📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
সূর্য কবচম্
Surya Kavacham
Surya Kavacham Bengali
শ্রীভৈরব উবাচ
যো দেবদেবো ভগবান্ ভাস্করো মহসাং নিধিঃ ।
গযত্রীনাযকো ভাস্বান্ সবিতেতি প্রগীযতে ॥ 1 ॥
তস্যাহং কবচং দিব্যং বজ্রপঞ্জরকাভিধম্ ।
সর্বমন্ত্রমযং গুহ্যং মূলবিদ্যারহস্যকম্ ॥ 2 ॥
সর্বপাপাপহং দেবি দুঃখদারিদ্র্যনাশনম্ ।
মহাকুষ্ঠহরং পুণ্যং সর্বরোগনিবর্হণম্ ॥ 3 ॥
সর্বশত্রুসমূহঘ্নং সম্গ্রামে বিজযপ্রদম্ ।
সর্বতেজোমযং সর্বদেবদানবপূজিতম্ ॥ 4 ॥
রণে রাজভযে ঘোরে সর্বোপদ্রবনাশনম্ ।
মাতৃকাবেষ্টিতং বর্ম ভৈরবানননির্গতম্ ॥ 5 ॥
গ্রহপীডাহরং দেবি সর্বসঙ্কটনাশনম্ ।
ধারণাদস্য দেবেশি ব্রহ্মা লোকপিতামহঃ ॥ 6 ॥
বিষ্ণুর্নারাযণো দেবি রণে দৈত্যাঞ্জিষ্যতি ।
শঙ্করঃ সর্বলোকেশো বাসবোঽপি দিবস্পতিঃ ॥ 7 ॥
ওষধীশঃ শশী দেবি শিবোঽহং ভৈরবেশ্বরঃ ।
মন্ত্রাত্মকং পরং বর্ম সবিতুঃ সারমুত্তমম্ ॥ 8 ॥
যো ধারযেদ্ ভুজে মূর্ধ্নি রবিবারে মহেশ্বরি ।
স রাজবল্লভো লোকে তেজস্বী বৈরিমর্দনঃ ॥ 9 ॥
বহুনোক্তেন কিং দেবি কবচস্যাস্য ধারণাত্ ।
ইহ লক্ষ্মীধনারোগ্য-বৃদ্ধির্ভবতি নান্যথা ॥ 10 ॥
পরত্র পরমা মুক্তির্দেবানামপি দুর্লভা ।
কবচস্যাস্য দেবেশি মূলবিদ্যামযস্য চ ॥ 11 ॥
বজ্রপঞ্জরকাখ্যস্য মুনির্ব্রহ্মা সমীরিতঃ ।
গাযত্র্যং ছন্দ ইত্যুক্তং দেবতা সবিতা স্মৃতঃ ॥ 12 ॥
মাযা বীজং শরত্ শক্তির্নমঃ কীলকমীশ্বরি ।
সর্বার্থসাধনে দেবি বিনিযোগঃ প্রকীর্তিতঃ ॥ 13 ॥
অথ সূর্য কবচং
ওঁ অং আং ইং ঈং শিরঃ পাতু ওঁ সূর্যো মন্ত্রবিগ্রহঃ ।
উং ঊং ঋং ৠং ললাটং মে হ্রাং রবিঃ পাতু চিন্মযঃ ॥ 14 ॥
~লুং ~লূং এং ঐং পাতু নেত্রে হ্রীং মমারুণসারথিঃ ।
ওঁ ঔং অং অঃ শ্রুতী পাতু সঃ সর্বজগদীশ্বরঃ ॥ 15 ॥
কং খং গং ঘং পাতু গণ্ডৌ সূং সূরঃ সুরপূজিতঃ ।
চং ছং জং ঝং চ নাসাং মে পাতু যারং অর্যমা প্রভুঃ ॥ 16 ॥
টং ঠং ডং ঢং মুখং পাযাদ্ যং যোগীশ্বরপূজিতঃ ।
তং থং দং ধং গলং পাতু নং নারাযণবল্লভঃ ॥ 17 ॥
পং ফং বং ভং মম স্কন্ধৌ পাতু মং মহসাং নিধিঃ ।
যং রং লং বং ভুজৌ পাতু মূলং সকনাযকঃ ॥ 18 ॥
শং ষং সং হং পাতু বক্ষো মূলমন্ত্রমযো ধ্রুবঃ ।
লং ক্ষঃ কুক্ষ্সিং সদা পাতু গ্রহাথো দিনেশ্বরঃ ॥ 19 ॥
ঙং ঞং ণং নং মং মে পাতু পৃষ্ঠং দিবসনাযকঃ ।
অং আং ইং ঈং উং ঊং ঋং ৠং নাভিং পাতু তমোপহঃ ॥ 20 ॥
~লুং ~লূং এং ঐং ওঁ ঔং অং অঃ লিঙ্গং মেঽব্যাদ্ গ্রহেশ্বরঃ ।
