dhyānaṃ
vyākhyārudrākṣamāle kalaśasurabhite bāhubhirvāmapādaṃ
bibhrāṇo jānumūrdhnā vaṭatarunivṛtāvasyadho vidyamānaḥ |
sauvarṇe yogapīṭhe lipimayakamale sūpaviṣṭastriṇetraḥ
kṣīrābhaścandramaulirvitaratu nitarāṃ śuddhabuddhiṃ śivo naḥ ||
stotraṃ
vidyārūpī mahāyogī śuddhajñānī pinākadhṛt |
1
ratnālaṅkṛtasarvāṅgo ratnamālī jaṭādharaḥ || 1 ||
gaṅgādhāryacalāvāsī sarvajñānī samādhidhṛt |
2
aprameyo yoganidhistārako bhaktavatsalaḥ || 2 ||
brahmarūpī jagadvyāpī viṣṇumūrtiḥ purāntakaḥ |
3
ukṣavāhaścarmavāsāḥ pītāmbaravibhūṣaṇaḥ || 3 ||
mokṣasiddhirmokṣadāyī dānavārirjagatpatiḥ |
4
vidyādhārī śuklatanuḥ vidyādāyī gaṇādhipaḥ || 4 ||
pāpāpasmṛtisaṃhartā śaśimaulirmahāsvanaḥ |
5
sāmapriyaḥ svayaṃ sādhuḥ sarvadevairnamaskṛtaḥ || 5 ||
hastavahnidharaḥ śrīmān mṛgadhārī ca śaṅkaraḥ |
6
yajñanāthaḥ kratudhvaṃsī yajñabhoktā yamāntakaḥ || 6 ||
bhaktānugrahamūrtiśca bhaktasevyo vṛṣadhvajaḥ |
7
bhasmoddhūlitasarvāṅgo'pyakṣamālādharo mahān || 7 ||
trayīmūrtiḥ paraṃ brahma nāgarājairalaṅkṛtaḥ |
8
śāntarūpo mahājñānī sarvalokavibhūṣaṇaḥ || 8 ||
ardhanārīśvaro devo munisevyaḥ surottamaḥ |
9
vyākhyānadevo bhagavān agnicandrārkalocanaḥ || 9 ||
jagatsraṣṭā jagadgoptā jagaddhvaṃsī trilocanaḥ |
10
jagadgururmahādevo mahānandaparāyaṇaḥ || 10 ||
jaṭādhārī mahāvīro jñānadevairalaṅkṛtaḥ |
11
vyomagaṅgājalasnātā siddhasaṅghasamarcitaḥ || 11 ||
tattvamūrtirmahāyogī mahāsārasvatapradaḥ |
12
vyomamūrtiśca bhaktānāmiṣṭakāmaphalapradaḥ || 12 ||
vīramūrtirvirūpī ca tejomūrtiranāmayaḥ |
13
vedavedāṅgatattvajñaścatuṣṣaṣṭikalānidhiḥ || 13 ||
bhavarogabhayadhvaṃsī bhaktānāmabhayapradaḥ |
14
nīlagrīvo lalāṭākṣo gajacarmā ca jñānadaḥ || 14 ||
arogī kāmadahanastapasvī viṣṇuvallabhaḥ |
15
brahmacārī ca sannyāsī gṛhasthāśramakāraṇaḥ || 15 ||
dāntaśamavatāṃ śreṣṭhaḥ sattvarūpadayānidhiḥ |
16
yogapaṭṭābhirāmaśca vīṇādhārī vicetanaḥ || 16 ||
mantraprajñānugācāro mudrāpustakadhārakaḥ |
17
rāgahikkādirogāṇāṃ vinihantā sureśvaraḥ || 17 ||
iti śrī dakṣiṇāmūrtyaṣṭottaraśatanāma stotram ||