Ashtavakra Gita Dvadasho'dhyayah

ॐ

𑌅𑌷𑍍𑌟𑌾𑌵𑌕𑍍𑌰 𑌗𑍀𑌤𑌾 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃

Gita Grantha

𑌜𑌨𑌕 𑌉𑌵𑌾𑌚 ॥

𑌕𑌾𑌯𑌕𑍃𑌤𑍍𑌯𑌾𑌸𑌹𑌃 𑌪𑍂𑌰𑍍𑌵𑌂 𑌤𑌤𑍋 𑌵𑌾𑌗𑍍𑌵𑌿𑌸𑍍𑌤𑌰𑌾𑌸𑌹𑌃 ।

𑌅𑌥 𑌚𑌿𑌨𑍍𑌤𑌾𑌸𑌹𑌸𑍍𑌤𑌸𑍍𑌮𑌾𑌦𑍍 𑌏𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-1॥

𑌪𑍍𑌰𑍀𑌤𑍍𑌯𑌭𑌾𑌵𑍇𑌨 𑌶𑌬𑍍𑌦𑌾𑌦𑍇𑌰𑌦𑍃𑌶𑍍𑌯𑌤𑍍𑌵𑍇𑌨 𑌚𑌾𑌤𑍍𑌮𑌨𑌃 ।

𑌵𑌿𑌕𑍍𑌷𑍇𑌪𑍈𑌕𑌾𑌗𑍍𑌰𑌹𑍃𑌦𑌯 𑌏𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-2॥

𑌸𑌮𑌾𑌧𑍍𑌯𑌾𑌸𑌾𑌦𑌿𑌵𑌿𑌕𑍍𑌷𑌿𑌪𑍍𑌤𑍗 𑌵𑍍𑌯𑌵𑌹𑌾𑌰𑌃 𑌸𑌮𑌾𑌧𑌯𑍇 ।

𑌏𑌵𑌂 𑌵𑌿𑌲𑍋𑌕𑍍𑌯 𑌨𑌿𑌯𑌮𑌮𑍇𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-3॥

𑌹𑍇𑌯𑍋𑌪𑌾𑌦𑍇𑌯𑌵𑌿𑌰𑌹𑌾𑌦𑍍 𑌏𑌵𑌂 𑌹𑌰𑍍𑌷𑌵𑌿𑌷𑌾𑌦𑌯𑍋𑌃 ।

𑌅𑌭𑌾𑌵𑌾𑌦𑌦𑍍𑌯 𑌹𑍇 𑌬𑍍𑌰𑌹𑍍𑌮𑌨𑍍𑌨𑍍 𑌏𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-4॥

𑌆𑌶𑍍𑌰𑌮𑌾𑌨𑌾𑌶𑍍𑌰𑌮𑌂 𑌧𑍍𑌯𑌾𑌨𑌂 𑌚𑌿𑌤𑍍𑌤𑌸𑍍𑌵𑍀𑌕𑍃𑌤𑌵𑌰𑍍𑌜𑌨𑌮𑍍 ।

𑌵𑌿𑌕𑌲𑍍𑌪𑌂 𑌮𑌮 𑌵𑍀𑌕𑍍𑌷𑍍𑌯𑍈𑌤𑍈𑌰𑍇𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-5॥

𑌕𑌰𑍍𑌮𑌾𑌨𑍁𑌷𑍍𑌠𑌾𑌨𑌮𑌜𑍍𑌞𑌾𑌨𑌾𑌦𑍍 𑌯𑌥𑍈𑌵𑍋𑌪𑌰𑌮𑌸𑍍𑌤𑌥𑌾 ।

𑌬𑍁𑌧𑍍𑌵𑌾 𑌸𑌮𑍍𑌯𑌗𑌿𑌦𑌂 𑌤𑌤𑍍𑌤𑍍𑌵𑌮𑍇𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-6॥

𑌅𑌚𑌿𑌨𑍍𑌤𑍍𑌯𑌂 𑌚𑌿𑌨𑍍𑌤𑍍𑌯𑌮𑌾𑌨𑍋𑌽𑌪𑌿 𑌚𑌿𑌨𑍍𑌤𑌾𑌰𑍂𑌪𑌂 𑌭𑌜𑌤𑍍𑌯𑌸𑍗 ।

𑌤𑍍𑌯𑌕𑍍𑌤𑍍𑌵𑌾 𑌤𑌦𑍍𑌭𑌾𑌵𑌨𑌂 𑌤𑌸𑍍𑌮𑌾𑌦𑍍 𑌏𑌵𑌮𑍇𑌵𑌾𑌹𑌮𑌾𑌸𑍍𑌥𑌿𑌤𑌃 ॥ 12-7॥

𑌏𑌵𑌮𑍇𑌵 𑌕𑍃𑌤𑌂 𑌯𑍇𑌨 𑌸 𑌕𑍃𑌤𑌾𑌰𑍍𑌥𑍋 𑌭𑌵𑍇𑌦𑌸𑍗 ।

𑌏𑌵𑌮𑍇𑌵 𑌸𑍍𑌵𑌭𑌾𑌵𑍋 𑌯𑌃 𑌸 𑌕𑍃𑌤𑌾𑌰𑍍𑌥𑍋 𑌭𑌵𑍇𑌦𑌸𑍗 ॥ 12-8॥

Roman (IAST) Transliteration

janaka uvāca ||

kāyakṛtyāsahaḥ pūrvaṃ tato vāgvistarāsahaḥ |

atha cintāsahastasmād evamevāhamāsthitaḥ || 12-1||

prītyabhāvena śabdāderadṛśyatvena cātmanaḥ |

vikṣepaikāgrahṛdaya evamevāhamāsthitaḥ || 12-2||

samādhyāsādivikṣiptau vyavahāraḥ samādhaye |

evaṃ vilokya niyamamevamevāhamāsthitaḥ || 12-3||

heyopādeyavirahād evaṃ harṣaviṣādayoḥ |

abhāvādadya he brahmann evamevāhamāsthitaḥ || 12-4||

āśramānāśramaṃ dhyānaṃ cittasvīkṛtavarjanam |

vikalpaṃ mama vīkṣyaitairevamevāhamāsthitaḥ || 12-5||

karmānuṣṭhānamajñānād yathaivoparamastathā |

budhvā samyagidaṃ tattvamevamevāhamāsthitaḥ || 12-6||

acintyaṃ cintyamāno'pi cintārūpaṃ bhajatyasau |

tyaktvā tadbhāvanaṃ tasmād evamevāhamāsthitaḥ || 12-7||

evameva kṛtaṃ yena sa kṛtārtho bhavedasau |

evameva svabhāvo yaḥ sa kṛtārtho bhavedasau || 12-8||