prasannāṅgarāgaṃ prabhākāñcanāṅgaṃ
jagadbhītaśauryaṃ tuṣārādridhairyam |
tṛṇībhūtahetiṃ raṇodyadvibhūtiṃ
1
bhaje vāyuputraṃ pavitrāptamitram || 1 ||
bhaje pāvanaṃ bhāvanā nityavāsaṃ
bhaje bālabhānu prabhā cārubhāsam |
bhaje candrikā kunda mandāra hāsaṃ
2
bhaje santataṃ rāmabhūpāla dāsam || 2 ||
bhaje lakṣmaṇaprāṇarakṣātidakṣaṃ
bhaje toṣitāneka gīrvāṇapakṣam |
bhaje ghora saṅgrāma sīmāhatākṣaṃ
3
bhaje rāmanāmāti samprāptarakṣam || 3 ||
kṛtābhīlanādhakṣitakṣiptapādaṃ
ghanakrānta bhṛṅgaṃ kaṭisthoru jaṅgham |
viyadvyāptakeśaṃ bhujāśleṣitāśmaṃ
4
jayaśrī sametaṃ bhaje rāmadūtam || 4 ||
caladvālaghātaṃ bhramaccakravālaṃ
kaṭhorāṭṭahāsaṃ prabhinnābjajāṇḍam |
mahāsiṃhanādā dviśīrṇatrilokaṃ
5
bhaje cāñjaneyaṃ prabhuṃ vajrakāyam || 5 ||
raṇe bhīṣaṇe meghanāde sanāde
saroṣe samāropaṇāmitra mukhye |
khagānāṃ ghanānāṃ surāṇāṃ ca mārge
6
naṭantaṃ samantaṃ hanūmantamīḍe || 6 ||
ghanadratna jambhāri dambholi bhāraṃ
ghanaddanta nirdhūta kālogradantam |
padāghāta bhītābdhi bhūtādivāsaṃ
7
raṇakṣoṇidakṣaṃ bhaje piṅgalākṣam || 7 ||
mahāgrāhapīḍāṃ mahotpātapīḍāṃ
mahārogapīḍāṃ mahātīvrapīḍām |
haratyastu te pādapadmānurakto
8
namaste kapiśreṣṭha rāmapriyāya || 8 ||
jarābhārato bhūri pīḍāṃ śarīre
nirādhāraṇārūḍha gāḍha pratāpī |
bhavatpādabhaktiṃ bhavadbhaktiraktiṃ
9
kuru śrīhanūmatprabho me dayālo || 9 ||
mahāyogino brahmarudrādayo vā
na jānanti tattvaṃ nijaṃ rāghavasya |
kathaṃ jñāyate mādṛśe nityameva
10
prasīda prabho vānarendro namaste || 10 ||
namaste mahāsattvavāhāya tubhyaṃ
namaste mahāvajradehāya tubhyam |
namaste parībhūta sūryāya tubhyaṃ
11
namaste kṛtāmartya kāryāya tubhyam || 11 ||
namaste sadā brahmacaryāya tubhyaṃ
namaste sadā vāyuputrāya tubhyam |
namaste sadā piṅgalākṣāya tubhyaṃ
12
namaste sadā rāmabhaktāya tubhyam || 12 ||
hanūmadbhujaṅgaprayātaṃ prabhāte
pradoṣe'pi vā cārdharātre'pi martyaḥ |
paṭhannaśnato'pi pramuktoghajālo
13
sadā sarvadā rāmabhaktiṃ prayāti || 13 ||
iti śrīmadāñjaneya bhujaṅgaprayāta stotram |