📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
গণেশ কবচম্
Ganesha Kavacham
Ganesha Kavacham Bengali
এষোতি চপলো দৈত্যান্ বাল্যেপি নাশযত্যহো ।
অগ্রে কিং কর্ম কর্তেতি ন জানে মুনিসত্তম ॥ 1 ॥
দৈত্যা নানাবিধা দুষ্টাস্সাধু দেবদ্রুমঃ খলাঃ ।
অতোস্য কণ্ঠে কিঞ্চিত্ত্যং রক্ষাং সম্বদ্ধুমর্হসি ॥ 2 ॥
ধ্যাযেত্ সিংহগতং বিনাযকমমুং দিগ্বাহু মাদ্যে যুগে
ত্রেতাযাং তু মযূর বাহনমমুং ষড্বাহুকং সিদ্ধিদম্ । ঈ
দ্বাপরেতু গজাননং যুগভুজং রক্তাঙ্গরাগং বিভুং তুর্যে
তু দ্বিভুজং সিতাঙ্গরুচিরং সর্বার্থদং সর্বদা ॥ 3 ॥
বিনাযক শ্শিখাম্পাতু পরমাত্মা পরাত্পরঃ ।
অতিসুন্দর কাযস্তু মস্তকং সুমহোত্কটঃ ॥ 4 ॥
ললাটং কশ্যপঃ পাতু ভ্রূযুগং তু মহোদরঃ ।
নযনে বালচন্দ্রস্তু গজাস্যস্ত্যোষ্ঠ পল্লবৌ ॥ 5 ॥
জিহ্বাং পাতু গজক্রীডশ্চুবুকং গিরিজাসুতঃ ।
বাচং বিনাযকঃ পাতু দন্তান্​ রক্ষতু দুর্মুখঃ ॥ 6 ॥
শ্রবণৌ পাশপাণিস্তু নাসিকাং চিন্তিতার্থদঃ ।
গণেশস্তু মুখং পাতু কণ্ঠং পাতু গণাধিপঃ ॥ 7 ॥
স্কন্ধৌ পাতু গজস্কন্ধঃ স্তনে বিঘ্নবিনাশনঃ ।
হৃদযং গণনাথস্তু হেরম্বো জঠরং মহান্ ॥ 8 ॥
ধরাধরঃ পাতু পার্শ্বৌ পৃষ্ঠং বিঘ্নহরশ্শুভঃ ।
লিঙ্গং গুহ্যং সদা পাতু বক্রতুণ্ডো মহাবলঃ ॥ 9 ॥
গজক্রীডো জানু জঙ্ঘো ঊরূ মঙ্গলকীর্তিমান্ ।
একদন্তো মহাবুদ্ধিঃ পাদৌ গুল্ফৌ সদাবতু ॥ 10 ॥
ক্ষিপ্র প্রসাদনো বাহু পাণী আশাপ্রপূরকঃ ।
অঙ্গুলীশ্চ নখান্ পাতু পদ্মহস্তো রিনাশনঃ ॥ 11 ॥
সর্বাঙ্গানি মযূরেশো বিশ্বব্যাপী সদাবতু ।
অনুক্তমপি যত্ স্থানং ধূমকেতুঃ সদাবতু ॥ 12 ॥
আমোদস্ত্বগ্রতঃ পাতু প্রমোদঃ পৃষ্ঠতোবতু ।
প্রাচ্যাং রক্ষতু বুদ্ধীশ আগ্নেয্যাং সিদ্ধিদাযকঃ ॥ 13 ॥
দক্ষিণস্যামুমাপুত্রো নৈঋত্যাং তু গণেশ্বরঃ ।
প্রতীচ্যাং বিঘ্নহর্তা ব্যাদ্বাযব্যাং গজকর্ণকঃ ॥ 14 ॥
কৌবের্যাং নিধিপঃ পাযাদীশান্যাবিশনন্দনঃ ।
দিবাব্যাদেকদন্ত স্তু রাত্রৌ সন্ধ্যাসু যঃবিঘ্নহৃত্ ॥ 15 ॥
রাক্ষসাসুর বেতাল গ্রহ ভূত পিশাচতঃ ।
পাশাঙ্কুশধরঃ পাতু রজস্সত্ত্বতমস্স্মৃতীঃ ॥ 16 ॥
জ্ঞানং ধর্মং চ লক্ষ্মী চ লজ্জাং কীর্তিং তথা কুলম্ । ঈ
বপুর্ধনং চ ধান্যং চ গৃহং দারাস্সুতান্সখীন্ ॥ 17 ॥
সর্বাযুধ ধরঃ পৌত্রান্ মযূরেশো বতাত্ সদা ।
কপিলো জানুকং পাতু গজাশ্বান্ বিকটোবতু ॥ 18 ॥
ভূর্জপত্রে লিখিত্বেদং যঃ কণ্ঠে ধারযেত্ সুধীঃ ।
