1.5 - Nakshatreshtikandam - Krishna Yajurveda Taittiriya Brahmana Pathah - Agneh Krittikah

ॐ

1.5 - নক্ষত্রেষ্টিকাণ্ডম্ - কৃষ্ণ যজুর্বেদ তৈত্তিরীয ব্রাহ্মণ পাঠঃ - অগ্নেঃ কৃত্তিকাঃ

Krishna Vedic Bengali

কৃষ্ণ যজুর্বেদীয তৈত্তিরীয ব্রাহ্মণে প্রথমাষ্টকে পঞ্চমঃ প্রপাঠকঃ - নক্ষত্রেষ্টিকাণ্ডম্

ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হ॒রিঃ॒ ওম্ ॥

অনুবাকং 1 - নক্ষত্রেষ্টকামন্ত্রাঃ, বিকৃতিরূপচযনগতাঃ

অ॒গ্নেঃ কৃত্তি॑কাঃ । শু॒ক্র-ম্প॒রস্তা॒-জ্জ্যোতি॑-র॒বস্তা᳚ত্ ॥ প্র॒জাপ॑তে রোহি॒ণী । আপঃ॑ প॒রস্তা॒দোষ॑ধযো॒ ঽবস্তা᳚ত্ ॥ সোম॑স্যেন্ব॒কা বিত॑তানি । প॒রস্তা॒দ্বয॑ন্তো॒ ঽবস্তা᳚ত্ ॥ রু॒দ্রস্য॑ বা॒হূ । মৃ॒গ॒যবঃ॑ প॒রস্তা᳚দ্বিক্ষা॒রো॑-ঽবস্তা᳚ত্ ॥ অদি॑ত্যৈ॒ পুন॑র্বসূ । বাতঃ॑ প॒রস্তা॑দা॒র্দ্র-ম॒বস্তা᳚ত্ ॥ 1 ॥

বৃহ॒স্পতে᳚স্তি॒ষ্যঃ॑ । জুহ্ব॑তঃ প॒রস্তা॒-দ্যজ॑মানা অ॒বস্তা᳚ত্ ॥ স॒র্পাণা॑-মাশ্রে॒ষাঃ । অ॒ভ্যা॒গচ্ছ॑ন্তঃ প॒রস্তা॑দভ্যা॒নৃত্য॑ন্তো॒-ঽবস্তা᳚ত্ ॥ পি॒তৃ॒ণা-ম্ম॒ঘাঃ । রু॒দন্তঃ॑ প॒রস্তা॑দপভ্র॒গ্ং॒শো॑-ঽবস্তা᳚ত্ ॥ অ॒র্য॒ম্ণঃ পূর্বে॒ ফল্গু॑নী । জা॒যা প॒রস্তা॑দৃষ॒ভো॑-ঽবস্তা᳚ত্ ॥ ভগ॒স্যোত্ত॑রে । ব॒হ॒তবঃ॑ প॒রস্তা॒দ্বহ॑মানা অ॒বস্তা᳚ত্ ॥ 2 ॥

দে॒বস্য॑ সবি॒তুর্-হস্তঃ॑ । প্র॒স॒বঃ প॒রস্তা᳚-থ্স॒নির॒বস্তা᳚ত্ ॥ ইন্দ্র॑স্য চি॒ত্রা । ঋ॒ত-ম্প॒রস্তা᳚-থ্স॒ত্য-ম॒বস্তা᳚ত্ ॥ বা॒যো-র্নিষ্ট্যা᳚ ব্র॒ততিঃ॑ । প॒রস্তা॒-দসি॑দ্ধি-র॒বস্তা᳚ত্ ॥ ই॒ন্দ্রা॒গ্নি॒যো-র্বিশা॑খে । যু॒গানি॑ প॒রস্তা᳚ত্-কৃ॒ষমা॑ণা অ॒বস্তা᳚ত্ ॥ মি॒ত্রস্যা॑-নূরা॒ধাঃ । অ॒ভ্যা॒রোহ॑ত্-প॒রস্তা॑-দ॒ভ্যারূ॑ঢ-ম॒বস্তা᳚ত্ ॥ 3 ॥

ইন্দ্র॑স্য রোহি॒ণী । শৃ॒ণত্-প॒রস্তা᳚ত্-প্রতিশৃ॒ণ-দ॒বস্তা᳚ত্ ॥ নির্-ঋ॑ত্যৈ-মূল॒বর্হ॑ণী । প্র॒তি॒ভ॒ঞ্জন্তঃ॑ প॒রস্তা᳚ত্-প্রতিশৃ॒ণন্তো॒-ঽবস্তা᳚ত্ ॥ অ॒পা-ম্পূর্বা॑ অষা॒ঢাঃ । বর্চঃ॑ প॒রস্তা॒-থ্সমি॑তি-র॒বস্তা᳚ত্ ॥ বিশ্বে॑ষা-ন্দে॒বানা॒-মুত্ত॑রাঃ । অ॒ভি॒জয॑ত্-প॒রস্তা॑-দ॒ভিজি॑ত-ম॒বস্তা᳚ত্ ॥ বি॒ষ্ণো᳚-শ্শ্রো॒ণা পৃ॒চ্ছমা॑নাঃ । প॒রস্তা॒ত্-পন্থা॑ অ॒বস্তা᳚ত্ ॥ 4 ॥

বসূ॑না॒গ্॒ শ্রবি॑ষ্ঠাঃ । ভূ॒ত-ম্প॒রস্তা॒-দ্ভূতি॑র॒বস্তা᳚ত্ ॥ ইন্দ্র॑স্য-শ॒তভি॑ষক্ । বি॒শ্বব্য॑চাঃ প॒রস্তা᳚-দ্বি॒শ্বক্ষি॑তি-র॒বস্তা᳚ত্ ॥ অ॒জস্যৈক॑পদঃ॒ পূর্বে᳚ প্রোষ্ঠপ॒দাঃ । বৈ॒শ্বা॒ন॒র-ম্প॒রস্তা᳚-দ্বৈশ্বাবস॒ব-ম॒বস্তা᳚ত্ ॥ অহে᳚র্বু॒ধ্নিয॒-স্যোত্ত॑রে । অ॒ভি॒ষি॒ঞ্চন্তঃ॑ প॒রস্তা॑-দভিষু॒ণ্বন্তো॒-ঽবস্তা᳚ত্ ॥ পূ॒ষ্ণো রে॒বতী᳚ । গাবঃ॑ প॒রস্তা᳚-দ্ব॒থ্সা অ॒বস্তা᳚ত্ ॥ অ॒শ্বিনো॑রশ্ব॒যুজৌ᳚ । গ্রামঃ॑ প॒রস্তা॒থ্সেনা॒ ঽবস্তা᳚ত্ ॥ য॒মস্যা॑প॒ভর॑ণীঃ । অ॒প॒কর্ষ॑ন্তঃ প॒রস্তা॑-দপ॒বহ॑ন্তো॒-ঽবস্তা᳚ত্ ॥ পূ॒র্ণা প॒শ্চাদু॒ত পূ॒র্ণা পু॒রস্তা॒দুন্ম॑ধ্য॒তঃ পৌ᳚র্ণমা॒সী জি॑গায । তস্যা᳚-ন্দে॒বা অধি॑ সং॒বঁস॑ন্ত উত্ত॒মে নাক॑ ই॒হ মা॑দযন্তাম্ ॥, যত্তে॑ দে॒বা অদ॑ধু র্ভাগ॒ধেয॒মমা॑বাস্যে সং॒বঁস॑ন্তো মহি॒ত্বা । সানো॑ য॒জ্ঞ-ম্পি॑পৃহি বিশ্ববারে র॒যি-ন্নো॑ ধেহি সুভগে সু॒বীর᳚ম্ ॥ ॥ 5 ॥

(আ॒র্দ্রম॒বস্তা॒-দ্- বহ॑মানা অ॒বস্তা॑ - দ॒ভ্যারূ॑ঢম॒বস্তা॒ত্ - পন্থা॑ অ॒বস্তা᳚-দ্- ব॒থ্সা অ॒বস্তা॒-ত্পঞ্চ॑ চ) (অ. 1)

অনুবাকং 2 - কর্মানুষ্ঠানার্হঃ নক্ষত্ররূপঃ পুণ্যকালঃ

য-ত্পুণ্য॒-ন্নক্ষ॑ত্রম্ । ত-দ্ব-ট্কু॑র্বীতোপব্যু॒ষম্ । য॒দা বৈ সূর্য॑ উ॒দেতি॑ । অথ॒ নক্ষ॑ত্র॒-ন্নৈতি॑ । যাব॑তি॒ তত্র॒ সূর্যো॒ গচ্ছে᳚ত্ । যত্র॑ জঘ॒ন্য॑-ম্পশ্যে᳚ত্ । তাব॑তি কুর্বীত য-ত্কা॒রী স্যাত্ । পু॒ণ্যা॒হ এ॒ব কু॑রুতে । এ॒বগ্ং হ॒ বৈ য॒জ্ঞেষু॑-ঞ্চ শ॒তদ্যু॑ম্ন-ঞ্চ মা॒থ্স্যো নি॑রবসায॒যা-ঞ্চ॑কার ॥ 6 ॥

যো বৈ ন॑ক্ষ॒ত্রিয॑-ম্প্র॒জাপ॑তিং॒-বেঁদ॑ । উ॒ভযো॑রেনং-লোঁ॒কযো᳚র্বিদুঃ । হস্ত॑ এ॒বাস্য॒ হস্তঃ॑ । চি॒ত্রা শিরঃ॑ । নিষ্ট্যা॒ হৃদ॑যম্ । ঊ॒রূ বিশা॑খে । প্র॒তি॒ষ্ঠা ঽনূ॑রা॒ধাঃ । এ॒ষ বৈ ন॑ক্ষ॒ত্রিযঃ॑ প্র॒জাপ॑তিঃ । য এ॒বং-বেঁদ॑ । উ॒ভযো॑রেনং-লোঁ॒কযো᳚র্বিদুঃ ॥ 7 ॥

অ॒স্মিগ্গ্শ্চা॒-মুষ্মিগ্গ্॑শ্চ ॥ যা-ঙ্কা॒মযে॑ত দুহি॒তর॑-ম্প্রি॒যা স্যা॒দিতি॑ । তা-ন্নিষ্ট্যা॑যা-ন্দদ্যাত্ । প্রি॒যৈব ভ॑বতি । নেব॒ তু পুন॒রাগ॑চ্ছতি ॥ অ॒ভি॒জিন্নাম॒ নক্ষ॑ত্রম্ । উ॒পরি॑ষ্টা-দষা॒ঢানা᳚ম্ । অ॒বস্তা᳚চ্ছ্রো॒ণাযৈ᳚ । দে॒বা॒সু॒রা-স্সংযঁ॑ত্তা আসন্ন্ । তে দে॒বাস্তস্মি॒-ন্নক্ষ॑ত্রে॒-ঽভ্য॑জযন্ন্ ॥ 8 ॥

যদ॒ভ্যজ॑যন্ন্ । তদ॑ভি॒জিতো॑-ঽভিজি॒ত্ত্বম্ । য-ঙ্কা॒মযে॑তা-নপজ॒য্য-ঞ্জ॑যে॒দিতি॑ । তমে॒তস্মি॒-ন্নক্ষ॑ত্রে যাতযেত্ । অ॒ন॒প॒জ॒য্যমে॒ব জ॑যতি । পা॒পপ॑রাজিতমিব॒ তু ॥ প্র॒জাপ॑তিঃ প॒শূন॑সৃজত । তে নক্ষ॑ত্র-ন্নক্ষত্র॒-মুপা॑তিষ্ঠন্ত । তে স॒মাব॑ন্ত এ॒বাভ॑বন্ন্ । তে রে॒বতী॒-মুপা॑তিষ্ঠন্ত ॥ 9 ॥

তে রে॒বত্যা॒-ম্প্রাভ॑বন্ন্ । তস্মা᳚-দ্রে॒বত্যা᳚-ম্পশূ॒না-ঙ্কু॑র্বীত । য-ত্কিঞ্চা᳚র্বা॒চীন॒গ্ং॒ সোমা᳚ত্ । প্রৈব ভ॑বন্তি ॥ স॒লি॒লং-বাঁ ই॒দম॑ন্ত॒রাসী᳚ত্ । যদত॑রন্ন্ । ত-ত্তার॑কাণা-ন্তারক॒ত্বম্ । যো বা ই॒হ যজ॑তে । অ॒মুগ্ং সলো॒ক-ন্ন॑ক্ষতে । তন্নক্ষ॑ত্রাণা-ন্নক্ষত্র॒ত্বম্ ॥ 10 ॥

দে॒ব॒গৃ॒হা বৈ নক্ষ॑ত্রাণি । য এ॒বং-বেঁদ॑ । গৃ॒হ্যে॑ব ভ॑বতি ॥ যানি॒ বা ই॒মানি॑ পৃথি॒ব্যাশ্চি॒ত্রাণি॑ । তানি॒ নক্ষ॑ত্রাণি । তস্মা॑-দশ্লী॒লনা॑মগ্গ্-শ্চি॒ত্রে । নাব॑স্যে॒ন্ন য॑জেত । যথা॑ পাপা॒হে কু॑রু॒তে । তা॒দৃগে॒ব তত্ ॥ দে॒ব॒ন॒ক্ষ॒ত্রাণি॒ বা অ॒ন্যানি॑ ॥ 11 ॥

য॒ম॒ন॒ক্ষ॒ত্রাণ্য॒ন্যানি॑ । কৃত্তি॑কাঃ প্রথ॒মম্ । বিশা॑খে উত্ত॒মম্ । তানি॑ দেবনক্ষ॒ত্রাণি॑ । অ॒নূ॒রা॒ধাঃ প্র॑থ॒মম্ । অ॒প॒ভর॑ণী-রুত্ত॒মম্ । তানি॑ যমনক্ষ॒ত্রাণি॑ । যানি॑ দেবনক্ষ॒ত্রাণি॑ । তানি॒ দক্ষি॑ণেন॒ পরি॑যন্তি । যানি॑ যমনক্ষ॒ত্রাণি॑ ॥ 12 ॥

তান্যুত্ত॑রেণ ॥ অন্বে॑ষামরা॒থ্স্মেতি॑ । তদ॑নূরা॒ধাঃ । জ্যে॒ষ্ঠমে॑ষা-মবধি॒ষ্মেতি॑ । তজ্জ্যে᳚ষ্ঠ॒ঘ্নী । মূল॑মেষামবৃক্ষা॒মেতি॑ । ত-ন্মূ॑ল॒বর্হ॑ণী । যন্নাস॑হন্ত । তদ॑ষা॒ঢাঃ । যদশ্লো॑ণত্ ॥ 13 ॥

তচ্ছ্রো॒ণা । যদশৃ॑ণোত্ । তচ্ছ্রবি॑ষ্ঠাঃ । যচ্ছ॒ত-মভি॑ষজ্যন্ন্ । তচ্ছ॒তভি॑ষক্ । প্রো॒ষ্ঠ॒প॒দেষূদ॑যচ্ছন্ত । রে॒বত্যা॑মরবন্ত । অ॒শ্ব॒যুজো॑রযুঞ্জত । অ॒প॒ভর॑ণী॒ষ্ব পা॑বহন্ন্ । তানি॒ বা এ॒তানি॑ যমনক্ষ॒ত্রাণি॑ ॥ যান্যে॒ব দে॑বনক্ষ॒ত্রাণি॑ । তেষু॑ কুর্বীত যত্কা॒রী স্যাত্ । পু॒ণ্যা॒হ এ॒ব কু॑রুতে ॥ 14 ॥

