📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
𑌬𑌹𑍁𑌰𑍂𑌪 𑌗𑌣𑌪𑌤𑌿 (𑌦𑍍𑌵𑌾𑌤𑍍𑌰𑌿𑌂𑌶𑌦𑍍𑌗𑌣𑌪𑌤𑌿) 𑌧𑍍𑌯𑌾𑌨 𑌶𑍍𑌲𑍋𑌕𑌾𑌃
Bahurupa Ganapati (dvatrimshadganapati) Dhyana Shlokah
Ganesha Dhyana Shloka Grantha
1. 𑌶𑍍𑌰𑍀 𑌬𑌾𑌲 𑌗𑌣𑌪𑌤𑌿𑌃
𑌕𑌰𑌸𑍍𑌥 𑌕𑌦𑌲𑍀𑌚𑍂𑌤𑌪𑌨𑌸𑍇𑌕𑍍𑌷𑍁𑌕𑌮𑍋𑌦𑌕𑌮𑍍 ।
𑌬𑌾𑌲𑌸𑍂𑌰𑍍𑌯𑌨𑌿𑌭𑌂 𑌵𑌨𑍍𑌦𑍇 𑌦𑍇𑌵𑌂 𑌬𑌾𑌲𑌗𑌣𑌾𑌧𑌿𑌪𑌮𑍍 ॥ 1 ॥
2. 𑌶𑍍𑌰𑍀 𑌤𑌰𑍁𑌣 𑌗𑌣𑌪𑌤𑌿𑌃
𑌪𑌾𑌶𑌾𑌙𑍍𑌕𑍁𑌶𑌾𑌪𑍂𑌪𑌕𑌪𑌿𑌤𑍍𑌥𑌜𑌮𑍍𑌬𑍂-
-𑌸𑍍𑌵𑌦𑌨𑍍𑌤𑌶𑌾𑌲𑍀𑌕𑍍𑌷𑍁𑌮𑌪𑌿 𑌸𑍍𑌵𑌹𑌸𑍍𑌤𑍈𑌃 ।
𑌧𑌤𑍍𑌤𑍇 𑌸𑌦𑌾 𑌯𑌸𑍍𑌤𑌰𑍁𑌣𑌾𑌰𑍁𑌣𑌾𑌭𑌃
𑌪𑌾𑌯𑌾𑌤𑍍 𑌸 𑌯𑍁𑌷𑍍𑌮𑌾𑌂𑌸𑍍𑌤𑌰𑍁𑌣𑍋 𑌗𑌣𑍇𑌶𑌃 ॥ 2 ॥
3. 𑌶𑍍𑌰𑍀 𑌭𑌕𑍍𑌤 𑌗𑌣𑌪𑌤𑌿𑌃
𑌨𑌾𑌰𑌿𑌕𑍇𑌲𑌾𑌮𑍍𑌰𑌕𑌦𑌲𑍀𑌗𑍁𑌡𑌪𑌾𑌯𑌸𑌧𑌾𑌰𑌿𑌣𑌮𑍍 ।
𑌶𑌰𑌚𑍍𑌚𑌨𑍍𑌦𑍍𑌰𑌾𑌭𑌵𑌪𑍁𑌷𑌂 𑌭𑌜𑍇 𑌭𑌕𑍍𑌤𑌗𑌣𑌾𑌧𑌿𑌪𑌮𑍍 ॥ 3 ॥
4. 𑌶𑍍𑌰𑍀 𑌵𑍀𑌰 𑌗𑌣𑌪𑌤𑌿𑌃
𑌵𑍇𑌤𑌾𑌲𑌶𑌕𑍍𑌤𑌿𑌶𑌰𑌕𑌾𑌰𑍍𑌮𑍁𑌕𑌚𑌕𑍍𑌰𑌖𑌡𑍍𑌗-
-𑌖𑌟𑍍𑌵𑌾𑌙𑍍𑌗𑌮𑍁𑌦𑍍𑌗𑌰𑌗𑌦𑌾𑌙𑍍𑌕𑍁𑌶𑌨𑌾𑌗𑌪𑌾𑌶𑌾𑌨𑍍 ।
𑌶𑍂𑌲𑌂 𑌚 𑌕𑍁𑌨𑍍𑌤𑌪𑌰𑌶𑍁𑌂 𑌧𑍍𑌵𑌜𑌮𑍁𑌦𑍍𑌵𑌹𑌨𑍍𑌤𑌂
𑌵𑍀𑌰𑌂 𑌗𑌣𑍇𑌶𑌮𑌰𑍁𑌣𑌂 𑌸𑌤𑌤𑌂 𑌸𑍍𑌮𑌰𑌾𑌮𑌿 ॥ 4 ॥
5. 𑌶𑍍𑌰𑍀 𑌶𑌕𑍍𑌤𑌿 𑌗𑌣𑌪𑌤𑌿𑌃
𑌆𑌲𑌿𑌙𑍍𑌗𑍍𑌯 𑌦𑍇𑌵𑍀𑌂 𑌹𑌰𑌿𑌤𑌾𑌙𑍍𑌗𑌯𑌷𑍍𑌟𑌿𑌂
𑌪𑌰𑌸𑍍𑌪𑌰𑌾𑌶𑍍𑌲𑌿𑌷𑍍𑌟𑌕𑌟𑌿𑌪𑍍𑌰𑌦𑍇𑌶𑌮𑍍 ।
𑌸𑌨𑍍𑌧𑍍𑌯𑌾𑌰𑍁𑌣𑌂 𑌪𑌾𑌶𑌸𑍃𑌣𑍀 𑌵𑌹𑌨𑍍𑌤𑌂
𑌭𑌯𑌾𑌪𑌹𑌂 𑌶𑌕𑍍𑌤𑌿𑌗𑌣𑍇𑌶𑌮𑍀𑌡𑍇 ॥ 5 ॥
6. 𑌶𑍍𑌰𑍀 𑌦𑍍𑌵𑌿𑌜 𑌗𑌣𑌪𑌤𑌿𑌃
𑌯𑌂 𑌪𑍁𑌸𑍍𑌤𑌕𑌾𑌕𑍍𑌷 𑌗𑍁𑌣𑌦𑌣𑍍𑌡𑌕𑌮𑌣𑍍𑌡𑌲𑍁 𑌶𑍍𑌰𑍀-
-𑌵𑌿𑌦𑍍𑌯𑍋𑌤𑌮𑌾𑌨𑌕𑌰𑌭𑍂𑌷𑌣𑌮𑌿𑌨𑍍𑌦𑍁𑌵𑌰𑍍𑌣𑌮𑍍 ।
𑌸𑍍𑌤𑌮𑍍𑌬𑍇𑌰𑌮𑌾𑌨𑌨𑌚𑌤𑍁𑌷𑍍𑌟𑌯𑌶𑍋𑌭𑌮𑌾𑌨𑌂
𑌤𑍍𑌵𑌾𑌂 𑌯𑌃 𑌸𑍍𑌮𑌰𑍇𑌤𑍍 𑌦𑍍𑌵𑌿𑌜𑌗𑌣𑌾𑌧𑌿𑌪𑌤𑍇 𑌸 𑌧𑌨𑍍𑌯𑌃 ॥ 6 ॥
7. 𑌶𑍍𑌰𑍀 𑌸𑌿𑌦𑍍𑌧 𑌗𑌣𑌪𑌤𑌿𑌃
𑌪𑌕𑍍𑌵𑌚𑍂𑌤𑌫𑌲𑌪𑍁𑌷𑍍𑌪𑌮𑌞𑍍𑌜𑌰𑍀-
-𑌰𑌿𑌕𑍍𑌷𑍁𑌦𑌣𑍍𑌡𑌤𑌿𑌲𑌮𑍋𑌦𑌕𑍈𑌃 𑌸𑌹 ।
𑌉𑌦𑍍𑌵𑌹𑌨𑍍 𑌪𑌰𑌶𑍁𑌮𑌸𑍍𑌤𑍁 𑌤𑍇 𑌨𑌮𑌃
𑌶𑍍𑌰𑍀𑌸𑌮𑍃𑌦𑍍𑌧𑌿𑌯𑍁𑌤 𑌹𑍇𑌮𑌪𑌿𑌙𑍍𑌗𑌲 ॥ 7 ॥
8. 𑌶𑍍𑌰𑍀 𑌉𑌚𑍍𑌛𑌿𑌷𑍍𑌟 𑌗𑌣𑌪𑌤𑌿𑌃
𑌨𑍀𑌲𑌾𑌬𑍍𑌜𑌦𑌾𑌡𑌿𑌮𑍀𑌵𑍀𑌣𑌾𑌶𑌾𑌲𑍀𑌗𑍁𑌞𑍍𑌜𑌾𑌕𑍍𑌷𑌸𑍂𑌤𑍍𑌰𑌕𑌮𑍍 ।
𑌦𑌧𑌦𑍁𑌚𑍍𑌛𑌿𑌷𑍍𑌟𑌨𑌾𑌮𑌾𑌯𑌂 𑌗𑌣𑍇𑌶𑌃 𑌪𑌾𑌤𑍁 𑌮𑍇𑌚𑌕𑌃 ॥ 8 ॥
9. 𑌶𑍍𑌰𑍀 𑌵𑌿𑌘𑍍𑌨 𑌗𑌣𑌪𑌤𑌿𑌃
𑌶𑌙𑍍𑌖𑍇𑌕𑍍𑌷𑍁𑌚𑌾𑌪𑌕𑍁𑌸𑍁𑌮𑍇𑌷𑍁𑌕𑍁𑌠𑌾𑌰𑌪𑌾𑌶-
-𑌚𑌕𑍍𑌰𑌸𑍍𑌵𑌦𑌨𑍍𑌤𑌸𑍃𑌣𑌿𑌮𑌞𑍍𑌜𑌰𑌿𑌕𑌾𑌶𑌰𑌾𑌦𑍍𑌯𑍈𑌃 ।
𑌪𑌾𑌣𑌿𑌶𑍍𑌰𑌿𑌤𑍈𑌃 𑌪𑌰𑌿𑌸𑌮𑍀𑌹𑌿𑌤𑌭𑍂𑌷𑌣𑌶𑍍𑌰𑍀-
-𑌵𑌿𑌘𑍍𑌨𑍇𑌶𑍍𑌵𑌰𑍋 𑌵𑌿𑌜𑌯𑌤𑍇 𑌤𑌪𑌨𑍀𑌯𑌗𑍗𑌰𑌃 ॥ 9 ॥
10. 𑌶𑍍𑌰𑍀 𑌕𑍍𑌷𑌿𑌪𑍍𑌰 𑌗𑌣𑌪𑌤𑌿𑌃
𑌦𑌨𑍍𑌤𑌕𑌲𑍍𑌪𑌲𑌤𑌾𑌪𑌾𑌶𑌰𑌤𑍍𑌨𑌕𑍁𑌮𑍍𑌭𑌾𑌙𑍍𑌕𑍁𑌶𑍋𑌜𑍍𑌜𑍍𑌵𑌲𑌮𑍍 ।
𑌬𑌨𑍍𑌧𑍂𑌕𑌕𑌮𑌨𑍀𑌯𑌾𑌭𑌂 𑌧𑍍𑌯𑌾𑌯𑍇𑌤𑍍 𑌕𑍍𑌷𑌿𑌪𑍍𑌰𑌗𑌣𑌾𑌧𑌿𑌪𑌮𑍍 ॥ 10 ॥
11. 𑌶𑍍𑌰𑍀 𑌹𑍇𑌰𑌮𑍍𑌬 𑌗𑌣𑌪𑌤𑌿𑌃
𑌅𑌭𑌯𑌵𑌰𑌦𑌹𑌸𑍍𑌤𑌃 𑌪𑌾𑌶𑌦𑌨𑍍𑌤𑌾𑌕𑍍𑌷𑌮𑌾𑌲𑌾-
-𑌸𑍃𑌣𑌿𑌪𑌰𑌶𑍁 𑌦𑌧𑌾𑌨𑍋 𑌮𑍁𑌦𑍍𑌗𑌰𑌂 𑌮𑍋𑌦𑌕𑌂 𑌚 ।
𑌫𑌲𑌮𑌧𑌿𑌗𑌤𑌸𑌿𑌂𑌹𑌃 𑌪𑌞𑍍𑌚𑌮𑌾𑌤𑌙𑍍𑌗𑌵𑌕𑍍𑌤𑍍𑌰𑍋
