📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
সরস্বতী কবচম্
Sarasvati Kavacham
Saraswati Kavacham Bengali
(ব্রহ্মবৈবর্ত মহাপুরাণান্তর্গতং)
ভৃগুরুবাচ ।
ব্রহ্মন্ব্রহ্মবিদাংশ্রেষ্ঠ ব্রহ্মজ্ঞানবিশারদ ।
60
সর্বজ্ঞ সর্বজনক সর্বপূজকপূজিত ॥ 60
সরস্বত্যাশ্চ কবচং ব্রূহি বিশ্বজযং প্রভো ।
অযাতযামমন্ত্রাণাং সমূহো যত্র সংযুতঃ ॥ 61 ॥
ব্রহ্মোবাচ ।
শৃণু বত্স প্রবক্ষ্যামি কবচং সর্বকামদম্ ।
শ্রুতিসারং শ্রুতিসুখং শ্রুত্যুক্তং শ্রুতিপূজিতম্ ॥ 62 ॥
উক্তং কৃষ্ণেন গোলোকে মহ্যং বৃন্দাবনে বনে ।
রাসেশ্বরেণ বিভুনা রাসে বৈ রাসমণ্ডলে ॥ 63 ॥
অতীব গোপনীযঞ্চ কল্পবৃক্ষসমং পরম্ ।
অশ্রুতাদ্ভুতমন্ত্রাণাং সমূহৈশ্চ সমন্বিতম্ ॥ 64 ॥
যদ্ধৃত্বা পঠনাদ্ব্রহ্মন্বুদ্ধিমাংশ্চ বৃহস্পতিঃ ।
যদ্ধৃত্বা ভগবাঞ্ছুক্রঃ সর্বদৈত্যেষু পূজিতঃ ॥ 65 ॥
পঠনাদ্ধারণাদ্বাগ্মী কবীন্দ্রো বাল্মিকী মুনিঃ ।
স্বাযম্ভুবো মনুশ্চৈব যদ্ধৃত্বা সর্বপূজিতাঃ ॥ 66 ॥
কণাদো গৌতমঃ কণ্বঃ পাণিনিঃ শাকটাযনঃ ।
গ্রন্থং চকার যদ্ধৃত্বা দক্ষঃ কাত্যাযনঃ স্বযম্ ॥ 67 ॥
ধৃত্বা বেদবিভাগঞ্চ পুরাণান্যখিলানি চ ।
চকার লীলামাত্রেণ কৃষ্ণদ্বৈপাযনঃ স্বযম্ ॥ 68 ॥
শাতাতপশ্চ সংবর্তো বসিষ্ঠশ্চ পরাশরঃ ।
যদ্ধৃত্বা পঠনাদ্গ্রন্থং যাজ্ঞবল্ক্যশ্চকার সঃ ॥ 69 ॥
ঋষ্যশৃঙ্গো ভরদ্বাজশ্চাস্তীকো দেবলস্তথা ।
জৈগীষব্যোঽথ জাবালির্যদ্ধৃত্বা সর্বপূজিতঃ ॥ 70 ॥
কবচস্যাস্য বিপ্রেন্দ্র ঋষিরেষ প্রজাপতিঃ ।
স্বযং বৃহস্পতিশ্ছন্দো দেবো রাসেশ্বরঃ প্রভুঃ ॥ 71 ॥
সর্বতত্ত্বপরিজ্ঞানে সর্বার্থেঽপি চ সাধনে ।
কবিতাসু চ সর্বাসু বিনিযোগঃ প্রকীর্তিতঃ ॥ 72 ॥
( কবচং )
ওঁ হ্রীং সরস্বত্যৈ স্বাহা শিরো মে পাতু সর্বতঃ ।
শ্রীং বাগ্দেবতাযৈ স্বাহা ভালং মে সর্বদাঽবতু ॥ 73 ॥
ওঁ হ্রীং সরস্বত্যৈ স্বাহেতি শ্রোত্রে পাতু নিরন্তরম্ ।
ওঁ শ্রীং হ্রীং ভগবত্যৈ সরস্বত্যৈ স্বাহা নেত্রযুগ্মং সদাঽবতু ॥ 74 ॥
ঐং হ্রীং বাগ্বাদিন্যৈ স্বাহা নাসাং মে সর্বদাঽবতু ।
হ্রীং বিদ্যাধিষ্ঠাতৃদেব্যৈ স্বাহা চোংষ্ঠ সদাঽবতু ॥ 75 ॥
ওঁ শ্রীং হ্রীং ব্রাহ্ম্যৈ স্বাহেতি দন্তপঙ্ক্তিং সদাঽবতু ।