(চ॒কা॒ - রৈ॒বং-বেঁদো॒ভযো॑ রেনং-লোঁ॒কযো᳚র্বিদু - রজযন্ - রে॒বতী॒মুপা॑তিষ্ঠন্ত - নক্ষত্র॒ত্ব - ম॒ন্যানি॒ - যানি॑ যমনক্ষ॒ত্রা - ণ্যশ্লো॑ণ--দ্যমনক্ষ॒ত্রাণি॒ ত্রীণি॑ চ) (অ. 2)

অনুবাকং 3 - কর্মানুষ্ঠানার্হঃ দিবসভাগরূপঃ হেযোপাদেযকাল বিভাগঃ

দে॒বস্য॑ সবি॒তুঃ প্রা॒তঃ প্র॑স॒বঃ প্রা॒ণঃ । বরু॑ণস্য সা॒যমা॑স॒বো॑-ঽপা॒নঃ ॥ য-ত্প্র॑তী॒চীন॑-ম্প্রাত॒স্তনা᳚ত্ । প্রা॒চীনগ্ং॑ সঙ্গ॒বাত্ । ততো॑ দে॒বা অ॑গ্নিষ্টো॒ম-ন্নির॑মিমত । তত্-তদাত্ত॑বীর্য-ন্নির্মা॒র্গঃ ॥ মি॒ত্রস্য॑ সঙ্গ॒বঃ । তত্-পুণ্য॑-ন্তেজ॒স্ব্যহঃ॑ ।

তস্মা॒ত্তর্হি॑ প॒শবঃ॑ স॒মায॑ন্তি ॥ য-ত্প্র॑তী॒চীনগ্ং॑ সঙ্গ॒বাত্ ॥ 15 ॥

প্রা॒চীন॑-ম্ম॒দ্ধ্যন্দি॑নাত্ । ততো॑ দে॒বা উ॒ক্থ্য॑-ন্নির॑মিমত । তত্-তদাত্ত॑বীর্য-ন্নির্মা॒র্গঃ ॥ বৃহ॒স্পতে᳚-র্ম॒দ্ধ্যন্দি॑নঃ । তত্-পুণ্য॑-ন্তেজ॒স্ব্যহঃ॑ । তস্মা॒ত্তর্হি॒ তেক্ষ্ণি॑ষ্ঠ-ন্তপতি ॥ যত্-প্র॑তী॒চীন॑-ম্ম॒দ্ধ্যন্দি॑নাত্ । প্রা॒চীন॑-মপরা॒হ্ণাত্ । ততো॑ দে॒বা-ষ্ষো॑ড॒শিন॒-ন্নির॑মিমত । তত্তদাত্ত॑বীর্য-ন্নির্মা॒র্গঃ ॥ 16 ॥

ভগ॑স্যাপরা॒হ্ণঃ । তত্-পুণ্য॑-ন্তেজ॒স্ব্যহঃ॑ । তস্মা॑দপরা॒হ্ণে কু॑মা॒র্যো॑ ভগ॑মি॒চ্ছমা॑না-শ্চরন্তি ॥ যত্-প্র॑তী॒চীন॑মপরা॒হ্ণাত্ । প্রা॒চীনগ্ং॑ সা॒যাত্ । ততো॑ দে॒বা অ॑তিরা॒ত্র-ন্নির॑মিমত । তত্তদাত্ত॑বীর্য-ন্নির্মা॒র্গঃ ॥ বরু॑ণস্য সা॒যম্ । তত্-পুণ্য॑-ন্তেজ॒স্ব্যহঃ॑ । তস্মা॒ত্তর্হি॒ নানৃ॑তং-বঁদেত্ ॥ 17 ॥

ব্রা॒হ্ম॒ণো বা অ॑ষ্টাবি॒গ্ং॒শো নক্ষ॑ত্রাণাম্ । স॒মা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণি । চ॒ত্বার্য॑শ্লী॒লানি॑ । তানি॒ নব॑ । যচ্চ॑ প॒রস্তা॒ন্নক্ষ॑ত্রাণাং॒-যঁচ্চা॒বস্তা᳚ত্ । তান্যেকা॑দশ । ব্রা॒হ্ম॒ণো দ্বা॑দ॒শঃ । য এ॒বং-বিঁ॒দ্বান্-থ্সং॑বঁথ্স॒রং-ব্রঁ॒ত-ঞ্চর॑তি । সং॒বঁ॒থ্স॒রেণৈ॒বাস্য॑ ব্র॒ত-ঙ্গু॒প্ত-ম্ভ॑বতি ॥ স॒মা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণি । চ॒ত্বার্য॑শ্লী॒লানি॑ । তানি॒ নব॑ । আ॒গ্নে॒যী রাত্রিঃ॑ । ঐ॒ন্দ্রমহঃ॑ । তান্যেকা॑দশ । আ॒দি॒ত্যো দ্বা॑দ॒শঃ । য এ॒বং-বিঁ॒দ্বান্-থ্সং॑বঁথ্স॒রং-ব্রঁ॒ত-ঞ্চর॑তি । সং॒বঁ॒থ্স॒রেণৈ॒বাস্য॑ ব্র॒ত-ঙ্গু॒প্ত-ম্ভ॑বতি ॥ 18 ॥

(স॒ঙ্গ॒বাথ্ - ষো॑ড॒শিন॒-ন্নির॑মিমত॒ তত্তদাত্ত॑বীর্য-ন্নির্মা॒গো - ব॑দে-দ্- ভবতি সমা॒নস্যাহ্নঃ॒ পঞ্চ॒ পুণ্যা॑নি॒ নক্ষ॑ত্রাণ্য॒ষ্টৌ চ॑) (অ. 3)

অনুবাকং 4 - সোমশেষভূতা পাত্রস্তুতিঃ.(আধ্বরব্রাহ্মণশেষঃ)

ব্র॒হ্ম॒বা॒দিনো॑ বদন্তি । কতি॒ পাত্রা॑ণি য॒জ্ঞং-বঁ॑হ॒ন্তীতি॑ । ত্রযো॑দ॒শেতি॑ ব্রূযাত্ । স যদ্ব্রূ॒যাত্ । কস্তানি॒ নির॑মিমী॒তেতি॑ । প্র॒জাপ॑তি॒রিতি॑ ব্রূযাত্ । স যদ্ব্রূ॒যাত্ । কুত॒স্তানি॒ নির॑মিমী॒তেতি॑ । আ॒ত্মন॒ ইতি॑ । প্রা॒ণা॒পা॒নাভ্যা॑-মে॒বোপাগ্॑-শ্বন্তর্যা॒মৌ নির॑মিমীত ॥ 19 ॥

ব্যা॒নাদু॑পাগ্ংশু॒ সব॑নম্ । বা॒চ ঐ᳚ন্দ্রবায॒বম্ । দ॒ক্ষ॒ক্র॒তুভ্যা᳚-ম্মৈত্রাবরু॒ণম্ । শ্রোত্রা॑দাশ্বি॒নম্ । চক্ষু॑ষ-শ্শু॒ক্রা ম॒ন্থিনৌ᳚ । আ॒ত্মন॑ আগ্রয॒ণম্ । অঙ্গে᳚ভ্য উ॒ক্থ্য᳚ম্ । আযু॑ষো ধ্রু॒বম্ । প্র॒তি॒ষ্ঠাযা॑ ঋতুপা॒ত্রে ॥ য॒জ্ঞং-বাঁব ত-ম্প্র॒জাপ॑তি॒-র্নির॑মিমীত । স নির্মি॑তো॒ নাদ্ধ্রি॑যত॒ সম॑ব্লীযত । স এ॒তা-ন্প্র॒জাপ॑তি-রপিবা॒পান॑-পশ্যত্ । তান্নির॑বপত্ । তৈর্বৈ স য॒জ্ঞমপ্য॑বপত্ । যদ॑পিবা॒পা ভব॑ন্তি । য॒জ্ঞস্য॒ ধৃত্যা॒ অসং॑ব্লঁযায ॥ 20 ॥

(উ॒পা॒গ্॒শ্ব॒ন্ত॒র্যা॒মৌ নির॑মিমীতা- মিমীত॒ ষট্ চ॑) (অ. 4)

অনুবাকং 5 - চাতুর্মাস্যশেষা বপনমন্ত্রাঃ, (রাজসূযব্রাহ্মণম্)

ঋ॒তমে॒ব প॑রমে॒ষ্ঠি । ঋ॒ত-ন্নাত্যে॑তি॒ কি-ঞ্চ॒ন । ঋ॒তে স॑মু॒দ্র আহি॑তঃ । ঋ॒তে ভূমি॑রি॒যগ্গ্ শ্রি॒তা । অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে ॥ 21 ॥

তপ॑সা॒-ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒-ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ য-দ্ঘ॒র্মঃ প॒র্যব॑র্তযত্ । অন্তা᳚-ন্পৃথি॒ব্যা দি॒বঃ । অ॒গ্নিরীশা॑ন॒ ওজ॑সা । বরু॑ণো ধী॒তিভিঃ॑ স॒হ ॥ 22 ॥

ইন্দ্রো॑ ম॒রুদ্ভি॒-স্সখি॑ভি-স্স॒হ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒ভিব॑র্তযে ॥ 23 ॥

তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ যো অ॒স্যাঃ পৃ॑থি॒ব্যাস্ত্ব॒চি । নি॒ব॒র্তয॒ত্যোষ॑ধীঃ । অ॒গ্নিরীশা॑ন॒ ওজ॑সা । বরু॑ণো ধী॒তিভিঃ॑ স॒হ । ইন্দ্রো॑ ম॒রুদ্ভি॒-স্সখি॑ভি-স্স॒হ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ ॥ 24 ॥

শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒-ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ 25 ॥

এক॒-ম্মাস॒-মুদ॑সৃজত্ । প॒র॒মে॒ষ্ঠী প্র॒জাভ্যঃ॑ । তেনা᳚ভ্যো॒ মহ॒ আব॑হত্ । অ॒মৃত॒-ম্মর্ত্যা᳚ভ্যঃ । প্র॒জামনু॒ প্রজা॑যসে । তদু॑ তে মর্ত্যা॒মৃত᳚ম্ । যেন॒ মাসা॑ অর্ধমা॒সাঃ । ঋ॒তবঃ॑ পরিবথ্স॒রাঃ । যেন॒ তে তে᳚ প্রজাপতে । ঈ॒জা॒নস্য॒ ন্যব॑র্তযন্ন্ ॥ 26 ॥

তেনা॒হম॒স্য ব্রহ্ম॑ণা । নিব॑র্তযামি জী॒বসে᳚ ॥ অ॒গ্নিস্তি॒গ্মেন॑ শো॒চিষা᳚ । তপ॒ আক্রা᳚ন্ত-মু॒ষ্ণিহা᳚ । শির॒স্তপ॒স্যাহি॑তম্ । বৈ॒শ্বা॒ন॒রস্য॒ তেজ॑সা । ঋ॒তেনা᳚স্য॒ নিব॑র্তযে । স॒ত্যেন॒ পরি॑বর্তযে । তপ॑সা॒ ঽস্যানু॑বর্তযে । শি॒বেনা॒স্যোপ॑বর্তযে । শ॒গ্মেনা᳚স্যা॒ভিব॑র্তযে । তদৃ॒ত-ন্ত-থ্স॒ত্যম্ । ত-দ্ব্র॒ত-ন্তচ্ছ॑কেযম্ । তেন॑ শকেয॒-ন্তেন॑ রাদ্ধ্যাসম্ ॥ 27 ॥

(পরি॑বর্তযে - স॒হা - ভিব॑র্তয - উ॒ষ্ণিহা॑ - রাদ্ধ্যাসং॒ - ন্যব॑র্তয॒ন্ - নুপ॑বর্তযে চ॒ত্বারি॑ চ) (অ. 5)

অনুবাকং 6 - চাতুর্মাস্যশেষা বপনবিধিঃ (রাজসূযব্রাহ্মণম্)

দে॒বা বৈ য-দ্য॒জ্ঞে ঽকু॑র্বত । তদসু॑রা অকুর্বত । তে-ঽসু॑রা ঊ॒র্ধ্ব-ম্পৃ॒ষ্ঠেভ্যো॒ নাপ॑শ্যন্ন্ । তে কেশা॒নগ্রে॑-ঽবপন্ত । অথ॒ শ্মশ্রূ॑ণি । অথো॑পপ॒ক্ষৌ । তত॒স্তে-ঽবা᳚ঞ্চ আযন্ন্ । পরা॑-ঽভবন্ন্ । যস্যৈ॒বং-বঁপ॑ন্তি । অবাং॑এতি ॥ 28 ॥

অথো॒ পরৈ॒ব ভ॑বতি । অথ॑ দে॒বা ঊ॒র্ধ্ব-ম্পৃ॒ষ্ঠেভ্যো॑-ঽপশ্যন্ন্ । ত উ॑পপ॒ক্ষাবগ্রে॑-ঽবপন্ত । অথ॒ শ্মশ্রূ॑ণি । অথ॒ কেশান্॑ । তত॒স্তে॑-ঽভবন্ন্ । সু॒ব॒র্গং-লোঁ॒কমা॑যন্ন্ । যস্যৈ॒বং-বঁপ॑ন্তি । ভব॑ত্যা॒ত্মনা᳚ । অথো॑ সুব॒র্গং-লোঁ॒কমে॑তি ॥ 29 ॥

অথৈ॒ত-ন্মনু॑-র্ব॒প্ত্রে মি॑থু॒ন-ম॑পশ্যত্ । স শ্মশ্রূ॒ণ্যগ্রে॑-ঽবপত । অথো॑পপ॒ক্ষৌ । অথ॒ কেশান্॑ । ততো॒ বৈ স প্রাজা॑যত প্র॒জযা॑ প॒শুভিঃ॑ । যস্যৈ॒বং-বঁপ॑ন্তি । প্র প্র॒জযা॑ প॒শুভি॑-র্মিথু॒নৈ-র্জা॑যতে ॥ দে॒বা॒সু॒রা-স্সংযঁ॑ত্তা আসন্ন্ । তে সং॑বঁথ্স॒রে ব্যায॑চ্ছন্ত । তা-ন্দে॒বাশ্চা॑তু-র্মা॒স্যৈরে॒বাভি প্রাযু॑ঞ্জত ॥ 30 ॥

বৈ॒শ্ব॒দে॒বেন॑ চ॒তুরো॑ মা॒সো॑-ঽবৃঞ্জ॒তেন্দ্র॑রাজানঃ । তাঞ্ছী॒র্॒ষন্নি চাব॑র্তযন্ত॒ পরি॑ চ । ব॒রু॒ণ॒ প্র॒ঘা॒সৈ-শ্চ॒তুরো॑ মা॒সো॑-ঽবৃঞ্জত॒ বরু॑ণরাজানঃ । তাঞ্ছী॒র্॒ষন্নি চাব॑র্তযন্ত॒ পরি॑ চ । সা॒ক॒মে॒ধৈশ্চ॒তুরো॑ মা॒সো॑-ঽবৃঞ্জত॒ সোম॑রাজানঃ । তাঞ্ছী॒র॒.ষন্নি চাব॑র্তযন্ত॒ পরি॑ চ । যা সং॑বঁথ্স॒র উ॑পজী॒বা ঽঽসী᳚ত্ । তামে॑ষা-মবৃঞ্জত । ততো॑ দে॒বা অভ॑বন্ন্ । পরা-ঽসু॑রাঃ ॥ 31 ॥