𑌗𑌣𑌪𑌤𑌿𑌰𑌤𑌿𑌗𑍗𑌰𑌃 𑌪𑌾𑌤𑍁 𑌹𑍇𑌰𑌮𑍍𑌬𑌨𑌾𑌮𑌾 ॥ 11 ॥
12. 𑌶𑍍𑌰𑍀 𑌲𑌕𑍍𑌷𑍍𑌮𑍀 𑌗𑌣𑌪𑌤𑌿𑌃
𑌬𑌿𑌭𑍍𑌰𑌾𑌣𑌃 𑌶𑍁𑌕𑌬𑍀𑌜𑌪𑍂𑌰𑌕𑌮𑌿𑌲𑌨𑍍𑌮𑌾𑌣𑌿𑌕𑍍𑌯𑌕𑍁𑌮𑍍𑌭𑌾𑌕𑍁𑌶𑌾𑌨𑍍
𑌪𑌾𑌶𑌂 𑌕𑌲𑍍𑌪𑌲𑌤𑌾𑌂 𑌚 𑌖𑌡𑍍𑌗𑌵𑌿𑌲𑌸𑌜𑍍𑌜𑍍𑌯𑍋𑌤𑌿𑌃 𑌸𑍁𑌧𑌾𑌨𑌿𑌰𑍍𑌝𑌰𑌃 ।
𑌶𑍍𑌯𑌾𑌮𑍇𑌨𑌾𑌤𑍍𑌤𑌸𑌰𑍋𑌰𑍁𑌹𑍇𑌣 𑌸𑌹𑌿𑌤𑌂 𑌦𑍇𑌵𑍀𑌦𑍍𑌵𑌯𑌂 𑌚𑌾𑌨𑍍𑌤𑌿𑌕𑍇
𑌗𑍗𑌰𑌾𑌙𑍍𑌗𑍋 𑌵𑌰𑌦𑌾𑌨𑌹𑌸𑍍𑌤𑌸𑌹𑌿𑌤𑍋 𑌲𑌕𑍍𑌷𑍍𑌮𑍀𑌗𑌣𑍇𑌶𑍋𑌽𑌵𑌤𑌾𑌤𑍍 ॥ 12 ॥
13. 𑌶𑍍𑌰𑍀 𑌮𑌹𑌾 𑌗𑌣𑌪𑌤𑌿𑌃
𑌹𑌸𑍍𑌤𑍀𑌨𑍍𑌦𑍍𑌰𑌾𑌨𑌨𑌮𑌿𑌨𑍍𑌦𑍁𑌚𑍂𑌡𑌮𑌰𑍁𑌣𑌚𑍍𑌛𑌾𑌯𑌂 𑌤𑍍𑌰𑌿𑌨𑍇𑌤𑍍𑌰𑌂 𑌰𑌸𑌾-
-𑌦𑌾𑌶𑍍𑌲𑌿𑌷𑍍𑌟𑌂 𑌪𑍍𑌰𑌿𑌯𑌯𑌾 𑌸𑌪𑌦𑍍𑌮𑌕𑌰𑌯𑌾 𑌸𑍍𑌵𑌾𑌙𑍍𑌕𑌸𑍍𑌥𑌯𑌾 𑌸𑌨𑍍𑌤𑌤𑌮𑍍 ।
𑌬𑍀𑌜𑌾𑌪𑍂𑌰𑌗𑌦𑍇𑌕𑍍𑌷𑍁𑌕𑌾𑌰𑍍𑌮𑍁𑌕𑌲𑌸𑌚𑍍𑌚𑌕𑍍𑌰𑌾𑌬𑍍𑌜𑌪𑌾𑌶𑍋𑌤𑍍𑌪𑌲-
-𑌵𑍍𑌰𑍀𑌹𑍍𑌯𑌗𑍍𑌰𑌸𑍍𑌵𑌵𑌿𑌷𑌾𑌣𑌰𑌤𑍍𑌨𑌕𑌲𑌶𑌾𑌨𑍍 𑌹𑌸𑍍𑌤𑍈𑌰𑍍𑌵𑌹𑌨𑍍𑌤𑌂 𑌭𑌜𑍇 ॥ 13 ॥
14. 𑌶𑍍𑌰𑍀 𑌵𑌿𑌜𑌯 𑌗𑌣𑌪𑌤𑌿𑌃
𑌪𑌾𑌶𑌾𑌙𑍍𑌕𑍁𑌶𑌸𑍍𑌵𑌦𑌨𑍍𑌤𑌾𑌮𑍍𑌰𑌫𑌲𑌵𑌾𑌨𑌾𑌖𑍁𑌵𑌾𑌹𑌨𑌃 ।
𑌵𑌿𑌘𑍍𑌨𑌂 𑌨𑌿𑌹𑌨𑍍𑌤𑍁 𑌨𑌃 𑌸𑌰𑍍𑌵𑌂 𑌰𑌕𑍍𑌤𑌵𑌰𑍍𑌣𑍋 𑌵𑌿𑌨𑌾𑌯𑌕𑌃 ॥ 14 ॥
15. 𑌶𑍍𑌰𑍀 𑌨𑍃𑌤𑍍𑌤 𑌗𑌣𑌪𑌤𑌿𑌃
𑌪𑌾𑌶𑌾𑌙𑍍𑌕𑍁𑌶𑌾𑌪𑍂𑌪𑌕𑍁𑌠𑌾𑌰𑌦𑌨𑍍𑌤-
-𑌚𑌞𑍍𑌚𑌤𑍍𑌕𑌰𑌾𑌕𑍍𑌲𑍁𑌪𑍍𑌤𑌵𑌰𑌾𑌙𑍍𑌗𑍁𑌲𑍀𑌕𑌮𑍍 ।
𑌪𑍀𑌤𑌪𑍍𑌰𑌭𑌂 𑌕𑌲𑍍𑌪𑌤𑌰𑍋𑌰𑌧𑌸𑍍𑌥𑌂
𑌭𑌜𑌾𑌮𑌿 𑌨𑍃𑌤𑍍𑌤𑍋𑌪𑌪𑌦𑌂 𑌗𑌣𑍇𑌶𑌮𑍍 ॥ 15 ॥
16. 𑌶𑍍𑌰𑍀 𑌊𑌰𑍍𑌧𑍍𑌵 𑌗𑌣𑌪𑌤𑌿𑌃
𑌕𑌲𑍍𑌹𑌾𑌰𑌶𑌾𑌲𑌿𑌕𑌮𑌲𑍇𑌕𑍍𑌷𑍁𑌕𑌚𑌾𑌪𑌬𑌾𑌣-
-𑌦𑌨𑍍𑌤𑌪𑍍𑌰𑌰𑍋𑌹𑌕𑌗𑌦𑍀 𑌕𑌨𑌕𑍋𑌜𑍍𑌜𑍍𑌵𑌲𑌾𑌙𑍍𑌗𑌃 ।
𑌆𑌲𑌿𑌙𑍍𑌗𑌨𑍋𑌦𑍍𑌯𑌤𑌕𑌰𑍋 𑌹𑌰𑌿𑌤𑌾𑌙𑍍𑌗𑌯𑌷𑍍𑌟𑍍𑌯𑌾
𑌦𑍇𑌵𑍍𑌯𑌾 𑌕𑌰𑍋𑌤𑍁 𑌶𑍁𑌭𑌮𑍂𑌰𑍍𑌧𑍍𑌵𑌗𑌣𑌾𑌧𑌿𑌪𑍋 𑌮𑍇 ॥ 16 ॥
17. 𑌶𑍍𑌰𑍀 𑌏𑌕𑌾𑌕𑍍𑌷𑌰 𑌗𑌣𑌪𑌤𑌿𑌃
𑌰𑌕𑍍𑌤𑍋 𑌰𑌕𑍍𑌤𑌾𑌙𑍍𑌗𑌰𑌾𑌗𑌾𑌙𑍍𑌕𑍁𑌶𑌕𑍁𑌸𑍁𑌮𑌯𑍁𑌤𑌸𑍍𑌤𑍁𑌨𑍍𑌦𑌿𑌲𑌶𑍍𑌚𑌨𑍍𑌦𑍍𑌰𑌮𑍗𑌲𑌿𑌃
𑌨𑍇𑌤𑍍𑌰𑍈𑌰𑍍𑌯𑍁𑌕𑍍𑌤𑌸𑍍𑌤𑍍𑌰𑌿𑌭𑌿𑌰𑍍𑌵𑌾𑌮𑌨𑌕𑌰𑌚𑌰𑌣𑍋 𑌬𑍀𑌜𑌪𑍂𑌰𑌂 𑌦𑌧𑌾𑌨𑌃 ।
𑌹𑌸𑍍𑌤𑌾𑌗𑍍𑌰𑌾𑌕𑍍𑌲𑍁𑌪𑍍𑌤 𑌪𑌾𑌶𑌾𑌙𑍍𑌕𑍁𑌶𑌰𑌦𑌵𑌰𑌦𑍋 𑌨𑌾𑌗𑌵𑌕𑍍𑌤𑍍𑌰𑍋𑌽𑌹𑌿𑌭𑍂𑌷𑍋
𑌦𑍇𑌵𑌃 𑌪𑌦𑍍𑌮𑌾𑌸𑌨𑌸𑍍𑌥𑍋 𑌭𑌵𑌤𑍁 𑌸𑍁𑌖𑌕𑌰𑍋 𑌭𑍂𑌤𑌯𑍇 𑌵𑌿𑌘𑍍𑌨𑌰𑌾𑌜𑌃 ॥ 17 ॥
18. 𑌶𑍍𑌰𑍀 𑌵𑌰 𑌗𑌣𑌪𑌤𑌿𑌃
𑌸𑌿𑌨𑍍𑌦𑍂𑌰𑌾𑌭𑌮𑌿𑌭𑌾𑌨𑌨𑌂 𑌤𑍍𑌰𑌿𑌨𑌯𑌨𑌂 𑌹𑌸𑍍𑌤𑍇 𑌚 𑌪𑌾𑌶𑌾𑌙𑍍𑌕𑍁𑌶𑍗
𑌬𑌿𑌭𑍍𑌰𑌾𑌣𑌂 𑌮𑌧𑍁𑌮𑌤𑍍𑌕𑌪𑌾𑌲𑌮𑌨𑌿𑌶𑌂 𑌸𑌾𑌧𑍍𑌵𑌿𑌨𑍍𑌦𑍁𑌮𑍗𑌲𑌿𑌂 𑌭𑌜𑍇 ।
𑌪𑍁𑌷𑍍𑌟𑍍𑌯𑌾𑌶𑍍𑌲𑌿𑌷𑍍𑌟𑌤𑌨𑍁𑌂 𑌧𑍍𑌵𑌜𑌾𑌗𑍍𑌰𑌕𑌰𑌯𑌾 𑌪𑌦𑍍𑌮𑍋𑌲𑍍𑌲𑌸𑌦𑍍𑌧𑌸𑍍𑌤𑌯𑌾
𑌤𑌦𑍍𑌯𑍋𑌨𑍍𑌯𑌾𑌹𑌿𑌤 𑌪𑌾𑌣𑌿𑌮𑌾𑌤𑍍𑌤𑌵𑌸𑍁𑌮𑌤𑍍𑌪𑌾𑌤𑍍𑌰𑍋𑌲𑍍𑌲𑌸𑌤𑍍𑌪𑍁𑌷𑍍𑌕𑌰𑌮𑍍 ॥ 18 ॥
19. 𑌶𑍍𑌰𑍀 𑌤𑍍𑌰𑍍𑌯𑌕𑍍𑌷𑌰 𑌗𑌣𑌪𑌤𑌿𑌃
𑌗𑌜𑍇𑌨𑍍𑌦𑍍𑌰𑌵𑌦𑌨𑌂 𑌸𑌾𑌕𑍍𑌷𑌾𑌚𑍍𑌚𑌲𑌤𑍍𑌕𑌰𑍍𑌣𑌸𑍁𑌚𑌾𑌮𑌰𑌂
𑌹𑍇𑌮𑌵𑌰𑍍𑌣𑌂 𑌚𑌤𑍁𑌰𑍍𑌬𑌾𑌹𑍁𑌂 𑌪𑌾𑌶𑌾𑌙𑍍𑌕𑍁𑌶𑌧𑌰𑌂 𑌵𑌰𑌮𑍍 ।
𑌸𑍍𑌵𑌦𑌨𑍍𑌤𑌂 𑌦𑌕𑍍𑌷𑌿𑌣𑍇 𑌹𑌸𑍍𑌤𑍇 𑌸𑌵𑍍𑌯𑍇 𑌤𑍍𑌵𑌾𑌮𑍍𑌰𑌪𑌲𑌂 𑌤𑌥𑌾
𑌪𑍁𑌷𑍍𑌕𑌰𑍈𑌰𑍍𑌮𑍋𑌦𑌕𑌂 𑌚𑍈𑌵 𑌧𑌾𑌰𑌯𑌨𑍍𑌤𑌮𑌨𑍁𑌸𑍍𑌮𑌰𑍇𑌤𑍍 ॥ 19 ॥
20. 𑌶𑍍𑌰𑍀 𑌕𑍍𑌷𑌿𑌪𑍍𑌰𑌪𑍍𑌰𑌸𑌾𑌦 𑌗𑌣𑌪𑌤𑌿𑌃
𑌧𑍃𑌤𑌪𑌾𑌶𑌾𑌙𑍍𑌕𑍁𑌶𑌕𑌲𑍍𑌪𑌲𑌤𑌾 𑌸𑍍𑌵𑌰𑌦𑌶𑍍𑌚 𑌬𑍀𑌜𑌪𑍂𑌰𑌯𑍁𑌤𑌃
𑌶𑌶𑌿𑌶𑌕𑌲𑌕𑌲𑌿𑌤𑌮𑍗𑌲𑌿𑌸𑍍𑌤𑍍𑌰𑌿𑌲𑍋𑌚𑌨𑍋𑌽𑌰𑍁𑌣𑌶𑍍𑌚 𑌗𑌜𑌵𑌦𑌨𑌃 ।
