍁𑌦𑍍𑌰𑌵𑌿𑌣𑌦𑌾𑌯𑌿𑌨𑍀 ।
𑌦𑌸𑍍𑌯𑍁𑌵𑌰𑍍𑌗𑌕𑍃𑌤𑌾𑌰𑍍𑌹𑌾 𑌚 𑌦𑌸𑍍𑌯𑍁𑌵𑌰𑍍𑌗𑌵𑌿𑌨𑌾𑌶𑌿𑌨𑍀 ॥ 208 ॥
𑌦𑌸𑍍𑌯𑍁𑌨𑌿𑌰𑍍𑌨𑌾𑌶𑌿𑌨𑍀 𑌦𑌸𑍍𑌯𑍁𑌕𑍁𑌲𑌨𑌿𑌰𑍍𑌨𑌾𑌶𑌿𑌨𑍀 𑌤𑌥𑌾 ।
𑌦𑌸𑍍𑌯𑍁𑌪𑍍𑌰𑌿𑌯𑌕𑌰𑍀 𑌦𑌸𑍍𑌯𑍁𑌨𑍃𑌤𑍍𑌯𑌦𑌰𑍍𑌶𑌨𑌤𑌤𑍍𑌪𑌰𑌾 ॥ 209 ॥
𑌦𑍁𑌷𑍍𑌟𑌦𑌣𑍍𑌡𑌕𑌰𑍀 𑌦𑍁𑌷𑍍𑌟𑌵𑌰𑍍𑌗𑌵𑌿𑌦𑍍𑌰𑌾𑌵𑌿𑌣𑍀 𑌤𑌥𑌾 ।
𑌦𑍁𑌷𑍍𑌟𑌵𑌰𑍍𑌗𑌨𑌿𑌗𑍍𑌰𑌹𑌾𑌰𑍍𑌹𑌾 𑌦𑍂𑌷𑌕𑌪𑍍𑌰𑌾𑌣𑌨𑌾𑌶𑌿𑌨𑍀 ॥ 210 ॥
𑌦𑍂𑌷𑌕𑍋𑌤𑍍𑌤𑌾𑌪𑌜𑌨𑌨𑍀 𑌦𑍂𑌷𑌕𑌾𑌰𑌿𑌷𑍍𑌟𑌕𑌾𑌰𑌿𑌣𑍀 ।
𑌦𑍂𑌷𑌕𑌦𑍍𑌵𑍇𑌷𑌣𑌕𑌰𑍀 𑌦𑌾𑌹𑌿𑌕𑌾 𑌦𑌹𑌨𑌾𑌤𑍍𑌮𑌿𑌕𑌾 ॥ 211 ॥
𑌦𑌾𑌰𑍁𑌕𑌾𑌰𑌿𑌨𑌿𑌹𑌨𑍍𑌤𑍍𑌰𑍀 𑌚 𑌦𑌾𑌰𑍁𑌕𑍇𑌶𑍍𑌵𑌰𑌪𑍂𑌜𑌿𑌤𑌾 ।
𑌦𑌾𑌰𑍁𑌕𑍇𑌶𑍍𑌵𑌰𑌮𑌾𑌤𑌾 𑌚 𑌦𑌾𑌰𑍁𑌕𑍇𑌶𑍍𑌵𑌰𑌵𑌨𑍍𑌦𑌿𑌤𑌾 ॥ 212 ॥
𑌦𑌰𑍍𑌭𑌹𑌸𑍍𑌤𑌾 𑌦𑌰𑍍𑌭𑌯𑍁𑌤𑌾 𑌦𑌰𑍍𑌭𑌕𑌰𑍍𑌮𑌵𑌿𑌵𑌰𑍍𑌜𑌿𑌤𑌾 ।
𑌦𑌰𑍍𑌭𑌮𑌯𑍀 𑌦𑌰𑍍𑌭𑌤𑌨𑍁𑌰𑍍𑌦𑌰𑍍𑌭𑌸𑌰𑍍𑌵𑌸𑍍𑌵𑌰𑍂𑌪𑌿𑌣𑍀 ॥ 213 ॥
𑌦𑌰𑍍𑌭𑌕𑌰𑍍𑌮𑌾𑌚𑌾𑌰𑌰𑌤𑌾 𑌦𑌰𑍍𑌭𑌹𑌸𑍍𑌤𑌕𑍃𑌤𑌾𑌰𑍍𑌹𑌣𑌾 ।
𑌦𑌰𑍍𑌭𑌾𑌨𑍁𑌕𑍂𑌲𑌾 𑌦𑌾𑌰𑍍𑌭𑌰𑍍𑌯𑌾 𑌦𑌰𑍍𑌵𑍀𑌪𑌾𑌤𑍍𑌰𑌾𑌨𑍁𑌦𑌾𑌮𑌿𑌨𑍀 ॥ 214 ॥
𑌦𑌮𑌘𑍋𑌷𑌪𑍍𑌰𑌪𑍂𑌜𑍍𑌯𑌾 𑌚 𑌦𑌮𑌘𑍋𑌷𑌵𑌰𑌪𑍍𑌰𑌦𑌾 ।
𑌦𑌮𑌘𑍋𑌷𑌸𑌮𑌾𑌰𑌾𑌧𑍍𑌯𑌾 𑌦𑌾𑌵𑌾𑌗𑍍𑌨𑌿𑌰𑍂𑌪𑌿𑌣𑍀 𑌤𑌥𑌾 ॥ 215 ॥
𑌦𑌾𑌵𑌾𑌗𑍍𑌨𑌿𑌰𑍂𑌪𑌾 𑌦𑌾𑌵𑌾𑌗𑍍𑌨𑌿𑌨𑌿𑌰𑍍𑌨𑌾𑌶𑌿𑌤𑌮𑌹𑌾𑌬𑌲𑌾 ।
𑌦𑌨𑍍𑌤𑌦𑌂𑌷𑍍𑌟𑍍𑌰𑌾𑌸𑍁𑌰𑌕𑌲𑌾 𑌦𑌨𑍍𑌤𑌚𑌰𑍍𑌚𑌿𑌤𑌹𑌸𑍍𑌤𑌿𑌕𑌾 ॥ 216 ॥
𑌦𑌨𑍍𑌤𑌦𑌂𑌷𑍍𑌟𑍍𑌰𑌸𑍍𑌯𑌨𑍍𑌦𑌨𑌾 𑌚 𑌦𑌨𑍍𑌤𑌨𑌿𑌰𑍍𑌨𑌾𑌶𑌿𑌤𑌾𑌸𑍁𑌰𑌾 ।
𑌦𑌧𑌿𑌪𑍂𑌜𑍍𑌯𑌾 𑌦𑌧𑌿𑌪𑍍𑌰𑍀𑌤𑌾 𑌦𑌧𑍀𑌚𑌿𑌵𑌰𑌦𑌾𑌯𑌿𑌨𑍀 ॥ 217 ॥
𑌦𑌧𑍀𑌚𑍀𑌷𑍍𑌟𑌦𑍇𑌵𑌤𑌾 𑌚 𑌦𑌧𑍀𑌚𑌿𑌮𑍋𑌕𑍍𑌷𑌦𑌾𑌯𑌿𑌨𑍀 ।
𑌦𑌧𑍀𑌚𑌿𑌦𑍈𑌨𑍍𑌯𑌹𑌨𑍍𑌤𑍍𑌰𑍀 𑌚 𑌦𑌧𑍀𑌚𑌿𑌦𑌰𑌧𑌾𑌰𑌿𑌣𑍀 ॥ 218 ॥
𑌦𑌧𑍀𑌚𑌿𑌭𑌕𑍍𑌤𑌿𑌸𑍁𑌖𑌿𑌨𑍀 𑌦𑌧𑍀𑌚𑌿𑌮𑍁𑌨𑌿𑌸𑍇𑌵𑌿𑌤𑌾 ।
𑌦𑌧𑍀𑌚𑌿𑌜𑍍𑌞𑌾𑌨𑌦𑌾𑌤𑍍𑌰𑍀 𑌚 𑌦𑌧𑍀𑌚𑌿𑌗𑍁𑌣𑌦𑌾𑌯𑌿𑌨𑍀 ॥ 219 ॥
𑌦𑌧𑍀𑌚𑌿𑌕𑍁𑌲𑌸𑌮𑍍𑌭𑍂𑌷𑌾 𑌦𑌧𑍀𑌚𑌿𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌦𑌾 ।
𑌦𑌧𑍀𑌚𑌿𑌕𑍁𑌲𑌦𑍇𑌵𑍀 𑌚 𑌦𑌧𑍀𑌚𑌿𑌕𑍁𑌲𑌦𑍇𑌵𑌤𑌾 ॥ 220 ॥
𑌦𑌧𑍀𑌚𑌿𑌕𑍁𑌲𑌗𑌮𑍍𑌯𑌾 𑌚 𑌦𑌧𑍀𑌚𑌿𑌕𑍁𑌲𑌪𑍂𑌜𑌿𑌤𑌾 ।
𑌦𑌧𑍀𑌚𑌿𑌸𑍁𑌖𑌦𑌾𑌤𑍍𑌰𑍀 𑌚 𑌦𑌧𑍀𑌚𑌿𑌦𑍈𑌨𑍍𑌯𑌹𑌾𑌰𑌿𑌣𑍀 ॥ 221 ॥
𑌦𑌧𑍀𑌚𑌿𑌦𑍁𑌃𑌖𑌹𑌨𑍍𑌤𑍍𑌰𑍀 𑌚 𑌦𑌧𑍀𑌚𑌿𑌕𑍁𑌲𑌸𑍁𑌨𑍍𑌦𑌰𑍀 ।
𑌦𑌧𑍀𑌚𑌿𑌕𑍁𑌲𑌸𑌮𑍍𑌭𑍂𑌤𑌾 𑌦𑌧𑍀𑌚𑌿𑌕𑍁𑌲𑌪𑌾𑌲𑌿𑌨𑍀 ॥ 222 ॥
𑌦𑌧𑍀𑌚𑌿𑌦𑌾𑌨𑌗𑌮𑍍𑌯𑌾 𑌚 𑌦𑌧𑍀𑌚𑌿𑌦𑌾𑌨𑌮𑌾𑌨𑌿𑌨𑍀 ।
𑌦𑌧𑍀𑌚𑌿𑌦𑌾𑌨𑌸𑌨𑍍𑌤𑍁𑌷𑍍𑌟𑌾 𑌦𑌧𑍀𑌚𑌿𑌦𑌾𑌨𑌦𑍇𑌵𑌤𑌾 ॥ 223 ॥
𑌦𑌧𑍀𑌚𑌿𑌜𑌯𑌸𑌮𑍍𑌪𑍍𑌰𑍀𑌤𑌾 𑌦𑌧𑍀𑌚𑌿𑌜𑌪𑌮𑌾𑌨𑌸𑌾 ।
𑌦𑌧𑍀𑌚𑌿𑌜𑌪𑌪𑍂𑌜𑌾𑌢𑍍𑌯𑌾 𑌦𑌧𑍀𑌚𑌿𑌜𑌪𑌮𑌾𑌲𑌿𑌕𑌾 ॥ 224 ॥
𑌦𑌧𑍀𑌚𑌿𑌜𑌪𑌸𑌨𑍍𑌤𑍁𑌷𑍍𑌟𑌾 𑌦𑌧𑍀𑌚𑌿𑌜𑌪𑌤𑍋𑌷𑌿𑌣𑍀 ।
𑌦𑌧𑍀𑌚𑌿𑌤𑌾𑌪𑌸𑌾𑌰𑌾𑌧𑍍𑌯𑌾 𑌦𑌧𑍀𑌚𑌿𑌶𑍁𑌭𑌦𑌾𑌯𑌿𑌨𑍀 ॥ 225 ॥
𑌦𑍂𑌰𑍍𑌵𑌾 𑌦𑍂𑌰𑍍𑌵𑌾𑌦𑌲𑌶𑍍𑌯𑌾𑌮𑌾 𑌦𑍂𑌰𑍍𑌵𑌾𑌦𑌲𑌸𑌮𑌦𑍍𑌯𑍁𑌤𑌿𑌃 ।
𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌦𑍁𑌰𑍍𑌗𑌾𑌯𑌾 𑌦𑌾𑌦𑍀𑌨𑌾𑌮𑌿𑌤𑌿 𑌕𑍀𑌰𑍍𑌤𑌿𑌤𑌮𑍍 ॥ 226 ॥
𑌫𑌲𑌶𑍃𑌤𑌿𑌃
𑌯𑌃 𑌪𑌠𑍇𑌤𑍍𑌸𑌾𑌧𑌕𑌾𑌧𑍀𑌶𑌃 𑌸𑌰𑍍𑌵𑌸𑌿𑌦𑍍𑌧𑌿𑌰𑍍𑌲𑌭𑍇𑌤𑍍𑌤𑍁 𑌸𑌃 ।
𑌪𑍍𑌰𑌾𑌤𑌰𑍍𑌮𑌧𑍍𑌯𑌾𑌹𑍍𑌨𑌕𑌾𑌲𑍇 𑌚 𑌸𑌨𑍍𑌧𑍍𑌯𑌾𑌯𑌾𑌂 𑌨𑌿𑌯𑌤𑌃 𑌶𑍁𑌚𑌿𑌃 ॥ 227 ॥
𑌤𑌥𑌾𑌽𑌰𑍍𑌧𑌰𑌾𑌤𑍍𑌰𑌸𑌮𑌯𑍇 𑌸 𑌮𑌹𑍇𑌶 𑌇𑌵𑌾𑌪𑌰𑌃 ।
𑌶𑌕𑍍𑌤𑌿𑌯𑍁𑌕𑍍𑌤𑌾 𑌮𑌹𑌾𑌰𑌾𑌤𑍍𑌰𑍗 𑌮𑌹𑌾𑌵𑍀𑌰𑌃 𑌪𑍍𑌰𑌪𑍂𑌜𑌯𑍇𑌤𑍍 ॥ 228 ॥
𑌮𑌹𑌾𑌦𑍇𑌵𑍀𑌂 𑌮𑌕𑌾𑌰𑌾𑌦𑍍𑌯𑍈𑌃 𑌪𑌞𑍍𑌚𑌭𑌿𑌰𑍍𑌦𑍍𑌰𑌵𑍍𑌯 𑌸𑌤𑍍𑌤𑌮𑍈𑌃 ।
𑌤𑌤𑍍𑌪𑌠𑍇𑌤𑍍 𑌸𑍍𑌤𑍁𑌤𑌿𑌮𑌿𑌮𑌾𑌂 𑌯𑌃 𑌸 𑌚 𑌸𑌿𑌦𑍍𑌧𑌿𑌸𑍍𑌵𑌰𑍂𑌪𑌧𑍃𑌕𑍍 ॥ 229 ॥
𑌦𑍇𑌵𑌾𑌲𑌯𑍇 𑌶𑍍𑌮𑌶𑌾𑌨𑍇 𑌚 𑌗𑌙𑍍𑌗𑌾𑌤𑍀𑌰𑍇 𑌨𑌿𑌜𑍇𑌗𑍃𑌹𑍇 ।
𑌵𑌾𑌰𑌾𑌙𑍍𑌗𑌨𑌾𑌗𑍃𑌹𑍇 𑌚𑍈𑌵 𑌶𑍍𑌰𑍀𑌗𑍁𑌰𑍋𑌃 𑌸𑌨𑍍𑌨𑌿𑌧𑌾𑌨𑌪𑌿 ॥ 230 ॥
𑌪𑌰𑍍𑌵𑌤𑍇 𑌪𑍍𑌰𑌾𑌨𑍍𑌤𑌰𑍇 𑌘𑍋𑌰𑍇 𑌸𑍍𑌤𑍋𑌤𑍍𑌰𑌮𑍇𑌤𑌤𑍍𑌸𑌦𑌾 𑌪𑌠𑍇𑌤𑍍 ।
𑌦𑍁𑌰𑍍𑌗𑌾𑌨𑌾𑌮𑌸𑌹𑌸𑍍𑌰𑍇𑌣 𑌦𑍁𑌰𑍍𑌗𑌾𑌂 𑌪𑌶𑍍𑌯𑌤𑌿 𑌚𑌕𑍍𑌷𑍁𑌷𑌾 ॥ 231 ॥
𑌶𑌤𑌾𑌵𑌰𑍍𑌤𑌨𑌮𑍇𑌤𑌸𑍍𑌯 𑌪𑍁𑌰𑌶𑍍𑌚𑌰𑌣𑌮𑍁𑌚𑍍𑌯𑌤𑍇 ।
𑌸𑍍𑌤𑍁𑌤𑌿𑌸𑌾𑌰𑍋 𑌨𑌿𑌗𑌦𑌿𑌤𑌃 𑌕𑌿𑌂 𑌭𑍂𑌯𑌃 𑌶𑍍𑌰𑍋𑌤𑍁𑌮𑌿𑌚𑍍𑌛𑌸𑌿 ॥ 232 ॥
𑌇𑌤𑌿 𑌕𑍁𑌲𑌾𑌰𑍍𑌣𑌵𑍇 𑌦𑍁𑌰𑍍𑌗𑌾 𑌦𑌕𑌾𑌰𑌾𑌦𑌿 𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
śrī devyuvāca |
mama nāma sahasraṃ ca śiva pūrvavinirmitam |
tatpaṭhyatāṃ vidhānena tathā sarvaṃ bhaviṣyati ||
ityuktvā pārvatī devi śrāvayāmāsa taccatān |
tadeva nāmasāhasraṃ dakārādi varānane ||
rogadāridryadaurbhāgyaśokaduḥkhavināśakam |
sarvāsāṃ pūjitaṃ nāma śrīdurgādevatā matā ||
nijabījaṃ bhavedbījaṃ mantraṃ kīlakamucyate |
sarvāśāpūraṇe devī viniyogaḥ prakīrtitaḥ ||
oṃ asya śrīdakārādi durgāsahasranāma stotrasya śiva ṛṣiḥ anuṣṭupchandaḥ śrīdurgā devatā duṃ bījaṃ duṃ kīlakaṃ duḥkhadāridryarogaśoka nivṛttyarthaṃ pāṭhe viniyogaḥ |
dhyānam
vidyuddāmasamaprabhāṃ mṛgapati skandhasthitāṃ bhīṣaṇāṃ
kanyābhiḥ karavālakheṭaviladdastābhirāsevitām |
hasaiścakragadāsikheṭa viśikhāṃścāpaṃ guṇaṃ tarjanīṃ
bibhrāṇāmanalātmikāṃ śaśidharāṃ durgāṃ trinetrāṃ bhaje ||
stotram
duṃ durgā durgatiharā durgācalanivāsinī |
