dhyānam
śrīmanmātaramambikāṃ vidhimanojātāṃ sadābhīṣṭadāṃ
skandeṣṭāṃ ca jagatprasūṃ vijayadāṃ satputra saubhāgyadām |
sadratnābharaṇānvitāṃ sakaruṇāṃ śubhrāṃ śubhāṃ suprabhāṃ
1
ṣaṣṭhāṃśāṃ prakṛteḥ paraṃ bhagavatīṃ śrīdevasenāṃ bhaje || 1 ||
ṣaṣṭhāṃśāṃ prakṛteḥ śuddhāṃ supratiṣṭhāṃ ca suvratāṃ
suputradāṃ ca śubhadāṃ dayārūpāṃ jagatprasūm |
śvetacampakavarṇābhāṃ raktabhūṣaṇabhūṣitāṃ
2
pavitrarūpāṃ paramaṃ devasenā parāṃ bhaje || 2 ||
stotram
namo devyai mahādevyai siddhyai śāntyai namo namaḥ |
1
śubhāyai devasenāyai ṣaṣṭhīdevyai namo namaḥ || 1 ||
varadāyai putradāyai dhanadāyai namo namaḥ |
2
sukhadāyai mokṣadāyai ṣaṣṭhīdevyai namo namaḥ || 2 ||
sṛṣṭyai ṣaṣṭhāṃśarūpāyai siddhāyai ca namo namaḥ |
3
māyāyai siddhayoginyai ṣaṣṭhīdevyai namo namaḥ || 3 ||
sārāyai śāradāyai ca parādevyai namo namaḥ |
4
bālādhiṣṭātṛdevyai ca ṣaṣṭhīdevyai namo namaḥ || 4 ||
kalyāṇadāyai kalyāṇyai phaladāyai ca karmaṇām |
5
pratyakṣāyai sarvabhaktānāṃ ṣaṣṭhīdevyai namo namaḥ || 5 ||
pūjyāyai skandakāntāyai sarveṣāṃ sarvakarmasu |
6
devarakṣaṇakāriṇyai ṣaṣṭhīdevyai namo namaḥ || 6 ||
śuddhasattvasvarūpāyai vanditāyai nṛṇāṃ sadā |
7
hiṃsākrodhavarjitāyai ṣaṣṭhīdevyai namo namaḥ || 7 ||
dhanaṃ dehi priyāṃ dehi putraṃ dehi sureśvari |
8
mānaṃ dehi jayaṃ dehi dviṣo jahi maheśvari || 8 ||
dharmaṃ dehi yaśo dehi ṣaṣṭhīdevī namo namaḥ |
dehi bhūmiṃ prajāṃ dehi vidyāṃ dehi supūjite |
9
kalyāṇaṃ ca jayaṃ dehi ṣaṣṭhīdevyai namo namaḥ || 9 ||
phalaśṛti
iti devīṃ ca saṃstutya labhetputraṃ priyavratam |
10
yaśaśvinaṃ ca rājendraṃ ṣaṣṭhīdevi prasādataḥ || 10 ||
ṣaṣṭhīstotramidaṃ brahmān yaḥ śṛṇoti tu vatsaram |
11
aputro labhate putraṃ varaṃ sucira jīvanam || 11 ||
varṣamekaṃ ca yā bhaktyā saṃstutyedaṃ śṛṇoti ca |
12
sarvapāpādvinirmuktā mahāvandhyā prasūyate || 12 ||
vīraṃ putraṃ ca guṇinaṃ vidyāvantaṃ yaśasvinam |
13
sucirāyuṣyavantaṃ ca sūte devi prasādataḥ || 13 ||
kākavandhyā ca yā nārī mṛtavatsā ca yā bhavet |
14
varṣaṃ śṛtvā labhetputraṃ ṣaṣṭhīdevi prasādataḥ || 14 ||
rogayukte ca bāle ca pitāmātā śṛṇoti cet |
15
māsena mucyate rogān ṣaṣṭhīdevi prasādataḥ || 15 ||
jaya devi jaganmātaḥ jagadānandakāriṇi |
16
prasīda mama kalyāṇi namaste ṣaṣṭhīdevate || 16 ||
iti śrī ṣaṣṭhīdevi stotram |