𑌭𑌾𑌸𑍁𑌰𑌭𑍂𑌷𑌣𑌦𑍀𑌪𑍍𑌤𑍋 𑌬𑍃𑌹𑌦𑍁𑌦𑌰𑌃 𑌪𑌦𑍍𑌮𑌵𑌿𑌷𑍍𑌟𑌰𑍋𑌲𑍍𑌲𑌸𑌿𑌤𑌃
𑌵𑌿𑌘𑍍𑌨𑌪𑌯𑍋𑌧𑌰𑌪𑌵𑌨𑌃 𑌕𑌰𑌧𑍃𑌤𑌕𑌮𑌲𑌃 𑌸𑌦𑌾𑌸𑍍𑌤𑍁 𑌮𑍇 𑌭𑍂𑌤𑍍𑌯𑍈 ॥ 20 ॥
21. 𑌶𑍍𑌰𑍀 𑌹𑌰𑌿𑌦𑍍𑌰𑌾 𑌗𑌣𑌪𑌤𑌿𑌃
𑌹𑌰𑌿𑌦𑍍𑌰𑌾𑌭𑌂 𑌚𑌤𑍁𑌰𑍍𑌬𑌾𑌹𑍁𑌂 𑌕𑌰𑍀𑌨𑍍𑌦𑍍𑌰𑌵𑌦𑌨𑌂 𑌪𑍍𑌰𑌭𑍁𑌮𑍍 ।
𑌪𑌾𑌶𑌾𑌙𑍍𑌕𑍁𑌶𑌧𑌰𑌂 𑌦𑍇𑌵𑌂 𑌮𑍋𑌦𑌕𑌂 𑌦𑌨𑍍𑌤𑌮𑍇𑌵 𑌚 ।
𑌭𑌕𑍍𑌤𑌾𑌭𑌯𑌪𑍍𑌰𑌦𑌾𑌤𑌾𑌰𑌂 𑌵𑌨𑍍𑌦𑍇 𑌵𑌿𑌘𑍍𑌨𑌵𑌿𑌨𑌾𑌶𑌨𑌮𑍍 ॥ 21 ॥
22. 𑌶𑍍𑌰𑍀 𑌏𑌕𑌦𑌨𑍍𑌤 𑌗𑌣𑌪𑌤𑌿𑌃
𑌲𑌮𑍍𑌬𑍋𑌦𑌰𑌂 𑌶𑍍𑌯𑌾𑌮𑌤𑌨𑍁𑌂 𑌗𑌣𑍇𑌶𑌂
𑌕𑍁𑌠𑌾𑌰𑌮𑌕𑍍𑌷𑌸𑍍𑌰𑌜𑌮𑍂𑌰𑍍𑌧𑍍𑌵𑌗𑌾𑌤𑍍𑌰𑌮𑍍 ।
𑌸𑌲𑌡𑍍𑌡𑍁𑌕𑌂 𑌦𑌨𑍍𑌤𑌮𑌧𑌃 𑌕𑌰𑌾𑌭𑍍𑌯𑌾𑌂
𑌵𑌾𑌮𑍇𑌤𑌰𑌾𑌭𑍍𑌯𑌾𑌂 𑌚 𑌦𑌧𑌾𑌨𑌮𑍀𑌡𑍇 ॥ 22 ॥
23. 𑌶𑍍𑌰𑍀 𑌸𑍃𑌷𑍍𑌟𑌿 𑌗𑌣𑌪𑌤𑌿𑌃
𑌪𑌾𑌶𑌾𑌙𑍍𑌕𑍁𑌶𑌸𑍍𑌵𑌦𑌨𑍍𑌤𑌾𑌮𑍍𑌰𑌫𑌲𑌵𑌾𑌨𑌾𑌖𑍁𑌵𑌾𑌹𑌨𑌃 ।
𑌵𑌿𑌘𑍍𑌨𑌂 𑌨𑌿𑌹𑌨𑍍𑌤𑍁 𑌨𑌃 𑌶𑍋𑌣𑌃 𑌸𑍃𑌷𑍍𑌟𑌿𑌦𑌕𑍍𑌷𑍋 𑌵𑌿𑌨𑌾𑌯𑌕𑌃 ॥ 23 ॥
24. 𑌶𑍍𑌰𑍀 𑌉𑌦𑍍𑌦𑌣𑍍𑌡 𑌗𑌣𑌪𑌤𑌿𑌃
𑌕𑌲𑍍𑌹𑌾𑌰𑌾𑌮𑍍𑌬𑍁𑌜𑌬𑍀𑌜𑌪𑍂𑌰𑌕𑌗𑌦𑌾𑌦𑌨𑍍𑌤𑍇𑌕𑍍𑌷𑍁𑌚𑌾𑌪𑌂 𑌸𑍁𑌮𑌂
𑌬𑌿𑌭𑍍𑌰𑌾𑌣𑍋 𑌮𑌣𑌿𑌕𑍁𑌮𑍍𑌭𑌶𑌾𑌲𑌿𑌕𑌲𑌶𑍗 𑌪𑌾𑌶𑌂 𑌸𑍃𑌣𑌿𑌂 𑌚𑌾𑌬𑍍𑌜𑌕𑌮𑍍 ।
𑌗𑍗𑌰𑌾𑌙𑍍𑌗𑍍𑌯𑌾 𑌰𑍁𑌚𑌿𑌰𑌾𑌰𑌵𑌿𑌨𑍍𑌦𑌕𑌰𑌯𑌾 𑌦𑍇𑌵𑍍𑌯𑌾 𑌸𑌮𑌾𑌲𑌿𑌙𑍍𑌗𑌤𑌃
𑌶𑍋𑌣𑌾𑌙𑍍𑌗𑌃 𑌶𑍁𑌭𑌮𑌾𑌤𑌨𑍋𑌤𑍁 𑌭𑌜𑌤𑌾𑌮𑍁𑌦𑍍𑌦𑌣𑍍𑌡𑌵𑌿𑌘𑍍𑌨𑍇𑌶𑍍𑌵𑌰𑌃 ॥ 24 ॥
25. 𑌶𑍍𑌰𑍀 𑌋𑌣𑌮𑍋𑌚𑌕 𑌗𑌣𑌪𑌤𑌿𑌃
𑌪𑌾𑌶𑌾𑌙𑍍𑌕𑍁𑌶𑍗 𑌦𑌨𑍍𑌤𑌜𑌮𑍍𑌬𑍁 𑌦𑌧𑌾𑌨𑌃 𑌸𑍍𑌫𑌾𑌟𑌿𑌕𑌪𑍍𑌰𑌭𑌃 ।
𑌰𑌕𑍍𑌤𑌾𑌂𑌶𑍁𑌕𑍋 𑌗𑌣𑌪𑌤𑌿𑌰𑍍𑌮𑍁𑌦𑍇 𑌸𑍍𑌯𑌾𑌦𑍃𑌣𑌮𑍋𑌚𑌕𑌃 ॥ 25 ॥
26. 𑌶𑍍𑌰𑍀 𑌢𑍁𑌣𑍍𑌢𑌿 𑌗𑌣𑌪𑌤𑌿𑌃
𑌅𑌕𑍍𑌷𑌮𑌾𑌲𑌾𑌂 𑌕𑍁𑌠𑌾𑌰𑌂 𑌚 𑌰𑌤𑍍𑌨𑌪𑌾𑌤𑍍𑌰𑌂 𑌸𑍍𑌵𑌦𑌨𑍍𑌤𑌕𑌮𑍍 ।
𑌧𑌤𑍍𑌤𑍇 𑌕𑌰𑍈𑌰𑍍𑌵𑌿𑌘𑍍𑌨𑌰𑌾𑌜𑍋 𑌢𑍁𑌣𑍍𑌢𑌿𑌨𑌾𑌮𑌾 𑌮𑍁𑌦𑍇𑌽𑌸𑍍𑌤𑍁 𑌨𑌃 ॥ 26 ॥
27. 𑌶𑍍𑌰𑍀 𑌦𑍍𑌵𑌿𑌮𑍁𑌖 𑌗𑌣𑌪𑌤𑌿𑌃
𑌸𑍍𑌵𑌦𑌨𑍍𑌤𑌪𑌾𑌶𑌾𑌙𑍍𑌕𑍁𑌶𑌰𑌤𑍍𑌨𑌪𑌾𑌤𑍍𑌰𑌂
𑌕𑌰𑍈𑌰𑍍𑌦𑌧𑌾𑌨𑍋 𑌹𑌰𑌿𑌨𑍀𑌲𑌗𑌾𑌤𑍍𑌰𑌃 ।
𑌰𑌕𑍍𑌤𑌾𑌂𑌶𑍁𑌕𑍋 𑌰𑌤𑍍𑌨𑌕𑌿𑌰𑍀𑌟𑌮𑌾𑌲𑍀
𑌭𑍂𑌤𑍍𑌯𑍈 𑌸𑌦𑌾 𑌮𑍇 𑌦𑍍𑌵𑌿𑌮𑍁𑌖𑍋 𑌗𑌣𑍇𑌶𑌃 ॥ 27 ॥
28. 𑌶𑍍𑌰𑍀 𑌤𑍍𑌰𑌿𑌮𑍁𑌖 𑌗𑌣𑌪𑌤𑌿𑌃
𑌶𑍍𑌰𑍀𑌮𑌤𑍍𑌤𑍀𑌕𑍍𑌷𑍍𑌣𑌶𑌿𑌖𑌾𑌙𑍍𑌕𑍁𑌶𑌾𑌕𑍍𑌷𑌵𑌰𑌦𑌾𑌨𑍍 𑌦𑌕𑍍𑌷𑍇 𑌦𑌧𑌾𑌨𑌃 𑌕𑌰𑍈𑌃
𑌪𑌾𑌶𑌂 𑌚𑌾𑌮𑍃𑌤𑌪𑍂𑌰𑍍𑌣𑌕𑍁𑌮𑍍𑌭𑌮𑌭𑌯𑌂 𑌵𑌾𑌮𑍇 𑌦𑌧𑌾𑌨𑍋 𑌮𑍁𑌦𑌾 ।
𑌪𑍀𑌠𑍇 𑌸𑍍𑌵𑌰𑍍𑌣𑌮𑌯𑌾𑌰𑌵𑌿𑌨𑍍𑌦𑌵𑌿𑌲𑌸𑌤𑍍𑌸𑌤𑍍𑌕𑌰𑍍𑌣𑌿𑌕𑌾𑌭𑌾𑌸𑍁𑌰𑍇
𑌸𑍍𑌵𑌾𑌸𑍀𑌨𑌸𑍍𑌤𑍍𑌰𑌿𑌮𑍁𑌖𑌃 𑌪𑌲𑌾𑌶𑌰𑍁𑌚𑌿𑌰𑍋 𑌨𑌾𑌗𑌾𑌨𑌨𑌃 𑌪𑌾𑌤𑍁 𑌨𑌃 ॥ 28 ॥
29. 𑌶𑍍𑌰𑍀 𑌸𑌿𑌂𑌹 𑌗𑌣𑌪𑌤𑌿𑌃
𑌵𑍀𑌣𑌾𑌂 𑌕𑌲𑍍𑌪𑌲𑌤𑌾𑌮𑌰𑌿𑌂 𑌚 𑌵𑌰𑌦𑌂 𑌦𑌕𑍍𑌷𑍇 𑌵𑌿𑌦𑌤𑍍𑌤𑍇 𑌕𑌰𑍈-
-𑌰𑍍𑌵𑌾𑌮𑍇 𑌤𑌾𑌮𑌰𑌸𑌂 𑌚 𑌰𑌤𑍍𑌨𑌕𑌲𑌶𑌂 𑌸𑌨𑍍𑌮𑌞𑍍𑌜𑌰𑍀𑌂 𑌚𑌾𑌭𑌯𑌮𑍍 ।
𑌶𑍁𑌣𑍍𑌡𑌾𑌦𑌣𑍍𑌡𑌲𑌸𑌨𑍍𑌮𑍃𑌗𑍇𑌨𑍍𑌦𑍍𑌰𑌵𑌦𑌨𑌃 𑌶𑌙𑍍𑌖𑍇𑌨𑍍𑌦𑍁𑌗𑍗𑌰𑌃 𑌶𑍁𑌭𑍋
𑌦𑍀𑌵𑍍𑌯𑌦𑍍𑌰𑌤𑍍𑌨𑌨𑌿𑌭𑌾𑌂𑌶𑍁𑌕𑍋 𑌗𑌣𑌪𑌤𑌿𑌃 𑌪𑌾𑌯𑌾𑌦𑌪𑌾𑌯𑌤𑍍 𑌸 𑌨𑌃 ॥ 29 ॥
30. 𑌶𑍍𑌰𑍀 𑌯𑍋𑌗 𑌗𑌣𑌪𑌤𑌿𑌃
𑌯𑍋𑌗𑌾𑌰𑍂𑌢𑍋 𑌯𑍋𑌗𑌪𑌟𑍍𑌟𑌾𑌭𑌿𑌰𑌾𑌮𑍋
𑌬𑌾𑌲𑌾𑌰𑍍𑌕𑌾𑌭𑌶𑍍𑌚𑍇𑌨𑍍𑌦𑍍𑌰𑌨𑍀𑌲𑌾𑌂𑌶𑍁𑌕𑌾𑌢𑍍𑌯𑌃 ।