durgamārgānusañcārā durgamārganivāsinī || 1 ||
durgamārgapraviṣṭā ca durgamārgapraveśinī |
durgamārgakṛtāvāsā durgamārgajayapriyā || 2 ||
durgamārgagṛhītārcā durgamārgasthitātmikā |
durgamārgastutiparā durgamārgasmṛtiḥ parā || 3 ||
durgamārgasadāsthātrī durgamārgaratipriyā |
durgamārgasthalasthānā durgamārgavilāsinī || 4 ||
durgamārgatyaktavastrā durgamārgapravartinī |
durgāsuranihantrī ca durgāsuraniṣūdinī || 5 ||
durgāsuraharā dūtī durgāsuravināśinī |
durgāsuravadhonmattā durgāsuravadhotsukā || 6 ||
durgāsuravadhotsāhā durgāsuravadhodyatā |
durgāsuravadhaprepsuḥ durgāsuramukhāntakṛt || 7 ||
durgāsuradhvaṃsatoṣā durgadānavadāriṇī |
durgavidrāvaṇakarī durgavidrāvaṇī sadā || 8 ||
durgavikṣobhaṇakarī durgaśīrṣanikṛntanī |
durgavidhvaṃsanakarī durgadaityanikṛntanī || 9 ||
durgadaityaprāṇaharā durgadaityāntakāriṇī |
durgadaityaharatrātā durgadaityāsṛgunmadā || 10 ||
durgadaityāśanakarī durgacarmāmbarāvṛtā |
durgayuddhotsavakarī durgayuddhaviśāradā || 11 ||
durgayuddhāsavaratā durgayuddhavimardinī |
durgayuddhahāsyaratā durgayuddhāṭṭahāsinī || 12 ||
durgayuddhamahāmattā durgayuddhānusāriṇī |
durgayuddhotsavotsāhā durgadeśaniṣeviṇī || 13 ||
durgadeśavāsaratā durgadeśavilāsinī |
durgadeśārcanaratā durgadeśajanapriyā || 14 ||
durgamasthānasaṃsthānā durgamadhyānusādhanā |
durgamā durgamadhyānā durgamātmasvarūpiṇī || 15 ||
durgamāgamasandhānā durgamāgamasaṃstutā |
durgamāgamadurjñeyā durgamaśrutisammatā || 16 ||
durgamaśrutimānyā ca durgamaśrutipūjitā |
durgamaśrutisuprītā durgamaśrutiharṣadā || 17 ||
durgamaśrutisaṃsthānā durgamaśrutimānitā |
durgamācārasantuṣṭā durgamācāratoṣitā || 18 ||
durgamācāranirvṛttā durgamācārapūjitā |
durgamācārakalitā durgamasthānadāyinī || 19 ||
durgamapremaniratā durgamadraviṇapradā |
durgamāmbujamadhyasthā durgamāmbujavāsinī || 20 ||
durganāḍīmārgagatirdurganāḍīpracāriṇī |
durganāḍīpadmaratā durganāḍyambujasthitā || 21 ||
durganāḍīgatāyātā durganāḍīkṛtāspadā |
durganāḍīrataratā durganāḍīśasaṃstutā || 22 ||
durganāḍīśvararatā durganāḍīśacumbitā |
durganāḍīśakroḍasthā durganāḍyatthitotsukā || 23 ||
durganāḍyārohaṇā ca durganāḍīniṣevitā |
daristhānā daristhānavāsinī danujāntakṛt || 24 ||
darīkṛtatapasyā ca darīkṛtaharārcanā |
darījāpitadiṣṭā ca darīkṛtaratipriyā || 25 ||
darīkṛtaharārhā ca darīkrīḍitaputrikā |
darīsandarśanaratā darīropitavṛścikā || 26 ||
darīguptikautukāḍhyā darībhramaṇatatparā |
danujāntakarī dīnā danusantānadāriṇī || 27 ||
danujadhvaṃsinī dūnā danujendravināśinī |
dānavadhvaṃsinī devī dānavānāṃ bhayaṅkarī || 28 ||
dānavī dānavārādhyā dānavendravarapradā |
dānavendranihantrī ca dānavadveṣiṇīsatī || 29 ||
dānavāripremaratā dānavāriprapūjitā |
dānavārikṛtārcā ca dānavārivibhūtidā || 30 ||
dānavārimahānandā dānavāriratipriyā |
dānavāridānaratā dānavārikṛtāspadā || 31 ||
dānavāristutiratā dānavārismṛtipriyā |
dānavāryāhāraratā dānavāriprabodhinī || 32 ||
dānavāridhṛtapremā duḥkhaśokavimocanī |
duḥkhahantrī duḥkhadātrī duḥkhanirmūlakāriṇī || 33 ||
duḥkhanirmūlanakarī duḥkhadāridryanāśinī | [dāryarināśinī]