য এ॒বং-বিঁ॒দ্বাগ্-শ্চা॑তুর্মা॒স্যৈ-র্যজ॑তে । ভ্রাতৃ॑ব্যস্যৈ॒ব মা॒সো বৃ॒ক্ত্বা । শী॒র্॒ষন্নি চ॑ ব॒র্তয॑তে॒ পরি॑ চ । যৈষা সং॑বঁথ্স॒র উ॑পজী॒বা । বৃ॒ঙ্ক্তে তা-ম্ভ্রাতৃ॑ব্যস্য । ক্ষু॒ধা ঽস্য॒ ভ্রাতৃ॑ব্যঃ॒ পরা॑ ভবতি ॥ লো॒হি॒তা॒য॒সেন॒ নিব॑র্তযতে । যদ্বা ই॒মাম॒গ্নির্-ঋ॒তাবাগ॑তে নিব॒র্তয॑তি । এ॒তদে॒বৈনাগ্ং॑ রূ॒প-ঙ্কৃ॒ত্বা নিব॑র্তযতি । সা তত॒-শ্শ্ব-শ্শ্বো॒ ভূয॑সী॒ ভব॑ন্ত্যেতি ॥ 32 ॥

প্রজা॑যতে । য এ॒বং-বিঁ॒দ্বাঁল্লো॑হিতায॒সেন॑ নিব॒র্তয॑তে । এ॒তদে॒ব রূ॒প-ঙ্কৃ॒ত্বা নিব॑র্তযতে । স তত॒-শ্শ্ব-শ্শ্বো॒ ভূযা॒ন্-ভব॑ন্নেতি । প্রৈব জা॑যতে ॥ ত্রে॒ণ্যা শ॑ল॒ল্যা নিব॑র্তযেত । ত্রীণি॑ ত্রীণি॒ বৈ দে॒বানা॑মৃ॒দ্ধানি॑ । ত্রীণি॒ ছন্দাগ্ং॑সি । ত্রীণি॒ সব॑নানি । ত্রয॑ ই॒মে লো॒কাঃ ॥ 33 ॥

ঋ॒দ্ধ্যামে॒ব ত-দ্বী॒র্য॑ এ॒ষু লো॒কেষু॒ প্রতি॑ তিষ্ঠতি ॥ যচ্চা॑তুর্মাস্যযা॒-জ্যা᳚ত্মনো॒ নাব॒দ্যেত্ । দে॒বেভ্য॒ আবৃ॑শ্চ্যেত । চ॒তৃ॒ষু চ॑তৃষু॒ মাসে॑ষু॒ নিব॑র্তযেত । প॒রোক্ষ॑মে॒ব ত-দ্দে॒বেভ্য॑ আ॒ত্মনো-ঽব॑দ্য॒ত্যনা᳚ ব্রস্কায ॥ দে॒বানাং॒-বাঁ এ॒ষ আনী॑তঃ । যশ্চা॑তুর্মাস্যযা॒জী । য এ॒বং-বিঁ॒দ্বান্নি চ॑ ব॒র্তয॑তে॒ পরি॑ চ । দে॒বতা॑ এ॒বাপ্যে॑তি । নাস্য॑ রু॒দ্রঃ প্র॒জা-ম্প॒শূ-ন॒ভিম॑ন্যতে ॥ 34 ॥

(এ॒ত্যে॒- ত্য॒ - যু॒ঞ্জ॒তা - সু॑রা - এতি - লো॒কা - ম॑ন্যতে) (অ. 6)

অনুবাকং 7 - অগ্নিচযনশেষা ইষ্টকোপধানমন্ত্রাঃ, তত্র সন্তত্যাখ্যেষ্টকামন্ত্রাঃ

আযু॑ষঃ প্রা॒ণগ্ং সন্ত॑নু । প্রা॒ণাদ॑পা॒নগ্ং সন্ত॑নু । অ॒পা॒না-দ্ব্যা॒নগ্ং সন্ত॑নু । ব্যা॒নাচ্চক্ষু॒-স্সন্ত॑নু । চক্ষু॑ষ॒-শ্শ্রোত্র॒গ্ং॒ সন্ত॑নু । শ্রোত্রা॒-ন্মন॒-স্সন্ত॑নু । মন॑সো॒ বাচ॒গ্ং॒ সন্ত॑নু । বা॒চ আ॒ত্মান॒গ্ং॒ সন্ত॑নু । আ॒ত্মনঃ॑ পৃথি॒বীগ্ং সন্ত॑নু । পৃ॒থি॒ব্যা অ॒ন্তরি॑ক্ষ॒গ্ং॒ সন্ত॑নু । অ॒ন্তরি॑ক্ষা॒-দ্দিব॒গ্ং॒ সন্ত॑নু ।দিব॒-স্সুব॒-স্সন্ত॑নু ॥ 35 ॥

(অ॒ন্তরি॑ক্ষ॒গ্ং॒ সন্ত॑নু॒ দ্বে চ॑) (অ. 7)

অনুবাকং 8 - অগ্নিচযনশেষা থর্বশিরো-ঽভিধানানামিষ্টকানা-ম্মন্ত্রাঃ

ইন্দ্রো॑ দধী॒চো অ॒স্থভিঃ॑ । বৃ॒ত্রাণ্য প্র॑তিষ্কুতঃ । জ॒ঘান॑ নব॒ তীর্নব॑ ॥ ই॒চ্ছন্নশ্ব॑স্য॒ যচ্ছিরঃ॑ । পর্ব॑তে॒ষ্বপ॑ শ্রিতম্ । ত-দ্বি॑দচ্ছর্য॒ণাব॑তি ॥ অত্রা হ ॒গোরম॑ন্বত । নাম॒ ত্বষ্টু॑রপী॒চ্য᳚ম্ । ই॒ত্থা চ॒ন্দ্রম॑সো গৃ॒হে ॥ ইন্দ্র॒মিদ্গা॒থিনো॑ বৃ॒হত্ ॥ 36 ॥

ইন্দ্র॑ম॒র্কেভি॑র॒র্কিণঃ॑ । ইন্দ্রং॒-বাঁণী॑রনূষত ॥ ইন্দ্র॒ ইদ্ধর্যো॒-স্সচা᳚ । সম্মি॑শ্ল॒ আব॑চো॒ যুজা᳚ । ইন্দ্রো॑ ব॒জ্রী হি॑র॒ণ্যযঃ॑ ॥ ইন্দ্রো॑ দী॒র্ঘায॒ চক্ষ॑সে । আ সূর্যগ্ং॑ রোহয-দ্দি॒বি । বি গোভি॒রদ্রি॑মৈরযত্ ॥ ইন্দ্র॒ বাজে॑ষু নো অব । স॒হস্র॑ প্রধনেষু চ ॥ 37 ॥

উ॒গ্র উ॒গ্রাভি॑রূ॒তিভিঃ॑ ॥ তমিন্দ্রং॑-বাঁজযামসি । ম॒হে বৃ॒ত্রায॒ হন্ত॑বে । স বৃষা॑ বৃষ॒ভো ভু॑বত্ ॥ ইন্দ্র॒-স্সদাম॑নে কৃ॒তঃ । ওজি॑ষ্ঠ॒-স্স বলে॑ হি॒তঃ । দ্যু॒ম্নী শ্লো॒কী স সৌ॒ম্যঃ॑ ॥ গি॒রা বজ্রো॒ ন সম্ভৃ॑তঃ । সব॑লো॒ অন॑পচ্যুতঃ । ব॒ব॒ক্ষু-রু॒গ্রো অস্তৃ॑তঃ ॥ 38 ॥

(বৃ॒হ- চ্চা - স্তৃ॑তঃ) (অ. 8)

অনুবাকং 9 - সোমশেষভূতা ইষ্টযঃ. (আধ্বরব্রাহ্মণম্)

দে॒বা॒সু॒রা-স্সংযঁ॑ত্তা আসন্ন্ । স প্র॒জাপ॑তি॒রিন্দ্র॑-ঞ্জ্যে॒ষ্ঠ-ম্পু॒ত্রমপ॒ ন্য॑ধত্ত । নেদে॑ন॒মসু॑রা॒ বলী॑যাগ্ং সো-ঽহন॒ন্নিতি॑ । প্র॒হ্রাদো॑ হ॒ বৈ কা॑যাধ॒বঃ । বি॒রোচ॑ন॒গ্গ্॒ স্ব-ম্পু॒ত্রমপ॒ ন্য॑ধত্ত । নেদে॑ন-ন্দে॒বা অ॑হন॒ন্নিতি॑ । তে দে॒বাঃ প্র॒জাপ॑তি-মুপস॒মেত্যো॑চুঃ । নারা॒জক॑স্য যু॒দ্ধম॑স্তি । ইন্দ্র॒মন্বি॑চ্ছা॒মেতি॑ । তং-যঁ॑জ্ঞক্র॒তুভি॒-রন্বৈ᳚চ্ছন্ন্ ॥ 39 ॥

তং-যঁ॑জ্ঞক্র॒তুভি॒র্নান্ব॑বিন্দন্ন্ । তমিষ্টি॑ভি॒-রন্বৈ᳚চ্ছন্ন্ । তমিষ্টি॑ভি॒-রন্ব॑বিন্দন্ন্ । তদিষ্টী॑না-মিষ্টি॒ত্বম্ । এষ্ট॑যো হ॒ বৈ নাম॑ । তা ইষ্ট॑য॒ ইত্যাচ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ তস্মা॑ এ॒তমা᳚গ্নাবৈষ্ণ॒ব-মেকা॑দশকপাল-ন্দীক্ষ॒ণীয॒-ন্নির॑বপন্ন্ । তদ॑প॒দ্রুত্যা॑তন্বত । তান্প॑ত্নী সংযাঁ॒জান্ত॒ উপা॑নযন্ন্ ॥ 40 ॥

তে তদ॑-ন্তমে॒ব কৃ॒ত্বোদ॑দ্রবন্ন্ ॥ তে প্রা॑য॒ণীয॑ম॒ভি স॒মারো॑হন্ন্ । তদ॑প॒দ্রুত্যা॑তন্বত । তাঞ্ছং॒য্বঁ॑ন্ত॒ উপা॑নযন্ন্ । তে তদ॑তম্মে॒ব কৃ॒ত্বোদ॑দ্রবন্ন্ ॥ ত আ॑তি॒থ্যম॒ভি স॒মারো॑হন্ন্ । তদ॑প॒দ্রুত্যা॑তন্বত । তানিডা᳚ন্ত॒ উপা॑নযন্ন্ । তে তদ॑তম্মে॒ব কৃ॒ত্বোদ॑দ্রবন্ন্ । তস্মা॑ দে॒তা এ॒তদ॑ন্তা॒ ইষ্ট॑য॒-স্সন্তি॑ষ্ঠন্তে ॥ 41 ॥

এ॒বগ্ং হি দে॒বা অকু॑র্বত । ইতি॑ দে॒বা অ॑কুর্বত । ইত্যু॒ বৈ ম॑নু॒ষ্যাঃ᳚ কুর্বতে ॥ তে দে॒বা ঊ॑চুঃ । যদ্বা ই॒দমু॒চ্চৈ-র্য॒জ্ঞেন॒ চরা॑ম । তন্নো-ঽসু॑রাঃ পা॒প্মা-ঽনু॑বিন্দন্তি । উ॒পা॒গ্ং॒শূ॑প॒সদা॑ চরাম । তথা॒ নো-ঽসু॑রাঃ পা॒প্মা নানু॑বেথ্স্য॒ন্তীতি॑ । ত উ॑পা॒গ্ং॒শূ॑প॒সদ॑-মতন্বত । তি॒স্র এ॒ব সা॑মিধে॒নীর॒নূচ্য॑ ॥ 42 ॥

স্রু॒বেণা॑ঘা॒র-মা॒ঘার্য॑ । তি॒স্রঃ পরা॑চী॒-রাহু॑তীর্-হু॒ত্বা । স্রু॒বেণো॑প॒সদ॑-ঞ্জুহ॒বাঞ্চ॑ক্রুঃ । উ॒গ্রং-বঁচো॒ অপা॑বধী-ন্ত্বে॒ষং-বঁচো॒ অপা॑বধী॒গ্॒ স্বাহেতি॑ । অ॒শ॒ন॒যা॒পি॒পা॒সে হ॒ বা উ॒গ্রং-বঁচঃ॑ । এন॑শ্চ॒ বৈর॑হত্য-ঞ্চ ত্বে॒ষং-বঁচঃ॑ । এ॒তগ্ং হ॒ বাব তচ্চ॑তুর্ধাবিহি॒ত-ম্পা॒প্মান॑-ন্দে॒বা অপ॑জঘ্নিরে ॥ তথো॑ এ॒বৈতদে॑বং॒-বিঁদ্যজ॑মানঃ । তি॒স্র এ॒ব সা॑মিধে॒নীর॒নূচ্য॑ । স্রু॒বেণা॑ঘা॒র-মা॒ঘার্য॑ ॥ 43 ॥

তি॒স্রঃ পরা॑চী॒রাহু॑তীর্-হু॒ত্বা । স্রু॒বেণো॑প॒সদ॑-ঞ্জুহোতি । উ॒গ্রং-বঁচো॒ অপা॑বধী-ন্ত্বে॒ষং-বঁচো॒ অপা॑বধী॒গ্॒ স্বাহেতি॑ । অ॒শ॒ন॒যা॒পি॒পা॒সে হ॒ বা উ॒গ্রং-বঁচঃ॑ । এন॑শ্চ॒ বৈর॑হত্য-ঞ্চ ত্বে॒ষং-বঁচঃ॑ । এ॒তমে॒ব তচ্চ॑তুর্ধা-বিহি॒ত-ম্পা॒প্মানং॒-যঁজ॑মা॒নো-ঽপ॑হতে ॥ তে॑-ঽভি॒নীযৈ॒বাহঃ॑ প॒শুমা-ঽল॑ভন্ত । অহ্ন॑ এ॒ব ত-দ্দে॒বা অব॑র্তি-ম্পা॒প্মান॑-ম্মৃ॒ত্যুমপ॑জঘ্নিরে । তেনা॑ভি॒নীযে॑ব॒ রাত্রেঃ॒ প্রাচ॑রন্ন্ । রাত্রি॑যা এ॒ব ত-দ্দে॒বা অব॑র্তি-ম্পা॒প্মান॑-ম্মৃ॒ত্যুমপ॑জঘ্নিরে ॥ 44 ॥

