📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
শিব সুবর্ণমালা স্তুতি
Shiva Suvarnamala Stuti
Shiva Adi Shankaracharya Bengali
অথ কথমপি মদ্রাসনাং ত্বদ্গুণলেশৈর্বিশোধযামি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 1 ॥
আখণ্ডলমদখণ্ডনপণ্ডিত তণ্ডুপ্রিয চণ্ডীশ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 2 ॥
ইভচর্মাম্বর শম্বররিপুবপুরপহরণোজ্জ্বলনযন বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 3 ॥
ঈশ গিরীশ নরেশ পরেশ মহেশ বিলেশযভূষণ ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 4 ॥
উমযা দিব্যসুমঙ্গলবিগ্রহযালিঙ্গিতবামাঙ্গ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 5 ॥
ঊরীকুরু মামজ্ঞমনাথং দূরীকুরু মে দুরিতং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 6 ॥
ঋষিবরমানসহংস চরাচরজননস্থিতিলযকারণ ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 7 ॥
ৠক্ষাধীশকিরীট মহোক্ষারূঢ বিধৃতরুদ্রাক্ষ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 8 ॥
লুবর্ণদ্বন্দ্বমবৃন্তসুকুসুমমিবাঙ্ঘ্রৌ তবার্পযামি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 9 ॥
একং সদিতি শ্রুত্যা ত্বমেব সদসীত্যুপাস্মহে মৃড ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 10 ॥
ঐক্যং নিজভক্তেভ্যো বিতরসি বিশ্বম্ভরোঽত্র সাক্ষী ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 11 ॥
ওমিতি তব নির্দেষ্ট্রী মাযাস্মাকং মৃডোপকর্ত্রী ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 12 ॥
ঔদাস্যং স্ফুটযতি বিষযেষু দিগম্বরতা চ তবৈব বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 13 ॥
অন্তঃকরণবিশুদ্ধিং ভক্তিং চ ত্বযি সতীং প্রদেহি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 14 ॥
অস্তোপাধিসমস্তব্যস্তৈ রূপৈর্জগন্মযোঽসি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 15 ॥
করুণাবরুণালয মযি দাস উদাসস্তবোচিতো ন হি ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 16 ॥
খলসহবাসং বিঘটয ঘটয সতামেব সঙ্গমনিশং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 17 ॥
গরলং জগদুপকৃতযে গিলিতং ভবতা সমোঽস্তি কোঽত্র বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 18 ॥
ঘনসারগৌরগাত্র প্রচুরজটাজূটবদ্ধগঙ্গ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 19 ॥
জ্ঞপ্তিঃ সর্বশরীরেষ্বখণ্ডিতা যা বিভাতি সা ত্বং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 20 ॥
চপলং মম হৃদযকপিং বিষযদ্রুচরং দৃঢং বধান বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 21 ॥
ছাযা স্থাণোরপি তব তাপং নমতাং হরত্যহো শিব ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 22 ॥
জয কৈলাসনিবাস প্রমথগণাধীশ ভূসুরার্চিত ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 23 ॥
ঝণুতকঝঙ্কিণুঝণুতত্কিটতক-শব্দৈর্নটসি মহানট ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 24 ॥
জ্ঞানং বিক্ষেপাবৃতিরহিতং কুরু মে গুরুস্ত্বমেব বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 25 ॥
টঙ্কারস্তব ধনুষো দলযতি হৃদযং দ্বিষামশনিরিব ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 26 ॥
ঠাকৃতিরিব তব মাযা বহিরন্তঃ শূন্যরূপিণী খলু ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 27 ॥
ডম্বরমম্বুরুহামপি দলযত্যনঘং ত্বদঙ্ঘ্রিযুগলং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 28 ॥