duḥkhaharā duḥkhanāśā duḥkhagrāmā durāsadā || 34 ||
duḥkhahīnā duḥkhadūrā draviṇācāradāyinī |
draviṇotsargasantuṣṭā draviṇatyāgatoṣitā || 35 ||
draviṇasparśasantuṣṭā draviṇasparśamānadā |
draviṇasparśaharṣāḍhyā draviṇasparśatuṣṭidā || 36 ||
draviṇasparśanakarī draviṇasparśanāturā |
draviṇasparśanotsāhā draviṇasparśasādhitā || 37 ||
draviṇasparśanamatā draviṇasparśaputrikā |
draviṇasparśarakṣiṇī draviṇastomadāyinī || 38 ||
draviṇākarṣaṇakarī draviṇaughavisarjanī |
draviṇācaladānāḍhyā draviṇācalavāsinī || 39 ||
dīnamātā dīnabandhurdīnavighnavināśinī |
dīnasevyā dīnasiddhā dīnasādhyā digambarī || 40 ||
dīnagehakṛtānandā dīnagehavilāsinī |
dīnabhāvapremaratā dīnabhāvavinodinī || 41 ||
dīnamānavacetaḥsthā dīnamānavaharṣadā |
dīnadainyavighātecchurdīnadraviṇadāyinī || 42 ||
dīnasādhanasantuṣṭā dīnadarśanadāyinī |
dīnaputrādidātrī ca dīnasamyagvidhāyinī || 43 ||
dattātreyadhyānaratā dattātreyaprapūjitā |
dattātreyarṣisaṃsiddhā dattātreyavibhāvitā || 44 ||
dattātreyakṛtārhā ca dattātreyaprasāditā |
dattātreyaharṣadātrī dattātreyasukhapradā || 45 ||
dattātreyastutā caiva dattātreyanutāsadā |
dattātreyapremaratā dattātreyānumānitā || 46 ||
dattātreyasamudgītā dattātreyakuṭumbinī |
dattātreyaprāṇatulyā dattātreyaśarīriṇī || 47 ||
dattātreyakṛtānandā dattātreyāṃśasambhavā |
dattātreyavibhūtisthā dattātreyānusāriṇī || 48 ||
dattātreyagītiratā dattātreyadhanapradā |
dattātreyaduḥkhaharā dattātreyavarapradā || 49 ||
dattātreyajñānadātrī dattātreyabhayāpahā |
devakanyā devamānyā devaduḥkhavināśinī || 50 ||
devasiddhā devapūjyā devejyā devavanditā |
devamānyā devadhanyā devavighnavināśinī || 51 ||
devaramyā devaratā devakautukatatparā |
devakrīḍā devavrīḍā devavairivināśinī || 52 ||
devakāmā devarāmā devadviṣavināśinī |
devadevapriyā devī devadānavavanditā || 53 ||
devadevaratānandā devadevavarotsukā |
devadevapremaratā devadevapriyaṃvadā || 54 ||
devadevaprāṇatulyā devadevanitambinī |
devadevahṛtamanā devadevasukhāvahā || 55 ||
devadevakroḍaratā devadevasukhapradā |
devadevamahānandā devadevapracumbitā || 56 ||
devadevopabhuktā ca devadevānusevitā |
devadevagataprāṇā devadevagatātmikā || 57 ||
devadevaharṣadātrī devadevasukhapradā |
devadevamahānandā devadevavilāsinī || 58 ||
devadevadharmapatnī devadevamanogatā |
devadevavadhūrdevī devadevārcanapriyā || 59 ||
devadevāṅganilayā devadevāṅgaśāyinī |
devadevāṅgasukhinī devadevāṅgavāsinī || 60 ||
devadevāṅgabhūṣā ca devadevāṅgabhūṣaṇā |
devadevapriyakarī devadevāpriyāntakṛt || 61 ||
devadevapriyaprāṇā devadevapriyātmikā |
devadevārcakaprāṇā devadevārcakapriyā || 62 ||
devadevārcakotsāhā devadevārcakāśrayā |
devadevārcakāvighnā devadevaprasūrapi || 63 ||
devadevasya jananī devadevavidhāyinī |
devadevasya ramaṇī devadevahṛdāśrayā || 64 ||
devadeveṣṭadevī ca devatāpavipātinī | [tāpasapālinī]
devatābhāvasantuṣṭā devatābhāvatoṣitā || 65 ||
devatābhāvavaradā devatābhāvasiddhidā |
devatābhāvasaṃsiddhā devatābhāvasambhavā || 66 ||
devatābhāvasukhinī devatābhāvavanditā |
devatābhāvasuprītā devatābhāvaharṣadā || 67 ||
