📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
সরস্বতী স্তোত্রম্
Sarasvati Stotram
Saraswati Stotram Bengali
যা কুন্দেন্দু তুষারহারধবলা যা শুভ্রবস্ত্রাবৃতা
যা বীণাবরদণ্ডমণ্ডিতকরা যা শ্বেতপদ্মাসনা ।
যা ব্রহ্মাচ্যুত শঙ্করপ্রভৃতিভির্দেবৈস্সদা পূজিতা
সা মাং পাতু সরস্বতী ভগবতী নিশ্শেষজাড্যাপহা ॥ 1 ॥
দোর্ভির্যুক্তা চতুর্ভিঃ স্ফটিকমণিনিভৈ রক্ষমালান্দধানা
হস্তেনৈকেন পদ্মং সিতমপিচ শুকং পুস্তকং চাপরেণ ।
ভাসা কুন্দেন্দুশঙ্খস্ফটিকমণিনিভা ভাসমানাzসমানা
সা মে বাগ্দেবতেযং নিবসতু বদনে সর্বদা সুপ্রসন্না ॥ 2 ॥
সুরাসুরৈস্সেবিতপাদপঙ্কজা করে বিরাজত্কমনীযপুস্তকা ।
বিরিঞ্চিপত্নী কমলাসনস্থিতা সরস্বতী নৃত্যতু বাচি মে সদা ॥ 3 ॥
সরস্বতী সরসিজকেসরপ্রভা তপস্বিনী সিতকমলাসনপ্রিযা ।
ঘনস্তনী কমলবিলোললোচনা মনস্বিনী ভবতু বরপ্রসাদিনী ॥ 4 ॥
সরস্বতি নমস্তুভ্যং বরদে কামরূপিণি ।
বিদ্যারম্ভং করিষ্যামি সিদ্ধির্ভবতু মে সদা ॥ 5 ॥
সরস্বতি নমস্তুভ্যং সর্বদেবি নমো নমঃ ।
শান্তরূপে শশিধরে সর্বযোগে নমো নমঃ ॥ 6 ॥
নিত্যানন্দে নিরাধারে নিষ্কলাযৈ নমো নমঃ ।
বিদ্যাধরে বিশালাক্ষি শুদ্ধজ্ঞানে নমো নমঃ ॥ 7 ॥
শুদ্ধস্ফটিকরূপাযৈ সূক্ষ্মরূপে নমো নমঃ ।
শব্দব্রহ্মি চতুর্হস্তে সর্বসিদ্ধ্যৈ নমো নমঃ ॥ 8 ॥
মুক্তালঙ্কৃত সর্বাঙ্গ্যৈ মূলাধারে নমো নমঃ ।
মূলমন্ত্রস্বরূপাযৈ মূলশক্ত্যৈ নমো নমঃ ॥ 9 ॥
মনোন্মনি মহাভোগে বাগীশ্বরি নমো নমঃ ।
বাগ্ম্যৈ বরদহস্তাযৈ বরদাযৈ নমো নমঃ ॥ 10 ॥
বেদাযৈ বেদরূপাযৈ বেদান্তাযৈ নমো নমঃ ।
গুণদোষবিবর্জিন্যৈ গুণদীপ্ত্যৈ নমো নমঃ ॥ 11 ॥
সর্বজ্ঞানে সদানন্দে সর্বরূপে নমো নমঃ ।
সম্পন্নাযৈ কুমার্যৈ চ সর্বজ্ঞে তে নমো নমঃ ॥ 12 ॥
যোগানার্য উমাদেব্যৈ যোগানন্দে নমো নমঃ ।
দিব্যজ্ঞান ত্রিনেত্রাযৈ দিব্যমূর্ত্যৈ নমো নমঃ ॥ 13 ॥
অর্ধচন্দ্রজটাধারি চন্দ্রবিম্বে নমো নমঃ ।
চন্দ্রাদিত্যজটাধারি চন্দ্রবিম্বে নমো নমঃ ॥ 14 ॥
অণুরূপে মহারূপে বিশ্বরূপে নমো নমঃ ।
অণিমাদ্যষ্টসিদ্ধাযৈ আনন্দাযৈ নমো নমঃ ॥ 15 ॥
জ্ঞান বিজ্ঞান রূপাযৈ জ্ঞানমূর্তে নমো নমঃ ।
নানাশাস্ত্র স্বরূপাযৈ নানারূপে নমো নমঃ ॥ 16 ॥
পদ্মজা পদ্মবংশা চ পদ্মরূপে নমো নমঃ ।
পরমেষ্ঠ্যৈ পরামূর্ত্যৈ নমস্তে পাপনাশিনী ॥ 17 ॥
মহাদেব্যৈ মহাকাল্যৈ মহালক্ষ্ম্যৈ নমো নমঃ ।
ব্রহ্মবিষ্ণুশিবাযৈ চ ব্রহ্মনার্যৈ নমো নমঃ ॥ 18 ॥
কমলাকরপুষ্পা চ কামরূপে নমো নমঃ ।
কপালিকর্মদীপ্তাযৈ কর্মদাযৈ নমো নমঃ ॥ 19 ॥
সাযং প্রাতঃ পঠেন্নিত্যং ষণ্মাসাত্সিদ্ধিরুচ্যতে ।
চোরব্যাঘ্রভযং নাস্তি পঠতাং শৃণ্বতামপি ॥ 20 ॥
ইত্থং সরস্বতী স্তোত্রমগস্ত্যমুনি বাচকম্ ।
সর্বসিদ্ধিকরং নৄণাং সর্বপাপপ্রণাশনম্ ॥ 21 ॥
Roman (IAST) Transliteration
yā kundendu tuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā |
yā brahmācyuta śaṅkaraprabhṛtibhirdevaissadā pūjitā
sā māṃ pātu sarasvatī bhagavatī niśśeṣajāḍyāpahā || 1 ||
dorbhiryuktā caturbhiḥ sphaṭikamaṇinibhai rakṣamālāndadhānā
hastenaikena padmaṃ sitamapica śukaṃ pustakaṃ cāpareṇa |
bhāsā kundenduśaṅkhasphaṭikamaṇinibhā bhāsamānāzsamānā
sā me vāgdevateyaṃ nivasatu vadane sarvadā suprasannā || 2 ||
surāsuraissevitapādapaṅkajā kare virājatkamanīyapustakā |
viriñcipatnī kamalāsanasthitā sarasvatī nṛtyatu vāci me sadā || 3 ||
sarasvatī sarasijakesaraprabhā tapasvinī sitakamalāsanapriyā |
ghanastanī kamalavilolalocanā manasvinī bhavatu varaprasādinī || 4 ||
sarasvati namastubhyaṃ varade kāmarūpiṇi |
vidyārambhaṃ kariṣyāmi siddhirbhavatu me sadā || 5 ||
sarasvati namastubhyaṃ sarvadevi namo namaḥ |
śāntarūpe śaśidhare sarvayoge namo namaḥ || 6 ||
nityānande nirādhāre niṣkalāyai namo namaḥ |
vidyādhare viśālākṣi śuddhajñāne namo namaḥ || 7 ||
śuddhasphaṭikarūpāyai sūkṣmarūpe namo namaḥ |
śabdabrahmi caturhaste sarvasiddhyai namo namaḥ || 8 ||
muktālaṅkṛta sarvāṅgyai mūlādhāre namo namaḥ |
mūlamantrasvarūpāyai mūlaśaktyai namo namaḥ || 9 ||
manonmani mahābhoge vāgīśvari namo namaḥ |
vāgmyai varadahastāyai varadāyai namo namaḥ || 10 ||
vedāyai vedarūpāyai vedāntāyai namo namaḥ |
guṇadoṣavivarjinyai guṇadīptyai namo namaḥ || 11 ||
sarvajñāne sadānande sarvarūpe namo namaḥ |
sampannāyai kumāryai ca sarvajñe te namo namaḥ || 12 ||
yogānārya umādevyai yogānande namo namaḥ |
divyajñāna trinetrāyai divyamūrtyai namo namaḥ || 13 ||
ardhacandrajaṭādhāri candrabimbe namo namaḥ |
candrādityajaṭādhāri candrabimbe namo namaḥ || 14 ||
aṇurūpe mahārūpe viśvarūpe namo namaḥ |
aṇimādyaṣṭasiddhāyai ānandāyai namo namaḥ || 15 ||
jñāna vijñāna rūpāyai jñānamūrte namo namaḥ |
nānāśāstra svarūpāyai nānārūpe namo namaḥ || 16 ||
padmajā padmavaṃśā ca padmarūpe namo namaḥ |
parameṣṭhyai parāmūrtyai namaste pāpanāśinī || 17 ||
mahādevyai mahākālyai mahālakṣmyai namo namaḥ |
brahmaviṣṇuśivāyai ca brahmanāryai namo namaḥ || 18 ||
kamalākarapuṣpā ca kāmarūpe namo namaḥ |
kapālikarmadīptāyai karmadāyai namo namaḥ || 19 ||
sāyaṃ prātaḥ paṭhennityaṃ ṣaṇmāsātsiddhirucyate |
coravyāghrabhayaṃ nāsti paṭhatāṃ śṛṇvatāmapi || 20 ||
itthaṃ sarasvatī stotramagastyamuni vācakam |
sarvasiddhikaraṃ nṝṇāṃ sarvapāpapraṇāśanam || 21 ||
InfoLyter.in — Sacred Vedic Knowledge Portal · Free forever