📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী কৃষ্ণ কবচং (ত্রৈলোক্য মঙ্গল কবচম্)
Shri Krishna Kavacham (trailokya Mangala Kavacham)
Krishna Kavacham Bengali
শ্রী নারদ উবাচ –
ভগবন্সর্বধর্মজ্ঞ কবচং যত্প্রকাশিতম্ ।
ত্রৈলোক্যমঙ্গলং নাম কৃপযা কথয প্রভো ॥ 1 ॥
সনত্কুমার উবাচ –
শৃণু বক্ষ্যামি বিপ্রেন্দ্র কবচং পরমাদ্ভুতম্ ।
নারাযণেন কথিতং কৃপযা ব্রহ্মণে পুরা ॥ 2 ॥
ব্রহ্মণা কথিতং মহ্যং পরং স্নেহাদ্বদামি তে ।
অতি গুহ্যতরং তত্ত্বং ব্রহ্মমন্ত্রৌঘবিগ্রহম্ ॥ 3 ॥
যদ্ধৃত্বা পঠনাদ্ব্রহ্মা সৃষ্টিং বিতনুতে ধ্রুবম্ ।
যদ্ধৃত্বা পঠনাত্পাতি মহালক্ষ্মীর্জগত্ত্রযম্ ॥ 4 ॥
পঠনাদ্ধারণাচ্ছম্ভুঃ সংহর্তা সর্বমন্ত্রবিত্ ।
ত্রৈলোক্যজননী দুর্গা মহিষাদিমহাসুরান্ ॥ 5 ॥
বরতৃপ্তান্ জঘানৈব পঠনাদ্ধারণাদ্যতঃ ।
এবমিন্দ্রাদযঃ সর্বে সর্বৈশ্বর্যমবাপ্নুযুঃ ॥ 6 ॥
ইদং কবচমত্যন্তগুপ্তং কুত্রাপি নো বদেত্ ।
শিষ্যায ভক্তিযুক্তায সাধকায প্রকাশযেত্ ॥ 7 ॥
শঠায পরশিষ্যায দত্বা মৃত্যুমবাপ্নুযাত্ ।
ত্রৈলোক্যমঙ্গলস্যাঽস্য কবচস্য প্রজাপতিঃ ॥ 8 ॥
ঋষিশ্ছন্দশ্চ গাযত্রী দেবো নারাযণস্স্বযম্ ।
ধর্মার্থকামমোক্ষেষু বিনিযোগঃ প্রকীর্তিতঃ ॥ 9 ॥
প্রণবো মে শিরঃ পাতু নমো নারাযণায চ ।
ফালং মে নেত্রযুগলমষ্টার্ণো ভুক্তিমুক্তিদঃ ॥ 10 ॥
ক্লীং পাযাচ্ছ্রোত্রযুগ্মং চৈকাক্ষরঃ সর্বমোহনঃ ।
ক্লীং কৃষ্ণায সদা ঘ্রাণং গোবিন্দাযেতি জিহ্বিকাম্ ॥ 11 ॥
গোপীজনপদবল্লভায স্বাহাঽননং মম ।
অষ্টাদশাক্ষরো মন্ত্রঃ কণ্ঠং পাতু দশাক্ষরঃ ॥ 12 ॥
গোপীজনপদবল্লভায স্বাহা ভুজদ্বযম্ ।
ক্লীং গ্লৌং ক্লীং শ্যামলাঙ্গায নমঃ স্কন্ধৌ রক্ষাক্ষরঃ ॥ 13 ॥
ক্লীং কৃষ্ণঃ ক্লীং করৌ পাযাত্ ক্লীং কৃষ্ণাযাং গতোঽবতু ।
হৃদযং ভুবনেশানঃ ক্লীং কৃষ্ণঃ ক্লীং স্তনৌ মম ॥ 14 ॥
গোপালাযাগ্নিজাযাতং কুক্ষিযুগ্মং সদাঽবতু ।
ক্লীং কৃষ্ণায সদা পাতু পার্শ্বযুগ্মমনুত্তমঃ ॥ 15 ॥
কৃষ্ণ গোবিন্দকৌ পাতু স্মরাদ্যৌজেযুতৌ মনুঃ ।
অষ্টাক্ষরঃ পাতু নাভিং কৃষ্ণেতি দ্ব্যক্ষরোঽবতু ॥ 16 ॥
পৃষ্ঠং ক্লীং কৃষ্ণকং গল্ল ক্লীং কৃষ্ণায দ্বিরান্তকঃ ।
সক্থিনী সততং পাতু শ্রীং হ্রীং ক্লীং কৃষ্ণঠদ্বযম্ ॥ 17 ॥
ঊরূ সপ্তাক্ষরং পাযাত্ ত্রযোদশাক্ষরোঽবতু ।
শ্রীং হ্রীং ক্লীং পদতো গোপীজনবল্লভপদং ততঃ ॥ 18 ॥
শ্রিযা স্বাহেতি পাযূ বৈ ক্লীং হ্রীং শ্রীং সদশার্ণকঃ ।
জানুনী চ সদা পাতু ক্লীং হ্রীং শ্রীং চ দশাক্ষরঃ ॥ 19 ॥
ত্রযোদশাক্ষরঃ পাতু জঙ্ঘে চক্রাদ্যুদাযুধঃ ।
অষ্টাদশাক্ষরো হ্রীং শ্রীং পূর্বকো বিংশদর্ণকঃ ॥ 20 ॥
সর্বাঙ্গং মে সদা পাতু দ্বারকানাযকো বলী ।
নমো ভগবতে পশ্চাদ্বাসুদেবায তত্পরম্ ॥ 21 ॥