তস্মা॑দভি॒নীযৈ॒বাহঃ॑ প॒শুমাল॑ভেত । অহ্ন॑ এ॒ব ত-দ্যজ॑মা॒নো ঽব॑র্তি-ম্পা॒প্মান॒-ম্ভ্রাতৃ॑ব্যা॒নপ॑নুদতে । তেনা॑ভি॒নীযে॑ব॒ রাত্রেঃ॒ প্রচ॑রেত্ । রাত্রি॑যা এ॒ব ত-দ্যজ॑মা॒নো ঽব॑র্তি-ম্পা॒প্মান॒-ম্ভ্রাতৃ॑ব্যা॒নপ॑নুদতে ॥ স এ॒ষ উ॑পবস॒থীযে ঽহ॑ন্-দ্বিদেব॒ত্যঃ॑ প॒শুরাল॑ভ্যতে । দ্ব॒যং-বাঁ অ॒স্মিন্ ঁলো॒কে যজ॑মানঃ । অস্থি॑ চ মা॒গ্ং॒স-ঞ্চ॑ । অস্থি॑ চৈ॒ব তেন॑ মা॒গ্ং॒স-ঞ্চ॒ যজ॑মান॒-স্সগ্গ্ স্কু॑রুতে ॥ তা বা এ॒তাঃ পঞ্চ॑ দে॒বতাঃ᳚ । অ॒গ্নীষোমা॑-ব॒গ্নি-র্মি॒ত্রাবরু॑ণৌ ॥ 45 ॥

প॒ঞ্চ॒প॒ঞ্চী বৈ যজ॑মানঃ । ত্বম্মা॒গ্ং॒ সগ্গ্ স্নাবাস্থি॑ ম॒জ্জা । এ॒তমে॒ব তত্প॑ঞ্চধা বিহি॒তমা॒ত্মানং॑-বঁরুণপা॒শা-ন্মু॑ঞ্চতি । ভে॒ষ॒জতা॑যৈ নির্বরুণ॒ত্বায॑ ॥ তগ্ং স॒প্তভি॒-শ্ছন্দো॑ভিঃ প্রা॒তর॑হ্বযন্ন্ । তস্মা᳚থ্স॒প্ত চ॑তুরুত্ত॒রাণি॒ ছন্দাগ্ং॑সি প্রাতরনুবা॒কে-ঽনূ᳚চ্যন্তে ॥ তমে॒তযো॑-পস॒মেত্যো-পা॑সীদন্ন্ । উপা᳚স্মৈ গাযতা নর॒ ইতি॑ । তস্মা॑ দে॒তযা॑ বহিষ্পবমা॒ন উ॑প॒সদ্যঃ॑ ॥ 46 ॥

(ঐ॒চ্ছ॒ন্ - ন॒ন॒য॒গ্গ্॒ - স্তি॒ষ্ঠ॒ন্তে॒ - ঽনূচ্যা॒ - নূচ্য॑ স্রু॒বেণা॑ঘা॒রমা॒ঘার্য॒ - রাত্রি॑যা এ॒ব ত-দ্দে॒বা অব॑র্তি-ম্পা॒প্মানং॑ মৃ॒ত্যুমপ॑জঘ্নিরে - মি॒ত্রাবরু॑ণৌ॒ - +নব॑ চ ) (অ. 9)

(দে॒বা যজ॑মানো দে॒বা দে॒বা যজ॑মানো॒ যজ॑মানো-ঽলভন্ত॒ প্রাচ॑রঁল্লভেত॒ প্রচ॑রে॒দাল॑ভ॒ন্তাল॑ভেত মৃ॒ত্যুমপ॑জঘ্নিরে॒ ভ্রাতৃ॑ব্যান্)

অনুবাকং 10 - ত্রিবৃদাদিস্তোমরূপাণি সোমঙ্গানি. (আধ্বরব্রাহ্মণম্)

স স॑মু॒দ্র উ॑ত্তর॒তঃ প্রাজ্ব॑ল-দ্ভূম্য॒ন্তেন॑ । এ॒ষ বাব স স॑মু॒দ্রঃ । যচ্চাত্বা॑লঃ । এ॒ষ উ॑ বে॒ব স ভূ᳚ম্য॒ন্তঃ । যদ্বে᳚দ্য॒ন্তঃ । তদে॒তত্-ত্রি॑শ॒ল-ন্ত্রি॑পূরু॒ষম্ । তস্মা॒ত্-ত-ন্ত্রি॑বিত॒স্ত-ঙ্খ॑নন্তি ॥ স সু॑বর্ণরজ॒তাভ্যা᳚-ঙ্কু॒শীভ্যা॒-ম্পরি॑গৃহীত আসীত্ । তং-যঁদ॒স্যা অদ্ধ্য॒জন॑যন্ন্ । তস্মা॑দাদি॒ত্যঃ ॥ 47 ॥

অথ॒ য-থ্সু॑বর্ণরজ॒তাভ্যা᳚-ঙ্কু॒শীভ্যা॒-ম্পরি॑গৃহীত॒ আসী᳚ত্ । সা-ঽস্য॑ কৌশি॒কতা᳚ ॥ ত-ন্ত্রি॒বৃতা॒-ঽভি প্রাস্তু॑বত । ত-ন্ত্রি॒বৃতা ঽঽদ॑দত । ত-ন্ত্রি॒বৃতা ঽঽহ॑রন্ন্ । যাব॑তী ত্রি॒বৃতো॒ মাত্রা᳚ ॥ ত-ম্প॑ঞ্চদ॒শেনা॒ভি প্রাস্তু॑বত । ত-ম্প॑ঞ্চদ॒শেনাদ॑দত । ত-ম্প॑ঞ্চদ॒শেনাহ॑রন্ন্ । যাব॑তী পঞ্চদ॒শস্য॒ মাত্রা᳚ ॥ 48 ॥

তগ্ং স॑প্তদ॒শেনা॒ভি প্রাস্তু॑বত । তগ্ং স॑প্তদ॒শেনাদ॑দত । তগ্ং স॑প্তদ॒শেনাহ॑রন্ন্ । যাব॑তী সপ্তদ॒শস্য॒ মাত্রা᳚ । তস্য॑ সপ্তদ॒শেন॑ হ্রি॒যমা॑ণস্য॒ তেজো॒ হরো॑-ঽপতত্ । তমে॑কবি॒গ্ং॒ শেনা॒ভি প্রাস্তু॑বত । তমে॑কবি॒গ্ং॒শেনাদ॑দত । তমে॑কবি॒গ্ং॒শেনাহ॑রন্ন্ । যাব॑ত্যেকবি॒গ্ং॒শস্য॒ মাত্রা᳚ ॥ তে যত্-ত্রি॒বৃতা᳚ স্তু॒বতে᳚ ॥ 49 ॥

ত্রি॒বৃতৈ॒ব ত-দ্যজ॑মান॒মাদ॑দতে । ত-ন্ত্রি॒বৃতৈ॒ব হ॑রন্তি । যাব॑তী ত্রি॒বৃতো॒ মাত্রা᳚ । অ॒গ্নির্বৈ ত্রি॒বৃত্ । যাব॒দ্বা অ॒গ্নের্দহ॑তো ধূ॒ম উ॒দেত্যানু॒ব্যেতি॑ । তাব॑তী ত্রি॒বৃতো॒ মাত্রা᳚ । অ॒গ্নেরে॒বৈন॒-ন্তত্ । মাত্রা॒গ্ং॒ সাযু॑জ্যগ্ং সলো॒কতা᳚-ঙ্গমযন্তি ॥ অথ॒ যত্প॑ঞ্চদ॒শেন॑ স্তু॒বতে᳚ । প॒ঞ্চ॒দ॒শেনৈ॒ব ত-দ্যজ॑মান॒-মাদ॑দতে ॥ 50 ॥

ত-ম্প॑ঞ্চদ॒শেনৈ॒ব হ॑রন্তি । যাব॑তী পঞ্চদ॒শস্য॒ মাত্রা᳚ । চ॒ন্দ্রমা॒ বৈ প॑ঞ্চদ॒শঃ । এ॒ষ হি প॑ঞ্চদ॒শ্যাম॑পক্ষী॒যতে᳚ । প॒ঞ্চ॒দশ্যা-মা॑পূ॒র্যতে᳚ । চ॒ন্দ্রম॑স এ॒বৈন॒-ন্তত্ । মাত্রা॒গ্ং॒ সাযু॑জ্যগ্ং সলো॒কতা᳚-ঙ্গমযন্তি । অথ॒ যথ্স॑প্তদ॒শেন॑ স্তু॒বতে᳚ । স॒প্ত॒দ॒শেনৈ॒ব ত-দ্যজ॑মান॒মাদ॑দতে । তগ্ং স॑প্তদ॒শেনৈ॒ব হ॑রন্তি ॥ 51 ॥

যাব॑তী সপ্তদ॒শস্য॒ মাত্রা᳚ । প্র॒জাপ॑তি॒র্বৈ স॑প্তদ॒শঃ । প্র॒জাপ॑তেরে॒বৈন॒-ন্তত্ । মাত্রা॒গ্ং॒ সাযু॑জ্যগ্ং সলো॒কতা᳚-ঙ্গমযন্তি । অথ॒ যদে॑কবি॒গ্ং॒শেন॑ স্তু॒বতে᳚ । এ॒ক॒বি॒গ্ং॒শেনৈ॒ব ত-দ্যজ॑মান॒-মাদ॑দতে । তমে॑কবি॒গ্ং॒শেনৈ॒ব হ॑রন্তি । যাব॑ত্যেকবি॒গ্ং॒শস্য॒ মাত্রা᳚ । অ॒সৌ বা আ॑দি॒ত্য এ॑কবি॒গ্ং॒শঃ । আ॒দি॒ত্যস্যৈ॒বৈন॒-ন্তত্ ॥ 52 ॥

মাত্রা॒গ্ং॒ সাযু॑জ্যগ্ং সলো॒কতা᳚-ঙ্গমযন্তি ॥ তে কু॒শ্যৌ᳚ । ব্য॑ঘ্নন্ন্ । তে অ॑হোরা॒ত্রে অ॑ভবতাম্ । অহ॑রে॒ব সু॒বর্ণা॑ ঽভবত্ । র॒জ॒তা রাত্রিঃ॑ । স যদা॑দি॒ত্য উ॒দেতি॑ । এ॒তামে॒ব তথ্সু॒বর্ণা᳚-ঙ্কু॒শীমনু॒ সমে॑তি । অথ॒ যদ॑স্ত॒মেতি॑ । এ॒তামে॒ব ত-দ্র॑জ॒তা-ঙ্কু॒শীমনু॒ সংবিঁ॑শতি ॥ প্র॒হ্রাদো॑ হ॒ বৈ কা॑যাধ॒বঃ । বি॒রোচ॑ন॒গ্গ্॒ স্ব-ম্পু॒ত্রমুদা᳚স্যত্ । স প্র॑দ॒রো॑-ঽভবত্ । তস্মা᳚-ত্প্রদ॒রাদু॑দ॒ক-ন্নাচা॑মেত্ ॥ 53 ॥

(আ॒দি॒ত্যঃ - প॑ঞ্চদ॒শস্য॒ মাত্রা᳚ - স্তু॒বতে॑ - পঞ্চদ॒শেনৈ॒ব ত-দ্যজ॑মান॒মাদ॑দতে - সপ্তদ॒শেনৈ॒ব হ॑রন্ - ত্যাদি॒ত্যস্যৈ॒বৈন॒ন্ত-দ্॒ বি॑শতি চ॒ত্বারি॑ চ) (অ. 10)

অনুবাকং 11 - সবনীযপশুপুরোডাশাঃ (আধ্বরব্রাহ্মণম্)

যে বৈ চ॒ত্বার॒-স্স্তোমাঃ᳚ । কৃ॒ত-ন্তত্ । অথ॒ যে পঞ্চ॑ । কলি॒-স্সঃ । তস্মা॒চ্চতু॑ষ্টোমঃ । তচ্চতু॑ষ্টোমস্য চতুষ্টোম॒ত্বম্ ॥ তদা॑হুঃ । ক॒ত॒মানি॒ তানি॒ জ্যোতীগ্ং॑ষি । য এ॒তস্য॒ স্তোমা॒ ইতি॑ । ত্রি॒বৃত্-প॑ঞ্চদ॒শ-স্স॑প্তদ॒শ এ॑কবি॒গ্ং॒শঃ ॥ 54 ॥

এ॒তানি॒ বাব তানি॒ জ্যোতীগ্ং॑ষি । য এ॒তস্য॒ স্তোমাঃ᳚ ॥ সো᳚-ঽব্রবীত্ । স॒প্ত॒দ॒শেন॑ হ্রি॒যমা॑ণো॒ ব্য॑লেশিষি । ভি॒ষজ্য॑ত॒ মেতি॑ । তম॒শ্বিনৌ॑ ধা॒নাভি॑-রভিষজ্যতাম্ । পূ॒ষা ক॑র॒ম্ভেণ॑ । ভার॑তী পরিবা॒পেণ॑ । মি॒ত্রাবরু॑ণৌ পয॒স্য॑যা ॥ তদা॑হুঃ ॥ 55 ॥

যদ॒শ্বিভ্যা᳚-ন্ধা॒নাঃ । পূ॒ষ্ণঃ ক॑র॒ম্ভঃ । ভার॑ত্যৈ পরিবা॒পঃ । মি॒ত্রাবরু॑ণযোঃ পয॒স্যা-ঽথ॑ । কস্মা॑দে॒তেষাগ্ং॑ হ॒বিষা॒মিন্দ্র॑মে॒ব য॑জ॒ন্তীতি॑ । এ॒তা হ্যে॑ন-ন্দে॒বতা॒ ইতি॑ ব্রূযাত্ । এ॒তৈর্-হ॒বির্ভি॒-রভি॑ষজ্য॒গ্গ্॒-স্তস্মা॒দিতি॑ ॥ তং-বঁস॑বো॒-ঽষ্টাক॑পালেন প্রাতস্সব॒নে॑-ঽভিষজ্যন্ন্ । রু॒দ্রা একা॑দশকপালেন॒ মাদ্ধ্য॑ন্দিনে॒ সব॑নে । বিশ্বে॑ দে॒বা দ্বাদ॑শকপালেন তৃতীযসব॒নে ॥ 56 ॥

স যদ॒ষ্টাক॑পালা-ন্প্রাতস্সব॒নে কু॒র্যাত্ । একা॑দশকপালা॒-ন্মাদ্ধ্য॑ন্দিনে॒ সব॑নে । দ্বাদ॑শকপালাগ্ স্তৃতীয সব॒নে । বিলো॑ম॒ ত-দ্য॒জ্ঞস্য॑ ক্রিযেত । একা॑দশকপালানে॒ব প্রা॑তস্সব॒নে কু॑র্যাত্ । একা॑দশকপালা॒-ন্মাদ্ধ্য॑ন্দিনে॒ সব॑নে । একা॑দশকপালাগ্ স্তৃতীয সব॒নে । য॒জ্ঞস্য॑ সলোম॒ত্বায॑ ॥ তদা॑হুঃ । য-দ্বসূ॑না-ম্প্রাতস্সব॒নম্ । রু॒দ্রাণা॒-ম্মাদ্ধ্য॑ন্দিন॒গ্ং॒ সব॑নম্ । বিশ্বে॑ষা-ন্দে॒বানা᳚-ন্তৃতীযসব॒নম্ । অথ॒ কস্মা॑দে॒তেষাগ্ং॑ হ॒বিষা॒মিন্দ্র॑মে॒ব য॑জ॒ন্তীতি॑ । এ॒তা হ্যে॑ন-ন্দে॒বতা॒ ইতি॑ ব্রূযাত্ । এ॒তৈর্-হ॒বির্ভি॒রভি॑ষজ্য॒গ্গ্॒ স্তস্মা॒দিতি॑ ॥ 57 ॥

