📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শ্রী দুর্গা নক্ষত্র মালিকা স্তুতি
Shri Durga Nakshatra Malika Stuti
Durga Bengali
বিরাটনগরং রম্যং গচ্ছমানো যুধিষ্ঠিরঃ ।
অস্তুবন্মনসা দেবীং দুর্গাং ত্রিভুবনেশ্বরীম্ ॥ 1 ॥
যশোদাগর্ভসম্ভূতাং নারাযণবরপ্রিযাম্ ।
নন্দগোপকুলেজাতাং মঙ্গল্যাং কুলবর্ধনীম্ ॥ 2 ॥
কংসবিদ্রাবণকরীং অসুরাণাং ক্ষযঙ্করীম্ ।
শিলাতটবিনিক্ষিপ্তাং আকাশং প্রতিগামিনীম্ ॥ 3 ॥
বাসুদেবস্য ভগিনীং দিব্যমাল্য বিভূষিতাম্ ।
দিব্যাম্বরধরাং দেবীং খড্গখেটকধারিণীম্ ॥ 4 ॥
ভারাবতরণে পুণ্যে যে স্মরন্তি সদাশিবাম্ ।
তান্বৈ তারযতে পাপাত্ পঙ্কেগামিব দুর্বলাম্ ॥ 5 ॥
স্তোতুং প্রচক্রমে ভূযো বিবিধৈঃ স্তোত্রসম্ভবৈঃ ।
আমন্ত্র্য দর্শনাকাঙ্ক্ষী রাজা দেবীং সহানুজঃ ॥ 6 ॥
নমোঽস্তু বরদে কৃষ্ণে কুমারি ব্রহ্মচারিণি ।
বালার্ক সদৃশাকারে পূর্ণচন্দ্রনিভাননে ॥ 7 ॥
চতুর্ভুজে চতুর্বক্ত্রে পীনশ্রোণিপযোধরে ।
মযূরপিঞ্ছবলযে কেযূরাঙ্গদধারিণি ॥ 8 ॥
ভাসি দেবি যদা পদ্মা নারাযণপরিগ্রহঃ ।
স্বরূপং ব্রহ্মচর্যং চ বিশদং তব খেচরি ॥ 9 ॥
কৃষ্ণচ্ছবিসমা কৃষ্ণা সঙ্কর্ষণসমাননা ।
বিভ্রতী বিপুলৌ বাহূ শক্রধ্বজসমুচ্ছ্রযৌ ॥ 10 ॥
পাত্রী চ পঙ্কজী কণ্ঠী স্ত্রী বিশুদ্ধা চ যা ভুবি ।
পাশং ধনুর্মহাচক্রং বিবিধান্যাযুধানি চ ॥ 11 ॥
কুণ্ডলাভ্যাং সুপূর্ণাভ্যাং কর্ণাভ্যাং চ বিভূষিতা ।
চন্দ্রবিস্পার্ধিনা দেবি মুখেন ত্বং বিরাজসে ॥ 12 ॥
মুকুটেন বিচিত্রেণ কেশবন্ধেন শোভিনা ।
ভুজঙ্গাঽভোগবাসেন শ্রোণিসূত্রেণ রাজতা ॥ 13 ॥
ভ্রাজসে চাববদ্ধেন ভোগেনেবেহ মন্দরঃ ।
ধ্বজেন শিখিপিঞ্ছানাং উচ্ছ্রিতেন বিরাজসে ॥ 14 ॥
কৌমারং ব্রতমাস্থায ত্রিদিবং পাবিতং ত্বযা ।
তেন ত্বং স্তূযসে দেবি ত্রিদশৈঃ পূজ্যসেঽপি চ ॥ 15 ॥
ত্রৈলোক্য রক্ষণার্থায মহিষাসুরনাশিনি ।
প্রসন্না মে সুরশ্রেষ্ঠে দযাং কুরু শিবা ভব ॥ 16 ॥
জযা ত্বং বিজযা চৈব সঙ্গ্রামে চ জযপ্রদা ।
মমাঽপি বিজযং দেহি বরদা ত্বং চ সাম্প্রতম্ ॥ 17 ॥
বিন্ধ্যে চৈব নগশ্রেষ্টে তব স্থানং হি শাশ্বতম্ ।
কালি কালি মহাকালি সীধুমাংস পশুপ্রিযে ॥ 18 ॥
কৃতানুযাত্রা ভূতৈস্ত্বং বরদা কামচারিণি ।
ভারাবতারে যে চ ত্বাং সংস্মরিষ্যন্তি মানবাঃ ॥ 19 ॥
প্রণমন্তি চ যে ত্বাং হি প্রভাতে তু নরা ভুবি ।
ন তেষাং দুর্লভং কিঞ্চিত্ পুত্রতো ধনতোঽপি বা ॥ 20 ॥
দুর্গাত্তারযসে দুর্গে তত্বং দুর্গা স্মৃতা জনৈঃ ।
কান্তারেষ্ববপন্নানাং মগ্নানাং চ মহার্ণবে ॥ 21 ॥
(দস্যুভির্বা নিরুদ্ধানাং ত্বং গতিঃ পরমা নৃণাম)
জলপ্রতরণে চৈব কান্তারেষ্বটবীষু চ ।
যে স্মরন্তি মহাদেবীং ন চ সীদন্তি তে নরাঃ ॥ 22 ॥
ত্বং কীর্তিঃ শ্রীর্ধৃতিঃ সিদ্ধিঃ হ্রীর্বিদ্যা সন্ততির্মতিঃ ।
সন্ধ্যা রাত্রিঃ প্রভা নিদ্রা জ্যোত্স্না কান্তিঃ ক্ষমা দযা ॥ 23 ॥
নৃণাং চ বন্ধনং মোহং পুত্রনাশং ধনক্ষযম্ ।
ব্যাধিং মৃত্যুং ভযং চৈব পূজিতা নাশযিষ্যসি ॥ 24 ॥
সোঽহং রাজ্যাত্পরিভ্রষ্টঃ শরণং ত্বাং প্রপন্নবান্ ।
প্রণতশ্চ যথা মূর্ধ্না তব দেবি সুরেশ্বরি ॥ 25 ॥
ত্রাহি মাং পদ্মপত্রাক্ষি সত্যে সত্যা ভবস্ব নঃ ।
শরণং ভব মে দুর্গে শরণ্যে ভক্তবত্সলে ॥ 26 ॥
এবং স্তুতা হি সা দেবী দর্শযামাস পাণ্ডবম্ ।
উপগম্য তু রাজানমিদং বচনমব্রবীত্ ॥ 27 ॥
শৃণু রাজন্ মহাবাহো মদীযং বচনং প্রভো ।
ভবিষ্যত্যচিরাদেব সঙ্গ্রামে বিজযস্তব ॥ 28 ॥
মম প্রসাদান্নির্জিত্য হত্বা কৌরব বাহিনীম্ ।
রাজ্যং নিষ্কণ্টকং কৃত্বা ভোক্ষ্যসে মেদিনীং পুনঃ ॥ 29 ॥