devatāvighnahantrī ca devatādviṣanāśinī |
devatāpūjitapadā devatāprematoṣitā || 68 ||
devatāgāranilayā devatāsaukhyadāyinī |
devatānijabhāvā ca devatāhṛtamānasā || 69 ||
devatākṛtapādārcā devatāhṛtabhaktikā |
devatāgarvamadhyasthā devatādevatātanuḥ || 70 ||
duṃ‍durgāyai namo nāmnī duṃ‍ṣaṇmantrasvarūpiṇī |
dūnnamomantrarūpā ca dūnnamomūrtikātmikā || 71 ||
dūradarśipriyā duṣṭā duṣṭabhūtaniṣevitā |
dūradarśipremaratā dūradarśipriyaṃvadā || 72 ||
dūradarśisiddhidātrī dūradarśipratoṣitā |
dūradarśikaṇṭhasaṃsthā dūradarśipraharṣitā || 73 ||
dūradarśigṛhītārcā dūradarśipratarpitā |
dūradarśiprāṇatulyā dūradarśisukhapradā || 74 ||
dūradarśibhrāntiharā dūradarśihṛdāspadā |
dūradarśyarividbhāvā dīrghadarśipramodinī || 75 ||
dīrghadarśiprāṇatulyā dīrghadarśivarapradā |
dīrghadarśiharṣadātrī dīrghadarśipraharṣitā || 76 ||
dīrghadarśimahānandā dīrghadarśigṛhālayā |
dīrghadarśigṛhītārcā dīrghadarśihṛtārhaṇā || 77 ||
dayā dānavatī dātrī dayālurdīnavatsalā |
dayārdrā ca dayāśīlā dayāḍhyā ca dayātmikā || 78 ||
dayāmbudhirdayāsārā dayāsāgarapāragā |
dayāsindhurdayābhārā dayāvatkaruṇākarī || 80 ||
dayāvadvatsalādevī dayādānaratāsadā |
dayāvadbhaktisukhinī dayāvatparitoṣitā || 81 ||
dayāvatsnehaniratā dayāvatpratipādikā |
dayāvatprāṇakartrī ca dayāvanmuktidāyinī || 82 ||
dayāvadbhāvasantuṣṭā dayāvatparitoṣitā |
dayāvattāraṇaparā dayāvatsiddhidāyinī || 83 ||
dayāvatputravadbhāvā dayāvatputrarūpiṇī |
dayāvaddehanilayā dayābandhurdayāśrayā || 84 ||
dayāluvātsalyakarī dayālusiddhidāyinī |
dayāluśaraṇāsaktā dayālurdehamandirā || 85 ||
dayālubhaktibhāvasthā dayāluprāṇarūpiṇī |
dayālusukhadā dambhā dayālupremavarṣiṇī || 86 ||
dayāluvaśagā dīrghā dīrghāṅgī dīrghalocanā |
dīrghanetrā dīrghacakṣurdīrghabāhulatātmikā || 87 ||
dīrghakeśī dīrghamukhī dīrghaghoṇā ca dāruṇā |
dāruṇāsurahantrī ca dāruṇāsuradāriṇī || 88 ||
dāruṇāhavakartrī ca dāruṇāhavaharṣitā |
dāruṇāhavahomāḍhyā dāruṇācalanāśinī || 89 ||
dāruṇācāraniratā dāruṇotsavaharṣitā |
dāruṇodyatarūpā ca dāruṇārinivāriṇī || 90 ||
dāruṇekṣaṇasaṃyuktā doścatuṣkavirājitā |
daśadoṣkā daśabhujā daśabāhuvirājitā || 91 ||
daśāstradhāriṇī devī daśadikkhyātavikramā |
daśarathārcitapadā dāśarathipriyā sadā || 92 ||
dāśarathiprematuṣṭā dāśarathiratipriyā |
dāśarathipriyakarī dāśarathipriyaṃvadā || 93 ||
dāśarathīṣṭasandātrī dāśarathīṣṭadevatā |
dāśarathidveṣināśā dāśarathyānukūlyadā || 94 ||
dāśarathipriyatamā dāśarathiprapūjitā |
daśānanārisampūjyā daśānanāridevatā || 95 ||
daśānanāripramadā daśānanārijanmabhūḥ |
daśānanāriratidā daśānanārisevitā || 96 ||
daśānanārisukhadā daśānanārivairihṛt |
daśānanārīṣṭadevī daśagrīvārivanditā || 97 ||
daśagrīvārijananī daśagrīvāribhāvinī |
daśagrīvārisahitā daśagrīvasabhājitā || 98 ||
daśagrīvāriramaṇī daśagrīvavadhūrapi |
daśagrīvanāśakartrī daśagrīvavarapradā || 99 ||
daśagrīvapurasthā ca daśagrīvavadhotsukā |
daśagrīvaprītidātrī daśagrīvavināśinī || 100 ||
daśagrīvāhavakarī daśagrīvānapāyinī |
daśagrīvapriyāvandyā daśagrīvāhṛtā tathā || 101 ||
daśagrīvāhitakarī daśagrīveśvarapriyā |
