darśanādabhrasadasi jananātkamalālaye |
1
kāśyāṃ tu maraṇānmuktiḥ smaraṇādaruṇācale || 1 ||
karuṇāpūritāpāṅgaṃ śaraṇāgatavatsalam |
2
taruṇendujaṭāmauliṃ smaraṇādaruṇācalam || 2 ||
samastajagadādhāraṃ saccidānandavigraham |
3
sahasrarathasopetaṃ smaraṇādaruṇācalam || 3 ||
kāñcanapratimābhāsaṃ vāñchitārthaphalapradam |
4
māṃ ca rakṣa surādhyakṣaṃ smaraṇādaruṇācalam || 4 ||
baddhacandrajaṭājūṭamardhanārīkalebaram |
5
vardhamānadayāmbhodhiṃ smaraṇādaruṇācalam || 5 ||
kāñcanapratimābhāsaṃ sūryakoṭisamaprabham |
6
baddhavyāghrapurīdhyānaṃ smaraṇādaruṇācalam || 6 ||
śikṣayākhiladevāri bhakṣitakṣvelakandharam |
7
rakṣayākhilabhaktānāṃ smaraṇādaruṇācalam || 7 ||
aṣṭabhūtisamāyuktamiṣṭakāmaphalapradam |
8
śiṣṭabhaktisamāyuktān smaraṇādaruṇācalam || 8 ||
vināyakasurādhyakṣaṃ viṣṇubrahmendrasevitam |
9
vimalāruṇapādābjaṃ smaraṇādaruṇācalam || 9 ||
mandāramallikājātikundacampakapaṅkajaiḥ |
10
indrādipūjitāṃ devīṃ smaraṇādaruṇācalam || 10 ||
sampatkaraṃ pārvatīśaṃ sūryacandrāgnilocanam |
11
mandasmitamukhāmbhojaṃ smaraṇādaruṇācalam || 11 ||
iti śrīaruṇācalāṣṭakam ||