📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌬𑍍𑌰𑌹𑍍𑌮𑌜𑍍𑌞𑌾𑌨𑌾𑌵𑌲𑍀𑌮𑌾𑌲𑌾
Brahmajnanavalimala
Adi Shankaracharya Grantha
𑌸𑌕𑍃𑌚𑍍𑌛𑍍𑌰𑌵𑌣𑌮𑌾𑌤𑍍𑌰𑍇𑌣 𑌬𑍍𑌰𑌹𑍍𑌮𑌜𑍍𑌞𑌾𑌨𑌂 𑌯𑌤𑍋 𑌭𑌵𑍇𑌤𑍍 ।
𑌬𑍍𑌰𑌹𑍍𑌮𑌜𑍍𑌞𑌾𑌨𑌾𑌵𑌲𑍀𑌮𑌾𑌲𑌾 𑌸𑌰𑍍𑌵𑍇𑌷𑌾𑌂 𑌮𑍋𑌕𑍍𑌷𑌸𑌿𑌦𑍍𑌧𑌯𑍇 ॥ 1॥
𑌅𑌸𑌙𑍍𑌗𑍋𑌽𑌹𑌮𑌸𑌙𑍍𑌗𑍋𑌽𑌹𑌮𑌸𑌙𑍍𑌗𑍋𑌽𑌹𑌂 𑌪𑍁𑌨𑌃 𑌪𑍁𑌨𑌃 ।
𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 2॥
𑌨𑌿𑌤𑍍𑌯𑌶𑍁𑌦𑍍𑌧𑌵𑌿𑌮𑍁𑌕𑍍𑌤𑍋𑌽𑌹𑌂 𑌨𑌿𑌰𑌾𑌕𑌾𑌰𑍋𑌽𑌹𑌮𑌵𑍍𑌯𑌯𑌃 ।
𑌭𑍂𑌮𑌾𑌨𑌨𑍍𑌦𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 3॥
𑌨𑌿𑌤𑍍𑌯𑍋𑌽𑌹𑌂 𑌨𑌿𑌰𑌵𑌦𑍍𑌯𑍋𑌽𑌹𑌂 𑌨𑌿𑌰𑌾𑌕𑌾𑌰𑍋𑌽𑌹𑌮𑍁𑌚𑍍𑌯𑌤𑍇 ।
𑌪𑌰𑌮𑌾𑌨𑌨𑍍𑌦𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 4॥
𑌶𑍁𑌦𑍍𑌧𑌚𑍈𑌤𑌨𑍍𑌯𑌰𑍂𑌪𑍋𑌽𑌹𑌮𑌾𑌤𑍍𑌮𑌾𑌰𑌾𑌮𑍋𑌽𑌹𑌮𑍇𑌵 𑌚 ।
𑌅𑌖𑌣𑍍𑌡𑌾𑌨𑌨𑍍𑌦𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 5॥
𑌪𑍍𑌰𑌤𑍍𑌯𑌕𑍍𑌚𑍈𑌤𑌨𑍍𑌯𑌰𑍂𑌪𑍋𑌽𑌹𑌂 𑌶𑌾𑌨𑍍𑌤𑍋𑌽𑌹𑌂 𑌪𑍍𑌰𑌕𑍃𑌤𑍇𑌃 𑌪𑌰𑌃 ।
𑌶𑌾𑌶𑍍𑌵𑌤𑌾𑌨𑌨𑍍𑌦𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 6॥
𑌤𑌤𑍍𑌤𑍍𑌵𑌾𑌤𑍀𑌤𑌃 𑌪𑌰𑌾𑌤𑍍𑌮𑌾𑌹𑌂 𑌮𑌧𑍍𑌯𑌾𑌤𑍀𑌤𑌃 𑌪𑌰𑌃 𑌶𑌿𑌵𑌃 ।
𑌮𑌾𑌯𑌾𑌤𑍀𑌤𑌃 𑌪𑌰𑌞𑍍𑌜𑍍𑌯𑍋𑌤𑌿𑌰𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 7॥
𑌨𑌾𑌨𑌾𑌰𑍂𑌪𑌵𑍍𑌯𑌤𑍀𑌤𑍋𑌽𑌹𑌂 𑌚𑌿𑌦𑌾𑌕𑌾𑌰𑍋𑌽𑌹𑌮𑌚𑍍𑌯𑍁𑌤𑌃 ।
𑌸𑍁𑌖𑌰𑍂𑌪𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 8॥
𑌮𑌾𑌯𑌾𑌤𑌤𑍍𑌕𑌾𑌰𑍍𑌯𑌦𑍇𑌹𑌾𑌦𑌿 𑌮𑌮 𑌨𑌾𑌸𑍍𑌤𑍍𑌯𑍇𑌵 𑌸𑌰𑍍𑌵𑌦𑌾 ।
𑌸𑍍𑌵𑌪𑍍𑌰𑌕𑌾𑌶𑍈𑌕𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 9॥
𑌗𑍁𑌣𑌤𑍍𑌰𑌯𑌵𑍍𑌯𑌤𑍀𑌤𑍋𑌽𑌹𑌂 𑌬𑍍𑌰𑌹𑍍𑌮𑌾𑌦𑍀𑌨𑌾𑌂 𑌚 𑌸𑌾𑌕𑍍𑌷𑍍𑌯𑌹𑌮𑍍 ।
𑌅𑌨𑌨𑍍𑌤𑌾𑌨𑌨𑍍𑌤𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 10॥
