📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌬𑌾𑌲 𑌮𑍁𑌕𑍁𑌨𑍍𑌦𑌾𑌷𑍍𑌟𑌕𑌮𑍍
Bala Mukundashtakam
Ashtakam Grantha
𑌕𑌰𑌾𑌰𑌵𑌿𑌨𑍍𑌦𑍇𑌨 𑌪𑌦𑌾𑌰𑌵𑌿𑌨𑍍𑌦𑌂 𑌮𑍁𑌖𑌾𑌰𑌵𑌿𑌨𑍍𑌦𑍇 𑌵𑌿𑌨𑌿𑌵𑍇𑌶𑌯𑌨𑍍𑌤𑌮𑍍 ।
𑌵𑌟𑌸𑍍𑌯 𑌪𑌤𑍍𑌰𑌸𑍍𑌯 𑌪𑍁𑌟𑍇 𑌶𑌯𑌾𑌨𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 1 ॥
𑌸𑌂𑌹𑍃𑌤𑍍𑌯 𑌲𑍋𑌕𑌾𑌨𑍍𑌵𑌟𑌪𑌤𑍍𑌰𑌮𑌧𑍍𑌯𑍇 𑌶𑌯𑌾𑌨𑌮𑌾𑌦𑍍𑌯𑌨𑍍𑌤𑌵𑌿𑌹𑍀𑌨𑌰𑍂𑌪𑌮𑍍 ।
𑌸𑌰𑍍𑌵𑍇𑌶𑍍𑌵𑌰𑌂 𑌸𑌰𑍍𑌵𑌹𑌿𑌤𑌾𑌵𑌤𑌾𑌰𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 2 ॥
𑌇𑌨𑍍𑌦𑍀𑌵𑌰𑌶𑍍𑌯𑌾𑌮𑌲𑌕𑍋𑌮𑌲𑌾𑌙𑍍𑌗𑌂 𑌇𑌨𑍍𑌦𑍍𑌰𑌾𑌦𑌿𑌦𑍇𑌵𑌾𑌰𑍍𑌚𑌿𑌤𑌪𑌾𑌦𑌪𑌦𑍍𑌮𑌮𑍍 ।
𑌸𑌨𑍍𑌤𑌾𑌨𑌕𑌲𑍍𑌪𑌦𑍍𑌰𑍁𑌮𑌮𑌾𑌶𑍍𑌰𑌿𑌤𑌾𑌨𑌾𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 3 ॥
𑌲𑌮𑍍𑌬𑌾𑌲𑌕𑌂 𑌲𑌮𑍍𑌬𑌿𑌤𑌹𑌾𑌰𑌯𑌷𑍍𑌟𑌿𑌂 𑌶𑍃𑌙𑍍𑌗𑌾𑌰𑌲𑍀𑌲𑌾𑌙𑍍𑌕𑌿𑌤𑌦𑌨𑍍𑌤𑌪𑌙𑍍𑌕𑍍𑌤𑌿𑌮𑍍 ।
𑌬𑌿𑌮𑍍𑌬𑌾𑌧𑌰𑌂 𑌚𑌾𑌰𑍁𑌵𑌿𑌶𑌾𑌲𑌨𑍇𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 4 ॥
𑌶𑌿𑌕𑍍𑌯𑍇 𑌨𑌿𑌧𑌾𑌯𑌾𑌦𑍍𑌯𑌪𑌯𑍋𑌦𑌧𑍀𑌨𑌿 𑌬𑌹𑌿𑌰𑍍𑌗𑌤𑌾𑌯𑌾𑌂 𑌵𑍍𑌰𑌜𑌨𑌾𑌯𑌿𑌕𑌾𑌯𑌾𑌮𑍍 ।
𑌭𑍁𑌕𑍍𑌤𑍍𑌵𑌾 𑌯𑌥𑍇𑌷𑍍𑌟𑌂 𑌕𑌪𑌟𑍇𑌨 𑌸𑍁𑌪𑍍𑌤𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 5 ॥
𑌕𑌲𑌿𑌨𑍍𑌦𑌜𑌾𑌨𑍍𑌤𑌸𑍍𑌥𑌿𑌤𑌕𑌾𑌲𑌿𑌯𑌸𑍍𑌯 𑌫𑌣𑌾𑌗𑍍𑌰𑌰𑌙𑍍𑌗𑍇𑌨𑌟𑌨𑌪𑍍𑌰𑌿𑌯𑌨𑍍𑌤𑌮𑍍 ।
𑌤𑌤𑍍𑌪𑍁𑌚𑍍𑌛𑌹𑌸𑍍𑌤𑌂 𑌶𑌰𑌦𑌿𑌨𑍍𑌦𑍁𑌵𑌕𑍍𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 6 ॥
𑌉𑌲𑍂𑌖𑌲𑍇 𑌬𑌦𑍍𑌧𑌮𑍁𑌦𑌾𑌰𑌶𑍗𑌰𑍍𑌯𑌂 𑌉𑌤𑍍𑌤𑍁𑌙𑍍𑌗𑌯𑍁𑌗𑍍𑌮𑌾𑌰𑍍𑌜𑍁𑌨 𑌭𑌙𑍍𑌗𑌲𑍀𑌲𑌮𑍍 ।
𑌉𑌤𑍍𑌫𑍁𑌲𑍍𑌲𑌪𑌦𑍍𑌮𑌾𑌯𑌤 𑌚𑌾𑌰𑍁𑌨𑍇𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 7 ॥
𑌆𑌲𑍋𑌕𑍍𑌯 𑌮𑌾𑌤𑍁𑌰𑍍𑌮𑍁𑌖𑌮𑌾𑌦𑌰𑍇𑌣 𑌸𑍍𑌤𑌨𑍍𑌯𑌂 𑌪𑌿𑌬𑌨𑍍𑌤𑌂 𑌸𑌰𑌸𑍀𑌰𑍁𑌹𑌾𑌕𑍍𑌷𑌮𑍍 ।
