Shri Dakshinamurti Kavacham (rudrayamala)

ॐ

শ্রী দক্ষিণামূর্তি কবচং (রুদ্রযামল)

Shiva Kavacham Bengali

পার্বত্যুবাচ

নমস্তেঽস্তু ত্রযীনাথ পরমানন্দকারক ।

কবচং দক্ষিণামূর্তেঃ কৃপযা বদ মে প্রভো ॥ 1 ॥

ঈশ্বর উবাচ

বক্ষ্যেঽহং দেবদেবেশি দক্ষিণামূর্তিরব্যযম্ ।

কবচং সর্বপাপঘ্নং বেদান্তজ্ঞানগোচরম্ ॥ 2 ॥

অণিমাদি মহাসিদ্ধিবিধানচতুরং শুভম্ ।

বেদশাস্ত্রপুরাণানি কবিতা তর্ক এব চ ॥ 3 ॥

বহুধা দেবি জাযন্তে কবচস্য প্রভাবতঃ ।

ঋষির্ব্রহ্মা সমুদ্দিষ্টশ্ছন্দোঽনুষ্টুবুদাহৃতম্ ॥ 4 ॥

দেবতা দক্ষিণামূর্তিঃ পরমাত্মা সদাশিবঃ ।

বীজং বেদাদিকং চৈব স্বাহা শক্তিরুদাহৃতা ।

সর্বজ্ঞত্বেঽপি দেবেশি বিনিযোগং প্রচক্ষতে ॥ 5 ॥

ধ্যানম্

অদ্বন্দ্বনেত্রমমলেন্দুকলাবতংসং

হংসাবলম্বিত সমান জটাকলাপম্ ।

আনীলকণ্ঠমুপকণ্ঠমুনিপ্রবীরান্

অধ্যাপযন্তমবলোকয লোকনাথম্ ॥

কবচম্

ওম্ । শিরো মে দক্ষিণামূর্তিরব্যাত্ ফালং মহেশ্বরঃ ।

দৃশৌ পাতু মহাদেবঃ শ্রবণে চন্দ্রশেখরঃ ॥ 1 ॥

কপোলৌ পাতু মে রুদ্রো নাসাং পাতু জগদ্গুরুঃ ।

মুখং গৌরীপতিঃ পাতু রসনাং বেদরূপধৃত্ ॥ 2 ॥

দশনাং ত্রিপুরধ্বংসী চোষ্ঠং পন্নগভূষণঃ ।

অধরং পাতু বিশ্বাত্মা হনূ পাতু জগন্মযঃ ॥ 3 ॥

চুবুকং দেবদেবস্তু পাতু কণ্ঠং জটাধরঃ ।

স্কন্ধৌ মে পাতু শুদ্ধাত্মা করৌ পাতু যমান্তকঃ ॥ 4 ॥

কুচাগ্রং করমধ্যং চ নখরান্ শঙ্করঃ স্বযম্ ।

হৃন্মে পশুপতিঃ পাতু পার্শ্বে পরমপূরুষঃ ॥ 5 ॥

মধ্যমং পাতু শর্বো মে নাভিং নারাযণপ্রিযঃ ।

কটিং পাতু জগদ্ভর্তা সক্থিনী চ মৃডঃ স্বযম্ ॥ 6 ॥

কৃত্তিবাসাঃ স্বযং গুহ্যামূরূ পাতু পিনাকধৃত্ ।

জানুনী ত্র্যম্বকঃ পাতু জঙ্ঘে পাতু সদাশিবঃ ॥ 7 ॥

স্মরারিঃ পাতু মে পাদৌ পাতু সর্বাঙ্গমীশ্বরঃ ।

ইতীদং কবচং দেবি পরমানন্দদাযকম্ ॥ 8 ॥

জ্ঞানবাগর্থদং বীর্যমণিমাদিবিভূতিদম্ ।

আযুরারোগ্যমৈশ্বর্যমপমৃত্যুভযাপহম্ ॥ 9 ॥

প্রাতঃ কালে শুচির্ভূত্বা ত্রিবারং সর্বদা জপেত্ ।

নিত্যং পূজাসমাযুক্তঃ সংবত্সরমতন্দ্রিতঃ ॥ 10 ॥

জপেত্ ত্রিসন্ধ্যং যো বিদ্বান্ বেদশাস্ত্রার্থপারগঃ ।

গদ্যপদ্যৈস্তথা চাপি নাটকাঃ স্বযমেব হি ।

নির্গচ্ছন্তি মুখাম্ভোজাত্সত্যমেতন্ন সংশযঃ ॥ 11 ॥

ইতি রুদ্রযামলে উমামহেশ্বরসংবাদে শ্রী দক্ষিণামূর্তি কবচম্ ॥

Roman (IAST) Transliteration

pārvatyuvāca

namaste'stu trayīnātha paramānandakāraka |

