bhṛguruvāca
caturvaktra jagannātha stotraṃ vada mayi prabho |
1
yasyānuṣṭhānamātreṇa naro bhaktimavāpnuyāt || 1 ||
brahmovāca
sahasranāmnāmākṛṣya nāmnāmaṣṭottaraṃ śatam |
2
guhyādguhyataraṃ guhyaṃ sundaryāḥ parikīrtitam || 2 ||
asya śrīṣoḍaśyaṣṭottaraśatanāmastotrasya śambhurṛṣiḥ anuṣṭup chandaḥ śrīṣoḍaśī devatā dharmārthakāmamokṣasiddhyarthe jape viniyogaḥ |
tripurā ṣoḍaśī mātā tryakṣarā tritayā trayī |
3
sundarī sumukhī sevyā sāmavedaparāyaṇā || 3 ||
śāradā śabdanilayā sāgarā saridambarā |
4
śuddhā śuddhatanuḥ sādhvī śivadhyānaparāyaṇā || 4 ||
svāminī śambhuvanitā śāmbhavī ca sarasvatī |
5
samudramathinī śīghragāminī śīghrasiddhidā || 5 ||
sādhusevyā sādhugamyā sādhusantuṣṭamānasā |
6
khaṭvāṅgadhāriṇī kharvā khaḍgakharparadhāriṇī || 6 ||
ṣaḍvargabhāvarahitā ṣaḍvargaparicārikā |
7
ṣaḍvargā ca ṣaḍaṅgā ca ṣoḍhā ṣoḍaśavārṣikī || 7 ||
kraturūpā kratumatī ṛbhukṣakratumaṇḍitā |
8
kavargādipavargāntā antasthā'nantarūpiṇī || 8 ||
akārākārarahitā kālamṛtyujarāpahā |
9
tanvī tattveśvarī tārā trivarṣā jñānarūpiṇī || 9 ||
kālī karālī kāmeśī chāyā sañjñāpyarundhatī |
10
nirvikalpā mahāvegā mahotsāhā mahodarī || 10 ||
meghā balākā vimalā vimalajñānadāyinī |
11
gaurī vasundharā goptrī gavāṃ patiniṣevitā || 11 ||
bhagāṅgā bhagarūpā ca bhaktibhāvaparāyaṇā |
12
chinnamastā mahādhūmā tathā dhūmravibhūṣaṇā || 12 ||
dharmakarmādirahitā dharmakarmaparāyaṇā |
13
sītā mātaṅginī medhā madhudaityavināśinī || 13 ||
bhairavī bhuvanā mātā'bhayadā bhavasundarī |
14
bhāvukā bagalā kṛtyā bālā tripurasundarī || 14 ||
rohiṇī revatī ramyā rambhā rāvaṇavanditā |
15
śatayajñamayī sattvā śatakratuvarapradā || 15 ||
śatacandrānanā devī sahasrādityasannibhā |
16
somasūryāgninayanā vyāghracarmāmbarāvṛtā || 16 ||
ardhendudhāriṇī mattā madirā madirekṣaṇā |
17
iti te kathitaṃ gopyaṃ nāmnāmaṣṭottaraṃ śatam || 17 ||
sundaryāḥ sarvadaṃ sevyaṃ mahāpātakanāśanam |
18
gopanīyaṃ gopanīyaṃ gopanīyaṃ kalau yuge || 18 ||
sahasranāmapāṭhasya phalaṃ yadvai prakīrtitam |
19
tasmātkoṭiguṇaṃ puṇyaṃ stavasyāsya prakīrtanāt || 19 ||
paṭhetsadā bhaktiyuto naro yo
niśīthakāle'pyaruṇodaye vā |
pradoṣakāle navamīdine'thavā
20
labheta bhogānparamādbhutānpriyān || 20 ||
iti brahmayāmale pūrvakhaṇḍe ṣoḍaśyaṣṭottaraśatanāma stotram |