📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী শীতলা দেবী অষ্টকম্ (শীতলাষ্টকম্)
Shri Shitala Devi Ashtakam (shitalashtakam)
Devi Ashtakam Bengali
অস্য শ্রীশীতলাস্তোত্রস্য মহাদেব ঋষিঃ অনুষ্টুপ্ ছন্দঃ শীতলা দেবতা লক্ষ্মীর্বীজং ভবানী শক্তিঃ সর্ববিস্ফোটকনিবৃত্যর্থে জপে বিনিযোগঃ ॥
ঈশ্বর উবাচ ।
বন্দেঽহং শীতলাং দেবীং রাসভস্থাং দিগম্বরাম্ ।
মার্জনীকলশোপেতাং শূর্পালঙ্কৃতমস্তকাম্ ॥ 1 ॥
বন্দেঽহং শীতলাং দেবীং সর্বরোগভযাপহাম্ ।
যামাসাদ্য নিবর্তেত বিস্ফোটকভযং মহত্ ॥ 2 ॥
শীতলে শীতলে চেতি যো ব্রূযাদ্দাহপীডিতঃ ।
বিস্ফোটকভযং ঘোরং ক্ষিপ্রং তস্য প্রণশ্যতি ॥ 3 ॥
যস্ত্বামুদকমধ্যে তু ধ্যাত্বা সম্পূজযেন্নরঃ ।
বিস্ফোটকভযং ঘোরং গৃহে তস্য ন জাযতে ॥ 4 ॥
শীতলে জ্বরদগ্ধস্য পূতিগন্ধযুতস্য চ ।
প্রণষ্টচক্ষুষঃ পুংসস্ত্বামাহুর্জীবনৌষধম্ ॥ 5 ॥
শীতলে তনুজান্ রোগান্ নৃণাং হরসি দুস্ত্যজান্ ।
বিস্ফোটকবিদীর্ণানাং ত্বমেকাঽমৃতবর্ষিণী ॥ 6 ॥
গলগণ্ডগ্রহা রোগা যে চান্যে দারুণা নৃণাম্ ।
ত্বদনুধ্যানমাত্রেণ শীতলে যান্তি সঙ্ক্ষযম্ ॥ 7 ॥
ন মন্ত্রো নৌষধং তস্য পাপরোগস্য বিদ্যতে ।
ত্বামেকাং শীতলে ধাত্রীং নান্যাং পশ্যামি দেবতাম্ ॥ 8 ॥
মৃণালতন্তুসদৃশীং নাভিহৃন্মধ্যসংস্থিতাম্ ।
যস্ত্বাং সঞ্চিন্তযেদ্দেবি তস্য মৃত্যুর্ন জাযতে ॥ 9 ॥
অষ্টকং শীতলাদেব্যা যো নরঃ প্রপঠেত্সদা ।
বিস্ফোটকভযং ঘোরং গৃহে তস্য ন জাযতে ॥ 10 ॥
শ্রোতব্যং পঠিতব্যং চ শ্রদ্ধাভক্তিসমন্বিতৈঃ ।
উপসর্গবিনাশায পরং স্বস্ত্যযনং মহত্ ॥ 11 ॥
শীতলে ত্বং জগন্মাতা শীতলে ত্বং জগত্পিতা ।
শীতলে ত্বং জগদ্ধাত্রী শীতলাযৈ নমো নমঃ ॥ 12 ॥
রাসভো গর্দভশ্চৈব খরো বৈশাখনন্দনঃ ।
শীতলাবাহনশ্চৈব দূর্বাকন্দনিকৃন্তনঃ ॥ 13 ॥
এতানি খরনামানি শীতলাগ্রে তু যঃ পঠেত্ ।
তস্য গেহে শিশূনাং চ শীতলারুঙ্ ন জাযতে ॥ 14 ॥
শীতলাষ্টকমেবেদং ন দেযং যস্যকস্যচিত্ ।
দাতব্যং চ সদা তস্মৈ শ্রদ্ধাভক্তিযুতায বৈ ॥ 15 ॥
ইতি শ্রীস্কান্দপুরাণে শীতলাষ্টকম্ ॥
Roman (IAST) Transliteration
asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||
īśvara uvāca |
vande'haṃ śītalāṃ devīṃ rāsabhasthāṃ digambarām |
mārjanīkalaśopetāṃ śūrpālaṅkṛtamastakām || 1 ||
vande'haṃ śītalāṃ devīṃ sarvarogabhayāpahām |
yāmāsādya nivarteta visphoṭakabhayaṃ mahat || 2 ||
śītale śītale ceti yo brūyāddāhapīḍitaḥ |
visphoṭakabhayaṃ ghoraṃ kṣipraṃ tasya praṇaśyati || 3 ||
yastvāmudakamadhye tu dhyātvā sampūjayennaraḥ |
visphoṭakabhayaṃ ghoraṃ gṛhe tasya na jāyate || 4 ||
śītale jvaradagdhasya pūtigandhayutasya ca |
praṇaṣṭacakṣuṣaḥ puṃsastvāmāhurjīvanauṣadham || 5 ||
śītale tanujān rogān nṛṇāṃ harasi dustyajān |
visphoṭakavidīrṇānāṃ tvamekā'mṛtavarṣiṇī || 6 ||
galagaṇḍagrahā rogā ye cānye dāruṇā nṛṇām |
tvadanudhyānamātreṇa śītale yānti saṅkṣayam || 7 ||
na mantro nauṣadhaṃ tasya pāparogasya vidyate |
tvāmekāṃ śītale dhātrīṃ nānyāṃ paśyāmi devatām || 8 ||
mṛṇālatantusadṛśīṃ nābhihṛnmadhyasaṃsthitām |
yastvāṃ sañcintayeddevi tasya mṛtyurna jāyate || 9 ||
aṣṭakaṃ śītalādevyā yo naraḥ prapaṭhetsadā |
visphoṭakabhayaṃ ghoraṃ gṛhe tasya na jāyate || 10 ||
śrotavyaṃ paṭhitavyaṃ ca śraddhābhaktisamanvitaiḥ |
upasargavināśāya paraṃ svastyayanaṃ mahat || 11 ||
śītale tvaṃ jaganmātā śītale tvaṃ jagatpitā |
śītale tvaṃ jagaddhātrī śītalāyai namo namaḥ || 12 ||
rāsabho gardabhaścaiva kharo vaiśākhanandanaḥ |
śītalāvāhanaścaiva dūrvākandanikṛntanaḥ || 13 ||
etāni kharanāmāni śītalāgre tu yaḥ paṭhet |
tasya gehe śiśūnāṃ ca śītalāruṅ na jāyate || 14 ||
śītalāṣṭakamevedaṃ na deyaṃ yasyakasyacit |
dātavyaṃ ca sadā tasmai śraddhābhaktiyutāya vai || 15 ||
iti śrīskāndapurāṇe śītalāṣṭakam ||
InfoLyter.in — Sacred Vedic Knowledge Portal · Free forever