namaste lalite devi śrīmatsiṃhāsaneśvari |
1
bhaktānāmiṣṭade mātaḥ abhirāmi namo'stu te || 1 ||
candrodayaṃ kṛtavatī tāṭaṅkena maheśvari |
2
āyurdehi jaganmātaḥ abhirāmi namo'stu te || 2 ||
sudhāghaṭeśaśrīkānte śaraṇāgatavatsale |
3
ārogyaṃ dehi me nityaṃ abhirāmi namo'stu te || 3 ||
kalyāṇi maṅgalaṃ dehi jaganmaṅgalakāriṇi |
4
aiśvaryaṃ dehi me nityaṃ abhirāmi namo'stu te || 4 ||
candramaṇḍalamadhyasthe mahātripurasundari |
5
śrīcakrarājanilaye abhirāmi namo'stu te || 5 ||
rājīvalocane pūrṇe pūrṇacandravidhāyini |
6
saubhāgyaṃ dehi me nityaṃ abhirāmi namo'stu te || 6 ||
gaṇeśaskandajanani vedarūpe dhaneśvari |
7
vidyāṃ ca dehi me kīrtiṃ abhirāmi namo'stu te || 7 ||
suvāsinīpriye mātaḥ saumāṅgalyavivardhinī |
8
māṅgalyaṃ dehi me nityaṃ abhirāmi namo'stu te || 8 ||
mārkaṇḍeya mahābhakta subrahmaṇya supūjite |
9
śrīrājarājeśvarī tvaṃ hyabhirāmi namo'stu te || 9 ||
sānnidhyaṃ kuru kalyāṇī mama pūjāgṛhe śubhe |
10
bimbe dīpe tathā puṣpe haridrā kuṅkume mama || 10 ||
abhirāmyā idaṃ stotraṃ yaḥ paṭhecchaktisannidhau |
11
āyurbalaṃ yaśo varco maṅgalaṃ ca bhavetsukham || 11 ||
iti śrīabhirāmibhaṭṭār kṛta śrī abhirāmi stotram |