ন ভযং জাযতে তস্য যক্ষ রক্ষঃ পিশাচতঃ ॥ 19 ॥
ত্রিসন্ধ্যং জপতে যস্তু বজ্রসার তনুর্ভবেত্ ।
যাত্রাকালে পঠেদ্যস্তু নির্বিঘ্নেন ফলং লভেত্ ॥ 20 ॥
যুদ্ধকালে পঠেদ্যস্তু বিজযং চাপ্নুযাদ্ধ্রুবম্ ।
মারণোচ্চাটনাকর্ষ স্তম্ভ মোহন কর্মণি ॥ 21 ॥
সপ্তবারং জপেদেতদ্দনানামেকবিংশতিঃ ।
তত্তত্ফলমবাপ্নোতি সাধকো নাত্র সংশযঃ ॥ 22 ॥
একবিংশতিবারং চ পঠেত্তাবদ্দিনানি যঃ ।
কারাগৃহগতং সদ্যো রাজ্ঞাবধ্যং চ মোচযোত্ ॥ 23 ॥
রাজদর্শন বেলাযাং পঠেদেতত্ ত্রিবারতঃ ।
স রাজানং বশং নীত্বা প্রকৃতীশ্চ সভাং জযেত্ ॥ 24 ॥
ইদং গণেশকবচং কশ্যপেন সবিরিতম্ ।
মুদ্গলায চ তে নাথ মাণ্ডব্যায মহর্ষযে ॥ 25 ॥
মহ্যং স প্রাহ কৃপযা কবচং সর্ব সিদ্ধিদম্ ।
ন দেযং ভক্তিহীনায দেযং শ্রদ্ধাবতে শুভম্ ॥ 26 ॥
অনেনাস্য কৃতা রক্ষা ন বাধাস্য ভবেত্ ব্যাচিত্ ।
রাক্ষসাসুর বেতাল দৈত্য দানব সম্ভবাঃ ॥ 27 ॥
॥ ইতি শ্রী গণেশপুরাণে শ্রী গণেশ কবচং সম্পূর্ণম্ ॥
Roman (IAST) Transliteration
eṣoti capalo daityān bālyepi nāśayatyaho |
agre kiṃ karma karteti na jāne munisattama || 1 ||
daityā nānāvidhā duṣṭāssādhu devadrumaḥ khalāḥ |
atosya kaṇṭhe kiñcittyaṃ rakṣāṃ sambaddhumarhasi || 2 ||
dhyāyet siṃhagataṃ vināyakamamuṃ digbāhu mādye yuge
tretāyāṃ tu mayūra vāhanamamuṃ ṣaḍbāhukaṃ siddhidam | ī
dvāparetu gajānanaṃ yugabhujaṃ raktāṅgarāgaṃ vibhuṃ turye
tu dvibhujaṃ sitāṅgaruciraṃ sarvārthadaṃ sarvadā || 3 ||
vināyaka śśikhāmpātu paramātmā parātparaḥ |
atisundara kāyastu mastakaṃ sumahotkaṭaḥ || 4 ||
lalāṭaṃ kaśyapaḥ pātu bhrūyugaṃ tu mahodaraḥ |
nayane bālacandrastu gajāsyastyoṣṭha pallavau || 5 ||
jihvāṃ pātu gajakrīḍaścubukaṃ girijāsutaḥ |
vācaṃ vināyakaḥ pātu dantān​ rakṣatu durmukhaḥ || 6 ||
śravaṇau pāśapāṇistu nāsikāṃ cintitārthadaḥ |
gaṇeśastu mukhaṃ pātu kaṇṭhaṃ pātu gaṇādhipaḥ || 7 ||
skandhau pātu gajaskandhaḥ stane vighnavināśanaḥ |
hṛdayaṃ gaṇanāthastu herambo jaṭharaṃ mahān || 8 ||
dharādharaḥ pātu pārśvau pṛṣṭhaṃ vighnaharaśśubhaḥ |
liṅgaṃ guhyaṃ sadā pātu vakratuṇḍo mahābalaḥ || 9 ||
gajakrīḍo jānu jaṅgho ūrū maṅgalakīrtimān |