ঐমিত্যেকাক্ষরো মন্ত্রো মম কণ্ঠং সদাঽবতু ॥ 76 ॥
ওঁ শ্রীং হ্রীং পাতু মে গ্রীবাং স্কন্ধং মে শ্রীং সদাঽবতু ।
ওঁ হ্রীং বিদ্যাধিষ্ঠাতৃদেব্যৈ স্বাহা বক্ষঃ সদাঽবতু ॥ 77 ॥
ওঁ হ্রীং বিদ্যাস্বরূপাযৈ স্বাহা মে পাতু নাভিকাম্ ।
ওঁ হ্রীং ক্লীং বাণ্যৈ স্বাহেতি মম পৃষ্ঠং সদাঽবতু ॥ 78 ॥
ওঁ সর্ববর্ণাত্মিকাযৈ পাদযুগ্মং সদাঽবতু ।
ওঁ রাগাধিষ্ঠাতৃদেব্যৈ সর্বাঙ্গং মে সদাঽবতু ॥ 79 ॥
ওঁ সর্বকণ্ঠবাসিন্যৈ স্বাহা প্রচ্যাং সদাঽবতু ।
ওঁ হ্রীং জিহ্বাগ্রবাসিন্যৈ স্বাহাঽগ্নিদিশি রক্ষতু ॥ 80 ॥
ওঁ ঐং হ্রীং শ্রীং সরস্বত্যৈ বুধজনন্যৈ স্বাহা ।
সততং মন্ত্ররাজোঽযং দক্ষিণে মাং সদাঽবতু ॥ 81 ॥
ওঁ হ্রীং শ্রীং ত্র্যক্ষরো মন্ত্রো নৈরৃত্যাং মে সদাঽবতু ।
কবিজিহ্বাগ্রবাসিন্যৈ স্বাহা মাং বারুণেঽবতু ॥ 82 ॥
ওঁ সদম্বিকাযৈ স্বাহা বাযব্যে মাং সদাঽবতু ।
ওঁ গদ্যপদ্যবাসিন্যৈ স্বাহা মামুত্তরেঽবতু ॥ 83 ॥
ওঁ সর্বশাস্ত্রবাসিন্যৈ স্বাহৈশান্যাং সদাঽবতু ।
ওঁ হ্রীং সর্বপূজিতাযৈ স্বাহা চোর্ধ্বং সদাঽবতু ॥ 84 ॥
ঐং হ্রীং পুস্তকবাসিন্যৈ স্বাহাঽধো মাং সদাবতু ।
ওঁ গ্রন্থবীজরূপাযৈ স্বাহা মাং সর্বতোঽবতু ॥ 85 ॥
ইতি তে কথিতং বিপ্র সর্বমন্ত্রৌঘবিগ্রহম্ ।
ইদং বিশ্বজযং নাম কবচং ব্রহ্মারূপকম্ ॥ 86 ॥
পুরা শ্রুতং ধর্মবক্ত্রাত্পর্বতে গন্ধমাদনে ।
তব স্নেহান্মযাঽঽখ্যাতং প্রবক্তব্যং ন কস্যচিত্ ॥ 87 ॥
গুরুমভ্যর্চ্য বিধিবদ্বস্ত্রালঙ্কারচন্দনৈঃ ।
প্রণম্য দণ্ডবদ্ভূমৌ কবচং ধারযেত্সুধীঃ ॥ 88 ॥
পঞ্চলক্ষজপেনৈব সিদ্ধং তু কবচং ভবেত্ ।
যদি স্যাত্সিদ্ধকবচো বৃহস্পতি সমো ভবেত্ ॥ 89 ॥
মহাবাগ্মী কবীন্দ্রশ্চ ত্রৈলোক্যবিজযী ভবেত্ ।
শক্নোতি সর্বং জেতুং স কবচস্য প্রভাবতঃ ॥ 90 ॥
ইদং তে কাণ্বশাখোক্তং কথিতং কবচং মুনে ।
স্তোত্রং পূজাবিধানং চ ধ্যানং বৈ বন্দনং তথা ॥ 91 ॥
ইতি শ্রী ব্রহ্মবৈবর্তে মহাপুরাণে প্রকৃতিখণ্ডে নারদনারাযণসংবাদে সরস্বতীকবচং নাম চতুর্থোঽধ্যাযঃ ।
Roman (IAST) Transliteration
(brahmavaivarta mahāpurāṇāntargataṃ)
bhṛguruvāca |
brahmanbrahmavidāṃśreṣṭha brahmajñānaviśārada |