ভ্রাতৃভিঃ সহিতো রাজন্ প্রীতিং প্রাপ্স্যসি পুষ্কলাম্ ।
মত্প্রসাদাচ্চ তে সৌখ্যং আরোগ্যং চ ভবিষ্যতি ॥ 30 ॥
যে চ সঙ্কীর্তযিষ্যন্তি লোকে বিগতকল্মষাঃ ।
তেষাং তুষ্টা প্রদাস্যামি রাজ্যমাযুর্বপুস্সুতম্ ॥ 31 ॥
প্রবাসে নগরে চাপি সঙ্গ্রামে শত্রুসঙ্কটে ।
অটব্যাং দুর্গকান্তারে সাগরে গহনে গিরৌ ॥ 32 ॥
যে স্মরিষ্যন্তি মাং রাজন্ যথাহং ভবতা স্মৃতা ।
ন তেষাং দুর্লভং কিঞ্চিদস্মিন্ লোকে ভবিষ্যতি ॥ 33 ॥
য ইদং পরমস্তোত্রং ভক্ত্যা শৃণুযাদ্বা পঠেত বা ।
তস্য সর্বাণি কার্যাণি সিধ্ধিং যাস্যন্তি পাণ্ডবাঃ ॥ 34 ॥
মত্প্রসাদাচ্চ বস্সর্বান্ বিরাটনগরে স্থিতান্ ।
ন প্রজ্ঞাস্যন্তি কুরবঃ নরা বা তন্নিবাসিনঃ ॥ 35 ॥
ইত্যুক্ত্বা বরদা দেবী যুধিষ্ঠিরমরিন্দমম্ ।
রক্ষাং কৃত্বা চ পাণ্ডূনাং তত্রৈবান্তরধীযত ॥ 38 ॥
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakulejātāṃ maṅgalyāṃ kulavardhanīm || 2 ||
kaṃsavidrāvaṇakarīṃ asurāṇāṃ kṣayaṅkarīm |
śilātaṭavinikṣiptāṃ ākāśaṃ pratigāminīm || 3 ||
vāsudevasya bhaginīṃ divyamālya vibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tānvai tārayate pāpāt paṅkegāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārka sadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapiñchavalaye keyūrāṅgadadhāriṇi || 8 ||
bhāsi devi yadā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī kaṇṭhī strī viśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispārdhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgā'bhogavāsena śroṇisūtreṇa rājatā || 13 ||
bhrājase cāvabaddhena bhogeneveha mandaraḥ |
dhvajena śikhipiñchānāṃ ucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokya rakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamā'pi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭe tava sthānaṃ hi śāśvatam |
kāli kāli mahākāli sīdhumāṃsa paśupriye || 18 ||
kṛtānuyātrā bhūtaistvaṃ varadā kāmacāriṇi |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāttārayase durge tatvaṃ durgā smṛtā janaiḥ |
kāntāreṣvavapannānāṃ magnānāṃ ca mahārṇave || 21 ||
(dasyubhirvā niruddhānāṃ tvaṃ gatiḥ paramā nṛṇāma)
jalaprataraṇe caiva kāntāreṣvaṭavīṣu ca |
ye smaranti mahādevīṃ na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhiḥ hrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānamidaṃ vacanamabravīt || 27 ||
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kaurava vāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhrātṛbhiḥ sahito rājan prītiṃ prāpsyasi puṣkalām |
matprasādācca te saukhyaṃ ārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapussutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathāhaṃ bhavatā smṛtā |
na teṣāṃ durlabhaṃ kiñcidasmin loke bhaviṣyati || 33 ||
ya idaṃ paramastotraṃ bhaktyā śṛṇuyādvā paṭheta vā |
tasya sarvāṇi kāryāṇi sidhdhiṃ yāsyanti pāṇḍavāḥ || 34 ||
matprasādācca vassarvān virāṭanagare sthitān |
na prajñāsyanti kuravaḥ narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 38 ||
InfoLyter.in — Sacred Vedic Knowledge Portal · Free forever