📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
সূর্য মণ্ডল স্তোত্রম্
Surya Mandala Stotram
Surya Stotram Bengali
নমোঽস্তু সূর্যায সহস্ররশ্মযে
সহস্রশাখান্বিত সম্ভবাত্মনে ।
সহস্রযোগোদ্ভব ভাবভাগিনে
সহস্রসঙ্খ্যাযুধধারিণে নমঃ ॥ 1 ॥
যন্মণ্ডলং দীপ্তিকরং বিশালং
রত্নপ্রভং তীব্রমনাদিরূপম্ ।
দারিদ্র্যদুঃখক্ষযকারণং চ
পুনাতু মাং তত্সবিতুর্বরেণ্যম্ ॥ 2 ॥
যন্মণ্ডলং দেবগণৈঃ সুপূজিতং
বিপ্রৈঃ স্তুতং ভাবনমুক্তিকোবিদম্ ।
তং দেবদেবং প্রণমামি সূর্যং
পুনাতু মাং তত্সবিতুর্বরেণ্যম্ ॥ 3 ॥
যন্মণ্ডলং জ্ঞানঘনন্ত্বগম্যং
ত্রৈলোক্যপূজ্যং ত্রিগুণাত্মরূপম্ ।
সমস্ততেজোমযদিব্যরূপং
পুনাতু মাং তত্সবিতুর্বরেণ্যম্ ॥ 4 ॥
যন্মণ্ডলং গূঢমতিপ্রবোধং
ধর্মস্য বৃদ্ধিং কুরুতে জনানাম্ ।
যত্সর্বপাপক্ষযকারণং চ
পুনাতু মাং তত্সবিতুর্বরেণ্যম্ ॥ 5 ॥
যন্মণ্ডলং ব্যাধিবিনাশদক্ষং
যদৃগ্যজুঃ সামসু সম্প্রগীতম্ ।
প্রকাশিতং যেন চ ভূর্ভুবঃ স্বঃ
পুনাতু মাং তত্সবিতুর্বরেণ্যম্ ॥ 6 ॥
যন্মণ্ডলং বেদবিদো বদন্তি
গাযন্তি যচ্চারণসিদ্ধসঙ্ঘাঃ ।
যদ্যোগিনো যোগজুষাং চ সঙ্ঘাঃ
পুনাতু মাং তত্সবিতুর্বরেণ্যম্ ॥ 7 ॥
যন্মণ্ডলং সর্বজনৈশ্চ পূজিতং
জ্যোতিশ্চ কুর্যাদিহ মর্ত্যলোকে ।
যত্কালকালাদ্যমনাদিরূপং
পুনাতু মাং তত্সবিতুর্বরেণ্যম্ ॥ 8 ॥
যন্মণ্ডলং বিষ্ণুচতুর্মুখাখ্যং
যদক্ষরং পাপহরং জনানাম্ ।
যত্কালকল্পক্ষযকারণং চ
পুনাতু মাং তত্সবিতুর্বরেণ্যম্ ॥ 9 ॥
যন্মণ্ডলং বিশ্বসৃজং প্রসিদ্ধং
উত্পত্তিরক্ষপ্রলয প্রগল্ভম্ ।
যস্মিন্ জগত্সংহরতেঽখিলং চ
পুনাতু মাং তত্সবিতুর্বরেণ্যম্ ॥ 10 ॥
যন্মণ্ডলং সর্বগতস্য বিষ্ণোঃ
আত্মা পরং‍ধাম বিশুদ্ধতত্ত্বম্ ।
সূক্ষ্মান্তরৈর্যোগপথানুগম্যং
পুনাতু মাং তত্সবিতুর্বরেণ্যম্ ॥ 11 ॥
যন্মণ্ডলং বেদবিদোপগীতং
যদ্যোগিনাং যোগ পথানুগম্যম্ ।
তত্সর্ব বেদ্যং প্রণমামি সূর্যং
পুনাতু মাং তত্সবিতুর্বরেণ্যম্ ॥ 12 ॥
সূর্যমণ্ডলসু স্তোত্রং যঃ পঠেত্সততং নরঃ ।
সর্বপাপবিশুদ্ধাত্মা সূর্যলোকে মহীযতে ॥
ইতি শ্রী ভবিষ্যোত্তরপুরাণে শ্রী কৃষ্ণার্জুন সংবাদে সূর্যমণ্ডল স্তোত্রম্ ।
Roman (IAST) Transliteration
namo'stu sūryāya sahasraraśmaye