𑌪𑌾𑌶𑍇𑌕𑍍𑌷𑍍𑌵𑌕𑍍𑌷𑌾𑌨𑍍 𑌯𑍋𑌗𑌦𑌣𑍍𑌡𑌂 𑌦𑌧𑌾𑌨𑍋
𑌪𑌾𑌯𑌾𑌨𑍍𑌨𑌿𑌤𑍍𑌯𑌂 𑌯𑍋𑌗𑌵𑌿𑌘𑍍𑌨𑍇𑌶𑍍𑌵𑌰𑍋 𑌨𑌃 ॥ 30 ॥
31. 𑌶𑍍𑌰𑍀 𑌦𑍁𑌰𑍍𑌗𑌾 𑌗𑌣𑌪𑌤𑌿𑌃
𑌤𑌪𑍍𑌤𑌕𑌾𑌞𑍍𑌚𑌨𑌸𑌙𑍍𑌕𑌾𑌶𑌶𑍍𑌚𑌾𑌷𑍍𑌟𑌹𑌸𑍍𑌤𑍋 𑌮𑌹𑌤𑍍𑌤𑌨𑍁𑌃
𑌦𑍀𑌪𑍍𑌤𑌾𑌙𑍍𑌕𑍁𑌶𑌂 𑌶𑌰𑌂 𑌚𑌾𑌕𑍍𑌷𑌂 𑌦𑌨𑍍𑌤𑍁 𑌦𑌕𑍍𑌷𑍇 𑌵𑌹𑌨𑍍 𑌕𑌰𑍈𑌃 ।
𑌵𑌾𑌮𑍇 𑌪𑌾𑌶𑌂 𑌕𑌾𑌰𑍍𑌮𑍁𑌕𑌂 𑌚 𑌲𑌤𑌾𑌂 𑌜𑌮𑍍𑌬𑍁 𑌦𑌧𑌤𑍍𑌕𑌰𑍈𑌃
𑌰𑌕𑍍𑌤𑌾𑌂𑌶𑍁𑌕𑌃 𑌸𑌦𑌾 𑌭𑍂𑌯𑌾𑌦𑍍𑌦𑍁𑌰𑍍𑌗𑌾𑌗𑌣𑌪𑌤𑌿𑌰𑍍𑌮𑍁𑌦𑍇 ॥ 31 ॥
32. 𑌶𑍍𑌰𑍀 𑌸𑌙𑍍𑌕𑌷𑍍𑌟𑌹𑌰 𑌗𑌣𑌪𑌤𑌿𑌃
𑌬𑌾𑌲𑌾𑌰𑍍𑌕𑌾𑌰𑍁𑌣𑌕𑌾𑌨𑍍𑌤𑌿𑌰𑍍𑌵𑌾𑌮𑍇 𑌬𑌾𑌲𑌾𑌂 𑌵𑌹𑌨𑍍𑌨𑌙𑍍𑌕𑍇
𑌲𑌸𑌦𑌿𑌨𑍍𑌦𑍀𑌵𑌰𑌹𑌸𑍍𑌤𑌾𑌂 𑌗𑍗𑌰𑌾𑌙𑍍𑌗𑍀𑌂 𑌰𑌤𑍍𑌨𑌶𑍋𑌭𑌾𑌢𑍍𑌯𑌾𑌮𑍍 ।
𑌦𑌕𑍍𑌷𑍇𑌽𑌙𑍍𑌕𑍁𑌶𑌵𑌰𑌦𑌾𑌨𑌂 𑌵𑌾𑌮𑍇 𑌪𑌾𑌶𑌂 𑌚 𑌪𑌾𑌯𑌸𑌂 𑌪𑌾𑌤𑍍𑌰𑌂
𑌨𑍀𑌲𑌾𑌂𑌶𑍁𑌕𑌲𑌸𑌮𑌾𑌨𑌃 𑌪𑍀𑌠𑍇 𑌪𑌦𑍍𑌮𑌾𑌰𑍁𑌣𑍇 𑌤𑌿𑌷𑍍𑌠𑌨𑍍 ॥ 32 ॥
𑌸𑌙𑍍𑌕𑌟𑌹𑌰𑌣𑌃 𑌪𑌾𑌯𑌾𑌤𑍍 𑌸𑌙𑍍𑌕𑌟𑌪𑍂𑌗𑌾𑌦𑍍𑌗𑌜𑌾𑌨𑌨𑍋 𑌨𑌿𑌤𑍍𑌯𑌮𑍍 ।
𑌶𑍍𑌰𑍀 𑌵𑌲𑍍𑌲𑌭 𑌗𑌣𑌪𑌤𑌿
𑌬𑍀𑌜𑌾𑌪𑍂𑌰 𑌗𑌦𑍇𑌕𑍍𑌷𑍁𑌕𑌾𑌰𑍍𑌮𑍁𑌕𑌭𑍁𑌜𑌾𑌚𑌕𑍍𑌰𑌾𑌬𑍍𑌜 𑌪𑌾𑌶𑍋𑌤𑍍𑌪𑌲
𑌵𑍍𑌰𑍀𑌹𑍍𑌯𑌗𑍍𑌰𑌸𑍍𑌵𑌵𑌿𑌷𑌾𑌣 𑌰𑌤𑍍𑌨𑌕𑌲𑌶 𑌪𑍍𑌰𑍋𑌦𑍍𑌯𑌤𑍍𑌕𑌰𑌾𑌮𑍍𑌭𑍋𑌰𑍁𑌹𑌃 ।
𑌧𑍍𑌯𑍇𑌯𑍋 𑌵𑌲𑍍𑌲𑌭𑌯𑌾 𑌚 𑌪𑌦𑍍𑌮𑌕𑌰𑌯𑌾𑌶𑍍𑌲𑌿𑌷𑍍𑌟𑍋 𑌜𑍍𑌵𑌲𑌦𑍍𑌭𑍂𑌷𑌯𑌾
𑌵𑌿𑌶𑍍𑌵𑍋𑌤𑍍𑌪𑌤𑍍𑌤𑌿𑌵𑌿𑌨𑌾𑌶𑌸𑌂𑌸𑍍𑌥𑌿𑌤𑌿𑌕𑌰𑍋 𑌵𑌿𑌘𑍍𑌨𑍋 𑌵𑌿𑌶𑌿𑌷𑍍𑌟𑌾𑌰𑍍𑌥𑌦𑌃 ॥
𑌶𑍍𑌰𑍀 𑌸𑌿𑌦𑍍𑌧𑌿𑌦𑍇𑌵𑍀
𑌪𑍀𑌤𑌵𑌰𑍍𑌣𑌾𑌂 𑌦𑍍𑌵𑌿𑌨𑍇𑌤𑍍𑌰𑌾𑌂 𑌤𑌾𑌮𑍇𑌕𑌵𑌕𑍍𑌤𑍍𑌰𑌾𑌮𑍍𑌬𑍁𑌜𑌦𑍍𑌵𑌯𑌾𑌂
𑌨𑌵𑌰𑌤𑍍𑌨𑌕𑌿𑌰𑍀𑌟𑌾𑌂 𑌚 𑌪𑍀𑌤𑌾𑌮𑍍𑌬𑌰𑌸𑍁𑌧𑌾𑌰𑌿𑌣𑍀𑌮𑍍 ।
𑌵𑌾𑌮𑌹𑌸𑍍𑌤𑍇 𑌮𑌹𑌾𑌪𑌦𑍍𑌮𑌂 𑌦𑌕𑍍𑌷𑍇 𑌲𑌮𑍍𑌬𑌕𑌰𑌾𑌨𑍍𑌵𑌿𑌤𑌾𑌂
𑌜𑌾𑌜𑍀𑌚𑌮𑍍𑌪𑌕𑌮𑌾𑌲𑌾𑌂 𑌚 𑌤𑍍𑌰𑌿𑌭𑌙𑍍𑌗𑍀𑌂 𑌲𑌲𑌿𑌤𑌾𑌙𑍍𑌗𑌿𑌕𑌾𑌮𑍍 ॥
𑌗𑌣𑍇𑌶𑌦𑌕𑍍𑌷𑌿𑌣𑍇 𑌭𑌾𑌗𑍇 𑌗𑍁𑌰𑍁𑌃 𑌸𑌿𑌦𑍍𑌧𑌿𑌂 𑌤𑍁 𑌭𑌾𑌵𑌯𑍇𑌤𑍍 ॥
𑌶𑍍𑌰𑍀 𑌬𑍁𑌦𑍍𑌧𑌿𑌦𑍇𑌵𑍀
𑌦𑍍𑌵𑌿𑌹𑌸𑍍𑌤𑌾𑌂 𑌚 𑌦𑍍𑌵𑌿𑌨𑍇𑌤𑍍𑌰𑌾𑌂 𑌤𑌾𑌮𑍇𑌕𑌵𑌕𑍍𑌤𑍍𑌰𑌾𑌂 𑌤𑍍𑌰𑌿𑌭𑌙𑍍𑌗𑌿𑌕𑌾𑌂
𑌮𑍁𑌕𑍍𑌤𑌾𑌮𑌣𑌿𑌕𑌿𑌰𑍀𑌟𑌾𑌂 𑌚 𑌦𑌕𑍍𑌷𑍇 𑌹𑌸𑍍𑌤𑍇 𑌮𑌹𑍋𑌤𑍍𑌪𑌲𑌮𑍍 ।
𑌵𑌾𑌮𑍇 𑌪𑍍𑌰𑌲𑌮𑍍𑌬𑌹𑌸𑍍𑌤𑌾𑌂 𑌚 𑌦𑌿𑌵𑍍𑌯𑌾𑌮𑍍𑌬𑌰𑌸𑍁𑌧𑌾𑌰𑌿𑌣𑍀𑌂
𑌶𑍍𑌯𑌾𑌮𑌵𑌰𑍍𑌣𑌨𑌿𑌭𑌾𑌂 𑌭𑌾𑌸𑍍𑌵𑌤𑍍𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌾𑌮𑍍 ॥
𑌪𑌾𑌰𑌿𑌜𑌾𑌤𑍋𑌤𑍍𑌪𑌲𑌾𑌮𑌾𑌲𑍍𑌯𑌾𑌂 𑌗𑌣𑍇𑌶𑍋 𑌵𑌾𑌮𑌪𑌾𑌰𑍍𑌶𑍍𑌵𑌕𑍇
𑌧𑍍𑌯𑌾𑌤𑍍𑌵𑌾 𑌬𑍁𑌦𑍍𑌧𑌿𑌂 𑌸𑍁𑌰𑍂𑌪𑌾𑌂 𑌸𑌮𑌰𑍍𑌚𑌯𑍇𑌦𑍍𑌦𑍇𑌶𑌿𑌕𑍋𑌤𑍍𑌤𑌮𑌃 ॥
Roman (IAST) Transliteration
1. śrī bāla gaṇapatiḥ
karastha kadalīcūtapanasekṣukamodakam |
bālasūryanibhaṃ vande devaṃ bālagaṇādhipam || 1 ||
2. śrī taruṇa gaṇapatiḥ
pāśāṅkuśāpūpakapitthajambū-
-svadantaśālīkṣumapi svahastaiḥ |
dhatte sadā yastaruṇāruṇābhaḥ
pāyāt sa yuṣmāṃstaruṇo gaṇeśaḥ || 2 ||
3. śrī bhakta gaṇapatiḥ