ekadanto mahābuddhiḥ pādau gulphau sadāvatu || 10 ||
kṣipra prasādano bāhu pāṇī āśāprapūrakaḥ |
aṅgulīśca nakhān pātu padmahasto rināśanaḥ || 11 ||
sarvāṅgāni mayūreśo viśvavyāpī sadāvatu |
anuktamapi yat sthānaṃ dhūmaketuḥ sadāvatu || 12 ||
āmodastvagrataḥ pātu pramodaḥ pṛṣṭhatovatu |
prācyāṃ rakṣatu buddhīśa āgneyyāṃ siddhidāyakaḥ || 13 ||
dakṣiṇasyāmumāputro naiṛtyāṃ tu gaṇeśvaraḥ |
pratīcyāṃ vighnahartā vyādvāyavyāṃ gajakarṇakaḥ || 14 ||
kauberyāṃ nidhipaḥ pāyādīśānyāviśanandanaḥ |
divāvyādekadanta stu rātrau sandhyāsu yaḥvighnahṛt || 15 ||
rākṣasāsura betāla graha bhūta piśācataḥ |
pāśāṅkuśadharaḥ pātu rajassattvatamassmṛtīḥ || 16 ||
jñānaṃ dharmaṃ ca lakṣmī ca lajjāṃ kīrtiṃ tathā kulam | ī
vapurdhanaṃ ca dhānyaṃ ca gṛhaṃ dārāssutānsakhīn || 17 ||
sarvāyudha dharaḥ pautrān mayūreśo vatāt sadā |
kapilo jānukaṃ pātu gajāśvān vikaṭovatu || 18 ||
bhūrjapatre likhitvedaṃ yaḥ kaṇṭhe dhārayet sudhīḥ |
na bhayaṃ jāyate tasya yakṣa rakṣaḥ piśācataḥ || 19 ||
trisandhyaṃ japate yastu vajrasāra tanurbhavet |
yātrākāle paṭhedyastu nirvighnena phalaṃ labhet || 20 ||
yuddhakāle paṭhedyastu vijayaṃ cāpnuyāddhruvam |
māraṇoccāṭanākarṣa stambha mohana karmaṇi || 21 ||
saptavāraṃ japedetaddanānāmekaviṃśatiḥ |
tattatphalamavāpnoti sādhako nātra saṃśayaḥ || 22 ||
ekaviṃśativāraṃ ca paṭhettāvaddināni yaḥ |
kārāgṛhagataṃ sadyo rājñāvadhyaṃ ca mocayot || 23 ||
rājadarśana velāyāṃ paṭhedetat trivārataḥ |
sa rājānaṃ vaśaṃ nītvā prakṛtīśca sabhāṃ jayet || 24 ||
idaṃ gaṇeśakavacaṃ kaśyapena saviritam |
mudgalāya ca te nātha māṇḍavyāya maharṣaye || 25 ||
mahyaṃ sa prāha kṛpayā kavacaṃ sarva siddhidam |
na deyaṃ bhaktihīnāya deyaṃ śraddhāvate śubham || 26 ||
anenāsya kṛtā rakṣā na bādhāsya bhavet vyācit |
rākṣasāsura betāla daitya dānava sambhavāḥ || 27 ||
|| iti śrī gaṇeśapurāṇe śrī gaṇeśa kavacaṃ sampūrṇam ||
InfoLyter.in — Sacred Vedic Knowledge Portal · Free forever