sarvajña sarvajanaka sarvapūjakapūjita || 60
sarasvatyāśca kavacaṃ brūhi viśvajayaṃ prabho |
ayātayāmamantrāṇāṃ samūho yatra saṃyutaḥ || 61 ||
brahmovāca |
śṛṇu vatsa pravakṣyāmi kavacaṃ sarvakāmadam |
śrutisāraṃ śrutisukhaṃ śrutyuktaṃ śrutipūjitam || 62 ||
uktaṃ kṛṣṇena goloke mahyaṃ vṛndāvane vane |
rāseśvareṇa vibhunā rāse vai rāsamaṇḍale || 63 ||
atīva gopanīyañca kalpavṛkṣasamaṃ param |
aśrutādbhutamantrāṇāṃ samūhaiśca samanvitam || 64 ||
yaddhṛtvā paṭhanādbrahmanbuddhimāṃśca bṛhaspatiḥ |
yaddhṛtvā bhagavāñchukraḥ sarvadaityeṣu pūjitaḥ || 65 ||
paṭhanāddhāraṇādvāgmī kavīndro vālmikī muniḥ |
svāyambhuvo manuścaiva yaddhṛtvā sarvapūjitāḥ || 66 ||
kaṇādo gautamaḥ kaṇvaḥ pāṇiniḥ śākaṭāyanaḥ |
granthaṃ cakāra yaddhṛtvā dakṣaḥ kātyāyanaḥ svayam || 67 ||
dhṛtvā vedavibhāgañca purāṇānyakhilāni ca |
cakāra līlāmātreṇa kṛṣṇadvaipāyanaḥ svayam || 68 ||
śātātapaśca saṃvarto vasiṣṭhaśca parāśaraḥ |
yaddhṛtvā paṭhanādgranthaṃ yājñavalkyaścakāra saḥ || 69 ||
ṛṣyaśṛṅgo bharadvājaścāstīko devalastathā |
jaigīṣavyo'tha jābāliryaddhṛtvā sarvapūjitaḥ || 70 ||
kavacasyāsya viprendra ṛṣireṣa prajāpatiḥ |
svayaṃ bṛhaspatiśchando devo rāseśvaraḥ prabhuḥ || 71 ||
sarvatattvaparijñāne sarvārthe'pi ca sādhane |
kavitāsu ca sarvāsu viniyogaḥ prakīrtitaḥ || 72 ||
( kavacaṃ )
oṃ hrīṃ sarasvatyai svāhā śiro me pātu sarvataḥ |
śrīṃ vāgdevatāyai svāhā bhālaṃ me sarvadā'vatu || 73 ||
oṃ hrīṃ sarasvatyai svāheti śrotre pātu nirantaram |
oṃ śrīṃ hrīṃ bhagavatyai sarasvatyai svāhā netrayugmaṃ sadā'vatu || 74 ||
aiṃ hrīṃ vāgvādinyai svāhā nāsāṃ me sarvadā'vatu |
hrīṃ vidyādhiṣṭhātṛdevyai svāhā coṃṣṭha sadā'vatu || 75 ||
oṃ śrīṃ hrīṃ brāhmyai svāheti dantapaṅktiṃ sadā'vatu |
aimityekākṣaro mantro mama kaṇṭhaṃ sadā'vatu || 76 ||
