(তৈ-আ-10-38ঃ40)
ও-ম্ব্রহ্ম॑মেতু॒ মাম্ । মধু॑মেতু॒ মাম্ ।
ব্রহ্ম॑মে॒ব মধু॑মেতু॒ মাম্ ।
যাস্তে॑ সোম প্র॒জা ব॒থ্সো-ঽভি॒ সো অ॒হম্ ।
দুষ্ষ্ব॑প্ন॒হন্দু॑রুষ্ব॒হ ।
যাস্তে॑ সোম প্রা॒ণাগ্ংস্তাঞ্জু॑হোমি ।
ত্রিসু॑পর্ণ॒মযা॑চিত-ম্ব্রাহ্ম॒ণায॑ দদ্যাত্ ।
ব্র॒হ্ম॒হ॒ত্যাং-বাঁ এ॒তে ঘ্ন॑ন্তি ।
যে ব্রা᳚হ্ম॒ণাস্ত্রিসু॑পর্ণ॒-ম্পঠ॑ন্তি ।
তে সোম॒-ম্প্রাপ্নু॑বন্তি ।
আ॒স॒হ॒স্রাত্প॒ঙ্ক্তি-ম্পুন॑ন্তি ।
ব্রহ্ম॑ মে॒ধযা᳚ ।
মধু॑ মে॒ধযা᳚ ।
ব্রহ্ম॑মে॒ব মধু॑ মে॒ধযা᳚ ।
অ॒দ্যা নো॑ দেব সবিতঃ প্র॒জাব॑ত্সাবী॒স্সৌভ॑গম্ ।
পরা॑ দু॒ষ্বপ্নি॑যগ্ং সুব ।
বিশ্বা॑নি দেব সবিতর্দুরি॒তানি॒ পরা॑সুব ।
যদ্ভ॒দ্র-ন্তন্ম॒ আসু॑ব ।
মধু॒ বাতা॑ ঋতায॒তে মধু॑ ক্ষরন্তি॒ সিন্ধ॑বঃ ।
মাধ্বী᳚র্নস্স॒ন্ত্বোষ॑ধীঃ ।
মধু॒ নক্ত॑মু॒তোষসি॒ মধু॑ম॒ত্পার্থি॑ব॒গ্ং॒ রজঃ॑ ।
মধু॒ দ্যৌর॑স্তু নঃ পি॒তা ।
মধু॑ মান্নো॒ বন॒স্পতি॒র্মধু॑মাগ্ং অস্তু॒ সূর্যঃ॑ ।
মাধ্বী॒র্গাবো॑ ভবন্তু নঃ ।
য ই॒ম-ন্ত্রিসু॑পর্ণ॒মযা॑চিত-ম্ব্রাহ্ম॒ণায॑ দদ্যাত্ ।
ভ্রূ॒ণ॒হ॒ত্যাং-বাঁ এ॒তে ঘ্ন॑ন্তি ।
যে ব্রা᳚হ্ম॒ণাস্ত্রিসু॑পর্ণ॒-ম্পঠ॑ন্তি ।
তে সোম॒-ম্প্রাপ্নু॑বন্তি ।
আ॒স॒হ॒স্রাত্প॒ঙ্ক্তি-ম্পুন॑ন্তি ।
ব্রহ্ম॑ মে॒ধবা᳚ ।
মধু॑ মে॒ধবা᳚ ।
ব্রহ্ম॑মে॒ব মধু॑ মে॒ধবা᳚ ।
ব্র॒হ্মা দে॒বানা᳚-ম্পদ॒বীঃ ক॑বী॒নামৃষি॒র্বিপ্রা॑ণা-ম্মহি॒ষো মৃ॒গাণা᳚ম্ ।
শ্যে॒নো গৃদ্ধ্রা॑ণা॒গ্ং॒ স্বধি॑তি॒র্বনা॑না॒গ্ং॒ সোমঃ॑ প॒বিত্র॒মত্যে॑তি॒ রেভন্ন্॑ ।
হ॒গ্ং॒সশ্শু॑চি॒ষদ্বসু॑রন্তরিক্ষ॒সদ্ধোতা॑ বেদি॒ষদতি॑থির্দুরোণ॒সত্ ।
নৃ॒ষদ্ব॑র॒সদৃ॑ত॒সদ্ব্যো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ।
ঋ॒চে ত্বা॑ রু॒চে ত্বা॒ সমিত্স্র॑বন্তি স॒রিতো॒ ন ধেনাঃ᳚ ।
অ॒ন্তর্হৃ॒দা মন॑সা পূ॒যমা॑নাঃ ।
ঘৃ॒তস্য॒ ধারা॑ অ॒ভিচা॑কশীমি ।
হি॒র॒ণ্যযো॑ বেত॒সো মদ্ধ্য॑ আসাম্ ।
তস্মি᳚ন্থ্সুপ॒র্ণো ম॑ধু॒কৃ-ত্কু॑লা॒যী ভজ॑ন্নাস্তে॒ মধু॑ দে॒বতা᳚ভ্যঃ ।
তস্যা॑সতে॒ হর॑যস্স॒প্ত তীরে᳚ স্ব॒ধা-ন্দুহা॑না অ॒মৃত॑স্য॒ ধারা᳚ম্ ।
য ই॒দ-ন্ত্রিসু॑পর্ণ॒মযা॑চিত-ম্ব্রাহ্ম॒ণায॑ দদ্যাত্ ।
বী॒র॒হ॒ত্যাং-বাঁ এ॒তে ঘ্নন্তি ।
যে ব্রা᳚হ্ম॒ণাস্ত্রিসু॑পর্ণ॒-ম্পঠ॑ন্তি ।
তে সোম॒-ম্প্রাপ্নু॑বন্তি ।
আ॒স॒হ॒স্রাত্প॒ঙ্ক্তি-ম্পুন॑ন্তি ।
ওঁ শান্তি॒-শ্শান্তি॒-শ্শান্তিঃ॑ ॥
Roman (IAST) Transliteration
(tai-ā-10-38ḥ40)