nārikelāmrakadalīguḍapāyasadhāriṇam |
śaraccandrābhavapuṣaṃ bhaje bhaktagaṇādhipam || 3 ||
4. śrī vīra gaṇapatiḥ
vetālaśaktiśarakārmukacakrakhaḍga-
-khaṭvāṅgamudgaragadāṅkuśanāgapāśān |
śūlaṃ ca kuntaparaśuṃ dhvajamudvahantaṃ
vīraṃ gaṇeśamaruṇaṃ satataṃ smarāmi || 4 ||
5. śrī śakti gaṇapatiḥ
āliṅgya devīṃ haritāṅgayaṣṭiṃ
parasparāśliṣṭakaṭipradeśam |
sandhyāruṇaṃ pāśasṛṇī vahantaṃ
bhayāpahaṃ śaktigaṇeśamīḍe || 5 ||
6. śrī dvija gaṇapatiḥ
yaṃ pustakākṣa guṇadaṇḍakamaṇḍalu śrī-
-vidyotamānakarabhūṣaṇaminduvarṇam |
stamberamānanacatuṣṭayaśobhamānaṃ
tvāṃ yaḥ smaret dvijagaṇādhipate sa dhanyaḥ || 6 ||
7. śrī siddha gaṇapatiḥ
pakvacūtaphalapuṣpamañjarī-
-rikṣudaṇḍatilamodakaiḥ saha |
udvahan paraśumastu te namaḥ
śrīsamṛddhiyuta hemapiṅgala || 7 ||
8. śrī ucchiṣṭa gaṇapatiḥ
nīlābjadāḍimīvīṇāśālīguñjākṣasūtrakam |
dadhaducchiṣṭanāmāyaṃ gaṇeśaḥ pātu mecakaḥ || 8 ||
9. śrī vighna gaṇapatiḥ
śaṅkhekṣucāpakusumeṣukuṭhārapāśa-
-cakrasvadantasṛṇimañjarikāśarādyaiḥ |
pāṇiśritaiḥ parisamīhitabhūṣaṇaśrī-
-vighneśvaro vijayate tapanīyagauraḥ || 9 ||
10. śrī kṣipra gaṇapatiḥ
dantakalpalatāpāśaratnakumbhāṅkuśojjvalam |
bandhūkakamanīyābhaṃ dhyāyet kṣipragaṇādhipam || 10 ||
11. śrī heramba gaṇapatiḥ
abhayavaradahastaḥ pāśadantākṣamālā-
-sṛṇiparaśu dadhāno mudgaraṃ modakaṃ ca |
phalamadhigatasiṃhaḥ pañcamātaṅgavaktro
gaṇapatiratigauraḥ pātu herambanāmā || 11 ||
12. śrī lakṣmī gaṇapatiḥ
bibhrāṇaḥ śukabījapūrakamilanmāṇikyakumbhākuśān
pāśaṃ kalpalatāṃ ca khaḍgavilasajjyotiḥ sudhānirjharaḥ |
śyāmenāttasaroruheṇa sahitaṃ devīdvayaṃ cāntike
gaurāṅgo varadānahastasahito lakṣmīgaṇeśo'vatāt || 12 ||
