Shri Chinnamasta Ashtottara Shata Nama Stotram

ॐ

শ্রী ছিন্নমস্তা অষ্টোত্তর শত নামা স্তোত্রং

Tara Ashtottara Sata Namavali Bengali

শ্রী পার্বত্যুবাচ

নাম্নাং সহস্রং পরমং ছিন্নমস্তাপ্রিযং শুভম্ ।

কথিতং ভবতা শম্ভোস্সদ্যশ্শত্রুনিকৃন্তনম্ ॥ 1 ॥

পুনঃ পৃচ্ছাম্যহং দেব কৃপাং কুরু মমোপরি ।

সহস্রনামপাঠে চ অশক্তো যঃ পুমান্ ভবেত্ ॥ 2 ॥

তেন কিং পঠ্যতে নাথ তন্মে ব্রূহি কৃপাময ।

শ্রী সদাশিব উবাচ

অষ্টোত্তরশতং নাম্নাং পঠ্যতে তেন সর্বদা ॥ 3 ॥

সহস্রনামপাঠস্য ফলং প্রাপ্নোতি নিশ্চিতম্ ।

ওঁ অস্য শ্রীছিন্নমস্তাদেব্যষ্টোত্তর শতনাম স্তোত্রমহামন্ত্রস্য সদাশিব

ঋষিঃ অনুষ্টুপ্ ছন্দঃ শ্রীছিন্নমস্তা দেবতা মম সকলসিদ্ধি প্রাপ্তযে জপে বিনিযোগঃ ॥

ওঁ ছিন্নমস্তা মহাবিদ্যা মহাভীমা মহোদরী ।

চণ্ডেশ্বরী চণ্ডমাতা চণ্ডমুণ্ডপ্রভঞ্জিনী ॥ 4 ॥

মহাচণ্ডা চণ্ডরূপা চণ্ডিকা চণ্ডখণ্ডিনী ।

ক্রোধিনী ক্রোধজননী ক্রোধরূপা কুহূঃ কলা ॥ 5 ॥

কোপাতুরা কোপযুতা কোপসংহারকারিণী ।

বজ্রবৈরোচনী বজ্রা বজ্রকল্পা চ ডাকিনী ॥ 6 ॥

ডাকিনীকর্মনিরতা ডাকিনীকর্মপূজিতা ।

ডাকিনীসঙ্গনিরতা ডাকিনীপ্রেমপূরিতা ॥ 7 ॥

খট্বাঙ্গধারিণী খর্বা খড্গখর্পরধারিণী ।

প্রেতাসনা প্রেতযুতা প্রেতসঙ্গবিহারিণী ॥ 8 ॥

ছিন্নমুণ্ডধরা ছিন্নচণ্ডবিদ্যা চ চিত্রিণী ।

ঘোররূপা ঘোরদৃষ্টিঃ ঘোররাবা ঘনোদরী ॥ 9 ॥

যোগিনী যোগনিরতা জপযজ্ঞপরাযণা ।

যোনিচক্রমযী যোনির্যোনিচক্রপ্রবর্তিনী ॥ 10 ॥

যোনিমুদ্রা যোনিগম্যা যোনিযন্ত্রনিবাসিনী ।

যন্ত্ররূপা যন্ত্রমযী যন্ত্রেশী যন্ত্রপূজিতা ॥ 11 ॥

কীর্ত্যা কপর্দিনী কালী কঙ্কালী কলকারিণী ।

আরক্তা রক্তনযনা রক্তপানপরাযণা ॥ 12 ॥

ভবানী ভূতিদা ভূতির্ভূতিধাত্রী চ ভৈরবী ।

ভৈরবাচারনিরতা ভূতভৈরবসেবিতা ॥ 13 ॥

ভীমা ভীমেশ্বরী দেবী ভীমনাদপরাযণা ।

ভবারাধ্যা ভবনুতা ভবসাগরতারিণী ॥ 14 ॥

ভদ্রকালী ভদ্রতনুর্ভদ্ররূপা চ ভদ্রিকা ।

ভদ্ররূপা মহাভদ্রা সুভদ্রা ভদ্রপালিনী ॥ 15 ॥

সুভব্যা ভব্যবদনা সুমুখী সিদ্ধসেবিতা ।

সিদ্ধিদা সিদ্ধিনিবহা সিদ্ধা সিদ্ধনিষেবিতা ॥ 16 ॥

শুভদা শুভগা শুদ্ধা শুদ্ধসত্ত্বা শুভাবহা ।

শ্রেষ্ঠা দৃষ্টিমযী দেবী দৃষ্টিসংহারকারিণী ॥ 17 ॥

শর্বাণী সর্বগা সর্বা সর্বমঙ্গলকারিণী ।

শিবা শান্তা শান্তিরূপা মৃডানী মদানতুরা ॥ 18 ॥

ইতি তে কথিতং দেবী স্তোত্রং পরমদুর্লভম্ ।

গুহ্যাদ্গুহ্যতরং গোপ্যং গোপনিযং প্রযত্নতঃ ॥ 19 ॥

কিমত্র বহুনোক্তেন ত্বদগ্রে প্রাণবল্লভে ।

মারণং মোহনং দেবি হ্যুচ্চাটনমতঃ পরম্ ॥ 20 ॥

স্তম্ভনাদিককর্মাণি ঋদ্ধযস্সিদ্ধযোঽপি চ ।

ত্রিকালপঠনাদস্য সর্বে সিদ্ধ্যন্ত্যসংশযঃ ॥ 21 ॥

মহোত্তমং স্তোত্রমিদং বরাননে

মযেরিতং নিত্যমনন্যবুদ্ধযঃ ।

পঠন্তি যে ভক্তিযুতা নরোত্তমা

ভবেন্ন তেষাং রিপুভিঃ পরাজযঃ ॥ 22 ॥

ইতি শ্রীছিন্নমস্তাদেব্যষ্টোত্তরশতনাম স্তোত্রম্ ॥

Roman (IAST) Transliteration

śrī pārvatyuvāca

nāmnāṃ sahasraṃ paramaṃ chinnamastāpriyaṃ śubham |