(এ॒ক॒বি॒গ্ং॒শ-আ॑হু-স্তৃতীযসব॒নে-প্রা॑তস্সব॒ন-ম্পঞ্চ॑ চ) (অ. 11)

অনুবাকং 12 - সপ্তছন্দাংসি প্রপঞ্চ্যন্তে (আধ্বরব্রাহ্মণম্)

তস্যাবা॑চো-ঽবপা॒দাদ॑বিভযুঃ । তমে॒তেষু॑ স॒প্তসু॒ ছন্দঃ॑ স্বশ্রযন্ন্ । যদশ্র॑যন্ন্ । তচ্ছ্রা॑য॒ন্তীয॑স্য শ্রাযন্তীয॒ত্বম্ । যদবা॑রযন্ন্ । ত-দ্বা॑রব॒ন্তীয॑স্য বারবন্তীয॒ত্বম্ ॥ তস্যাবা॑চ এ॒বাব॑পা॒দাদ॑বিভযুঃ । তস্মা॑ এ॒তানি॑ স॒প্ত চ॑তুরুত্ত॒রাণি॒ ছন্দা॒গ্॒স্যুপা॑দধুঃ । তেষা॒মতি॒ ত্রীণ্য॑রিচ্যন্ত । ন ত্রীণ্যুদ॑ভবন্ন্ ॥ 58 ॥

স বৃ॑হ॒তীমে॒বা-স্পৃ॑শত্ । দ্বাভ্যা॑ম॒ক্ষরা᳚ভ্যাম্ । অ॒হো॒রা॒ত্রাভ্যা॑মে॒ব ॥ তদা॑হুঃ । ক॒ত॒মা সা দে॒বাক্ষ॑রা বৃহ॒তী । যস্যা॒-ন্ত-ত্প্র॒ত্যতি॑ষ্ঠত্ । দ্বাদ॑শ পৌর্ণমা॒স্যঃ॑ । দ্বাদ॒শাষ্ট॑কাঃ । দ্বাদ॑শামাবা॒স্যাঃ᳚ । এ॒ষা বাব সা দে॒বাক্ষ॑রা বৃহ॒তী ॥ 59 ॥

যস্যা॒-ন্ত-ত্প্র॒ত্যতি॑ষ্ঠ॒দিতি॑ ॥ যানি॑ চ॒ ছন্দাগ্॑-স্য॒ত্যরি॑চ্যন্ত । যানি॑ চ॒ নোদভ॑বন্ন্ । তানি॒ নির্বী᳚র্যাণি হী॒নান্য॑মন্যন্ত । সা ঽব্র॑বী-দ্বৃহ॒তী । মামে॒ব ভূ॒ত্বা । মামুপ॒ সগ্গ্ শ্র॑য॒তেতি॑ । চ॒তুর্ভি॑র॒ক্ষরৈ॑-রনু॒ষ্টুগ্-বৃ॑হ॒তী-ন্নোদ॑ভবত্ । চ॒তুর্ভি॑র॒ক্ষরৈঃ᳚ প॒ঙ্ক্তি-র্বৃ॑হ॒তী-মত্য॑রিচ্যত । তস্যা॑মে॒তানি॑ চ॒ত্বার্য॒ক্ষরা᳚ণ্য-প॒চ্ছিদ্যা॑-দধাত্ ॥ 60 ॥

তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ ॥ অ॒ষ্টা॒ভি-র॒ক্ষরৈ॑রু॒ষ্ণিগ্-বৃ॑হ॒তী-ন্নোদ॑ভবত্ । অ॒ষ্টা॒ভির॒ক্ষরৈ᳚স্ত্রি॒ষ্টুগ্-বৃ॑হ॒তী-মত্য॑রিচ্যত । তস্যা॑মে॒তা-ন্য॒ষ্টাব॒ক্ষরা᳚ণ্য-প॒চ্ছিদ্যা॑দধাত্ । তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ । দ্বা॒দ॒শভি॑-র॒ক্ষরৈ᳚-র্গায॒ত্রী-বৃ॑হ॒তী-ন্নোদ॑ভবত্ । দ্বা॒দ॒শভি॑-র॒ক্ষরৈ॒-র্জগ॑তী-বৃহ॒তী-মত্য॑রিচ্যত । তস্যা॑মে॒তানি॒ দ্বাদ॑শা॒ক্ষরা᳚ণ্য-প॒চ্ছিদ্যা॑দধাত্ ॥ 61 ॥

তে বৃ॑হ॒তী এ॒ব ভূ॒ত্বা । বৃ॒হ॒তীমুপ॒ সম॑শ্রযতাম্ ॥ সো᳚-ঽব্রবীত্-প্র॒জাপ॑তিঃ । ছন্দাগ্ং॑সি॒ রথো॑ মে ভবত । যু॒ষ্মাভি॑-র॒হমে॒ত-মদ্ধ্বা॑ন॒মনু॒ সঞ্চ॑রা॒ণীতি॑ । তস্য॑ গায॒ত্রী চ॒ জগ॑তী চ প॒ক্ষাব॑ভবতাম্ । উ॒ষ্ণিক্চ॑ ত্রি॒ষ্টুপ্চ॒ প্রষ্ট্যৌ᳚ । অ॒নু॒ষ্টুপ্চ॑ প॒ঙ্ক্তিশ্চ॒ ধুর্যৌ᳚ । বৃ॒হ॒ত্যে॑বোদ্ধির॑ভবত্ । স এ॒ত-ঞ্ছ॑ন্দোর॒থমা॒স্থায॑ । এ॒তমদ্ধ্বা॑ন॒মনু॒ সম॑চরত্ । এ॒তগ্ং হ॒ বৈ ছ॑ন্দোর॒থমা॒স্থায॑ । এ॒তমদ্ধ্বা॑ন॒মনু॒ সঞ্চ॑রতি । যেনৈ॒ষ এ॒ত-থ্স॒চংর॑তি । য এ॒বং-বিঁ॒দ্বান্-থ্সোমে॑ন॒ যজ॑তে । য উ॑চৈনমে॒বং-বেঁদ॑ ॥ 62 ॥

(অ॒ভ॒ব॒ন্ - বাব সা দে॒বাক্ষ॑রা বৃহ॒ - ত্য॑দধা॒-দ্- দ্বাদ॑শা॒ক্ষরা᳚ণ্যপ॒চ্ছিদ্যা॑দধা - দা॒স্থায॒ ষট্চ॑) (অ. 12)

(অ॒গ্নেঃ কৃত্তি॑কা॒ - য-ত্পুণ্যং॑ - দে॒বস্য॑ সবি॒তু--র্ ব্র॑হ্মবা॒দিনঃ॒ ক - ত্যৃ॒তমে॒ব - দে॒বা বা - আযু॑ষঃ প্রা॒ণ - মিন্দ্রো॑ দধী॒চো -দে॑বাসু॒রা-স্স প্র॒জাপ॑তিঃ॒ - স স॑মু॒দ্রো - যে বৈ চ॒ত্বার॒ - স্তস্যাবা॑চো॒ দ্বাদ॑শ)

(অ॒গ্নেঃ কৃত্তি॑কা - দেবগৃ॒হা - ঋ॒তমে॒ব - বৈ᳚শ্বদে॒বেন॒ - তে তদ॑ন্ত॒ - ত-ম্প॑ঞ্চদ॒শেন॒ - তে বৃ॑হ॒তী এ॒ব দ্বিষ॑ষ্টিঃ)

(অ॒গ্নেঃ কৃত্তি॑কা॒ - য উ ॑চৈনমে॒বং-বেঁদ॑)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয ব্রাহ্মণে প্রথমাষ্টকে পঞ্চমঃ প্রপাঠক-স্সমাপ্তঃ ।

Roman (IAST) Transliteration

kṛṣṇa yajurvedīya taittirīya brāhmaṇe prathamāṣṭake pañcamaḥ prapāṭhakaḥ - nakṣatreṣṭikāṇḍam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - nakṣatreṣṭakāmantrāḥ, vikṛtirūpacayanagatāḥ

a॒gneḥ kṛtti̭kāḥ | śu॒kra-mpa॒rastā॒-jjyoti̭-ra॒vastā᳚t || pra॒jāpa̭te rohi॒ṇī | āpaḥ̭ pa॒rastā॒doṣa̭dhayo॒ 'vastā᳚t || soma̭syenva॒kā vita̭tāni | pa॒rastā॒dvaya̭nto॒ 'vastā᳚t || ru॒drasya̭ bā॒hū | mṛ॒ga॒yavaḥ̭ pa॒rastā᳚dvikṣā॒ro̭-'vastā᳚t || adi̭tyai॒ puna̭rvasū | vātaḥ̭ pa॒rastā̭dā॒rdra-ma॒vastā᳚t || 1 ||

bṛha॒spate᳚sti॒ṣyaḥ̭ | juhva̭taḥ pa॒rastā॒-dyaja̭mānā a॒vastā᳚t || sa॒rpāṇā̭-māśre॒ṣāḥ | a॒bhyā॒gaccha̭ntaḥ pa॒rastā̭dabhyā॒nṛtya̭nto॒-'vastā᳚t || pi॒tṛ॒ṇā-mma॒ghāḥ | ru॒dantaḥ̭ pa॒rastā̭dapabhra॒gṃ॒śo̭-'vastā᳚t || a॒rya॒mṇaḥ pūrve॒ phalgṷnī | jā॒yā pa॒rastā̭dṛṣa॒bho̭-'vastā᳚t || bhaga॒syotta̭re | va॒ha॒tavaḥ̭ pa॒rastā॒dvaha̭mānā a॒vastā᳚t || 2 ||

de॒vasya̭ savi॒tur-hastaḥ̭ | pra॒sa॒vaḥ pa॒rastā᳚-thsa॒nira॒vastā᳚t || indra̭sya ci॒trā | ṛ॒ta-mpa॒rastā᳚-thsa॒tya-ma॒vastā᳚t || vā॒yo-rniṣṭyā᳚ vra॒tatiḥ̭ | pa॒rastā॒-dasi̭ddhi-ra॒vastā᳚t || i॒ndrā॒gni॒yo-rviśā̭khe | yu॒gāni̭ pa॒rastā᳚t-kṛ॒ṣamā̭ṇā a॒vastā᳚t || mi॒trasyā̭-nūrā॒dhāḥ | a॒bhyā॒roha̭t-pa॒rastā̭-da॒bhyārṷ̄ḍha-ma॒vastā᳚t || 3 ||

indra̭sya rohi॒ṇī | śṛ॒ṇat-pa॒rastā᳚t-pratiśṛ॒ṇa-da॒vastā᳚t || nir-ṛ̭tyai-mūla॒varha̭ṇī | pra॒ti॒bha॒ñjantaḥ̭ pa॒rastā᳚t-pratiśṛ॒ṇanto॒-'vastā᳚t || a॒pā-mpūrvā̭ aṣā॒ḍhāḥ | varcaḥ̭ pa॒rastā॒-thsami̭ti-ra॒vastā᳚t || viśvḙṣā-nde॒vānā॒-mutta̭rāḥ | a॒bhi॒jaya̭t-pa॒rastā̭-da॒bhiji̭ta-ma॒vastā᳚t || vi॒ṣṇo᳚-śśro॒ṇā pṛ॒cchamā̭nāḥ | pa॒rastā॒t-panthā̭ a॒vastā᳚t || 4 ||

vasṷ̄nā॒g॒ śravi̭ṣṭhāḥ | bhū॒ta-mpa॒rastā॒-dbhūti̭ra॒vastā᳚t || indra̭sya-śa॒tabhi̭ṣak | vi॒śvavya̭cāḥ pa॒rastā᳚-dvi॒śvakṣi̭ti-ra॒vastā᳚t || a॒jasyaika̭padaḥ॒ pūrve᳚ proṣṭhapa॒dāḥ | vai॒śvā॒na॒ra-mpa॒rastā᳚-dvaiśvāvasa॒va-ma॒vastā᳚t || ahe᳚rbu॒dhniya॒-syotta̭re | a॒bhi॒ṣi॒ñcantaḥ̭ pa॒rastā̭-dabhiṣu॒ṇvanto॒-'vastā᳚t || pū॒ṣṇo re॒vatī᳚ | gāvaḥ̭ pa॒rastā᳚-dva॒thsā a॒vastā᳚t || a॒śvino̭raśva॒yujau᳚ | grāmaḥ̭ pa॒rastā॒thsenā॒ 'vastā᳚t || ya॒masyā̭pa॒bhara̭ṇīḥ | a॒pa॒karṣa̭ntaḥ pa॒rastā̭-dapa॒vaha̭nto॒-'vastā᳚t || pū॒rṇā pa॒ścādu॒ta pū॒rṇā pu॒rastā॒dunma̭dhya॒taḥ pau᳚rṇamā॒sī ji̭gāya | tasyā᳚-nde॒vā adhi̭ saṃ॒va~sa̭nta utta॒me nāka̭ i॒ha mā̭dayantām ||, yattḙ de॒vā ada̭dhu rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 5 ||

(ā॒rdrama॒vastā॒-d- vaha̭mānā a॒vastā̭ - da॒bhyārṷ̄ḍhama॒vastā॒t - panthā̭ a॒vastā᳚-d- va॒thsā a॒vastā॒-tpañca̭ ca) (a. 1)

anuvākaṃ 2 - karmānuṣṭhānārhaḥ nakṣatrarūpaḥ puṇyakālaḥ

ya-tpuṇya॒-nnakṣa̭tram | ta-dba-ṭkṷrvītopavyu॒ṣam | ya॒dā vai sūrya̭ u॒deti̭ | atha॒ nakṣa̭tra॒-nnaiti̭ | yāva̭ti॒ tatra॒ sūryo॒ gacche᳚t | yatra̭ jagha॒nya̭-mpaśye᳚t | tāva̭ti kurvīta ya-tkā॒rī syāt | pu॒ṇyā॒ha e॒va kṷrute | e॒vagṃ ha॒ vai ya॒jñeṣṷ-ñca śa॒tadyṷmna-ñca mā॒thsyo ni̭ravasāya॒yā-ñca̭kāra || 6 ||

yo vai na̭kṣa॒triya̭-mpra॒jāpa̭tiṃ॒-ve~da̭ | u॒bhayo̭renaṃ-lo~॒kayo᳚rviduḥ | hasta̭ e॒vāsya॒ hastaḥ̭ | ci॒trā śiraḥ̭ | niṣṭyā॒ hṛda̭yam | ū॒rū viśā̭khe | pra॒ti॒ṣṭhā 'nṷ̄rā॒dhāḥ | e॒ṣa vai na̭kṣa॒triyaḥ̭ pra॒jāpa̭tiḥ | ya e॒vaṃ-ve~da̭ | u॒bhayo̭renaṃ-lo~॒kayo᳚rviduḥ || 7 ||

a॒smiggścā॒-muṣmigg̭śca || yā-ṅkā॒mayḙta duhi॒tara̭-mpri॒yā syā॒diti̭ | tā-nniṣṭyā̭yā-ndadyāt | pri॒yaiva bha̭vati | neva॒ tu puna॒rāga̭cchati || a॒bhi॒jinnāma॒ nakṣa̭tram | u॒pari̭ṣṭā-daṣā॒ḍhānā᳚m | a॒vastā᳚cchro॒ṇāyai᳚ | de॒vā॒su॒rā-ssaṃya~̭ttā āsann | te de॒vāstasmi॒-nnakṣa̭tre॒-'bhya̭jayann || 8 ||