𑌸𑌚𑍍𑌚𑌿𑌨𑍍𑌮𑌯𑌂 𑌦𑍇𑌵𑌮𑌨𑌨𑍍𑌤𑌰𑍂𑌪𑌂 𑌬𑌾𑌲𑌂 𑌮𑍁𑌕𑍁𑌨𑍍𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 8 ॥
Roman (IAST) Transliteration
karāravindena padāravindaṃ mukhāravinde viniveśayantam |
vaṭasya patrasya puṭe śayānaṃ bālaṃ mukundaṃ manasā smarāmi || 1 ||
saṃhṛtya lokānvaṭapatramadhye śayānamādyantavihīnarūpam |
sarveśvaraṃ sarvahitāvatāraṃ bālaṃ mukundaṃ manasā smarāmi || 2 ||
indīvaraśyāmalakomalāṅgaṃ indrādidevārcitapādapadmam |
santānakalpadrumamāśritānāṃ bālaṃ mukundaṃ manasā smarāmi || 3 ||
lambālakaṃ lambitahārayaṣṭiṃ śṛṅgāralīlāṅkitadantapaṅktim |
bimbādharaṃ cāruviśālanetraṃ bālaṃ mukundaṃ manasā smarāmi || 4 ||
śikye nidhāyādyapayodadhīni bahirgatāyāṃ vrajanāyikāyām |
bhuktvā yatheṣṭaṃ kapaṭena suptaṃ bālaṃ mukundaṃ manasā smarāmi || 5 ||
kalindajāntasthitakāliyasya phaṇāgraraṅgenaṭanapriyantam |
tatpucchahastaṃ śaradinduvaktraṃ bālaṃ mukundaṃ manasā smarāmi || 6 ||
ulūkhale baddhamudāraśauryaṃ uttuṅgayugmārjuna bhaṅgalīlam |
utphullapadmāyata cārunetraṃ bālaṃ mukundaṃ manasā smarāmi || 7 ||
ālokya māturmukhamādareṇa stanyaṃ pibantaṃ sarasīruhākṣam |
saccinmayaṃ devamanantarūpaṃ bālaṃ mukundaṃ manasā smarāmi || 8 ||
InfoLyter.in — Sacred Vedic Knowledge Portal · Free forever