daśagrīveśvaraprāṇā daśagrīvavarapradā || 102 ||
daśagrīveśvararatā daśavarṣīyakanyakā |
daśavarṣīyabālā ca daśavarṣīyavāsinī || 103 ||
daśapāpaharā damyā daśahastavibhūṣitā |
daśaśastralasaddoṣkā daśadikpālavanditā || 104 ||
daśāvatārarūpā ca daśāvatārarūpiṇī |
daśavidyābhinnadevī daśaprāṇasvarūpiṇī || 105 ||
daśavidyāsvarūpā ca daśavidyāmayī tathā |
dṛksvarūpā dṛkpradātrī dṛgrūpā dṛkprakāśinī || 106 ||
digantarā digantasthā digambaravilāsinī |
digambarasamājasthā digambaraprapūjitā || 107 ||
digambarasahacarī digambarakṛtāspadā |
digambarahṛtācittā digambarakathāpriyā || 108 ||
digambaraguṇaratā digambarasvarūpiṇī |
digambaraśirodhāryā digambarahṛtāśrayā || 109 ||
digambarapremaratā digambararatāturā |
digambarīsvarūpā ca digambarīgaṇārcitā || 110 ||
digambarīgaṇaprāṇā digambarīgaṇapriyā |
digambarīgaṇārādhyā digambaragaṇeśvarā || 111 ||
digambaragaṇasparśāmadirāpānavihvalā |
digambarīkoṭivṛtā digambarīgaṇāvṛtā || 112 ||
durantā duṣkṛtiharā durdhyeyā duratikramā |
durantadānavadveṣṭī durantadanujāntakṛt || 113 ||
durantapāpahantrī ca dasranistārakāriṇī |
dasramānasasaṃsthānā dasrajñānavivardhinī || 114 ||
dasrasambhogajananī dasrasambhogadāyinī |
dasrasambhogabhavanā dasravidyāvidhāyinī || 115 ||
dasrodvegaharā dasrajananī dasrasundarī |
dasrabhaktividhājñānā dasradviṣavināśinī || 116 ||
dasrāpakāradamanī dasrasiddhividhāyinī |
dasratārārādhitā ca dasramātṛprapūjitā || 117 ||
dasradainyaharā caiva dasratātaniṣevitā |
dasrapitṛśatajyotirdasrakauśaladāyinī || 118 ||
daśaśīrṣārisahitā daśaśīrṣārikāminī |
daśaśīrṣapurī devī daśaśīrṣasabhājitā || 119 ||
daśaśīrṣārisuprītā daśaśīrṣavadhūpriyā |
daśaśīrṣaśiraśchetrī daśaśīrṣanitambinī || 120 ||
daśaśīrṣaharaprāṇā daśaśīrṣaharātmikā |
daśaśīrṣaharārādhyā daśaśīrṣārivanditā || 121 ||
daśaśīrṣārisukhadā daśaśīrṣakapālinī |
daśaśīrṣajñānadātrī daśaśīrṣāridehinī || 122 ||
daśaśīrṣavadhopāttaśrīrāmacandrarūpatā |
daśaśīrṣarāṣṭradevī daśaśīrṣārisāriṇī || 123 ||
daśaśīrṣabhrātṛtuṣṭā daśaśīrṣavadhūpriyā |
daśaśīrṣavadhūprāṇā daśaśīrṣavadhūratā || 124 ||
daityagururatā sādhvī daityaguruprapūjitā |
daityagurūpadeṣṭrī ca daityaguruniṣevitā || 125 ||
daityagurugataprāṇā daityagurutāpanāśinī |
durantaduḥkhaśamanī durantadamanītamī || 126 ||
durantaśokaśamanī durantaroganāśinī |
durantavairidamanī durantadaityanāśinī || 127 ||
durantakaluṣaghnī ca duṣkṛtistomanāśinī |
durāśayā durādhārā durjayā duṣṭakāminī || 128 ||
darśanīyā ca dṛśyā ca dṛṣṭvā ca dṛṣṭigocarā |
dūtīyāgapriyā dūtī dūtīyāgakarapriyā || 129 ||
dūtīyāgakarānandā dūtīyāgasukhapradā |
dūtīyāgakarāyātā dūtīyāgapramodinī || 130 ||
durvāsaḥpūjitā caiva durvāsomunibhāvitā |
durvāso'rcitapādā ca durvāsomunibhāvitā || 131 ||
durvāsomunivandyā ca durvāsomunidevatā |
durvāsomunimātā ca durvāsomunisiddhidā || 132 ||
durvāsomunibhāvasthā durvāsomunisevitā |
durvāsomunicittasthā durvāsomunimaṇḍitā || 133 ||
durvāsomunisañcārā durvāsohṛdayaṅgamā |
durvāsohṛdayārādhyā durvāsohṛtsarojagā || 134 ||
durvāsastāpasārādhyā durvāsastāpasāśrayā |
durvāsastāpasaratā durvāsastāpaseśvarī || 135 ||