kathitaṃ bhavatā śambhossadyaśśatrunikṛntanam || 1 ||

punaḥ pṛcchāmyahaṃ deva kṛpāṃ kuru mamopari |

sahasranāmapāṭhe ca aśakto yaḥ pumān bhavet || 2 ||

tena kiṃ paṭhyate nātha tanme brūhi kṛpāmaya |

śrī sadāśiva uvāca

aṣṭottaraśataṃ nāmnāṃ paṭhyate tena sarvadā || 3 ||

sahasranāmapāṭhasya phalaṃ prāpnoti niścitam |

oṃ asya śrīchinnamastādevyaṣṭottara śatanāma stotramahāmantrasya sadāśiva

ṛṣiḥ anuṣṭup chandaḥ śrīchinnamastā devatā mama sakalasiddhi prāptaye jape viniyogaḥ ||

oṃ chinnamastā mahāvidyā mahābhīmā mahodarī |

caṇḍeśvarī caṇḍamātā caṇḍamuṇḍaprabhañjinī || 4 ||

mahācaṇḍā caṇḍarūpā caṇḍikā caṇḍakhaṇḍinī |

krodhinī krodhajananī krodharūpā kuhūḥ kalā || 5 ||

kopāturā kopayutā kopasaṃhārakāriṇī |

vajravairocanī vajrā vajrakalpā ca ḍākinī || 6 ||

ḍākinīkarmaniratā ḍākinīkarmapūjitā |

ḍākinīsaṅganiratā ḍākinīpremapūritā || 7 ||

khaṭvāṅgadhāriṇī kharvā khaḍgakharparadhāriṇī |

pretāsanā pretayutā pretasaṅgavihāriṇī || 8 ||

chinnamuṇḍadharā chinnacaṇḍavidyā ca citriṇī |

ghorarūpā ghoradṛṣṭiḥ ghorarāvā ghanodarī || 9 ||

yoginī yoganiratā japayajñaparāyaṇā |

yonicakramayī yoniryonicakrapravartinī || 10 ||

yonimudrā yonigamyā yoniyantranivāsinī |

yantrarūpā yantramayī yantreśī yantrapūjitā || 11 ||

kīrtyā kapardinī kālī kaṅkālī kalakāriṇī |

āraktā raktanayanā raktapānaparāyaṇā || 12 ||

bhavānī bhūtidā bhūtirbhūtidhātrī ca bhairavī |

bhairavācāraniratā bhūtabhairavasevitā || 13 ||

bhīmā bhīmeśvarī devī bhīmanādaparāyaṇā |

bhavārādhyā bhavanutā bhavasāgaratāriṇī || 14 ||

bhadrakālī bhadratanurbhadrarūpā ca bhadrikā |

bhadrarūpā mahābhadrā subhadrā bhadrapālinī || 15 ||

subhavyā bhavyavadanā sumukhī siddhasevitā |

siddhidā siddhinivahā siddhā siddhaniṣevitā || 16 ||

śubhadā śubhagā śuddhā śuddhasattvā śubhāvahā |

śreṣṭhā dṛṣṭimayī devī dṛṣṭisaṃhārakāriṇī || 17 ||

śarvāṇī sarvagā sarvā sarvamaṅgalakāriṇī |

śivā śāntā śāntirūpā mṛḍānī madānaturā || 18 ||

iti te kathitaṃ devī stotraṃ paramadurlabham |

guhyādguhyataraṃ gopyaṃ gopaniyaṃ prayatnataḥ || 19 ||

kimatra bahunoktena tvadagre prāṇavallabhe |

māraṇaṃ mohanaṃ devi hyuccāṭanamataḥ param || 20 ||

stambhanādikakarmāṇi ṛddhayassiddhayo'pi ca |

trikālapaṭhanādasya sarve siddhyantyasaṃśayaḥ || 21 ||

mahottamaṃ stotramidaṃ varānane

mayeritaṃ nityamananyabuddhayaḥ |

paṭhanti ye bhaktiyutā narottamā

bhavenna teṣāṃ ripubhiḥ parājayaḥ || 22 ||

iti śrīchinnamastādevyaṣṭottaraśatanāma stotram ||