sahasraśākhānvita sambhavātmane |
sahasrayogodbhava bhāvabhāgine
sahasrasaṅkhyāyudhadhāriṇe namaḥ || 1 ||
yanmaṇḍalaṃ dīptikaraṃ viśālaṃ
ratnaprabhaṃ tīvramanādirūpam |
dāridryaduḥkhakṣayakāraṇaṃ ca
punātu māṃ tatsaviturvareṇyam || 2 ||
yanmaṇḍalaṃ devagaṇaiḥ supūjitaṃ
vipraiḥ stutaṃ bhāvanamuktikovidam |
taṃ devadevaṃ praṇamāmi sūryaṃ
punātu māṃ tatsaviturvareṇyam || 3 ||
yanmaṇḍalaṃ jñānaghanantvagamyaṃ
trailokyapūjyaṃ triguṇātmarūpam |
samastatejomayadivyarūpaṃ
punātu māṃ tatsaviturvareṇyam || 4 ||
yanmaṇḍalaṃ gūḍhamatiprabodhaṃ
dharmasya vṛddhiṃ kurute janānām |
yatsarvapāpakṣayakāraṇaṃ ca
punātu māṃ tatsaviturvareṇyam || 5 ||
yanmaṇḍalaṃ vyādhivināśadakṣaṃ
yadṛgyajuḥ sāmasu sampragītam |
prakāśitaṃ yena ca bhūrbhuvaḥ svaḥ
punātu māṃ tatsaviturvareṇyam || 6 ||
yanmaṇḍalaṃ vedavido vadanti
gāyanti yaccāraṇasiddhasaṅghāḥ |
yadyogino yogajuṣāṃ ca saṅghāḥ
punātu māṃ tatsaviturvareṇyam || 7 ||
yanmaṇḍalaṃ sarvajanaiśca pūjitaṃ
jyotiśca kuryādiha martyaloke |
yatkālakālādyamanādirūpaṃ
punātu māṃ tatsaviturvareṇyam || 8 ||
yanmaṇḍalaṃ viṣṇucaturmukhākhyaṃ
yadakṣaraṃ pāpaharaṃ janānām |
yatkālakalpakṣayakāraṇaṃ ca
punātu māṃ tatsaviturvareṇyam || 9 ||
yanmaṇḍalaṃ viśvasṛjaṃ prasiddhaṃ
utpattirakṣapralaya pragalbham |
yasmin jagatsaṃharate'khilaṃ ca
punātu māṃ tatsaviturvareṇyam || 10 ||
yanmaṇḍalaṃ sarvagatasya viṣṇoḥ
ātmā paraṃ‍dhāma viśuddhatattvam |
sūkṣmāntarairyogapathānugamyaṃ
punātu māṃ tatsaviturvareṇyam || 11 ||
yanmaṇḍalaṃ vedavidopagītaṃ
yadyogināṃ yoga pathānugamyam |
tatsarva vedyaṃ praṇamāmi sūryaṃ
punātu māṃ tatsaviturvareṇyam || 12 ||
sūryamaṇḍalasu stotraṃ yaḥ paṭhetsatataṃ naraḥ |
sarvapāpaviśuddhātmā sūryaloke mahīyate ||
iti śrī bhaviṣyottarapurāṇe śrī kṛṣṇārjuna saṃvāde sūryamaṇḍala stotram |
InfoLyter.in — Sacred Vedic Knowledge Portal · Free forever