Shri Bagalamukhi Ashtottara Shata Nama Stotram

ॐ

শ্রী বগলামুখী অষ্টোত্তর শত নামা স্তোত্রং

Tara Ashtottara Sata Namavali Bengali

নারদ উবাচ

ভগবন্ দেবদেবেশ সৃষ্টিস্থিতিলযেশ্বর ।

শতমষ্টোত্তরং নাম্নাং বগলাযা বদাধুনা ॥ 1 ॥

শ্রী ভগবানুবাচ

শৃণু বত্স প্রবক্ষ্যামি নাম্নামষ্টোত্তরং শতম্ ।

পীতাম্বর্যা মহাদেব্যাঃ স্তোত্রং পাপপ্রণাশনম্ ॥ 2 ॥

যস্য প্রপঠনাত্সদ্যো বাদী মূকোভবেত্ ক্ষণাত্ ।

রিপবস্স্তম্ভনং যান্তি সত্যং সত্যং বদাম্যহম্ ॥ 3 ॥

ওঁ অস্য শ্রীপীতাম্বর্যষ্টোত্তরশতনামস্তোত্রস্য সদাশিব ঋষিঃ অনুষ্টুপ্ছন্দঃ শ্রীপীতাম্বরী দেবতা শ্রীপীতাম্বরী প্রীতযে জপে বিনিযোগঃ ।