o-mbrahma̭metu॒ mām | madhṷmetu॒ mām |
brahma̭me॒va madhṷmetu॒ mām |
yāstḙ soma pra॒jā va॒thso-'bhi॒ so a॒ham |
duṣṣva̭pna॒handṷruṣva॒ha |
yāstḙ soma prā॒ṇāgṃstāñjṷhomi |
trisṷparṇa॒mayā̭cita-mbrāhma॒ṇāya̭ dadyāt |
bra॒hma॒ha॒tyāṃ-vā~ e॒te ghna̭nti |
ye brā᳚hma॒ṇāstrisṷparṇa॒-mpaṭha̭nti |
te soma॒-mprāpnṷvanti |
ā॒sa॒ha॒srātpa॒ṅkti-mpuna̭nti |
om || 1
brahma̭ me॒dhayā᳚ |
madhṷ me॒dhayā᳚ |
brahma̭me॒va madhṷ me॒dhayā᳚ |
a॒dyā no̭ deva savitaḥ pra॒jāva̭tsāvī॒ssaubha̭gam |
parā̭ du॒ṣvapni̭yagṃ suva |
viśvā̭ni deva savitarduri॒tāni॒ parā̭suva |
yadbha॒dra-ntanma॒ āsṷva |
madhu॒ vātā̭ ṛtāya॒te madhṷ kṣaranti॒ sindha̭vaḥ |
mādhvī᳚rnassa॒ntvoṣa̭dhīḥ |
madhu॒ nakta̭mu॒toṣasi॒ madhṷma॒tpārthi̭va॒gṃ॒ rajaḥ̭ |
madhu॒ dyaura̭stu naḥ pi॒tā |
madhṷ mānno॒ vana॒spati॒rmadhṷmāgṃ astu॒ sūryaḥ̭ |
mādhvī॒rgāvo̭ bhavantu naḥ |
ya i॒ma-ntrisṷparṇa॒mayā̭cita-mbrāhma॒ṇāya̭ dadyāt |
bhrū॒ṇa॒ha॒tyāṃ-vā~ e॒te ghna̭nti |
ye brā᳚hma॒ṇāstrisṷparṇa॒-mpaṭha̭nti |
te soma॒-mprāpnṷvanti |
ā॒sa॒ha॒srātpa॒ṅkti-mpuna̭nti |
om || 2
brahma̭ me॒dhavā᳚ |
madhṷ me॒dhavā᳚ |
brahma̭me॒va madhṷ me॒dhavā᳚ |
bra॒hmā de॒vānā᳚-mpada॒vīḥ ka̭vī॒nāmṛṣi॒rviprā̭ṇā-mmahi॒ṣo mṛ॒gāṇā᳚m |
śye॒no gṛddhrā̭ṇā॒gṃ॒ svadhi̭ti॒rvanā̭nā॒gṃ॒ somaḥ̭ pa॒vitra॒matyḙti॒ rebhanṋ |
ha॒gṃ॒saśśṷci॒ṣadvasṷrantarikṣa॒saddhotā̭ vedi॒ṣadati̭thirduroṇa॒sat |
nṛ॒ṣadva̭ra॒sadṛ̭ta॒sadvyo̭ma॒sada॒bjā go॒jā ṛ̭ta॒jā a̭dri॒jā ṛ॒ta-mbṛ॒hat |
ṛ॒ce tvā̭ ru॒ce tvā॒ samitsra̭vanti sa॒rito॒ na dhenāḥ᳚ |
a॒ntarhṛ॒dā mana̭sā pū॒yamā̭nāḥ |
ghṛ॒tasya॒ dhārā̭ a॒bhicā̭kaśīmi |
hi॒ra॒ṇyayo̭ veta॒so maddhya̭ āsām |
tasmi᳚nthsupa॒rṇo ma̭dhu॒kṛ-tkṷlā॒yī bhaja̭nnāste॒ madhṷ de॒vatā᳚bhyaḥ |
tasyā̭sate॒ hara̭yassa॒pta tīre᳚ sva॒dhā-nduhā̭nā a॒mṛta̭sya॒ dhārā᳚m |
ya i॒da-ntrisṷparṇa॒mayā̭cita-mbrāhma॒ṇāya̭ dadyāt |
vī॒ra॒ha॒tyāṃ-vā~ e॒te ghnanti |
ye brā᳚hma॒ṇāstrisṷparṇa॒-mpaṭha̭nti |
te soma॒-mprāpnṷvanti |
ā॒sa॒ha॒srātpa॒ṅkti-mpuna̭nti |
om || 3
oṃ śānti॒-śśānti॒-śśāntiḥ̭ ||