Maha Ganapati Mula Mantrah (pada Mala Stotram)

ॐ

মহা গণপতি মূল মন্ত্রাঃ (পাদ মালা স্তোত্রম্)

Ganesha Stotram Bengali

॥ মূলমন্ত্রম্ ॥

॥ ওঁ হ্রীং শ্রীং ক্লীং গ্লৌং গং গণপতযে বরবরদ

সর্বজনং মে বশমানয স্বাহা ॥

॥ অথ স্তোত্রম্॥

ওঁ ইত্যেতদজস্য কণ্ঠবিবরং ভিত্বা বহির্নির্গতং

হ্যোমিত্যেব সমস্তকর্ম ঋষিভিঃ প্রারভ্যতে মানুষৈঃ ।

ওমিত্যেব সদা জপন্তি যতযঃ স্বাতমৈকনিষ্ঠাঃ পরং

হ্যোঙ্কারাকৃতিবক্ত্রমিন্দুনিটিলং বিঘ্নেশ্বরং ভবাযে ॥ 1॥

শ্রীম্বীজং শ্রমদুঃখজন্মমরণব্যাধ্যাধিভীনাশকং

মৃত্যুক্রোধনশান্তিবিন্দুবিলসদ্বর্ণাকৃতিশ্রীপ্রদম্ ।

স্বান্তঃস্বাত্মশরস্য লক্ষ্যমজরস্বাত্মাববোধপ্রদং

শ্রীশ্রীনাযকসেবিতে ভবদনপ্রেমাস্পদং ভাবযে ॥ 2॥

হ্রীম্বীজং হৃদযত্রিকোণবিলসন্মধ্যাসনস্থং সদা

চাকাশানলবামলোচননিশানাথার্ধবর্ণাত্মকম্ ।

মাযাকার্যজগত্প্রকাশকমুমারূপং স্বশক্তিপ্রদং

মাযাতীতপদপ্রদং হৃদি ভজে লোকেশ্বরারাধিতম্ ॥ 3॥

ক্লীম্বীজং কলিধাতুবত্কলযতাং সর্বেষ্টদং দেহিনাং

ধাতৃক্ষ্মাযুতশান্তিবিন্দুবিলসদ্বর্ণাত্মকং কামদম্ ।

শ্রীকৃষ্ণপ্রিযমিন্দিরাসুতমনঃপ্রীত্যেকহেতুং পরং

হৃত্পদ্মে কলযে সদা কলিহরং কালারিপুত্রপ্রিযম্ ॥ 4॥

গ্লৌম্বীজং গুণরূপনির্গুণপরব্রহ্মাদিশক্তের্মহা-

হঙ্কারাকৃতিদণ্ডিনীপ্রিযমজশ্রীনাথরুদ্রেষ্টদম্ ।

সর্বাকর্ষিণিদেবরাজভুবনার্ণেন্দ্বাত্মকং শ্রীকরং

চিত্তে বিঘ্ননিবারণায গিরিজজাতপ্রিযং ভাবযে ॥ 5॥

গঙ্গাসুতং গন্ধমুখোপচারপ্রিযং খগারোহণভাগিনেযম্ ।

গঙ্গাসুতাদ্যং বরগন্ধতত্ত্বমূলাম্বুজস্থং হৃদি ভাবযেঽহম্ ॥ 6॥

গণপতযে বরগুণনিধযে সুরগণপতযে নতজনততযে ।

মণিগণভূষিতচরণযুগাশ্রিতমলহরণে চণ তে নমঃ ॥ 7॥

বরাভযে মোদকমেকদন্তং করাম্বুজাতৈঃ সততং ধরন্তম্ ।

বরাঙ্গচন্দ্রং পরভক্তিসান্দ্রৈর্জনৈর্ভজন্তং কলযে সদাঽন্তঃ ॥ 8॥

বরদ নতজনানাং সন্ততং বক্রতুণ্ড

স্বরমযনিজগাত্র স্বাত্মবোধৈকহেতো ।

করলসদমৃতাম্ভোপূর্ণপত্রাদ্য মহ্যং

গরগলসুত শীঘ্রং দেহি মদ্বোধমীড্যম্ ॥ 9॥

সর্বজনং পরিপালয শর্বজ

পর্বসুধাকরগর্বহর ।

পর্বতনাথসুতাসুত পালয

খর্বং মা কুরু দীনমিমম্ ॥ 10 ॥

মেদোঽস্থিমাংসরুধিরান্ত্রমযে শরীরে

মেদিন্যবগ্নিমরুদম্বরলাস্যমানে ।

মে দারুণং মদমুখাঘমুমাজ হৃত্বা

মেধাহ্বযাসনবরে বস দন্তিবক্ত্র ॥ 11॥

বশং কুরু ত্বং শিবজাত মাং তে বশীকৃতাশেষসমস্তলোক ।

বসার্ণসংশোভিতমূলপদ্মলসচ্ছ্রিযাঽলিঙ্তবারণাস্য ॥ 12॥

আনযাশুপদবারিজান্তিকং মাং নযাদিগুণবর্জিতং তব ।

হানিহীনপদজামৃতস্য তে পানযোগ্যমিভবক্ত্র মাং কুরু ॥ 13॥

স্বাহাস্বরূপেণ বিরাজসে ত্বং সুধাশনানাং প্রিযকর্মণীড্যম্ ।

স্বধাস্বরূপেণ তু পিত্র্যকর্মণ্যুমাসুতেজ্যামযবিশ্বমূর্তে ॥ 14॥

অষ্টাবিংশতিবর্ণপত্রলসিতং হারং গণেশপ্রিযং

কষ্টাঽনিষ্টহরং চতুর্দশপদৈঃ পুষ্পৈর্মনোহারকম্ ।

তুষ্ট্যাদিপ্রদসদ্গুরুত্তমপদাম্ভোজে চিদানন্দদং

শিষ্টেষ্টোঽহমনন্তসূত্রহৃদযাঽঽবদ্ধং সুভক্ত্যাঽর্পযে ॥ 15॥

॥ ইতি শ্রীঅনন্তানন্দকৃতং শ্রীগুরুচিদানন্দনাথসমর্পিতং

শ্রীমহাগণপতিমূলমন্ত্রমালাস্তোত্রম্ ॥

Roman (IAST) Transliteration

|| mūlamantram ||

|| oṃ hrīṃ śrīṃ klīṃ glauṃ gaṃ gaṇapataye varavarada

sarvajanaṃ me vaśamānaya svāhā ||

