📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী মার্তাণ্ড স্তোত্রম্
Shri Martanda Stotram
Stotram Bengali
গাঢান্ধকারহরণায জগদ্ধিতায
জ্যোতির্মযায পরমেশ্বরলোচনায ।
মন্দেহদৈত্যভুজগর্ববিভঞ্জনায
সূর্যায তীব্রকিরণায নমো নমস্তে ॥ 1 ॥
ছাযাপ্রিযায মণিকুণ্ডলমণ্ডিতায
সুরোত্তমায সরসীরুহবান্ধবায ।
সৌবর্ণরত্নমকুটায বিকর্তনায
সূর্যায তীব্রকিরণায নমো নমস্তে ॥ 2 ॥
সঞ্জ্ঞাবধূহৃদযপঙ্কজষট্পদায
গৌরীশপঙ্কজভবাচ্যুতবিগ্রহায ।
লোকেক্ষণায তপনায দিবাকরায
সূর্যায তীব্রকিরণায নমো নমস্তে ॥ 3 ॥
সপ্তাশ্ববদ্ধশকটায গ্রহাধিপায
রক্তাম্বরায শরণাগতবত্সলায ।
জাম্বূনদাম্বুজকরায দিনেশ্বরায
সূর্যায তীব্রকিরণায নমো নমস্তে ॥ 4 ॥
আম্নাযভারভরণায জলপ্রদায
তোযাপহায করুণামৃতসাগরায ।
নারাযণায বিবিধামরবন্দিতায
সূর্যায তীব্রকিরণায নমো নমস্তে ॥ 5 ॥
ইতি শ্রী মার্তাণ্ড স্তোত্রম্ ॥
Roman (IAST) Transliteration
gāḍhāndhakāraharaṇāya jagaddhitāya
jyotirmayāya parameśvaralocanāya |
mandehadaityabhujagarvavibhañjanāya
sūryāya tīvrakiraṇāya namo namaste || 1 ||
chāyāpriyāya maṇikuṇḍalamaṇḍitāya
surottamāya sarasīruhabāndhavāya |
sauvarṇaratnamakuṭāya vikartanāya
sūryāya tīvrakiraṇāya namo namaste || 2 ||
sañjñāvadhūhṛdayapaṅkajaṣaṭpadāya
gaurīśapaṅkajabhavācyutavigrahāya |
lokekṣaṇāya tapanāya divākarāya
sūryāya tīvrakiraṇāya namo namaste || 3 ||
saptāśvabaddhaśakaṭāya grahādhipāya
raktāmbarāya śaraṇāgatavatsalāya |
jāmbūnadāmbujakarāya dineśvarāya
sūryāya tīvrakiraṇāya namo namaste || 4 ||
āmnāyabhārabharaṇāya jalapradāya
toyāpahāya karuṇāmṛtasāgarāya |
nārāyaṇāya vividhāmaravanditāya
sūryāya tīvrakiraṇāya namo namaste || 5 ||
iti śrī mārtāṇḍa stotram ||
InfoLyter.in — Sacred Vedic Knowledge Portal · Free forever