yada॒bhyaja̭yann | tada̭bhi॒jito̭-'bhiji॒ttvam | ya-ṅkā॒mayḙtā-napaja॒yya-ñja̭ye॒diti̭ | tame॒tasmi॒-nnakṣa̭tre yātayet | a॒na॒pa॒ja॒yyame॒va ja̭yati | pā॒papa̭rājitamiva॒ tu || pra॒jāpa̭tiḥ pa॒śūna̭sṛjata | te nakṣa̭tra-nnakṣatra॒-mupā̭tiṣṭhanta | te sa॒māva̭nta e॒vābha̭vann | te re॒vatī॒-mupā̭tiṣṭhanta || 9 ||

te re॒vatyā॒-mprābha̭vann | tasmā᳚-dre॒vatyā᳚-mpaśū॒nā-ṅkṷrvīta | ya-tkiñcā᳚rvā॒cīna॒gṃ॒ somā᳚t | praiva bha̭vanti || sa॒li॒laṃ-vā~ i॒dama̭nta॒rāsī᳚t | yadata̭rann | ta-ttāra̭kāṇā-ntāraka॒tvam | yo vā i॒ha yaja̭te | a॒mugṃ salo॒ka-nna̭kṣate | tannakṣa̭trāṇā-nnakṣatra॒tvam || 10 ||

de॒va॒gṛ॒hā vai nakṣa̭trāṇi | ya e॒vaṃ-ve~da̭ | gṛ॒hyḙva bha̭vati || yāni॒ vā i॒māni̭ pṛthi॒vyāści॒trāṇi̭ | tāni॒ nakṣa̭trāṇi | tasmā̭-daślī॒lanā̭magg-ści॒tre | nāva̭sye॒nna ya̭jeta | yathā̭ pāpā॒he kṷru॒te | tā॒dṛge॒va tat || de॒va॒na॒kṣa॒trāṇi॒ vā a॒nyāni̭ || 11 ||

ya॒ma॒na॒kṣa॒trāṇya॒nyāni̭ | kṛtti̭kāḥ pratha॒mam | viśā̭khe utta॒mam | tāni̭ devanakṣa॒trāṇi̭ | a॒nū॒rā॒dhāḥ pra̭tha॒mam | a॒pa॒bhara̭ṇī-rutta॒mam | tāni̭ yamanakṣa॒trāṇi̭ | yāni̭ devanakṣa॒trāṇi̭ | tāni॒ dakṣi̭ṇena॒ pari̭yanti | yāni̭ yamanakṣa॒trāṇi̭ || 12 ||

tānyutta̭reṇa || anvḙṣāmarā॒thsmeti̭ | tada̭nūrā॒dhāḥ | jye॒ṣṭhamḙṣā-mavadhi॒ṣmeti̭ | tajjye᳚ṣṭha॒ghnī | mūla̭meṣāmavṛkṣā॒meti̭ | ta-nmṷ̄la॒varha̭ṇī | yannāsa̭hanta | tada̭ṣā॒ḍhāḥ | yadaślo̭ṇat || 13 ||

tacchro॒ṇā | yadaśṛ̭ṇot | tacchravi̭ṣṭhāḥ | yaccha॒ta-mabhi̭ṣajyann | taccha॒tabhi̭ṣak | pro॒ṣṭha॒pa॒deṣūda̭yacchanta | re॒vatyā̭maravanta | a॒śva॒yujo̭rayuñjata | a॒pa॒bhara̭ṇī॒ṣva pā̭vahann | tāni॒ vā e॒tāni̭ yamanakṣa॒trāṇi̭ || yānye॒va dḙvanakṣa॒trāṇi̭ | teṣṷ kurvīta yatkā॒rī syāt | pu॒ṇyā॒ha e॒va kṷrute || 14 ||

(ca॒kā॒ - rai॒vaṃ-ve~do॒bhayo̭ renaṃ-lo~॒kayo᳚rvidu - rajayan - re॒vatī॒mupā̭tiṣṭhanta - nakṣatra॒tva - ma॒nyāni॒ - yāni̭ yamanakṣa॒trā - ṇyaślo̭ṇa--dyamanakṣa॒trāṇi॒ trīṇi̭ ca) (a. 2)

anuvākaṃ 3 - karmānuṣṭhānārhaḥ divasabhāgarūpaḥ heyopādeyakāla vibhāgaḥ

de॒vasya̭ savi॒tuḥ prā॒taḥ pra̭sa॒vaḥ prā॒ṇaḥ | varṷṇasya sā॒yamā̭sa॒vo̭-'pā॒naḥ || ya-tpra̭tī॒cīna̭-mprāta॒stanā᳚t | prā॒cīnagṃ̭ saṅga॒vāt | tato̭ de॒vā a̭gniṣṭo॒ma-nnira̭mimata | tat-tadātta̭vīrya-nnirmā॒rgaḥ || mi॒trasya̭ saṅga॒vaḥ | tat-puṇya̭-nteja॒svyahaḥ̭ |

tasmā॒ttarhi̭ pa॒śavaḥ̭ sa॒māya̭nti || ya-tpra̭tī॒cīnagṃ̭ saṅga॒vāt || 15 ||

prā॒cīna̭-mma॒ddhyandi̭nāt | tato̭ de॒vā u॒kthya̭-nnira̭mimata | tat-tadātta̭vīrya-nnirmā॒rgaḥ || bṛha॒spate᳚-rma॒ddhyandi̭naḥ | tat-puṇya̭-nteja॒svyahaḥ̭ | tasmā॒ttarhi॒ tekṣṇi̭ṣṭha-ntapati || yat-pra̭tī॒cīna̭-mma॒ddhyandi̭nāt | prā॒cīna̭-maparā॒hṇāt | tato̭ de॒vā-ṣṣo̭ḍa॒śina॒-nnira̭mimata | tattadātta̭vīrya-nnirmā॒rgaḥ || 16 ||

bhaga̭syāparā॒hṇaḥ | tat-puṇya̭-nteja॒svyahaḥ̭ | tasmā̭daparā॒hṇe kṷmā॒ryo̭ bhaga̭mi॒cchamā̭nā-ścaranti || yat-pra̭tī॒cīna̭maparā॒hṇāt | prā॒cīnagṃ̭ sā॒yāt | tato̭ de॒vā a̭tirā॒tra-nnira̭mimata | tattadātta̭vīrya-nnirmā॒rgaḥ || varṷṇasya sā॒yam | tat-puṇya̭-nteja॒svyahaḥ̭ | tasmā॒ttarhi॒ nānṛ̭taṃ-va~det || 17 ||

brā॒hma॒ṇo vā a̭ṣṭāvi॒gṃ॒śo nakṣa̭trāṇām | sa॒mā॒nasyāhnaḥ॒ pañca॒ puṇyā̭ni॒ nakṣa̭trāṇi | ca॒tvārya̭ślī॒lāni̭ | tāni॒ nava̭ | yacca̭ pa॒rastā॒nnakṣa̭trāṇāṃ॒-ya~ccā॒vastā᳚t | tānyekā̭daśa | brā॒hma॒ṇo dvā̭da॒śaḥ | ya e॒vaṃ-vi~॒dvān-thsaṃ̭va~thsa॒raṃ-vra~॒ta-ñcara̭ti | saṃ॒va~॒thsa॒reṇai॒vāsya̭ vra॒ta-ṅgu॒pta-mbha̭vati || sa॒mā॒nasyāhnaḥ॒ pañca॒ puṇyā̭ni॒ nakṣa̭trāṇi | ca॒tvārya̭ślī॒lāni̭ | tāni॒ nava̭ | ā॒gne॒yī rātriḥ̭ | ai॒ndramahaḥ̭ | tānyekā̭daśa | ā॒di॒tyo dvā̭da॒śaḥ | ya e॒vaṃ-vi~॒dvān-thsaṃ̭va~thsa॒raṃ-vra~॒ta-ñcara̭ti | saṃ॒va~॒thsa॒reṇai॒vāsya̭ vra॒ta-ṅgu॒pta-mbha̭vati || 18 ||

(sa॒ṅga॒vāth - ṣo̭ḍa॒śina॒-nnira̭mimata॒ tattadātta̭vīrya-nnirmā॒go - va̭de-d- bhavati samā॒nasyāhnaḥ॒ pañca॒ puṇyā̭ni॒ nakṣa̭trāṇya॒ṣṭau ca̭) (a. 3)

anuvākaṃ 4 - somaśeṣabhūtā pātrastutiḥ.(ādhvarabrāhmaṇaśeṣaḥ)

bra॒hma॒vā॒dino̭ vadanti | kati॒ pātrā̭ṇi ya॒jñaṃ-va~̭ha॒ntīti̭ | trayo̭da॒śeti̭ brūyāt | sa yadbrū॒yāt | kastāni॒ nira̭mimī॒teti̭ | pra॒jāpa̭ti॒riti̭ brūyāt | sa yadbrū॒yāt | kuta॒stāni॒ nira̭mimī॒teti̭ | ā॒tmana॒ iti̭ | prā॒ṇā॒pā॒nābhyā̭-me॒vopāg̭-śvantaryā॒mau nira̭mimīta || 19 ||

vyā॒nādṷpāgṃśu॒ sava̭nam | vā॒ca ai᳚ndravāya॒vam | da॒kṣa॒kra॒tubhyā᳚-mmaitrāvaru॒ṇam | śrotrā̭dāśvi॒nam | cakṣṷṣa-śśu॒krā ma॒nthinau᳚ | ā॒tmana̭ āgraya॒ṇam | aṅge᳚bhya u॒kthya᳚m | āyṷṣo dhru॒vam | pra॒ti॒ṣṭhāyā̭ ṛtupā॒tre || ya॒jñaṃ-vā~va ta-mpra॒jāpa̭ti॒-rnira̭mimīta | sa nirmi̭to॒ nāddhri̭yata॒ sama̭vlīyata | sa e॒tā-npra॒jāpa̭ti-rapivā॒pāna̭-paśyat | tānnira̭vapat | tairvai sa ya॒jñamapya̭vapat | yada̭pivā॒pā bhava̭nti | ya॒jñasya॒ dhṛtyā॒ asaṃ̭vla~yāya || 20 ||

(u॒pā॒g॒śva॒nta॒ryā॒mau nira̭mimītā- mimīta॒ ṣaṭ ca̭) (a. 4)

anuvākaṃ 5 - cāturmāsyaśeṣā vapanamantrāḥ, (rājasūyabrāhmaṇam)

ṛ॒tame॒va pa̭rame॒ṣṭhi | ṛ॒ta-nnātyḙti॒ ki-ñca॒na | ṛ॒te sa̭mu॒dra āhi̭taḥ | ṛ॒te bhūmi̭ri॒yagg śri॒tā | a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye || 21 ||

tapa̭sā॒-'syānṷvartaye | śi॒venā॒syopa̭vartaye | śa॒gmenā᳚syā॒-bhiva̭rtaye | tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || ya-dgha॒rmaḥ pa॒ryava̭rtayat | antā᳚-npṛthi॒vyā di॒vaḥ | a॒gnirīśā̭na॒ oja̭sā | varṷṇo dhī॒tibhiḥ̭ sa॒ha || 22 ||

indro̭ ma॒rudbhi॒-ssakhi̭bhi-ssa॒ha || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒bhiva̭rtaye || 23 ||

tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || yo a॒syāḥ pṛ̭thi॒vyāstva॒ci | ni॒va॒rtaya॒tyoṣa̭dhīḥ | a॒gnirīśā̭na॒ oja̭sā | varṷṇo dhī॒tibhiḥ̭ sa॒ha | indro̭ ma॒rudbhi॒-ssakhi̭bhi-ssa॒ha || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ || 24 ||

śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒-bhiva̭rtaye | tadṛ॒ta-nta-thsa॒tyam | ta-dva॒ta-ntaccha̭keyam | tena̭ śakeya॒-ntena̭ rāddhyāsam || 25 ||

eka॒-mmāsa॒-muda̭sṛjat | pa॒ra॒me॒ṣṭhī pra॒jābhyaḥ̭ | tenā᳚bhyo॒ maha॒ āva̭hat | a॒mṛta॒-mmartyā᳚bhyaḥ | pra॒jāmanu॒ prajā̭yase | tadṷ te martyā॒mṛta᳚m | yena॒ māsā̭ ardhamā॒sāḥ | ṛ॒tavaḥ̭ parivathsa॒rāḥ | yena॒ te te᳚ prajāpate | ī॒jā॒nasya॒ nyava̭rtayann || 26 ||

tenā॒hama॒sya brahma̭ṇā | niva̭rtayāmi jī॒vase᳚ || a॒gnisti॒gmena̭ śo॒ciṣā᳚ | tapa॒ ākrā᳚nta-mu॒ṣṇihā᳚ | śira॒stapa॒syāhi̭tam | vai॒śvā॒na॒rasya॒ teja̭sā | ṛ॒tenā᳚sya॒ niva̭rtaye | sa॒tyena॒ pari̭vartaye | tapa̭sā॒ 'syānṷvartaye | śi॒venā॒syopa̭vartaye | śa॒gmenā᳚syā॒bhiva̭rtaye | tadṛ॒ta-nta-thsa॒tyam | ta-dvra॒ta-ntaccha̭keyam | tena̭ śakeya॒-ntena̭ rāddhyāsam || 27 ||