কং খং গং ঘং চং ছং জং ঝং কটিং ভানুর্মমাবতু ॥ 21 ॥
টং ঠং ডং ঢং তং থং দং ধং জানূ ভাস্বান্ মমাবতু ।
পং ফং বং ভং যং রং লং বং জঙ্ঘে মেঽব্যাদ্ বিভাকরঃ ॥ 22 ॥
শং ষং সং হং লং ক্ষঃ পাতু মূলং পাদৌ ত্রযিতনুঃ ।
ঙং ঞং ণং নং মং মে পাতু সবিতা সকলং বপুঃ ॥ 23 ॥
সোমঃ পূর্বে চ মাং পাতু ভৌমোঽগ্নৌ মাং সদাবতু ।
বুধো মাং দক্ষিণে পাতু নৈঋত্যা গুররেব মাম্ ॥ 24 ॥
পশ্চিমে মাং সিতঃ পাতু বাযব্যাং মাং শনৈশ্চরঃ ।
উত্তরে মাং তমঃ পাযাদৈশান্যাং মাং শিখী তথা ॥ 25 ॥
ঊর্ধ্বং মাং পাতু মিহিরো মামধস্তাঞ্জগত্পতিঃ ।
প্রভাতে ভাস্করঃ পাতু মধ্যাহ্নে মাং দিনেশ্বরঃ ॥ 26 ॥
সাযং বেদপ্রিযঃ পাতু নিশীথে বিস্ফুরাপতিঃ ।
সর্বত্র সর্বদা সূর্যঃ পাতু মাং চক্রনাযকঃ ॥ 27 ॥
রণে রাজকুলে দ্যূতে বিদাদে শত্রুসঙ্কটে ।
সঙ্গামে চ জ্বরে রোগে পাতু মাং সবিতা প্রভুঃ ॥ 28 ॥
ওঁ ওঁ ওঁ উত ওঁউঔং হ স ম যঃ সূরোঽবতান্মাং ভযাদ্
হ্রাং হ্রীং হ্রুং হহহা হসৌঃ হসহসৌঃ হংসোঽবতাত্ সর্বতঃ ।
সঃ সঃ সঃ সসসা নৃপাদ্বনচরাচ্চৌরাদ্রণাত্ সঙ্কটাত্
পাযান্মাং কুলনাযকোঽপি সবিতা ওঁ হ্রীং হ সৌঃ সর্বদা ॥ 29 ॥
দ্রাং দ্রীং দ্রূং দধনং তথা চ তরণির্ভাম্ভৈর্ভযাদ্ ভাস্করো
রাং রীং রূং রুরুরূং রবির্জ্বরভযাত্ কুষ্ঠাচ্চ শূলামযাত্ ।
অং অং আং বিবিবীং মহামযভযং মাং পাতু মার্তণ্ডকো
মূলব্যাপ্ততনুঃ সদাবতু পরং হংসঃ সহস্রাংশুমান্ ॥ 30॥
অথ ফলশৃতিঃ
ইতি শ্রীকবচং দিব্যং বজ্রপঞ্জরকাভিধম্ ।
সর্বদেবরহস্যং চ মাতৃকামন্ত্রবেষ্টিতম্ ॥ 31 ॥
মহারোগভযঘ্নং চ পাপঘ্নং মন্মুখোদিতম্ ।
গুহ্যং যশস্করং পুণ্যং সর্বশ্রেযস্করং শিবে ॥ 32 ॥
লিখিত্বা রবিবারে তু তিষ্যে বা জন্মভে প্রিযে ।
অষ্টগন্ধেন দিব্যেন সুধাক্ষীরেণ পার্বতি ॥ 33 ॥
অর্কক্ষীরেণ পুণ্যেন ভূর্জত্বচি মহেশ্বরি ।
কনকীকাষ্ঠলেখন্যা কবচং ভাস্করোদযে ॥ 34 ॥
শ্বেতসূত্রেণ রক্তেন শ্যামেনাবেষ্টযেদ্ গুটীম্ ।
সৌবর্ণেনাথ সংবেষ্ঠ্য ধারযেন্মূর্ধ্নি বা ভুজে ॥ 35 ॥
রণে রিপূঞ্জযেদ্ দেবি বাদে সদসি জেষ্যতি ।
রাজমান্যো ভবেন্নিত্যং সর্বতেজোমযো ভবেত্ ॥ 36 ॥
কণ্ঠস্থা পুত্রদা দেবি কুক্ষিস্থা রোগনাশিনী ।
শিরঃস্থা গুটিকা দিব্যা রাকলোকবশঙ্করী ॥ 37 ॥
ভুজস্থা ধনদা নিত্যং তেজোবুদ্ধিবিবর্ধিনী ।
বন্ধ্যা বা কাকবন্ধ্যা বা মৃতবত্সা চ যাঙ্গনা ॥ 38 ॥
কণ্ঠে সা ধারযেন্নিত্যং বহুপুত্রা প্রজাযযে ।
যস্য দেহে ভবেন্নিত্যং গুটিকৈষা মহেশ্বরি ॥ 39 ॥
