kubero dhanada śrīdaḥ rājarājo dhaneśvaraḥ |
1
dhanalakṣmīpriyatamo dhanāḍhyo dhanikapriyaḥ || 1 ||
dākṣiṇyo dharmanirataḥ dayāvanto dhṛḍhavrataḥ |
2
divya lakṣaṇa sampanno dīnārti janarakṣakaḥ || 2 ||
dhānyalakṣmī samārādhyo dhairyalakṣmī virājitaḥ |
3
dayārūpo dharmabuddhiḥ dharma saṃrakṣaṇotsakaḥ || 3 ||
nidhīśvaro nirālambo nidhīnāṃ paripālakaḥ |
4
niyantā nirguṇākāraḥ niṣkāmo nirupadravaḥ || 4 ||
navanāga samārādhyo navasaṅkhyā pravartakaḥ |
5
mānyaścaitrarathādhīśaḥ mahāguṇagaṇānvitaḥ || 5 ||
yājñiko yajanāsaktaḥ yajñabhugyajñarakṣakaḥ |
6
rājacandro ramādhīśo rañjako rājapūjitaḥ || 6 ||
vicitravastraveṣāḍhyaḥ viyadgamana mānasaḥ |
7
vijayo vimalo vandyo vandāru janavatsalaḥ || 7 ||
virūpākṣa priyatamo virāgī viśvatomukhaḥ |
8
sarvavyāpto sadānandaḥ sarvaśakti samanvitaḥ || 8 ||
sāmadānarataḥ saumyaḥ sarvabādhānivārakaḥ |
9
suprītaḥ sulabhaḥ somo sarvakāryadhurandharaḥ || 9 ||
sāmagānapriyaḥ sākṣādvibhava śrī virājitaḥ |
10
aśvavāhana samprīto akhilāṇḍa pravartakaḥ || 10 ||
avyayorcana samprītaḥ amṛtāsvādana priyaḥ |
11
alakāpurasaṃvāsī ahaṅkāravivarjitaḥ || 11 ||
udārabuddhiruddāmavaibhavo naravāhanaḥ |
12
kinnareśo vaiśravaṇaḥ kālacakrapravartakaḥ || 12 ||
aṣṭalakṣmyā samāyuktaḥ avyakto'malavigrahaḥ |
13
lokārādhyo lokapālo lokavandyo sulakṣaṇaḥ || 13 ||
sulabhaḥ subhagaḥ śuddho śaṅkarārādhanapriyaḥ |
14
śāntaḥ śuddhaguṇopetaḥ śāśvataḥ śuddhavigrahaḥ || 14 ||
sarvāgamajño sumatiḥ sarvadevagaṇārcakaḥ |
15
śaṅkhahastadharaḥ śrīmān paraṃ jyotiḥ parātparaḥ || 15 ||
śamādiguṇasampannaḥ śaraṇyo dīnavatsalaḥ |
16
paropakārī pāpaghnaḥ taruṇādityasannibhaḥ || 16 ||
dāntaḥ sarvaguṇopetaḥ surendrasamavaibhavaḥ |
17
viśvakhyāto vītabhayaḥ anantānantasaukhyadaḥ || 17 ||
prātaḥ kāle paṭhet stotraṃ śucirbhūtvā dine dine |
18
tena prāpnoti puruṣaḥ śriyaṃ devendrasannibham || 18 ||
iti śrī kubera stotram ||