13. śrī mahā gaṇapatiḥ
hastīndrānanaminducūḍamaruṇacchāyaṃ trinetraṃ rasā-
-dāśliṣṭaṃ priyayā sapadmakarayā svāṅkasthayā santatam |
bījāpūragadekṣukārmukalasaccakrābjapāśotpala-
-vrīhyagrasvaviṣāṇaratnakalaśān hastairvahantaṃ bhaje || 13 ||
14. śrī vijaya gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ sarvaṃ raktavarṇo vināyakaḥ || 14 ||
15. śrī nṛtta gaṇapatiḥ
pāśāṅkuśāpūpakuṭhāradanta-
-cañcatkarākluptavarāṅgulīkam |
pītaprabhaṃ kalpataroradhasthaṃ
bhajāmi nṛttopapadaṃ gaṇeśam || 15 ||
16. śrī ūrdhva gaṇapatiḥ
kalhāraśālikamalekṣukacāpabāṇa-
-dantaprarohakagadī kanakojjvalāṅgaḥ |
āliṅganodyatakaro haritāṅgayaṣṭyā
devyā karotu śubhamūrdhvagaṇādhipo me || 16 ||
17. śrī ekākṣara gaṇapatiḥ
rakto raktāṅgarāgāṅkuśakusumayutastundilaścandramauliḥ
netrairyuktastribhirvāmanakaracaraṇo bījapūraṃ dadhānaḥ |
hastāgrāklupta pāśāṅkuśaradavarado nāgavaktro'hibhūṣo
devaḥ padmāsanastho bhavatu sukhakaro bhūtaye vighnarājaḥ || 17 ||
18. śrī vara gaṇapatiḥ
sindūrābhamibhānanaṃ trinayanaṃ haste ca pāśāṅkuśau
bibhrāṇaṃ madhumatkapālamaniśaṃ sādhvindumauliṃ bhaje |
puṣṭyāśliṣṭatanuṃ dhvajāgrakarayā padmollasaddhastayā
tadyonyāhita pāṇimāttavasumatpātrollasatpuṣkaram || 18 ||
19. śrī tryakṣara gaṇapatiḥ
gajendravadanaṃ sākṣāccalatkarṇasucāmaraṃ
hemavarṇaṃ caturbāhuṃ pāśāṅkuśadharaṃ varam |
svadantaṃ dakṣiṇe haste savye tvāmrapalaṃ tathā
puṣkarairmodakaṃ caiva dhārayantamanusmaret || 19 ||
20. śrī kṣipraprasāda gaṇapatiḥ
dhṛtapāśāṅkuśakalpalatā svaradaśca bījapūrayutaḥ
śaśiśakalakalitamaulistrilocano'ruṇaśca gajavadanaḥ |
