Prashnopanishad - Prathamah Prashnah

ॐ

প্রশ্নোপনিষদ্ - প্রথমঃ প্রশ্নঃ

Bengali

প্রথমঃ প্রশ্নঃ

ও-ন্নমঃ পরমাত্মনে । হরিঃ ওম্ ॥

সুকেশা চ ভারদ্বাজ-শ্শৈব্যশ্চ সত্যকাম-স্সৌর্যাযণী চ গার্গ্যঃ কৌসল্যশ্চাশ্বলাযনো ভার্গবো বৈদর্ভিঃ কবন্ধী কাত্যাযনস্তে হৈতে ব্রহ্মপরা ব্রহ্মনিষ্ঠাঃ পর-ম্ব্রহ্মান্বেষমাণাঃ এষ হ বৈ তত্সর্বং-বঁক্ষ্যতীতি তে হ সমিত্পাণযো ভগবন্ত-ম্পিপ্পলাদমুপসন্নাঃ ॥1॥

তান্ হ স ঋষিরুবাচ ভূয এব তপসা ব্রহ্মচর্যেণ শ্রদ্ধযা সংবঁত্সরং সংবঁত্স্যথ যথাকাম-ম্প্রশ্না-ন্পৃচ্ছত যদি বিজ্ঞাস্যাম-স্সর্বং হ বো বক্ষাম ইতি ॥2॥

অথ কবন্ধী কাত্যাযন উপেত্য পপ্রচ্ছ ভগবন্ কুতো হ বা ইমাঃ প্রজাঃ প্রজাযন্ত ইতি ॥3॥

তস্মৈ স হোবাচ-

প্রজাকামো বৈ প্রজাপতি-স্স তপো-ঽতপ্যত স তপস্তপ্ত্বা স মিথুনমুত্পাদযতে।

রযি-ঞ্চ প্রাণঞ্চেতি এতৌ মে বহুধা প্রজাঃ করিষ্যত ইতি ॥4॥

আদিত্যো হ বৈ প্রাণো রযিরেব চন্দ্রমাঃ রযির্বা এত-থ্সর্বং-যঁন্মূর্ত-ঞ্চামূর্ত-ঞ্চ তস্মান্মূর্তিরেব রযিঃ ॥5॥

অথাদিত্য উদযন্ য-ত্প্রাচী-ন্দিশ-ম্প্রবিশতি তেন প্রাচ্যা-ন্প্রাণা-ন্রশ্মিষু সন্নিধত্তে।

যদ্দক্ষিণাং-যঁ-ত্প্রতীচীং-যঁদুদীচীং-যঁদধো যদূর্ধ্বং-যঁদন্তরা দিশো যত্সর্ব-ম্প্রকাশযতি তেন সর্বা-ন্প্রাণা-ন্রশ্মিষু সন্নিধত্তে ॥6॥

স এষ বৈশ্বানরো বিশ্বরুপঃ প্রাণো-ঽগ্নিরুদযতে।

তদেতদ্ ঋচা-ঽভ্যুক্তম্ ॥7॥

বিশ্বরূপং হরিণ-ঞ্জাতবেদস-ম্পরাযণ-ঞ্জ্যোতিরেক-ন্তপন্তম্।

সহস্ররশ্মি-শ্শতধা বর্তমানঃ প্রাণঃ প্রজানামুদযত্যেষ সূর্যঃ ॥8॥

সংবঁত্সরো বৈ প্রজাপতি-স্স্তস্যাযনে দক্ষিণঞ্চোত্তর-ঞ্চ।

তদ্যে হ বৈ তদিষ্টাপূর্তে কৃতমিত্যুপাসতে তে চান্দ্রমসমেব লোকমভিজযন্তে ত এব পুনরাবর্তন্তে।

তস্মাদেত ঋষযঃ প্রজাকামা দক্ষিণ-ম্প্রতিপদ্যন্তে। এষ হ বৈ রযির্যঃ পিতৃযাণঃ ॥9॥

অথোত্তরেণ তপসা ব্রহ্মচর্যেণ শ্রদ্ধযা বিদ্যযাত্মানমন্বিষ্যাদিত্যমভিজযন্তে।

এতদ্বৈ প্রাণানামাযতনমেতদমৃতমভযমেত-ত্পরাযণমেতস্মান্ন পুনরাবর্তন্ত ইত্যেষ নিরোধঃ। তদেষ শ্লোকঃ ॥10॥

পঞ্চপাদ-ম্পিতর-ন্দ্বাদশাকৃতি-ন্দিব আহুঃ পরে অর্ধে পুরীষিণম্।

অথেমে অন্য উ পরে বিচক্ষণং সপ্তচক্রে ষডর আহুরর্পিতমিতি ॥11॥

মাসো বৈ প্রজাপতিস্তস্য কৃষ্ণপক্শ এব রযি-শ্শুক্লঃ প্রণস্তস্মাদেত ঋষয-শ্শুক্ল ইষ্ট-ঙ্কুর্বন্তীতর ইতরস্মিন্ন্ ॥12॥

অহোরাত্রো বৈ প্রজাপতিস্তস্যাহরেব প্রাণো রাত্রিরেব রযিঃ।

প্রাণং-বাঁ এতে প্রস্কন্দন্তি যে দিবা রত্যা সংযুঁজ্যন্তে ব্রহ্মচর্যমেব তদ্যদ্রাত্রৌ রত্যা সংযুঁজ্যন্তে ॥13॥

