dhyānaṃ
oṃ dhyāyessadā savitṛmaṇḍalamadhyavartī
nārāyaṇassarasijāsana sanniviṣṭaḥ |
keyūravān makarakuṇḍalavān kirīṭī
hārī hiraṇmayavapuḥ dhṛtaśaṅkhacakraḥ ||
sūryaṃ sundaralokanāthamamṛtaṃ vedāntasāram
śivaṃ jñānabrahmamayaṃ sureśamamalaṃ lokaikacitrasvayam |
indrādityanarādhipasuraguruṃ trailokacūḍāmaṇim
brahmaviṣṇuśivasvarūpahṛdayaṃ vande sadā bhāskaram ||
dvādaśāditya nāmāni
oṃ mitrāya namaḥ |
oṃ ravaye namaḥ |
oṃ sūryāya namaḥ |
oṃ bhānave namaḥ |
oṃ khagāya namaḥ |
oṃ pūṣṇe namaḥ |
oṃ hiraṇyagarbhāya namaḥ |
oṃ marīcaye namaḥ |
oṃ ādityāya namaḥ |
oṃ savitre namaḥ |
oṃ arkāya namaḥ |
oṃ bhāskarāya namaḥ |
oṃ śrīsavitṛsūryanārāyaṇāya namaḥ ||
phalaśṛtiḥ
ādityasya namaskārān ye kurvanti dine dine |
āyuḥ prajñāṃ balaṃ vīryaṃ tejasteṣāṃ ca jāyate ||