Shri Taramba Ashtottara Shata Nama Stotram

ॐ

শ্রী তারাম্বা অষ্টোত্তর শত নামা স্তোত্রং

Tara Ashtottara Sata Namavali Bengali

শ্রী শিব উবাচ

তারিণী তরলা তন্বী তারা তরুণবল্লরী ।

তাররূপা তরী শ্যামা তনুক্ষীণপযোধরা ॥ 1 ॥

তুরীযা তরুণা তীব্রগমনা নীলবাহিনী ।

উগ্রতারা জযা চণ্ডী শ্রীমদেকজটাশিরা ॥ 2 ॥

তরুণী শাম্ভবী ছিন্নফালা স্যাদ্ভদ্রদাযিনী ।

উগ্রা উগ্রপ্রভা নীলা কৃষ্ণা নীলসরস্বতী ॥ 3 ॥

দ্বিতীযা শোভনা নিত্যা নবীনা নিত্যভীষণা ।

চণ্ডিকা বিজযারাধ্যা দেবী গগনবাহিনী ॥ 4 ॥

অট্টহাসা করালাস্যা চরাস্যাদীশপূজিতা ।

সগুণাঽসগুণাঽরাধ্যা হরীন্দ্রাদিপ্রপূজিতা ॥ 5 ॥

রক্তপ্রিযা চ রক্তাক্ষী রুধিরাস্যবিভূষিতা ।

বলিপ্রিযা বলিরতা দুর্গা বলবতী বলা ॥ 6 ॥

বলপ্রিযা বলরতা বলরামপ্রপূজিতা ।

অর্ধকেশেশ্বরী কেশা কেশবা স্রগ্বিভূষিতা ॥ 7 ॥

পদ্মমালা চ পদ্মাক্ষী কামাখ্যা গিরিনন্দিনী ।

দক্ষিণা চৈব দক্ষা চ দক্ষজা দক্ষিণেরতা ॥ 8 ॥

বজ্রপুষ্পপ্রিযা রক্তপ্রিযা কুসুমভূষিতা ।

মাহেশ্বরী মহাদেবপ্রিযা পন্নগভূষিতা ॥ 9 ॥

ইডা চ পিঙ্গলা চৈব সুষুম্নাপ্রাণরূপিণী ।

গান্ধারী পঞ্চমী পঞ্চাননাদিপরিপূজিতা ॥ 10 ॥

তথ্যবিদ্যা তথ্যরূপা তথ্যমার্গানুসারিণী ।

তত্ত্বরূপা তত্ত্বপ্রিযা তত্ত্বজ্ঞানাত্মিকাঽনঘা ॥ 11 ॥

তাণ্ডবাচারসন্তুষ্টা তাণ্ডবপ্রিযকারিণী ।

তালনাদরতা ক্রূরতাপিনী তরণিপ্রভা ॥ 12 ॥

ত্রপাযুক্তা ত্রপামুক্তা তর্পিতা তৃপ্তিকারিণী ।

তারুণ্যভাবসন্তুষ্টা শক্তি-র্ভক্তানুরাগিণী ॥ 13 ॥

শিবাসক্তা শিবরতিঃ শিবভক্তিপরাযণা ।

তাম্রদ্যুতি-স্তাম্ররাগা তাম্রপাত্রপ্রভোজিনী ॥ 14 ॥

বলভদ্রপ্রেমরতা বলিভু-গ্বলিকল্পনী ।

রামপ্রিযা রামশক্তী রামরূপানুকারিণী ॥ 15 ॥

ইত্যেতত্কথিতং দেবি রহস্যং পরমাদ্ভুতম্ ।

শ্রুত্বামোক্ষমবাপ্নোতি তারাদেব্যাঃ প্রসাদতঃ ॥ 16 ॥

য ইদং পঠতি স্তোত্রং তারাস্তুতিরহস্যজম্ ।

সর্বসিদ্ধিযুতো ভূত্বা বিহরেত্ ক্ষিতি মণ্ডলে ॥ 17 ॥

তস্যৈব মন্ত্রসিদ্ধিঃ স্যান্মযি ভক্তিরনুত্তমা ।

ভবত্যেব মহামাযে সত্যং সত্যং ন সংশযঃ ॥ 18 ॥

মন্দে মঙ্গলবারে চ যঃ পঠেন্নিশি সংযুতঃ ।

তস্যৈব মন্ত্রসিদ্ধিস্স্যাদ্গাণাপত্যং লভেত সঃ ॥ 19 ॥

শ্রদ্ধযাঽশ্রদ্ধযা বাঽপি পঠেত্তারা রহস্যকম্ ।

সোঽচিরেণৈবকালেন জীবন্মুক্তশ্শিবো ভবেত্ ॥ 20 ॥

সহস্রাবর্তনাদ্দেবি পুরশ্চর্যাফলং লভেত্ ।

এবং সততযুক্তা যে ধ্যাযন্তস্ত্বামুপাসতে ॥ 21 ॥

তে কৃতার্থা মহেশানি মৃত্যুসংসারবর্ত্মনঃ ॥ 22 ॥

ইতি শ্রী স্বর্ণমালাতন্ত্রে তারাম্বাষ্টোত্তরশতনাম স্তোত্রম্ ।

Roman (IAST) Transliteration

śrī śiva uvāca

