namo bhūtanāthaṃ namo devadevaṃ
namaḥ kālakālaṃ namo divyatejam |
namaḥ kāmabhasmaṃ namaḥ śāntaśīlaṃ
1
bhaje pārvatīvallabhaṃ nīlakaṇṭham || 1 ||
sadā tīrthasiddhaṃ sadā bhaktarakṣaṃ
sadā śaivapūjyaṃ sadā śubhrabhasmam |
sadā dhyānayuktaṃ sadā jñānatalpaṃ
2
bhaje pārvatīvallabhaṃ nīlakaṇṭham || 2 ||
śmaśāne śayānaṃ mahāsthānavāsaṃ
śarīraṃ gajānāṃ sadā carmaveṣṭam |
piśācādināthaṃ paśūnāṃ pratiṣṭhaṃ
3
bhaje pārvatīvallabhaṃ nīlakaṇṭham || 3 ||
phaṇīnāgakaṇṭhe bhujaṅgādyanekaṃ
gale ruṇḍamālaṃ mahāvīra śūram |
kaṭivyāghracarmaṃ citābhasmalepaṃ
4
bhaje pārvatīvallabhaṃ nīlakaṇṭham || 4 ||
śiraḥ śuddhagaṅgā śivā vāmabhāgaṃ
viyaddīrghakeśaṃ sadā māṃ triṇetram |
phaṇīnāgakarṇaṃ sadā phālacandraṃ
5
bhaje pārvatīvallabhaṃ nīlakaṇṭham || 5 ||
kare śūladhāraṃ mahākaṣṭanāśaṃ
sureśaṃ pareśaṃ maheśaṃ janeśam |
dhaneśāmareśaṃ dhvajeśaṃ girīśaṃ [dhaneśasyamitraṃ]
6
bhaje pārvatīvallabhaṃ nīlakaṇṭham || 6 ||
udāsaṃ sudāsaṃ sukailāsavāsaṃ
dharānirjhare saṃsthitaṃ hyādidevam |
ajaṃ hemakalpadrumaṃ kalpasevyaṃ
7
bhaje pārvatīvallabhaṃ nīlakaṇṭham || 7 ||
munīnāṃ vareṇyaṃ guṇaṃ rūpavarṇaṃ
dvijaiḥ sampaṭhantaṃ śivaṃ vedaśāstram |
aho dīnavatsaṃ kṛpāluṃ śivaṃ taṃ
8
bhaje pārvatīvallabhaṃ nīlakaṇṭham || 8 ||
sadā bhāvanāthaṃ sadā sevyamānaṃ
sadā bhaktidevaṃ sadā pūjyamānam |
mahātīrthavāsaṃ sadā sevyamekaṃ
9
bhaje pārvatīvallabhaṃ nīlakaṇṭham || 9 ||
iti śrīmacchaṅkarayogīndra viracitaṃ pārvatīvallabhāṣṭakaṃ nāma nīlakaṇṭha stavaḥ ||