Garbharakshambika Stotram

ॐ

গর্ভরক্ষাম্বিকা স্তোত্রম্

Devi Stotram Bengali

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

বাপীতটে বামভাগে

বামদেবস্য দেবস্য দেবি স্থিতা ত্বম্ ।

মান্যা বরেণ্যা বদান্যা

পাহি গর্ভস্থজন্তূন্ তথা ভক্তলোকান্ ॥ 1 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

শ্রীগর্ভরক্ষাপুরে যা

দিব্যসৌন্দর্যযুক্তা সুমাঙ্গল্যগাত্রী ।

ধাত্রী জনিত্রী জনানাং

দিব্যরূপাং দযার্দ্রাং মনোজ্ঞাং ভজে ত্বাম্ ॥ 2 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

আষাঢমাসে সুপুণ্যে

শুক্রবারে সুগন্ধেন গন্ধেন লিপ্তা ।

দিব্যাম্বরাকল্পবেষা

বাজপেযাদিযাগস্থভক্তৈঃ সুদৃষ্টা ॥ 3 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

কল্যাণদাত্রীং নমস্যে

বেদিকাঢ্যস্ত্রিযা গর্ভরক্ষাকরীং ত্বাম্ ।

বালৈস্সদা সেবিতাঙ্ঘ্রিং

গর্ভরক্ষার্থমারাদুপেতৈরুপেতাম্ ॥ 4 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

ব্রহ্মোত্সবে বিপ্রবীথ্যাং

বাদ্যঘোষেণ তুষ্টাং রথে সন্নিবিষ্টাম্ ।

সর্বার্থদাত্রীং ভজেঽহং

দেববৃন্দৈরপীড্যাং জগন্মাতরং ত্বাম্ ॥ 5 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

এতত্ কৃতং স্তোত্ররত্নং

দীক্ষিতানন্তরামেণ দেব্যাশ্চ তুষ্ট্যৈ ।

নিত্যং পঠেদ্যস্তু ভক্ত্যা

পুত্রপৌত্রাদি ভাগ্যং ভবেত্তস্য নিত্যম্ ॥ 6 ॥

শ্রীমাধবী কাননস্থে গর্ভরক্ষাম্বিকে পাহি ভক্তাং স্তুবন্তীম্ ॥

ইতি শ্রীঅনন্তরামদীক্ষিতবর্য বিরচিতং গর্ভরক্ষাম্বিকা স্তোত্রম্ ॥

Roman (IAST) Transliteration