তারাদ্যো দ্বাদশার্ণোঽযং প্রাচ্যাং মাং সর্বদাঽবতু ।
শ্রীং হ্রীং ক্লীং চ দশার্ণস্তু ক্লীং হ্রীং শ্রীং ষোডশার্ণকঃ ॥ 22 ॥
গদাদ্যুদাযুধো বিষ্ণুর্মামগ্নের্দিশি রক্ষতু ।
হ্রীং শ্রীং দশাক্ষরো মন্ত্রো দক্ষিণে মাং সদাঽবতু ॥ 23 ॥
তারো নমো ভগবতে রুক্মিণীবল্লভায চ ।
স্বাহেতি ষোডশার্ণোঽযং নৈরৃত্যাং দিশি রক্ষতু ॥ 24 ॥
ক্লীং হৃষীকেশ বংশায নমো মাং বারুণোঽবতু ।
অষ্টাদশার্ণঃ কামান্তো বাযব্যে মাং সদাঽবতু ॥ 25 ॥
শ্রীং মাযাকামতৃষ্ণায গোবিন্দায দ্বিকো মনুঃ ।
দ্বাদশার্ণাত্মকো বিষ্ণুরুত্তরে মাং সদাঽবতু ॥ 26 ॥
বাগ্ভবং কামকৃষ্ণায হ্রীং গোবিন্দায তত্পরম্ ।
শ্রীং গোপীজনবল্লভায স্বাহা হস্তৌ ততঃ পরম্ ॥ 27 ॥
দ্বাবিংশত্যক্ষরো মন্ত্রো মামৈশান্যে সদাঽবতু ।
কালীযস্য ফণামধ্যে দিব্যং নৃত্যং করোতি তম্ ॥ 28 ॥
নমামি দেবকীপুত্রং নৃত্যরাজানমচ্যুতম্ ।
দ্বাত্রিংশদক্ষরো মন্ত্রোঽপ্যধো মাং সর্বদাঽবতু ॥ 29 ॥
কামদেবায বিদ্মহে পুষ্পবাণায ধীমহি ।
তন্নোঽনঙ্গঃ প্রচোদযাদেষা মাং পাতুচোর্ধ্বতঃ ॥ 30 ॥
ইতি তে কথিতং বিপ্র ব্রহ্মমন্ত্রৌঘবিগ্রহম্ ।
ত্রৈলোক্যমঙ্গলং নাম কবচং ব্রহ্মরূপকম্ ॥ 31 ॥
ব্রহ্মণা কথিতং পূর্বং নারাযণমুখাচ্ছ্রুতম্ ।
তব স্নেহান্মযাঽখ্যাতং প্রবক্তব্যং ন কস্যচিত্ ॥ 32 ॥
গুরুং প্রণম্য বিধিবত্কবচং প্রপঠেত্ততঃ ।
সকৃদ্দ্বিস্ত্রির্যথাজ্ঞানং স হি সর্বতপোমযঃ ॥ 33 ॥
মন্ত্রেষু সকলেষ্বেব দেশিকো নাত্র সংশযঃ ।
শতমষ্টোত্তরং চাস্য পুরশ্চর্যা বিধিস্স্মৃতঃ ॥ 34 ॥
হবনাদীন্দশাংশেন কৃত্বা তত্সাধযেদ্ধ্রুবম্ ।
যদি স্যাত্সিদ্ধকবচো বিষ্ণুরেব ভবেত্স্বযম্ ॥ 35 ॥
মন্ত্রসিদ্ধির্ভবেত্তস্য পুরশ্চর্যা বিধানতঃ ।
স্পর্ধামুদ্ধূয সততং লক্ষ্মীর্বাণী বসেত্ততঃ ॥ 36 ॥
পুষ্পাঞ্জল্যষ্টকং দত্বা মূলেনৈব পঠেত্সকৃত্ ।
দশবর্ষসহস্রাণি পূজাযাঃ ফলমাপ্নুযাত্ ॥ 37 ॥
ভূর্জে বিলিখ্য গুলিকাং স্বর্ণস্থাং ধারযেদ্যদি ।
কণ্ঠে বা দক্ষিণে বাহৌ সোঽপি বিষ্ণুর্ন সংশযঃ ॥ 38 ॥
অশ্বমেধসহস্রাণি বাজপেযশতানি চ ।
মহাদানানি যান্যেব প্রাদক্ষিণ্যং ভুবস্তথা ॥ 39 ॥
কলাং নার্হন্তি তান্যেব সকৃদুচ্চারণাত্ততঃ ।
কবচস্য প্রসাদেন জীবন্মুক্তো ভবেন্নরঃ ॥ 40 ॥
ত্রৈলোক্যং ক্ষোভযত্যেব ত্রৈলোক্যবিজযী স হি ।
ইদং কবচমজ্ঞাত্বা যজেদ্যঃ পুরুষোত্তমম্ ।
শতলক্ষপ্রজপ্তোঽপি ন মন্ত্রস্তস্য সিদ্ধ্যতি ॥ 41 ॥
ইতি শ্রী নারদপাঞ্চরাত্রে জ্ঞানামৃতসারে ত্রৈলোক্যমঙ্গলকবচম্ ।
Roman (IAST) Transliteration
śrī nārada uvāca –
bhagavansarvadharmajña kavacaṃ yatprakāśitam |
trailokyamaṅgalaṃ nāma kṛpayā kathaya prabho || 1 ||