|| atha stotram||

oṃ ityetadajasya kaṇṭhavivaraṃ bhitvā bahirnirgataṃ

hyomityeva samastakarma ṛṣibhiḥ prārabhyate mānuṣaiḥ |

omityeva sadā japanti yatayaḥ svātamaikaniṣṭhāḥ paraṃ

hyoṅkārākṛtivaktraminduniṭilaṃ vighneśvaraṃ bhavāye || 1||

śrīmbījaṃ śramaduḥkhajanmamaraṇavyādhyādhibhīnāśakaṃ

mṛtyukrodhanaśāntibinduvilasadvarṇākṛtiśrīpradam |

svāntaḥsvātmaśarasya lakṣyamajarasvātmāvabodhapradaṃ

śrīśrīnāyakasevite bhavadanapremāspadaṃ bhāvaye || 2||

hrīmbījaṃ hṛdayatrikoṇavilasanmadhyāsanasthaṃ sadā

cākāśānalavāmalocananiśānāthārdhavarṇātmakam |

māyākāryajagatprakāśakamumārūpaṃ svaśaktipradaṃ

māyātītapadapradaṃ hṛdi bhaje lokeśvarārādhitam || 3||

klīmbījaṃ kalidhātuvatkalayatāṃ sarveṣṭadaṃ dehināṃ

dhātṛkṣmāyutaśāntibinduvilasadvarṇātmakaṃ kāmadam |

śrīkṛṣṇapriyamindirāsutamanaḥprītyekahetuṃ paraṃ

hṛtpadme kalaye sadā kaliharaṃ kālāriputrapriyam || 4||

glaumbījaṃ guṇarūpanirguṇaparabrahmādiśaktermahā-

haṅkārākṛtidaṇḍinīpriyamajaśrīnātharudreṣṭadam |

sarvākarṣiṇidevarājabhuvanārṇendvātmakaṃ śrīkaraṃ

citte vighnanivāraṇāya girijajātapriyaṃ bhāvaye || 5||

gaṅgāsutaṃ gandhamukhopacārapriyaṃ khagārohaṇabhāgineyam |

gaṅgāsutādyaṃ varagandhatattvamūlāmbujasthaṃ hṛdi bhāvaye'ham || 6||

gaṇapataye varaguṇanidhaye suragaṇapataye natajanatataye |

maṇigaṇabhūṣitacaraṇayugāśritamalaharaṇe caṇa te namaḥ || 7||

varābhaye modakamekadantaṃ karāmbujātaiḥ satataṃ dharantam |

varāṅgacandraṃ parabhaktisāndrairjanairbhajantaṃ kalaye sadā'ntaḥ || 8||

varada natajanānāṃ santataṃ vakratuṇḍa

svaramayanijagātra svātmabodhaikaheto |

karalasadamṛtāmbhopūrṇapatrādya mahyaṃ

garagalasuta śīghraṃ dehi madbodhamīḍyam || 9||

sarvajanaṃ paripālaya śarvaja

parvasudhākaragarvahara |

parvatanāthasutāsuta pālaya

kharvaṃ mā kuru dīnamimam || 10 ||

medo'sthimāṃsarudhirāntramaye śarīre

medinyabagnimarudambaralāsyamāne |

me dāruṇaṃ madamukhāghamumāja hṛtvā

medhāhvayāsanavare vasa dantivaktra || 11||

vaśaṃ kuru tvaṃ śivajāta māṃ te vaśīkṛtāśeṣasamastaloka |

vasārṇasaṃśobhitamūlapadmalasacchriyā'liṅtavāraṇāsya || 12||

ānayāśupadavārijāntikaṃ māṃ nayādiguṇavarjitaṃ tava |

hānihīnapadajāmṛtasya te pānayogyamibhavaktra māṃ kuru || 13||

svāhāsvarūpeṇa virājase tvaṃ sudhāśanānāṃ priyakarmaṇīḍyam |

svadhāsvarūpeṇa tu pitryakarmaṇyumāsutejyāmayaviśvamūrte || 14||

aṣṭāviṃśativarṇapatralasitaṃ hāraṃ gaṇeśapriyaṃ

kaṣṭā'niṣṭaharaṃ caturdaśapadaiḥ puṣpairmanohārakam |

tuṣṭyādipradasadguruttamapadāmbhoje cidānandadaṃ

śiṣṭeṣṭo'hamanantasūtrahṛdayā''baddhaṃ subhaktyā'rpaye || 15||

|| iti śrīanantānandakṛtaṃ śrīgurucidānandanāthasamarpitaṃ

śrīmahāgaṇapatimūlamantramālāstotram ||