(pari̭vartaye - sa॒hā - bhiva̭rtaya - u॒ṣṇihā̭ - rāddhyāsaṃ॒ - nyava̭rtaya॒n - nupa̭vartaye ca॒tvāri̭ ca) (a. 5)

anuvākaṃ 6 - cāturmāsyaśeṣā vapanavidhiḥ (rājasūyabrāhmaṇam)

de॒vā vai ya-dya॒jñe 'kṷrvata | tadasṷrā akurvata | te-'sṷrā ū॒rdhva-mpṛ॒ṣṭhebhyo॒ nāpa̭śyann | te keśā॒nagrḙ-'vapanta | atha॒ śmaśrṷ̄ṇi | atho̭papa॒kṣau | tata॒ste-'vā᳚ñca āyann | parā̭-'bhavann | yasyai॒vaṃ-va~pa̭nti | avāṃ̭eti || 28 ||

atho॒ parai॒va bha̭vati | atha̭ de॒vā ū॒rdhva-mpṛ॒ṣṭhebhyo̭-'paśyann | ta ṷpapa॒kṣāvagrḙ-'vapanta | atha॒ śmaśrṷ̄ṇi | atha॒ keśāṋ | tata॒stḙ-'bhavann | su॒va॒rgaṃ-lo~॒kamā̭yann | yasyai॒vaṃ-va~pa̭nti | bhava̭tyā॒tmanā᳚ | atho̭ suva॒rgaṃ-lo~॒kamḙti || 29 ||

athai॒ta-nmanṷ-rva॒ptre mi̭thu॒na-ma̭paśyat | sa śmaśrū॒ṇyagrḙ-'vapata | atho̭papa॒kṣau | atha॒ keśāṋ | tato॒ vai sa prājā̭yata pra॒jayā̭ pa॒śubhiḥ̭ | yasyai॒vaṃ-va~pa̭nti | pra pra॒jayā̭ pa॒śubhi̭-rmithu॒nai-rjā̭yate || de॒vā॒su॒rā-ssaṃya~̭ttā āsann | te saṃ̭va~thsa॒re vyāya̭cchanta | tā-nde॒vāścā̭tu-rmā॒syaire॒vābhi prāyṷñjata || 30 ||

vai॒śva॒de॒vena̭ ca॒turo̭ mā॒so̭-'vṛñja॒tendra̭rājānaḥ | tāñchī॒r॒ṣanni cāva̭rtayanta॒ pari̭ ca | va॒ru॒ṇa॒ pra॒ghā॒sai-śca॒turo̭ mā॒so̭-'vṛñjata॒ varṷṇarājānaḥ | tāñchī॒r॒ṣanni cāva̭rtayanta॒ pari̭ ca | sā॒ka॒me॒dhaiśca॒turo̭ mā॒so̭-'vṛñjata॒ soma̭rājānaḥ | tāñchī॒ra॒.ṣanni cāva̭rtayanta॒ pari̭ ca | yā saṃ̭va~thsa॒ra ṷpajī॒vā ''sī᳚t | tāmḙṣā-mavṛñjata | tato̭ de॒vā abha̭vann | parā-'sṷrāḥ || 31 ||

ya e॒vaṃ-vi~॒dvāg-ścā̭turmā॒syai-ryaja̭te | bhrātṛ̭vyasyai॒va mā॒so vṛ॒ktvā | śī॒r॒ṣanni ca̭ va॒rtaya̭te॒ pari̭ ca | yaiṣā saṃ̭va~thsa॒ra ṷpajī॒vā | vṛ॒ṅkte tā-mbhrātṛ̭vyasya | kṣu॒dhā 'sya॒ bhrātṛ̭vyaḥ॒ parā̭ bhavati || lo॒hi॒tā॒ya॒sena॒ niva̭rtayate | yadvā i॒māma॒gnir-ṛ॒tāvāga̭te niva॒rtaya̭ti | e॒tade॒vaināgṃ̭ rū॒pa-ṅkṛ॒tvā niva̭rtayati | sā tata॒-śśva-śśvo॒ bhūya̭sī॒ bhava̭ntyeti || 32 ||

prajā̭yate | ya e॒vaṃ-vi~॒dvā~llo̭hitāya॒sena̭ niva॒rtaya̭te | e॒tade॒va rū॒pa-ṅkṛ॒tvā niva̭rtayate | sa tata॒-śśva-śśvo॒ bhūyā॒n-bhava̭nneti | praiva jā̭yate || tre॒ṇyā śa̭la॒lyā niva̭rtayeta | trīṇi̭ trīṇi॒ vai de॒vānā̭mṛ॒ddhāni̭ | trīṇi॒ chandāgṃ̭si | trīṇi॒ sava̭nāni | traya̭ i॒me lo॒kāḥ || 33 ||

ṛ॒ddhyāme॒va ta-dvī॒rya̭ e॒ṣu lo॒keṣu॒ prati̭ tiṣṭhati || yaccā̭turmāsyayā॒-jyā᳚tmano॒ nāva॒dyet | de॒vebhya॒ āvṛ̭ścyeta | ca॒tṛ॒ṣu ca̭tṛṣu॒ māsḙṣu॒ niva̭rtayeta | pa॒rokṣa̭me॒va ta-dde॒vebhya̭ ā॒tmano-'va̭dya॒tyanā᳚ vraskāya || de॒vānāṃ॒-vā~ e॒ṣa ānī̭taḥ | yaścā̭turmāsyayā॒jī | ya e॒vaṃ-vi~॒dvānni ca̭ va॒rtaya̭te॒ pari̭ ca | de॒vatā̭ e॒vāpyḙti | nāsya̭ ru॒draḥ pra॒jā-mpa॒śū-na॒bhima̭nyate || 34 ||

(e॒tye॒- tya॒ - yu॒ñja॒tā - sṷrā - eti - lo॒kā - ma̭nyate) (a. 6)

anuvākaṃ 7 - agnicayanaśeṣā iṣṭakopadhānamantrāḥ, tatra santatyākhyeṣṭakāmantrāḥ

āyṷṣaḥ prā॒ṇagṃ santa̭nu | prā॒ṇāda̭pā॒nagṃ santa̭nu | a॒pā॒nā-dvyā॒nagṃ santa̭nu | vyā॒nāccakṣu॒-ssanta̭nu | cakṣṷṣa॒-śśrotra॒gṃ॒ santa̭nu | śrotrā॒-nmana॒-ssanta̭nu | mana̭so॒ vāca॒gṃ॒ santa̭nu | vā॒ca ā॒tmāna॒gṃ॒ santa̭nu | ā॒tmanaḥ̭ pṛthi॒vīgṃ santa̭nu | pṛ॒thi॒vyā a॒ntari̭kṣa॒gṃ॒ santa̭nu | a॒ntari̭kṣā॒-ddiva॒gṃ॒ santa̭nu |diva॒-ssuva॒-ssanta̭nu || 35 ||

(a॒ntari̭kṣa॒gṃ॒ santa̭nu॒ dve ca̭) (a. 7)

anuvākaṃ 8 - agnicayanaśeṣā tharvaśiro-'bhidhānānāmiṣṭakānā-mmantrāḥ

indro̭ dadhī॒co a॒sthabhiḥ̭ | vṛ॒trāṇya pra̭tiṣkutaḥ | ja॒ghāna̭ nava॒ tīrnava̭ || i॒cchannaśva̭sya॒ yacchiraḥ̭ | parva̭te॒ṣvapa̭ śritam | ta-dvi̭daccharya॒ṇāva̭ti || atrā ha ॒gorama̭nvata | nāma॒ tvaṣṭṷrapī॒cya᳚m | i॒tthā ca॒ndrama̭so gṛ॒he || indra॒midgā॒thino̭ bṛ॒hat || 36 ||

indra̭ma॒rkebhi̭ra॒rkiṇaḥ̭ | indraṃ॒-vā~ṇī̭ranūṣata || indra॒ iddharyo॒-ssacā᳚ | sammi̭śla॒ āva̭co॒ yujā᳚ | indro̭ va॒jrī hi̭ra॒ṇyayaḥ̭ || indro̭ dī॒rghāya॒ cakṣa̭se | ā sūryagṃ̭ rohaya-ddi॒vi | vi gobhi॒radri̭mairayat || indra॒ vājḙṣu no ava | sa॒hasra̭ pradhaneṣu ca || 37 ||

u॒gra u॒grābhi̭rū॒tibhiḥ̭ || tamindraṃ̭-vā~jayāmasi | ma॒he vṛ॒trāya॒ hanta̭ve | sa vṛṣā̭ vṛṣa॒bho bhṷvat || indra॒-ssadāma̭ne kṛ॒taḥ | oji̭ṣṭha॒-ssa balḙ hi॒taḥ | dyu॒mnī ślo॒kī sa sau॒myaḥ̭ || gi॒rā vajro॒ na sambhṛ̭taḥ | saba̭lo॒ ana̭pacyutaḥ | va॒va॒kṣu-ru॒gro astṛ̭taḥ || 38 ||

(bṛ॒ha- ccā - stṛ̭taḥ) (a. 8)

anuvākaṃ 9 - somaśeṣabhūtā iṣṭayaḥ. (ādhvarabrāhmaṇam)

de॒vā॒su॒rā-ssaṃya~̭ttā āsann | sa pra॒jāpa̭ti॒rindra̭-ñjye॒ṣṭha-mpu॒tramapa॒ nya̭dhatta | nedḙna॒masṷrā॒ balī̭yāgṃ so-'hana॒nniti̭ | pra॒hrādo̭ ha॒ vai kā̭yādha॒vaḥ | vi॒roca̭na॒gg॒ sva-mpu॒tramapa॒ nya̭dhatta | nedḙna-nde॒vā a̭hana॒nniti̭ | te de॒vāḥ pra॒jāpa̭ti-mupasa॒metyo̭cuḥ | nārā॒jaka̭sya yu॒ddhama̭sti | indra॒manvi̭cchā॒meti̭ | taṃ-ya~̭jñakra॒tubhi॒-ranvai᳚cchann || 39 ||

taṃ-ya~̭jñakra॒tubhi॒rnānva̭vindann | tamiṣṭi̭bhi॒-ranvai᳚cchann | tamiṣṭi̭bhi॒-ranva̭vindann | tadiṣṭī̭nā-miṣṭi॒tvam | eṣṭa̭yo ha॒ vai nāma̭ | tā iṣṭa̭ya॒ ityāca̭kṣate pa॒rokṣḙṇa | pa॒rokṣa̭priyā iva॒ hi de॒vāḥ || tasmā̭ e॒tamā᳚gnāvaiṣṇa॒va-mekā̭daśakapāla-ndīkṣa॒ṇīya॒-nnira̭vapann | tada̭pa॒drutyā̭tanvata | tānpa̭tnī saṃyā~॒jānta॒ upā̭nayann || 40 ||

te tada̭-ntame॒va kṛ॒tvoda̭dravann || te prā̭ya॒ṇīya̭ma॒bhi sa॒māro̭hann | tada̭pa॒drutyā̭tanvata | tāñchaṃ॒yva~̭nta॒ upā̭nayann | te tada̭tamme॒va kṛ॒tvoda̭dravann || ta ā̭ti॒thyama॒bhi sa॒māro̭hann | tada̭pa॒drutyā̭tanvata | tāniḍā᳚nta॒ upā̭nayann | te tada̭tamme॒va kṛ॒tvoda̭dravann | tasmā̭ de॒tā e॒tada̭ntā॒ iṣṭa̭ya॒-ssanti̭ṣṭhante || 41 ||

e॒vagṃ hi de॒vā akṷrvata | iti̭ de॒vā a̭kurvata | ityu॒ vai ma̭nu॒ṣyāḥ᳚ kurvate || te de॒vā ṷ̄cuḥ | yadvā i॒damu॒ccai-rya॒jñena॒ carā̭ma | tanno-'sṷrāḥ pā॒pmā-'nṷvindanti | u॒pā॒gṃ॒śṷ̄pa॒sadā̭ carāma | tathā॒ no-'sṷrāḥ pā॒pmā nānṷvethsya॒ntīti̭ | ta ṷpā॒gṃ॒śṷ̄pa॒sada̭-matanvata | ti॒sra e॒va sā̭midhe॒nīra॒nūcya̭ || 42 ||

sru॒veṇā̭ghā॒ra-mā॒ghārya̭ | ti॒sraḥ parā̭cī॒-rāhṷtīr-hu॒tvā | sru॒veṇo̭pa॒sada̭-ñjuha॒vāñca̭kruḥ | u॒graṃ-va~co॒ apā̭vadhī-ntve॒ṣaṃ-va~co॒ apā̭vadhī॒g॒ svāheti̭ | a॒śa॒na॒yā॒pi॒pā॒se ha॒ vā u॒graṃ-va~caḥ̭ | ena̭śca॒ vaira̭hatya-ñca tve॒ṣaṃ-va~caḥ̭ | e॒tagṃ ha॒ vāva tacca̭turdhāvihi॒ta-mpā॒pmāna̭-nde॒vā apa̭jaghnire || tatho̭ e॒vaitadḙvaṃ॒-vi~dyaja̭mānaḥ | ti॒sra e॒va sā̭midhe॒nīra॒nūcya̭ | sru॒veṇā̭ghā॒ra-mā॒ghārya̭ || 43 ||

ti॒sraḥ parā̭cī॒rāhṷtīr-hu॒tvā | sru॒veṇo̭pa॒sada̭-ñjuhoti | u॒graṃ-va~co॒ apā̭vadhī-ntve॒ṣaṃ-va~co॒ apā̭vadhī॒g॒ svāheti̭ | a॒śa॒na॒yā॒pi॒pā॒se ha॒ vā u॒graṃ-va~caḥ̭ | ena̭śca॒ vaira̭hatya-ñca tve॒ṣaṃ-va~caḥ̭ | e॒tame॒va tacca̭turdhā-vihi॒ta-mpā॒pmānaṃ॒-ya~ja̭mā॒no-'pa̭hate || tḙ-'bhi॒nīyai॒vāhaḥ̭ pa॒śumā-'la̭bhanta | ahna̭ e॒va ta-dde॒vā ava̭rti-mpā॒pmāna̭-mmṛ॒tyumapa̭jaghnire | tenā̭bhi॒nīyḙva॒ rātreḥ॒ prāca̭rann | rātri̭yā e॒va ta-dde॒vā ava̭rti-mpā॒pmāna̭-mmṛ॒tyumapa̭jaghnire || 44 ||

tasmā̭dabhi॒nīyai॒vāhaḥ̭ pa॒śumāla̭bheta | ahna̭ e॒va ta-dyaja̭mā॒no 'va̭rti-mpā॒pmāna॒-mbhrātṛ̭vyā॒napa̭nudate | tenā̭bhi॒nīyḙva॒ rātreḥ॒ praca̭ret | rātri̭yā e॒va ta-dyaja̭mā॒no 'va̭rti-mpā॒pmāna॒-mbhrātṛ̭vyā॒napa̭nudate || sa e॒ṣa ṷpavasa॒thīye 'ha̭n-dvideva॒tyaḥ̭ pa॒śurāla̭bhyate | dva॒yaṃ-vā~ a॒smin ~lo॒ke yaja̭mānaḥ | asthi̭ ca mā॒gṃ॒sa-ñca̭ | asthi̭ cai॒va tena̭ mā॒gṃ॒sa-ñca॒ yaja̭māna॒-ssagg skṷrute || tā vā e॒tāḥ pañca̭ de॒vatāḥ᳚ | a॒gnīṣomā̭-va॒gni-rmi॒trāvarṷṇau || 45 ||

pa॒ñca॒pa॒ñcī vai yaja̭mānaḥ | tvammā॒gṃ॒ sagg snāvāsthi̭ ma॒jjā | e॒tame॒va tatpa̭ñcadhā vihi॒tamā॒tmānaṃ̭-va~ruṇapā॒śā-nmṷñcati | bhe॒ṣa॒jatā̭yai nirvaruṇa॒tvāya̭ || tagṃ sa॒ptabhi॒-śchando̭bhiḥ prā॒tara̭hvayann | tasmā᳚thsa॒pta ca̭turutta॒rāṇi॒ chandāgṃ̭si prātaranuvā॒ke-'nū᳚cyante || tame॒tayo̭-pasa॒metyo-pā̭sīdann | upā᳚smai gāyatā nara॒ iti̭ | tasmā̭ de॒tayā̭ bahiṣpavamā॒na ṷpa॒sadyaḥ̭ || 46 ||

(ai॒ccha॒n - na॒na॒ya॒gg॒ - sti॒ṣṭha॒nte॒ - 'nūcyā॒ - nūcya̭ sru॒veṇā̭ghā॒ramā॒ghārya॒ - rātri̭yā e॒va ta-dde॒vā ava̭rti-mpā॒pmānaṃ̭ mṛ॒tyumapa̭jaghnire - mi॒trāvarṷṇau॒ - +nava̭ ca ) (a. 9)

