śrīmādhavī kānanasthe garbharakṣāmbike pāhi bhaktāṃ stuvantīm ||
vāpītaṭe vāmabhāge
vāmadevasya devasya devi sthitā tvam |
mānyā vareṇyā vadānyā
1
pāhi garbhasthajantūn tathā bhaktalokān || 1 ||
śrīmādhavī kānanasthe garbharakṣāmbike pāhi bhaktāṃ stuvantīm ||
śrīgarbharakṣāpure yā
divyasaundaryayuktā sumāṅgalyagātrī |
dhātrī janitrī janānāṃ
2
divyarūpāṃ dayārdrāṃ manojñāṃ bhaje tvām || 2 ||
śrīmādhavī kānanasthe garbharakṣāmbike pāhi bhaktāṃ stuvantīm ||
āṣāḍhamāse supuṇye
śukravāre sugandhena gandhena liptā |
divyāmbarākalpaveṣā
3
vājapeyādiyāgasthabhaktaiḥ sudṛṣṭā || 3 ||
śrīmādhavī kānanasthe garbharakṣāmbike pāhi bhaktāṃ stuvantīm ||
kalyāṇadātrīṃ namasye
vedikāḍhyastriyā garbharakṣākarīṃ tvām |
bālaissadā sevitāṅghriṃ
4
garbharakṣārthamārādupetairupetām || 4 ||
śrīmādhavī kānanasthe garbharakṣāmbike pāhi bhaktāṃ stuvantīm ||
brahmotsave vipravīthyāṃ
vādyaghoṣeṇa tuṣṭāṃ rathe sanniviṣṭām |
sarvārthadātrīṃ bhaje'haṃ
5
devavṛndairapīḍyāṃ jaganmātaraṃ tvām || 5 ||
śrīmādhavī kānanasthe garbharakṣāmbike pāhi bhaktāṃ stuvantīm ||
etat kṛtaṃ stotraratnaṃ
dīkṣitānantarāmeṇa devyāśca tuṣṭyai |
nityaṃ paṭhedyastu bhaktyā
6
putrapautrādi bhāgyaṃ bhavettasya nityam || 6 ||
śrīmādhavī kānanasthe garbharakṣāmbike pāhi bhaktāṃ stuvantīm ||
iti śrīanantarāmadīkṣitavarya viracitaṃ garbharakṣāmbikā stotram ||