ঢক্কাক্ষসূত্রশূলদ্রুহিণকরোটীসমুল্লসত্কর ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 29 ॥
ণাকারগর্ভিণী চেচ্ছুভদা তে শরগতির্নৃণামিহ ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 30 ॥
তব মন্বতিসঞ্জপতঃ সদ্যস্তরতি নরো হি ভবাব্ধিং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 31 ॥
থূত্কারস্তস্য মুখে ভূযাত্তে নাম নাস্তি যস্য বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 32 ॥
দযনীযশ্চ দযালুঃ কোঽস্তি মদন্যস্ত্বদন্য ইহ বদ ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 33 ॥
ধর্মস্থাপনদক্ষ ত্র্যক্ষ গুরো দক্ষযজ্ঞশিক্ষক ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 34 ॥
ননু তাডিতোঽসি ধনুষা লুব্ধধিযা ত্বং পুরা নরেণ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 35 ॥
পরিমাতুং তব মূর্তিং নালমজস্তত্পরাত্পরোঽসি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 36 ॥
ফলমিহ নৃতযা জনুষস্ত্বত্পদসেবা সনাতনেশ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 37 ॥
বলমারোগ্যং চাযুস্ত্বদ্গুণরুচিতাং চিরং প্রদেহি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 38 ॥
ভগবন্ভর্গ ভযাপহ ভূতপতে ভূতিভূষিতাঙ্গ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 39 ॥
মহিমা তব ন হি মাতি শ্রুতিষু হিমানীধরাত্মজাধব ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 40 ॥
যমনিযমাদিভিরঙ্গৈর্যমিনো হৃদযে ভজন্তি স ত্বং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 41 ॥
রজ্জাবহিরিব শুক্তৌ রজতমিব ত্বযি জগন্তি ভান্তি বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 42 ॥
লব্ধ্বা ভবত্প্রসাদাচ্চক্রং বিধুরবতি লোকমখিলং ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 43 ॥
বসুধাতদ্ধরতচ্ছযরথমৌর্বীশর পরাকৃতাসুর ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 44 ॥
শর্ব দেব সর্বোত্তম সর্বদ দুর্বৃত্তগর্বহরণ বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 45 ॥
ষড্রিপুষডূর্মিষড্বিকারহর সন্মুখ ষণ্মুখজনক বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 46 ॥
সত্যং জ্ঞানমনন্তং ব্রহ্মেত্যেতল্লক্ষণলক্ষিত ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 47 ॥
হাহাহূহূমুখসুরগাযকগীতাপদানপদ্য বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 48 ॥
লাদির্ন হি প্রযোগস্তদন্তমিহ মঙ্গলং সদাস্তু বিভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 49 ॥
ক্ষণমিব দিবসান্নেষ্যতি ত্বত্পদসেবাক্ষণোত্সুকঃ শিব ভো ।
সাম্ব সদাশিব শম্ভো শঙ্কর শরণং মে তব চরণযুগম্ ॥ 50 ॥
ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ সুবর্ণমালা স্তুতিঃ সম্পূর্ণা ॥
Roman (IAST) Transliteration
atha kathamapi madrāsanāṃ tvadguṇaleśairviśodhayāmi vibho |
sāmba sadāśiva śambho śaṅkara śaraṇaṃ me tava caraṇayugam || 1 ||
ākhaṇḍalamadakhaṇḍanapaṇḍita taṇḍupriya caṇḍīśa vibho |
sāmba sadāśiva śambho śaṅkara śaraṇaṃ me tava caraṇayugam || 2 ||
ibhacarmāmbara śambararipuvapurapaharaṇojjvalanayana vibho |
sāmba sadāśiva śambho śaṅkara śaraṇaṃ me tava caraṇayugam || 3 ||
īśa girīśa nareśa pareśa maheśa bileśayabhūṣaṇa bho |
sāmba sadāśiva śambho śaṅkara śaraṇaṃ me tava caraṇayugam || 4 ||