(de॒vā yaja̭māno de॒vā de॒vā yaja̭māno॒ yaja̭māno-'labhanta॒ prāca̭ra~llabheta॒ praca̭re॒dāla̭bha॒ntāla̭bheta mṛ॒tyumapa̭jaghnire॒ bhrātṛ̭vyān)

anuvākaṃ 10 - trivṛdādistomarūpāṇi somaṅgāni. (ādhvarabrāhmaṇam)

sa sa̭mu॒dra ṷttara॒taḥ prājva̭la-dbhūmya॒ntena̭ | e॒ṣa vāva sa sa̭mu॒draḥ | yaccātvā̭laḥ | e॒ṣa ṷ ve॒va sa bhū᳚mya॒ntaḥ | yadve᳚dya॒ntaḥ | tade॒tat-tri̭śa॒la-ntri̭pūru॒ṣam | tasmā॒t-ta-ntri̭vita॒sta-ṅkha̭nanti || sa sṷvarṇaraja॒tābhyā᳚-ṅku॒śībhyā॒-mpari̭gṛhīta āsīt | taṃ-ya~da॒syā addhya॒jana̭yann | tasmā̭dādi॒tyaḥ || 47 ||

atha॒ ya-thsṷvarṇaraja॒tābhyā᳚-ṅku॒śībhyā॒-mpari̭gṛhīta॒ āsī᳚t | sā-'sya̭ kauśi॒katā᳚ || ta-ntri॒vṛtā॒-'bhi prāstṷvata | ta-ntri॒vṛtā ''da̭data | ta-ntri॒vṛtā ''ha̭rann | yāva̭tī tri॒vṛto॒ mātrā᳚ || ta-mpa̭ñcada॒śenā॒bhi prāstṷvata | ta-mpa̭ñcada॒śenāda̭data | ta-mpa̭ñcada॒śenāha̭rann | yāva̭tī pañcada॒śasya॒ mātrā᳚ || 48 ||

tagṃ sa̭ptada॒śenā॒bhi prāstṷvata | tagṃ sa̭ptada॒śenāda̭data | tagṃ sa̭ptada॒śenāha̭rann | yāva̭tī saptada॒śasya॒ mātrā᳚ | tasya̭ saptada॒śena̭ hri॒yamā̭ṇasya॒ tejo॒ haro̭-'patat | tamḙkavi॒gṃ॒ śenā॒bhi prāstṷvata | tamḙkavi॒gṃ॒śenāda̭data | tamḙkavi॒gṃ॒śenāha̭rann | yāva̭tyekavi॒gṃ॒śasya॒ mātrā᳚ || te yat-tri॒vṛtā᳚ stu॒vate᳚ || 49 ||

tri॒vṛtai॒va ta-dyaja̭māna॒māda̭date | ta-ntri॒vṛtai॒va ha̭ranti | yāva̭tī tri॒vṛto॒ mātrā᳚ | a॒gnirvai tri॒vṛt | yāva॒dvā a॒gnerdaha̭to dhū॒ma u॒detyānu॒vyeti̭ | tāva̭tī tri॒vṛto॒ mātrā᳚ | a॒gnere॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti || atha॒ yatpa̭ñcada॒śena̭ stu॒vate᳚ | pa॒ñca॒da॒śenai॒va ta-dyaja̭māna॒-māda̭date || 50 ||

ta-mpa̭ñcada॒śenai॒va ha̭ranti | yāva̭tī pañcada॒śasya॒ mātrā᳚ | ca॒ndramā॒ vai pa̭ñcada॒śaḥ | e॒ṣa hi pa̭ñcada॒śyāma̭pakṣī॒yate᳚ | pa॒ñca॒daśyā-mā̭pū॒ryate᳚ | ca॒ndrama̭sa e॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti | atha॒ yathsa̭ptada॒śena̭ stu॒vate᳚ | sa॒pta॒da॒śenai॒va ta-dyaja̭māna॒māda̭date | tagṃ sa̭ptada॒śenai॒va ha̭ranti || 51 ||

yāva̭tī saptada॒śasya॒ mātrā᳚ | pra॒jāpa̭ti॒rvai sa̭ptada॒śaḥ | pra॒jāpa̭tere॒vaina॒-ntat | mātrā॒gṃ॒ sāyṷjyagṃ salo॒katā᳚-ṅgamayanti | atha॒ yadḙkavi॒gṃ॒śena̭ stu॒vate᳚ | e॒ka॒vi॒gṃ॒śenai॒va ta-dyaja̭māna॒-māda̭date | tamḙkavi॒gṃ॒śenai॒va ha̭ranti | yāva̭tyekavi॒gṃ॒śasya॒ mātrā᳚ | a॒sau vā ā̭di॒tya ḙkavi॒gṃ॒śaḥ | ā॒di॒tyasyai॒vaina॒-ntat || 52 ||

mātrā॒gṃ॒ sāyṷjyagṃ salo॒katā᳚-ṅgamayanti || te ku॒śyau᳚ | vya̭ghnann | te a̭horā॒tre a̭bhavatām | aha̭re॒va su॒varṇā̭ 'bhavat | ra॒ja॒tā rātriḥ̭ | sa yadā̭di॒tya u॒deti̭ | e॒tāme॒va tathsu॒varṇā᳚-ṅku॒śīmanu॒ samḙti | atha॒ yada̭sta॒meti̭ | e॒tāme॒va ta-dra̭ja॒tā-ṅku॒śīmanu॒ saṃvi~̭śati || pra॒hrādo̭ ha॒ vai kā̭yādha॒vaḥ | vi॒roca̭na॒gg॒ sva-mpu॒tramudā᳚syat | sa pra̭da॒ro̭-'bhavat | tasmā᳚-tprada॒rādṷda॒ka-nnācā̭met || 53 ||

(ā॒di॒tyaḥ - pa̭ñcada॒śasya॒ mātrā᳚ - stu॒vatḙ - pañcada॒śenai॒va ta-dyaja̭māna॒māda̭date - saptada॒śenai॒va ha̭ran - tyādi॒tyasyai॒vaina॒nta-d॒ vi̭śati ca॒tvāri̭ ca) (a. 10)

anuvākaṃ 11 - savanīyapaśupuroḍāśāḥ (ādhvarabrāhmaṇam)

ye vai ca॒tvāra॒-sstomāḥ᳚ | kṛ॒ta-ntat | atha॒ ye pañca̭ | kali॒-ssaḥ | tasmā॒ccatṷṣṭomaḥ | taccatṷṣṭomasya catuṣṭoma॒tvam || tadā̭huḥ | ka॒ta॒māni॒ tāni॒ jyotīgṃ̭ṣi | ya e॒tasya॒ stomā॒ iti̭ | tri॒vṛt-pa̭ñcada॒śa-ssa̭ptada॒śa ḙkavi॒gṃ॒śaḥ || 54 ||

e॒tāni॒ vāva tāni॒ jyotīgṃ̭ṣi | ya e॒tasya॒ stomāḥ᳚ || so᳚-'bravīt | sa॒pta॒da॒śena̭ hri॒yamā̭ṇo॒ vya̭leśiṣi | bhi॒ṣajya̭ta॒ meti̭ | tama॒śvinaṷ dhā॒nābhi̭-rabhiṣajyatām | pū॒ṣā ka̭ra॒mbheṇa̭ | bhāra̭tī parivā॒peṇa̭ | mi॒trāvarṷṇau paya॒sya̭yā || tadā̭huḥ || 55 ||

yada॒śvibhyā᳚-ndhā॒nāḥ | pū॒ṣṇaḥ ka̭ra॒mbhaḥ | bhāra̭tyai parivā॒paḥ | mi॒trāvarṷṇayoḥ paya॒syā-'tha̭ | kasmā̭de॒teṣāgṃ̭ ha॒viṣā॒mindra̭me॒va ya̭ja॒ntīti̭ | e॒tā hyḙna-nde॒vatā॒ iti̭ brūyāt | e॒tair-ha॒virbhi॒-rabhi̭ṣajya॒gg॒-stasmā॒diti̭ || taṃ-va~sa̭vo॒-'ṣṭāka̭pālena prātassava॒nḙ-'bhiṣajyann | ru॒drā ekā̭daśakapālena॒ māddhya̭ndine॒ sava̭ne | viśvḙ de॒vā dvāda̭śakapālena tṛtīyasava॒ne || 56 ||

sa yada॒ṣṭāka̭pālā-nprātassava॒ne ku॒ryāt | ekā̭daśakapālā॒-nmāddhya̭ndine॒ sava̭ne | dvāda̭śakapālāg stṛtīya sava॒ne | vilo̭ma॒ ta-dya॒jñasya̭ kriyeta | ekā̭daśakapālāne॒va prā̭tassava॒ne kṷryāt | ekā̭daśakapālā॒-nmāddhya̭ndine॒ sava̭ne | ekā̭daśakapālāg stṛtīya sava॒ne | ya॒jñasya̭ saloma॒tvāya̭ || tadā̭huḥ | ya-dvasṷ̄nā-mprātassava॒nam | ru॒drāṇā॒-mmāddhya̭ndina॒gṃ॒ sava̭nam | viśvḙṣā-nde॒vānā᳚-ntṛtīyasava॒nam | atha॒ kasmā̭de॒teṣāgṃ̭ ha॒viṣā॒mindra̭me॒va ya̭ja॒ntīti̭ | e॒tā hyḙna-nde॒vatā॒ iti̭ brūyāt | e॒tair-ha॒virbhi॒rabhi̭ṣajya॒gg॒ stasmā॒diti̭ || 57 ||

(e॒ka॒vi॒gṃ॒śa-ā̭hu-stṛtīyasava॒ne-prā̭tassava॒na-mpañca̭ ca) (a. 11)

anuvākaṃ 12 - saptachandāṃsi prapañcyante (ādhvarabrāhmaṇam)

tasyāvā̭co-'vapā॒dāda̭bibhayuḥ | tame॒teṣṷ sa॒ptasu॒ chandaḥ̭ svaśrayann | yadaśra̭yann | tacchrā̭ya॒ntīya̭sya śrāyantīya॒tvam | yadavā̭rayann | ta-dvā̭rava॒ntīya̭sya vāravantīya॒tvam || tasyāvā̭ca e॒vāva̭pā॒dāda̭bibhayuḥ | tasmā̭ e॒tāni̭ sa॒pta ca̭turutta॒rāṇi॒ chandā॒g॒syupā̭dadhuḥ | teṣā॒mati॒ trīṇya̭ricyanta | na trīṇyuda̭bhavann || 58 ||

sa bṛ̭ha॒tīme॒vā-spṛ̭śat | dvābhyā̭ma॒kṣarā᳚bhyām | a॒ho॒rā॒trābhyā̭me॒va || tadā̭huḥ | ka॒ta॒mā sā de॒vākṣa̭rā bṛha॒tī | yasyā॒-nta-tpra॒tyati̭ṣṭhat | dvāda̭śa paurṇamā॒syaḥ̭ | dvāda॒śāṣṭa̭kāḥ | dvāda̭śāmāvā॒syāḥ᳚ | e॒ṣā vāva sā de॒vākṣa̭rā bṛha॒tī || 59 ||

yasyā॒-nta-tpra॒tyati̭ṣṭha॒diti̭ || yāni̭ ca॒ chandāg̭-sya॒tyari̭cyanta | yāni̭ ca॒ nodabha̭vann | tāni॒ nirvī᳚ryāṇi hī॒nānya̭manyanta | sā 'bra̭vī-dbṛha॒tī | māme॒va bhū॒tvā | māmupa॒ sagg śra̭ya॒teti̭ | ca॒turbhi̭ra॒kṣarai̭-ranu॒ṣṭug-bṛ̭ha॒tī-nnoda̭bhavat | ca॒turbhi̭ra॒kṣaraiḥ᳚ pa॒ṅkti-rbṛ̭ha॒tī-matya̭ricyata | tasyā̭me॒tāni̭ ca॒tvārya॒kṣarā᳚ṇya-pa॒cchidyā̭-dadhāt || 60 ||

te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām || a॒ṣṭā॒bhi-ra॒kṣarai̭ru॒ṣṇig-bṛ̭ha॒tī-nnoda̭bhavat | a॒ṣṭā॒bhira॒kṣarai᳚stri॒ṣṭug-bṛ̭ha॒tī-matya̭ricyata | tasyā̭me॒tā-nya॒ṣṭāva॒kṣarā᳚ṇya-pa॒cchidyā̭dadhāt | te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām | dvā॒da॒śabhi̭-ra॒kṣarai᳚-rgāya॒trī-bṛ̭ha॒tī-nnoda̭bhavat | dvā॒da॒śabhi̭-ra॒kṣarai॒-rjaga̭tī-bṛha॒tī-matya̭ricyata | tasyā̭me॒tāni॒ dvāda̭śā॒kṣarā᳚ṇya-pa॒cchidyā̭dadhāt || 61 ||

te bṛ̭ha॒tī e॒va bhū॒tvā | bṛ॒ha॒tīmupa॒ sama̭śrayatām || so᳚-'bravīt-pra॒jāpa̭tiḥ | chandāgṃ̭si॒ ratho̭ me bhavata | yu॒ṣmābhi̭-ra॒hame॒ta-maddhvā̭na॒manu॒ sañca̭rā॒ṇīti̭ | tasya̭ gāya॒trī ca॒ jaga̭tī ca pa॒kṣāva̭bhavatām | u॒ṣṇikca̭ tri॒ṣṭupca॒ praṣṭyau᳚ | a॒nu॒ṣṭupca̭ pa॒ṅktiśca॒ dhuryau᳚ | bṛ॒ha॒tyḙvoddhira̭bhavat | sa e॒ta-ñcha̭ndora॒thamā॒sthāya̭ | e॒tamaddhvā̭na॒manu॒ sama̭carat | e॒tagṃ ha॒ vai cha̭ndora॒thamā॒sthāya̭ | e॒tamaddhvā̭na॒manu॒ sañca̭rati | yenai॒ṣa e॒ta-thsa॒caṃra̭ti | ya e॒vaṃ-vi~॒dvān-thsomḙna॒ yaja̭te | ya ṷcainame॒vaṃ-ve~da̭ || 62 ||

(a॒bha॒va॒n - vāva sā de॒vākṣa̭rā bṛha॒ - tya̭dadhā॒-d- dvāda̭śā॒kṣarā᳚ṇyapa॒cchidyā̭dadhā - dā॒sthāya॒ ṣaṭca̭) (a. 12)

(a॒gneḥ kṛtti̭kā॒ - ya-tpuṇyaṃ̭ - de॒vasya̭ savi॒tu--r bra̭hmavā॒dinaḥ॒ ka - tyṛ॒tame॒va - de॒vā vā - āyṷṣaḥ prā॒ṇa - mindro̭ dadhī॒co -dḙvāsu॒rā-ssa pra॒jāpa̭tiḥ॒ - sa sa̭mu॒dro - ye vai ca॒tvāra॒ - stasyāvā̭co॒ dvāda̭śa)

(a॒gneḥ kṛtti̭kā - devagṛ॒hā - ṛ॒tame॒va - vai᳚śvade॒vena॒ - te tada̭nta॒ - ta-mpa̭ñcada॒śena॒ - te bṛ̭ha॒tī e॒va dviṣa̭ṣṭiḥ)

(a॒gneḥ kṛtti̭kā॒ - ya u ̭cainame॒vaṃ-ve~da̭)

|| hariḥ̭ om ||

|| kṛṣṇa yajurvedīya taittirīya brāhmaṇe prathamāṣṭake pañcamaḥ prapāṭhaka-ssamāptaḥ |