📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
গণেশ অষ্টকম্
Ganesha Ashtakam
Ganesha Ashtakam Bengali
সর্বে উচুঃ ।
যতোঽনন্তশক্তেরনন্তাশ্চ জীবা
যতো নির্গুণাদপ্রমেযা গুণাস্তে ।
যতো ভাতি সর্বং ত্রিধা ভেদভিন্নং
সদা তং গণেশং নমামো ভজামঃ ॥ 1 ॥
যতশ্চাবিরাসীজ্জগত্সর্বমেত-
-ত্তথাব্জাসনো বিশ্বগো বিশ্বগোপ্তা ।
তথেন্দ্রাদযো দেবসঙ্ঘা মনুষ্যাঃ
সদা তং গণেশং নমামো ভজামঃ ॥ 2 ॥
যতো বহ্নিভানূ ভবো ভূর্জলং চ
যতঃ সাগরাশ্চন্দ্রমা ব্যোম বাযুঃ ।
যতঃ স্থাবরা জঙ্গমা বৃক্ষসঙ্ঘাঃ
সদা তং গণেশং নমামো ভজামঃ ॥ 3 ॥
যতো দানবাঃ কিন্নরা যক্ষসঙ্ঘা
যতশ্চারণা বারণাঃ শ্বাপদাশ্চ ।
যতঃ পক্ষিকীটা যতো বীরুধশ্চ
সদা তং গণেশং নমামো ভজামঃ ॥ 4 ॥
যতো বুদ্ধিরজ্ঞাননাশো মুমুক্ষো-
-র্যতঃ সম্পদো ভক্তসন্তোষদাঃ স্যুঃ ।
যতো বিঘ্ননাশো যতঃ কার্যসিদ্ধিঃ
সদা তং গণেশং নমামো ভজামঃ ॥ 5 ॥
যতঃ পুত্রসম্পদ্যতো বাঞ্ছিতার্থো
যতোঽভক্তবিঘ্নাস্তথাঽনেকরূপাঃ ।
যতঃ শোকমোহৌ যতঃ কাম এব
সদা তং গণেশং নমামো ভজামঃ ॥ 6 ॥
যতোঽনন্তশক্তিঃ স শেষো বভূব
ধরাধারণেঽনেকরূপে চ শক্তঃ ।
যতোঽনেকধা স্বর্গলোকা হি নানা
সদা তং গণেশং নমামো ভজামঃ ॥ 7 ॥
যতো বেদবাচো বিকুণ্ঠা মনোভিঃ
সদা নেতি নেতীতি যত্তা গৃণন্তি ।
পরব্রহ্মরূপং চিদানন্দভূতং
সদা তং গণেশং নমামো ভজামঃ ॥ 8 ॥
শ্রীগণেশ উবাচ ।
পুনরূচে গণাধীশঃ স্তোত্রমেতত্পঠেন্নরঃ ।
ত্রিসন্ধ্যং ত্রিদিনং তস্য সর্বকার্যং ভবিষ্যতি ॥ 9 ॥
যো জপেদষ্টদিবসং শ্লোকাষ্টকমিদং শুভম্ ।
অষ্টবারং চতুর্থ্যাং তু সোঽষ্টসিদ্ধীরবাপ্নুযাত্ ॥ 10 ॥
যঃ পঠেন্মাসমাত্রং তু দশবারং দিনে দিনে ।
স মোচযেদ্বন্ধগতং রাজবধ্যং ন সংশযঃ ॥ 11 ॥
বিদ্যাকামো লভেদ্বিদ্যাং পুত্রার্থী পুত্রমাপ্নুযাত্ ।
বাঞ্ছিতাঁল্লভতে সর্বানেকবিংশতিবারতঃ ॥ 12 ॥
যো জপেত্পরযা ভক্ত্যা গজাননপরো নরঃ ।
এবমুক্ত্বা ততো দেবশ্চান্তর্ধানং গতঃ প্রভুঃ ॥ 13 ॥
ইতি শ্রীগণেশপুরাণে উপাসনাখণ্ডে শ্রীগণেশাষ্টকম্ ।
Roman (IAST) Transliteration
sarve ucuḥ |
yato'nantaśakteranantāśca jīvā
yato nirguṇādaprameyā guṇāste |
yato bhāti sarvaṃ tridhā bhedabhinnaṃ
sadā taṃ gaṇeśaṃ namāmo bhajāmaḥ || 1 ||
yataścāvirāsījjagatsarvameta-
-ttathābjāsano viśvago viśvagoptā |
tathendrādayo devasaṅghā manuṣyāḥ
sadā taṃ gaṇeśaṃ namāmo bhajāmaḥ || 2 ||
yato vahnibhānū bhavo bhūrjalaṃ ca
yataḥ sāgarāścandramā vyoma vāyuḥ |
yataḥ sthāvarā jaṅgamā vṛkṣasaṅghāḥ
sadā taṃ gaṇeśaṃ namāmo bhajāmaḥ || 3 ||
yato dānavāḥ kinnarā yakṣasaṅghā
yataścāraṇā vāraṇāḥ śvāpadāśca |
yataḥ pakṣikīṭā yato vīrudhaśca
sadā taṃ gaṇeśaṃ namāmo bhajāmaḥ || 4 ||
yato buddhirajñānanāśo mumukṣo-
-ryataḥ sampado bhaktasantoṣadāḥ syuḥ |
yato vighnanāśo yataḥ kāryasiddhiḥ
sadā taṃ gaṇeśaṃ namāmo bhajāmaḥ || 5 ||
yataḥ putrasampadyato vāñchitārtho
yato'bhaktavighnāstathā'nekarūpāḥ |
yataḥ śokamohau yataḥ kāma eva
sadā taṃ gaṇeśaṃ namāmo bhajāmaḥ || 6 ||
yato'nantaśaktiḥ sa śeṣo babhūva
dharādhāraṇe'nekarūpe ca śaktaḥ |
yato'nekadhā svargalokā hi nānā
sadā taṃ gaṇeśaṃ namāmo bhajāmaḥ || 7 ||
yato vedavāco vikuṇṭhā manobhiḥ
sadā neti netīti yattā gṛṇanti |
parabrahmarūpaṃ cidānandabhūtaṃ
sadā taṃ gaṇeśaṃ namāmo bhajāmaḥ || 8 ||
śrīgaṇeśa uvāca |
punarūce gaṇādhīśaḥ stotrametatpaṭhennaraḥ |
trisandhyaṃ tridinaṃ tasya sarvakāryaṃ bhaviṣyati || 9 ||
yo japedaṣṭadivasaṃ ślokāṣṭakamidaṃ śubham |
aṣṭavāraṃ caturthyāṃ tu so'ṣṭasiddhīravāpnuyāt || 10 ||
yaḥ paṭhenmāsamātraṃ tu daśavāraṃ dine dine |
sa mocayedbandhagataṃ rājavadhyaṃ na saṃśayaḥ || 11 ||
vidyākāmo labhedvidyāṃ putrārthī putramāpnuyāt |
vāñchitā~llabhate sarvānekaviṃśativārataḥ || 12 ||
yo japetparayā bhaktyā gajānanaparo naraḥ |
evamuktvā tato devaścāntardhānaṃ gataḥ prabhuḥ || 13 ||
iti śrīgaṇeśapurāṇe upāsanākhaṇḍe śrīgaṇeśāṣṭakam |
InfoLyter.in — Sacred Vedic Knowledge Portal · Free forever