Dvadasha Jyotirlinga Stotram

ॐ

দ্বাদশ জ্যোতির্লিঙ্গ স্তোত্রম্

Shiva Stotram Bengali

সৌরাষ্ট্রদেশে বিশদেঽতিরম্যে জ্যোতির্মযং চন্দ্রকলাবতংসম্ ।

ভক্তিপ্রদানায কৃপাবতীর্ণং তং সোমনাথং শরণং প্রপদ্যে ॥ 1॥

শ্রীশৈলশ‍ঋঙ্গে বিবুধাতিসঙ্গে তুলাদ্রিতুঙ্গেঽপি মুদা বসন্তম্ ।

তমর্জুনং মল্লিকপূর্বমেকং নমামি সংসারসমুদ্রসেতুম্ ॥ 2॥

অবন্তিকাযাং বিহিতাবতারং মুক্তিপ্রদানায চ সজ্জনানাম্ ।

অকালমৃত্যোঃ পরিরক্ষণার্থং বন্দে মহাকালমহাসুরেশম্ ॥ 3॥

কাবেরিকানর্মদযোঃ পবিত্রে সমাগমে সজ্জনতারণায ।

সদৈবমান্ধাতৃপুরে বসন্তমোঙ্কারমীশং শিবমেকমীডে ॥ 4॥

পূর্বোত্তরে প্রজ্বলিকানিধানে সদা বসন্তং গিরিজাসমেতম্ ।

সুরাসুরারাধিতপাদপদ্মং শ্রীবৈদ্যনাথং তমহং নমামি ॥ 5॥

যাম্যে সদঙ্গে নগরেঽতিরম্যে বিভূষিতাঙ্গং বিবিধৈশ্চ ভোগৈঃ ।

সদ্ভক্তিমুক্তিপ্রদমীশমেকং শ্রীনাগনাথং শরণং প্রপদ্যে ॥ 6॥

মহাদ্রিপার্শ্বে চ তটে রমন্তং সম্পূজ্যমানং সততং মুনীন্দ্রৈঃ ।

সুরাসুরৈর্যক্ষ মহোরগাঢ্যৈঃ কেদারমীশং শিবমেকমীডে ॥ 7॥

সহ্যাদ্রিশীর্ষে বিমলে বসন্তং গোদাবরিতীরপবিত্রদেশে ।

যদ্ধর্শনাত্পাতকমাশু নাশং প্রযাতি তং ত্র্যম্বকমীশমীডে ॥ 8॥

সুতাম্রপর্ণীজলরাশিযোগে নিবধ্য সেতুং বিশিখৈরসঙ্খ্যৈঃ ।

শ্রীরামচন্দ্রেণ সমর্পিতং তং রামেশ্বরাখ্যং নিযতং নমামি ॥ 9॥

যং ডাকিনিশাকিনিকাসমাজে নিষেব্যমাণং পিশিতাশনৈশ্চ ।

সদৈব ভীমাদিপদপ্রসিদ্দং তং শঙ্করং ভক্তহিতং নমামি ॥ 10॥

সানন্দমানন্দবনে বসন্তমানন্দকন্দং হতপাপবৃন্দম্ ।

বারাণসীনাথমনাথনাথং শ্রীবিশ্বনাথং শরণং প্রপদ্যে ॥ 11॥

ইলাপুরে রম্যবিশালকেঽস্মিন্ সমুল্লসন্তং চ জগদ্বরেণ্যম্ ।

বন্দে মহোদারতরস্বভাবং ঘৃষ্ণেশ্বরাখ্যং শরণং প্রপদ্যে ॥ 12॥

জ্যোতির্মযদ্বাদশলিঙ্গকানাং শিবাত্মনাং প্রোক্তমিদং ক্রমেণ ।

স্তোত্রং পঠিত্বা মনুজোঽতিভক্ত্যা ফলং তদালোক্য নিজং ভজেচ্চ ॥

॥ ইতি শ্রীমদ্শঙ্করাচার্যবিরচিতং

দ্বাদশজ্যোতির্লিঙ্গস্তোত্রং সম্পূর্ণম্ ॥

Roman (IAST) Transliteration

saurāṣṭradeśe viśade'tiramye jyotirmayaṃ candrakalāvataṃsam |

bhaktipradānāya kṛpāvatīrṇaṃ taṃ somanāthaṃ śaraṇaṃ prapadye || 1||

śrīśailaśa‍ṛṅge vibudhātisaṅge tulādrituṅge'pi mudā vasantam |

tamarjunaṃ mallikapūrvamekaṃ namāmi saṃsārasamudrasetum || 2||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3||

kāverikānarmadayoḥ pavitre samāgame sajjanatāraṇāya |

sadaivamāndhātṛpure vasantamoṅkāramīśaṃ śivamekamīḍe || 4||

pūrvottare prajvalikānidhāne sadā vasantaṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 6||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 7||

sahyādriśīrṣe vimale vasantaṃ godāvaritīrapavitradeśe |

yaddharśanātpātakamāśu nāśaṃ prayāti taṃ tryambakamīśamīḍe || 8||

sutāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 9||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddaṃ taṃ śaṅkaraṃ bhaktahitaṃ namāmi || 10||

sānandamānandavane vasantamānandakandaṃ hatapāpavṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 11||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||

|| iti śrīmadśaṅkarācāryaviracitaṃ

dvādaśajyotirliṅgastotraṃ sampūrṇam ||