tāriṇī taralā tanvī tārā taruṇavallarī |

tārarūpā tarī śyāmā tanukṣīṇapayodharā || 1 ||

turīyā taruṇā tīvragamanā nīlavāhinī |

ugratārā jayā caṇḍī śrīmadekajaṭāśirā || 2 ||

taruṇī śāmbhavī chinnaphālā syādbhadradāyinī |

ugrā ugraprabhā nīlā kṛṣṇā nīlasarasvatī || 3 ||

dvitīyā śobhanā nityā navīnā nityabhīṣaṇā |

caṇḍikā vijayārādhyā devī gaganavāhinī || 4 ||

aṭṭahāsā karālāsyā carāsyādīśapūjitā |

saguṇā'saguṇā'rādhyā harīndrādiprapūjitā || 5 ||

raktapriyā ca raktākṣī rudhirāsyavibhūṣitā |

balipriyā baliratā durgā balavatī balā || 6 ||

balapriyā balaratā balarāmaprapūjitā |

ardhakeśeśvarī keśā keśavā sragvibhūṣitā || 7 ||

padmamālā ca padmākṣī kāmākhyā girinandinī |

dakṣiṇā caiva dakṣā ca dakṣajā dakṣiṇeratā || 8 ||

vajrapuṣpapriyā raktapriyā kusumabhūṣitā |

māheśvarī mahādevapriyā pannagabhūṣitā || 9 ||

iḍā ca piṅgalā caiva suṣumnāprāṇarūpiṇī |

gāndhārī pañcamī pañcānanādiparipūjitā || 10 ||

tathyavidyā tathyarūpā tathyamārgānusāriṇī |

tattvarūpā tattvapriyā tattvajñānātmikā'naghā || 11 ||

tāṇḍavācārasantuṣṭā tāṇḍavapriyakāriṇī |

tālanādaratā krūratāpinī taraṇiprabhā || 12 ||

trapāyuktā trapāmuktā tarpitā tṛptikāriṇī |

tāruṇyabhāvasantuṣṭā śakti-rbhaktānurāgiṇī || 13 ||

śivāsaktā śivaratiḥ śivabhaktiparāyaṇā |

tāmradyuti-stāmrarāgā tāmrapātraprabhojinī || 14 ||

balabhadrapremaratā balibhu-gbalikalpanī |

rāmapriyā rāmaśaktī rāmarūpānukāriṇī || 15 ||

ityetatkathitaṃ devi rahasyaṃ paramādbhutam |

śrutvāmokṣamavāpnoti tārādevyāḥ prasādataḥ || 16 ||

ya idaṃ paṭhati stotraṃ tārāstutirahasyajam |

sarvasiddhiyuto bhūtvā viharet kṣiti maṇḍale || 17 ||

tasyaiva mantrasiddhiḥ syānmayi bhaktiranuttamā |

bhavatyeva mahāmāye satyaṃ satyaṃ na saṃśayaḥ || 18 ||

mande maṅgalavāre ca yaḥ paṭhenniśi saṃyutaḥ |

tasyaiva mantrasiddhissyādgāṇāpatyaṃ labheta saḥ || 19 ||

śraddhayā'śraddhayā vā'pi paṭhettārā rahasyakam |

so'cireṇaivakālena jīvanmuktaśśivo bhavet || 20 ||

sahasrāvartanāddevi puraścaryāphalaṃ labhet |

evaṃ satatayuktā ye dhyāyantastvāmupāsate || 21 ||

te kṛtārthā maheśāni mṛtyusaṃsāravartmanaḥ || 22 ||

iti śrī svarṇamālātantre tārāmbāṣṭottaraśatanāma stotram |