durvāsomunikanyā ca durvāso'dbhutasiddhidā |
dararātrī daraharā darayuktā darāpahā || 136 ||
daraghnī darahantrī ca darayuktā darāśrayā |
darasmerā darāpāṅgī dayādātrī dayāśrayā |
dasrapūjyā dasramātā dasradevī daronmadā || 137 ||
dasrasiddhā dasrasaṃsthā dasratāpavimocanī |
dasrakṣobhaharā nityā dasralokagatātmikā || 138 ||
daityagurvaṅganāvandyā daityagurvaṅganāpriyā |
daityagurvaṅganāsiddhā daityagurvaṅganotsukā || 139 ||
daityagurupriyatamā devaguruniṣevitā |
devaguruprasūrūpā devagurukṛtārhaṇā || 140 ||
devagurupremayutā devagurvanumānitā |
devaguruprabhāvajñā devagurusukhapradā || 141 ||
devagurujñānadātrī devagurupramodinī |
daityastrīgaṇasampūjyā daityastrīgaṇapūjitā || 142 ||
daityastrīgaṇarūpā ca daityastrīcittahāriṇī |
devastrīgaṇapūjyā ca devastrīgaṇavanditā || 143 ||
devastrīgaṇacittasthā devastrīgaṇabhūṣitā |
devastrīgaṇasaṃsiddhā devastrīgaṇatoṣitā || 144 ||
devastrīgaṇahastasthacārucāmaravījitā |
devastrīgaṇahastasthacārugandhavilepitā || 145 ||
devāṅganādhṛtādarśadṛṣṭyarthamukhacandramā |
devāṅganotsṛṣṭanāgavallīdalakṛtotsukā || 146 ||
devastrīgaṇahastasthadhūpāghrāṇavinodinī |
devastrīgaṇahastasthadīpamālāvilokanā || 147 ||
devanārīkaragatavāsakāsavapāyinī |
devanārīkaṅkatikākṛtakeśanimārjanā || 148 ||
devanārīsevyagātrā devanārīkṛtotsukā |
devanārīviracitapuṣpamālāvirājitā || 149 ||
devanārīvicitrāṅgī devastrīdattabhojanā |
devastrīgaṇagītā ca devastrīgītasotsukā || 150 ||
devastrīnṛtyasukhinī devastrīnṛtyadarśinī |
devastrīyojitalasadratnapādapadāmbujā || 151 ||
devastrīgaṇavistīrṇacārutalpaniṣeduṣī |
devanārīcārukarākalitāṅghryādidehikā || 152 ||
devanārīkaravyagratālavṛntamarutsakā |
devanārīveṇuvīṇānādasotkaṇṭhamānasā || 153 ||
devakoṭistutinutā devakoṭikṛtārhaṇā |
devakoṭigītaguṇā devakoṭikṛtastutiḥ || 154 ||
dantadāṣṭyodvegaphalā devakolāhalākulā |
dveṣarāgaparityaktā dveṣarāgavivarjitā || 155 ||
dāmapūjyā dāmabhūṣā dāmodaravilāsinī |
dāmodarapremaratā dāmodarabhaginyapi || 156 ||
dāmodaraprasūrdāmodarapatnīpativratā |
dāmodarā'bhinnadehā dāmodararatipriyā || 157 ||
dāmodarābhinnatanurdāmodarakṛtāspadā |
dāmodarakṛtaprāṇā dāmodaragatātmikā || 158 ||
dāmodarakautukāḍhyā dāmodarakalākalā |
dāmodarāliṅgitāṅgī dāmodarakutūhalā || 159 ||
dāmodarakṛtāhlādā dāmodarasucumbitā |
dāmodarasutākṛṣṭā dāmodarasukhapradā || 160 ||
dāmodarasahāḍhyā ca dāmodarasahāyinī |
dāmodaraguṇajñā ca dāmodaravarapradā || 161 ||
dāmodarānukūlā ca dāmodaranitambinī |
dāmodarajalakrīḍākuśalā darśanapriyā || 162 ||
dāmodarajalakrīḍātyaktasvajanasauhṛdā |
dāmodaralasadrāsakelikautukinī tathā || 163 ||
dāmodarabhrātṛkā ca dāmodaraparāyaṇā |
dāmodaradharā dāmodaravairivināśinī || 164 ||
dāmodaropajāyā ca dāmodaranimantritā |
dāmodaraparābhūtā dāmodaraparājitā || 165 ||
dāmodarasamākrāntā dāmodarahatāśubhā |
dāmodarotsavaratā dāmodarotsavāvahā || 166 ||
dāmodarastanyadātrī dāmodaragaveṣitā |
damayantīsiddhidātrī damayantīprasāditā || 167 ||
damayantīṣṭadevī ca damayantīsvarūpiṇī |
damayantīkṛtārcā ca damanarṣivibhāvitā || 168 ||