𑌅𑌨𑍍𑌤𑌰𑍍𑌯𑌾𑌮𑌿𑌸𑍍𑌵𑌰𑍂𑌪𑍋𑌽𑌹𑌂 𑌕𑍂𑌟𑌸𑍍𑌥𑌃 𑌸𑌰𑍍𑌵𑌗𑍋𑌽𑌸𑍍𑌮𑍍𑌯𑌹𑌮𑍍 ।
𑌪𑌰𑌮𑌾𑌤𑍍𑌮𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 11॥
𑌨𑌿𑌷𑍍𑌕𑌲𑍋𑌽𑌹𑌂 𑌨𑌿𑌷𑍍𑌕𑍍𑌰𑌿𑌯𑍋𑌽𑌹𑌂 𑌸𑌰𑍍𑌵𑌾𑌤𑍍𑌮𑌾𑌦𑍍𑌯𑌃 𑌸𑌨𑌾𑌤𑌨𑌃 ।
𑌅𑌪𑌰𑍋𑌕𑍍𑌷𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 12॥
𑌦𑍍𑌵𑌨𑍍𑌦𑍍𑌵𑌾𑌦𑌿𑌸𑌾𑌕𑍍𑌷𑌿𑌰𑍂𑌪𑍋𑌽𑌹𑌮𑌚𑌲𑍋𑌽𑌹𑌂 𑌸𑌨𑌾𑌤𑌨𑌃 ।
𑌸𑌰𑍍𑌵𑌸𑌾𑌕𑍍𑌷𑌿𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 13॥
𑌪𑍍𑌰𑌜𑍍𑌞𑌾𑌨𑌘𑌨 𑌏𑌵𑌾𑌹𑌂 𑌵𑌿𑌜𑍍𑌞𑌾𑌨𑌘𑌨 𑌏𑌵 𑌚 ।
𑌅𑌕𑌰𑍍𑌤𑌾𑌹𑌮𑌭𑍋𑌕𑍍𑌤𑌾𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 14॥
𑌨𑌿𑌰𑌾𑌧𑌾𑌰𑌸𑍍𑌵𑌰𑍂𑌪𑍋𑌽𑌹𑌂 𑌸𑌰𑍍𑌵𑌾𑌧𑌾𑌰𑍋𑌽𑌹𑌮𑍇𑌵 𑌚 ।
𑌆𑌪𑍍𑌤𑌕𑌾𑌮𑌸𑍍𑌵𑌰𑍂𑌪𑍋𑌽𑌹𑌮𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 15॥
𑌤𑌾𑌪𑌤𑍍𑌰𑌯𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌦𑍇𑌹𑌤𑍍𑌰𑌯𑌵𑌿𑌲𑌕𑍍𑌷𑌣𑌃 ।
𑌅𑌵𑌸𑍍𑌥𑌾𑌤𑍍𑌰𑌯𑌸𑌾𑌕𑍍𑌷𑍍𑌯𑌸𑍍𑌮𑌿 𑌚𑌾𑌹𑌮𑍇𑌵𑌾𑌹𑌮𑌵𑍍𑌯𑌯𑌃 ॥ 16॥
𑌦𑍃𑌗𑍍𑌦𑍃𑌶𑍍𑌯𑍗 𑌦𑍍𑌵𑍗 𑌪𑌦𑌾𑌰𑍍𑌥𑍗 𑌸𑍍𑌤𑌃 𑌪𑌰𑌸𑍍𑌪𑌰𑌵𑌿𑌲𑌕𑍍𑌷𑌣𑍗 ।
𑌦𑍃𑌗𑍍𑌬𑍍𑌰𑌹𑍍𑌮 𑌦𑍃𑌶𑍍𑌯𑌂 𑌮𑌾𑌯𑍇𑌤𑌿 𑌸𑌰𑍍𑌵𑌵𑍇𑌦𑌾𑌨𑍍𑌤𑌡𑌿𑌣𑍍𑌡𑌿𑌮𑌃 ॥ 17॥
𑌅𑌹𑌂 𑌸𑌾𑌕𑍍𑌷𑍀𑌤𑌿 𑌯𑍋 𑌵𑌿𑌦𑍍𑌯𑌾𑌦𑍍𑌵𑌿𑌵𑌿𑌚𑍍𑌯𑍈𑌵𑌂 𑌪𑍁𑌨𑌃 𑌪𑍁𑌨𑌃 ।
𑌸 𑌏𑌵 𑌮𑍁𑌕𑍍𑌤𑌃 𑌸𑍋 𑌵𑌿𑌦𑍍𑌵𑌾𑌨𑌿𑌤𑌿 𑌵𑍇𑌦𑌾𑌨𑍍𑌤𑌡𑌿𑌣𑍍𑌡𑌿𑌮𑌃 ॥ 18॥
𑌘𑌟𑌕𑍁𑌡𑍍𑌯𑌾𑌦𑌿𑌕𑌂 𑌸𑌰𑍍𑌵𑌂 𑌮𑍃𑌤𑍍𑌤𑌿𑌕𑌾𑌮𑌾𑌤𑍍𑌰𑌮𑍇𑌵 𑌚 ।
𑌤𑌦𑍍𑌵𑌦𑍍𑌬𑍍𑌰𑌹𑍍𑌮 𑌜𑌗𑌤𑍍𑌸𑌰𑍍𑌵𑌮𑌿𑌤𑌿 𑌵𑍇𑌦𑌾𑌨𑍍𑌤𑌡𑌿𑌣𑍍𑌡𑌿𑌮𑌃 ॥ 19॥
𑌬𑍍𑌰𑌹𑍍𑌮 𑌸𑌤𑍍𑌯𑌂 𑌜𑌗𑌨𑍍𑌮𑌿𑌥𑍍𑌯𑌾 𑌜𑍀𑌵𑍋 𑌬𑍍𑌰𑌹𑍍𑌮𑍈𑌵 𑌨𑌾𑌪𑌰𑌃 ।
𑌅𑌨𑍇𑌨 𑌵𑍇𑌦𑍍𑌯𑌂 𑌸𑌚𑍍𑌛𑌾𑌸𑍍𑌤𑍍𑌰𑌮𑌿𑌤𑌿 𑌵𑍇𑌦𑌾𑌨𑍍𑌤𑌡𑌿𑌣𑍍𑌡𑌿𑌮𑌃 ॥ 20॥
𑌅𑌨𑍍𑌤𑌰𑍍𑌜𑍍𑌯𑍋𑌤𑌿𑌰𑍍𑌬𑌹𑌿𑌰𑍍𑌜𑍍𑌯𑍋𑌤𑌿𑌃 𑌪𑍍𑌰𑌤𑍍𑌯𑌗𑍍𑌜𑍍𑌯𑍋𑌤𑌿𑌃 𑌪𑌰𑌾𑌤𑍍𑌪𑌰𑌃 ।
𑌜𑍍𑌯𑍋𑌤𑌿𑌰𑍍𑌜𑍍𑌯𑍋𑌤𑌿𑌃 𑌸𑍍𑌵𑌯𑌞𑍍𑌜𑍍𑌯𑍋𑌤𑌿𑌰𑌾𑌤𑍍𑌮𑌜𑍍𑌯𑍋𑌤𑌿𑌃 𑌶𑌿𑌵𑍋𑌽𑌸𑍍𑌮𑍍𑌯𑌹𑌮𑍍 ॥ 21॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯
𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯
𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗
𑌬𑍍𑌰𑌹𑍍𑌮𑌜𑍍𑌞𑌾𑌨𑌾𑌵𑌲𑍀𑌮𑌾𑌲𑌾 𑌸𑌮𑍍𑌪𑍂𑌰𑍍𑌣𑌾 ॥
Roman (IAST) Transliteration
sakṛcchravaṇamātreṇa brahmajñānaṃ yato bhavet |
brahmajñānāvalīmālā sarveṣāṃ mokṣasiddhaye || 1||
asaṅgo'hamasaṅgo'hamasaṅgo'haṃ punaḥ punaḥ |
saccidānandarūpo'hamahamevāhamavyayaḥ || 2||
nityaśuddhavimukto'haṃ nirākāro'hamavyayaḥ |
bhūmānandasvarūpo'hamahamevāhamavyayaḥ || 3||
nityo'haṃ niravadyo'haṃ nirākāro'hamucyate |
paramānandarūpo'hamahamevāhamavyayaḥ || 4||
śuddhacaitanyarūpo'hamātmārāmo'hameva ca |
akhaṇḍānandarūpo'hamahamevāhamavyayaḥ || 5||
pratyakcaitanyarūpo'haṃ śānto'haṃ prakṛteḥ paraḥ |
śāśvatānandarūpo'hamahamevāhamavyayaḥ || 6||
tattvātītaḥ parātmāhaṃ madhyātītaḥ paraḥ śivaḥ |
māyātītaḥ parañjyotirahamevāhamavyayaḥ || 7||
nānārūpavyatīto'haṃ cidākāro'hamacyutaḥ |
sukharūpasvarūpo'hamahamevāhamavyayaḥ || 8||
māyātatkāryadehādi mama nāstyeva sarvadā |
svaprakāśaikarūpo'hamahamevāhamavyayaḥ || 9||
guṇatrayavyatīto'haṃ brahmādīnāṃ ca sākṣyaham |
anantānantarūpo'hamahamevāhamavyayaḥ || 10||
antaryāmisvarūpo'haṃ kūṭasthaḥ sarvago'smyaham |
