namo'stu gaṇanāthāya siddhibuddhiyutāya ca |
1
sarvapradāya devāya putravṛddhipradāya ca || 1 ||
gurūdarāya gurave goptre guhyāsitāya te |
2
gopyāya gopitāśeṣabhuvanāya cidātmane || 2 ||
viśvamūlāya bhavyāya viśvasṛṣṭikarāya te |
3
namo namaste satyāya satyapūrṇāya śuṇḍine || 3 ||
ekadantāya śuddhāya sumukhāya namo namaḥ |
4
prapannajanapālāya praṇatārtivināśine || 4 ||
śaraṇaṃ bhava deveśa santatiṃ sudṛḍhā kuru |
5
bhaviṣyanti ca ye putrā matkule gaṇanāyaka || 5 ||
te sarve tava pūjārthaṃ niratāḥ syurvaromataḥ |
6
putrapradamidaṃ stotraṃ sarvasiddhipradāyakam || 6 ||
iti santānagaṇapatistotraṃ sampūrṇam ||