umayā divyasumaṅgalavigrahayāliṅgitavāmāṅga vibho |
sāmba sadāśiva śambho śaṅkara śaraṇaṃ me tava caraṇayugam || 5 ||
ūrīkuru māmajñamanāthaṃ dūrīkuru me duritaṃ bho |
sāmba sadāśiva śambho śaṅkara śaraṇaṃ me tava caraṇayugam || 6 ||
ṛṣivaramānasahaṃsa carācarajananasthitilayakāraṇa bho |
sāmba sadāśiva śambho śaṅkara śaraṇaṃ me tava caraṇayugam || 7 ||
ṝkṣādhīśakirīṭa mahokṣārūḍha vidhṛtarudrākṣa vibho |
sāmba sadāśiva śambho śaṅkara śaraṇaṃ me tava caraṇayugam || 8 ||
luvarṇadvandvamavṛntasukusumamivāṅghrau tavārpayāmi vibho |
sāmba sadāśiva śambho śaṅkara śaraṇaṃ me tava caraṇayugam || 9 ||
ekaṃ saditi śrutyā tvameva sadasītyupāsmahe mṛḍa bho |
sāmba sadāśiva śambho śaṅkara śaraṇaṃ me tava caraṇayugam || 10 ||
aikyaṃ nijabhaktebhyo vitarasi viśvambharo'tra sākṣī bho |
sāmba sadāśiva śambho śaṅkara śaraṇaṃ me tava caraṇayugam || 11 ||
omiti tava nirdeṣṭrī māyāsmākaṃ mṛḍopakartrī bho |
sāmba sadāśiva śambho śaṅkara śaraṇaṃ me tava caraṇayugam || 12 ||
audāsyaṃ sphuṭayati viṣayeṣu digambaratā ca tavaiva vibho |
sāmba sadāśiva śambho śaṅkara śaraṇaṃ me tava caraṇayugam || 13 ||
antaḥkaraṇaviśuddhiṃ bhaktiṃ ca tvayi satīṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 14 ||
astopādhisamastavyastai rūpairjaganmayo'si vibho |
sāmba sadāśiva śambho śaṅkara śaraṇaṃ me tava caraṇayugam || 15 ||
karuṇāvaruṇālaya mayi dāsa udāsastavocito na hi bho |
sāmba sadāśiva śambho śaṅkara śaraṇaṃ me tava caraṇayugam || 16 ||
khalasahavāsaṃ vighaṭaya ghaṭaya satāmeva saṅgamaniśaṃ bho |
sāmba sadāśiva śambho śaṅkara śaraṇaṃ me tava caraṇayugam || 17 ||
garalaṃ jagadupakṛtaye gilitaṃ bhavatā samo'sti ko'tra vibho |
sāmba sadāśiva śambho śaṅkara śaraṇaṃ me tava caraṇayugam || 18 ||
ghanasāragauragātra pracurajaṭājūṭabaddhagaṅga vibho |
sāmba sadāśiva śambho śaṅkara śaraṇaṃ me tava caraṇayugam || 19 ||
jñaptiḥ sarvaśarīreṣvakhaṇḍitā yā vibhāti sā tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 20 ||
capalaṃ mama hṛdayakapiṃ viṣayadrucaraṃ dṛḍhaṃ badhāna vibho |
sāmba sadāśiva śambho śaṅkara śaraṇaṃ me tava caraṇayugam || 21 ||
chāyā sthāṇorapi tava tāpaṃ namatāṃ haratyaho śiva bho |
sāmba sadāśiva śambho śaṅkara śaraṇaṃ me tava caraṇayugam || 22 ||
jaya kailāsanivāsa pramathagaṇādhīśa bhūsurārcita bho |
sāmba sadāśiva śambho śaṅkara śaraṇaṃ me tava caraṇayugam || 23 ||
jhaṇutakajhaṅkiṇujhaṇutatkiṭataka-śabdairnaṭasi mahānaṭa bho |
sāmba sadāśiva śambho śaṅkara śaraṇaṃ me tava caraṇayugam || 24 ||
jñānaṃ vikṣepāvṛtirahitaṃ kuru me gurustvameva vibho |
sāmba sadāśiva śambho śaṅkara śaraṇaṃ me tava caraṇayugam || 25 ||
ṭaṅkārastava dhanuṣo dalayati hṛdayaṃ dviṣāmaśaniriva bho |
sāmba sadāśiva śambho śaṅkara śaraṇaṃ me tava caraṇayugam || 26 ||
ṭhākṛtiriva tava māyā bahirantaḥ śūnyarūpiṇī khalu bho |
sāmba sadāśiva śambho śaṅkara śaraṇaṃ me tava caraṇayugam || 27 ||
ḍambaramamburuhāmapi dalayatyanaghaṃ tvadaṅghriyugalaṃ bho |