bhāsurabhūṣaṇadīpto bṛhadudaraḥ padmaviṣṭarollasitaḥ
vighnapayodharapavanaḥ karadhṛtakamalaḥ sadāstu me bhūtyai || 20 ||
21. śrī haridrā gaṇapatiḥ
haridrābhaṃ caturbāhuṃ karīndravadanaṃ prabhum |
pāśāṅkuśadharaṃ devaṃ modakaṃ dantameva ca |
bhaktābhayapradātāraṃ vande vighnavināśanam || 21 ||
22. śrī ekadanta gaṇapatiḥ
lambodaraṃ śyāmatanuṃ gaṇeśaṃ
kuṭhāramakṣasrajamūrdhvagātram |
salaḍḍukaṃ dantamadhaḥ karābhyāṃ
vāmetarābhyāṃ ca dadhānamīḍe || 22 ||
23. śrī sṛṣṭi gaṇapatiḥ
pāśāṅkuśasvadantāmraphalavānākhuvāhanaḥ |
vighnaṃ nihantu naḥ śoṇaḥ sṛṣṭidakṣo vināyakaḥ || 23 ||
24. śrī uddaṇḍa gaṇapatiḥ
kalhārāmbujabījapūrakagadādantekṣucāpaṃ sumaṃ
bibhrāṇo maṇikumbhaśālikalaśau pāśaṃ sṛṇiṃ cābjakam |
gaurāṅgyā rucirāravindakarayā devyā samāliṅgataḥ
śoṇāṅgaḥ śubhamātanotu bhajatāmuddaṇḍavighneśvaraḥ || 24 ||
25. śrī ṛṇamocaka gaṇapatiḥ
pāśāṅkuśau dantajambu dadhānaḥ sphāṭikaprabhaḥ |
raktāṃśuko gaṇapatirmude syādṛṇamocakaḥ || 25 ||
26. śrī ḍhuṇḍhi gaṇapatiḥ
akṣamālāṃ kuṭhāraṃ ca ratnapātraṃ svadantakam |
dhatte karairvighnarājo ḍhuṇḍhināmā mude'stu naḥ || 26 ||
27. śrī dvimukha gaṇapatiḥ
svadantapāśāṅkuśaratnapātraṃ
karairdadhāno harinīlagātraḥ |
raktāṃśuko ratnakirīṭamālī
bhūtyai sadā me dvimukho gaṇeśaḥ || 27 ||
28. śrī trimukha gaṇapatiḥ
śrīmattīkṣṇaśikhāṅkuśākṣavaradān dakṣe dadhānaḥ karaiḥ
pāśaṃ cāmṛtapūrṇakumbhamabhayaṃ vāme dadhāno mudā |
pīṭhe svarṇamayāravindavilasatsatkarṇikābhāsure
svāsīnastrimukhaḥ palāśaruciro nāgānanaḥ pātu naḥ || 28 ||
29. śrī siṃha gaṇapatiḥ
vīṇāṃ kalpalatāmariṃ ca varadaṃ dakṣe vidatte karai-
-rvāme tāmarasaṃ ca ratnakalaśaṃ sanmañjarīṃ cābhayam |