damanarṣiprāṇatulyā damanarṣisvarūpiṇī |
damanarṣisvarūpā ca dambhapūritavigrahā || 169 ||
dambhahantrī dambhadhātrī dambhalokavimohinī |
dambhaśīlā dambhaharā dambhavatparimardinī || 170 ||
dambharūpā dambhakarī dambhasantānadhāriṇī |
dattamokṣā dattadhanā dattārogyā ca dāmbhikā || 171 ||
dattaputrā dattadārā dattahārā ca dārikā |
dattabhogā dattaśokā dattahastyādivāhanā || 172 ||
dattamatirdattabhāryā dattaśāstrāvabodhikā |
dattapānā dattadānā dattadāridryanāśinī || 173 ||
dattasaudhāvanīvāsā dattasvargā ca dāsadā |
dāsyatuṣṭā dāsyaharā dāsadāsīśatapradā || 174 ||
dārarūpā dāravāsā dāravāsihṛdāspadā |
dāravāsijanārādhyā dāravāsijanapriyā || 175 ||
dāravāsivinirṇītā dāravāsisamarcitā |
dāravāsyāhṛtaprāṇā dāravāsyārināśinī || 176 ||
dāravāsivighnaharā dāravāsivimuktidā |
dārāgnirūpiṇī dārā dārakāryarināśinī || 177 ||
dampatī dampatīṣṭā ca dampatīprāṇarūpikā |
dampatīsnehaniratā dāmpatyasādhanapriyā || 178 ||
dāmpatyasukhasevā ca dāmpatyasukhadāyinī |
dāmpatyācāraniratā dāmpatyāmodamoditā || 179 ||
dāmpatyāmodasukhinī dāmpatyāhlādakāriṇī |
dampatīṣṭapādapadmā dāmpatyapremarūpiṇī || 180 ||
dāmpatyabhogabhavanā dāḍimīphalabhojinī |
dāḍimīphalasantuṣṭā dāḍimīphalamānasā || 181 ||
dāḍimīvṛkṣasaṃsthānā dāḍimīvṛkṣavāsinī |
dāḍimīvṛkṣarūpā ca dāḍimīvanavāsinī || 182 ||
dāḍimīphalasāmyorupayodharahṛdāyutā | [samanvitā]
dakṣiṇā dakṣiṇārūpā dakṣiṇārūpadhāriṇī || 183 ||
dakṣakanyā dakṣaputrī dakṣamātā ca dakṣasūḥ |
dakṣagotrā dakṣasutā dakṣayajñavināśinī || 184 ||
dakṣayajñanāśakartrī dakṣayajñāntakāriṇī |
dakṣaprasūtirdakṣejyā dakṣavaṃśaikapāvanī || 185 ||
dakṣātmajā dakṣasūnurdakṣajā dakṣajātikā |
dakṣajanmā dakṣajanurdakṣadehasamudbhavā || 186 ||
dakṣajanirdakṣayāgadhvaṃsinī dakṣakanyakā |
dakṣiṇācāraniratā dakṣiṇācāratuṣṭidā || 187 ||
dakṣiṇācārasaṃsiddhā dakṣiṇācārabhāvitā |
dakṣiṇācārasukhinī dakṣiṇācārasādhitā || 188 ||
dakṣiṇācāramokṣāptirdakṣiṇācāravanditā |
dakṣiṇācāraśaraṇā dakṣiṇācāraharṣitā || 189 ||
dvārapālapriyā dvāravāsinī dvārasaṃsthitā |
dvārarūpā dvārasaṃsthā dvāradeśanivāsinī || 190 ||
dvārakarī dvāradhātrī doṣamātravivarjitā |
doṣakarā doṣaharā doṣarāśivināśinī || 191 ||
doṣākaravibhūṣāḍhyā doṣākarakapālinī |
doṣākarasahasrābhā doṣākarasamānanā || 192 ||
doṣākaramukhī divyā doṣākarakarāgrajā |
doṣākarasamajyotirdoṣākarasuśītalā || 193 ||
doṣākaraśreṇī doṣasadṛśāpāṅgavīkṣaṇā |
doṣākareṣṭadevī ca doṣākaraniṣevitā || 194 ||
doṣākaraprāṇarūpā doṣākaramarīcikā |
doṣākarollasatphālā doṣākarasuharṣiṇī || 195 ||
doṣākaraśirobhūṣā doṣākaravadhūpriyā |
doṣākaravadhūprāṇā doṣākaravadhūrmatā || 196 ||
doṣākaravadhūprītā doṣākaravadhūrapi |
doṣāpūjyā tathā doṣāpūjitā doṣahāriṇī || 197 ||
doṣājāpamahānandā doṣājapaparāyaṇā |
doṣāpuraścāraratā doṣāpūjakaputrikā || 198 ||
doṣāpūjakavātsalyakāriṇījagadambikā |
doṣāpūjakavairighnī doṣāpūjakavighnahṛt || 199 ||
doṣāpūjakasantuṣṭā doṣāpūjakamuktidā |
damaprasūnasampūjyā damapuṣpapriyā sadā || 200 ||
duryodhanaprapūjyā ca duśśāsanasamarcitā |
daṇḍapāṇipriyā daṇḍapāṇimātā dayānidhiḥ || 201 ||