sāmba sadāśiva śambho śaṅkara śaraṇaṃ me tava caraṇayugam || 28 ||
ḍhakkākṣasūtraśūladruhiṇakaroṭīsamullasatkara bho |
sāmba sadāśiva śambho śaṅkara śaraṇaṃ me tava caraṇayugam || 29 ||
ṇākāragarbhiṇī cecchubhadā te śaragatirnṛṇāmiha bho |
sāmba sadāśiva śambho śaṅkara śaraṇaṃ me tava caraṇayugam || 30 ||
tava manvatisañjapataḥ sadyastarati naro hi bhavābdhiṃ bho |
sāmba sadāśiva śambho śaṅkara śaraṇaṃ me tava caraṇayugam || 31 ||
thūtkārastasya mukhe bhūyātte nāma nāsti yasya vibho |
sāmba sadāśiva śambho śaṅkara śaraṇaṃ me tava caraṇayugam || 32 ||
dayanīyaśca dayāluḥ ko'sti madanyastvadanya iha vada bho |
sāmba sadāśiva śambho śaṅkara śaraṇaṃ me tava caraṇayugam || 33 ||
dharmasthāpanadakṣa tryakṣa guro dakṣayajñaśikṣaka bho |
sāmba sadāśiva śambho śaṅkara śaraṇaṃ me tava caraṇayugam || 34 ||
nanu tāḍito'si dhanuṣā lubdhadhiyā tvaṃ purā nareṇa vibho |
sāmba sadāśiva śambho śaṅkara śaraṇaṃ me tava caraṇayugam || 35 ||
parimātuṃ tava mūrtiṃ nālamajastatparātparo'si vibho |
sāmba sadāśiva śambho śaṅkara śaraṇaṃ me tava caraṇayugam || 36 ||
phalamiha nṛtayā januṣastvatpadasevā sanātaneśa vibho |
sāmba sadāśiva śambho śaṅkara śaraṇaṃ me tava caraṇayugam || 37 ||
balamārogyaṃ cāyustvadguṇarucitāṃ ciraṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 38 ||
bhagavanbharga bhayāpaha bhūtapate bhūtibhūṣitāṅga vibho |
sāmba sadāśiva śambho śaṅkara śaraṇaṃ me tava caraṇayugam || 39 ||
mahimā tava na hi māti śrutiṣu himānīdharātmajādhava bho |
sāmba sadāśiva śambho śaṅkara śaraṇaṃ me tava caraṇayugam || 40 ||
yamaniyamādibhiraṅgairyamino hṛdaye bhajanti sa tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 41 ||
rajjāvahiriva śuktau rajatamiva tvayi jaganti bhānti vibho |
sāmba sadāśiva śambho śaṅkara śaraṇaṃ me tava caraṇayugam || 42 ||
labdhvā bhavatprasādāccakraṃ vidhuravati lokamakhilaṃ bho |
sāmba sadāśiva śambho śaṅkara śaraṇaṃ me tava caraṇayugam || 43 ||
vasudhātaddharatacchayarathamaurvīśara parākṛtāsura bho |
sāmba sadāśiva śambho śaṅkara śaraṇaṃ me tava caraṇayugam || 44 ||
śarva deva sarvottama sarvada durvṛttagarvaharaṇa vibho |
sāmba sadāśiva śambho śaṅkara śaraṇaṃ me tava caraṇayugam || 45 ||
ṣaḍripuṣaḍūrmiṣaḍvikārahara sanmukha ṣaṇmukhajanaka vibho |
sāmba sadāśiva śambho śaṅkara śaraṇaṃ me tava caraṇayugam || 46 ||
satyaṃ jñānamanantaṃ brahmetyetallakṣaṇalakṣita bho |
sāmba sadāśiva śambho śaṅkara śaraṇaṃ me tava caraṇayugam || 47 ||
hāhāhūhūmukhasuragāyakagītāpadānapadya vibho |
sāmba sadāśiva śambho śaṅkara śaraṇaṃ me tava caraṇayugam || 48 ||
lādirna hi prayogastadantamiha maṅgalaṃ sadāstu vibho |
sāmba sadāśiva śambho śaṅkara śaraṇaṃ me tava caraṇayugam || 49 ||
kṣaṇamiva divasānneṣyati tvatpadasevākṣaṇotsukaḥ śiva bho |
sāmba sadāśiva śambho śaṅkara śaraṇaṃ me tava caraṇayugam || 50 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau suvarṇamālā stutiḥ sampūrṇā ||
InfoLyter.in — Sacred Vedic Knowledge Portal · Free forever