indra uvāca -
namaste'stu mahāmāye śrīpīṭhe surapūjite |
1
śaṅkhacakra gadāhaste mahālakṣmi namo'stu te || 1 ||
namaste garuḍārūḍhe kolāsura bhayaṅkari |
2
sarvapāpahare devi mahālakṣmi namo'stu te || 2 ||
sarvajñe sarvavarade sarva duṣṭa bhayaṅkari |
3
sarvaduḥkha hare devi mahālakṣmi namo'stu te || 3 ||
siddhi buddhi prade devi bhukti mukti pradāyini |
4
mantra mūrte sadā devi mahālakṣmi namo'stu te || 4 ||
ādyanta rahite devi ādiśakti maheśvari |
5
yogajñe yoga sambhūte mahālakṣmi namo'stu te || 5 ||
sthūla sūkṣma mahāraudre mahāśakti mahodare |
6
mahā pāpa hare devi mahālakṣmi namo'stu te || 6 ||
padmāsana sthite devi parabrahma svarūpiṇi |
7
parameśi jaganmātaḥ mahālakṣmi namo'stu te || 7 ||
śvetāmbaradhare devi nānālaṅkāra bhūṣite |
8
jagasthite jaganmātaḥ mahālakṣmi namo'stu te || 8 ||
mahālakṣmaṣṭakaṃ stotraṃ yaḥ paṭhed bhaktimān naraḥ |
sarva siddhi mavāpnoti rājyaṃ prāpnoti sarvadā ||
ekakāle paṭhennityaṃ mahāpāpa vināśanam |
dvikālaṃ yaḥ paṭhennityaṃ dhana dhānya samanvitaḥ ||
trikālaṃ yaḥ paṭhennityaṃ mahāśatru vināśanam |
mahālakṣmī rbhaven-nityaṃ prasannā varadā śubhā ||