daṇḍapāṇisamārādhyā daṇḍapāṇiprapūjitā |
daṇḍapāṇigṛhāsaktā daṇḍapāṇipriyaṃvadā || 202 ||
daṇḍapāṇipriyatamā daṇḍapāṇimanoharā |
daṇḍapāṇihṛtaprāṇā daṇḍapāṇisusiddhidā || 203 ||
daṇḍapāṇiparāmṛṣṭā daṇḍapāṇipraharṣitā |
daṇḍapāṇivighnaharā daṇḍapāṇiśirodhṛtā || 204 ||
daṇḍapāṇiprāptacarcā daṇḍapāṇyunmukhī sadā |
daṇḍapāṇiprāptapadā daṇḍapāṇiparāṅmukhī || 205 ||
daṇḍahastā daṇḍapāṇirdaṇḍabāhurdarāntakṛt |
daṇḍadoṣkā daṇḍakarā daṇḍacittakṛtāspadā || 206 ||
daṇḍividyā daṇḍimātā daṇḍikhaṇḍakanāśinī |
daṇḍipriyā daṇḍipūjyā daṇḍisantoṣadāyinī || 207 ||
dasyupūjā dasyuratā dasyudraviṇadāyinī |
dasyuvargakṛtārhā ca dasyuvargavināśinī || 208 ||
dasyunirnāśinī dasyukulanirnāśinī tathā |
dasyupriyakarī dasyunṛtyadarśanatatparā || 209 ||
duṣṭadaṇḍakarī duṣṭavargavidrāviṇī tathā |
duṣṭavarganigrahārhā dūṣakaprāṇanāśinī || 210 ||
dūṣakottāpajananī dūṣakāriṣṭakāriṇī |
dūṣakadveṣaṇakarī dāhikā dahanātmikā || 211 ||
dārukārinihantrī ca dārukeśvarapūjitā |
dārukeśvaramātā ca dārukeśvaravanditā || 212 ||
darbhahastā darbhayutā darbhakarmavivarjitā |
darbhamayī darbhatanurdarbhasarvasvarūpiṇī || 213 ||
darbhakarmācāraratā darbhahastakṛtārhaṇā |
darbhānukūlā dārbharyā darvīpātrānudāminī || 214 ||
damaghoṣaprapūjyā ca damaghoṣavarapradā |
damaghoṣasamārādhyā dāvāgnirūpiṇī tathā || 215 ||
dāvāgnirūpā dāvāgninirnāśitamahābalā |
dantadaṃṣṭrāsurakalā dantacarcitahastikā || 216 ||
dantadaṃṣṭrasyandanā ca dantanirnāśitāsurā |
dadhipūjyā dadhiprītā dadhīcivaradāyinī || 217 ||
dadhīcīṣṭadevatā ca dadhīcimokṣadāyinī |
dadhīcidainyahantrī ca dadhīcidaradhāriṇī || 218 ||
dadhīcibhaktisukhinī dadhīcimunisevitā |
dadhīcijñānadātrī ca dadhīciguṇadāyinī || 219 ||
dadhīcikulasambhūṣā dadhīcibhuktimuktidā |
dadhīcikuladevī ca dadhīcikuladevatā || 220 ||
dadhīcikulagamyā ca dadhīcikulapūjitā |
dadhīcisukhadātrī ca dadhīcidainyahāriṇī || 221 ||
dadhīciduḥkhahantrī ca dadhīcikulasundarī |
dadhīcikulasambhūtā dadhīcikulapālinī || 222 ||
dadhīcidānagamyā ca dadhīcidānamāninī |
dadhīcidānasantuṣṭā dadhīcidānadevatā || 223 ||
dadhīcijayasamprītā dadhīcijapamānasā |
dadhīcijapapūjāḍhyā dadhīcijapamālikā || 224 ||
dadhīcijapasantuṣṭā dadhīcijapatoṣiṇī |
dadhīcitāpasārādhyā dadhīciśubhadāyinī || 225 ||
dūrvā dūrvādalaśyāmā dūrvādalasamadyutiḥ |
nāmnāṃ sahasraṃ durgāyā dādīnāmiti kīrtitam || 226 ||
phalaśṛtiḥ
yaḥ paṭhetsādhakādhīśaḥ sarvasiddhirlabhettu saḥ |
prātarmadhyāhnakāle ca sandhyāyāṃ niyataḥ śuciḥ || 227 ||
tathā'rdharātrasamaye sa maheśa ivāparaḥ |
śaktiyuktā mahārātrau mahāvīraḥ prapūjayet || 228 ||
mahādevīṃ makārādyaiḥ pañcabhirdravya sattamaiḥ |
tatpaṭhet stutimimāṃ yaḥ sa ca siddhisvarūpadhṛk || 229 ||
devālaye śmaśāne ca gaṅgātīre nijegṛhe |
vārāṅganāgṛhe caiva śrīguroḥ sannidhānapi || 230 ||
parvate prāntare ghore stotrametatsadā paṭhet |
durgānāmasahasreṇa durgāṃ paśyati cakṣuṣā || 231 ||
śatāvartanametasya puraścaraṇamucyate |
stutisāro nigaditaḥ kiṃ bhūyaḥ śrotumicchasi || 232 ||
iti kulārṇave durgā dakārādi sahasranāmastotram |
InfoLyter.in — Sacred Vedic Knowledge Portal · Free forever