kavacaṃ dakṣiṇāmūrteḥ kṛpayā vada me prabho || 1 ||

īśvara uvāca

vakṣye'haṃ devadeveśi dakṣiṇāmūrtiravyayam |

kavacaṃ sarvapāpaghnaṃ vedāntajñānagocaram || 2 ||

aṇimādi mahāsiddhividhānacaturaṃ śubham |

vedaśāstrapurāṇāni kavitā tarka eva ca || 3 ||

bahudhā devi jāyante kavacasya prabhāvataḥ |

ṛṣirbrahmā samuddiṣṭaśchando'nuṣṭubudāhṛtam || 4 ||

devatā dakṣiṇāmūrtiḥ paramātmā sadāśivaḥ |

bījaṃ vedādikaṃ caiva svāhā śaktirudāhṛtā |

sarvajñatve'pi deveśi viniyogaṃ pracakṣate || 5 ||

dhyānam

advandvanetramamalendukalāvataṃsaṃ

haṃsāvalambita samāna jaṭākalāpam |

ānīlakaṇṭhamupakaṇṭhamunipravīrān

adhyāpayantamavalokaya lokanātham ||

kavacam

om | śiro me dakṣiṇāmūrtiravyāt phālaṃ maheśvaraḥ |

dṛśau pātu mahādevaḥ śravaṇe candraśekharaḥ || 1 ||

kapolau pātu me rudro nāsāṃ pātu jagadguruḥ |

mukhaṃ gaurīpatiḥ pātu rasanāṃ vedarūpadhṛt || 2 ||

daśanāṃ tripuradhvaṃsī coṣṭhaṃ pannagabhūṣaṇaḥ |

adharaṃ pātu viśvātmā hanū pātu jaganmayaḥ || 3 ||

cubukaṃ devadevastu pātu kaṇṭhaṃ jaṭādharaḥ |

skandhau me pātu śuddhātmā karau pātu yamāntakaḥ || 4 ||

kucāgraṃ karamadhyaṃ ca nakharān śaṅkaraḥ svayam |

hṛnme paśupatiḥ pātu pārśve paramapūruṣaḥ || 5 ||

madhyamaṃ pātu śarvo me nābhiṃ nārāyaṇapriyaḥ |

kaṭiṃ pātu jagadbhartā sakthinī ca mṛḍaḥ svayam || 6 ||

kṛttivāsāḥ svayaṃ guhyāmūrū pātu pinākadhṛt |

jānunī tryambakaḥ pātu jaṅghe pātu sadāśivaḥ || 7 ||

smarāriḥ pātu me pādau pātu sarvāṅgamīśvaraḥ |

itīdaṃ kavacaṃ devi paramānandadāyakam || 8 ||

jñānavāgarthadaṃ vīryamaṇimādivibhūtidam |

āyurārogyamaiśvaryamapamṛtyubhayāpaham || 9 ||

prātaḥ kāle śucirbhūtvā trivāraṃ sarvadā japet |

nityaṃ pūjāsamāyuktaḥ saṃvatsaramatandritaḥ || 10 ||

japet trisandhyaṃ yo vidvān vedaśāstrārthapāragaḥ |

gadyapadyaistathā cāpi nāṭakāḥ svayameva hi |

nirgacchanti mukhāmbhojātsatyametanna saṃśayaḥ || 11 ||

iti rudrayāmale umāmaheśvarasaṃvāde śrī dakṣiṇāmūrti kavacam ||