মহাস্ত্রাণীন্দ্রমুক্তানি ব্রহ্মাস্ত্রাদীনি পার্বতি ।
তদ্দেহং প্রাপ্য ব্যর্থানি ভবিষ্যন্তি ন সংশযঃ ॥ 40 ॥
ত্রিকালং যঃ পঠেন্নিত্যং কবচং বজ্রপঞ্জরম্ ।
তস্য সদ্যো মহাদেবি সবিতা বরদো ভবেত্ ॥ 41 ॥
অজ্ঞাত্বা কবচং দেবি পূজযেদ্ যস্ত্রযীতনুম্ ।
তস্য পূজার্জিতং পুণ্যং জন্মকোটিষু নিষ্ফলম্ ॥ 42 ॥
শতাবর্তং পঠেদ্বর্ম সপ্তম্যাং রবিবাসরে ।
মহাকুষ্ঠার্দিতো দেবি মুচ্যতে নাত্র সংশযঃ ॥ 43 ॥
নিরোগো যঃ পঠেদ্বর্ম দরিদ্রো বজ্রপঞ্জরম্ ।
লক্ষ্মীবাঞ্জাযতে দেবি সদ্যঃ সূর্যপ্রসাদতঃ ॥ 44 ॥
ভক্ত্যা যঃ প্রপঠেদ্ দেবি কবচং প্রত্যহং প্রিযে ।
ইহ লোকে শ্রিযং ভুক্ত্বা দেহান্তে মুক্তিমাপ্নুযাত্ ॥ 45 ॥
ইতি শ্রীরুদ্রযামলে তন্ত্রে শ্রীদেবিরহস্যে
বজ্রপঞ্জরাখ্যসূর্যকবচনিরূপণং ত্রযস্ত্রিংশঃ পটলঃ ॥
Roman (IAST) Transliteration
śrībhairava uvāca
yo devadevo bhagavān bhāskaro mahasāṃ nidhiḥ |
gayatrīnāyako bhāsvān saviteti pragīyate || 1 ||
tasyāhaṃ kavacaṃ divyaṃ vajrapañjarakābhidham |
sarvamantramayaṃ guhyaṃ mūlavidyārahasyakam || 2 ||
sarvapāpāpahaṃ devi duḥkhadāridryanāśanam |
mahākuṣṭhaharaṃ puṇyaṃ sarvaroganivarhaṇam || 3 ||
sarvaśatrusamūhaghnaṃ samgrāme vijayapradam |
sarvatejomayaṃ sarvadevadānavapūjitam || 4 ||
raṇe rājabhaye ghore sarvopadravanāśanam |
mātṛkāveṣṭitaṃ varma bhairavānananirgatam || 5 ||
grahapīḍāharaṃ devi sarvasaṅkaṭanāśanam |
dhāraṇādasya deveśi brahmā lokapitāmahaḥ || 6 ||
viṣṇurnārāyaṇo devi raṇe daityāñjiṣyati |
śaṅkaraḥ sarvalokeśo vāsavo'pi divaspatiḥ || 7 ||
oṣadhīśaḥ śaśī devi śivo'haṃ bhairaveśvaraḥ |
mantrātmakaṃ paraṃ varma savituḥ sāramuttamam || 8 ||
yo dhārayed bhuje mūrdhni ravivāre maheśvari |
sa rājavallabho loke tejasvī vairimardanaḥ || 9 ||
bahunoktena kiṃ devi kavacasyāsya dhāraṇāt |
iha lakṣmīdhanārogya-vṛddhirbhavati nānyathā || 10 ||
paratra paramā muktirdevānāmapi durlabhā |
kavacasyāsya deveśi mūlavidyāmayasya ca || 11 ||
vajrapañjarakākhyasya munirbrahmā samīritaḥ |
gāyatryaṃ chanda ityuktaṃ devatā savitā smṛtaḥ || 12 ||
māyā bījaṃ śarat śaktirnamaḥ kīlakamīśvari |