অন্নং-বৈঁ প্রজাপতিস্ততো হ বৈ তদ্রেতস্তস্মাদিমাঃ প্রজাঃ প্রজাযন্ত ইতি ॥14॥

তদ্যে হ বৈ তত্প্রজাপতিব্রত-ঞ্চরন্তি তে মিথুনমুত্পাদযন্তে।

তেষামেবৈষ ব্রহ্মলোকো যেষা-ন্তপো ব্রহ্মচর্যং-যেঁষু সত্য-ম্প্রতিষ্ঠিতম্ ॥15॥

তেষামসৌ বিরজো ব্রহ্মলোকো ন যেষু জিহ্মমনৃত-ন্ন মাযা চেতি ॥16॥

Roman (IAST) Transliteration

prathamaḥ praśnaḥ

o-nnamaḥ paramātmane | hariḥ om ||

sukeśā ca bhāradvāja-śśaibyaśca satyakāma-ssauryāyaṇī ca gārgyaḥ kausalyaścāśvalāyano bhārgavo vaidarbhiḥ kabandhī kātyāyanaste haite brahmaparā brahmaniṣṭhāḥ para-mbrahmānveṣamāṇāḥ eṣa ha vai tatsarvaṃ-va~kṣyatīti te ha samitpāṇayo bhagavanta-mpippalādamupasannāḥ ||1||

tān ha sa ṛṣiruvāca bhūya eva tapasā brahmacaryeṇa śraddhayā saṃva~tsaraṃ saṃva~tsyatha yathākāma-mpraśnā-npṛcchata yadi vijñāsyāma-ssarvaṃ ha vo vakṣāma iti ||2||

atha kabandhī kātyāyana upetya papraccha bhagavan kuto ha vā imāḥ prajāḥ prajāyanta iti ||3||

tasmai sa hovāca-

prajākāmo vai prajāpati-ssa tapo-'tapyata sa tapastaptvā sa mithunamutpādayate|

rayi-ñca prāṇañceti etau me bahudhā prajāḥ kariṣyata iti ||4||

ādityo ha vai prāṇo rayireva candramāḥ rayirvā eta-thsarvaṃ-ya~nmūrta-ñcāmūrta-ñca tasmānmūrtireva rayiḥ ||5||

athāditya udayan ya-tprācī-ndiśa-mpraviśati tena prācyā-nprāṇā-nraśmiṣu sannidhatte|

yaddakṣiṇāṃ-ya~-tpratīcīṃ-ya~dudīcīṃ-ya~dadho yadūrdhvaṃ-ya~dantarā diśo yatsarva-mprakāśayati tena sarvā-nprāṇā-nraśmiṣu sannidhatte ||6||

sa eṣa vaiśvānaro viśvarupaḥ prāṇo-'gnirudayate|

tadetad ṛcā-'bhyuktam ||7||

viśvarūpaṃ hariṇa-ñjātavedasa-mparāyaṇa-ñjyotireka-ntapantam|

sahasraraśmi-śśatadhā vartamānaḥ prāṇaḥ prajānāmudayatyeṣa sūryaḥ ||8||

saṃva~tsaro vai prajāpati-sstasyāyane dakṣiṇañcottara-ñca|

tadye ha vai tadiṣṭāpūrte kṛtamityupāsate te cāndramasameva lokamabhijayante ta eva punarāvartante|

tasmādeta ṛṣayaḥ prajākāmā dakṣiṇa-mpratipadyante| eṣa ha vai rayiryaḥ pitṛyāṇaḥ ||9||

athottareṇa tapasā brahmacaryeṇa śraddhayā vidyayātmānamanviṣyādityamabhijayante|

etadvai prāṇānāmāyatanametadamṛtamabhayameta-tparāyaṇametasmānna punarāvartanta ityeṣa nirodhaḥ| tadeṣa ślokaḥ ||10||

pañcapāda-mpitara-ndvādaśākṛti-ndiva āhuḥ pare ardhe purīṣiṇam|

atheme anya u pare vicakṣaṇaṃ saptacakre ṣaḍara āhurarpitamiti ||11||

māso vai prajāpatistasya kṛṣṇapakśa eva rayi-śśuklaḥ praṇastasmādeta ṛṣaya-śśukla iṣṭa-ṅkurvantītara itarasminn ||12||

ahorātro vai prajāpatistasyāhareva prāṇo rātrireva rayiḥ|

prāṇaṃ-vā~ ete praskandanti ye divā ratyā saṃyu~jyante brahmacaryameva tadyadrātrau ratyā saṃyu~jyante ||13||

annaṃ-vai~ prajāpatistato ha vai tadretastasmādimāḥ prajāḥ prajāyanta iti ||14||

tadye ha vai tatprajāpativrata-ñcaranti te mithunamutpādayante|

teṣāmevaiṣa brahmaloko yeṣā-ntapo brahmacaryaṃ-ye~ṣu satya-mpratiṣṭhitam ||15||

teṣāmasau virajo brahmaloko na yeṣu jihmamanṛta-nna māyā ceti ||16||