sanatkumāra uvāca –
śṛṇu vakṣyāmi viprendra kavacaṃ paramādbhutam |
nārāyaṇena kathitaṃ kṛpayā brahmaṇe purā || 2 ||
brahmaṇā kathitaṃ mahyaṃ paraṃ snehādvadāmi te |
ati guhyataraṃ tattvaṃ brahmamantraughavigraham || 3 ||
yaddhṛtvā paṭhanādbrahmā sṛṣṭiṃ vitanute dhruvam |
yaddhṛtvā paṭhanātpāti mahālakṣmīrjagattrayam || 4 ||
paṭhanāddhāraṇācchambhuḥ saṃhartā sarvamantravit |
trailokyajananī durgā mahiṣādimahāsurān || 5 ||
varatṛptān jaghānaiva paṭhanāddhāraṇādyataḥ |
evamindrādayaḥ sarve sarvaiśvaryamavāpnuyuḥ || 6 ||
idaṃ kavacamatyantaguptaṃ kutrāpi no vadet |
śiṣyāya bhaktiyuktāya sādhakāya prakāśayet || 7 ||
śaṭhāya paraśiṣyāya datvā mṛtyumavāpnuyāt |
trailokyamaṅgalasyā'sya kavacasya prajāpatiḥ || 8 ||
ṛṣiśchandaśca gāyatrī devo nārāyaṇassvayam |
dharmārthakāmamokṣeṣu viniyogaḥ prakīrtitaḥ || 9 ||
praṇavo me śiraḥ pātu namo nārāyaṇāya ca |
phālaṃ me netrayugalamaṣṭārṇo bhuktimuktidaḥ || 10 ||
klīṃ pāyācchrotrayugmaṃ caikākṣaraḥ sarvamohanaḥ |
klīṃ kṛṣṇāya sadā ghrāṇaṃ govindāyeti jihvikām || 11 ||
gopījanapadavallabhāya svāhā'nanaṃ mama |
aṣṭādaśākṣaro mantraḥ kaṇṭhaṃ pātu daśākṣaraḥ || 12 ||
gopījanapadavallabhāya svāhā bhujadvayam |
klīṃ glauṃ klīṃ śyāmalāṅgāya namaḥ skandhau rakṣākṣaraḥ || 13 ||
klīṃ kṛṣṇaḥ klīṃ karau pāyāt klīṃ kṛṣṇāyāṃ gato'vatu |
hṛdayaṃ bhuvaneśānaḥ klīṃ kṛṣṇaḥ klīṃ stanau mama || 14 ||
gopālāyāgnijāyātaṃ kukṣiyugmaṃ sadā'vatu |
klīṃ kṛṣṇāya sadā pātu pārśvayugmamanuttamaḥ || 15 ||
kṛṣṇa govindakau pātu smarādyaujeyutau manuḥ |
aṣṭākṣaraḥ pātu nābhiṃ kṛṣṇeti dvyakṣaro'vatu || 16 ||
pṛṣṭhaṃ klīṃ kṛṣṇakaṃ galla klīṃ kṛṣṇāya dvirāntakaḥ |
sakthinī satataṃ pātu śrīṃ hrīṃ klīṃ kṛṣṇaṭhadvayam || 17 ||
ūrū saptākṣaraṃ pāyāt trayodaśākṣaro'vatu |
śrīṃ hrīṃ klīṃ padato gopījanavallabhapadaṃ tataḥ || 18 ||
śriyā svāheti pāyū vai klīṃ hrīṃ śrīṃ sadaśārṇakaḥ |
jānunī ca sadā pātu klīṃ hrīṃ śrīṃ ca daśākṣaraḥ || 19 ||
trayodaśākṣaraḥ pātu jaṅghe cakrādyudāyudhaḥ |
aṣṭādaśākṣaro hrīṃ śrīṃ pūrvako viṃśadarṇakaḥ || 20 ||
sarvāṅgaṃ me sadā pātu dvārakānāyako balī |
namo bhagavate paścādvāsudevāya tatparam || 21 ||
tārādyo dvādaśārṇo'yaṃ prācyāṃ māṃ sarvadā'vatu |
