sudarśanaścakrarājaḥ tejovyūho mahādyutiḥ |
1
sahasrabāhu-rdīptāṅgaḥ aruṇākṣaḥ pratāpavān || 1||
anekādityasaṅkāśaḥ prodyajjvālābhirañjitaḥ |
2
saudāminī-sahasrābhaḥ maṇikuṇḍala-śobhitaḥ || 2||
pañcabhūtamanorūpo ṣaṭkoṇāntara-saṃsthitaḥ |
3
harāntaḥ karaṇodbhūta-roṣabhīṣaṇa-vigrahaḥ || 3||
haripāṇilasatpadmavihārāramanoharaḥ |
4
śrākārarūpassarvajñaḥ sarvalokārcitaprabhuḥ || 4||
caturdaśasahasrāraḥ caturvedamayo-'nalaḥ |
5
bhaktacāndramasajyotiḥ bhavaroga-vināśakaḥ || 5||
rephātmako makāraśca rakṣosṛgrūṣitāṅgakaḥ |
6
sarvadaityagrīvanāla-vibhedana-mahāgajaḥ || 6||
bhīmadaṃṣṭrojjvalākāro bhīmakarmā vilocanaḥ |
7
nīlavartmā nityasukho nirmalaśrī-rnirañjanaḥ || 7||
raktamālyāmbaradharo raktacandanarūṣitaḥ |
8
rajoguṇākṛtiśśūro rakṣaḥkula-yamopamaḥ || 8||
nityakṣemakaraḥ prājñaḥ pāṣaṇḍajanakhaṇḍanaḥ |
9
nārāyaṇājñānuvartī naigamāntaḥprakāśakaḥ || 9||
balinandanadordaṇḍa-khaṇḍano vijayākṛtiḥ |
10
mitrabhāvī sarvamayo tamovidhvaṃsakastathā || 10||
rajassattvatamodvartī triguṇātmā trilokadhṛt |
11
harimāyāguṇopeto-'vyayo-'kṣasvarūpabhāk || 11||
paramātmā parañjyotiḥ pañcakṛtya-parāyaṇaḥ |
12
jñānaśakti-balaiśvarya-vīrya-tejaḥ-prabhāmayaḥ || 12||
sadasatparamaḥ pūrṇo vāṅmayo varado'cyutaḥ |
13
jīvo gururhaṃsarūpaḥ pañcāśatpīṭharūpakaḥ || 13||
mātṛkāmaṇḍalādhyakṣo madhudhvaṃsī manomayaḥ |
14
buddhirūpaścittasākṣī sāro haṃsākṣaradvayaḥ || 14||
mantra-yantra-prabhāvajño mantra-yantra-mayo vibhuḥ |
15
sraṣṭā kriyāspada-śśuddhaḥ ādhāraścakra-rūpakaḥ || 15||
nirāyudho hyasaṃrambhaḥ sarvāyudha-samanvitaḥ |
16
omkārarūpī pūrṇātmā āṅkārassādhya-bandhanaḥ || 16||
aiṅkāro vākprado vagmī śrīṅkāraiśvaryavardhanaḥ |
17
klīṅkāramohanākāro humphaṭkṣobhaṇākṛtiḥ || 17||
indrārcita-manovego dharaṇībhāra-nāśakaḥ |
18
vīrārādhyo viśvarūpaḥ vaiṣṇavo viṣṇurūpakaḥ || 18||
satyavrataḥ satyadharaḥ satyadharmānuṣaṅgakaḥ'
19
nārāyaṇakṛpāvyūha-tejaścakra-ssudarśanaḥ || 19||
|| śrī sudarśanāṣṭottaraśatanāma stotraṃ sampūrṇam||