jvara uvāca |
namaḥ kṛṣṇāya haraye viṣṇave prabhaviṣṇave |
1
ādidevāya devāya purāṇāya gadābhṛte || 1 ||
namaḥ sahasraśirase sahasracaraṇāya ca |
2
sahasrākṣa namo nityaṃ lokānāmabhayaṅkara || 2 ||
udgīthāya namo deva yajñādhipataye namaḥ |
3
namaste cakriṇe nityamasihastāya te namaḥ || 3 ||
anantāya virūpāya namaste madhusūdana |
4
namaste devadeveśa tubhyaṃ deva kapardine || 4 ||
namaste rākṣasaghnāya namo rāghavarūpiṇe |
5
jñānajñeyāya devāya nama ādyāya viṣṇave || 5 ||
namaste narasiṃhāya daityarājavihāriṇe |
6
namastubhyaṃ varāhāya daṃṣṭroddhṛtavasundhara || 6 ||
trivikrama namastubhyaṃ baliyajñavināśana |
7
vāsudevāya devāya namaḥ kaṃsavināśana || 7 ||
namaḥ sarvātmane deva sarvakartre namo namaḥ |
8
prāsīda devadeveśa bhītānāmabhayaṅkara || 8 ||
namāmi devadeveśaṃ vareṇyamabhayapradam |
9
viṣṇo tvāṃ sakaleśeśa tvāṃ gadādharamavyayam || 9 ||
namaste devadeveśa bhīto'haṃ bhavanāśana |
10
iti stutvā jagannāthaṃ nṛtyanniva tadā jvaraḥ || 10 ||
papāta pādayorviṣṇorniḥśvasan bhītabhītavat |
11
prāsīda viṣṇo deveśa pīḍito'smi janārdana || 11 ||
iti harivaṃśāntargataṃ jvarakṛtaṃ śrīkṛṣṇastotraṃ sampūrṇam |
harivaṃśa . adhyāya 111/7 . |