śrīṃ hrīṃ klīṃ ca daśārṇastu klīṃ hrīṃ śrīṃ ṣoḍaśārṇakaḥ || 22 ||
gadādyudāyudho viṣṇurmāmagnerdiśi rakṣatu |
hrīṃ śrīṃ daśākṣaro mantro dakṣiṇe māṃ sadā'vatu || 23 ||
tāro namo bhagavate rukmiṇīvallabhāya ca |
svāheti ṣoḍaśārṇo'yaṃ nairṛtyāṃ diśi rakṣatu || 24 ||
klīṃ hṛṣīkeśa vaṃśāya namo māṃ vāruṇo'vatu |
aṣṭādaśārṇaḥ kāmānto vāyavye māṃ sadā'vatu || 25 ||
śrīṃ māyākāmatṛṣṇāya govindāya dviko manuḥ |
dvādaśārṇātmako viṣṇuruttare māṃ sadā'vatu || 26 ||
vāgbhavaṃ kāmakṛṣṇāya hrīṃ govindāya tatparam |
śrīṃ gopījanavallabhāya svāhā hastau tataḥ param || 27 ||
dvāviṃśatyakṣaro mantro māmaiśānye sadā'vatu |
kālīyasya phaṇāmadhye divyaṃ nṛtyaṃ karoti tam || 28 ||
namāmi devakīputraṃ nṛtyarājānamacyutam |
dvātriṃśadakṣaro mantro'pyadho māṃ sarvadā'vatu || 29 ||
kāmadevāya vidmahe puṣpabāṇāya dhīmahi |
tanno'naṅgaḥ pracodayādeṣā māṃ pātucordhvataḥ || 30 ||
iti te kathitaṃ vipra brahmamantraughavigraham |
trailokyamaṅgalaṃ nāma kavacaṃ brahmarūpakam || 31 ||
brahmaṇā kathitaṃ pūrvaṃ nārāyaṇamukhācchrutam |
tava snehānmayā'khyātaṃ pravaktavyaṃ na kasyacit || 32 ||
guruṃ praṇamya vidhivatkavacaṃ prapaṭhettataḥ |
sakṛddvistriryathājñānaṃ sa hi sarvatapomayaḥ || 33 ||
mantreṣu sakaleṣveva deśiko nātra saṃśayaḥ |
śatamaṣṭottaraṃ cāsya puraścaryā vidhissmṛtaḥ || 34 ||
havanādīndaśāṃśena kṛtvā tatsādhayeddhruvam |
yadi syātsiddhakavaco viṣṇureva bhavetsvayam || 35 ||
mantrasiddhirbhavettasya puraścaryā vidhānataḥ |
spardhāmuddhūya satataṃ lakṣmīrvāṇī vasettataḥ || 36 ||
puṣpāñjalyaṣṭakaṃ datvā mūlenaiva paṭhetsakṛt |
daśavarṣasahasrāṇi pūjāyāḥ phalamāpnuyāt || 37 ||
bhūrje vilikhya gulikāṃ svarṇasthāṃ dhārayedyadi |
kaṇṭhe vā dakṣiṇe bāhau so'pi viṣṇurna saṃśayaḥ || 38 ||
aśvamedhasahasrāṇi vājapeyaśatāni ca |
mahādānāni yānyeva prādakṣiṇyaṃ bhuvastathā || 39 ||
kalāṃ nārhanti tānyeva sakṛduccāraṇāttataḥ |
kavacasya prasādena jīvanmukto bhavennaraḥ || 40 ||
trailokyaṃ kṣobhayatyeva trailokyavijayī sa hi |
idaṃ kavacamajñātvā yajedyaḥ puruṣottamam |
śatalakṣaprajapto'pi na mantrastasya siddhyati || 41 ||
iti śrī nāradapāñcarātre jñānāmṛtasāre trailokyamaṅgalakavacam |
InfoLyter.in — Sacred Vedic Knowledge Portal · Free forever