oṃ śrīṃ hrīṃ pātu me grīvāṃ skandhaṃ me śrīṃ sadā'vatu |
oṃ hrīṃ vidyādhiṣṭhātṛdevyai svāhā vakṣaḥ sadā'vatu || 77 ||
oṃ hrīṃ vidyāsvarūpāyai svāhā me pātu nābhikām |
oṃ hrīṃ klīṃ vāṇyai svāheti mama pṛṣṭhaṃ sadā'vatu || 78 ||
oṃ sarvavarṇātmikāyai pādayugmaṃ sadā'vatu |
oṃ rāgādhiṣṭhātṛdevyai sarvāṅgaṃ me sadā'vatu || 79 ||
oṃ sarvakaṇṭhavāsinyai svāhā pracyāṃ sadā'vatu |
oṃ hrīṃ jihvāgravāsinyai svāhā'gnidiśi rakṣatu || 80 ||
oṃ aiṃ hrīṃ śrīṃ sarasvatyai budhajananyai svāhā |
satataṃ mantrarājo'yaṃ dakṣiṇe māṃ sadā'vatu || 81 ||
oṃ hrīṃ śrīṃ tryakṣaro mantro nairṛtyāṃ me sadā'vatu |
kavijihvāgravāsinyai svāhā māṃ vāruṇe'vatu || 82 ||
oṃ sadambikāyai svāhā vāyavye māṃ sadā'vatu |
oṃ gadyapadyavāsinyai svāhā māmuttare'vatu || 83 ||
oṃ sarvaśāstravāsinyai svāhaiśānyāṃ sadā'vatu |
oṃ hrīṃ sarvapūjitāyai svāhā cordhvaṃ sadā'vatu || 84 ||
aiṃ hrīṃ pustakavāsinyai svāhā'dho māṃ sadāvatu |
oṃ granthabījarūpāyai svāhā māṃ sarvato'vatu || 85 ||
iti te kathitaṃ vipra sarvamantraughavigraham |
idaṃ viśvajayaṃ nāma kavacaṃ brahmārūpakam || 86 ||
purā śrutaṃ dharmavaktrātparvate gandhamādane |
tava snehānmayā''khyātaṃ pravaktavyaṃ na kasyacit || 87 ||
gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṃ dhārayetsudhīḥ || 88 ||
pañcalakṣajapenaiva siddhaṃ tu kavacaṃ bhavet |
yadi syātsiddhakavaco bṛhaspati samo bhavet || 89 ||
mahāvāgmī kavīndraśca trailokyavijayī bhavet |
śaknoti sarvaṃ jetuṃ sa kavacasya prabhāvataḥ || 90 ||
idaṃ te kāṇvaśākhoktaṃ kathitaṃ kavacaṃ mune |
stotraṃ pūjāvidhānaṃ ca dhyānaṃ vai vandanaṃ tathā || 91 ||
iti śrī brahmavaivarte mahāpurāṇe prakṛtikhaṇḍe nāradanārāyaṇasaṃvāde sarasvatīkavacaṃ nāma caturtho'dhyāyaḥ |
InfoLyter.in — Sacred Vedic Knowledge Portal · Free forever