Shri Shanmukha Pancharatna Stuti

ॐ

শ্রী ষণ্মুখ পঞ্চরত্ন স্তুতি

Murugan Pancharatnam Bengali

স্ফুরদ্বিদ্যুদ্বল্লীবলযিতমগোত্সঙ্গবসতিং

ভবাপ্পিত্তপ্লুষ্টানমিতকরুণাজীবনবশাত্ ।

অবন্তং ভক্তানামুদযকরমম্ভোধর ইতি

প্রমোদাদাবাসং ব্যতনুত মযূরোঽস্য সবিধে ॥ 1 ॥

সুব্রহ্মণ্যো যো ভবেজ্জ্ঞানশক্ত্যা

সিদ্ধং তস্মিন্দেবসেনাপতিত্বম্ ।

ইত্থং শক্তিং দেবসেনাপতিত্বং

সুব্রহ্মণ্যো বিভ্রদেষ ব্যনক্তি ॥ 2 ॥

পক্ষোঽনির্বচনীযো দক্ষিণ ইতি ধিযমশেষজনতাযাঃ ।

জনযতি বর্হী দক্ষিণনির্বচনাযোগ্যপক্ষযুক্তোঽযম্ ॥ 3 ॥

যঃ পক্ষমনির্বচনং যাতি সমবলম্ব্য দৃশ্যতে তেন ।

ব্রহ্ম পরাত্পরমমলং সুব্রহ্মণ্যাভিধং পরং জ্যোতিঃ ॥ 4 ॥

ষণ্মুখং হসন্মুখং সুখাম্বুরাশিখেলনং

সন্মুনীন্দ্রসেব্যমানপাদপঙ্কজং সদা ।

মন্মথাদিশত্রুবর্গনাশকং কৃপাম্বুধিং

মন্মহে মুদা হৃদি প্রপন্নকল্পভূরুহম্ ॥ 5 ॥

ইতি জগদ্গুরু শৃঙ্গেরীপীঠাধিপ শ্রীচন্দ্রশেখরভারতী শ্রীপাদৈঃ বিরচিতা শ্রীষণ্মুখপঞ্চরত্নস্তুতিঃ ।

Roman (IAST) Transliteration

sphuradvidyudvallīvalayitamagotsaṅgavasatiṃ

bhavāppittapluṣṭānamitakaruṇājīvanavaśāt |

avantaṃ bhaktānāmudayakaramambhodhara iti

pramodādāvāsaṃ vyatanuta mayūro'sya savidhe || 1 ||

subrahmaṇyo yo bhavejjñānaśaktyā

siddhaṃ tasmindevasenāpatitvam |

itthaṃ śaktiṃ devasenāpatitvaṃ

subrahmaṇyo bibhradeṣa vyanakti || 2 ||

pakṣo'nirvacanīyo dakṣiṇa iti dhiyamaśeṣajanatāyāḥ |

janayati barhī dakṣiṇanirvacanāyogyapakṣayukto'yam || 3 ||

yaḥ pakṣamanirvacanaṃ yāti samavalambya dṛśyate tena |

brahma parātparamamalaṃ subrahmaṇyābhidhaṃ paraṃ jyotiḥ || 4 ||

ṣaṇmukhaṃ hasanmukhaṃ sukhāmburāśikhelanaṃ

sanmunīndrasevyamānapādapaṅkajaṃ sadā |

manmathādiśatruvarganāśakaṃ kṛpāmbudhiṃ

manmahe mudā hṛdi prapannakalpabhūruham || 5 ||

iti jagadguru śṛṅgerīpīṭhādhipa śrīcandraśekharabhāratī śrīpādaiḥ viracitā śrīṣaṇmukhapañcaratnastutiḥ |