📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী রুদ্র কবচম্
Shri Rudra Kavacham
Shiva Kavacham Bengali
ওঁ অস্য শ্রী রুদ্র কবচস্তোত্র মহামন্ত্রস্য দূর্বাসৃষিঃ অনুষ্ঠুপ্ ছন্দঃ ত্র্যম্বক রুদ্রো দেবতা হ্রাং বীজং শ্রীং শক্তিঃ হ্রীং কীলকং মম মনসোঽভীষ্টসিদ্ধ্যর্থে জপে বিনিযোগঃ ।
হ্রামিত্যাদি ষড্বীজৈঃ ষডঙ্গন্যাসঃ ॥
ধ্যানম্ ।
শান্তং পদ্মাসনস্থং শশিধরমকুটং পঞ্চবক্ত্রং ত্রিনেত্রং
শূলং বজ্রং চ খড্গং পরশুমভযদং দক্ষভাগে বহন্তম্ ।
নাগং পাশং চ ঘণ্টাং প্রলয হুতবহং সাঙ্কুশং বামভাগে
নানালঙ্কারযুক্তং স্ফটিকমণিনিভং পার্বতীশং নমামি ॥
দূর্বাস উবাচ ।
প্রণম্য শিরসা দেবং স্বযম্ভুং পরমেশ্বরম্ ।
একং সর্বগতং দেবং সর্বদেবমযং বিভুম্ ॥ 1 ॥
রুদ্র বর্ম প্রবক্ষ্যামি অঙ্গ প্রাণস্য রক্ষযে ।
অহোরাত্রমযং দেবং রক্ষার্থং নির্মিতং পুরা ॥ 2 ॥
রুদ্রো মে চাগ্রতঃ পাতু পাতু পার্শ্বৌ হরস্তথা ।
শিরো মে ঈশ্বরঃ পাতু ললাটং নীললোহিতঃ ॥ 3 ॥
নেত্রযোস্ত্র্যম্বকঃ পাতু মুখং পাতু মহেশ্বরঃ ।
কর্ণযোঃ পাতু মে শম্ভুঃ নাসিকাযাং সদাশিবঃ ॥ 4 ॥
বাগীশঃ পাতু মে জিহ্বাং ওষ্ঠৌ পাত্বম্বিকাপতিঃ ।
শ্রীকণ্ঠঃ পাতু মে গ্রীবাং বাহূংশ্চৈব পিনাকধৃত্ ॥ 5 ॥
হৃদযং মে মহাদেবঃ ঈশ্বরোব্যাত্ স্তনান্তরম্ ।
নাভিং কটিং চ বক্ষশ্চ পাতু সর্বং উমাপতিঃ ॥ 6 ॥
বাহুমধ্যান্তরং চৈব সূক্ষ্মরূপঃ সদাশিবঃ ।
স্বরং রক্ষতু সর্বেশো গাত্রাণি চ যথা ক্রমম্ ॥ 7 ॥
বজ্রশক্তিধরং চৈব পাশাঙ্কুশধরং তথা ।
গণ্ডশূলধরং নিত্যং রক্ষতু ত্রিদশেশ্বরঃ ॥ 8 ॥
প্রস্থানেষু পদে চৈব বৃক্ষমূলে নদীতটে ।
সন্ধ্যাযাং রাজভবনে বিরূপাক্ষস্তু পাতু মাম্ ॥ 9 ॥
শীতোষ্ণাদথ কালেষু তুহি ন দ্রুমকণ্টকে ।
নির্মনুষ্যেঽসমে মার্গে ত্রাহি মাং বৃষভধ্বজ ॥ 10 ॥
ইত্যেতদ্রুদ্রকবচং পবিত্রং পাপনাশনম্ ।
মহাদেবপ্রসাদেন দূর্বাসো মুনিকল্পিতম্ ॥ 11 ॥
মমাখ্যাতং সমাসেন ন ভযং বিন্দতি ক্বচিত্ ।
প্রাপ্নোতি পরমারোগ্যং পুণ্যমাযুষ্যবর্ধনম্ ॥ 12 ॥
বিদ্যার্থী লভতে বিদ্যাং ধনার্থী লভতে ধনম্ ।
কন্যার্থী লভতে কন্যাং ন ভযং বিন্দতে ক্বচিত্ ॥ 13 ॥
অপুত্রো লভতে পুত্রং মোক্ষার্থী মোক্ষমাপ্নুযাত্ ।
ত্রাহি ত্রাহি মহাদেব ত্রাহি ত্রাহি ত্রযীময ॥ 14 ॥
ত্রাহি মাং পার্বতীনাথ ত্রাহি মাং ত্রিপুরন্তক ।
পাশং খট্বাঙ্গ দিব্যাস্ত্রং ত্রিশূলং রুদ্রমেব চ ॥ 15 ॥
নমস্করোমি দেবেশ ত্রাহি মাং জগদীশ্বর ।
শত্রুমধ্যে সভামধ্যে গ্রামমধ্যে গৃহান্তরে ॥ 16 ॥
গমনাগমনে চৈব ত্রাহি মাং ভক্তবত্সল ।
ত্বং চিত্তং ত্বং মানসং চ ত্বং বুদ্ধিস্ত্বং পরাযণম্ ॥ 17 ॥
কর্মণা মনসা চৈব ত্বং বুদ্ধিশ্চ যথা সদা ।
জ্বরভযং ছিন্দি সর্বজ্বরভযং ছিন্দি গ্রহভযং ছিন্দি ॥ 18 ॥
সর্বশত্রূন্নিবর্ত্যাপি সর্বব্যাধিনিবারণম্ ।
রুদ্রলোকং স গচ্ছতি রুদ্রলোকং সগচ্ছত্যোন্নম ইতি ॥ 19 ॥
ইতি স্কন্দপুরাণে দূর্বাস প্রোক্তং শ্রী রুদ্রকবচম্ ॥
Roman (IAST) Transliteration
oṃ asya śrī rudra kavacastotra mahāmantrasya dūrvāsṛṣiḥ anuṣṭhup chandaḥ tryambaka rudro devatā hrāṃ bījaṃ śrīṃ śaktiḥ hrīṃ kīlakaṃ mama manaso'bhīṣṭasiddhyarthe jape viniyogaḥ |