sarvārthasādhane devi viniyogaḥ prakīrtitaḥ || 13 ||
atha sūrya kavacaṃ
oṃ aṃ āṃ iṃ īṃ śiraḥ pātu oṃ sūryo mantravigrahaḥ |
uṃ ūṃ ṛṃ ṝṃ lalāṭaṃ me hrāṃ raviḥ pātu cinmayaḥ || 14 ||
~luṃ ~lūṃ eṃ aiṃ pātu netre hrīṃ mamāruṇasārathiḥ |
oṃ auṃ aṃ aḥ śrutī pātu saḥ sarvajagadīśvaraḥ || 15 ||
kaṃ khaṃ gaṃ ghaṃ pātu gaṇḍau sūṃ sūraḥ surapūjitaḥ |
caṃ chaṃ jaṃ jhaṃ ca nāsāṃ me pātu yāraṃ aryamā prabhuḥ || 16 ||
ṭaṃ ṭhaṃ ḍaṃ ḍhaṃ mukhaṃ pāyād yaṃ yogīśvarapūjitaḥ |
taṃ thaṃ daṃ dhaṃ galaṃ pātu naṃ nārāyaṇavallabhaḥ || 17 ||
paṃ phaṃ baṃ bhaṃ mama skandhau pātu maṃ mahasāṃ nidhiḥ |
yaṃ raṃ laṃ vaṃ bhujau pātu mūlaṃ sakanāyakaḥ || 18 ||
śaṃ ṣaṃ saṃ haṃ pātu vakṣo mūlamantramayo dhruvaḥ |
laṃ kṣaḥ kukṣsiṃ sadā pātu grahātho dineśvaraḥ || 19 ||
ṅaṃ ñaṃ ṇaṃ naṃ maṃ me pātu pṛṣṭhaṃ divasanāyakaḥ |
aṃ āṃ iṃ īṃ uṃ ūṃ ṛṃ ṝṃ nābhiṃ pātu tamopahaḥ || 20 ||
~luṃ ~lūṃ eṃ aiṃ oṃ auṃ aṃ aḥ liṅgaṃ me'vyād graheśvaraḥ |
kaṃ khaṃ gaṃ ghaṃ caṃ chaṃ jaṃ jhaṃ kaṭiṃ bhānurmamāvatu || 21 ||
ṭaṃ ṭhaṃ ḍaṃ ḍhaṃ taṃ thaṃ daṃ dhaṃ jānū bhāsvān mamāvatu |
paṃ phaṃ baṃ bhaṃ yaṃ raṃ laṃ vaṃ jaṅghe me'vyād vibhākaraḥ || 22 ||
śaṃ ṣaṃ saṃ haṃ laṃ kṣaḥ pātu mūlaṃ pādau trayitanuḥ |
ṅaṃ ñaṃ ṇaṃ naṃ maṃ me pātu savitā sakalaṃ vapuḥ || 23 ||
somaḥ pūrve ca māṃ pātu bhaumo'gnau māṃ sadāvatu |
budho māṃ dakṣiṇe pātu naiṛtyā gurareva mām || 24 ||
paścime māṃ sitaḥ pātu vāyavyāṃ māṃ śanaiścaraḥ |
uttare māṃ tamaḥ pāyādaiśānyāṃ māṃ śikhī tathā || 25 ||
ūrdhvaṃ māṃ pātu mihiro māmadhastāñjagatpatiḥ |
prabhāte bhāskaraḥ pātu madhyāhne māṃ dineśvaraḥ || 26 ||
sāyaṃ vedapriyaḥ pātu niśīthe visphurāpatiḥ |
sarvatra sarvadā sūryaḥ pātu māṃ cakranāyakaḥ || 27 ||
raṇe rājakule dyūte vidāde śatrusaṅkaṭe |
saṅgāme ca jvare roge pātu māṃ savitā prabhuḥ || 28 ||
oṃ oṃ oṃ uta oṃuauṃ ha sa ma yaḥ sūro'vatānmāṃ bhayād
hrāṃ hrīṃ hruṃ hahahā hasauḥ hasahasauḥ haṃso'vatāt sarvataḥ |
saḥ saḥ saḥ sasasā nṛpādvanacarāccaurādraṇāt saṅkaṭāt
pāyānmāṃ kulanāyako'pi savitā oṃ hrīṃ ha sauḥ sarvadā || 29 ||