śuṇḍādaṇḍalasanmṛgendravadanaḥ śaṅkhendugauraḥ śubho
dīvyadratnanibhāṃśuko gaṇapatiḥ pāyādapāyat sa naḥ || 29 ||
30. śrī yoga gaṇapatiḥ
yogārūḍho yogapaṭṭābhirāmo
bālārkābhaścendranīlāṃśukāḍhyaḥ |
pāśekṣvakṣān yogadaṇḍaṃ dadhāno
pāyānnityaṃ yogavighneśvaro naḥ || 30 ||
31. śrī durgā gaṇapatiḥ
taptakāñcanasaṅkāśaścāṣṭahasto mahattanuḥ
dīptāṅkuśaṃ śaraṃ cākṣaṃ dantu dakṣe vahan karaiḥ |
vāme pāśaṃ kārmukaṃ ca latāṃ jambu dadhatkaraiḥ
raktāṃśukaḥ sadā bhūyāddurgāgaṇapatirmude || 31 ||
32. śrī saṅkaṣṭahara gaṇapatiḥ
bālārkāruṇakāntirvāme bālāṃ vahannaṅke
lasadindīvarahastāṃ gaurāṅgīṃ ratnaśobhāḍhyām |
dakṣe'ṅkuśavaradānaṃ vāme pāśaṃ ca pāyasaṃ pātraṃ
nīlāṃśukalasamānaḥ pīṭhe padmāruṇe tiṣṭhan || 32 ||
saṅkaṭaharaṇaḥ pāyāt saṅkaṭapūgādgajānano nityam |
śrī vallabha gaṇapati
bījāpūra gadekṣukārmukabhujācakrābja pāśotpala
vrīhyagrasvaviṣāṇa ratnakalaśa prodyatkarāmbhoruhaḥ |
dhyeyo vallabhayā ca padmakarayāśliṣṭo jvaladbhūṣayā
viśvotpattivināśasaṃsthitikaro vighno viśiṣṭārthadaḥ ||
śrī siddhidevī
pītavarṇāṃ dvinetrāṃ tāmekavaktrāmbujadvayāṃ
navaratnakirīṭāṃ ca pītāmbarasudhāriṇīm |
vāmahaste mahāpadmaṃ dakṣe lambakarānvitāṃ
jājīcampakamālāṃ ca tribhaṅgīṃ lalitāṅgikām ||
gaṇeśadakṣiṇe bhāge guruḥ siddhiṃ tu bhāvayet ||
śrī buddhidevī
dvihastāṃ ca dvinetrāṃ tāmekavaktrāṃ tribhaṅgikāṃ
muktāmaṇikirīṭāṃ ca dakṣe haste mahotpalam |
vāme pralambahastāṃ ca divyāmbarasudhāriṇīṃ
śyāmavarṇanibhāṃ bhāsvatsarvābharaṇabhūṣitām ||
pārijātotpalāmālyāṃ gaṇeśo vāmapārśvake
dhyātvā buddhiṃ surūpāṃ samarcayeddeśikottamaḥ ||
InfoLyter.in — Sacred Vedic Knowledge Portal · Free forever