hrāmityādi ṣaḍbījaiḥ ṣaḍaṅganyāsaḥ ||
dhyānam |
śāntaṃ padmāsanasthaṃ śaśidharamakuṭaṃ pañcavaktraṃ trinetraṃ
śūlaṃ vajraṃ ca khaḍgaṃ paraśumabhayadaṃ dakṣabhāge vahantam |
nāgaṃ pāśaṃ ca ghaṇṭāṃ pralaya hutavahaṃ sāṅkuśaṃ vāmabhāge
nānālaṅkārayuktaṃ sphaṭikamaṇinibhaṃ pārvatīśaṃ namāmi ||
dūrvāsa uvāca |
praṇamya śirasā devaṃ svayambhuṃ parameśvaram |
ekaṃ sarvagataṃ devaṃ sarvadevamayaṃ vibhum || 1 ||
rudra varma pravakṣyāmi aṅga prāṇasya rakṣaye |
ahorātramayaṃ devaṃ rakṣārthaṃ nirmitaṃ purā || 2 ||
rudro me cāgrataḥ pātu pātu pārśvau harastathā |
śiro me īśvaraḥ pātu lalāṭaṃ nīlalohitaḥ || 3 ||
netrayostryambakaḥ pātu mukhaṃ pātu maheśvaraḥ |
karṇayoḥ pātu me śambhuḥ nāsikāyāṃ sadāśivaḥ || 4 ||
vāgīśaḥ pātu me jihvāṃ oṣṭhau pātvambikāpatiḥ |
śrīkaṇṭhaḥ pātu me grīvāṃ bāhūṃścaiva pinākadhṛt || 5 ||
hṛdayaṃ me mahādevaḥ īśvarovyāt stanāntaram |
nābhiṃ kaṭiṃ ca vakṣaśca pātu sarvaṃ umāpatiḥ || 6 ||
bāhumadhyāntaraṃ caiva sūkṣmarūpaḥ sadāśivaḥ |
svaraṃ rakṣatu sarveśo gātrāṇi ca yathā kramam || 7 ||
vajraśaktidharaṃ caiva pāśāṅkuśadharaṃ tathā |
gaṇḍaśūladharaṃ nityaṃ rakṣatu tridaśeśvaraḥ || 8 ||
prasthāneṣu pade caiva vṛkṣamūle nadītaṭe |
sandhyāyāṃ rājabhavane virūpākṣastu pātu mām || 9 ||
śītoṣṇādatha kāleṣu tuhi na drumakaṇṭake |
nirmanuṣye'same mārge trāhi māṃ vṛṣabhadhvaja || 10 ||
ityetadrudrakavacaṃ pavitraṃ pāpanāśanam |
mahādevaprasādena dūrvāso munikalpitam || 11 ||
mamākhyātaṃ samāsena na bhayaṃ vindati kvacit |
prāpnoti paramārogyaṃ puṇyamāyuṣyavardhanam || 12 ||
vidyārthī labhate vidyāṃ dhanārthī labhate dhanam |
kanyārthī labhate kanyāṃ na bhayaṃ vindate kvacit || 13 ||
aputro labhate putraṃ mokṣārthī mokṣamāpnuyāt |
trāhi trāhi mahādeva trāhi trāhi trayīmaya || 14 ||
trāhi māṃ pārvatīnātha trāhi māṃ tripurantaka |
pāśaṃ khaṭvāṅga divyāstraṃ triśūlaṃ rudrameva ca || 15 ||
namaskaromi deveśa trāhi māṃ jagadīśvara |
śatrumadhye sabhāmadhye grāmamadhye gṛhāntare || 16 ||
gamanāgamane caiva trāhi māṃ bhaktavatsala |
tvaṃ cittaṃ tvaṃ mānasaṃ ca tvaṃ buddhistvaṃ parāyaṇam || 17 ||
karmaṇā manasā caiva tvaṃ buddhiśca yathā sadā |
jvarabhayaṃ chindi sarvajvarabhayaṃ chindi grahabhayaṃ chindi || 18 ||
sarvaśatrūnnivartyāpi sarvavyādhinivāraṇam |
rudralokaṃ sa gacchati rudralokaṃ sagacchatyonnama iti || 19 ||
iti skandapurāṇe dūrvāsa proktaṃ śrī rudrakavacam ||
InfoLyter.in — Sacred Vedic Knowledge Portal · Free forever