drāṃ drīṃ drūṃ dadhanaṃ tathā ca taraṇirbhāmbhairbhayād bhāskaro
rāṃ rīṃ rūṃ rururūṃ ravirjvarabhayāt kuṣṭhācca śūlāmayāt |
aṃ aṃ āṃ vivivīṃ mahāmayabhayaṃ māṃ pātu mārtaṇḍako
mūlavyāptatanuḥ sadāvatu paraṃ haṃsaḥ sahasrāṃśumān || 30||
atha phalaśṛtiḥ
iti śrīkavacaṃ divyaṃ vajrapañjarakābhidham |
sarvadevarahasyaṃ ca mātṛkāmantraveṣṭitam || 31 ||
mahārogabhayaghnaṃ ca pāpaghnaṃ manmukhoditam |
guhyaṃ yaśaskaraṃ puṇyaṃ sarvaśreyaskaraṃ śive || 32 ||
likhitvā ravivāre tu tiṣye vā janmabhe priye |
aṣṭagandhena divyena sudhākṣīreṇa pārvati || 33 ||
arkakṣīreṇa puṇyena bhūrjatvaci maheśvari |
kanakīkāṣṭhalekhanyā kavacaṃ bhāskarodaye || 34 ||
śvetasūtreṇa raktena śyāmenāveṣṭayed guṭīm |
sauvarṇenātha saṃveṣṭhya dhārayenmūrdhni vā bhuje || 35 ||
raṇe ripūñjayed devi vāde sadasi jeṣyati |
rājamānyo bhavennityaṃ sarvatejomayo bhavet || 36 ||
kaṇṭhasthā putradā devi kukṣisthā roganāśinī |
śiraḥsthā guṭikā divyā rākalokavaśaṅkarī || 37 ||
bhujasthā dhanadā nityaṃ tejobuddhivivardhinī |
vandhyā vā kākavandhyā vā mṛtavatsā ca yāṅganā || 38 ||
kaṇṭhe sā dhārayennityaṃ bahuputrā prajāyaye |
yasya dehe bhavennityaṃ guṭikaiṣā maheśvari || 39 ||
mahāstrāṇīndramuktāni brahmāstrādīni pārvati |
taddehaṃ prāpya vyarthāni bhaviṣyanti na saṃśayaḥ || 40 ||
trikālaṃ yaḥ paṭhennityaṃ kavacaṃ vajrapañjaram |
tasya sadyo mahādevi savitā varado bhavet || 41 ||
ajñātvā kavacaṃ devi pūjayed yastrayītanum |
tasya pūjārjitaṃ puṇyaṃ janmakoṭiṣu niṣphalam || 42 ||
śatāvartaṃ paṭhedvarma saptamyāṃ ravivāsare |
mahākuṣṭhārdito devi mucyate nātra saṃśayaḥ || 43 ||
nirogo yaḥ paṭhedvarma daridro vajrapañjaram |
lakṣmīvāñjāyate devi sadyaḥ sūryaprasādataḥ || 44 ||
bhaktyā yaḥ prapaṭhed devi kavacaṃ pratyahaṃ priye |
iha loke śriyaṃ bhuktvā dehānte muktimāpnuyāt || 45 ||
iti śrīrudrayāmale tantre śrīdevirahasye
vajrapañjarākhyasūryakavacanirūpaṇaṃ trayastriṃśaḥ paṭalaḥ ||
InfoLyter.in — Sacred Vedic Knowledge Portal · Free forever