ওঁ বগলা বিষ্ণুবনিতা বিষ্ণুশঙ্করভামিনী ।

বহুলা দেবমাতা চ মহাবিষ্ণুপ্রসূরপি ॥ 4 ॥

মহামত্স্যা মহাকূর্মা মহাবারাহরূপিণী ।

নারসিংহপ্রিযা রম্যা বামনা পটুরূপিণী ॥ 5 ॥

জামদগ্ন্যস্বরূপা চ রামা রামপ্রপূজিতা ।

কৃষ্ণা কপর্দিনী কৃত্যা কলহা চ বিকারিণী ॥ 6 ॥

বুদ্ধিরূপা বুদ্ধভার্যা বৌদ্ধপাষণ্ডখণ্ডিনী ।

কল্কিরূপা কলিহরা কলিদুর্গতিনাশিনী ॥ 7 ॥

কোটিসূর্যপ্রতীকাশা কোটিকন্দর্পমোহিনী ।

কেবলা কঠিনা কালী কলা কৈবল্যদাযিনী ॥ 8 ॥

কেশবী কেশবারাধ্যা কিশোরী কেশবস্তুতা ।

রুদ্ররূপা রুদ্রমূর্তী রুদ্রাণী রুদ্রদেবতা ॥ 9 ॥

নক্ষত্ররূপা নক্ষত্রা নক্ষত্রেশপ্রপূজিতা ।

নক্ষত্রেশপ্রিযা নিত্যা নক্ষত্রপতিবন্দিতা ॥ 10 ॥

নাগিনী নাগজননী নাগরাজপ্রবন্দিতা ।

নাগেশ্বরী নাগকন্যা নাগরী চ নগাত্মজা ॥ 11 ॥

নগাধিরাজতনযা নগরাজপ্রপূজিতা ।

নবীনা নীরদা পীতা শ্যামা সৌন্দর্যকারিণী ॥ 12 ॥

রক্তা নীলা ঘনা শুভ্রা শ্বেতা সৌভাগ্যদাযিনী ।

সুন্দরী সৌভগা সৌম্যা স্বর্ণাভা স্বর্গতিপ্রদা ॥ 13 ॥

রিপুত্রাসকরী রেখা শত্রুসংহারকারিণী ।

ভামিনী চ তথা মাযা স্তম্ভিনী মোহিনী শুভা ॥ 14 ॥

রাগদ্বেষকরী রাত্রী রৌরবধ্বংসকারিণী ।

যক্ষিণী সিদ্ধনিবহা সিদ্ধেশা সিদ্ধিরূপিণী ॥ 15 ॥

লঙ্কাপতিধ্বংসকরী লঙ্কেশরিপুবন্দিতা ।

লঙ্কানাথকুলহরা মহারাবণহারিণী ॥ 16 ॥

দেবদানবসিদ্ধৌঘপূজিতাপরমেশ্বরী ।

পরাণুরূপা পরমা পরতন্ত্রবিনাশিনী ॥ 17 ॥

বরদা বরদারাধ্যা বরদানপরাযণা ।

বরদেশপ্রিযা বীরা বীরভূষণভূষিতা ॥ 18 ॥

বসুদা বহুদা বাণী ব্রহ্মরূপা বরাননা ।

বলদা পীতবসনা পীতভূষণভূষিতা ॥ 19 ॥

পীতপুষ্পপ্রিযা পীতহারা পীতস্বরূপিণী ।

ইতি তে কথিতং বিপ্র নাম্নামষ্টোত্তরং শতম্ ॥ 20 ॥

যঃ পঠেত্পাঠযেদ্বাপি শৃণুযাদ্বা সমাহিতঃ ।

তস্য শত্রুঃ ক্ষযং সদ্যো যাতি নৈবাত্র সংশযঃ ॥ 21 ॥

প্রভাতকালে প্রযতো মনুষ্যঃ

পঠেত্সুভক্ত্যা পরিচিন্ত্য পীতাম্ ।

ধ্রুবং ভবেত্তস্য সমস্তবৃদ্ধিঃ

বিনাশমাযাতি চ তস্য শত্রুঃ ॥ 22 ॥

ইতি শ্রীবিষ্ণুযামলে নারদবিষ্ণুসংবাদে শ্রীবগলাষ্টোত্তরশতনামস্তোত্রম্ ।

Roman (IAST) Transliteration

nārada uvāca

bhagavan devadeveśa sṛṣṭisthitilayeśvara |

śatamaṣṭottaraṃ nāmnāṃ bagalāyā vadādhunā || 1 ||

śrī bhagavānuvāca

śṛṇu vatsa pravakṣyāmi nāmnāmaṣṭottaraṃ śatam |

pītāmbaryā mahādevyāḥ stotraṃ pāpapraṇāśanam || 2 ||

yasya prapaṭhanātsadyo vādī mūkobhavet kṣaṇāt |

ripavasstambhanaṃ yānti satyaṃ satyaṃ vadāmyaham || 3 ||

oṃ asya śrīpītāmbaryaṣṭottaraśatanāmastotrasya sadāśiva ṛṣiḥ anuṣṭupchandaḥ śrīpītāmbarī devatā śrīpītāmbarī prītaye jape viniyogaḥ |

oṃ bagalā viṣṇuvanitā viṣṇuśaṅkarabhāminī |

bahulā devamātā ca mahāviṣṇuprasūrapi || 4 ||

mahāmatsyā mahākūrmā mahāvārāharūpiṇī |

nārasiṃhapriyā ramyā vāmanā paṭurūpiṇī || 5 ||

jāmadagnyasvarūpā ca rāmā rāmaprapūjitā |

kṛṣṇā kapardinī kṛtyā kalahā ca vikāriṇī || 6 ||

buddhirūpā buddhabhāryā bauddhapāṣaṇḍakhaṇḍinī |

kalkirūpā kaliharā kalidurgatināśinī || 7 ||

koṭisūryapratīkāśā koṭikandarpamohinī |

kevalā kaṭhinā kālī kalā kaivalyadāyinī || 8 ||

keśavī keśavārādhyā kiśorī keśavastutā |

rudrarūpā rudramūrtī rudrāṇī rudradevatā || 9 ||

nakṣatrarūpā nakṣatrā nakṣatreśaprapūjitā |

nakṣatreśapriyā nityā nakṣatrapativanditā || 10 ||

nāginī nāgajananī nāgarājapravanditā |

nāgeśvarī nāgakanyā nāgarī ca nagātmajā || 11 ||

nagādhirājatanayā nagarājaprapūjitā |

navīnā nīradā pītā śyāmā saundaryakāriṇī || 12 ||

raktā nīlā ghanā śubhrā śvetā saubhāgyadāyinī |

sundarī saubhagā saumyā svarṇābhā svargatipradā || 13 ||

riputrāsakarī rekhā śatrusaṃhārakāriṇī |

bhāminī ca tathā māyā stambhinī mohinī śubhā || 14 ||

rāgadveṣakarī rātrī rauravadhvaṃsakāriṇī |

yakṣiṇī siddhanivahā siddheśā siddhirūpiṇī || 15 ||

laṅkāpatidhvaṃsakarī laṅkeśaripuvanditā |

laṅkānāthakulaharā mahārāvaṇahāriṇī || 16 ||

devadānavasiddhaughapūjitāparameśvarī |

parāṇurūpā paramā paratantravināśinī || 17 ||

varadā varadārādhyā varadānaparāyaṇā |

varadeśapriyā vīrā vīrabhūṣaṇabhūṣitā || 18 ||

vasudā bahudā vāṇī brahmarūpā varānanā |

baladā pītavasanā pītabhūṣaṇabhūṣitā || 19 ||

pītapuṣpapriyā pītahārā pītasvarūpiṇī |

iti te kathitaṃ vipra nāmnāmaṣṭottaraṃ śatam || 20 ||

yaḥ paṭhetpāṭhayedvāpi śṛṇuyādvā samāhitaḥ |

tasya śatruḥ kṣayaṃ sadyo yāti naivātra saṃśayaḥ || 21 ||

prabhātakāle prayato manuṣyaḥ

paṭhetsubhaktyā paricintya pītām |

dhruvaṃ bhavettasya samastavṛddhiḥ

vināśamāyāti ca tasya śatruḥ || 22 ||

iti śrīviṣṇuyāmale nāradaviṣṇusaṃvāde śrībagalāṣṭottaraśatanāmastotram |