paramātmasvarūpo'hamahamevāhamavyayaḥ || 11||
niṣkalo'haṃ niṣkriyo'haṃ sarvātmādyaḥ sanātanaḥ |
aparokṣasvarūpo'hamahamevāhamavyayaḥ || 12||
dvandvādisākṣirūpo'hamacalo'haṃ sanātanaḥ |
sarvasākṣisvarūpo'hamahamevāhamavyayaḥ || 13||
prajñānaghana evāhaṃ vijñānaghana eva ca |
akartāhamabhoktāhamahamevāhamavyayaḥ || 14||
nirādhārasvarūpo'haṃ sarvādhāro'hameva ca |
āptakāmasvarūpo'hamahamevāhamavyayaḥ || 15||
tāpatrayavinirmukto dehatrayavilakṣaṇaḥ |
avasthātrayasākṣyasmi cāhamevāhamavyayaḥ || 16||
dṛgdṛśyau dvau padārthau staḥ parasparavilakṣaṇau |
dṛgbrahma dṛśyaṃ māyeti sarvavedāntaḍiṇḍimaḥ || 17||
ahaṃ sākṣīti yo vidyādvivicyaivaṃ punaḥ punaḥ |
sa eva muktaḥ so vidvāniti vedāntaḍiṇḍimaḥ || 18||
ghaṭakuḍyādikaṃ sarvaṃ mṛttikāmātrameva ca |
tadvadbrahma jagatsarvamiti vedāntaḍiṇḍimaḥ || 19||
brahma satyaṃ jaganmithyā jīvo brahmaiva nāparaḥ |
anena vedyaṃ sacchāstramiti vedāntaḍiṇḍimaḥ || 20||
antarjyotirbahirjyotiḥ pratyagjyotiḥ parātparaḥ |
jyotirjyotiḥ svayañjyotirātmajyotiḥ śivo'smyaham || 21||
iti śrīmatparamahaṃsaparivrājakācāryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
brahmajñānāvalīmālā sampūrṇā ||
InfoLyter.in — Sacred Vedic Knowledge Portal · Free forever